အောင်မြင်မှု

"သူ့နောက်ကို လိုက်ရအောင်"

လူတိုင်းက ထိုချွီးတုံးဟူသော ယောက်ျားကို လှမ်းကြည့်လိုက်ကြသည်။ ကျင့်ကြံမှုအဆင့်က မမြင့်မား၊ ကြမ်းတမ်းတဲ့ အသွင်အပြင်က အရေးပါတဲ့ လူတစ်ယောက်လိုလည်း မဟုတ်ပေ။ လုရွှမ် သူ့ကို ဘာကြောင့် အာရုံစိုက်နေမှန်း မသိ။

သို့သော် ယခင် အဖြစ်အပျက်များသည် လုရွှမ်၏ ပြောင်မြောက်သော မျက်လုံးများကြောင့် ဆိုတာကို သက်သေပြခဲ့ပြီးပြီမလို့ လူများစွာက သူ့နောက်သို့ အလျင်အမြန် လိုက်လာခဲ့ကြသည်။

ထိုလူသည် ဂူထဲသို့ ဝင်သွားတာကို တွေ့ပြီးနောက် အားလုံးကလည်း သူ့နောက်မှ ဆက်လိုက်သွားကြသည်။ သိပ်မကြာခင်မှာပဲ အသံတစ်သံ ကြားလိုက်ရ၏။ ၎င်းက ဒေါသ ဝေဒနာ အပြည့်နဲ့ အသံအိုကြီး ဖြစ်သည်။

"အဲဒါက ဘိုးဘေးကြီးရဲ့ အသံများလား"

လုရွှမ်သည် ဂူအတွင်းမှ နဂါးအ​ငွေ့အသက်ကို ခံစားရလေ၏။ သူ့ခန္ဓာကိုယ်ထဲမှာ နဂါးသွေး အရိပ်အယောင်တွေ ရှိနေသေးသလို၊ ရွှမ်ဝူရဲ့ မျိုးဆက်ဟောင်းကလည်း ဒီရေနဂါးဘိုးဘေးကို သူ့အငွေ့အသက်တချို့ ပေးခဲ့လိမ့်မည်။

“လှောင်အိမ်ထဲက ကျင့်ကြံသူတွေက ရုပ်ပိုင်းဆိုင်ရာ ဒဏ်ရာတွေ ရခဲ့ပေမယ့် သူတို့ရဲ့အပြုအမူက ကြမ်းတမ်းမှုတွေ အပြည့်ပဲ... အဲဒီလို ပုဂ္ဂိုလ်မျိုးက ကြွက်လို ရှက်ရွံ့တတ်ပေမယ့် ကြီးစိုးရတာကို နှစ်သက်တယ်.... သူတို့ရဲ့ မကျေနပ်မှုတွေကို ဖြေဖျောက်ဖို့ အင်အားကြီးတဲ့ ပြိုင်ဘက်ကို ရှာချင်နေတာ...အဲဒီလူက ဘိုးဘေးကျောင်းလုံပဲ"

လူအများအပြားလည်း ဤကဲ့သို့ထင်မြင်ကာ အံ့အားသင့်ခဲ့ကြသော်လည်း လုရွှမ်၏ လူ့သဘောသဘာဝနှင့် ကမ္ဘာ့ရေးရာများကို လေ့လာကြည့်ရှုခြင်းက ၎င်းတို့ကို အလွန်အမင်း ချီးကျူးမိစေသည်။

ဂူထဲသို့ ဝင်ပြီးနောက်တွင် နဂါးအို​ကြီးသည် အထဲမှာရှိနေပြီဟု ကောက်ချက်ချမိသဖြင့် လူကိုးယောက်လည်း လျင်မြန်စွာ ရှေ့သို့ ပြေးသွားကြသည်။

ဤနေရာတွင် စုဝေးနေသော ပင်လယ်သားရဲက များစွာ မရှိသည့်အပြင် ၎င်းတို့၏ စွမ်းအားသည် ဂိုဏ်းသခင်ရှစ်ပါးထက် များစွာနောက်ကျကျန်နေပါ၏။ အစောတုန်းက ဝင်လာသူမှလွဲ၍ လှောင်အိမ်သခင် အနည်းငယ်သာ ကျန်ရှိတော့သည်။

