ကြယ်ပင်လယ်ဓားပြ

"ဒီအကြောင်းတော့ သေချာ မသိဘူး... ဆရာကလည်း မသိဘူး ရှေ့တန်းက သတင်းတွေ ထွက်နေပြီ... ကျွန်မတို့ အကူအညီလိုနေပြီတဲ့"

လီလင်က ခဏလောက်စဉ်းစားပြီး

"ဒီတစ်ခါ မင်းနဲ့အတူလိုက်ဖို့ လူတချို့ကို ငါစေလွှတ်လိုက်မယ်.... မင်းမှာ လေ့ကျင့်မှု အဆင့်မြင့်နေပြီဆိုပေမယ့် မင်းက မိန်းကလေးဖြစ်နေသေးတယ်... မင်း​​နောက်ကို လိုက်ဖို့ လူတချို့ လွှတ်ထားလိုက်တာ ပိုကောင်းမယ်"

"သူတို့အားလုံးက မင်းကိုအစေခံခဲ့ကြတဲ့ လူဟောင်းတွေပဲ.... သူတို့လည်း မင်းကိုလွမ်းနေတာ"

ဒါကိုကြားတော့ ဖုန့်ဖေးရဲ့ မျက်လုံးတွေ နီရဲလာပြီး မငြင်းဆန်ခဲ့ပါဘူး။

ပွဲအပြီးတွင် လုရွှမ်သည် ဆင်ခြေတစ်ခုရှာပြီး အမြန်ထွက်သွားဖို့ ပြင်ခဲ့သည်။ ဖုန့်ဖေးက ဘာမှ မပြောပေမယ့် လုရွှမ်ဟာ ထိုအမျိုးသမီးက သူ့ကို တိတ်တဆိတ် စောင့်ကြည့်နေတယ် ဆိုတာကို ရှင်းရှင်းလင်းလင်း မသိသူ မဟုတ်။

နတ်သမီးနဲ့တူတဲ့ ဖုန့်ဖေးက သူ့ကို မြင်မြင်ချင်း ချစ်မိသွားတယ်လို့ ထင်ရလောက်အောင်လည်း သူက ရူးကြောင်ကြောင် ဖြစ်နေတဲ့ လူလည်း မဟုတ်ချေ။ ဆိုလိုချင်တာက ကောင်းကင်စာအုပ်ကို ပြန်ပေးချင်တာအပြင် ဒီအမျိုးသမီးမှာ တခြားလျှို့ဝှက်ချက်တွေရှိပြီး သူတို့နဲ့လည်း ပတ်သက်နေနိုင်သည်။

လုရွှမ် အခု အကြောက်ဆုံးအရာက လျှို့ဝှက်မှုတွေထဲ ပါ၀င်နေတာကြောင့် သူ မလွတ်မြောက်နိုင်တော့မှာကိုပင်။ ၎င်းပြဿနာတို့သည် အဆုံးမရှိလုနီးပါး ဖြစ်နေတတ်သည်။

ဥပမာအားဖြင့် သန့်ရှင်းတဲ့ အပျက်အစီးနယ်မြေကြောင့် ကြယ်တစ်သောင်းကမ္ဘာကို ရောက်လာခဲ့သည်။ ယခု သူသည် ထန်းယွမ်ကြယ်သို့ ရောက်လာပြီး ကောင်းကင်ဘုရင် နန်းတော်တွင် အပြောင်းအလဲများ ဖြစ်ပေါ်စေခဲ့သည်။ ယခုလည်း သန့်ရှင်းသော နတ်တောင်တန်း ပြဿနာကို ကံကောင်းစွာဖြင့် ဖြေရှင်းနိုင်လျှင် ခါးသီးပင်လယ်ရဲ့ ပြဿနာကိုပါ ဖြေရှင်းရဦးမလား မပြောတတ်။

ခါးသီးပင်လယ်ရဲ့ ပြဿနာကို ဖြေရှင်းနိုင်ခဲ့ပါက နောက်ထပ် ငိုကြွေးမြည်တမ်းဝိညာဥ်ဂူမှာလည်း ပြဿနာတစ်ခု ထပ်ပေါ်လာနိုင်သည်။ အဲဒီလိုဆိုလျှင် သူသည် တောင်တစ်သောင်းကမ္ဘာ နယ်နိမိတ်ကို ဘယ်တော့မှ ပြန်နိုင်​တော့မည် မဟုတ်ပါ။

