အလွန်အမင်း ဥာဏ်ကောင်းခြင်းက ထိခိုက်စေမည်  (၃)

လင်းရှန်က ပြုံးပြီး "အဲ့တာက ပြီးသွားပါပြီ"

တစ်နည်းအားဖြင့် သူက ဝန်ခံလိုက်သည်။ 

"လူသတ်သမားက ဘယ်သူလဲ။"

"ငါ သေချာမသိဘူး။"

“ကိုယ်ခံပညာတည်မြဲရေးစံအိမ်က လုပ်ကြံသူကို မဖမ်းမိဘူးလား”

"သူတို့ စုံစမ်းဆဲလို့ ကြားတယ်”

"အဲ့ဒါဆို အဲ့လူကို မတွေ့သေးဘူးလား" "လင်း၊ မင်း အခုချိန်ထိ ကျောင်းမှာ မနေသေးဘူးလား"

လင်းရှန်ကို လုပ်ကြံသတ်ဖြတ်ဝံ့သူများသည် တောက်ပသော ဝင်ပေါက်အဆင့် ကျင့်ကြံသူများသာ ဖြစ်သည်။

တောက်ပသော ဝင်ပေါက်အဆင့် လူသတ်သမားမှ ပစ်မှတ်ထားခံရသည့် အတွေးသည် ကျောရိုးကို ချမ်းစိမိ့စေခဲ့သည်။

"စိတ်မပူပါနဲ့ ငါဘာလုပ်နေလဲ ငါသိပါတယ်။"

ယန်ကျုံးရီနဲ့စုနျန်က တခြားအရာတွေပြောတော့မှာကိုမြင်တော့ လင်းရှန်က ကြားဖြတ်ပစ်လိုက်သည်။

ဒါကရယ်စရာပင်။ တခြားသူတွေ မသိနိုင်ပေမယ့်  သူကသိသည် ။ “လူသတ်သမား” ဟု ခေါ်တဲ့သူက ခေါင်းဖြတ်ခံလိုက်ရပြီပင်။ လင်ရှန်ကို ထပ်ပြီး လုပ်ကြံဖို့ မဖြစ်နိုင်တော့ပေ။

"ဆရာကြီးလန်း အကြောင်း အားလုံးကြားပြီးပြီလား" လင်းရှန်က ခေါင်းစဉ်ပြောင်းလိုက်သည်။

မျှော်လင့်ထားသည့်အတိုင်း ယန်ကျုံးရီနှင့်စုနျန်သည် ချက်ချင်းပင် အာရုံပြောင်းသွားသည်။

"ငါ နည်းနည်းကြားလိုက်ရတယ်။" စုနျန်က သက်ပြင်းချပြီး "ဆရာကြီးလန်က သွေးဝိညာဉ်ဆေးပြားတွေကို လျှို့ဝှက်သန့်စင်နေမယ်လို့ မျှော်လင့်မထားဘူး”

ရောက်ရှိလာသူ သုံးဦးထဲတွင်  စုနျန်သည် လန်ကွမ်းထင်၏ အခြေအနေကို နားလည်

နိုင်ဆုံးသူဖြစ်တာ သေချာသည်။

စုမိသားစုနှင့် လန်သားစုကြားတွင် တူညီမှုများစွာရှိခဲ့သည်။

လွန်ခဲ့သည့် နှစ်တစ်ရာက သူတို့နှစ်ဦးစလုံးသည် ဩဇာညောင်းသော မိသားစုများထဲမှ ဖြစ်ကြသည်။

အနှစ်တစ်ရာကြာပြီးနောက် သူတို့နှစ်ဦးစလုံးသည် ဆုတ်ယုတ်ကျဆင်းနေသော မိသားစုအဖြစ်  ကျရောက်ခဲ့ကြသည်။

