အရူးအစီအစဥ်

လုရွှမ်သည် သူနှင့်ပတ်သက်သော ဤရိုးရှင်းသော ဇာတ်လမ်းသည် ကျင့်ကြံမှုနှင့် ပြင်ပကမ္ဘာ ဗဟုသုတအကြောင်း ရှင်းပြချက် အဖြစ်သို့ ပြောင်းလဲသွားလိမ့်မည်ဟု မမျှော်လင့်ထားပေ။

သူဟာ သူတို့မေးခွန်းများကို မရှောင်ဘဲ သေချာ ရှင်းပြခဲ့သည်။ အထူးသဖြင့် သူသည် နတ်မီးနယ်ပယ်ရဲ့ ကျင့်ကြံမှုလမ်းကြောင်းဟာ မျှော်စင်နယ်ပယ်ကို ဖြတ်ကျော်ရန် သော့ချက်ဖြစ်ကြောင်း အသေအချာ ဖော်ပြခဲ့သည်။

ဂိုဏ်းကြီး ရှစ်ခုမှ တပည့်များပင်လျှင် လူ့ပရလောကသား၊ မြေကြီးနှင့် ကောင်းကင်ဘုံတို့အကြား ခြားနားချက်များကို ပထမဆုံးအကြိမ် ကြားသိရသဖြင့် များစွာအကျိုး ရှိလာခဲ့ပါသည်။

လုရွှမ် ပြန်လာပြီးနောက်တွင် တစ်စုံတစ်ဦးမှ အဂ္ဂိရတ်ပညာနှင့် ဆေးပညာကို ပြုပြင် သန့်စင်ရန် တဖြည်းဖြည်း မေးမြန်းလာခဲ့သည်။ ဂိုဏ်းခိုပ် ရှစ်ယောက်၏ အဆိပ်သင့်မှု ဇာတ်လမ်း ထွက်လာပြီးနောက် လုရွှမ်သည် အဆိပ်အပြင်းဆုံး အဆိပ်ဆယ်ပါးကို ဖြေရှင်းနိုင်သည့် ဒဏ္ဍာရီတစ်ခု ဖြစ်လာခဲ့သည်။

လုရွှမ်လည်း ဖြည်းဖြည်းချင်း ပြော​ပြ၏။ သူပြောပြသည့် အကြောင်းအရာများထဲတွင် လက်နက် သန့်စင်မှုများ ပါဝင်ပြီး လူမြင်ကွင်းတွင် ဧကရာဇ်လက်နက်ကိုပင် သန့်စင်ပြီး အငယ်တန်း ညီမတစ်​ယောက်အား ပေးခဲ့သည်။

ဤရှင်းလင်းချက်သည် ကိုးရက် ကြာသွားပြီး နောက်ဆုံးတွင် လူတိုင်းက သည်းမခံနိုင်တော့ဘဲ ထွက်ခွာသွားကြကာ လက်တွေ့ စမ်းသပ်ကြတော့သည်။

ဤသည်မှာ ရှင်းလင်းချက် တစ်ခုသာ ဖြစ်ပြီး ဂိုဏ်းချုပ် ရှစ်ယောက်ပင်လျှင် လုရွှမ်ကို သူတို့၏ မျက်လုံးများထဲတွင် အငယ်တန်းလို လုံးဝ မကြည့်တော့ဘဲ သူတို့နှင့် တန်းတူ ဖြစ်နေပြီဟု လက်ခံလိုက်သည်။

"အချိန်က ပိုတင်းကျပ်လာပြီ... တောင်တစ်သောင်းကမ္ဘာကို အမြန်ဆုံး ပြုပြင်ဖို့ လိုတယ်"

ဂိုဏ်းချုပ် ရှစ်ယောက်က တစ်ယောက်နဲ့တစ်ယောက် ကြည့်နေကြတာ ဘာတွေဖြစ်လာမလဲ မသိပေမယ့် လုရွှမ်ကို ကာကွယ်ပေးရမှာတော့ အမှန်ပင်။ အထူးသဖြင့် ခုနစ်ရက်နှင့် ခုနစ်ညတာကို တောင့်ခံတားဆီးဖို့က ခက်ခဲလွန်းသဖြင့် ရှာဖွေမတွေ့ရှိရန် မဖြစ်နိုင်သလောက်ပင်။

