နတ်လက်နက်များ

လုရွှမ်လည်း သူ့လက်ကို ဝှေ့ယမ်းပြီး အမိန့်ပေးလိုက်သည်။

"သွား!"

အဖွဲ့နှစ်ဖွဲ့ အသေအကြေ တိုက်ခိုက်ကြပြန်သည်။

လုရွှမ်သည် ကောင်းကင်သို့ ပေါ့ပါးစွာ ပျံတက်သွားပြီး မီးကျီးကန်း၏ နတ်ဆိုးမီးတောက်များ အားလုံးကို ပေါက်ကွဲသွား​စေခဲ့သည်။ ဒီလူတွေက မျှော်စင်နယ်ပယ်မှာ ရှိနေရင်တောင် စွမ်းအင်လုံလောက်ပြီး အပူချိန်ကလည်း လုံလောက်နေပါပြီ။

လီမိသားစု အစောင့်များသည် လုရွှမ်၏ မီးထိန်းချုပ်မှုကြောင့် ဤနတ်ဆိုးမီးများ၏ ထိမှန်ခြင်းကို ခံရမည့်အကြောင်း လုံးဝ ဂရုမစိုက်ပေ။ ဆန့်ကျင်ဘက်တွင်တော့ ထုံးယန်ဂိုဏ်းသားများသည် ရှုပ်ယှက်ခတ်လျက် ပြေးလွှားနေကြသည်။

နတ်ဆိုးမီးကို ထိလိုက်သည်နှင့် တပြိုင်နက် သာလွန်ကောင်းမွန်သော မျှော်စင်နယ်ပယ်က လူများပင် ခုခံနိုင်စွမ်း မရှိကြပေ။ နတ်မီးနယ်ပယ် ကျင့်ကြံသူသည်တော့ နတ်ဆိုးမီးဖြင့် စွန်းထင်းသွားသည်နှင့် တစ်ပြိုင်နက် ထိုသူသည် မီးသွေးခဲ ဖြစ်တဲ့အထိ လောင်ကျွမ်းသွားလိမ့်မည်။

သူတို့ဘက်မှာ မျှော်စင်နယ်ပယ်မှာ ကျင့်ကြံသူတွေ ဘယ်နှစ်ယောက် ရှိနိုင်မှာလဲ။ ဒီနေရာက ကြယ်တစ်သောင်းကမ္ဘာ မဟုတ်ဘဲ ဝေးလံခေါင်သီသော ကမ္ဘာငယ်လေးတွေက ဖြစ်ကာ မျှော်စင်နယ်ပယ်က ပေါများလိမ့်မည် မဟုတ်ပေ။

ထိုအချိန်က ကောင်းကင်အောင်ခြင်း ဂိုဏ်းတစ်ခုလုံးတွင် မျှော်စင် နယ်ပယ်က ကျင့်ကြံသူ သုံးဆယ်ကျော်ရှိပြီး အဓိကဂိုဏ်း​ကြီး ရှစ်ခုအနက်မှ တစ်ခုဟု သတ်မှတ်ခံထားရသည်။ ထုံးယန်ဂိုဏ်းက ပိုမိုအားကောင်းကာ မျှော်စင်နယ်ပယ် လူငါးဆယ်ကျော် ရှိသည်။

ကျန်သောသူ အများစုမှာ နတ်မီးနယ်ပယ်များ၊ ထို့နောက် ကောင်းကင်ဘုံသခင်နှင့် ၎င်းအောက် နယ်ပယ်များ ဖြစ်ကြသည်။ ယခု လုရွှမ်သည် နေရာတိုင်းတွင် မီးရှို့နေသောကြောင့် နတ်မီးနယ်ပယ်ပင်လျှင် မခံနိုင်လေရာ ကောင်းကင်ဘုံသခင်လည်း မခုခံနိုင်ပေ။