သို့သော်လည်း လန်မိသားစုနှင့်မတူတာက စုမိသားစုသည် လွန်ခဲ့သော နှစ်အနည်းငယ်က အဖြစ်အပျက်တစ်ခုကြောင့် ဩဇာညောင်းသောမိသားစုသို့ ပြန်သွားမည့်အစီအစဉ်ကို စွန့်လွှတ်ထားခဲ့ပြီးပြီပင်။ ထို့ကြောင့် လမ်းလွဲသွားသော လန်ကွမ်းထင်ကဲ့သို့ နက်နဲသော စွဲလမ်းမှုမျိုး မရှိခဲ့ပေ။

ယန်ကျုံးရီလည်း သက်ပြင်းချလိုက်သည်။

လန်ကွမ်းထင်၏ သတင်း ပျံ့နှံ့သွားပြီးနောက် ကျောင်းတွင် တုန်လှုပ်သွားခဲ့သည်။

သိုသိုသိပ်သိပ်သိပ်နေတတ်သော ဆရာလန်သည် မကောင်းမှုများစွာကို အမှန်တကယ်ပြုလုပ်လိမ့်မည်ဟု မည်သူမျှ မျှော်လင့်မထားပေ။

တပည့်စိန်ခေါ်ပွဲပြီးသည့် နောက်တစ်နေ့မှာတော့

လင်းရှန်သည် အရည်အသွေးခန်းမသို့ ရောက်လာသည်။

မစ်ရှင်ခန်းမရှိ ကောင်တာနောက်တွင် ကျောင်းယုသည် တာဝန်ကျနေသည်။ လင်းရှန် ကိုတွေ့သောအခါ တောက်ပသောအပြုံးတစ်ခုက သူ့မျက်နှာပေါ်တွင် ချက်ချင်းပေါ်လာသည်။

"စီနီယာ အစ်ကိုလင်း၊ ဒီကို မစ်ရှင်လက်ခံဖို့ လာတာလား"

လင်းရှန်က ကောင်မလေးကို ပြုံးပြလိုက်ပြီး စင်ပေါ်ကို ဖြည်းညှင်းစွာ လှည့်ကြည့်လိုက်သည်။

တစ်ချက်ကြည့်လိုက်တော့ နဂါးချောက်နက်တောင်တန်းနဲ့ပတ်သက်သည့် မစ်ရှင်တွေ နည်းပါးလာတာကို တွေ့လိုက်ရတာကြောင့် သူ အံ့ဩသွားသည်။

သိချင်စိတ်ကြောင့် လင်းရှန်သည် ကောင်တာသို့ရောက်လာပြီး ကျောင်းယုကို မေးလိုက်သည်။

ကျောင်းယုက ရှင်းပြသည်။

"ဒါက နဂါးမြို့တော်နဲ့ နတ်ဆိုးမျိုးနွယ်သုံးစုကြား စစ်ပွဲရဲ့ နောက်ဆက်တွဲရလဒ်ပါ”

“အဲဒီစစ်ပွဲမှာ နဂါးချောက်နက်တောင်တန်းအစွန်းမှာရှိတဲ့ ဝိညာဉ်သားရဲ ၇၀ကနေ ၈၀% လောက်အထိက အသတ်ခံလိုက်ရတယ်။ သူတို့တွေမရှိတော့ ဆက်စပ်မစ်ရှင်အများစုက ပြီးသွားပြီ”

“ဒါပေမယ့် အစ်ကို လင်း၊ စိတ်မပူပါနဲ့၊ ခြောက်လလောက်ကြာရင် ပြန်အဆင်ပြေလာပါလိမ့်မယ်”

ကျောင်းယုက အသေအချာပြောလိုက်သည်။

ဝိညာဉ်သားရဲတွေက များစွာရှိပြီး အဆင့်နိမ့် ဝိညာဉ်သားရဲများသည် ပေါင်းပင်များကဲ့သို့ သတ်ရန် ခက်ခဲသည်။

အများအားဖြင့် သူတို့အစုအဝေးကို သတ်ပြီးနောက် မကြာမီ အသုတ်အသစ်တစ်ခု ပေါ်လာလိမ့်မည်ပင်။

