ဝှက်ထားသောအန္တရာယ်များ

သူတို့နှစ်ယောက် နောက်ပြန်ဆုတ်ရင်းနဲ့ လမ်းဆုံလမ်းခွ ရှိရာသို့ ရောက်သွားခဲ့သည်။ ထိုစဥ် ထိုကျင့်ကြံသူ၏ ပါးစပ်မှ ထူးဆန်းသော အသံတစ်ခု ထွက်ပေါ်လာခဲ့သည်။

ထို့နောက် အဝေးတစ်နေရာမှ ထူးဆန်းသော နောက်ထပ် အသံတစ်ချက် ထွက်ပေါ်လာပြီးနောက် တောင်ကုန်းပေါ်တွင် နောက်ထပ် ရုပ်ပုံတစ်ပုံ ပေါ်လာကာ သူတို့ဘက်သို့ အမြန်ပြေးလာခဲ့​လေသည်။

ကျန့်ပေ၏ အမူအရာသည်လည်း သိသိသာသာပြောင်းလဲသွားပြီး လုရွှမ်ကို ရှုပ်ထွေးစွာ ကြည့်ကာ အကူအညီ တောင်းလိုက်သည်။

"ရှောင်ပေကို ကာကွယ်ထား!"

လုရွှမ် အော်လိုက်သည်။ သူသည် ချင်ထျန်းဓားကို တိုက်ရိုက် ဆွဲထုတ်ပြီး တစ်ချက်တည်းဖြင့် ခုတ်ချလိုက်သည်။ ထက်ရှသော ဓားအောက်မှာ ထိုကျင့်ကြံသူလည်း တစ်ပိုင်း ပြတ်သွားကာ သွေးတွေ ပန်းထွက်သွားပြီး အော်သံတွေ ရပ်သွား၏။

ကျန့်နမ်နဲ့ ကျန့်ပေတို့လည်း သူတို့ရဲ့ ခန္ဓာကိုယ်ကို အမြန်ကာကွယ်ပြီး သွေးတွေကို ပိတ်ဆို့ထားလိုက်သည်။ ထိုကျင့်ကြံသူရဲ့ ခန္ဓာကိုယ်မှ အဝါရောင် ရောင်ဝါများ ထွက်ပေါ်လာကာ ရောင်ဝါတွေက လုရွှမ်တို့သုံးယောက်ဆီ ပြေးဝင်သွားသည်။

'ဟမ့်!'

လုရွှမ် လှောင်ပြောင်ရင်း သူ့ခန္ဓာကိုယ်ထဲက စိတ်ဝိညာဉ်မီးတောက်တွေကို ထုတ်လွှတ်လိုက်သည်။ စူးရှသော အသံက အဝါရောင် ရောင်ဝါကို လောင်ကျွမ်းစေခဲ့သည်။

ကမ္ဘာပေါ်ရှိ အရာအားလုံးကို လောင်ကျွမ်းစေသော နံပါတ်တစ်မီးတောက် ဖြစ်ပေသည်။ ဤအဝါရောင် ရောင်ဝါသည် အနည်းငယ်ထူးဆန်းနေသော်လည်း စိတ်ဝိညာဥ်မီးအောက်တွင် လွတ်မြောက်ရန် နေရာ မရှိခဲ့ပေ။

ထိုစဥ် အဝေးမှ လူတစ်ဦးကလည်း ဤဘက်သို့ ပြေးလာလေပြီ။

"ငါတို့ မြန်မြန် ထွက်သွားရမယ်.... နယ်မြေသစ်ကို စူးစမ်းဖို့က ငါတို့ထင်ထားတာထက် ကန့်သတ်ချက်တွေ ပိုရှိနိုင်တယ်"

