ပြိုင်ဘက်မရှိရင် ထိခိုက်မှုလည်း မရှိ

ရှင်းအာလေး အပါအဝင် လူအများအပြား လိုက်ပါလာခဲ့သည်။

လုရွှမ် နူးညံ့စွာ ပြုံးပြီး သူမကို မတားခဲ့ပေ။ သူမသည်လည်း ကမ္ဘာ့နံပါတ်တစ် လက်နက်သန့်စင်ရေး အလုပ်ရုံက ဖြစ်ကာ အသံမထွက်ဘဲ တခြားသူတွေကို မထိခိုက်စေပါက လုရွှမ် သူတို့ကို စောင့်ကြည့်ခွင့်ပေးမှာပဲ ဖြစ်သည်။

၎င်းတို့အနက်မှ ပါရမီရှင်တချို့ သို့မဟုတ် အနည်းဆုံး လက်နက်သန့်စင်ရေးတွင် အရည်အချင်းရှိသူ တချို့ကို ရှာတွေ့နိုင်လျှင် စုဆောင်းပြီး မျိုးဆက်သစ်များ အဖြစ် ပြုစုပျိုးထောင်နိုင်သည်။

ယနေ့ ကမ္ဘာ့နံပါတ် ၁ အလုပ်ရုံရှိ ပစ္စည်းများအားလုံးကို ချောင်လုသည် ဆန်းကြယ်ကောင်းကင်ဂိုဏ်းမှ ပို့ဆောင်ပေးခဲ့ပြီး အားလုံးကို စျေးနှုန်းသက်သာစွာဖြင့် ရောင်းချပေး​နေပါသည်။ လုရွှမ် ပေးခဲ့သော ကျောက်စိမ်းပြားထဲမှ အချက်အလက်တွေသည် ဂိုဏ်းအတွက် များစွာ အထောက်အကူ ဖြစ်စေသော ဝတ္ထုပစ္စည်းများ အများအပြားကို မှတ်တမ်းတင်ခဲ့တာတွေပဲ ​ဖြစ်ပေ၏။

ထိုကျောက်စိမ်း​ပြားကို မှီခိုအားထား၍ ဆန်းကြယ်ကောင်းကင် ဂိုဏ်း၏ ဖွံ့ဖြိုးတိုးတက်မှုသည် လက်နက်သန့်စင်ခြင်းထက် များစွာ အားကောင်းလာမည်ဟု ဆိုနိုင်သည်။

လုရွှမ်၏ ပညာသင်ကြားမှုကို သိရှိပြီးနောက် ဆန်းကြယ်ကောင်းကင် ဂိုဏ်းသည် သဘာဝအတိုင်း ကောင်းမွန်သော ဆက်ဆံရေးတစ်ခုကို တည်ဆောက်လိုခဲ့သည်။ နောင်တွင် မည်သည့်ပစ္စည်းအသစ်ကိုမဆို ရှာဖွေတွေ့ရှိပါက လုရွှမ်အား ဤကြင်နာမှုအတွက် သဘာဝအတိုင်း ပြသပေးမှာ ဖြစ်သည်။

မော့ရှဲသည် ပစ္စည်းများကို ရွေးချယ်ရန် ကျန်ရစ်ခဲ့ပြီး ရွေးချယ်ရာတွင်လည်း သူမရဲ့ လက်နက်သန့်စင်မှု အဆင့်ကို ပြသခဲ့သည်။ သန့်စင်သော လက်နက်များသည် ဆေးသန့်စင်ခြင်းနှင့် တူ​ပေသည်။

တခြားပစ္စည်းများ၏ ဂုဏ်သတ္တိများကို မြှင့်တင်ရန် ဘယ်ပစ္စည်းကို သုံးနိုင်သလဲ သို့မဟုတ် ဘယ်ပစ္စည်းတွေက တစ်ခုနဲ့တစ်ခု အံဝင်ခွင်ကျ ဖြစ်စေနိုင်သလဲ ဆိုတာကို သိထားဖို့ လိုအပ်သည်။

