အားလုံးကို ကြိုဆိုပါတယ်

လူတိုင်း ရုတ်ရုတ်သဲသဲ ဖြစ်သွားခဲ့သည်။ လုရွှမ် တကယ် သဘောတူလိမ့်​မယ်လို့ ဘယ်သူမှ မထင်ထားပါဘူး။ အဲဒါက နတ်လက်နက်လေ။

မျှော်စင် နယ်ပယ်မှ လူများစွာ လေလံဆွဲခဲ့သည့် နတ်လက်နက်နှင့် နှိုင်းယှဉ်ပါက လုရွှမ် ကိုင်ဆောင်ထားသော မှော်လက်နက်က ပို၍ပင် အစွမ်းထက်သည်။ ထိုနတ်လက်နက်အတွက် လုရွှမ်က အလွယ်တကူ သဘောတူလိုက်၏။

သူသည် ဤနတ်လက်နက်ကို လုံးဝအလေးအနက် မထားတာလား သို့မဟုတ် အလွန်မာနကြီးပြီး ဖန်းလုံကို အနိုင်ယူဖို့ ယုံကြည်ချက် ရှိနေတာလားတော့ မပြောတတ်ချေ။

ဖန်းလုံ၏ အင်အားနှင့် ပတ်သက်၍ ပြောရလျှင် မျှော်စင်နယ်ပယ်မှ ကျင့်ကြံသူများအနက် သာမန် မျှော်စင်နယ်ပယ်များနဲ့ ယှဉ်နိုင်နေပြီ ဖြစ်သည်။ သူ့အစွမ်းအစနဲ့ မျှော်စင်နယ်ပယ် တစ်ယောက် သို့မဟုတ် နှစ်ယောက်ကို သတ်ရန်ပင် ဖြစ်နိုင်သည်ဟု အကဲဖြတ်ကြသည်။

နောက်ဆုံးတွင် နတ်မီးနယ်ပယ်သည် အလွန်မှော်ဆန်သော နယ်ပယ်တစ်ခု ဖြစ်သည်ဟု တချို့ကပြောကြပြီး အဆင့် ကိုးဆင့်ရှိကာ တချို့ကမူ ဆယ်အဆင့်ရှိသည်ဟု ဆိုကြသည်။ နတ်မီးငါးလုံး ထွန်းထားသရွေ့ မျှော်စင်နယ်ပယ်ထဲကို ဝင်နိုင်ပါ​ပြီ။

ပါရမီရှင် နတ်မီးနယ်ပယ် အများစုသည် နတ်မီးငါးလုံးကို ထွန်းညှိပြီးလျှင် ကျင့်စဉ်ကို ဆင်ကျင့်ကြကုန်သည်။ မြင့်မားသော အဆင့်ရှိသော်လည်း နတ်မီးငါးလုံး ထွန်းညှိထားဆဲ ဖြစ်သောကြောင့် တခြားသူများနဲ့ ယှဥ်ပါက ကွာခြားချက်မှာ ကြီးကြီးမားမား ရှိလေသည်။

နတ်မီးလုံးများ တိုးလာသည်နှင့်အမျှ နတ်မီးနယ်ပယ်ရှိ ကျင့်ကြံသူများ၏ ခွန်အားသည် မျှော်စင်နယ်ပယ် ကျင့်ကြံသူများနှင့် ပြိုင်ဆိုင်ရန် မခဲယဉ်းပေ။

ဖန်းလုံသည် အဆင့်၅တွင်သာ ရှိသော်လည်း နတ်မီး ခြောက်လုံးကို ထွန်းညှိထားပြီ။ ဒါကြောင့် သာမန်မျှော်စင်နယ်ပယ်နဲ့ တစ်ခုတည်းသော ကွာခြားချက်မှာ အဆင့်မြင့် မျှော်စင်နယ်ပယ်ကို ယှဥ်နိုင်သူ ဖြစ်သည်။

