အပြစ်တင်တယ်

အမျိုးသမီး ကျင့်ကြံသူက လုရွှမ် ဝင်လာတာကို တွေ့တော့ တားဆီးလိုက်သည်။

"မင်း ပြန်လိုက်ပါတော့!"

ဤအမျိုးသမီးသည် ရိုင်းရိုင်းစိုင်းစိုင်း ပြောတတ်ပေမယ့် အနည်းဆုံးတော့ ကြင်နာတတ်သေးသည်။ လုရွှမ်လည်း လက်သီးလက်ဝါး ဆုပ်၍ နှုတ်ဆက်လိုက်သည်။

"မင်းရဲ့ကြင်နာမှုအတွက် ကျေးဇူးတင်ပါတယ် နတ်သမီး.... ဒါပေမဲ့ ငါ့ရဲ့ ကျင့်ကြံမှုက ဘာအမှားမှ မရှိဘူးလို့ ထင်တယ်"

“မင်းက နတ်မီးနယ်ပယ် ပထမအဆင့်ပဲ ရှိသေးတဲ့ ကျင့်ကြံသူတစ်ယောက်...နတ်ဆိုးမီးအဆင့်ကို မြှင့်တင်ချင်နေတာက မလွယ်ဘူး... ကောင်လေး ငါ မင်းကို ပြောပါရစေ မင်း ဂူထဲကိုတောင် မဝင်နိုင်ဘူးဆိုတာ နားလည်ရဲ့လား"

"ဒါက ငါ့ကံကြမ္မာက ဒီလိုဖြစ်ရမယ်လို့ ဆိုလိုတာပဲ မဟုတ်ဘူးလား

"ဟမ် မင်းက မင်းရဲ့ စွမ်းဆောင်ရည်ကို ယုံကြည်မှုတွေ လွန်ကဲနေတာပဲ!... အနီရောင် သလင်းကျောက် ၁သိန်းပေးပါ"

လုရွှမ်သည် သလင်းကျောက်များကို လက်မလွှဲ​ပေး​သေးဘဲ အလျင်စလို ထပ်မေးလိုက်သည်။

"နတ်သမီး ဘယ်တော့သုံးရမယ့် အလှည့်ဖြစ်မှာလဲ... ငါကြိုပြီးသုံးချင်တယ် ဒါကြောင့် တခြားအခြေအနေ အားလုံးကို ပြောပြ​ပေးပါလား?"

အမျိုးသမီးက စကားမပြောမီ ယောက်ျားပျိုတစ်ယောက်က ကြွေးကြော်ပြီး ဖြတ်လျှောက်လာခဲ့သည်။

"ကောင်လေး လှံကို လွှဲခိုင်းရင် ဓားကို မလွှဲနဲ့... မင်းဘာလို့ ဒီလောက် အပိုတွေ ပြောနေတာလဲ.... အစ်မရှောင်လဲ့ ဒီကောင်က မင်းကို နှောင့်ယှက်ဖို့ သတ္တိကောင်းနေတယ်... သူ့ကို သင်ခန်းစာတစ်ခု သင်ပေး​စေချင်တာလား"

ရှောင်လဲ့က ထိုလူအား မျက်လုံးပြူးပြီး ကြည့်လိုက်သည်။

"ရှင်ကျွန်မကို မြှောက်ပင့်ပေးတာကလည်း အသုံးမဝင်ဘူး... သခင်မလေးက ရှင့်ကို ခွင့်မပြုဘူးဆိုရင် ရှင်ဘာမှ လာမလုပ်နဲ့... ပိုင်လုမင် ကျွန်မသာ ရှင့်နေရာမှာ စောစောထွက်သွားပြီး ကိုယ့်ကိုကိုယ် အရှက်ရစေမယ့် အဖြစ်ကနေ ကယ်တင်လိုက်ပြီ"