ထူးခြားသော ပထဝီဝင်ပတ်ဝန်းကျင်ကြောင့် နဂါးချောက်နက်တောင်တန်းရှိ ဝိညာဉ်ရေးရာအနှစ်သာရသည် အခြားနေရာများထက် ပိုမိုကြွယ်ဝပြီး ဝိညာဉ်ရေးသားရဲများ ကြီးထွားမှုအတွက် များစွာအကျိုးရှိစေသည်။

ထို့ကြောင့် နှစ်စဉ် မရေမတွက်နိုင်သော ဝိညာဉ်သားရဲများသည်

  နဂါးချောက်နက်တောင်တန်းသို့ ပြောင်းရွှေ့လာပြီး နယ်မြေအတွက် အခြားဝိညာဉ်ရေးရာသားရဲများနှင့် တိုက်ခိုက်ခဲ့ကြသည်။

ဝိညာဉ်ရေးရာသားရဲများသည် နှစ်စဉ်နှစ်တိုင်း လူသား ကျင့်ကြံသူများ လက်ချက်ထက် နယ်မြေတိုက်ပွဲများတွင် သေဆုံးကြတာများသည်။ 

ထို့ကြောင့် ယခုအခါ နဂါးတောင်တန်း၏ အစွန်အဖျားတွင် ဝိညာဉ်ရေးသားရဲအနည်းငယ်သာ ရှိသော်လည်း သားရဲများစွာရှိသည့် ယခင်အခြေအနေသို့ မကြာမီပင် ပြန်ရောက်ပေလိမ့်မည်။

ကျောင်းယု၏စကားကိုကြားပြီးနောက် လင်းရှန်သည် နောက်ဆုံးတွင် နားလည်သဘောပေါက်သွားခဲ့သည်။

နဂါးချောက်နက်တောင်တန်းရှိ ဝိညာဉ်သားရဲများအားလုံး သတ်ဖြတ်ခံရပါက သတ်ဖြတ်ခြင်းကိုအားပေးသည့်စွမ်းရည်ကို သုံးမရပေ။ သူသည် ယခုဘယ်ကိုသွားသင့်သနည်း

လင်းရှန်စိတ်ညစ်နေတာကို မြင်တော့ ကျောင်းယုက ခဏလောက်စဉ်းစားပြီး ပြောလိုက်သည်။ 

“အစ်ကိုလင်း၊ ဘာတာဝန်ကို လက်ခံရမယ်ဆိုတာ မသိရင် ကျွန်မမှာ အကြံပြုချက်တစ်ခုရှိတယ်။”

လင်းရှန်က အံ့သြစွာကြည့်ကာ "ဘာအကြံပြုချက်လဲ" ဟု စပ်စုမေးသည်။

ကျောင်းယုက စာရွက်တစ်ရွက်ကို ထုတ်ပြီး လင်းရှန်ကို ပေးလိုက်သည်။

“ အစ်ကို လင်း၊ ဒါကို ကြည့်ပါအုံး။"

လင်းရှန် ယူလိုက်သည်နှင့် သူ့မျက်လုံးများ တဖြည်းဖြည်း တောက်ပလာသည်။

စာရွက်တွင် တာဝန် တစ်ခုရှိခဲ့သည်။

ဖော်ပြချက် အရ  နဂါးမြို့တော် အနောက်ဘက်ရှိ ရေကန်တွင် သံမဏိအရိုးငါးဟုခေါ်သော သတ္တဝါကြီး ရှိသည်။

ဤသတ္တဝါသည် ငါးကြင်းကဲ့သို့ ပုံသဏ္ဍာန်ရှိပြီး ၎င်း၏အရိုးများသည် အနက်ရောင်ဖြစ်သည်။

အနက်ရောင်သံမဏိအရိုးအနည်းငယ်သည် မှော်လက်နက်များလုပ်ရာတွင် အောင်မြင်မှုနှုန်းကို ၂၀% တိုးမြင့်စေနိုင်သည်။