ရိုက်ခတ်မှုက အရိုး၏ နက်နဲရာအထိ မရောက်မချင်း အရိုက်ခံထားသော အဘိုးအိုကို လုရွှမ် နောက်ဆုံးတွင် တွေ့လိုက်ရသည်။ ၎င်းကို သံကြိုးများဖြင့် ချုပ်နှောင်ထားလေသည်။ နဂါးအိုကြီးသည် ပြင်းပြင်းထန်ထန် ရုန်းကန်နေရသော်လည်း တင်းတင်းကြပ်ကြပ် သော့ခတ်ထားတာကြောင့် လုံးဝ မလှုပ်ရှားနိုင်တော့ပေ။

ပြင်းထန်သော သွေးစွမ်းအင်များ ပြေးဝင်လာတာကြောင့် နဂါးအိုကြီး လန့်ဖျတ်သွားသည်။ ဤတိုက်ခိုက်မှုများ၏ နောက်ကွယ်တွင် ဘယ်သူရှိနေမလဲ တွေးရင်း သူ့နှလုံးသားက ပို၍ ထိတ်လန့်သွားခဲ့သည်။

အပြင်ဘက်တွင် စောင့်​နေသူများမှာ လှောင်အိမ်သခင်များ ဖြစ်သည်။ တချို့မှာ မျှော်စင်နယ်ပယ် ဖြစ်ပြီး အများစုမှာ နတ်မီးနယ်ပယ် အကြီးကြီးတွေပင်။ သို့သော် သူတို့သည် အလွန် အတွေ့အကြုံ ရင့်ကျက်ထားကြရာ လှောင်အိမ်မှ ထွက်သွားပြီးနောက်တွင် ၎င်းတို့၏ ခွန်အားများ လျင်မြန်စွာ တိုးလာခဲ့သည်။

တောင်တစ်သောင်းကမ္ဘာတွင် မွေးဖွား ကြီးပြင်းခဲ့သော နတ်မီးနယ်ပယ် သခင်များနှင့် နှိုင်းယှဉ်ပါက ၎င်းတို့က နှစ်ဆပို၍ အစွမ်းထက်​ကြသည်။ အကြောင်းအရာများစွာကို သိခြင်း၊ ဗဟုသုတများစွာရှိခြင်း နှင့် အတွေ့အကြုံများစွာရှိခြင်းတို့သည် လက်တွေ့ လုပ်ငန်းစဉ်တွင် ကြီးမားသော အခန်းကဏ္ဍမှ ပါဝင်လာခဲ့သည်။

ရလဒ်ကွာဟချက်မှာ ယခု နတ်မီးနယ်ပယ်များသည် လှောင်အိမ်အတွင်းရှိ နတ်မီးနယ်ပယ်များနှင့် နှိုင်းယှဉ်လျှင် ကဏ္ဍပေါင်းစုံ၌ ယုတ်ညံ့ပါသည်။ နှစ်ပေါင်းများစွာ ဖိနှိပ်ခံရခြင်းကြောင့် ထိုလူတွေရဲ့ ကျင့်ကြံမှုတွေ တိုးတက်လာအောင် လုပ်နိုင်ခြင်း ဖြစ်ကောင်းဖြစ်နိုင်သည်။

အပြင်ကလူတွေက ဘယ်သူတွေပဲဖြစ်ဖြစ် မြန်မြန်ဆန်ဆန် ဝင်ပြီး သခင်တွေ အများကြီးကို သတ်နိုင်ခဲ့သည်။ ဒါက ပင်လယ်သားရဲမျိုးရိုး မဟုတ်တာတော့ သေချာ၏။

ထို့အခိုက် အလျင်အမြန် ဝင်ရောက်လာသူသည် ဂိုဏ်းကြီးရှစ်ခုမှ ဂိုဏ်းချုပ်ကြီးများ ဖြစ်နေတာကို မြင်လိုက်ရသောအခါ နဂါးအိုကြီးလည်း သူဘယ်လောက်တောင် အံ့သြသွားသလဲ ထုတ်ဖော် မပြောဆိုတတ်တော့ပေ။