ယခုအချိန်တွင် တောင်တစ်သောင်းကမ္ဘာသည် အပိုင်းပိုင်းပြတ်နေတာ ဖြစ်ကောင်း ဖြစ်နိုင်ပြီး ထိုသူငယ်ချင်းများက သူ့ပြန်လာတာကို ခါးခါးသီးသီး စောင့်ဆိုင်းနေကြနိုင်သည်။

ထို့အပြင် ဓားနတ်ဆိုးနဲ့ ထျန်းရှားတို့ အခုဘယ်ကို ရောက်နေကြလဲ ဆိုတာ ကောင်းကင်ကပဲ သိလိမ့်မည်။ သူတို့ အသက်ရှင်နေသေးလား ဒါမှမဟုတ် သေသွားပြီလား။ သူသည် ကြာကြာမစောင့်နိုင်တော့သလို နောက်တစ်ကြိမ် ဘယ်ပြဿနာထဲမှလည်း မပါဝင်ချင်တော့ပေ။

လီမိသားစု ထိန်းချုပ်ထားသည့် ပို့ဆောင်ခြင်းအစီအရင်ထဲတွင် ဖုန့်ဖေးနဲ့ လုရွှမ်တို့ တစ်ဖက်တစ်ချက်စီတွင် ရပ်နေကြသည်။ အစီအရင်ကို ဖွင့်လိုက်ပြီးသော် လုရွှမ်လည်း အလျင်အမြန် လျှောက်သွားကာ အလင်းရောင် တောက်ပလာသည်။

"ဘယ်တော့မှ ပြန်မလာနဲ့... မဟုတ်ရင် ဆန်းကြယ်ကောင်းကင် အိမ်တော် တစ်ခုလုံးက မင်းကို လိုက်သတ်​ကြလိမ့်မယ်"

ဖုန့်ဖေးက အသံစွမ်းအင် တစ်ချက် ပို့လိုက်သည်။ သူမလက်ချောင်းကို ဝေ့ယမ်း၍ လုရွှမ် လက်ထဲကို အမိန့်ပေးစာတစ်စောင် ပစ်​ပေးလိုက်သည်။ လုရွှမ် သူ့လက်ကို ဖြန့်ကြည့်လိုက်သော် သွေးကဲ့သို့ နီရဲနေသည့် စကားလုံးသုံးလုံးသာ ပါရှိပြီး အသတ်ခံရမည့်သူ၏ အောက်တွင် လုရွှမ်ရဲ့ နာမည် ရှိနေသည်။

ဖုန့်ဖေးက သူ့အပေါ် ဘယ်လောက် ကျေးဇူးများ ပေးခဲ့တယ် ဆိုတာ သိလိုက်ရတော့ လုရွှမ်လည်း "ကျေးဇူးတင်ပါတယ်" လို့ တိုးတိုးလေး ပြောပြီး ပို့ဆောင်ခြင်းအစီအရင်က လင်းလက်သွားပြီး သူ့ခန္ဓာကိုယ်လည်း ပျောက်သွားခဲ့သည်။

ကွက်လပ်တစ်ခုထဲက တိတ်ဆိတ်နေသော ကြယ်ငယ်လေးတစ်ခုထဲတွင် အလင်းရောင် တစ်ချက် မှိန်ဖျော့သွားပြီး လုရွှမ်တစ်ယောက် လေထုအလယ်မှ ခုန်ဆင်းလာခဲ့သည်။

လုရွှမ်သည် သူ့ခန္ဓာကိုယ်ကို လျင်မြန်စွာ ထိန်းသိမ်း၍ လေထဲတွင် ရပ်ကာ လှည့်ပတ်လိုက်ကာ ကြယ်ငယ်လေးပေါ်သို့ ဖြည်းညှင်းစွာ ဆင်းသက်လာခဲ့၏။ စိမ်းလန်းသော အရိပ်အယောင် မရှိ၊ အသက်မရှိသော လူဆိတ်ညံရာ အရပ်ဖြစ်သည်။