ပိုင်လုမင်ရဲ့ မျက်နှာ အမူအရာက ပြောင်းသွားပြီး လက်သီးများကို တင်းတင်းဆုပ်ကာ အမျိုးသမီးအား မုန်းတီးစွာ စိုက်ကြည့်နေလေသည်။

"အိမ်အကူကများ မာနကြီးနေသေးတယ်...ငါ မင်းတို့ရဲ့ သခင်မလေးနဲ့ လက်ထပ်​ပြီးရင် ငါ မင်းကို ဘယ်လို ဆက်ဆံမလဲဆိုတာ စောင့်ကြည့်နေလိုက်!"

ရှောင်လဲ့ကတော့ ထိုလူကို အရူးတစ်ယောက်လိုသာ ကြည့်နေ၏။

"ထွက်သွားစမ်း!"

သူမက လက်ဝှေ့ယမ်းလိုက်သော် လေဓားတစ်လက် အသွင်သဏ္ဌာန် ထွက်ပေါ်လာပြီး လူသတ်ချင်တဲ့ အငွေ့အသက်တွေ ထွက်ပေါ်လာရာ ပိုင်လုမင်ရဲ့ ခန္ဓာကိုယ်လည်း တုန်လှုပ်ကာ အော်ဟစ်ပြီး ခေါင်းကို လက်နှင့်အုပ်လျက် ထွက်ပြေးသွားခဲ့သည်။

လုရွှမ်၏ မျက်လုံးများ တောက်ပသွားသည်။ ရှောင်လဲ့ဟုခေါ်သော မိန်းကလေးရဲ့ နတ်မီးနယ်ပယ်၌သာ ရှိသော်လည်း ယခုလေဓားက သူ့ကို တုန်လှုပ်သွားစေသည်။ ရှောင်လဲ့က လေဓားကို ရုတ်သိမ်းလိုက်ပြီး လုရွှမ်ကို ပြန်ကြည့်လာသည်။

"မင်း တတ်နိုင်သလောက် မြန်မြန် ဝင်ချင်ရင် လွယ်လွယ်လေး... အနီရောင် သလင်းကျောက် ဆယ်သန်း ဒါမှမဟုတ် ငါတို့သခင်မ​လေးကို တစ်ချက်လောက် ကူညီပေးပါ... အဲဒီလူကို တွေ့လိုက်တယ်မလား ငါတို့သခင်မ​လေးနဲ့ စေ့စပ်ထားတာ... သူ့ကို သတ်လိုက်! ငါ မင်းကို သဘာဝအတိုင်း ရှေ့ကို ရွှေ့​ပေးနိုင်တယ်"

အနီရောင် သလင်းကျောက်များ၏ တန်ဖိုးကိုသိ၍ အနီရော င်သလင်းကျောက်ဆ ယ်သန်းသည် ကုဋေတစ်ရာသော ကျောက်တုံးများပဲ ဖြစ်သည်။ သူ့မှာ မရှိသည်မှာ သေချာ၏။ ယိုးယန်ဂူကို တစ်ရက်တည်းသာ သုံးနိုင်တာကြောင့် အလွန်ကြီးကျယ်လွန်းလှသည်။

အဲဒီလူဟာ ကျင့်စဥ် ပြုစုပျိုးထောင်မှုက မလုံလောက်ပေ။ အရည်အချင်း ညံ့ဖျင်းပြီး အခြေခံအုတ်မြစ် အားနည်းပေမယ့်လည်း လူမိုက် မဟုတ်သေးသရွေ့ အဲဒီလူက နောက်ခံ ခိုင်ခိုင်မာမာ ရှိတယ်ဆိုတာ သိလိမ့်မည်။ ပြဿနာကြီးကို စော်ကားမိသွားတာလည်း ဖြစ်နိုင်သည်။

"ဟမ့် မင်း အခု ရှေ့တိုးချင်သေးလား"