လုရွှမ်မှာတော့ သူ့ရဲ့ ခွန်အားဟာ အမြဲတမ်း လျှို့ဝှက်ဆန်းကြယ်ပြီး သူ့မှာ မတူညီတဲ့ အရည်အချင်းတွေ အများကြီး ရှိပေမယ့် အဖြစ်မှန်ကို ဘယ်သူမှ မဖော်ထုတ်နိုင်သေးပါဘူး။

ဖန်းလုံ မျက်မှောင်ကြုတ်သွားသည်။ ကောင်းကင်မျိုတဲ့သားရဲ၏ အဖိုးတန်ရတနာ လက်ဝါး ငါးရောင်ကို သဘာဝကျကျ သိတာကြောင့် ၎င်းကို တောင်းဆိုလာတဲ့အခါ မျက်နှာပျက်သွားခဲ့သည်။

"အခြားဟာတွေကို ပြောင်းလို့ရမလား... ဒါကိုတော့ ငါမ​ပေးနိုင်ဘူး"

"မင်း မလုပ်နိုင်ရင် ဘေးမှာ ရပ်နေလိုက်"

"မင်း!"

ဖန်းလုံ ဒေါသအရမ်း ထွက်လာသည်။ သူက နတ်လက်နက်ကို တိုက်ရိုက် လုယူချင်နေခဲ့တာပဲ ဖြစ်၏။

"ကောင်လေး မင်းအရင်က မာနကြီးတာကို ငါမြင်ဖူးတယ်.... ဒါပေမဲ့ မင်းအခုထိ အရမ်းကြီးစိုးနေဦးမယ်လို့ မမျှော်လင့်ထားဘူး... ငါ့လက်ဖဝါးငါးရောင်ကို လိုချင်တယ်ပေါ့ ကောင်းပြီ မင်းရှုံးရင် နတ်ဓားက ငါ့ပိုင်တယ် မင်းအနိုင်ရရင် လက်ဖဝါးက မင်းပိုင်တယ်"

ကောင်းကင်မျို သားရဲက ရယ်မောကာ ဖန်းလုံကို စိုက်ကြည့်၍ အသံစွမ်းအင် တစ်ချက် ပို့လွှတ်လိုက်သည်။ ဖန်းလုံမှာ အနည်းငယ် မကျေမနပ် ဖြစ်နေသော်လည်း သူက အော်ပြောလာသေး၏။

"ကောင်းပြီ ဒါဆိုလည်း လောင်းကြရအောင်"

လုရွှမ် ပတ်ဝန်းကျင်ကို တစ်ချက် ကြည့်လိုက်ပြီး သူ့အသံကို လူတိုင်းကြားရအောင် အော်လိုက်သည်။

"လောင်းကစား လုပ်ချင်သူတိုင်း ပါဝင်နိုင်တယ်.... နတ်လက်နက်ကို ငါ မသန့်စင်နိုင်သေးပေမယ့် ဧကရာဇ်လက်နက် အတွက်တော့ ပြဿနာ လုံးဝမရှိပါဘူး"

ထိုစကားများ ထွက်လာသည်နှင့် တပြိုင်နက် မြင်ကွင်းတစ်ခုလုံး တိတ်ဆိတ်သွားကာ တခဏအတွင်း ရုတ်ရုတ်သဲသဲ ဖြစ်သွားသည်။ လုရွှမ်က ဘယ်လိုလုပ် အသာစီးရဖို့ ဒီလောက် သတ္တိတွေကောင်းနေတာလဲ မသိချေ။

ကမ္ဘာ့နံပါတ် ၁ အလုပ်ရုံမှ ရောင်းချနေသော လက်နက်အားလုံးကို လုရွှမ်မှ သန့်စင်ထားကြောင်း ပြန်တွေးကြည့်ရင်း လူတိုင်းစိတ်ထဲ ကမောက်ကမ ဖြစ်ကုန်သည်။ အထူးသဖြင့် အရင်က နတ်သမီး လီလင်ရွှမ်း အသုံးပြုခဲ့တဲ့ ရှည်လျားတဲ့ဓားရှည်ကို လုရွှမ်က သန့်စင်ခဲ့ကြောင်း သူတိုင်း သိကြသည်။