လုရွှမ် ဆိုလိုက်သည်။ မောင်နှမနှစ်ယောက်ကလည်း ညီတူညာတူ ခေါင်းညိတ်ပြ၏။ အခုတွေ့သမျှက နယ်မြေသစ်ကို စူးစမ်းနေချိန်မှာ ပေါ်လာတာမျိုး မဟုတ်ဘဲ အဲဒီလူတွေရဲ့ အသိစိတ်တွေ ဖျက်စီးခံထားရတာ ထင်ရှားနေလေပြီ။

လုရွှမ် လေထုအလယ်တွင် အခင်းအကျင်းကို ရေးဆွဲနေပေမယ့် သူ့ရဲ့တိုးတက်မှုက မမြန်တော့ပါဘူး။ ပြီးလျှင် ဤမျှလောက် များစွာသော လမ်းကြောင်းများ ကြားတွင် မှန်ကန်သော လမ်းကြောင်းကို ရှာဖွေရန်မှာ အချိန်ယူရသည်။

လမ်းကြောင်းမှန် တစ်ခုတွင်လည်း ၎င်းပတ်ပတ်လည်၌ ဘေးထွက်လမ်းများစွာ သို့မဟုတ် ဒါဇင်များစွာ ရှိနိုင်သည်။ အခင်းအကျင်းကို နားမလည်ပါက တိုက်ပွဲ နည်းလမ်း ကျွမ်းကျင်မှုအပေါ် မူတည်သွားပြီ။ ကံကောင်းထောက်မစွာနဲ့ လုရွှမ်ရဲ့ အခင်းအကျင်း ဖွဲ့စည်းပုံဆိုင်ရာ ကျွမ်းကျင်မှုသည် သူ၏လက်ရှိ အခြေအနေထက် သာလွန်နေခဲ့ပါပြီ။

ရှင်းရှင်းလင်းလင်း ပိုင်းခြားဖို့ အချိန်ခဏလေးပဲ လိုလိုက်သည်။ သူတို့ သုံးယောက်ဟာ အလွန်လျင်မြန်ပေမယ့် အရပ်ရပ်ကနေ အသိ ပျောက်ဆုံးသူတွေက အများကြီး ရှိတာကြောင့် သူတို့သုံးယောက်လည်း ဒီလူတွေက အစစ်လား အတုလားလို့တောင် သံသယ ဖြစ်လာခဲ့သည်။

အခင်းအကျင်း ဖွဲ့စည်းမှုတစ်ခုတွင် ပိတ်မိသွားပါက လွတ်မြောက်ရန် အလွန်ခက်ခဲပြီ ဖြစ်သည်။ သူတို့ထဲက တချို့က ဟိုးအရင်ကတည်းက ဆုံးသွားပေမယ့် အခု ဒီလူအရေအတွက်ကို ကြည့်ရင် သူတို့နောက်က လူနှစ်ဆယ်ထက်မနည်း ရှိနေပြီလေ။

"အစ်ကိုလုရွှမ်.... မြန်မြန်လုပ်တော့ သူတို့ လိုက်လာနေကြပြီ"

ကျန့်ပေက လှမ်းအော်လေ၏။ တစ်ဖက်က လူတွေက တဖြည်းဖြည်း နီးကပ်လာနေပြီ ဖြစ်သည်။

"သူတို့တွေ နီးကပ်လာရင် သတ်ပစ်လိုက်! သက်ညှာမပေးနဲ့ လှုပ်ရှားမှုတိုင်းကို အင်အားအကြွင်းမဲ့ သုံး....ရန်သူကို တန်ပြန်တိုက်ခိုက်ဖို့ ဒုတိယအကြိမ် အခွင့်အရေး မပေးဘဲ ရန်သူကို တစ်ချက်တည်း သတ်ပစ်ဖို့ ကြိုးစား!!"