ရှောင်လဲ့က ပြုံးပြီး လုရွှမ်ကို အေးစက်စွာ ကြည့်နေ​လေသည်။ သူမမျက်နှာမှာ တင်းတင်းကျပ်ကျပ် ဖြစ်နေသည်။

လုရွှမ်က ပြုံးပြီး "ဟုတ်တယ် ငါ အနီရောင် သလင်းကျောက် ဆယ်သန်းလောက်ကို မထုတ်ပေးနိုင်ဘူး...အဲဒီလူကို အခု သတ်လိုက်ရအောင် သူကငါ့ကို စော်ကားတာမှ မဟုတ်ဘူး... ဒါကြောင့် မလိုအပ်ဘူး ဒါပေမဲ့ တွေးကြည့်လိုက်တော့ တခြား အခြေအနေတွေ ရှိသင့်တယ်မလား... ငါမေးစရာ မလိုပါဘူး ငါ တန်းစီဇယားထိပ်မှာ ရှိနေမှာ ဆိုတော့ နောက်ရက်အနည်းငယ် အတွင်းမှာ အဆင်ပြေသွားမှာပါ"

ရှောင်လဲ့ရဲ့ နှုတ်ခမ်းထောင့်က လှောင်ပြောင်မှု အရိပ်အယောင်များ ပေါ်လာသည်။

"တကယ်လား အဲလို ထင်တဲ့ လူတစ်ချို့လည်း ရှိမယ်ထင်တယ်... ကောင်းပြီ....တတိယ အခြေအနေလည်း ရှိတယ်... ဒါက ငါတို့သခင်မလေးကို နတ်လက်နက် သန့်စင်အောင် ကူညီပေးရမယိ... လက်နက်တွေကို သန့်စင်နိုင်တဲ့ သခင်ကို ဘယ်အင်အားမှ ငြင်းပယ်မှာ မဟုတ်ဘူး ဒါပေမယ့် ပြဿနာက မင်းက လက်နက်ကို သန့်စင်တဲ့ ပညာရှင်လား"

လုရွှမ် ခပ်ဖျော့ဖျော့ပြုံးပြီး "မှန်တယ်!"

"ဟမ့် ဒါဆိုလည်း လိုက်မပို့တော့ပါဘူး!"

အမျိုးသမီးက မျက်လုံးပြူးပြီး လုရွှမ်ဆီက အနီရောင်သလင်းကျောက် တစ်သိန်းကိုတောင် မတောင်းဘဲ နောက်ဖက်က လူကို လှည့်ကြည့်လိုက်သည်။ သို့သော် ရုတ်တရက် သူက ခေါင်းကို ​ပြန်လှည့်လိုက်ပြီး။

"ခဏနေဦး... မင်းဘာပြောလိုက်တယ် မင်းက လက်နက် သန့်စင်တဲ့ ပညာရှင်လား"

လုရွှမ်ရဲ့ ပြောဆိုချက်ကို သူမ လုံးဝ နားမထောင်ခဲ့ကြောင်း ထွက်ပေါ်လာသည်။

"ဟားဟားဟား" အနောက်ကနေ ရယ်သံတွေ ထွက်လာ၏။

"ကျယ်ကျယ် အော်ပြောနေတာ မရှက်ဘူးလား?"

"အခုခေတ် လူငယ်တွေက အရမ်းမာနကြီးကြတာပဲ... နတ်မီးနယ်ပယ် ကောင်လေးတစ်ယောက်က သူ့ကိုယ်သူ လက်နက် သန့်စင်ရေးဆရာလို့ ခေါ်ဝံ့တယ်တဲ့ဟေ့... ဟမ့် ငါက ငါ့ကိုယ်ငါ ဘယ်လိုခေါ်ရမလဲ အဂ္ဂိရတ်ဆရာလား အခင်းအကျင်း ပညာရှင်လား"

