တိုးမြှင့်လာတဲ့ ခွန်အား

"အော်မီတော်ဖော်... ဒကာလေးရဲ့ လူသတ်ချင်စိတ်​တွေက ပြင်းထန်လွန်းတယ်... လက်တုံ့ပြန်မှာကို မကြောက်ဘူးလား?"

ဘုန်းကြီးတစ်ပါးက ထွက်လာသည်။ သူကား လှောင်အိမ်ထဲက ထွက်လာသူတော့ မဟုတ်ချေ။ သူ့အသွင်အပြင်က တော်တော် ကြင်နာတတ်ပြီး ရည်ရွယ်ချက်ကလည်း ရိုးသားသလိုပင်။ လုရွှမ်ကလည်း သိုင်းလောကရဲ့ ထုံးစံအတိုင်း ပြန်လည် ဂါဝရပြုလိုက်ကာ။

"ဆရာတော် ပြောတာတွေက အဓိပ္ပာယ် ရှိပါတယ်...ဆရာ​တော်ရဲ့ အကြံဉာဏ်က ကျွန်​တော်တို့ကြားက မကျေမနပ်မှုတွေကို ဖြေရှင်းပေးနိုင်ပါ့မလားလို့ တွေးမိတယ်"

ဘုန်းတော်ကြီးမှာ လုရွှမ်က ပြန်ခုခံပြီး လှောင်ပြောင်မည်ဟု ထင်ခဲ့သော်လည်း သူ့စကားကို နားထောင်ပြီး အာဃာတများကို ဖြေရှင်းခွင့်ပေးလိမ့်မည်ဟု သူ မမျှော်လင့်ခဲ့ပေ။

ဒါကို ဖြေရှင်းနိုင်ပါ့မလား။

ဘုန်းကြီးကလည်း လက်အုပ်ချီပြီး

“အားနည်းတဲ့သူက မကယ်နိုင်ပေမယ့် သန်မာတဲ့သူက တခြားသူတွေကို ကယ်တင်နိုင်တယ်လေ... ဒကာလေးက ထူးထူးခြားခြား အစွမ်းထက်တဲ့ သတ္တိရှိပါတယ် ဒကာလေးက အားနည်းတဲ့သူလား သန်မာတဲ့သူလား"

ရုတ်တရက် ဓားသွားကဲ့သို့ အလင်းတန်းများ ထွက်လာပြီး လုရွှမ်က သူ့ကို ချက်ချင်း ခုတ်ထစ်သွားလေသည်။ ဘုန်းကြီးသည် မိမိကိုယ်မိမိ ခုခံနိုင်စွမ်း မရှိသော်လည်း တုံ့ပြန်မှုမှာ မနှေးကွေးပေ။ ၎င်းက သူ့နောက်မှ အိတ်ကို ကိုင်ကာ လွှင့်ပစ်စဥ် ဓားကို ပိတ်ဆို့ရင်း ပြင်းထန်စွာ ဆုတ်ခွာသွားခဲ့သည်။

လှောင်ပြောင်သံနှင့်အတူ ဓားစွမ်းအင်က အိတ်ခွံကို အပိုင်းပိုင်းခွဲကာ မီးရှို့ပစ်လိုက်သည်။ ဘုန်းကြီးလည်း ပေရာပေါင်းများစွာ နောက်ပြန်ဆုတ်သွားကာ ရင်ဘတ်က နီမြန်းသွားသည်။

"ဟုတ်တယ် ငါက သန်မာတဲ့သူမို့ မင်းကို အရင်ပို့ပေးမယ်!"