"မင်းတို့ကိုး... မင်းတို့က ဒီအထိတောင် ရောက်လာကြပြီပေါ့... ငါတို့ရဲ့ပင်လယ်သားရဲတွေ တကယ်သေသွားပုံရတယ် ဒီအခြေအနေ ရောက်လာမှတော့ အချိန်ကောင်းလေး ပေးကြရအောင်"

နဂါးအိုကြီးက စိတ်ပျက်အားငယ်စွာဖြင့် အော်ဟစ်လိုက်သည်။ သူ၏မူလ စိတ်ကူးထဲက မှားယွင်းမှုတစ်ခုသည် လက်ရှိ ကြေကွဲဖွယ် အခြေအနေသို့ ဦးတည်သွားလိမ့်မည်ဟု ဘယ်တုန်းကမှ မမျှော်လင့်ထားခဲ့ပေ။

ထိုစဥ် လုရွှမ် ပြေးထွက်လာကာ သူ၏နတ်ဓားကို ဆွဲထုတ်၍ သံကြိုးများကို ဖြတ်ချလိုက်သည်။ နဂါးအိုကြီးလည်း ထိတ်လန့်တကြားဖြင့် မျက်လုံးကို ဖွင့်ကြည့်လိုက်သော် သူ့ခန္ဓာကိုယ်ကို နှစ်ပိုင်းခွဲသွားသည်ဟု မခံစားရဘဲ သူ့ခန္ဓာကိုယ်ပေါ်ရှိ အထိန်းအချုပ်များ လွတ်သွားသည်ဟုသာ ခံစားလိုက်ရသည်။

"မင်းက လုရွှမ်လား... မင်းမှာ ဒီလို ဖြူစင်တဲ့ ကျင့်ကြံမှု ရှိတယ်!!"

လုရွှမ် စိတ်ကူးယဉ်ပင်လယ်ပုလဲကို ထုတ်ယူလိုက်ရာ နဂါးအိုကြီး၏ ခန္ဓာကိုယ်သည်လည်း ပြင်းထန်စွာ တုန်ခါသွားလေ၏။ သူက လုရွှမ်ကို စိုက်ကြည့်ပြီးနောက် ခေါင်းညိတ်ပြလိုက်သည်။

"ငါနားလည်ပြီ... မင်း စိတ်ကူးယဉ် ပင်လယ်ပုလဲကို ရခဲ့ပြီ ဆိုမှတော့ အကြီးအကဲနဲ တွေ့ပြီးလောက်ပြီပေါ့... ငါ မင်းပြောတာကို နားထောင်ပါ့မယ်"

ရွှမ်ဝူ၏ ဝိသေသလက္ခဏာကို သိပြီးနောက် ဤအရာများသည် မျှော်လင့်ထားသည်ထက် ပိုမိုလွယ်ကူကြောင်း သိရပြီး အခက်ခဲဆုံး အပိုင်းလည်း ပြီးဆုံးသွားခဲ့သည်။

"ကျွန်တော်တို့ ဒီမှာ ဆက်နေလို့ မဖြစ်ဘူး... ချက်ချင်း ထွက်သွားဖို့လိုတယ်"

ဒီအမှန်တရားကို လူတိုင်း နားမလည်ကြသေးရင် တစ်ဖက်လူတွေ ရောက်လာရင် အသေအကြေ တိုက်ခိုက်ရလိမ့်မည်။

များမကြာမီတွင် တချို့သော လှောင်အိမ်ရှင်များ ပြေးထွက်လာကြသော်လည်း ဂိုဏ်းချုပ်၈ယောက်၏ ဗုံးကြဲမှုအောက်တွင် ၎င်းတို့သည် ကြက်များ၊ ခွေးများကဲ့သို့ပင်ဖြစ်ပြီး လုံးဝ မခုခံနိုင်ခဲ့ပေ။

နောက်တစ်နေ့တွင် ပင်လယ်ဧရိယာ တစ်ခုလုံး ပရမ်းပတာ ဖြစ်ကုန်သည်။ ရေနဂါးကြီး၏ အသွင်အပြင်သည် ပင်လယ်သားရဲများကြားတွင် တုန်လှုပ်သွားစေသည့် သတင်းတစ်ပုဒ် ဖြစ်သွားကာ လှောင်အိမ်သခင်၏ ပုံစံကို ဒေါသတကြီး ဝေဖန်ရင်း အကျဉ်းချခံထားရသည့် အဖြစ်အပျက်ကို ထပ်ခါထပ်ခါ ပြောပြသည်။

