အဆိုပြုချက်

"မင်းက ငါ့ရတနာ​တွေကို လိုချင်တာလား"

အဘိုးကြီးငန်းရိုင်းက အော်လိုက်သည်။

"ဟုတ်တယ်! ခင်ဗျားရဲ့ ရတနာကြောင့်သာ မဟုတ်ရင် ကျုပ်ဒီမှာ ဘာအတွက်လဲ ရှိနေမှာလဲ.... ခင်ဗျားကို ကယ်တင်မယ့် မျိုးဆက်သစ်တွေကို စောင့်နေရင်း သဲလွန်စတွေကို အပြင်မှာ ချန်ထားခဲ့တာ မဟုတ်ဘူးလား"

အဘိုးကြီးငန်းရိုင်း၏ မျက်လုံးများထဲတွင် မျှော်လင့်ချက် အရိပ်အမြွက်မျိုး ပြနေသည်။

"ငါ့ရတနာဘယ်မှာ ရှိတယ်ဆိုတာ မင်းကို ပြောပြရင် ငါ့ကိုလွှတ်​ပေးမှာလား"

"မဖြစ်နိုင်ပေမယ့် ခင်ဗျား သေရင် ပျော်ပျော်ကြီး သေရမှာပါ"

အဘိုးကြီးငန်းရိုင်းက အော်ဟစ်ပြီး "ဒါဆို ငါဘာလို့ပြောရမှာလဲ"

လုရွှမ်ရဲ့လက်ထဲက မီးတောက်က ပြန်ထလာပြန်သည်။ ခရမ်းရောင် မီးတောက်က အဘိုးကြီးငန်းရိုင်းရဲ့ ဝိညာဉ်ကို လောင်ကျွမ်းစေနိုင်သည်။ အဘိုးကြီးငန်းရိုင်းသည် မသေမျိုးနယ်ပယ်ရှိ သခင်တစ်ဦး ဖြစ်ပြီး သူ၏စိတ်ဝိညာဉ်သည် ယင်ဝိညာဥ်သစ်သားဖြင့် သန့်စင်ထားသည်ဟု ဆိုနိုင်သည်။

သို့သော် ယခုအချိန်တွင် ဖီးနစ်နတ်မီး၏ တောက်လောင်နေသော မီးအောက်တွင် ခုခံနိုင်သူ မည်သူမဆို ရှက်ရွံ့ပြီး နာကျင်စွာ အော်ဟစ်နေပေလိမ့်မည်။

ရွှေချင်းလင်နဲ့ ယွမ့်ချောင်ချင်တို့သည် မည်းမှောင်သော မျက်နှာများဖြင့် အဘိုးကြီးငန်းရိုင်းအား ပြင်းထန်စွာ စိုက်ကြည့်နေကြ​လေသည်။ သူမတို့ နှစ်ယောက်သည် ယခင်က ဖြစ်ပျက်ခဲ့သော အဖြစ်အပျက်များကို ပြန်သတိရပြီး လုရွှမ်ကို သတ်ချင်စိတ်များ ဝင်လာမိတာကြောင့် မျက်နှာများမှာ ပူထူလာခဲ့သည်။

"လုရွှမ်! ရှင် ဘယ်လောက် အစွမ်းထက်တယ်ဆိုတာ သိအောင် သူ့ကို ပြင်းပြင်းထန်ထန် မီးရှို့ပစ်လိုက်!"

လုရွှမ် ရယ်မောလိုက်ပြီး "ဟုတ်တယ်၊ တခြားသူတွေကို အနိုင်ကျင့်တာက ပျော်ရွှင်မှုရဲ့ အခြေခံပဲတဲ့!"

ထိုအခါ အဘိုးကြီးငန်းရိုင်းက အော်လေ၏။

"အား...အား! ငါပြောမယ် ငါပြောမယ်... ငါ့ကိုလွှတ်ပေးပါ ငါအကုန် ပြောပြပါ့မယ်"

"ခင်ဗျားသာ​ အစောကတည်းက ပြောခဲ့ရင်​ ပြီးသွားပြီ!"

