ရိုင်းတယ်

ယခုတော့ လုရွှမ် အဖြစ်အပျက်ကို မမေးဘဲပင် အရာအားလုံး သိသာထင်ရှားနေပြီ ဖြစ်သည်။ မိသားစုကြီးများသည် အာဏာနှင့် အမြတ်အစွန်းအတွက် ယှဉ်ပြိုင်ကြသော်လည်း ယွင်ရှီ ကျရှုံးခဲ့တာ ဖြစ်ပေမည်။

ယွင်ရှီ: "ယွင်လီ... မင်း ဘာတွေပြောနေတာလဲ သခင်လေးလုရွှမ်ကို တောင်းပန်လိုက်... ကျွန်မမောင်ကိုယ်စား ရှင့်ကို တောင်းပန်ပါတယ် အခုအချိန်က မသင့်တော်သေးဘူး ထင်တယ် သခင်လေးလုရွှမ် ကျွန်မအရင် လိုက်ပို့ပေးရမလား?"

"ဝမ်းကွဲအစ်မ မဟုတ်သေးပါဘူး... မင်းက ဒီလိုအမှိုက်ကိုတောင် အောက်ကျို့ခံနေတာလား? ဟမ့် မင်းရဲ့ဦးဆောင်မှု အောက်မှာ ငါတို့ရဲ့ ယွင်မိသားစုက ပိုဆိုးလာတာ အံ့သြစရာ မရှိတော့ပါဘူး... မင်းယောက်ျားတွေကို ကြည့်တဲ့ပုံစံကနေ မင်းရဲ့အမြော်အမြင်ကို မြင်ရတယ် ဝိုး အဲဒါက တကယ်ကို ဆိုးတယ်”

ယွင်ရှီး ရှက်ပြီး ဒေါသထွက်နေပုံနဲ့ "မင်းဘာတွေပြောနေတာလဲ"

လုရွှမ်လည်း ချောင်းဆိုးကာ သူတို့နှစ်ဦးဆီသို့ လျှောက်သွားလိုက်သည်။ တစ်ဖက်ကလည်း ယွင်ရှီ တောင်းပန်ခြင်းကို ရပ်တန့်ရန် လက်ပြလိုက်သည်။

"နတ်သမီးယွင်ရှီ မင်းအပြစ် မဟုတ်ပါဘူး... တချို့လူတွေက တကယ်ကို စိတ်ဖောက်ပြန်နေတာ"

"ဟမ့် နင့်ဘယ်သူ့ အကြောင်းကို ပြောနေတာလဲ"

ယွင်ယီက မေးစေ့ကို မြင့်မြင့်တင်လိုက်ပြီး မောက်မာစွာ အော်လိုက်သည်။ လုရွှမ်ကတော့ သူတို့နှစ်ယောက်ကို အရူးတစ်​ယောက်ကို ကြည့်နေသလိုမျိုး ကြည့်နေကာ။

"ဟုတ်တယ် ငါမင်းတို့နှစ်ယောက် အကြောင်းပြောနေတာ မင်းကို အမြဲတမ်း ကာကွယ်ပေးတဲ့ အစ်မကောင်း တစ်ယောက်ရှိတာကို မင်းတို့က ဘယ်လိုကျေးဇူးတင်ရမှန်း မသိဘူး ဒါ​ပေမဲ့ မင်း​က​တော့ အရာအားလုံး​ကို အကြွင်းမဲ့​ခံစား​ပြီး တကယ်​ကို စိတ်​မ​ကောင်း​ ဖြစ်နေတယ်... သူတို့ကတော့ ကျေးဇူး​ကန်း​​​နေ​တယ်"

သူတို့နှစ်ဦး၏ အမူအရာများသည် တစ်ပြိုင်နက်တည်း ပြောင်းလဲသွားကာ လူသတ်ချင်လာတဲ့ အငွေ့အသက်များဖြင့် ပြည့်နှက်နေခဲ့သည်။

"ကောင်လေး မင်းသေလမ်းကို ရှာနေတာပဲ!"