"ကောင်လေးလုရွှမ်... တချို့စကားတွေက ပေါ့ပေါ့ဆဆ မပြောရဘူး"

မျှော်စင်နယ်ပယ် သခင်တစ်ယောက်က လေးနက်တဲ့ အသံနဲ့ ပြောလိုက်လေသည်။ လုရွှမ်သည် သူ့နောက်ကွယ်ကို တစ်ချက်ကြည့်လိုက်ပြီး မေးစေ့ကို အနည်းငယ် မြှောက်လိုက်သည်။

"ခင်ဗျားလည်း အလောင်းအစား လုပ်ချင်တာလား? ကိစ္စမရှိပါဘူး ကျုပ်ကြိုက်တာ တစ်ခုပဲ လိုချင်တယ် မကြိုက်ရင် လုံးဝ လှည့်မကြည့်ဘူး!"

မျှော်စင်နယ်ပယ် သခင်က ကြွေးကြော်ပြီး ခေါင်းလောင်းတစ်ခုကို လွှင့်ပစ်လိုက်၏။ ခေါင်းလောင်းငယ်က အလွန်သေးငယ်ပြီး လက်သီးဆုပ် အရွယ်ခန့်သာ ရှိသည်။ ၎င်းသည် မှောင်မိုက်ပြီး ရိုးရှင်းသော်လည်း ပေါ်လာသည်နှင့် တပြိုင်နက် ချက်ချင်းပင် အလင်း၏ အငွေ့အသက်များ ထွက်ပေါ်လာပြီး သာမန်ပစ္စည်း အရာမဟုတ်သည်မှာ ထင်ရှား​ပေသည်။

"ငါ့ရဲ့ ချန်ခွမ်းခေါင်းလောင်းနဲ့ လောင်းမယ် ဘယ်လိုလဲ?"

လုရွှမ် ရယ်လိုက်သည်။

"ချန်ခွမ်းခေါင်းလောင်း... မိတ်ဆွေက နာမည်ပေးတာ တော်သားပဲ... ကောင်းပြီ မေ့ပစ်လိုက်... ကျုပ်ရှုံးရင် ခင်ဗျားကို အဆင့်၈ ဧကရာဇ်လက်နက် ပေးမယ်"

မျှော်စင်နယ်ပယ်ရဲ့ မျက်နှာမှာ နီးမြန်းသွားခဲ့သည်။ ဤခေါင်းလောင်းကို ချန်ခွမ်းခေါင်းလောင်းလို့ ခေါ်ခြင်း မဟုတ်ပါ။ ပင်မခန်းမ တစ်ခုထဲ၌ မတော်တဆ တွေ့ရှိခဲ့ခြင်း ဖြစ်သည်။ အချိန်အတော်ကြာ လေ့လာပြီးနောက်တွင် ခေါင်းလောင်းရဲ့ အစွမ်းအစကို မသိခဲ့ပေ။ တော်တော်ကြည့်ကောင်းတာမို့ သူထွက်သွားပြီး အလောင်းအစား လုပ်လိုက်တာပင်။

လုရွှမ်သည် အဆင့်၈ ဧကရာဇ်လက်နက်ဖြင့် လဲလှယ်လာမယ်လို့ မမျှော်လင့်ခဲ့ချေ။ သူ့မျက်လုံးများ ပူလောင်သွားသော်လည်း ခေါင်းခါလိုက်ပြီး။

"မရဘူး... အဆင့်၉ပဲ ငါ့ခေါင်းလောင်းက..."