လုရွှမ် မီးတောက်ကို ပြန်သိမ်းလိုက်သည်။ ထို့နောက် အဘိုးကြီးငန်းရိုင်းက ပျော့ညံ့သော အသံဖြင့် မေးလာလေသည်။

"မင်း... ဖီးနစ်နတ်မီးကို ဘယ်လိုလုပ် ရလာတာလဲ?"

ရွှေချင်းလင်နဲ့ ယွမ့်ချောင်ချင်တို့ နှစ်ယောက်လုံး ဖီးနစ်နတ်မီး ဆိုတဲ့ စကားလုံးကြောင့် အံ့သြသွားကြလေသည်။ သူတို့သည် ဤမီးလျှံ၏ အမည်ကို ကြားဖူးကြပြီး ယင်းသည် အမြင့်မြတ်ဆုံးသော နတ်မီးများထဲမှ တစ်ခုဖြစ်ကြောင်း သိထားကြသည်။ သို့သော် လုရွှမ်ဆီကနေ ဒီလို နတ်မီးမျိုး ပေါ်လာလိမ့်မယ်လို့ ဘယ်တုန်းကမှ မထင်ခဲ့မိဘူး။

တခဏချင်းမှာပဲ လုရွှမ်ရဲ့ အထောက်အထားနဲ့ ပတ်သက်ပြီး ထင်မြင် ယူဆချက်တွေက ပိုပိုပြီး သံသယဖြစ်စရာ ကောင်းလာသည်။ လုရွှမ်က ထူးခြားတဲ့ နောက်ခံကနေ မွေးဖွားလာခဲ့တာ ဖြစ်နိုင်ချေ များသည်။

လုရွှမ်သည် ၎င်းကို သတ္တိရှိရှိ အသုံးချပြီး မီးတောက်ကို ထုတ်ဖော်ရန်လည်း မကြောက်ပေ။ သို့သော် ဤမီးတောက်ကို သူမတို့က မသိလိုက်ဘဲ အဘိုးကြီးငန်းရိုင်းကတော့ ရှင်းရှင်းလင်းလင်း ခန့်မှန်းနိုင်ခဲ့သည်။

ကမ္ဘာမြေကြီး တစ်ခုလုံးသည် ကြီးမားသော်လည်း လူသားကျင့်ကြံသူများ နေရာယူထားသည်မှာ ကြီးမားသည်ဟု မဆိုလိုပါ။ စင်စစ်အားဖြင့် လူသားကျင့်ကြံသူ အများစုသည် အစွန်အဖျားဆုံး နေရာဖြစ်သည့် အနောက်တိုင်းတွင် တည်ရှိကြပြီး အခြားနေရာများတွင် လူသားများ ခြေချရန် အခြေခံအားဖြင့် ခက်ခဲသည်။

လူသားမျိုးနွယ်၏ အဆင့်အတန်းသည် မမြင့်မားသောကြောင့် လူသားမျိုးနွယ် အတွက် ဖီးနစ်နတ်မီး ကဲ့သို့သော အရာမျိုးက သဘာဝကျကျ အလွန် အဖိုးတန်သည်။ လုရွှမ်က ဖီးနစ်နတ်မီးကို ဘယ်လိုလုပ်ပြီး ရသွားတာလဲ။

"ကျုပ်က မေးရမှာလား ခင်ဗျားကမေးမှာလား"

လုရွှမ်က အဘိုးကြီးငန်းရိုင်းရဲ့ လက်ကို ရက်စက်စွာ ပုတ်ထုတ်လိုက်သည်။ အဘိုးကြီးငန်းရိုင်းကတော့ စိတ်မဆိုးဘဲ လုရွှမ်ကို ရတနာတစ်ခုကို ကြည့်နေသလိုပဲ ကြည့်နေသည်။