ယွင်လီက အော်လိုက်ပြီး သူ့ပုံစံက ပြောင်းသွားသည်။ သူက လုရွှမ်ဆီသို့ ပြေးသွားကာ သူ့လက်ဖဝါးများ မီးတောက်များ ဝုန်းကနဲ ထလာသည်။ အပြာနုရောင်မီးလျှံသည် အေးစက်သော အရိပ်အမြွက်ကို ထုတ်ဖော်ပြသကာ သူ့ပါးပြင်ပေါ်၌ ရောင်ပြန်ဟပ်ကာ သူ့ကို ပို၍ပင် ရုပ်ဆိုးစေခဲ့သည်။

လုရွှမ် ခေါင်းအသာ ခါလိုက်သည်။ တကယ်တော့ ဒီကောင်က အေးစက်တဲ့ ယင်မီးတောက်တွေကို ရွေးခဲ့တာ သေချာတာပဲ။ သူ့မှာ ထူးဆန်းတဲ့ အတွေးတွေ ရှိနေတာ ဖြစ်ပေမည်။

"သခင်လေးလုရွှမ်... ကျေးဇူးပြုပြီး သက်ညှာပေးပါ!"

ယွင်ရှီသည် လုရွှမ်နှင့် ပိုင်ကွမ်းရှီတို့ကြားက တိုက်ပွဲကို မြင်ဖူးတာကြောင့် လုရွှမ် ဘယ်လောက်တောင် အစွမ်းထက်တယ်ဆိုတာ သိနေပြီ။ သူသည် နတ်မီးနယ်ပယ် ပထမအဆင့်တွင်သာ ရှိသော်လည်း သူ၏စစ်မှန်သော အင်အားဟာ သာမန်မျှော်စင် နယ်ပယ်ကို ကျော်လွန်သွားခဲ့ပါ​ပြီ။

ထိုကဲ့သို့သော လူများသည် ပါရမီရှင်အစစ်များဖြစ်ပြီး သူမ၏ အငယ်နှစ်ယောက် ဖြစ်သော ယွင်လီနဲ့ ယွင်ယီက လုရွှမ်ရှေ့မှောက်တွင် ပါရမီရှင်ပါဟု အမှန်တကယ်ပင် ပြောမပြထိုက်ပါ။

လုရွှမ် သူတို့ကို မသတ်ပစ်ဖို့ တောင်းပန်ချင်နေသည်။ အဲဒီလူနှစ်ယောက်က သူမ မောင်နဲ့ ညီမပင်။ သို့သော် ယွင်ယီ စကားများက သူမဆက်ပြောမည့် စကားလမ်းကို ပြတ်တောက်သွား​စေခဲ့သည်။

"ဟမ့် ဝမ်းကွဲအစ်မ.... အစ်ကိုယွင်လီက နင့်ရဲ့ချစ်သူကို ထိခိုက်စေမှာကို ကြောက်နေတာလား ကျစ် ကျစ်.. တကယ်ကို ချစ်ဖို့ကောင်းတာပဲ အဲဒါကြောင့် နင့်ကို ကျင့်ကြံမှုမှာ မကျွမ်းကျင်ဘူးလို့ ပြောချင်တာ... ငါတို့ကို လိုက်မှီဖို့ကတော့ ဒီမြင့်တဲ့ အကိုင်းအခက်ကနေ အရမ်းဝေး​သေးတယ်”

"အဲဒါကို ပြောရရင် ပိုင်ကွမ်းရှီက ဒီကောင်ထက် အများကြီးသာတယ် ဒီကောင်ရှိနေတော့ သခင်လေးပိုင်ကို ဒေါသ ထွက်စေတယ်... ငါ့အမြင်အရတော့ သခင်လေးပိုင်ရဲ့ ဒေါသကို ထိန်း​ပေးဖို့ ဒီကောင်ကို သတ်လိုက်တာ အကောင်းဆုံးပဲ"