ဘယ်လိုလုပ် ဒီကို ရောက်လာတာလဲ။

ပတ်၀န်းကျင်တွင် ပို့ဆောင်ခြင်းအစီအရင် ခင်းကျင်းထားမှု လုံးဝမရှိပုံရပြီး နေရာလွတ်သည် အလွန် ပျက်စီးလွယ်​​နေသည်။ လုရွှမ် သူ့လက်ကို ဝှေ့ယမ်းပြီး နတ်ဓားကို ဆွဲထုတ်လိုက်သည်။ ဓားကိုတစ်ချက် လွှဲခုတ်လိုက်တဲ့အခါ လေပြင်းက ဟိန်းဟောက်သော်လည်း ကြီးမားသော အာကာသ အက်ကြောင်းကြီး ပွင့်သွားသည်။

ပြင်းထန်သော လေသည် တဟုန်ထိုး ထိုးထွက်လာကာ ကြီးမားသော စုပ်ယူမှု စွမ်းအားက ပတ်ဝန်းကျင်ကို တခဏအတွင်း ဆွဲယူသွားလေသည်။ လုရွှမ်မှာလည်း သူ့ခန္ဓာကိုယ်ကို မထိန်းထားနိုင်လုနီးပါး ဖြစ်ကာ စုပ်လုခံရနီးပါး ဖြစ်သွားသည်။

"တောင်တစ်သောင်းကမ္ဘာရဲ့ အခြေအနေက ဒီလောက် ဆိုးလိမ့်မယ်လို့ ငါ မမျှော်လင့်ထားဘူး

.. ငါ့ကို ပို့ဆောင်လို့ မရတာ အံ့သြစရာတော့ မဟုတ်ဘူးပဲ... နေရာက အရမ်းပျက်စီးနေပြီ"

လုရွှမ်သည် ယခုသူဟာ တောင်တစ်သောင်းကမ္ဘာရဲ့ အနီးရှိ ကမ္ဘာငယ်လေးတွင် ရှိနေရမည်ကို သေချာနေပြီ ဖြစ်သည်။ တောင်တစ်သောင်းကမ္ဘာကြောင့် ဖြစ်ကောင်းဖြစ်နိုင်သလို ဤကမ္ဘာငယ်လေးသည်လည်း မတည်မငြိမ် ဖြစ်လာပြီ။

သို့သော် မှန်ကန်သော ဥမင်လိုဏ်ခေါင်းကို ဘယ်လိုရှာဖွေပြီး တောင်တစ်သောင်းကမ္ဘာထဲကို ဘယ်လို ဝင်ရမလဲ။ ဒီအတွေးက လုရွှမ်ကို တကယ်ပဲ ရပ်တန့်သွားစေသည်။

အာကာသအတွင်းရှိ အက်ကွဲကြောင်းများအတွင်း လမ်းကြောင်း တစ်ခုရှာဖွေရန်၊ ထွက်ပေါက်ကို ရှာဖွေရန် ဆယ်စုနှစ်များစွာ သို့မဟုတ် နှစ်ရာနှင့်ချီ၍ ကြာနိုင်သည်။

သို့သော် ရုတ်တရက် ဒီနေရာမှာ တကယ်လူတွေ ရှိနေတာကို တွေ့လိုက်ရ၏။

လုရွှမ်၏ နတ်မျက်စိသည် အလွန်အစွမ်းထက်လှပြီး ပျက်ပြယ်သွားသော အကွာအဝေးတွင် အလင်းတန်းတစ်ခု လင်းလက်သွားကာ ကျင့်ကြံသူ တစ်ယောက် ပေါ်လာသည်။ ဝေးလံခေါင်သီပြီး လူဆိတ်ညံရာ အရပ်သို့ ရောက်ရှိလာသူများမှာ အထူးရည်ရွယ်ချက်တစ်ခု ရှိကောင်းရှိပေမည်။

လုရွှမ် အမြန်​​ပြေးသွားသည်​။

သူ့အရှိန်က အရမ်းမြန်လွန်းသလို စိတ်လှုပ်ရှားမှုကြောင့် အာကာသ တုန်ခါလုနီးပါးဖြစ်ပြီး ခရမ်းရောင်လိုင်းက အဝေး၌ ပျံ့နှံ့ ကျန်ရစ်ခဲ့သည်။ ပြင်းထန်သော လေလှိုင်းနဲ့အတူ လုရွှမ် ပြေးထွက်သွားလေသည်။