စိတ်ကူးယဥ်ပင်လယ်ပုလဲ၏ အသွင်အပြင်က ပင်လယ်သားရဲများကို တစ်ယောက်ပြီး တစ်ယောက် စိတ်လှုပ်ရှားစေကာ နဂါးအိုနောက်သို့ တဖြည်းဖြည်း လိုက်လာခဲ့သည်။

သို့နှင့် လူသားမျိုးနွယ်နှင့် ပင်လယ်သားရဲများ တရားဝင် မဟာမိတ်ဖွဲ့လိုက်ပေသည်။

ရုန်းရင်းဆန်ခတ်များ ကြားတွင် လုရွှမ်သည် ပင်လယ်သားရဲ ထိပ်တန်းခေါင်းဆောင်များနှင့် အဓိကဂိုဏ်းကြီး ရှစ်ခုတို့သည် တိတ်တဆိတ် ထွက်ခွာ၍ နတ်တောင်တန်း ရှိရာသို့ ဦးတည်လာခဲ့ကြသည်။

အဲဒီနောက်မှာ ဖြစ်ပျက်ခဲ့တာက လုရွှမ်ဟာ အန္တရာယ်မရှိဘဲ မြင့်မြတ်တဲ့တောင်ကို အောင်မြင်စွာ စိုက်ပျိုးနိုင်ခဲ့တာပါပဲ။ ခုနစ်ရက်ကြာသော လူတစ်စုသည် အမြတ်နှင့် အရှုံးကို စိတ်ပူသော်လည်း အောင်မြင်မှုသည် သူတို့၏ စိတ်ကူးထက် ကျော်လွန်သွားသည်။

တောင်တစ်သောင်းကမ္ဘာ တစ်ခုလုံးကို နတ်တောင်တန်ူပေါ်တွင် စိုက်ထူလိုက်သည့် အခိုက် နောက်ဆုံးတွင် ကြီးမားသော ပြောင်းလဲမှု တစ်ခု ဖြစ်ပေါ်လာခဲ့သည်။

ပင်လယ်ရေသည် တဖြည်းဖြည်း ကျဆင်းလာပြီး ပျောက်ဆုံးနေသော ဝိညာဉ်စွမ်းအင်များ ပြန်လည် ထွက်ပေါ်လာ၏။ ဝိညာဥ်စွမ်းအင်များက အာကာသ တစ်ခုလုံးကို ပြည့်စေကာ လေထုက ခိုင်မာလာပြီး တောင်တန်းများ မြင့်တက်လာတာကြောင့် ကမ္ဘာမြေကြီးသည် တဖြည်းဖြည်း ကြီးမားလာခဲ့သည်။

ထုံးထျန်းတောင်ထွတ်ဟာလည်း တိတ်တိတ်ဆိတ်ဆိတ် ပျောက်ကွယ်သွားပြီး လူသားကျင့်ကြံသူများ ကုန်းဖြေပေါ်၌ တစ်ဖန် ပြန်ပေါ်လာခဲ့သည်။ ပင်လယ်သားရဲများ သူတို့သိမ်းပိုက်ထားသော ပင်လယ်ဧရိယာ အချိုးအစားသည် များစွာ လျော့ပါးသွားသည်ကို တွေ့လိုက်ရသဖြင့် အံ့အားသင့်ခဲ့ကြသော်လည်း အမှန်တကယ်တွင် ၎င်းတို့သိမ်းပိုက်ထားနိုင်သော ဧရိယာက အမှန်တကယ် တိုးလာခဲ့သည်။

အားလုံးက တောင်တစ်သောင်းကမ္ဘာ တစ်ခုလုံးကို ကူးခတ်ပြီး ဘဝသစ်တစ်ခု ရသွားကဲ့သို့ အသက်စွမ်းအင် အပြည့်ရှိသော ကမ္ဘာကြီးကို ခံစားလိုက်ကြသည်။

လုရွှမ်သည် ဝေဟင်တွင် ပျံဝဲနေ၏။ သူသည် တောင်တစ်သောင်းကမ္ဘာကို ကြည့်ကာ သူ့ရင်သွေးကို ကြည့်နေသလိုမျိုး ဂုဏ်ယူဖွယ် မျှော်လင့်ချက်များဖြင့် ကြည့်နေသည်။