ယွင်ရှီ သက်ပြင်းချလိုက်ပြီး သူမ အရမ်း ပင်ပန်းနေပြီလို့သာ ခံစားလိုက်ရသည်။ ယွင်လီ၏ နှုတ်ခမ်းတွင် လှောင်ပြုံး တစ်ပွင့်ရှိနေသော်လည်း သူသည် အလွန်မာန်မာန မထားဝံ့ပေ။ လုရွှမ်လက်ထဲတွင် ထူးဆန်းသော မီးတစ်မျိုး ရှိပြီး ၎င်းက စိတ်ဝိညာဥ် မီးတစ်မျိုးဟု သူသိထားသည်။

သူ တစ်လျှောက်လုံး လေ့ကျင့်လာခဲ့ပေမယ့် ထူးဆန်းတဲ့ မီးတောက်တွေကို အများကြီး မတွေ့ဖူးပေ။ သူ့အမြင်အရတော့ စိတ်ဝိညာဥ်မီးဟာ သူ့မီးထက် အများကြီး အားကောင်းနေမှာ မဟုတ်ပါဘူး။

နှစ်တွေကြာလာတာနဲ့အမျှ သူဟာ နတ်ဆိုးမီးကို မြှင့်တင်လိုက်ပြီး သူ့ရဲ့ စွမ်းအားက စိတ်ဝိညာဉ်မီးထက်ပင် သာလွန်သွားလောက်ပြီ။

လုရွှမ် လက်ဖဝါးကို လှည့်လိုက်ပြီး တူညီသော မီးတောက်များ တောက်လောင်လာသည်။ စိတ်ဝိညာဉ်မီး၏ အနီရောင် အလင်းတန်းများ ထွက်လာပြီး အပူဘောလုံးများ လေထုထဲ၌ ထွက်လာစဥ် အိမ်ကြီးတစ်ခုလုံး၏ အပူချိန်သည် ချက်ချင်း မြင့်တက်လာသည်။

လုရွှမ်: "ပိုပူတဲ့မီးက ပူလောင်နေတဲ့ လူတွေကို လောင်ကျွမ်းရတာ ပိုကြိုက်တယ်တဲဲ့... တချို့လူတွေက အရမ်းဆိုးလွန်းလို့ လူသေတွေနဲ့ တူတယ်"

"စောင့်ကြည့်နေလိုက်!"

ယွင်လီကလည်း အော်ဟစ်ပြီး လုရွှမ်မျက်နှာကို လက်ဖဝါးနဲ့ ဖိချလိုက်သည်။ သူ့အမြင်အရတော့ လုရွှမ်ရဲ့ လျစ်လျူရှုထားတဲ့ ပါးပြင်တွေက လှောင်ပြောင်သရော်မှုတွေ ပြည့်နှက်နေပုံရပြီး တကယ် သူ့ကို မပျော်မရွှင် ဖြစ်စေ၏။ သူ့မျက်နှာပေါ်က မီးတောက်တွေနဲ့ ဖျက်စီးကာ သူ့ကို ရုပ်ဆိုးတဲ့ ဘီလူးတစ်ကောင်အဖြစ် မီးရှို့ပစ်ပြီး ပြန်ရယ်ရအောင် လုပ်ချင်သည်။

လုရွှမ်လက်ဖဝါးကို လှည့်လိုက်သည်နှင့် လက်နှစ်ဖက်က တပြိုင်နက် တိုက်မိသွားသည်။ မီးတောက်များသည်လည်း တဟုန်ထိုး တုန်ခါသွားကာ ပေါက်ကွဲသံနှင့်အတူ လုရွှမ်လက်ထဲက စိတ်ဝိညာဉ်မီးက တောက်ပနေပြီး ယွင်လီရဲ့မီးတောက်ကို တိုက်ရိုက် ဖုံးအုပ်ထားသည်။

ယွင်လီ၏ ခန္ဓာကိုယ်အား တူကြီးဖြင့် ထုပစ်လိုက်သလိုမျိုး နောက်သို့ ဆုတ်သွား​စေသည်။ ယွင်လီ ရှက်ရွံ့စွာဖြင့် မြေပြင်ပေါ်သို့ လဲကျသွားပြီး သူ့မျက်နှာက နီရဲလာကာ လက်ဖဝါးများ အနည်းငယ် တုန်ရီနေ၏။