လုရွှမ်က လှောင်ပြောင်ပြီး သူ့စကားကို ဝင်နှောင့်ယှက်လိုက်သည်။

"ဈေးမဆစ်ချင်နဲ့... အဆင့်၈ဆို အဆင့်၈ပဲ... မကျေနပ်ရင် ခင်ဗျားရဲ့ ခေါင်းလောင်းလေးကို ပြန်ယူသွားလို့ရတယ်"

မျှော်စင်နယ်ပယ်မှာ အံသြဒေါသ ထွက်သွားလေသည်။

“ဟမ့် မင်းအငယ်တန်း ဆိုတော့ ငါ့ပုံစံကို ရှေ့တန်းတင်ပြီး အနိုင်မကျင့်တော့ဘူး အဆင့်၈ပဲ ထားလိုက်မယ်... အဋ္ဌမအဆင့်က အဋ္ဌမအဆင့်၊ ဒါပေမဲ့ မင်းဆန့်ကျင့်ရဲလို့ကတော့ ကောင်းကင်ဘုံမှာရော မြေကြီးပေါ်မှာရော ငါ့ရဲ့ လက်ငါးချောင်းထဲက မလွတ်စေရဘူး"

"အတူတူပါပဲ!... နောက်ထပ် ဘယ်သူရှိ​သေးလဲ!"

ပထမတစ်ခု ပေါ်လာသည်နှင့် ဒုတိယတစ်ခုပေါ်လာပြီ။ တတိယတစ်ခု ပေါ်လာသည်နှင့် လူတစ်စုလုံး လောင်းကစားတွင် ပါဝင်ရန် အော်ဟစ်လာကြသည်။

လုရွှမ် ရွေးချယ်မှု ပြုလုပ်ခဲ့ပြီး ၎င်းတို့အနက်မှ ရတနာလေးခုကိုသာ တွေ့ရှိခဲ့သည်။ ၎င်းတို့ကို အဆင့်၈ ဧကရာဇ်လက်နက် နှစ်ခု၊ အဆင့်၉ ဧကရာဇ်လက်နက် တစ်ခုနှင့် အဆင့်၇ အင်ပါယာလက်နက် တစ်ခုနှင့် လဲလှယ်ခဲ့သည်။

"မင်းမပြီးသေးဘူးလား"

လုရွှမ်သည် ဝမ်းသာအားရဖြင့် ရတနာများကို ရှာဖွေနေပြီး ဖန်းလုံခမျာ မတ်တတ်ရပ် စောင့်မျှော်နေရသဖြင့် စိတ်မရှည်တော့ဟန်ဖြင့် ဟစ်အော်လိုက်သည်။

လုရွှမ် ပြုံးပြီး။

"မင်းလည်း စိတ်ဝင်စားရင် ပူးပေါင်းလို့ရတယ်... မင်းမှာ တခြားအရာတွေရရင် ငါကြိုက်သရွေ့ မင်းနဲ့ လဲလှယ်မယ်"

"မလိုပါဘူး... ဧကရာဇ် လက်နက်လောက်ကတော့ ငါ့မျက်လုံးထဲ ဘောင်မဝင်ဘူး"

"ဒါဆိုငါတို့ အခုစလို့ရ​ပြီလား?"

"သေချာတာပေါ့!"

ဖန်းလုံက အော်ဟစ်ပြီး လူတိုင်းရဲ့ မြင်ကွင်းကနေ ချက်ချင်း ပျောက်သွား၏။ ချက်ချင်းဆိုသလို လူတိုင်း ထိန်းမနိုင်သိမ်းမရ ဖြစ်သွားကြသည်။ အထူးသဖြင့် လီလင်ရွှမ်းဆီက ပုလဲပန်းတွေကို ယူလိုက်မှန်းမသိ ယူသွားတဲ့ သူ့ရဲ့လက်ဆက မှော်ဆန်လှသည်။