တခဏချင်းမှာပဲ ထုံးယန်ဂိုဏ်းအတွက် အကြီးအကျယ် ဆုံးရှုံးမှုတွေ ဖြစ်လာခဲ့သည်။ ပည့်များသည် လောင်ကျွမ်းနေသော မီးလျှံတွင် တစ်ယောက်ပြီး တစ်ယောက် ဝမ်းနည်းစွာ သေဆုံးသွားခဲ့ကြသည်။ ဂိုဏ်း၏ အဓိကကျသော နတ်မီးနယ်ပယ်များပင် အလျင်အမြန် သတ်ဖြတ်ခြင်းကို ခံနေရသည်။

မျှော်စင်နယ်ပယ်က လူအိုများပင် သူတို့ကိုယ်သူတို့ ထောက်ပံ့ရန် ရုန်းကန်နေကြသော်လည်း ခုခံမှု အနည်းငယ်သာ လုပ်နိုင်၏။

"အဲဒီ​ကောင်လေးကို ဆက်ပြီး မီးရှို့ခွင့် မပေးနဲ့... မီးတောက်တွေက အရမ်းပြင်းလို့ အကုန်လုံး အရှင်လတ်လတ် လောင်ကျွမ်းသွားလိမ့်မယ်"

မျှော်စင်နယ်ပယ်မှ လူနှစ်ယောက် ပြေးလာကာ လုရွှမ်ကို အပြင်းအထန် တိုက်ခိုက်ဖို့ ပြင်ကြသည်။ လုရွှမ်ကိုသာ သတ်လိုက်ပါက မီးတောက်များကို အလိုအလျောက် မလွှတ်နိုင်​တော့ပေ။ သူတို့နှစ်ဦးသည် မျှော်စင်နယ်ပယ် ပထမအဆင့်တွင်သာ ရှိကြပေမယ့် လုရွှမ်ကို ငတုံးတွေလို အမှန်တကယ်ပင် သူ့ကို တားချင်နေကြသည်။

လုရွှမ်သည် သူ့​လက်တစ်ဖက်မှ နတ်မိုးခြိမ်းသံကို ပေါက်ကွဲလိုက်ရာ ၎င်းတို့နှစ်ဦးသည် မီးသွေးအဖြစ်သို့ ပြောင်းလဲသွားကြသည်။

"ညီအကိုတို့!!"

ထုံးယန်ဂိုဏ်းချုပ်ခမျာ မယုံကြည်နိုင်စွာ အော်ဟစ်လိုက်မိသည်။ သူတို့က လုရွှမ်ကိုတားဖို့ တက်သွားစဉ် ၎င်းတို့နှစ်ဦးလုံး ခေါင်းဖြတ်ခံခဲ့ရသည်။ ဒီလူက ဘယ်သူလူလဲ။

"ဂိုဏ်းချုပ်... မီးငြိမ်းဖို့ လူတွေကို သွားခေါ်လိုက်.... မီးမပြန့်အောင် လုပ်နိုင်မှ အဲဒီကောင်ကို တွန်းလှန်နိုင်မှာ... ငါသူ့ကို တားထားမယ်!"

အသံတစ်သံ ထွက်ပေါ်လာပြီး ထုံးယန်ဂိုဏ်းချုပ်လည်း လန့်ဖျပ်သွားသည်။

"အကြီးအကဲချွီး.... ခင်ဗျား ကိုယ်တိုင်ကိုယ်ကျ လှုပ်ရှားတော့မလို့လား? အဲ့ကောင်လေးက အဲဒီလောက်တောင် အစွမ်းထက်လား"

ကျင့်ကြံမှု အမြင့်ဆုံးအဆင့်ရှိ အဘိုးကြီးချွီးက ခေါင်းညိတ်လေသည်။

"ဒီကောင်လေးမှာ တောက်ပတဲ့ အနာဂတ်ရှိတယ်"

သူသည် လေထဲသို့ ပျံသွားကာ လေလှိုင်းများကို ထုတ်လွှတ်ကာ လုရွှမ် ပြင်းထန်စွာ ဝှေ့ယမ်းနေသော မီးတောက်များကို ပိတ်ဆို့ထားလိုက်သည်။ ထွက်လာသူက အဘိုးကြီးဖြစ်နေတာကို မြင်လိုက်ရသဖြင့် လုရွှမ်လည်း သတိမပေါ့ဝံ့ဘဲ မီးကို ငြိမ်းသတ်ပြီး အဘိုးအိုကို စိုက်ကြည့်နေလိုက်သည်။