မစ်ရှင်သည် အနက်ရောင်သံမဏိအရိုးကို စုဆောင်းရန်ဖြစ်ပြီး ဆုကြေးမှာ ကီလိုဝက်

တိုင်းအတွက် အလယ်အလတ် အမှတ် နှစ်ခုဖြစ်သည်။

လင်းရှန်သည် အရည်အသွေးအမှတ်များကို ဂရုမစိုက်ပေ။

ဤ သံမဏိအရိုးငါးသည် ဝိညာဉ်ရေးရာသားရဲအဖြစ် မယူဆနိုင်ဘဲ ခြိမ်းခြောက်မှု မရှိသလောက်ဖြစ်သည်။

သံမဏိအရိုးငါး၏ အသားသည် အရသာရှိသည်။ ၎င်းကို စားသုံးခြင်းဖြင့် ဝိညာဉ်ရေးရာ သားရဲများ၏ ရုပ်ပိုင်းဆိုင်ရာ ခွန်အားကို တိုးပွားစေသောကြောင့် ၎င်းတို့ကြားတွင် အလွန်ရေပန်းစားခဲ့သည်။

ရေကန်ထဲမှာ  သံမဏိအရိုးငါးရှိနေသရွေ့ ပတ်ဝန်းကျင်မှာ နတ်ဆိုးမျိုးနွယ် တစ်ခု သို့မဟုတ် တစ်ခုထက်ပိုတဲ့ မျိုးနွယ်စုတွေ ရှိမှာ သေချာသည်။

ဤစာရွက်တွင် သံမဏိအရိုးငါးများရှိသည့် ရေကန်များစွာကို ထည့်ရေးထားသည်။

တစ်နည်းဆိုရသော် လင်းရှန်သည် ဤရေကန်များအနီးတွင် ရှိနေသမျှ ကာလပတ်လုံး သူသည် နတ်ဆိုးအမြောက်အမြားနှင့် ကြုံတွေ့ရမည်မှာ သေချာသည်။

လင်းရှန်က ချက်ချင်း ပြုံးပြီး ခေါင်းညိတ်ကာ "မင်းရဲ့ အကြံပြုချက်အတွက် ကျေးဇူးတင်ပါတယ်၊ ဂျူနီယာ ညီမလေး”

"အကို့ကို ကူညီပေးရလို့ ဝမ်းသာပါတယ်”

ကျောင်းယုက ပြုံးပြီး လင်းရှန် စာရင်းသွင်းရန် ကူညီပေးခဲ့သည်။

ကျောင်းယုစာရင်းသွင်းနေစဉ် လင်းရှန်သည် ပေါ့ပေါ့ပါးပါး လေသံဖြင့် ဟန်ဆောင်ကာ "စကားမစပ် နေကိုးစင်းအဆောင်ဓားထက် ပိုအစွမ်းထက်တဲ့ ဓမ္မရတနာတစ်ခု ရှိတယ်လို့ လွန်ခဲ့တဲ့ ရက်အနည်းငယ်ကမှတစ်စုံတစ်ယောက်ဆီက ကြားခဲ့ရတယ်။ ညီမရော ကြားဖူးလား”

ကျောင်းယုက ဘာကိုမှ မသင်္ကာ မဖြစ်ဘဲ “အကိုကြီးက သန့်စင်သော ယန်စွမ်းအား ဓားအကြောင်း ပြောနေတာလား” ဟု ဖြေလိုက်သည်။ 

“သန့်စင်သော ယန်စွမ်းအား ဓားလား?” ဟန်ဆောင်ရင်း လင်းရှန်း၏ နှလုံးသည် ခုန်သွားသည်။

" သန့်စင်သော ယန်စွမ်းအား ဓားက မှော်လက်နက်တစ်ခုပါပဲ။ ဒါပေမဲ့ သူ့အရည်အသွေးက နေကိုးစင်းအဆောင်ဓားထက်သာလွန်တယ်။

မှော်လက်နက်များထက် အနည်းငယ်သာလွန်တယ်လို့ ဆိုကြတယ်။ အဲ့တာက မှော်လက်နက်နဲ့ အဆောင်လက်နက်တို့ကြားက ခြားနားချက်လိုပဲ “