ဤအရာမှတစ်ဆင့် သန့်စင်သူ၏ ပစ္စည်းများအပေါ် ထိန်းချုပ်မှုကို စမ်းသပ်နိုင်သည်။ ထိုသူသည် ရွေးချယ်မှုတစ်ခု ရရှိလာသောအခါ သူနှင့် အရင်းနှီးဆုံးအရာကို သဘာဝကျကျ ရွေးချယ်လိမ့်မည်။ တူညီသော ပစ္စည်းများသည် မတူညီသော လက်များထဲ ရောက်သွားလျှင် မတူညီသော အကျိုးသက်ရောက်မှုများကို ထုတ်ပေးနိုင်သည်။

၎င်းသည် သန့်စင်သူ၏ ကျွမ်းကျင်မှု တစ်ခုလည်း ဟုတ်ပါသည်။ လက်နက်ကို သန့်စင်ရာတွင် အရေးကြီးသော အရာနှင့် သာမညအရာ အကြား ခြားနားချက် ရှိသည်။ အသေးစိတ် အချက်များစွာမှာ သက်ရောက်မှု အနည်းငယ်သာ ရှိသည်။ သို့သော် လက်နက် သန့်စင်သည့် ပညာရှင်သည် တခြားကဏ္ဍများ ထက် ဤအရာများအပေါ် အာရုံစိုက်မှု နည်းပါး သည်။

လုရွှမ်သည် မော့ရှဲ ပစ္စည်းများ ရွေးချယ်တာကို ကြည့်ပြီးနောက် သူမနှင့်တူသော ပစ္စည်းများကို ရွေးချယ်ခဲ့သည်။

လက်ဖဝါးတွေက ပစ္စည်းတွေကို ထိတွေ့လိုက်တဲ့အခါ ငြိမ်သက်တဲ့ ရောင်ဝါတွေ ထွက်ပေါ်လာသည်။ ၎င်းက အရင်သူမရဲ့ နတ်သမီး​ရောင်ဝါနဲ့ လုံးဝမတူဘဲ ခန္ဓာကိုယ်ကနေ ကွဲပြားတဲ့ ရောင်ဝါတစ်ခု ထွက်လာသလိုပင်။

စိတ်အားထက်သန်မှုနှင့် လေးနက်မှု လှိုင်းလုံးများသည် မော့ရှဲရဲ့ ခန္ဓာကိုယ်ကို ပြည့်လျှံစေပြီး သူမ၏ မျက်လုံးများမှ တစ်ဆင့် ​ပြက်သား​ခြင်းနှင့် ယုံကြည်မှုအပြည့် ရှိခြင်းတို့ကို တွေ့မြင်နိုင်သည်။

ဟုန်ရှန်ယင်းနဲ့ ချောင်လုတို့ တစ်ယောက်ကို တစ်ယောက် ကြည့်ကာ ပြုံးလိုက်ကြသည်။ ဤခံစားချက်ကို သူမတို့လည်း အရင်က ခံစားဖူးသည်လေ။ လက်နက်များကို သန့်စင်ခြင်းကို အမှန်တကယ် နှစ်သက်သူများသာ ထိုကဲ့သို့ ဩဇာမျိုး ရှိလိမ့်မည်။

ဟုန်ရှန်ယင်းနဲ့ ချောင်လု၊ မော့ရှဲတို့မှာ ရှိတဲ့ ခံစားချက်တွေက လုရွှမ်မှာ မရှိပေ။ နည်းနည်းလေးတောင် မရှိ​။ ဒါကြောင့် လုရွှမ်မှာ ရှက်ရွံ့စွာနဲ့ နှာခေါင်းကိုသာ ပွတ်မိလေသည်။

မော့ရှဲသည် လက်နက်ကို စတင် သန့်စင်ခဲ့ပြီး ရွေးချယ်ထားသော ပစ္စည်းများ၏ ဂုဏ်သတ္တိများကို ကောင်းစွာ သိရှိထားခဲ့သည်။ သူအ၏ လှုပ်ရှားမှုများသည် အလွန်ကျွမ်းကျင်ပြီး လက်ဝှေ့ယမ်းမှုနှင့်အတူ မီးလုံးကြီးတစ်ခု ခုန်တက်လာသည်။ ၎င်းသည် သာမန်မီးတောက်တစ်ခုမဟုတ်သော်လည်း တန်ခိုးကြီးမားသော မြေကြီးမီးအုပ်စုတစ်ခု ဖြစ်သွားသည်။