"ကောင်လေး ရပ်လိုက်ပါတော့... မင်းက အရမိးထက်မြက်ပြီး တောက်ပတဲ့ အနာဂတ်ကိုလည်း ပိုင်ဆိုင်ထားသူပဲ... မင်းဘာလို့ ငါတို့ရန်သူ ဖြစ်ချင်နေတာလဲ...."

လုရွှမ်: "ကျုပ်က ခင်ဗျားရန်သူပဲလေ... ခင်ဗျား ကျုပ်အိမ်ကို သိမ်းပိုက်သွားပြီးပြီ... ဘယ်သူက မိတ်ဆွေ ဖြစ်နိုင်ဦးမလဲ"

"အဘိုးကြီး...ခင်ဗျားလည်း အများကြီး ကျင့်ကြံဖူးခဲ့ပြီးပြီပဲ ဒီလိုကမ္ဘာငယ်လေးမှာ ခင်ဗျားတကယ် ဒီအဆင့်အထိ ရောက်နေတာက တော်တော်ကို မှတ်သားစရာ ကောင်းပါတယ်... ကျုပ်လည်း ခင်ဗျားကို အရမ်းလေးစားတယ် ခင်ဗျားကြောင့် ဒီလူတွေကို မလွှတ်ပေးနိုင်ဘူး အဲ့တရားခံကို သတ်လိုက်.... အဲဒီတပည့် အားလုံးကို ကျုပ် လွှတ်ပေးလိုက်မယ်”

"အခြေအနေတွေက အရမ်းရိုးရှင်းပါတယ်... အရာအားလုံးကို ဒီနေရာမှာ ထားခဲ့ပြီး ခင်ဗျားရဲ့ ကမ္ဘာငယ်လေးကို ပြန်သွား.... ဒါမှမဟုတ် တောင်တွေကို သိမ်းပိုက်ပြီး တောင်တစ်သောင်းကမ္ဘာရဲ့ တခြားနေရာတွေမှာ ဘုရင်ဖြစ်လာအောင် လုပ်လိုက်... ဒါတွေ အားလုံး အဆင်ပြေပါတယ်... ကောင်းကင်အောင်ခြင်း ဂိုဏ်းကိုတော့ လွှတ်ထားပေးရမယ်"

အဘိုးအိုသည် သူ့မျက်နှာပေါ်တွင် ခါးသီးသော အပြုံးနှင့် “မဖြစ်နိုင်ဘူး” ဟူသော စကားလုံးကို လေးနက်သော မုန်းတီးမှုဖြင့် ဆိုရင်း ခေါင်းခါယမ်းသည်။

တိုက်ပွဲအတွင်းတွင် ထိုသို့သော ပရဒိသုဘုံကို တည်ထောင်ရခြင်း အကြောင်းအရင်း ရှိကြောင်း သူ အကြံပြုထားပြီး ဖြစ်သည်။ ယခင်က ကြိုတင် သတ်မှတ်ထားသော ဆက်ဆံရေးမျိုး မရှိပါက၊ ၎င်းကို ပိုင်ဆိုင်လျှင်ပင် ကြီးမားသော လျှို့ဝှက်အန္တရာယ်များ ရှိလာမည်ဖြစ်သည်။

သို့သော် ကြီးမားသော အကျိုးစီးပွားကို ရင်ဆိုင်ရသောအခါတွင် လူတိုင်းသည် သူ၏ထင်မြင်ချက်များကို လျစ်လျူရှုခဲ့ကြသည်။

သူသည် ကောင်းကင်အောင်ခြင်း ဂိုဏ်း၏ မှော်ဆန်မှုကို ခံစားပြီးနောက်တွင်ပင် ဤနေရာကို ပိုင်ဆိုင်ချင်လာခဲ့သည်။ ကောင်းကင်အောင်ခြင်း တောင်ထွတ်တွင် သူ၏နယ်ပယ် ကြီးထွားမှုအဆင့်သည် မြင့်မားသော အဆင့်သို့ ရောက်ရှိသွားနိုင်သည်။

