ခိုးဝင်တိုက်ခိုက်မှု

"ဒါပေမဲ့ ရှေ့ကလူတွေက တိုက်ခိုက်ရတာ ရိုးရှင်းပေမယ့် နောက်ကျောက လာတဲ့ ကောင်တွေက ပိုအစွမ်းထက်တယ်"

ကျန့်နမ်က ပြောလိုက်သည်။

လုရွှမ်လည်း သူသည် စွမ်းအင်သလင်းကျောက် သန်း 100ကို သုံးစွဲခဲ့​သောကြောင့် ပိုရှင်းရှင်းလင်းလင်း သိပါသည်။ မျှော်စင်နယ်ပယ်ရှိ သခင်များက ၎င်းတို့ကို အစားအစာအဖြစ် မှတ်ထားပြီးသား ဖြစ်ပေသည်။ ထို့ကြောင့် သူတို့သည် အငယ်တန်းများ တိုက်ခိုက်နေစဥ် ထွက်မလာတော့ပေ။

သူတို့သုံးယောက်က အကြာကြီး မစောင့်လိုက်ရပါဘူး။ မျှော်စင်နယ်ပယ်မှ သခင်နှစ်ယောက်က သူတို့လမ်းကို ပိတ်ဆို့လိုက်သည်။

"ကျန့်နမ် ကျန့်ပေ မင်းမောင်နှမတွေ အကြောင်း ငါကြားဖူးပါတယ်... မင်းတို့မှာ ထူးကဲတဲ့ အရည်အချင်းတွေနဲ့ တောက်ပတဲ့ အနာဂတ်တွေ ရှိတယ် ငါတို့အားလုံး ဘာလို့ တိုက်ခိုက်ပြီး စိတ်အနှောင့်အယှက် ဖြစ်ခံရမှာလဲ... ဒါက နှစ်ဖက်စလုံးကို ရှုံးစေမှာပဲလေ... ငါတို့ ဒီကောင်လေးကို အတူတူ ခွဲယူလိုက်ကြရအောင်..."

"သူက စွမ်းအင်သလင်ကျောက်ပေါင်း သန်း 100 ကို တိုက်ရိုက် သုံးစွဲနိုင်တယ်... သူ့မှာ စွမ်းအင်သလင်ကျောက် ဘယ်လောက်ကျန်သေးလဲ တွေးကြည့်လို့ ရတယ်"

"ဒီခရီးစဉ်အတွက် မင်းတို့ အစောင့်အရှောက် လုပ်ပေးတာ ဘယ်နှ​ယောက်လောက် ရှိ​ပြီလဲ... စွမ်းအင်သလင်ကျောက် တစ်သန်းက နည်းလွန်းတယ်နော်... မင်း ငါတို့နဲ့ ပူးပေါင်းရင် အနည်းဆုံး စွမ်းအင်သလင်ကျောက် ပေါင်း သန်း 100လောက်တောင် ရနိုင်တယ်"

လုရွှမ် စကားမပြောဘဲ ထိုမောင်နှမနှစ်ယောက်ကို လှမ်းကြည့်လိုက်သည်။

များပြားလှသော သလင်းကျောက်များ ရှေ့တွင် လူနှစ်ဦးသည် သွေးဆောင်မှုကို တွန်းလှန်နိုင်ရန် လိုအပ်သည်။ လုရွှမ်ဟာ သူတို့နှစ်ယောက် အဲ့လိုလုပ်မှာ မဟုတ်ဘူးလို့ စိတ်ထဲမှာ ယုံကြည်ထားပြီးသားပါ။ သူတို့သာ တခြားသူတွေနဲ့ ပူးပေါင်းချင်ရင် အစောကြီးကတည်းက မိမိကို တိုက်ခိုက်ပြီးလောက်ပြီလေ။

"ဟမ့်! ကျွန်မတို့က ရှင်တို့လိုမဟုတ်ဘူး... ကျွန်မတို့ကို အခွင့်ကောင်းယူချင်ရင် ရှင်တို့မှာ အရည်အချင်း ရှိမရှိပေါ်မှာပဲ မူတည်တယ်... လာကြည့်စမ်းပါ"