ကျန့်နမ်နဲ့ ကျန့်ပေတို့က တညီတညွတ်တည်း တုံ့ပြန်လိုက်ကြသည်။ မျက်ကန်းကရုဏာနှင့် ဖြောင့်မတ်ခြင်းတို့က ယခုလို အခြေအနေကို ငြိမ်သက်စေမှာ မဟုတ်ကြောင်း သိကြပါသည်။

အထူးသဖြင့် အသည်းအသန် ပြေးလာသော ထိုလူနှစ်ဆယ်ကျော်သည် ရူးသွပ်သွားကြပြီ ဖြစ်သည်။ သို့တည်းမဟုတ် မိမိတို့ကို တစ်ခုတည်းသော အသက်ကယ်မြက်ပင်ဟု မှတ်ယူ​နေသော ထိုကျင့်ကြံသူများသည် လွန်စွာ ရူးသွပ်နေကြရာ မိမိတို့ အသက်ကို ကယ်တင်ရန် အစွမ်းကုန် ကြိုးစားရပေလိမ့်မည်။

ဒါက စစ်ပွဲဖြစ်နေပြီ။ တိုက်ပွဲမှာ ဘယ်သူက ရက်စက်နိုင်လဲ ရက်စက်နိုင်သူက အနိုင်ရသူ ဖြစ်ပြီး မရက်စက်နိုင်ရင် တိုက်ရိုက် ဖယ်ထုတ်ပစ်ရလိမ့်မည်။

"သတ်ပစ်မယ်!"

ကျန့်ပေက သူ့ဓားရှည်ကို လက်နှစ်ဘက်နဲ့ ဆုပ်ကိုင်ထားပြီး တစ်ချိန်တည်းမှာ လူသတ်နိုင်တဲ့ အရိပ်အာဝါသနဲ့ ပြည့်နေတဲ့ ဓားစွမ်းအားက ဆယ်ပေကျော်အထိ ရှည်ထွက်သွားသည်။

ပထမတစ်​ချက်​ဖြင့် ရှေ့ဆုံးကလူကို ခုတ်ချလိုက်ကာ ​နောက်​တစ်​ချက်​မှာ မျှော်စင်နယ်ပယ်က လူကို ကန်ထုတ်လိုက်၏။ ​

ကျန့်ပေ၏ ဓားစွမ်းအင်ဖြင့် ဗုံးကြဲတိုက်ခိုက်ခြင်းကို ရင်ဆိုင်သော်လည်း အရူးများသည် လုံးဝလျစ်လျူရှုပြီး ရှေ့သို့ အမြန် ထပ်ပြေးလာခဲ့​ပြန်သည်။ ကျန့်ပေခန္ဓာကိုယ်မှ လူသတ်ချင်နေသော အရိပ်အယောင်များ ထွက်ပေါ်လာချိန်တွင် အရူးများသည်လည်း သူတို့ခန္ဓာကိုယ်ပေါ်ရှိ ရောင်ဝါများကို လျင်မြန်စွာ လည်ပတ်စေကာ အားကောင်းသော ယွမ်စွမ်းအား မုန်တိုင်းကို ကျန့်​ပေဆီသို့ ပစ်ခတ်လိုက်လေသည်။

"ငရဲကို သွားတော့!"

ကျန့်ပေသည် သူမကိုကိုအတွက်၊ အစ်ကိုလုရွှမ် အတွက် အကောင်းဆုံး ကြိုးစား​နေခဲ့သည်။

အော်ဟစ်သံနှင့်အတူ သူမဓားသည် အရူးတစ်ယောက်၏ ချပ်ဝတ်တန်ဆာကို ထိမှန်သွားသည်။ မျှော်လင့်ထားသည့် အတိုင်း ကျွမ်းကျင်သော ထိုလူမှာ ကျန့်​ပေ၏ဓားစွမ်းအင်ကို လျစ်လျူရှုကာ ဤချပ်ဝတ်တန်ဆာဖြင့် ရှေ့ဆက် တိုးလာခဲ့သည်။