ထို့နောက် ဓားကိုးချောင်း အဆက်မပြတ် ဖောက်ထွက်ကာ လှောင်အိမ်အဖြစ်သို့ ပြောင်းလဲသွားသည်။

စူးစူးဝါးဝါး ဟစ်အော်သံနှင့်အတူ ဘုန်းကြီးသည် ဓားသွားများနှင့် ခြေသည်းများပွင့်ကာ အစွမ်းကုန် ကြိုးစားသော်လည်း လှောင်အိမ်ထဲတွင် စူးရှတောက်ပမှု ထွက်ပေါ်လာပြီး တစ္ဆေကို လှောင်အိမ်ထဲသို့ ဆွဲကုပ်ထားနိုင်သည့် ကြီးမားသော စုပ်ယူမှု စွမ်းအားတစ်ခု ထွက်ပေါ်လာ​လေသည်။

"လူမိုက်.... ဒီအချိန်မှာ ဝင်ရှုပ်မှတော့ ဘယ်လို အသက်ရှင်​တော့မလဲ သေဖို့ တောင်းဆိုနေတာပဲ မဟုတ်ဘူးလား?"

ဆူညံသံများ နှင့် ထိတ်လန့်တကြား အော်ဟစ်သံများ ထွက်ပေါ်လာပေ၏။ ဘုန်းကြီး၏ ရုပ်အလောင်းကို လှောင်အိမ်က သယ်ယူသွားကြောင်း လူအနည်းငယ်သာ မြင်နိုင်သည်။

လုရွှမ် အသုံးပြုသွားသော နည်းလမ်းများက လူတိုင်းကို တုန်လှုပ်သွားစေ၏။ တံဆိပ်ခတ် ချိတ်ပိတ်လိုက်တဲ့ နည်းလမ်းတစ်ခုပဲလို့ ထင်ရသော်လည်း ထိုသို့ မဟုတ်သော အတွင်းက ထူးဆန်းမှုတွေက သူတို့ကို ထိတ်လန့်သွားစေခဲ့သည်။

သူတို့သည်လည်း လှောင်အိမ်သခင်များ အကြောင်းကို သဘာဝကျကျ သိကြပြီး အမြဲလိုလို ကြားနာခဲ့ကြသော်လည်း ၎င်းတို့၏ မူလဇစ်မြစ်ကိုမူ ယခုအထိ သဲသဲကွဲကွဲ မသိခဲ့ကြပေ။

အဲဒီလူတွေအားလုံး လှောင်အိမ်ထဲကနေ လွတ်မြောက်သွားတာ ဖြစ်နိုင်ပါ့မလား။ လှောင်အိမ်လို့ ခေါ်တဲ့ လှောင်အိမ်က အရင်ကသိထားတာနဲ့ အတူတူပဲလား။ အားလုံးက အံ့သြနေကြပေမယ့် အကျဉ်းချခံထားရဖူးတဲ့ သခင်တွေကတော့ လုံးဝ မထိုင်နိုင်ကြ​တော့ပါဘူး။

လုရွှမ်သည် သူတို့ရှေ့တွင် နဂါးလှောင်အိမ်ကို အမှန်တကယ် ပြန်ပေါ်လာ​စေခဲ့ပြီး လူတစ်ယောက်ကို လှောင်အိမ်ထဲသို့ ပစ်သွင်းကာ ထပ်မံ အကျဥ်းချလိုက်​ပြန်သည်။

လှောင်အိမ်က ပျက်စီးနေပြီ မဟုတ်ဘူးလား?။ လုရွှမ်သာ လှောင်အိမ်၏ အမွေအနှစ်၏ လျှို့ဝှက်ချက်ကို မရရှိခဲ့ပါက ၎င်းကို ပြန်သုံးနိုင်ဖို့က မဖြစ်နိုင်ပေ။ ဤကိစ္စတွင် ဤကလေးအား ရှင်သန်ခွင့်ပေးရန်မှာ ပို၍ပင် မဖြစ်နိုင်​တော့ပေ။

“ဒီလှောင်အိမ်က ဘယ်က လာတာလဲ”