သူမသည် သူမဓားရှည်ကို ဆွဲထုတ်လိုက်ပြီး အစ်ကိုဖြစ်သူကလည်း ဓား​ကြီးကို ဆွဲထုတ်လိုက်သည်။ သူတို့သည် ဘယ်လိုမှ မလှုပ်ရှားသေးသော်လည်း တုန်လှုပ်ချောက်ချားစရာ ပြင်းထန်သော အရှိန်အဝါတစ်ခု ထွက်ပေါ်လာသည်။

လုရွှမ်၏ စိတ်သည် ထို​မောင်နှမ၏ အနေအထားများ၊ ဓားများကြား ဆက်နွယ်မှုနဲ့ အရှိန်အဟုန် မြင့်တက်လာကို ကြည့်လိုက်ရင် နှစ်ယောက်သား၏ ပေါင်းစပ် ကျွမ်းကျင်မှုကို သိလိုက်သည်။

သူတို့နှစ်ယောက်ရဲ့ ခွန်အားကို ကြည့်ပြီး လုရွှမ်ဟာ သူတို့နှစ်ယောက်ရဲ့ ဆန့်ကျင်ဘက်က မျှော်စင်နယ်ပယ် သခင်နှစ်ယောက်ကို သည်းမခံနိုင်ဘဲ ထွက်သွားတော့မယ် ဆိုတာ ခန့်မှန်းမိပါသည်။

"ဟူး.... မျက်နှာသာ ပေးတာကို မယူတတ်ဘူး... အစ်ကိုကျောက် ချရအောင်!"

မျှော်စင်နယ်ပယ်မှ သခင်နှစ်ယောက် ရှေ့သို့ ပြေးထွက်လာကာ မောင်နှမ နှစ်ယောက်သည်လည်း ရှေ့သို့ ပြေးသွားကာ လျင်မြန်စွာ တိုက်ခိုက်ကြတော့သည်။

လုရွှမ် မျှော်မှန်းထားသည့် အတိုင်း မျှော်စင်နယ်ပယ်က လူနှစ်ဦးနှင့် နှိုင်းယှဉ်ပါက တားမြစ်လူသားနဲ့ တားမြစ်မြေကြီး ပါရမီရှင်နှစ်ဦး၏ စွမ်းရည်များကို ပေါင်းစပ် အသုံးပြုရန်နေနေကြလေသည်။ အကယ်၍ ၎င်းတို့၏ တစ်ဦးချင်းစီ၏ ခွန်အားဆိုပါက ရန်သူနှစ်ယောက်ကို တိုက်ခိုက်ရန် မလုံလောက်ချေ။

သိုင်းကွက် ဆယ်ကွက် မပြည့်သေးခင်မှာပဲ သူတို့နှစ်ဦး ရှုံးနိမ့်သွားခဲ့သည်။ သူတို့နှစ်ဦးထံမှ သိုလှောင်လက်စွပ်များကို စုဆောင်းပြီးနောက် သလင်းကျောက် အမြောက်အမြားကို ရရှိခဲ့၏။ အဲဒီနောက် မောင်နှမတွေဟာ ၎င်းတို့နှစ်ဦး၏ လက်စွပ်များကို ပြန်ပစ်ချ​ပေးခဲ့သည်။

"ဟမ့် ပြစ်ဒဏ်တစ်ခုအနေနဲ့ ဒီသလင်းကျောက်တွေကို ငါတို့ သိမ်းလိုက်ပြီ... လက်စွပ်တစ်ကွင်းစီမှာ သလင်းကျောက် တစ်သိန်းစီ ချန်ထားခဲ့ပေးတယ်... ဟမ့် မင်းတို့ နောက်တစ်ကြိမ် ထပ်ပြီး မာနကြီးဖို့ သတ္တိရှိနေသေးရင် ဒီလိုကံကောင်းမှာ မဟုတ်​တော့ဘူး"