ဤချပ်ဝတ်တန်ဆာ ဝတ်စုံသည် သူ့အား နောက်ဆုံး မျှော်လင့်ချက်အတိုင်း အသက်ရှင်​စေခဲ့ရာ အမှန်တကယ် ဓားကိုလည်း ပြင်းပြင်းထန်ထန် ပိတ်ဆို့ထားခဲ့၏။ ထက်မြက်သော ဓားစွမ်းအင်သည် သံချပ်ကာကို ရေစီးကြောင်းလို တရစပ် တိုက်ခိုက်သော်လည်း အသုံးမဝင်ခဲ့ပေ။

ကျန့်ပေလည်း အလွန်အစွမ်းထက်သည့် ချပ်ဝတ်တန်ဆာကြောင့် မထိန်းနိုင်ဘဲ အံ့သြသွားခဲ့သည်။

အရူးသည် ရှေ့သို့ တိုး၍ ပြင်းပြင်းထန်ထန် တိုးလာကာ လက်သီးဖြင့် ထိုးချလေသည်။ လက်သီးချက် မရောက်လာခင်မှာပဲ လေလှိုင်းက တဟုန်ထိုး အရှိန်ပြင်းလာ၏။ ကျန့်ပေ သူမဓားရှည်ကို ဝှေ့ယမ်းကာ ပြင်းထန်သော လေကို တွန်းထုတ်ရန် ကြိုးစားလိုက်သည်။

လက်သီး စွမ်းအားသည် အလွန်အစွမ်းထက်သောကြောင့် ၎င်းအား ရှောင်တိမ်းလိုက်ရန် မဖြစ်နိုင်ကာ အတင်းအကြပ် ခုခံရုံသာ ရှိတော့သည်။ ကျန့်ပေသည် ဤလက်သီးကို သူမခွန်အားဖြင့် တားဆီးနိုင်မည် မဟုတ်ကြောင်း ကောင်းစွာ သိထားပါပြီ။ အကြောင်းမှာ ဤအရူးတိုင်းသည် ချပ်ဝတ်တန်ဆာများ ဝတ်ဆင့ထားသောကြောင့် ဖြစ်သည်။

ဆန့်ကျင်ဘက်အနေနဲ့ ဒီလမ်းကနေ ရုန်းထွက်ပြီးတာနဲ့ ဒီကျင့်ကြံသူတွေဆီက ဝန်းရံတိုက်ခိုက် ခံရနိုင်သည်။

ဒါပေမဲ့ အခုအချိန်မှာတော့ လမ်းကြောင်းက ကျုံ့သွားပြီ။ အထူးသဖြင့် သူမသည် တစ်နေရာတည်းတွင် အချိန်ကြာကြာ ရပ်နေလေ လမ်းခရီးသည် မြန်ဆန်လေ ဖြစ်သည်။

"ထွက်သွား!"

ဓားစွမ်းအင်၏ ဗုံးကြဲ တိုက်ခိုက်မှုကြောင့် သံချပ်ကာလူကို ထိမှန်ခဲ့သည်။ ၎င်းတို့၏ အစွမ်းထက်သော ခန္ဓာကိုယ်ကို ယခုအချိန်တွင် စက္ကူဖြင့် ပြုလုပ်ထားသည့် အတိုင်းပင်။ လုရွှမ် ဓားစွမ်းအင် တစ်ချက် ပစ်လွှတ်၍ အပေါက်ကြီးတစ်ခုကို ဖောက်ထုတ်လိုက်သော် အရူးသည် လေထဲ ပျံတက်သွားပြီး အပိုင်းပိုင်း ကွဲထွက်သွားသည်။

လူ ပေါက်ကွဲသွားတော့ ချပ်ဝတ်တန်ဆာသာ ကျန်ခဲ့လေသည်။

"မြန်မြန်သွား.... လမ်းက ပျောက်တော့မယ်"