"ကျွန်​တော်တို့ သူတို့ဆီကနေ လုံးဝ ဖုံးကွယ်ထားဖို့ မလိုပါဘူး"

လုရွှမ် ရုတ်တရက် ပြောလိုက်သည်။

လုရွှမ်ရဲ့ စကားကြောင့် လူရှစ်ယောက်လုံး တုန်လှုပ်သွားပြီး လော့ချောင်ဖုန်းက ဝင်ဆိုလိုက်လေ၏။

“အဲဒီပင်လယ်သားရဲတွေက သဘောမတူ​လောက်ဘူး... မဟုတ်ရင် သူတို့ ဒီအချိန်မှာ ငါတို့ကို တိုက်ခိုက်နေဦးမှာ မဟုတ်ဘူး”

လုရွှမ်သည် သူပင်လယ်ထဲတွင် တစ်နှစ်ကျော်ကြာ လျှောက်လည်ခဲ့ရာ သူမြင်ခဲ့ရသည့်အရာများကို ပြန်လည် စဥ်းစားရင်း သူ့စိတ်ထဲ မြူခိုးများ ရုတ်တရက် လွင့်စင်သွားသလို အလင်းတစ်ချက် လင်းလက်သွားခဲ့သည်။

"သူတို့ သဘောတူ​လောက်တယ်... သဘောမတူတဲ့ သူတွေကို ပြောတာ မဟုတ်ဘူး တခြားသူတွေ...."

လူရှစ်ယောက် အံ့ဩသွားကာ လုရွှမ် ဘာပြောနေမှန်း မသိကြချေ။ လုရွှမ်က သူ့ကို တောင်တစ်သောင်းကမ္ဘာထဲကို ခေါ်ဆောင်လာတဲ့ ချွီးတုံးအကြောင်း ပြောပြလိုက်သည်။ ထိုလူက တောင်တစ်သောင်းကမ္ဘာထဲမှာ စီးပွားရေးလုပ်ဖို့ ဝင်ခဲ့တယ်လို့ ဆိုခဲ့သည်။

ပျက်လုနီးပါး ဖြစ်နေပြီ ဖြစ်သော တောင်တစ်သောင်းကမ္ဘာတွင် ရောင်းရကျိုးနပ်သော အရာများစွာ ရှိနိုင်သည်။ ဒါပေမဲ့ တောင်တစ်သောင်းကမ္ဘာမှာရှိတဲ့ လူတွေအတွက် နောက်ထပ် ဘာက ဝယ်ရကျိုးနပ်ဦးမလဲ။ အဲဒါအတွက် ဘာနဲ့ လဲလှယ်သင့်လဲ။

ထိုအချိန်တုန်းက သူသည် ရှင်းရှင်းလင်းလင်း မမေးခဲ့ဘဲ သူ့စိတ်ထဲမှာ အမြဲသံသယ​တွေသာ ရှိနေခဲ့ပြီး ယခုတော့ ရှင်းရှင်းလင်းလင်း ဖြစ်လာပါပြီ။

တခြားဘာမှမဖြစ်ရင် ပစ္စည်းဝယ်တဲ့ လူတွေက လှောင်အိမ်သခင်တွေ ဖြစ်နိုင်သည်။ နောက်ဆုံးတွင် အရောင်းအဝယ်ထဲတွင် ပါ၀င်သည့် ပါတီသုံးမျိုးသာ ရှိသည်။ ပင်လယ်သားရဲ၊ လှောင်အိမ်သခင်နှင့် ထုံးထျန်းတောင်ထွတ်က လူသားကျင့်ကြံသူများပင်။

ထုံးထျန်းတောင်ထွတ်က တောင်တစ်သောင်းကမ္ဘာထဲ ရှိနေကြောင်း ချွီးတုံးလို လူတစ်ယောက်ပင် သိနိုင်မည် မဟုတ်ပေ။