ချွီးတုံးသည် သူ့ဘာသာ သက်ပြင်းတစ်ချက် ချလိုက်လေသည်။ သူ့ရှေ့က ပိုပျက်စီးလွယ်တဲ့ အာကာသ နယ်နိမိတ်တွေကို ကြည့်လိုက်ရင် သူ့ရင်ထဲမှာတောင် ကြောက်ရွံ့မှုတစ်ခု ကိန်းအောင်းနေသလို ခံစားလာရသည်။

ဒါက အကျိုးအမြတ်အတွက် လုံးလုံးလျားလျား လဲလှယ်လိုက်တာက အကြိမ်တိုင်း ပိုအန္တရာယ်များလာပြီလေ။

'အင်း အဲဒါက ဘာသံလဲ... ရက်စက်ကြမ်းကြုတ်တဲ့ သားရဲလား?'

ချွီးတုံး တစ်ချက် လှည့်ကြည့်လိုက်ရာ အရှိန်ပြင်းပြင်းဖြင့် သူ့ဦးတည်ရာဆီသို့ အပြေးအလွှား သွားနေသည့် သတ္တဝါကို မြင်လိုက်ရလေသည်။

သူ့ခမျာ အလိုလို ပြေးချင်ပေမယ့် ဒီလောက်မြန်တဲ့ အရှိန်နဲ့ ဘယ်ကနေများ လွတ်မြောက်နိုင်ပါ့မလဲ။ သို့သော် လက်ရှိအခြေအနေအရ တောင်တစ်သောင်းကမ္ဘာသို့ ဝင်ရောက် စွက်ဖက်ရန် နယ်ပယ်တစ်လျှောက် ခရီးသွားခြင်းက သေခြင်းတရားကို ရှာဖွေနေခြင်းသာ ဖြစ်သည်။

ခက်ခက်ခဲခဲဖြင့် သူ့ဗီဇကို ဖိနှိပ်ပြီး ကရုဏာကို တောင်းစားခြင်းဖြင့် သူ့အသက်ကို ကယ်တင်နိုင်ပါ့မလား တွေးနေမိသည်။ သူ့နှလုံးသားထဲမှာ နောက်ဆုံးဆန္ဒတစ်ခုပဲ ကျန်တော့၏။

ခရမ်းရောင်အလင်း တဖြည်းဖြည်း နီးကပ်လာကာ ခဏအကြာတွင် ခရမ်းရောင်အလင်းက ပျောက်ကွယ်သွားကာ ကောင်းကင်ဘုံသခင် ကျင့်ကြံသူတစ်ယောက် သူ့ရှေ့တွင် ပေါ်လာခဲ့သည်။ သူအံ့သြသွားသည်။ ကောင်းကင်ဘုံသခင်က ဒီလိုအရှိန်အဝါကို ဖန်တီးနိုင်တယ်တဲ့လား။

သူ့စိတ်ထဲတွင် ဒေါသကို မျိုသိပ်ထားသော်လည်း စိတ်ကို နှိမ့်ချရန်သာ တွန်းအားပေးနိုင်ခဲ့သည်။ နှစ်ပေါင်းများစွာ အတွေ့အကြုံများ ရလာပြီးနောက်တွင် အကြီးတန်း ကျွမ်းကျင်သူတစ်ဦးနှင့် တွေ့ဆုံပါက ထူးထူးခြားခြား သတ္တိရှိပါက ထိုသူသည် သူ့အသက်ကို ချမ်းသာပေးနိုင်ကြောင်း သူကောင်းကောင်းသိသည်။

ဟန်ဆောင်တတ်တဲ့ ပါရမီရှင်တွေကို တွေ့လေလေ သူတို့ကို ဖျော်ဖြေဖို့က ပိုခက်လေလေပဲ။ အမှားတစ်ခုခုလုပ်မိလို့ ဒါမှမဟုတ် အမှားတစ်ခုခုပြောမိရင် ဒေါသဖြစ်ကုန်​ကြလိမ့်မယ်။

"ဒီသခင်ငယ်လေး.... ကျွန်တော်က ချွီးတုံးပါ...သခင်ဘေး ဒီကိုလာရတဲ့ ရည်ရွယ်ချက်က ဘာလဲဆိုတာ မေးလို့ရမလား?"