ကျန့်ပေသည် ကြောက်ရွံ့​​နေခြင်းမှ လျင်မြန်စွာ ပြန်လည် ကောင်းမွန်လာပြီး လုရွှမ်နှင့် သူမအစ်ကိုနောက်မှ လိုက်ကာ အခြားလမ်းကြောင်းတစ်ခုထဲသို့ လျင်မြန်စွာ ပြေးဝင်သွားခဲ့သည်။

ပြောင်းလဲလိုက်တဲ့ အခင်းအကျင်း လမ်းကြောင်းက အနည်းငယ် ပိုကျယ်သဖြင့် သူတို့သုံးယောက်ကို ခုခံရန် အချိန်တစ်ခုပေးနိုင်သည်။ အရူး ကျင့်ကြံသူများက အမြန်ပြေးပြီး လူသုံးယောက်ကို ဆက်လက် ဝိုင်းထားကြ​ပြန်၏။

"ဒါတွေက ဒီလူတွေ ကွယ်လွန်ပြီးတဲ့ နောက်ပိုင်းမှာ ထွက်လာတဲ့ ဝိညာဥ်အပိုင်းအစ ဖြစ်နိုင်တယ်... သူတို့ရဲ့ စိတ်ထဲမှာ စွဲလမ်းပြီး ထွက်သွားချင်ပေမယ့် ကြောက်စရာကောင်းတဲ့ အရာတွေကို ဖန်တီးမိလို့ သူတို့ရဲ့ တစ္ဆေဝိညာဥ်တွေက အခုလို ဖြစ်နေတာ"

ကျန့်နမ် အော်ဟစ်လိုက်ပြီး သူ့မျက်နှာမှာ ခံစားချက်အပြည့်နဲ့ ပြောလာသည်။

တစ္ဆေဝိညာဥ်လား။

လုရွှမ် ရုတ်တရက် စိတ်လှုပ်ရှားသွားပြီး ကျမ်းပိုဒ်တစ်ခုကို အမြန် ရွတ်ဆိုလိုက်သည်။ ဒါကတော့ သူ တိမ်ပင်လယ်နယ်မြေမှာ ရှိစဉ်က တစ်ကြိမ် သုံးခဲ့ဖူးပြီး သေလွန်သော ဝိညာဉ်များကို စွဲလမ်းခြင်းမှာ ရပ်တန့်စေရန် အလွန်ထိရောက်မှုရှိသည်။

"....."

ကျန့်နမ်နဲ့ ကျန့်ပေတို့မှာ လုရွှမ်ကို အံ့အားသင့်စွာ ကြည့်ကာ လုရွှမ် ဘာလုပ်နေတာလဲ သိချင်နေ​ကြသည်။

သို့သော် နောက်အခိုက်အတန့်တွင် အနီးနားရှိ အရူးများ အရှိန်လျော့သွားသည်ကို တွေ့လိုက်ရသောအခါတွင် သူတို့နှစ်ဦးလုံး အံ့အားသင့်သွားကြသည်။ အဝေးမှ အရူးများဆိုလျှင် မိမိတို့ဘက်ခြမ်းမှ လှုပ်ရှားမှုများကို လျစ်လျူရှုကာ တိုက်ရိုက် ထွက်ခွာသွားကြသည်။

လုရွှမ် မျှော်မှန်းထားသည့်အတိုင်း ဤကျမ်းပိုဒ်သည် အလွန် အကျုံးဝင်ပေ၏။ ကောင်းကင်စာအုပ်ရှစ်အုပ်သည် ကမ္ဘာငယ်လေး အားလုံးထဲတွင် တည်ရှိနေသောကြောင့် ဤကျမ်းပိုဒ်များသည်လည်း အတူတူပင် ဖြစ်လိမ့်မည်။

သူ့ရဲ့ နောက်ဆုံးပိုင်းခြား သုံးသပ်ချက် အရဆို ၎င်းတို့အားလုံးသည် တစ်ကမ္ဘာမှ တစ်ကမ္ဘာသို့ ကွဲသွားခဲ့တာ ထင်ရှားပါသည်။