လေထုဟာ များစွာသော ဒြပ်စင်တို့နှင့် ပြည့်နှက်နေ၏။ ဒြပ်စင်ငါးပါး ပြည့်စုံသည်။ ဝိညာဥ်စွမ်းအင် ပေါများကာ ချိုမြသော စမ်းရေများသည်လည်း မြေကြီးမှ စိမ့်ထွက်လာခဲ့ပြီး ကောင်းကင်မှ မိုးနှင့် နှင်းများလည်း ကျဆင်းလာသည်။

နတ်တောင်တန်းသည် ခန္ဓာကိုယ်ထဲတွင် ပျောက်ကွယ်လုမတတ် ခံစားရပြီး ရတနာများစွာကို လုယူသွားသဖြင့် ခန္ဓာကိုယ်သည် ရုတ်တရက် ဗလာဖြစ်သွားသည်။

ဝုန်း!

ကြီးကျယ်ခမ်းနားသော တိမ်တိုက်များသည် လုရွှမ်၏ ဦးခေါင်းထက်တွင် အများအပြား စုဝေးလာလျက် ရှိကာ ကောင်းကင်တစ်ဝက်နီးပါးကို ဖုံးလွှမ်းသွားသည်။

"ဒါက.... လုရွှမ် မိုးကြိုးအတိဒုက္ခ ဖြတ်ကျော်တော့မယ့.... သူ့ရဲ့ မိုးကြိုးအတိဒုက္ခက အရမ်းကြောက်ဖို့ကောင်းမယ့်ပုံပဲ"

ဂိုဏ်းကြီးရှစ်ခုမှ ဂိုဏ်းချုပ်များနှင့် ပင်လယ်သားရဲ ခေါင်းဆောင်များ အပြင် လုရွှမ်ကိုယ်တိုင်လည်း ပို၍ပင် ထိတ်လန့်သွားသည်။ ဤမျှကြီးကျယ် ခမ်းနားသော နတ်မိုးခြိမ်းသံက ရယ်စရာ မဟုတ်တာ သေချာပါသည်။

နောက်ဆုံးတော့ သူက တောင်တစ်သောင်းကမ္ဘာကို ကယ်ခဲ့ပေမယ့် အခုတောင်တစ်သောင်း ကမ္ဘာက သူ့ကို ဖျက်ဆီးချင်နေတာလား။ နတ်မိုးခြိမ်းသံက ပိုကျယ်လောင်လာသည်။

ဝုန်း!

လုရွှမ်သည် အလွန်အမင်း စိတ်အားထက်သန်နေသော်လည်း အမြန်ခုခံရန် ကြိုးစားခဲ့သည်။

အရောင်ငါးရောင် အလင်းတန်းတစ်ခု ရုတ်တရက် မြေပြင်မှ ကောင်းကင်သို့ တက်လာပြီး လုရွှမ် တစ်ဝိုက်တွင် ရစ်ပတ်ကာ သူ့​​ခန္ဓာကိုယ်ထဲသို့ ထိုးဖောက် ဝင်ရောက်သွားသည်။ ကောင်းကင်မှ ​ပြိုကျလာသော မိုးကြိုးတိမ်များသည် အရောင်ငါးရောင်ရှိသော ရောင်ဝါများကို ဗုံးကြဲလာကာ လုရွှမ်ခန္ဓာကိုယ်ထဲသို့ အမှန်တကယ် စိမ့်ဝင်သွားခဲ့သည်။

လုရွှမ်သည် သူ့ခွန်အားများ တဟုန်ထိုး တိုးလာသည်ကို ခံစားလိုက်ရသဖြင့် အံ့သြ ဝမ်းသာသွားခဲ့သည်။ သူ့ခန္ဓာကိုယ်ထဲက အရွတ်များနှင့် ခြင်ဆီများပါ တစ်ဖန် သန့်စင်သွားကြောင်း သူ လုံးလုံးလျားလျား သိလိုက်ရသည်။

ဒါက တောင်တစ်သောင်းကမ္ဘာက သူ့ကို ပြန်လည် ကျေးဇူးဆပ်လိုက်တဲ့ အရာပါပဲ။