ကျန့်ပေကလည်း ဝမ်းသာအားရ ထောက်ခံ အော်ဟစ်ကာ ပြန်ပြေးလာခဲ့လေသည်။ ကြယ်လေးများလို တောက်ပနေသော မျက်လုံးများကနေ သူမ အများကြီး ရရှိခဲ့ကြောင်း ထင်ရှားပါသည်။

ကျန့်နမ်မှာ လုရွှမ်ဘက်သို့ ပြန်လှည့်ရင်း အနည်းငယ် ရှက်ရွံ့သွားသည်။ သူတို့နှစ်ယောက်သည် လုရွှမ်ရဲ့ သလင်းကျောက်တွေ အများကြီး ရှိကြောင်း နာမည်ကောင်းရထားတာကို လုံးလုံးလျားလျား အသုံးချကာ တခြားလူတွေ ရောက်လာမှာကို ဆွဲဆောင်နေတာပဲ ဖြစ်လေသည်။

လုရွှမ်က "မရှက်ပါနဲ့... ဒါကလုပ်သင့်တယ်လို့ ထင်တယ်... ငါသာဆိုရင် ငါဒီလိုပဲ လုပ်မိမှာ"

ကျန့်ပေ တုံ့ဆိုင်းသွားကာ "ကျွန်မတို့ ရှင့်ကို နည်းနည်း ခွဲပေးမယ်လေ"

သူမ၏ ချစ်စဖွယ် အသွင်အပြင်ကို ကြည့်ရင်း လုရွှမ် အသာအယာ ပြုံးလိုက်သည်။

"မေ့လိုက်ပါ... ဒီအမြတ်တွေက မင်းတို့အတွက်ပဲလေ.... ငါ သံသယ ဝင်နေတာက မင်းတို့လည်း ဒီတစ်ခါ နတ်တောင်ကို သွားမလို့လား ဆိုတာပဲ"

"ဟုတ်ပါတယ်... ဒီတစ်ခေါက် စွမ်းအင် သလင်းကျောက် ငါးသန်းလောက် စုဆောင်းနိုင်ရင် တောင်ပေါ်တက်ဖို့ ယုံကြည်ချက် ရှိလာမှာ... မလုံလောက်ရင် ဆက်စောင့်ရုံပဲ"

"လုံလောက်မယ် ထင်တယ်... မင်းတို့အတွက် တခြားတစ်ယောက် ရောက်လာပြီ"

ကျန့်နမ်နဲ့ ကျန့်ပေတို့၏ အမူအရာများက သတိကပ်သွားဟန်ဖြင့် ရပ်သွားကြသည်။ အနီးအနားတွင် မည်သူမျှမရှိပုံပေါ်သော်လည်း တစ်စုံတစ်ယောက်သည် ​​​လေထု​ထဲတွင် ပုန်းအောင်းနေပုံရ၏။ အနီးနားတွင် ထွက်လာသည့် ရက်စက် ကြမ်းကြုတ်သော အရိပ်အယောင်များ ရှိနေသည်။

ရုတ်​တရက်​ အလင်းတန်းတစ်​ခု ​တောက်​ပလာကာ လေထုထဲမှ လက်​သည်းတစ်​ခု ထွက်ပေါ်လာပြီး လုရွှမ်ကို ဖမ်းဆုပ်​လိုက်​သည်​။ ကျန့်နမ်က ပေါ့ပေါ့ပါးပါး လှောင်ပြောင်ကာ ဓား​ကြီးဖြင့် ခုတ်ချလိုက်သည်။

လက်သည်းက ရုတ်တရက် ပျောက်ကွယ်သွားပြီး နောက်တဖန် ပြန်ပေါ်လာသော်လည်း ကျန့်​ပေကို ဖမ်းဆုပ်နေ၏။ အရှိန်က အရမ်းမြန်ပြီး လှုပ်ရှားမှုတွေက သွက်သွက်လက်လက်နဲ့ လုံးဝပြင်ဆင်မထားရင် မသိနိုင်ပေ။