ချွီးတုံး၏ ကိုယ်ပိုင်စွမ်းအားဖြင့် သူသည် တောင်တစ်သောင်းကမ္ဘာ၌ ကြွယ်ဝချမ်းသာမှုကို စုဆောင်းလိုပါက ၎င်း၏ကိုယ်ပိုင် ဘဏ္ဍာရေး အရင်းအမြစ်များဖြင့် ပြုလုပ်ရန် လုံးဝ မဖြစ်နိုင်သောကြောင့် သဘာဝအားဖြင့် သူ့တွင် ခိုင်မာသော ပူးပေါင်းဆောင်ရွက်သူ ရှိနိုင်သည်။

ပင်လယ်သားရဲလား ဒါမှမဟုတ် လှောင်အိမ်သခင်လား။

လှောင်အိမ်သခင်သည် အလားအလာ အကြီးဆုံး ပြိုင်ဘက်ဖြစ်သည်။ ဒါဆို သူတို့ ရောင်းဝယ်ဖောက်ကားမယ့် ကုန်ပစ္စည်းတွေက ဘာတွေလဲ။

တောင်တစ်သောင်းကမ္ဘာသည် လှောင်အိမ်သခင်နှင့် ပင်လယ်သားရဲ နှစ်ဖက်စလုံးက အုပ်စိုးနေကြောင်း သူ ရှင်းရှင်းလင်းလင်း သိနေပေတော့မည်။ ထို့ကြောင့် ကျန်ရှိသော သလင်းကျောက်များ၊ သဘာဝပစ္စည်းများနှင့် ကမ္ဘာပေါ်ရှိ ရတနာများကို ဘယ်လို အသုံးပြုကြမလဲ။

သူတို့ကို စိတ်လှုပ်ရှားစေမယ့် အရာတစ်ခုက ချွီးတုံးဆီမှာ ရှိမယ်ဆိုရင် အဲဒါက အာကာသ နိယာမပဲဆိုတာ သံသယဖြစ်စရာ မရှိပါဘူး။

ပင်လယ်သားရဲ တချို့လည်း ပါဝင်လာသော်လည်း ၎င်းတို့သည် များစွာမသိနိုင်ပေ။ ထို့ကြောင့် ပင်လယ်သားရဲများသည် ထုံးထျန်းတောင်ထွတ်ကို ရှာနေကာ လူသားကျင့်ကြံသူများကိုသာ အရူးအမူး တိုက်ခိုက်နေကြသည်။

ထိုနေရာသည် တောင်တစ်သောင်းကမ္ဘာဥ နောက်ဆုံး ကုန်နေရာဖြစ်သည်။ လုရွှမ်ရဲ့ သူ့ခန့်မှန်းချက်ကို လူရှစ်ယောက် အံ့အားသင့်သွားသော်လည်း ခွဲခြားရန် စကားလုံးတစ်လုံးမျှ ရှာမတွေ့ခဲ့ပေ။

"ဒီကိစ္စမှာ သတ္တိရှိရှိ မှန်းဆကြည့်ရအောင်... ဒီပင်လယ်သားရဲတွေက မသေချင်ကြဘူး... ဒါပေါ့ ဘယ်သူမှ မသေချင်ကြပါဘူး သူတို့ကို အသက်ရှင်ဖို့ အခွင့်အရေး ပေးမယ်ဆိုရင် သူတို့ ဘယ်လိုမှ မတိုက်ခိုက်ဘဲ မနေနိုင်ကြပါဘူး"

"မျိုးနွယ်တစ်ဝက်လောက် ဆုံးရှုံးသွားရင်တောင် အနည်းဆုံး ကျန်တဲ့ တစ်ဝက်ကို ကယ်တင်နိုင်ပြီမလား?"