ယခု လုရွှမ် ပြန်လာသည်ကို မြင်ပြီးနောက် သူသည် တံဆိပ်ပြားကို အလုပ်မလုပ်တော့အောင် လုပ်နိုင်ခဲ့တာကိို မြင်ခဲ့ရပြန်သည်။ ပထမအကြိမ်တွင် ဖရဲသီးနှင့်​ ဂေါ်ဖီများကဲ့သို့ အသတ်ခံရသည့် သူ၏ တပည့်များနှင့် မြေးများကို မြင်လိုက်ရသဖြင့် စိတ်ထဲမှာ ပို၍ပင် နောင်တရမိလာသည်။

ဒါပေမဲ့ အများကြီး ပေးဆပ်ပြီးပြီမလို့ ဒီအတိုင်း ထွက်သွားဖို့က ဘယ်လိုလုပ် ဖြစ်နိုင်မှာလဲ။

ဂိုဏ်းကြီး ရှစ်ခုသည် အတူတကွ ရှေ့သို့တိုးရန် စည်းလုံးနေပြီ။ ဤလူများသည် တန်ခိုးကြီးမား သော်လည်း ဂိုဏ်းကြီးရှစ်ခုလုံးကို သတ်နိုင်ကြမှာလား။ မဟာမိတ်တွေ ရောက်လာဖို့ စောင့်မျှော်နေသရွေ့ အရာအားလုံး ပြောင်းလဲသွားနိုင်ပါ၏။

အဘိုးအို၏ မျက်ခုံးမွှေးများတွင် မြဲမြံမှုနှင့် ရက်စက် ကြမ်းကြုတ်မှုသည် အရာအားလုံးကို ညှိနှိုင်း၍ မရတော့ကြောင်း လုရွှမ်အား နားလည်စေခဲ့ပြီး ဤကိစ္စအတွက် သူသည် သနား​နေရန် မလိုအပ်တော့ကြောင်းလည်း သိသွားစေသည်။

"ကောင်းပြီ... တိုက်ခိုက်ကြည့်ရအောင်...ဒီအဆင့်က ဘယ်လောက် အစွမ်းထက်တယ်ဆိုတာ ငါကြည့်ချင်ပါသေးရဲ့"

အဘိုးကြီးကလည်း သူ့အနောက်ကနေ ရှေးဟောင်း ဓားတစ်ချောင်းကို ဖောက်ထုတ်လိုက်သည်။ ၎င်းက နတ်လက်နက်တစ်ခု ဖြစ်သွားတာကို တွေ့ရလေ၏။ အလွန်ဟောင်းနေပြီ ဖြစ်တာကြောင့် ၎င်းကို နှစ်ပေါင်းများစွာ အဆင့်ဆင့် အမွေဆက်ခံထားပုံရကြောင်း ခန့်မှန်းကြည့်နိုင်သည်။

"မင်းရဲ့ နတ်လက်နက်က အရမ်းအစွမ်း ထက်ပါတယ်... နှစ်ထောင်ချီကြာ ဖြတ်သန်းလာတဲ့ ငါ့ထုံးယန်ဂိုဏ်းရဲ့ နှလုံးသားဓားကလည်း အတူတူပဲ... ငါရလာတဲ့အချိန်ကစပြီး သုံးခဲတယ် သတ်ရမယ့် လူတွေက မတန်ဘူးလေ.... အခု ဒီအဘိုးကြီးက လက်နက်ကို သုံးတော့မယ်..."

အဘိုးကြီးသည် နတ်ဓားကို ဝှေ့ယမ်းလိုက်ပြီး ဓားစွမ်းအင်က လုရွှမ်ကို ဗုံးကြဲချလိုက်သည်။ လုရွှမ်ဘက်ကလည်း ဓားစွမ်းအင်ကို ထုတ်လွှတ်လိုက်ရာ ဓားစွမ်းအင် နှစ်ခုသည် လေထုထဲတွင် အချင်းချင်း တိုက်ခိုက်လိုက်ကြသည်။

"ဓားကောင်းပဲ!"