ထင်ရှားသည်မှာ လုရွှမ်အပေါ် ယခင် တိုက်ခိုက်မှုသည် လှည့်စားမှုသာ ဖြစ်ပြီး သူ့​ရည်ရွယ်ချက်မှာ ကျန့်ပေကို ပစ်မှတ်ထားရန် ဖြစ်သည်။ ကျန့်အေကလည်း လျင်မြန်စွာ ရှောင်ထွက်သွား၏။ သူမခန္ဓာကိုယ်သည် အလင်းရောင်ကြောင့် ကွဲသွားပုံရပြီး ရုတ်တရက် ဘေးသို့ ရှောင်တိမ်းသွားကာ ဖမ်းမမိလိုက်ပေ။

ကျန့်ပေရဲ့ မျက်နှာ ဖြူဖျော့သွားသည်။ လက်သည်းက ပျောက်ကွယ်သွားပါ​ပြီ။ ၎င်းကလည်း ကျန့်ပေ ရှောင်လွှဲနိုင်မည်ဟု မမျှော်လင့်ထားပုံပင်။ မောင်နှမနှစ်ယောက်သည် အမှောင်ထဲတွင် ပုန်းနေသော ရန်သူ့လက်မှ လုရွှမ်ကို လျင်မြန်စွာ ကာကွယ်ပေးခဲ့ပြီး တစ်ဖက်က ၎င်းတို့နှစ်ဦးကို သာလွန်ကြောင်း သဘောပေါက်လာသည်။

ရန်သူက အမှောင်ထဲမှာ ပုန်းနေသေးရင် ခုခံဖို့က ပိုခက်သွားလိမ့်မည်။

လုရွှမ်၏ မျက်လုံးများသည် ပူလောင်နေပြီး နေမျက်လုံးဖြင့် တောက်ပသွားသည်။ သူသည် သူ့ပတ်ဝန်းကျင် နေရာကို စိုက်ကြည့်လိုက်သော်လည်း လုံးလုံးလျားလျား ဗလာ ဖြစ်​နေပြီး ဘာမှ မမြင်ရပေ။ ဒါပေမဲ့ အဲဒီလူကို ဒီနေရာလေးမှာ ဝှက်ထားတယ် ဆိုတာ သိသာပါ၏။

​လေထုတွင်းရှိ လှိုင်းများသည် အနည်းငယ်ရွေ့လျားသွားသော်လည်း လုရွှမ်၏ မျက်လုံးများထဲမှ လွတ်မသွားနိုင်ပေ။ လက်သည်းသည် အမှန်ပင် ကျန့်ပေ ခေါင်းပေါ်တွင် ဝှက်ထားခဲ့သည်။ လက်သည်းဟာ အေးအေးဆေးဆေး ပေါ်လာပြီး ကျန့်ပေ ခေါင်းကို ကုတ်ခြစ်လာသည်။

ကျန့်ပေကလည်း အလွန်လျင်မြန်စွာ တုံ့ပြန်ခဲ့ပြီး သူမခန္ဓာကိုယ်က တောက်ပလာပြန်သည်။ သို့သော် လက်သည်းများမှ လေအေးများ ပေါက်ကွဲ ထွက်လာသည်။ တိုက်ကွက်က အလွန်လျင်မြန်ပြီး ခြိမ်းခြောက်မှုမှာ ကြီးမားသော်လည်း ကျန့်ပေ၏ ရှောင်တိမ်းမှုကို ချက်ချင်းပင် တားဆီးနိုင်ခဲ့သည်။

သူမ၏ လှုပ်ရှားမှုများသည် အနည်းငယ် နှေးကွေးသော်လည်း လက်သည်းများဆီမှ လွတ်မြောက်နိုင်စေရန် ရည်မှန်းထားသည်။ လက်သည်းများဟာ ဓားသွားကဲ့သို့ ထက်မြက်ပြီး ချွန်ထက် သေးငယ်သော အပေါက်ကြီးများ ပါလေရာ မသေလျှင်ပင် ဒဏ်ရာ ပြင်းထန်လိမ့်မည်။

"ပေ့လေး....!"