ရှောင်လဲ့ မျက်နှာသည်လည်း သိသိသာသာ မည်းမှောင်သွားပြီး လုရွှမ် ကြွားလုံးထုတ်နေသည်ဟုသာ သဘာဝကျကျ ကောက်ချက်ချလိုက်သည်။

လုရွှမ် လှည့်ကြည့်လိုက်တော့ ရှောင်လဲ့ ပြောသည့်အတိုင်း အများစုမှာ မျှော်စင်နယ်ပယ်က သခင်များဖြစ်သည်။ ယိုးယန်ဂူသည် မီးတောက်များကို မွေးမြူရန် သန့်ရှင်းသောနေရာ ဖြစ်သော်လည်း အတွင်းက မီးလျှံအဆင့်ကို မြှင့်တင်လိုပါက အတွင်း၌ ရှင်သန်နေထိုင်နိုင်ပြီး မီးတောက်များ၏ စွမ်းအားကို ခံနိုင်ရည်ရှိရန် လိုအပ်သည်။

မျှော်စင်နယ်ပယ်က သဘာဝအတိုင်း အားကောင်းသော်လည်း နတ်မီးနယ်ပယ်ကတော့ လုံးဝ ကွဲပြားပါသည်။

"လက်နက်ကို သန့်စင်တဲ့ သခင်လို့ ခေါ်နိုင်တဲ့ အဆင့်​တွေကို ငါမသိဘူး.... ဒါပေမဲ့ မင်း နတ်ဓားတစ်လက် ဒါမှမဟုတ် ဓားနှစ်ချောင်းကို သန့်စင်ပေး​စေချင်ရင် ငါ အဲဒါကို လုပ်နိုင်မယ်လို့ ယုံကြည်တယ်"

"အငယ်တန်လေး... မင်း ဒီမှာ ဒုက္ခပေးလို့ မရဘူး! ဒီကနေ ထွက်သွားတော့"

လူလတ်ပိုင်း တစ်ယောက်က လှမ်းအော်လိုက်ပြီး လုရွှမ်ကို လှမ်းဆွဲလိုက်ဖို့ သူ့လက်ဖဝါးက ရှေ့ကို ဆန့်လာသည်။ မီးတောက်များက သူ့လက်ဖဝါးပေါ်တွင် ကျယ်လောင်သော အသံဖြင့် တောက့လောင်နေကာ အသက်ရှုသံက တစ်ဖက်သား၏ မျက်နှာဆီသို့ ပြေးလာသည်။

သက်လတ်ပိုင်းလူ၏ ကျင့်ကြံမှုအဆင့်သည် အမှန်တကယ်ပင် မပျော့ညံ့ပေ။ အနည်းဆုံး သူသည် မျှော်စင်နယ်ပယ် ပဉ္စမအဆင့် သို့မဟုတ် ဆဋ္ဌမအဆင့်တွင် ရှိနေသည်။ ပြီးတော့ သူ့လက်ထဲက မီးတောက်က ပေါက်ကွဲထွက်ရင် သေစေမှာ သေချာ၏။ မီးတောက်လောင်မည်ကို စိုးရိမ်၍ လူနှစ်ယောက် ထွက်ခွာသွားခဲ့သည်။

သဘာဝအတိုင်း ဒီကိုလာဖို့ အချိန်ရှိတဲ့သူတွေဟာ အနည်းဆုံး နတ်ဆိုးမီး တစ်မျိုးမျိုးကို ပိုင်ဆိုင်ကြပြီး သူတို့ရဲ့နတ်ဆိုးမီးကို အရမ်းမြတ်နိုးတာကြောင့် နတ်ဆိုးမီးအဆင့်ကို မြှင့်တင်ဖို့ အချိန်အများကြီးပေးပြီး အနီရောင်သလင်းကျောက်တွေကို စတေးနေကြသူတွေပင်။