သူ့ဝိညာဉ်သည် ပြင်းထန်စွာ ပျက်စီးခဲ့ရသော်လည်း သူ့ခန္ဓာကိုယ်မှ လွတ်မြောက်ကာ ယင်ဝိညာဥ်သစ်သားထဲ ပုန်းအောင်းနေခဲ့ရသည်။ ရလဒ်အနေနဲ့ ဒီတိုင်းသာ နှစ်ထောင်ပေါင်းများစွာ ကြာရှည်ခဲ့ပြီး ပိုကံမကောင်းတာက နေရာရွေးချယ်မှု ညံ့ဖျင်းတာကြောင့် ခန္ဓာကိုယ်ဟာ စိတ်ဝိညာဉ် ထိန်းချုပ်မှုကို ဆုံးရှုံးသွားပြီး ပတ်ဝန်းကျင်ရှိ နတ်ဆိုးတွေရဲ့ လွှမ်းမိုးမှုကို ခံခဲ့ရကာ အလောင်းကောင်အဖြစ် ပြောင်းလဲသွားခဲ့သည်။

အလောင်းကောင်သည် နတ်ဆိုးတစ်ကောင်လို သူ့ခန္ဓာကိုယ်ကို လုံးလုံးလျားလျား ချုပ်ကိုင်ထား၏။ ၎င်းသည် သူ၏စိတ်ဝိညာဉ်အတွက် အလိုလို ကြောက်ရွံ့ ထိတ်လန့်စေသည်။ ရုပ်ခန္ဓာ၏ ပကတိမှတ်ဉာဏ်ကြောင့်သာ မဟုတ်ပါက သူသည် ရှေးရှေးကတည်းက အလောင်းကောင်နတ်ဆိုး၏ ချေမှုန်းခြင်းကို ခံခဲ့ရပေလိမ့်မည်။

လွန်ခဲ့သည့် နှစ်ထောင်ပေါင်းများစွာက သူသည် အနာဂတ်တွင် ဤသို့ဖြစ်မည်ဟု ထင်ခဲ့ပြီးသားပင်။ ယင်ဝိညာဥ်သစ်သား ဘယ်လောက်ပဲ အစွမ်းထက်စေကာမူ ဤနတ်ဆိုးများ၏ ကျူးကျော်မှုအောက်တွင် ကြာကြာမနေနိုင်ပါ။ သို့သော် ယခုအချိန်တွင် လုရွှမ်တို့ ရောက်ရှိလာသည်ကို သူမြင်လိုက်ရသည်။

လုရွှမ်နှင့် အခြားလူများက အနက်​ရောင် လက်ထဲတွင် ပိတ်မိနေသည့် မြင်ကွင်းများကို သူ ရှင်းရှင်းလင်းလင်း ခံစားလိုက်ရသည်။ လုံးဝ မမျှော်လင့်ထားသည်က ကောင်လေး လုရွှမ်သည် ဤသဘာဝ သေဆုံးခြင်းနေရာမှ ဖြစ်ပေါ်လာသော အကျပ်အတည်းများကို အကြိမ်ကြိမ်အခါခါ ဖြေရှင်းခဲ့သည်။

သူ့အသက်ကို စွန့်စားပြီး ရှင်သန်ဖို့ လမ်းကြောင်းမှန်ကို သတ္တိရှိရှိ ရှာတွေ့သလို ဒီသင်္ချိုင်းထဲကို ဝင်ခဲ့သည်။

ခန္ဓာကိုယ်ကို ဖမ်းယူမှု မအောင်မြင်သော်လည်း ရေအနက်ရောင်ကို ခံနိုင်ရည်ရှိသော မီးသည် အမှန်တကယ်ပင် ဖီးနစ်နတ်မီး ဖြစ်​နေကြောင်း ဖော်ထုတ်တွေ့ရှိခဲ့သည်။ ဒဏ္ဍာရီများတွင်သာ သူကြားနေရသည့် အလွန်မြင့်မားသော မီးလျှံမျိုးသည် အမှန်တကယ်ပင် ထိုကောင်လေးက ထိန်းချုပ်ထားသည်။