အဘိုးကြီး တစ်ယောက်က ရုတ်တရက် မေးလိုက်သည်။ အသံသည် လူသတ်ချင်သည့် ရည်ရွယ်ချက်နှင့် တုန်လှုပ်ချောက်ချားနေသော အငွေ့အသက်များနှင့် ပြည့်နှက်နေပြီး ပြင်းထန်သော မကျေနပ်မှုများလည်း ရောပါလျက် ရှိသည်။ သူက လုရွှမ်ကို မယုံကြည်နိုင်စွာ ငုံ့ကြည့်နေသော မျက်လုံးကြီး တစ်စုံအတိုင်းပင်။

လုရွှမ်သည် ယခုပင် ပေါင့်တာထင်းနဲ့ ပေါင်းကာ လူနှစ်ယောက်ကို ပြင်းပြင်းထန်ထန် သတ်ဖြတ်ခဲ့သည်။ သို့သော် ထိုလူသည် အလွန်ဒေါသမထွက်ဘဲ တုံ့ပြန်မှုပင် မပြုခဲ့ကြပေ။ ရုတ်တရက် လှောင်အိမ် ထွက်လာတဲ့ အခါမှာတော့ ငြိမ်ငြိမ်မနေနိုင်အောင် ဖြစ်သွားလေ၏။

ဒီလှောင်အိမ်က တကယ့်ကို ခြားနားပါသည်။ တောင်တစ်သောင်းကမ္ဘာက လှောင်အိမ် ကွဲသွားသောအခါ လုရွှမ်သည် လှောင်အိမ် မရှိနိုင်တော့ကြောင်း တွေးခဲ့သော်လည်း သန့်ရှင်းတဲ့ အပျက်အစီးနယ်မြေသို့ သွားရောက် လည်ပတ်ပြီးနောက်တွင် လှောင်အိမ်သည် အသွင်သဏ္ဌာန် ပြန်ဖြစ်လာခဲ့သည်။

သို့သော် ဤအကျဉ်းချ ခံထားရဖူးသော လူများ၏ ထိတ်လန့်မှုကို ယခုမြင်တွေ့လိုက်ရတော့ သန့်ရှင်းတဲ့ အပျက်အစီးနယ်မြေ အတွင်းက ကောင်းကင်နှင့်ကမ္ဘာများ ဖြစ်ပေါ်လာရခြင်းအကြောင်းများကို သိရှိခဲ့ရသည့်အပြင် အခြားသော လျှို့ဝှက်ဆန်းကြယ်သော အချက်အလက်များကိုလည်း ရရှိလာခဲ့သည်။

"သူ့ကိုသတ်ပစ်!"

လှောင်အိမ်သခင် လေးယောက် ပြေးထွက်လာပြီး လုရွှမ်နဲ့ ပေါင့်တာထင်းဆီ ပြေးဝင်လာကြသည်။ တစ်ယောက်က ပေါင့်တာထင်းကို တိုက်ခိုက်နေစဥ် ကျန်သုံး​ယောက်က လုရွှမ်ကို ဝိုင်းထားလိုက်သည်။

အဆင့်မြင့်သူဖြစ်စေ အဆင့်နိမ့်သူ ဖြစ်စေ လူသုံးယောက်က တစ်ယောက်တည်းကို ထိပ်တိုက် ရင်ဆိုင်နေရသောကြောင့် အကျဉ်းချခံထားရသော လူများ၏ အကျင့်စရိုက်က လုံးဝ စုတ်ပြတ် နေပြီး အရှက် ကင်းမဲ့နေပြီ။

ပတ်ဝန်းကျင်ရှိ လူများက သူတို့ကို အထင်အမြင်သေးစွာ ကြည့်နေသော်လည်း နှုတ်ဆိတ်နေကြဆဲ ဖြစ်သည်။ ဒါက တိုက်ပွဲ မဟုတ်တော့ပေ။ သူတို့ ပါဝင်သင့်သည့် အကောင်းဆုံး အချိန်ကာလကို ကျော်လွန်သွားပါပြီ။

လူများစွာသည် တိတ်တဆိတ်သာ ခေါင်းညိတ်လိုက်ကြသည်။ သူတို့သည် လုရွှမ်နှင့် အနည်းနှင့်အများ ဆက်စပ်နေသောကြောင့် ၎င်းတို့၏ချစ်ခင်မှုကို အခြေခံ၍ ပြောပြသင့်သော်လည်း ကျောခိုင်းထားခဲ့သည်။

"မင်းတို့ သုံးယောက်ကို အရှက်မရှိလား!! ဟမ် သတ္တိရှိရင် မင်းတို့ နှစ်ယောက်နဲ့ ငါချမယ်!"