"အတူတူပဲလေ"

အဘိုးအိုက နဆ်လက်နက်ကို ဝှေ့ယမ်းပြရင်း သူ့ခန္ဓာကိုယ်ဟာ ရုတ်တရက် အလင်းတစ်ချက် တောက်သွားပြီး ကိုယ်ပွားတစ်ယောက် ပေါ်လာသည်။ သူ့ခန္ဓာကိုယ်က တဖန်လှုပ်ခါပြီး နောက်လူဆယ်ယောက် ဆက်တိုက် လှုပ်ခါသွားကာ လူအိုများအားလုံး လက်ထဲတွင် နတ်ဓားများကို ဝှေ့ယမ်းကာ လုရွှမ်ကို ဝိုင်းထားလိုက်ကြသည်။

"ခေါင်းဖြတ်!"

ရပ်နေသော လူဆယ်ယောက်သည် ပေါ့ပေါ့ဆဆ ရပ်နေပုံရသည်။ သို့သော် ဓားခုတ်မှုတွင် အခင်းအကျင်း အဖွဲ့အစည်းတစ်ခု ပါရှိနေ၏။ ဓားဆယ်ချောင်း၏ တန်ခိုးသည် အခင်းအကျင်းကြောင့် ဆယ်ဆထက်မက ပို၍ ပြင်းထန်လာသည်။

လုရွှမ်၏ မျက်လုံးများသည် အဘိုးအို၏ ဓားရှည်ကို စိုက်ကြည့်ရင်း ဓားကို ဖြည်းညှင်းစွာ ဝေ့ယမ်းနေရာ ဓားသွားသံများ အမှန်တကယ် ထွက်ပေါ်လာသည်။ ဒီလှုပ်ရှားမှုရဲ့ အကျိုးသက်ရောက်မှုက နတ်ဓားရဲ့ စွမ်းအားကို အားကိုးနေရတာ အမှန်ပင်။ မဟုတ်ရင် လုရွှမ် လှည့်ထွက်သွားရမှာပါပဲ။ ဤအခင်းအကျင်း မှော်အစွမ်းသည် အလွန် အစွမ်းထက်သောကြောင့် သူ လုံးဝ မခံနိုင်လောက်ချေ။

"ယွမ်ယန်ဓားကိုးစင်း!"

လုရွှမ် ခန္ဓာကိုယ်ပေါ်ရှိ ဓားရည်ရွယ်ချက်သည် ကောင်းကင်သို့ ပျံတက်သွားပြီး ယခုအခါ ကမ္ဘာပေါ်တွင် အလွန်ပြင်းထန်ပြီး တုနှိုင်းမယှဉ်နိုင်သော ဓားရည်ရွယ်ချက် တစ်ခု ရှိနေသည့် အတိုင်းပင်။

ဒါပေမဲ့ ဓားစွမ်းအင်က လုံးဝ မလျော့သွားဘဲ ဆန့်ကျင်ဘက် အနေဖြင့် ဓားစွမ်းအင်က နည်းနည်း ပိုထူလာပြီး ပတ်ဝန်းကျင်ကို ရိုက်သွားရာ လူတွေကို မရပ်မနား နောက်ဆုတ်သွားစေသည်။

ထန်းကနဲ အသံနှင့်အတူ နတ်ဓားနှစ်ချောင်း အချင်းချင်း ထိခတ်သွားသည်။ လုရွှမ်၏ ခန္ဓာကိုယ်သည် ပြင်းထန်စွာ ဆုတ်ခွာသွားခဲ့ပြီး အဖိုးအို၏ ခန္ဓာကိုယ်သည်လည်း နောက်ပြန် ဆုတ်သွားရ၏။ နတ်လက်နက်နှစ်ခုက ဖြည်းညှင်းစွာ တုန်ယင်နေကြသည်။