ပြတ်ပြတ်သားသား မယူနိုင်ရင် အခြားသူများ စားသုံးခြင်းကြောင့်လည်း ပြတ်ပြတ်သားသား မျက်နှာပျက်သွားနိုင်သည်။

"သခင်လေးလုရွှမ်... ကျုပ်က ဗီလိန်တစ်ယောက် ဖြစ်ပေမယ့် အရည်အချင်း သိပ်မပြည့်မီပါဘူး... ဒီငယ်သားက သခင့်ရဲ့ဂိုဏ်းထဲဝင်ဖို့ ဆန္ဒရှိပြီး အစေခံတစ်ယောက် ဖြစ်လာချင်ပါတယ်... ကျေးဇူးပြုပြီး လက်ခံပေးနိုင်မလား?"

"ဘာ!! ရှင်က လုရွှမ်ကို ရှင်ရဲ့သခင်​ ဖြစ်​​စေချင်​တယ် ဟုတ်လား!"

ယွမ့်ချောင်ချင် ​အော်​လိုက်​​မိသည်။ သူမရဲ့အသံက အံ့အားသင့်​မှု​တွေ အပြည့်​ဖြင့်။ အဘိုးကြီးငန်းရိုင်း လုရွှမ်အား ထူးဆန်းသော မျက်လုံးများဖြင့် စိုက်ကြည့်နေသည်ကို သူမ မြင်လိုက်ရသော်လည်း တစ်စုံတစ်ခု ပြောလာခဲ့တဲ့အခါ မမျှော်လင့်ထားဘဲ သူမကို အံ့သြသွားစေသည်။

ရွှေချင်းလင်က ဘာမှပြန်မပြောပေ။ သူမ အကြီးအကျယ် အံ့သြနေမိတာတော့ အမှန်ပင်။ အဘိုးကြီးငန်းရိုင်းရဲ့ သူ့စိတ်ဝိညာဉ်က မသေမျိုးနယ်ပယ်ကို တက်လှမ်းထားပေမယ့် နတ်မီးနယ်ပယ်ကို သခင်အဖြစ် ကိုးကွယ်နေတာ ရှက်စရာ မကောင်းဘူးလား။

ဘာကြောင့်မှန်း မသိပေမယ့် ဒါက မကောင်းတဲ့အကြံ မဟုတ်ဘူးလို့ သူမ ခံစားရသည်။ အကြောင်းမှာ လုရွှမ်၏ ခွန်အားအစစ်အမှန်ကို သူန လုံးဝ မမြင်နိုင်သောကြောင့်ပင်။

သူမသည် ထိုမျှလောက် ပါရမီရှင်မဟုတ်မှန်းလည်း သိသည်။ ဆိုလိုသည်မှာ သူမသည် မိုင်ပေါင်းတစ်သန်း အတွင်းသာ ကျော်ကြားသည်။ သို့သော်လည်း နာမည်ကောင်းရှိတဲ့ ပါရမီရှင်တွေတောင်မှ လုရွှမ်ရဲ့ ပြိုင်ဘက်ကောင်း ဖြစ်မှာမဟုတ်ဘူးလို့ ခံစားမိ၏။

လုရွှမ် ပြသသော ခွန်အားသည် သူမစိတ်ကူးထားတာထက် ကျော်လွန်နေပြီ ဖြစ်ပြီး သူ ဖုံးကွယ်ထားသော ခွန်အားက ဘယ်လောက်ရှိမလဲ ကောင်းကင်ကသာ သိပေလိမ့်မည်။ ထိုသို့သောလူများသည် ၎င်းတို့၏ လက်ရှိအဆင့်သည် မမြင့်မားသော်လည်း နောက်ဆုံးတွင် ကောင်းကင်သို့ တက်သွားကာ လူတိုင်းကို သူနှင့် ဝေးကွာသွားစေလိမ့်မည်။