ပေါင့်တာထင်းက တစ်ဖက်ကနေ လှမ်းအော်သည်။ လုရွှမ်ရဲ့ တစ်ဖက်ကို ကြည့်ပြီး ပြင်းပြင်းထန်ထန် ကျိန်ဆဲ​​နေလေ၏။

"အဲဒါနဲ့ မလုံလောက်သေးဘူး ဆိုရင် နည်းနည်း ထပ်ထည့်ပေးမယ်!!"

အစောက အဘိုးအိုက သူ့မျက်နှာက အပြုံးတစ်ဝက်နဲ့အတူ ထပ်ပြောလိုက်ရာ ​မျှော်စင်နယ်ပယ် နှစ်ယောက်က ချက်ချင်း တုံ့ပြန်သည့် အနေဖြင့် ပြေးထွက်သွားရာ လုရွှမ်တစ်ယောက်နဲ့ လူငါးယောက် ဖြစ်သွားသည်။

ပေါင့်တာထင်း၏ မျက်နှာသည် ဒေါသကြောင့် မည်းမှောင်သွားသော်လည်း အသံမထွက်ရဲတော့ဘဲ နှုတ်ခမ်းကို တင်းတင်းသာ ကိုက်ထားရ​​တော့သည်။

လုရွှမ်က ကျယ်လောင်စွာ ရယ်မောရင်း လူငါးဦးကြား ရပ်နေလေသည်။

"အစ်ကိုပေါင့် စိတ်မပူပါနဲ့... ဒီလူတွေက ငါ့ကို ဘာမှ မလုပ်နိုင်ဘူး"

လုရွှမ် တကယ်ကို ကြွားလုံးထုတ်မနေတော့ဘဲ သူ့ခွန်အားတွေ ထပ်ပြီး တိုးလာနေတာကို တွေ့လိုက်ရသည်။ သူအရင်က ယင်စွမ်းအင်ကိုးစင်းကို မျိုချရတဲ့ အကြောင်းရင်းက သူ့ခန္ဓာကိုယ်ထဲက စွမ်းအင်တွေဟာ ယင်ယန်စွမ်းအင်ကို ချိတ်ဆက်နိုင်ရာ ဆုံချက် ဖြစ်နေခဲ့သောကြောင့်ပင်။ ဒါက သူကိုယ်တိုင်တောင် မသိတဲ့ အကြောင်းရင်း တစ်ခုခုကြောင့်လည်း ဖြစ်နိုင်ပါ၏။

ယနေ့ သူ့နယ်ပယ်သည် မပြောင်းလဲသေးသော်လည်း သူကြိုးစားအားထုတ်ခဲ့သော ခွန်အားများက တိုးလာတာကြောင့် လုရွှမ်ကိုယ်တိုင်ပင် ရယ်မောသွားခဲ့သည်။ ဒီအပြောင်းအလဲက တကယ်ကို အံ့မခန်းပါပဲ။

သူ ခွန်အားတွေ တိုးလာတာနဲ့အမျှ အရှိန်က ပိုပိုမြန်လာသည်။ နှစ်တွေကြာလာတာနဲ့အမျှ လုရွှမ်ဟာ အရည်အချင်းတွေ အများကြီး စုဆောင်းလာခဲ့တယ် မဟုတ်လား။ ယခင်က စွမ်းအားကို နတ်မီးနယ်ပယ်သို့ အဆင့်မြှင့်ထားသောကြောင့် မျှော်စင်နယ်ပယ် အဆင့်နိမ့်လောက်က ဂရုစိုက်နေစရာ မလိုပေ။