ဒါဟာ ထူးဆန်းတဲ့မီးနဲ့ ယှဉ်လို့မရပေမယ့် ချီရဲ့ အဂ္ဂိရတ်ဆေးမီးနဲ့ ယှဉ်ရင်တော့ ပိုပြင်းထန်ပါသည်။

မော့ရှဲ၏လက်ထဲတွင် အချိန်တိုလေးအတွင်း ပစ္စည်းအားလုံး အရည်အဖြစ်သို့ ပြောင်းလဲသွားသည်။ ဝိညာဉ်စွမ်းအား အောက်တွင် သူမသည် အရည်များကို အဆက်မပြတ် ရောစပ်ကာ ၎င်းတို့ကို လုံးလုံးပေါင်းစပ်ရန် ကြိုးစားသည်။

လုရွှမ် အနည်းငယ် ခေါင်းညိတ်ပြလိုက်သည်။ နည်းလမ်းကောင်းပြီး အကြံအစည်ကောင်းသော်လည်း သူ၏ ဝိညာဉ်စွမ်းအားမှာ အနည်းငယ် ချို့တဲ့နေသည်။ သာမာန်လက်နက် သန့်စင်မှုများနှင့် နှိုင်းယှဉ်၍ မရသော်ငြား သူမသည် ဤအရည်များကို ပြီးပြည့်စုံစွာ ပေါင်းစပ်လိုပါက သူမ၏ စိတ်ဝိညာဉ် စွမ်းအားမှာ အနည်းငယ် မလုံလောက်ချေ။

သန့်စင်တွင် ပစ္စည်းများသည် ပြီးပြည့်စုံသော စိတ်ဝိညာဥ် စွမ်းအား ထိတွေ့မှု မရရှိပါက ၎င်းတို့သည် သဘာဝအတိုင်း ပြီးပြည့်စုံစွာ ပေါင်းစပ်နိုင်လိမ့်မည် မဟုတ်သောကြောင့် လက်နက်အဆင့်သည်လည်း မြင့်မားမည် မဟုတ်ပါ။

လက်နက်သန့်စင်သူ များစွာမှာလည်း ထိုပြဿနာမျိုး ရှိကြသည်။ သူတို့အမြင်အရ သူတို့၏ လှုပ်ရှားမှုများသည် အလွန်ကျွမ်းကျင်နေပြီ ဖြစ်ပြီး အချိန်နှင့် အပူကို ထိန်းချုပ်နိုင်မှုမှာ ပြီးပြည့်စုံလုနီးပါး ဖြစ်​နေ​ပြီ။ သို့သော်လည်း ၎င်းတို့မှာ ထင်ထားတာထက် အနည်းငယ် နောက်ကျ ကျန်နေသေးသည်။

သူတို့ကိုယ်တိုင်တောင်မှ ဒါကို မခံစားနိုင်ကြပေ။ အကြောင်းမှာ စိတ်စွမ်းအားရဲ့ ပြဿနာကြောင့် နောက်ဆုံးတော့ သူတို့မှာ သန့်စင်မှုအပေါ် ထိန်းချုပ်မှု မလုံလောက်တော့ချေ။

အရည်များ လုံးလုံး ရောနှောသွားသောအခါ သူမသည် ၎င်းတို့ကို ပေါင်းစည်းပြီး ဓားသန္ဓေသား အဖြစ် ဖန်တီးလိုက်သည်။ မျက်နှာပြင်သည် အလွန်ချောမွေ့ပြီး ကိုယ်ထည် တစ်ခုလုံးသည်ပင် ပြီးပြည့်စုံနေ​​ပြီ။ သို့ပေမယ့် ဓားသန္ဓေသား အတွင်း၌ မညီမညာသော နေရာများ ရှိနေသေးတာကို ခံစားနိုင်သည်။