လီလင်ရွှမ်း၏ မျက်လုံးများလည်း ပြူးကျယ်သွားကာ ကောင်းကင်ကို လျင်မြန်စွာ မော့ကြည့်လိုက်ပေမယ့် ဖန်းလုံရဲ့ အရိပ်ကိုပင် မတွေ့ရသေးချေ။ သူမ မျက်လုံးများသည် ဖန်းလုံ၏ အလင်းအမြန်နှုန်းကို လုရွှမ် ဘယ်လို ကိုင်တွယ်ဖြေရှင်းရမလဲ ရှင်းရှင်းလင်းလင်း မြင်လိုသောကြောင့် လုရွှမ်အား အာရုံစိုက်ထားသည်။

သို့သော်လည်း လုရွှမ်သည် အနည်းငယ်ငြီးငွေ့နေပုံဖြင့်ပင် ကောင်းကင်ထက်တွင် မလှုပ်မယှက် ရပ်တန့်နေဆဲ ဖြစ်သည်။ ရုတ်​တရက်​ တီးတိုးသံတစ်​ခု ထွက်​လာသည်​။

လုရွှမ်ရဲ့ နောက်ကွယ်က နတ်လက်နက်က သခင်ကို အလိုအလျောက် ကာကွယ်ပေးပြီး ဓားသွားလို အရိပ်အယောင်တွေ ထွက်လာကာ ဦးတည်ရာတစ်ခုဆီ ပြေးဝင်သွား၏။ လေထုအလယ်တွင် ဖန်းလုံ၏ ခန္ဓာကိုယ်သည် တုန်လှုပ်ချောက်ချားစွာ ထွက်ပေါ်လာသည်။

လုရွှမ် ထိုလူကို လှည့်ကြည့်လိုက်ပြီး အရူးတစ်ယောက်လို ခေါင်းခါလိုက်သည်။

"ကိုယ့်ကိုကိုယ် အရှက်ရစေဖို့ ဒီလို လှည့်စားမှုမျိုး မသုံးပါနဲ့.... နတ်ဓားက သခင်ကို ကာကွယ်လိမ့်မယ်ဆိုတာ မင်းမသိဘူးလား... လူတိုင်းအတွက် တစ်ခုလောက် ကြော်ငြာပါရစေ.... ကျုပ် သန့်စင်ထားတဲ့ ဧကရာဇ်လက်နက်တွေမှာလည်း မှော်အစွမ်းတွေ ရှိပါတယ်... ဓားသံကြောင့် အကာအကွယ် ခံရတဲ့သူက သူ့ရဲ့ ပထမဆုံးပိုင်ရှင်ပဲ ဖြစ်မှာ!”

လီလင်ရွှမ်း၏ မျက်နှာမှာ ချက်ချင်းဆိုသလို ပူလောင်လာတော့သည်။ လုရွှမ် သူမကို လှောင်ပြောင်နေသလို ခံစားလိုက်ရသည်။

လုရွှမ် ဧကရာဇ်လက်နက်တွေကို ပေးတုန်းက တကယ်ကို ရှင်းရှင်းလင်းလင်း ပြောပြထားပြီးသားပါ။ ထိုအရာများကို ဆရာသခင် သို့မဟုတ် ညီအစ်ကို သူငယ်ချင်းကို လက်ဆောင်အဖြစ် ပေးဆောင်သော ဧကရာဇ် လက်နက်များဟု မှတ်ယူနိုင်သည်။

ဖန်းလုံသည် သနားစရာကောင်းသော ပုံစံမျိုး ရှိသော်လည်း သူ့မျက်နှာမှာ ပိုကောင်းလာကာ သခင်ကို ကာကွယ်သည့် နတ်လက်နက်တစ်ခု ဖြစ်သောကြောင့် အလွန် စိတ်ဝင်စားသွားသည်။ လုရွှမ်က နတ်လက်နက်ရဲ့ စွမ်းအားကို အားကိုးပြီး တိုက်ခိုက်နေတာ။ သူက ကြောက်စရာ ဘာမှမရှိပါဘူး။

"အိုး ဒါဆို ငါမင်းကို အနိုင်ယူပြီး အစွမ်းသတ္တိဆိုတာ ဘာလဲ မင်းကိုပြောပြလိုက်မယ်!"