လူငါးယောက်က လုရွှမ်၏ စွမ်းအားသည် သာမန်ထက် နိမ့်ကျသော အဆင့်မှန်း တွေ့ရှိခဲ့ကြသော်လည်း ပြသလညသော စွမ်းအားမှာ နတ်မီးနယ်ပယ် မဟုတ်တဲ့ မျှော်စင်နယ်ပယ်၌ ရှိနေသလိုပင်။

"သွားသေလိုက်တော့!"

လူငါးယောက်ကလည်း ဟောက်ပြီး သူတို့ရဲ့ တိုက်ခိုက်မှုကို အရှိန်မြှင့်လိုက်သည်။

"မင်းတို့ကို ငါပြောချင်တာက ငရဲကိုသွားဆိုတဲ့ စကားပဲ!!"

လုရွှမ် သူ့လက်ထဲက ချင်ထျန်းဓားကို ဝေ့ယမ်းလိုက်သောအခါ စိမ်းပြာနဂါး တစ်ကောင် ပျံသန်းလာခဲ့လေသည်။ ၎င်းက ဒေါသပင်လယ်ထဲမှာ ဟိန်းဟောက်နေကာ တုန်လှုပ် ချောက်ချားစရာ ကောင်းတဲ့ လှိုင်းလုံးတွေကိုလည်း ထုတ်လွှတ်လိုက်သည်။

ဗုန်းကနဲ ကျယ်လောင်သော အသံနှင့်အတူ လူငါးဦး၏ လက်နက်များ ပျက်စီးသွားကာ ခေါင်းငါးခေါင်း ကောင်းကင်သို့ ပျံတက်ကာ ပေါက်ကွဲထွက်ထားသည့် ပါးပါးလှီးထားသော အသားလုံးများက​တော့ မြေကြီးပေါ်သို့ ပြုတ်ကျသွား၏။

လုရွှမ် မျှော်စင်ငါးခုကို ဖယ်ထုတ်လိုက်ပြီး သူ့သွေးများ ဆူပွက်လာချိန်တွင် အသက်ရှူထုတ်လိုက်သည်။

အချိန်အတော်ကြာတဲ့အထိ ရုတ်တရက် ရလာတဲ့ စွမ်းအင်အပေါ် ထိန်းချုပ်နေခဲ့ရတာကြောင့် အားနည်းနေတုန်းပါပဲ။ ရလဒ်အနေဖြင့် ဤလူငါးယောက်သည် သူ့ကို လေ့ကျင့်နိုင်​ရန် အချိန်မီရောက်လာခဲ့ပြီး လုရွှမ်လည်း သူ့ခန္ဓာကိုယ်တွင်း စွမ်းအားကို ထိန်းချုပ်နိုင်မှုက ပို၍ ကျွမ်းကျင်လာခဲ့သည်။

တစ်ဖက်မှာတော့ ပေါင့်တာထင်းကလည်း တစ်ဖက်လူရဲ့ ရုပ်အလောင်းကို နှစ်ပိုင်းခွဲ ဖြတ်ပစ်လိုက်သည်။ ပေါင့်တာထင်းရဲ့ အရှိန်က အရမ်းမြန်ပြီး ရောင်ဝါကလည်း ဖုံးကွယ်ထားတာကြောင့် တစ်ဖက်လူက လုံးဝ သတိမထားမိလိုက်ပါဘူး။

ပေါင့်တာထင်းဟာလည်း မျှော်စင်တစ်ခုကို သိမ်းယူကာ လုရွှမ်နှင့် ဘေးချင်းကပ်လျက် ရပ်နေပြီး လူတိုင်းကို ဂုဏ်ယူစွာဖြင့် မျက်နှာမူလိုက်သည်။