ဤသက်ရောက်မှုသည် အလွန်ကြီးမားပုံ မပေါ်သော်လည်း ဖွဲ့စည်းမှုကို လောင်ကျွမ်းသွားသောအခါ အခင်းအကျင်း၏ ပြီးပြည့်စုံမှုနှင့် ချောမွေ့မှုကို များစွာထိခိုက်စေကာ အခင်းအကျင်းကို ပြီးပြည့်စုံသော ထိရောက်မှု မဖြစ်လာနိုင်ပေ။

မော့ရှဲရဲ့ ဝိညာဉ်စွမ်းအားက မလုံလောက်သေးပါဘူး။ သူမလည်း ဒါကိုတွေ့ရှိပြီးတဲ့ နောက်မှာတော့ အခင်းအကျင်း ဖွဲ့စည်းမှုကို ပြီးပြည့်စုံစွာ လည်ပတ်နေနိုင်အောင် ကြိုးစားလေသည်။ တကယ်တော့ ဒီအချိန်ကစပြီး သူမ သန့်စင်ထားတဲ့ လက်နက်တွေရဲ့ အဆင့်ကို လျှော့ချလိုက်ပါပြီ။

နောက်ဆက်တွဲ လုပ်ငန်းစဉ်က အတိအကျ အတူတူပါပဲ။ နည်းလမ်းနဲ့ အပူပိုင်းအရတော့ အလွန်တိကျနေပါပြီ။ သို့သော် စိတ်ဝိညာဉ်စွမ်းအား မရှိခြင်းကြောင့် သူမလက်နက်ကို ဆန်းကြယ်အဆင့် အထိ ပျံဝဲနိုင်စေခဲ့သည်။ သူမသည် ဧကရာဇ်လက်နက် အဆင့်သို့ ဖြတ်ကျော်လိုပါက သူမ၏ စိတ်ဝိညာဉ်စွမ်းအားကို အလွန် မြှင့်တင်ရလိမ့်မည်။

"တော်လိုက်တာ!"

ဟုန်ရှန်ယင်းနဲ့ ချောင်လုတို့က လက်ခုပ်တီးပြီး ထအော်လိုက်​ကြသည်။

သူတို့ရဲ့ အမြင်အရတော့ မော့ရှဲသည် တကယ်ပဲ လက်နက်သန့်စင်တဲ့ ကျွမ်းကျင်သူဖြစ်ပြီး သူ့အဆင့်က သူမတို့နှစ်ယောက်ထက် အများကြီး ပိုမြင့်ပါသည်။ အထူးသဖြင့် လက်နက်များ သန့်စင်ခြင်း လုပ်ငန်းစဉ်သည် လူတစ်ဦး၏ ခံစားချက်ကို စမ်းသပ်မှု တစ်ခုလည်း ဖြစ်သည်။

မော့ရှဲ တစ်ဝိုက်တွင် ရစ်ဝဲနေသော ခံစားချက်သည် ဟုန်ရှန်ယင်းနှင့် ချောင်လုတို့ကို မနာလို ဖြစ်စေသည်။ လုရွှမ်အားလည်း ထိုခံစားချက်ကို ခံစားရစေ၏။ ထိုအခိုက် မိုးကြိုးတစ်ချက် ပြုတ်ကျပြီး ဓားပုံသဏ္ဌာန် ဖြစ်သွားသည်။

အဆင့်၉ လျှို့ဝှက်ဆန်းကြယ်အဆင့် လက်နက်ပင်တည်း။

မော့ရှဲ အနည်းငယ် စိတ်လှုပ်ရှားနေပါ၏။ ယခုတစ်ကြိမ် လက်နက်သန့်စင်ခြင်းသည် သူမအတွက် အချောမွတ်ဆုံး ဖြစ်သည်။ သူမသည် အတားအဆီး တစ်ခုကို သတိရှိရှိဖြင့် မေ့ခနဲ ခံစားလိုက်ရသည်။

အဆင့်၉ လျှို့ဝှက်ဆန်းကြယ် အဆင့် လက်နက်များကို နတ်မီးနယ်ပယ်သို့ ပထမခြေလှမ်း လှမ်းသူများသာ သန့်စင်နိုင်ခဲ့သည်။ သာမာန်လူများ၏ အမြင်အရ ၎င်းသည် သဘာဝအားဖြင့် ပါရမီရှင်ပင်။ သို့သော် ထိပ်တန်းအဆင့်နှင့် နှိုင်းယှဉ်ရန်​တော့ နည်းလမ်း မရှိသေးချေ။