"ဒါပေမဲ့ လှောင်အိမ်သခင်တွေ အတွက်ကတော့ လုံးဝကို မတူဘူး.... သူတို့က ဒေါသတွေ အပြည့်နဲ့ တောင်တစ်သောင်းကမ္ဘာကို ဖျက်စီးပစ်ချင်နေကြတာ... သူတို့ရဲ့ မျိုးနွယ်စုတွေအတွက် စိတ်မပူဘူး သူတို့မှာ မျိုးနွယ်စုတွေ မရှိဘူး ချွီးတုံးရဲ့း အာကာသ နိယာမက သူတို့နောက်ဆုံး လွတ်မြောက်ရမယ့် လမ်းပဲ..."

“ဒီဖြစ်စဉ်မှာ သူတို့က စည်းစိမ်ဥစ္စာတွေ အများကြီးကို လုယူကြနိုင်တယ်... ကျွန်တော်တို့အားလုံးကိုလည်း သူတို့နဲ့အတူ မြှုပ်နှံပစ်နိုင်တယ်... ဒါပေမဲ့ အဲဒီလူတွေက အကြီးမားဆုံး အောင်မြင်သူတွေ ဖြစ်လာတယ်"

လုရွှမ်သည် ပိုးအိမ်ခွံကို ဖယ်ထုတ်ပြီး ဂိုဏ်းဆရာ ရှစ်ယောက်ရှေ့တွင် အရာအားလုံးကို တင်ပြလိုက်သလိုမျိုး တဖြည်းဖြည်း ရှင်းပြလိုက်သည်။

အားလုံးက ခန့်မှန်းချက်သာ ဖြစ်ပေမဲ့ လူရှစ်ယောက်က တစ်ယောက်နဲ့တစ်ယောက် တစ်ချက်ကြည့်လိုက်ပြီး လုရွှမ်ရဲ့ ခွဲခြမ်းစိတ်ဖြာမှုဟာ မှန်ကန်ဖို့ အနည်းဆုံး ဖြစ်နိုင်ချေ 80% ရှိနေပြီဆိုတာ သိလိုက်ရသည်။

"ပင်လယ်သားရဲ မျိုးနွယ်ရဲ့ ခေါင်းဆောင်ကို လှောင်အိမ်သခင်က ပြန်ပေးဆွဲပြီး ထိန်းချုပ်ထားတာလို့တော့ ကျွန်တော် သံသယ​ဖြစ်မိပါတယ်.... ဂိုဏ်းချုပ်ရှစ်ယောက်... ခင်ဗျားတို့ ပင်လယ်သားရဲတွေကို အကြိမ်ပေါင်း မရေမတွက်နိုင်အောင် တိုက်ခိုက်ခဲ့တာပဲ... ပင်လယ်သားရဲတွေရဲ့ ခေါင်းဆောင်ကို မြင်ခဲ့ကြလား?"

လူရှစ်ယောက်က တညီတညွတ်တည်း ခေါင်းယမ်းလိုက်ကြပြီး ကျန့်ဝူဝေါ်က ရုတ်တရက် ဝင်ထောက်လိုက်သည်။

"အမိန့်ပေးတဲ့ အချိန်တိုင်း အမိန့်ပေးတဲ့သူ လှောင်အိမ်သခင် ဖြစ်ပုံရတယ်"

လုရွှမ်က သူ့လက်ကို ပြင်းပြင်းထန်ထန် လက်ခုပ်တီးကာ ပြောလိုက်သည်။

"မှန်တယ်.... ကျွန်တော်တို့ ပင်လယ်သားရဲရဲ့ ခေါင်းဆောင်ကို ရှာပြီး သူနဲ့ သဘောတူညီမှု ရအောင် လုပ်ရမယ်... ဒါမှ အားလုံးကို လွယ်လွယ်ကူကူ ဖြေရှင်းနိုင်မှာ"

လူရှစ်ယောက်က ရှိုက်ကြီးတငင် ပြုံးပြလိုက်၏။ ပြောဖို့က လွယ်ပေမယ့် အပြောနဲ့ ထပ်တူထပ်မျှ ခက်ပါ၏။