ကျန့်နမ် အော်နေပေမယ့် လုရွှမ်ရဲ့ တစ်ဖက်ကနေမလို့ သူ အချိန်မီ မတုံ့ပြန်နိုင်ခဲ့ပါဘူး။

ထိုစဥ် လုရွှမ်က သူ့လက်ဖဝါးကို ဆန့်ထုတ်လိုက်ပြီး တစ်ချိန်တည်းမှာပင် ကျန့်​ပေကို တိုက်ခိုက်ရန် လာနေသော လက်သည်းကို ဦးစွာဖမ်းလိုက်သည်။

လက်သည်းများက လုရွှမ်လက်ကို တင်းတင်းကြပ်ကြပ် ဆုပ်ကိုင်ထားပြီး လုရွှမ်သည်လည်း လက်သည်းများကို တင်းတင်းကြပ်ကြပ် ဆုပ်ကိုင်ထားသည်။

"ဟမ့် မင်းက တစ္ဆေလို ဟန်ဆောင်ချင်နေတယ်ပေါ့.... ဆင်းလာခဲ့!!"

လုရွှမ် သူ့လက်ဖဝါးတွေကို ပြင်းပြင်းထန်ထန် လိမ်ကာ အစွမ်းကုန် လှန်ပစ်လိုက်ကာ လူတစ်ဦး သို့မဟုတ် ငှက်တစ်ကောင်ကို လွှင့်ပစ်လိုက်သည်။

ရန်သူဟာ အတောင်ပံများကို ဝှေ့ယမ်းကာ မြေပြင်ကို ပြင်းပြင်းထန်ထန် ထိမှန်သွား၏။ ပါးပြင်ပေါ်ရှိ ရှည်လျားသော နှုတ်သီးချွန်သည် ရွှေ​ရောင် မိုးခြိမ်းသံများဖြင့် တောက်ပလာကာ ပါးစပ်ကို ဖွင့်ဟလိုက်သောအခါတွင် နတ်မိုးခြိမ်းသံများ ဖျန်းခနဲ ထွက်ကျလာသည်။

အရင်က အေးခဲတဲ့လေကို မှုတ်ထုတ်ခဲ့ပြီး အခုတော့ လျှပ်စီးကြောင်းက သူ့ရဲ့လှုပ်ရှားမှုတွေထက် မြန်နေသည်။ သူ့တုံ့ပြန်မှုတွေက ထိလွယ်ရှလွယ်ကာ သူ့ရဲ့ ခွန်အားက သိသိသာသာကို ထူးကဲလာသည်။

ကျန့်ပေ လျင်မြန်စွာ ရှောင်ထွက်သွားခဲ့သော်လည်း သူမမျက်နှာက ဖြူဖျော့သွားခဲ့သည်။ လုရွှမ်ရဲ့ ဆုပ်ကိုင်မှုကြောင့်သာ မဟုတ်ရင် သူမ ဒဏ်ရာရသွားနိုင်တာကြောင့် ထိတ်လန့်နေသေးသည်။

ထူးဆန်းသော ငှက်သည် အမှန်တကယ်ပင် လျှပ်စီးကြောင်းကို ထပ်မံပစ်ခတ်လာသည်ကို မြင်လိုက်ရသဖြင့် သူမ လက်ဖဝါးကို ပွတ်ဆွဲလိုက်သည်။ လေထုထဲမှ ထွက်ပေါ်လာသော ကြီးမားသည့် စုပ်ယူမှုတစ်ခုသည် ထူးဆန်းသော ငှက်ဆီသို့ ဦးတည်ပြေးသွား၍ ၎င်းကို အာကာသ အက်ကြောင်းထဲသို့ ဆွဲသွင်းရန် ကြိုးစားလိုက်လေသည်။

ထူးဆန်းသော ငှက်သည် စုပ်ယူမှုအား တွန်းလှန်ရန် ၎င်း၏ အတောင်ပံများကို ခတ်လိုက်၏။ သူ့ပါးစပ်ထဲက နတ်မိုးခြိမ်းသံရဲ့ အရှိန်ဟာ လုံးဝ နှေးကွေးမသွားပေမယ့် လုရွှမ်ကတော့ ငတုံးတစ်ယောက်လို လုံးဝ မလှုပ်မရှားဘဲ ရပ်နေသည်။