ချွီးတုံး သတ္တိရှိရှိနဲ့ မေးလိုက်၏။ သူသည် နတ်မီးနယ်ပယ် အဆင့်၄ ရှိသော်လည်း သူ့ကိုယ်သူ အကြီးအကဲဟု မပြောရဲပေ။

လုရွှမ်သည် ၎င်း၏ဆံပင်ကို တစ်ချက်ကြည့်လိုက်ပြီး ၎င်းအထဲတွင် သိုလှောင်ကွင်းတစ်ဒါဇင်ကျော်ကို ဝှက်ထားကာ အာကာသထဲတွင် အပြောင်းအလဲများ ထွက်ပေါ်လာနေတာကို တွေ့လိုက်ရသည်။

သူ့စိတ်ထဲ တုန်လှုပ်သွားပြီး "မင်းက အာသာကလမ်းကြောင်းကြားမှာ လျှောက်သွားနေတဲ့ ပွဲစားမဟုတ်ဘူးလား"

လုရွှမ်၏ မျက်လုံးများသည် စိတ်ကြွဆေးပြား သောက်ထားသလို အမူအရာကို ထုတ်ဖော်ပြသလိုက်သည်။ ကွဲပြားသော ကမ္ဘာငယ်လေးတွင် ခရီးထွက်ကာ သူ့တွင်ရှိသော အရာများနှင့် သူ့တွင်မရှိသော အရာများကို ဖလှယ်ကြည့်နိုင်သည်။

ယခုဆိုလျှင် တောင်တစ်သောင်းကမ္ဘာရှိ လမ်းများက ပိတ်နေပြီ။ ဤလူက တောင်တစ်သောင်းကမ္ဘာကို ဝင်ရမယ့်လမ်းကို သိနေတာ ဖြစ်နိုင်၏။

ချွီးတုံးခမျာ သူ့ရင်ထဲက အေးတိအေးစက် လေပြင်းတစ်ချက်ကို ခံစားလိုက်ရပြီး သက်ပြင်းချကာ သူ့လက်ထဲက သိုလှောင်လက်စွပ်ကို ချွတ်လိုက်ပြီး လုရွှမ်ကို လေးစားစွာ ပေးလိုက်သည်။

"သခင်လေး... ကျွန်တော်က ပွဲစားငယ်လေးပါ... မိသားစုကို ထောက်ပံ့ဖို့ အသက်ကို စွန့်စားနေရတာပါ အဲဒီထဲမှာ အများကြီးတော့ မရှိပါဘူး သခင်လေး လက်ခံပြီး ကျွန်တော့်အသက်ကို ချမ်းသာပေးနိုင်မယ်လို့ မျှော်လင့်ပါတယ် ကျွန်တော့်အိမ်မှာ ကျွေးမွေးဖို့ ကလေးနှစ်ယောက်လည်း ကျန်ပါသေးတယ်"

လုရွှမ်မှာ တစ်ဖက်လူက သူ့ကို အိမ်တွေကို လုယက်တဲ့ ဓားပြမျိုးလို့ မှတ်ယူလိမ့်မယ်လို့ မမျှော်လင့်ထားပေ။ သူ ကြယ်ပင်လယ်ဓားပြတွေရဲ့ ဒဏ္ဍာရီကို ကြားဖူးပေမယ့် သူတစ်ယောက်တည်း ဖြစ်လိမ့်မယ်လို့ မမျှော်လင့်ထားခဲ့ပါဘူး။

"ဟာဟား.... ငါမင်းတို့ကို ပြောခဲ့သားပဲ... အခုတလော ဒီလောက်ကြီးကျယ်တဲ့ လှုပ်ရှားမှုကြီးရှိနေပြီ တစ်ယောက်ယောက်က ဒီမှာရှိနေလိမ့်မယ်လို့ သတိမပေးထားဘူးလား.... ဆူဖြိုးတဲ့ သိုးနှစ်ကောင်တော့ ရောက်လာပြီ မင်းတို့ရဲ့ ပင်လယ်ဓားပြ အဖိုးတွေက ဒီမှာစောင့်နေတာ ကြာပြီကွ!"