အရည်အသွေးသည် သာလွန်အဆင့် စွဲမက်ဖွယ်လက်နက်များထက် သာလွန်

ကောင်းမွန်သော်လည်း အထူးလက်နက်အဆင့်သို့ မရောက်ရှိခဲ့ပေ။

ဒါက ထိပ်တန်းအဆင့် မှော်လက်နက်တစ်ခုလား။

လင်းရှန်သည် သူ့ဘာသာ ရေရွတ်နေရင်း အမူအရာမပြောင်းဘဲ  ဆက်မေးနေ၏။

"ဘာလို့ အရည်အသွေးခန်းမမှာ သန့်စင်သော ယန်စွမ်းအား ဓားကို မတွေ့ရတာလဲ"

"ဘာလို့လဲဆိုတော့  အရည်အသွေး ခန်းမက သာလွန်အဆင့် မှော်လက်နက်တွေနဲ့အဲ့ထက်နိမ့်ကျတဲ့ လက်နက်တွေနဲ့သာ လဲလှယ်နိုင်တာကြောင့် သန့်စင်သော ယန်စွမ်းအားဓားက လဲလှယ်စာရင်းအဖြစ် မပါဝင်နေဘူး။"

လင်းရှန်သည် အလွန်စိတ်ဝင်စားနေပုံရသည်ကိုမြင်တော့ ကျောင်းယုက  နောက်ထပ်စကားအနည်းငယ်ပြောလိုက်သည်။

“ဒါပေမယ့် အရင်တုန်းကတော့  အထက်အိမ်တော် တပည့်တစ်ယောက်က နေကိုးစင်းအဆောင်ဓားအများအပြားကို လဲလှယ်ဖို့ အရည်အသွေးအမှတ်တွေ အများကြီးသုံးခဲ့တယ်၊ သူက ဆရာတစ်ယောက်ဆီကနေ သန့်စင်တဲ့နည်းကိုလည်း ရခဲ့တယ်။ ပြီးတော့ နေကိုးစင်းအဆောင်ဓားကို တဆင့်ထက်တဆင့် သန့်စင်ပြီး ပေါင်းစပ်တယ်။  အညစ်အကြေးတွေကို သန့်စင်ပြီးတော့ ဓားက

သန့်စင်သောယန်စွမ်းအားအဆင့်ရောက်ပြီး နောက်ဆုံးတော့ သန့်စင်သော ယန်စွမ်းအား ဓားသွား ဖြစ်လာခဲ့တယ် ပြောတယ်”

“သူက အဲ့ဒီ သန့်စင်သော ယန်စွမ်းအား ဓားနဲ့ အထက်အိမ်တော် တပည့်ဆယ်ယောက်ရဲ့ ခေါင်းဆောင် ဖြစ်လာတယ်လို့ ဆိုတယ်။”

လင်းရှန်သည် နောက်ဆုံးစကားကို ဂရုမစိုက်တော့ပေ။

သိုလှောင်အိတ်ထဲက ဓားဟာ သန့်စင်သော ယန်စွမ်းအားဓားဖြစ်နိုင်တယ်ဆိုတာ သူ့စိတ်ထဲမှာ သိထားပြီးသားပင်။

ဆရာတစ်ယောက်အနေနှင့် ဤကဲ့သို့သော သန့်စင်သော ယန်စွမ်းအားဓားကို ပြုပြင်ဖို့က လန်ကွမ်းထင်အတွက် ခက်ခဲသည်မဟုတ်ပေ။

သာလွန်အဆင့်လက်နက်များထက် အစွမ်းထက်သော စွဲမက်ဖွယ်လက်နက်တစ်ခုအဖြစ် မြင်မိသောအခါ လင်းရှန်သည် အံ့သြသွားသည်။

မှင်ကျောက်နှင့် သန့်စင်သော ယန်စွမ်းအားဓားတို့သည် တစ်ခုနှင့်တစ်ခု အားဖြည့်ပေးသော ရတနာနှစ်ပါးဖြစ်သည်။ ၎င်းသည် သူ၏တိုက်ခိုက်ရေးစွမ်းအားကို အလွန်တိုးတက်စေသည်။