အဆိုးဆုံးဖြစ်ရပ်ကို ကြည့်လျှင် လှောင်အိမ်ရှင်သည် ပင်လယ်သားရဲ မျိုးနွယ်စု၏ ခေါင်းဆောင်ကိုပင် ဖမ်းမိခဲ့သည်။ သူတို့လုပ်ရမှာက ပင်လယ်သားရဲ​တွေကို ရှောင်ပြီး နဂါးလှောင်အိမ် သခင်တွေရဲ့ ပိုင်နက်ထဲကို ခိုးဝင်ပြီး ပင်လယ်သားရဲ ခေါင်းဆောင်ကို ကယ်တင်ဖို့ပါပဲ။

ဤအရာ အားလုံးသည် ဘယ်လောက် ခက်ခဲလိုက်မလဲ မပြောတတ်ပေ။ အရာအားလုံးသည် လုရွှမ်ရဲ့ ခန့်မှန်းချက်အပေါ် အခြေခံထားတာ ဖြစ်သည်။ သူတို့ရဲ့ မှန်းဆချက် မှားရင် သူတို့ အသက်ရှင်သည်ဖြစ်စေ သေသည်ဖြစ်စေ တကယ်ကို စိတ်ပျက်လက်ပျက် အခြေအနေတစ်ခုကို ရောက်သွားပါလိမ့်မယ်။

ဝုန်း!

လော့ချောင်ဖုန်း မတ်တပ် ထရပ်လိုက်သည်။

"ငါလုရွှမ်ကို ယုံတယ်"

ကျန့်ဝူဝေါ်ကလည်း "ဟုတ်တယ် ဒီအကြံအစည်က ရူးသွပ်ပြီး အန္တရာယ်အများဆုံး ဆိုပေမယ့် ဒါက အမြင့်ဆုံး ဖြစ်နိုင်ခြေ ဆိုရင်လည်း ဟုတ်တယ်.... ငါတို့အောင်မြင်နိုင်ရင် တောင်တစ်သောင်းကမ္ဘာကို ကယ်တင်ဖို့ တကယ် မျှော်လင့်ချက် ရှိပြီ"

"အဲဒီ ခုနှစ်ရက်အတွင်းမှာ ပင်လယ်ဘီလူးတွေရဲ့ တိုက်ခိုက်မှုကို ငါတို့ ခံနိုင်ရည်ရှိမယ်လို့ မျှော်လင့်ပါတယ်.... လွဲမှားစရာတွေ မရှိဘူး ဒါမှမဟုတ် လူတိုင်းက စည်းလုံးပြီး သေရမှာကို မကြောက်ရင်တောင်မှ ငါတို့ အစွမ်းကုန် ကြိုးစားရင်း သေသွားနိုင်တယ်... ပြီးတော့ ငါတို့ ခုနစ်ရက်ကြာအောင် မထိန်းနိုင်​လောက်တော့ဘူး"

"ဟာဟား.... ငါတို့အားလုံး သေပြီသားလိုလို ဖြစ်နေပါပြီ... ပိုအလားအလာ ကောင်းတာကို လိုက်ကြည့်ကြတာပေါ့"

ရှဲ့ယွင်ထျန်းက "တကယ်တော့ ဂိုဏ်းတစ်ခုရဲ့ ခေါင်းဆောင်တစ်ယောက် အနေနဲ့ ငါတို့က ဂိုဏ်းရဲ့ ဘုန်းအသရေကို နှစ်သက်ပြီး ဂိုဏ်းရဲ့ ကြီးလေးတဲ့ တာဝန်ကို ထမ်းဆောင်ခဲ့တယ်

.. ဒီအရေးကြီးတဲ့ အခိုက်အတန့်မှာ ငါတို့ ရှေ့မတိုးရင် ဘယ်သူက ရှေ့တိုးရမှာလဲ"

"ကောင်းပြီ.... ဂိုဏ်းရဲ့နောက်ဆက်ခံသူ တစ်ယောက်စီကို ဆင့်ခေါ်ပြီး အခြေအနေကို အကြောင်း ကြားလိုက်ရအောင် အားလုံး ပြင်ဆင်ထားသင့်တယ်... အခုမတိုက်ရင် နောက်ပိုင်း ပိုဆိုးလိမ့်မယ်"