သက်လတ်ပိုင်းရဲ့ နတ်ဆိုးမီး ထွက်လာတာနဲ့ သူ့ပတ်ဝန်းကျင်က လူတွေအားလုံး စိတ်ထဲမှာ ဒီနတ်ဆိုးမီးက ပြင်းထန်လွန်းတယ်လို့ ခန့်မှန်းမိကြသည်။ လူလတ်ပိုင်းအရွယ်က ပို၍ မြန်ဆန်လာပြီး သူ၏ တိုက်ခိုက်မှုမှာ လုရွှမ် သတိပြုမိလိုက်သောအခါတွင် မီးတောက်များက သူ့ရှေ့သို့ အရှိန်ပြင်းစွာ ပြေးလာနေပြီ။

လုရွှမ် မီးတောက်များကြားမှ သူ့ခန္ဓာကိုယ်တစ်ဖက်ကို ရွှေ့လိုက်ကာ မီးတောက်များက ပစ်မှတ် ပျောက်သွားတာကြောင့် အတန်ငယ် ခံစားချက်မဲ့သွားသည်။ အပူချိန်က အလွန်မြင့်မားတာမို့ လေထုကို ပွတ်သပ်လိုက်ရုံနဲ့ကို အရေပြားမှာ ပူလောင်တဲ့ ခံစားချက်ကို ရရှိစေသည်။

လုရွှမ် သူ့စိတ်ထဲတွင် ပျော်ရွှင်နေ၏။ သူ့ခန္ဓာကိုယ်၏ ခံနိုင်ရည်က အမှန်တကယ် တိုးတက်လာခဲ့ပြီ။ ယခင်ကဆိုလျှင် သူ့ခန္ဓာကိုယ်က ၎င်းကို ခံနိုင်ရည် မရှိနိုင်ပေ။ အနည်းဆုံး သူသည် ပူလောင်သော အပူဒဏ်ကို ခွဲထုတ်ရန် နတ်ဝိညာဉ်ဒိုင်းကို ထုလုပ်ထားရမည်ဟု ယုံကြည်ခဲ့သည်။

ယခုမူ ကျွန်ုပ်သည် အနည်းငယ် အဖျားခတ်သော်လည်း သက်ရောက်မှု သိပ်မရှိပါ။

"မီးတောက်တွေက တော်တော်ကောင်းတာပဲ!"

လုရွှမ် လှောင်ပြောင်သံဖြင့် ဆိုလိုက်သည်။ လူတိုင်းက သူ့ကို ကြည့်နေ၏။ သူသည် ခိုးကြောင်ခိုးဝှက်နဲ့ တိုက်ခိုက်ခံရပြီး နယ်ပယ်မြင့်သူနဲ့လည်း ရင်ဆိုင်နေရသည်။ ထိုသို့သောလူကို သဘာဝကျကျ ရက်စက်ကြမ်းကြုတ်သူ အဖြစ်သာ ဖော်ပြနိုင်ပြီး လုရွှမ် သေသေရှင်ရှင် ထည့်သွင်းစဉ်းစားခြင်း လုံးဝမရှိပါ။

လုရွှမ် လက်ဖဝါးများ တုန်ခါသွားပြီး ဟောက်သံနှင့်အတူ စိတ်ဝိညာဉ်မီးက သူ့လက်ဖဝါးတွင် ပေါ်လာသည်။ စိတ်ဝိညာဉ်မီး ပေါ်ပေါက်လာရခြင်းဟာ လုရွှမ်ရဲ့ စိတ်အပေါ် လုံးလုံးလျားလျား အခြေခံထားတာမို့ ပြင်ဆင်မှု လုံးဝ မလိုအပ်ဘဲ ပြိုင်ဘက်ရဲ့ တိုက်ခိုက်မှုကလည်း အထူး သက်ရောက်မှု ရှိမှာ မဟုတ်ပါဘူး။

လုရွှမ် ဒေါသထွက်​နေ​ပြီ။