ဤဆရာကြီးငန်းရိုင်းသည် မျက်လုံးကောင်းရှိပြီး လုရွှမ်၏ ထူးခြားသော စွမ်းရည်ကို မြင်သွားခဲ့သည်။ ယခုအချိန်က အလောင်းအစား ပြုလုပ်ရန် အနည်းငယ် စောနေသော်လည်း သူတကယ် ကောင်းကင်သို့ ပျံတက်သောအခါ နောင်တရဖို့ နောက်ကျနေမည်မှာ သေချာပါသည်။

လုရွှမ် ပြုံးပြီး "ခင်ဗျားက တွက်ဆထားတာပဲ... ဒီယင်ဝိညာဥ်သစ်သားက နတ်ဆိုးတွေရဲ့ ကျူးကျော်တာကို ခံ​နေရတယ်... ကြာကြာမခံမှာကို ကြောက်နေတာ မဟုတ်လား"

အဘိုးကြီးငန်းရိုင်း ဟူသော ဆရာကြီးလော့ယန်က ညင်သာစွာ ပြုံးလိုက်သော်ငြား သူ့စိတ်ထဲတွင်တော့ တုန်လှုပ်သွား၏။ ဤကောင်လေးသည် ယင်ဝိညာဥ်သစ်သား၏ အပြောင်းအလဲများကိုပင် ရှင်းရှင်းလင်းလင်း မြင်နိုင်​ပေသည်။ လုရွှမ်ကို သခင်အဖြစ် ချီးမြှောက်ရန် ပို၍ပင် စိတ်ပိုင်းဖြတ်ခဲ့သည်။

လုရွှမ်သည် နတ်ဘုရားနယ်မြေသို့ ရောက်ဖူးသော်ငြား ဤအဘိုးကြီးအား ကျွန်အဖြစ်လက်ခံရန် မပျော်ပိုက်ပေ။ သူ့ခန္ဓာကိုယ်ထဲမှာ လျှို့ဝှက်ချက်တွေ အများကြီးရှိနေတာမို့ လူတွေက သူတို့ဆန္ဒအတိုင်း လိုက်ကြည့်နိုင်ပါ့မလား။ အတွေ့အကြုံအရ ပြောရလျှင် ဤလူကြီးဟာ ရွှေကျီးကန်းလောက် လုံလောက်သော အတွေ့အကြုံ ရှိနေနိုင်သည်။

လုရွှမ် ခေါင်းယမ်းလိုက်သောကြောင့် လော့ယန်လည်း သက်ပြင်းချလိုက်​ပေသည်။

သို့သော် ရွှေချင်းလင်နှင့် ယွမ့်ချောင်ချင်တို့သည် ဒဏ္ဍာရီနယ်မြေမှ သခင်တစ်ဦးသည် သူ့ကို သခင်အဖြစ် ကိုးကွယ်ချင်သော်လည်း ညစ်ညမ်းသော ထိုလူက အမှန်တကယ် ငြင်းဆိုခဲ့လို့ တုန်လှုပ် အံ့သြသွားရပြန်သည်။

မသေမျိုး နယ်ပယ်ကို ရောက်ထားတဲ့ သခင်တစ်ယောက်က ဘယ်လောက် ရှားပါးတယ်ဆိုတာ သူသိရဲ့လား။ ဟေးရန်အဖွဲ့အစည်းမှာတောင် ရှားပါးတယ် ဆိုတာ သူသိရဲ့လား။

ဟေးရန်အဖွဲ့အစည်းထဲက မိသားစုများစွာ၏ အကြီးအကဲများသည် မျှော်စင်နယ်ပယ် အထွတ်အထိပ်တွင်သာ ရှိကြသည်။ ထိုသြဇာကြီးပြီး သာလွန်ကောင်းမွန်သော ဂိုဏ်းများကသာ မသေမျိုး နယ်ပယ်ကိုတက်သွားသော ကျွမ်းကျင်သူများ ရှိသည်။

ရေလနန်းတော်က နန်းတော်သခင်၊ ယွမ့်မိသားစုရဲ့ အိမ်တော်သခင်လိုပင်။ သို့သော် လုရွှမ်ကတော့ သူ့ကို လက်ခံဖို့ အမှန်တကယ် ငြင်းဆန်ခဲ့ပါ၏။