မော့ရှဲ လုရွှမ်ကို လှည့်ကြည့်လိုက်သည်။ လုရွှမ် မျက်နှာမှာ ဘာမှမထူးခြားပေ။ သူမ အနည်းငယ် စိတ်ပျက်သွားသော်လည်း မထိန်းနိုင်ဘဲ လုရွှမ် အနည်းငယ် အံ့အားသင့်သွားလိမ့်မည်ဟု မျှော်လင့်ထားခဲ့သည်။

"သေချာကြည့်.... မင်းမြင်နိုင်တဲ့ အရာကို သေချာကြည့်ထား..."

လုရွှမ် ဆိုရင်း သူ့လက်ဝှေ့ယမ်းသံနှင့်အတူ စိတ်ဝိညာဉ်မီးတောက်များ ပေါ်လာသည်။

မော့ရှဲရဲ့ မျက်လုံးများတွင်လည်း မျှော်လင့်ချက် အလင်းတန်းများ လင်းလက်လာသည်။ သူမ ထန်းယွမ်မြို့ကို ရောက်သောအခါ လုရွှမ်သည် စိတ်ဝိညာဥ်မီး​တောက် ရှိကြောင်း၊ လက်နက် သန့်စင်မှု၏ အမြင့်ဆုံး မီးတောက်ကို ထိန်းချုပ်ထားကြောင်း သူမ ကြားခဲ့ရသည်။

ဒါက အခွင့်အလမ်းသာမက ခွန်အားနဲ့လည်း သက်ဆိုင်ပေသည်။ သာမန်လူတွေဟာ စိတ်ဝိညာဥ်မီးတောက်ရဲ့ အသိအမှတ်ပြုမှုကို ရနိုင်တဲ့ အရာမဟုတ်ဘူး။

လုရွှမ် မီးတောက်ကို လက်ဖဝါးထဲ ဆုပ်ကိုင်လိုက်ပြီး မော့ရှဲ ရွေးထားသလို ပစ္စည်းများသို့ မီးထဲသို့ အလိုအလျောက် ပျံသန်းလာစေခဲ့၏။

မီးတောက်များ တောက်လောင်နေပြီး ပစ္စည်းသည် မီးထဲသို့ ဝင်ရောက်သွားကာ ခဏအတွင်း အရည်အဖြစ်သို့ ပြောင်းလဲသွားသည်။ လုရွှမ်သည် သူ့လက်ဖဝါးများကို မလှုပ်ရှားသလို လှပသော ခြယ်လှယ်မှု စွမ်းရည်ဟူ၍လည်း မရှိပေ။

မော့ရှဲလည်း ဒါက စိတ်ဝိညာဉ်မီးတောက်ဖြင့် သန့်စင်သည့် နည်းလမ်းဖြစ်နိုင်ကြောင်း ရိပ်မိပါသည်။ အရာအားလုံးကို စိတ်ဝိညာဉ် စွမ်းအားဖြင့် ထိန်းချုပ်ထားသည်။ အမှန်ပင် စိတ်ဝိညာဉ်စွမ်းအား လိုအပ်ချက်များသည် သာမန်ထက်မြက်သော လက်နက်သန့်စင်သူများထက် များစွာမြင့်မားသည်။

၎င်းသည် ချောမွေ့သော ဓားသန္ဓေသား အဖြစ်သို့ လျင်မြန်စွာ ပေါင်းစပ်သွားသော်လည်း မော့ရှဲသည် ဤဓားသန္ဓေသားသည် သူမ သန့်စင်ထားသော ဓားထက် ပိုမိုသန့်ရှင်းကြောင်း နားမလည်နိုင်စွာ တွေ့ရှိလာခဲ့သည်။ ထိုခံစားချက်ကို မမြင်နိုင်သော်လည်း ခံစားနိုင်သည်။

"မင်းရဲ့ စိတ်ဝိညာဉ်စွမ်းအားက အားနည်းနေတယ်.... ​​အနည်းဆုံးတော့ နှစ်ဆ ပိုမြင့်သင့်တယ်!"