"ဟမ့် မင်းလို နတ်မီးနယ်ပယ်ထဲက လူလေးတစ်ယောက် ဒီလောက် နက်နဲတဲ့ ယွမ်စွမ်းအား ရှိလိမ့်မယ်လို့ ငါ မမျှော်လင့်ထားဘူး... ဒါက မတော်တဆမှုတစ်ခုပဲ ငါက ယွမ်စွမ်းအင်ရဲ့ 30% ကိုပဲ သုံးခဲ့တာ... မင်း ငါ့ကို ဒေါသထွက်သွား​စေပြီ... ဆိုတော့ ငရဲကို သွားပေတော့"

လုရွှမ်လည်း ဤလူသည် သူ့ခွန်အားကို အပြည့်အ၀ အသုံးမချခဲ့ကြောင်း အမှန်ပင် ခံစားမိခဲ့သည်။ ဒီလိုနဲ့ ဒီကောင်လေး သူ့ကို အရေးယူပြီးနောက်မှာတော့ သူဟာ ယွင်မိသားစုက ခေါင်းဆောင်ငယ်လေး ဖြစ်လာလိမ့်မယ် မဟုတ်ပါလား။

ယိုးယန်ဂူကို တစ်ပိုင်းတစ်စ ထိန်းချုပ်ထားတဲ့ ယွင်မိသားစုရဲ့ အမာခံတပည့်တွေကို သူတကယ်ပဲ သတ်ပစ်လိုက်မယ်ဆိုရင် ယိုးယန်ဂူကို သုံးနိုင်တော့မှာ မဟုတ်ပါဘူး။

ဒါ့အပြင် အကယ်၍ သင်သည် ဘုန်းကြီးမျက်နှာကို မကြည့်ဘဲ ဗုဒ္ဓမျက်နှာကို မကြည့်ပါက ထိုသူသည် ယွင်ရှီ​မောင်ဖြစ်ပြီး သူ့ကိုသတ်တာက ယွင်ရှီမျက်နှာကို ကြည့်ကောင်းစေမှာ မဟုတ်ပေ။

ယွင်လီ နောက်တစ်ကြိမ် ပြေးထွက်လာပြန်ရာ လုရွှမ် ခေါင်းယမ်းလိုက်သည်။ ဤလူသည် သူ၏ခွန်အားကို အကုန်အစင်အသုံးမပြုသော်လည်း ယွမ်စွမ်းအား၏ သန့်ရှင်းမှုနှင့် သူ့ရဲ့ ကျင့်ကြံမှုအထူကို မြင်နိုင်နေပြီ ဖြစ်သည်။

တခြား မိသားစုကြီးများ၏ တပည့်များစွာကဲ့သို့ပင် ထင်ရှားသည်။ အရည်အချင်းတွေ ရှိတာက တော်တော်ကောင်းပေမယ့် မြန်မြန်ဆန်ဆန် ရှေ့ကိုတိုးဖို့ ဆေးလုံးနဲ့ အရင်းအမြစ်တွေကို သုံးတာက အခြေခံအုတ်မြစ်ကို မခိုင်ခံ့စေပေ။

ယခုသူက အခြေခံအုတ်မြစ် ခိုင်ခံ့သော်လည်း ဖန်းလင်ကဲ့သို့ မဟုတ်ဘဲ မထူမပါးဖြင့် တည်ငြိမ်ရုံမျှသာ ဖြစ်သည်။ လေပြင်းနှင့် မိုးရွာခြင်းတို့ကို မခံစားခဲ့ရသည်မှာ ထင်ရှားပြီး တုန်လှုပ်ချောက်ချားခြင်းကိုလည်း မခံစားဖူးပေ။

ချောချောမွေ့မွေ့နဲ့ ရိုက်ပစ်လိုက်ရင် ဘယ်သူက ဘယ်သူကို ဖျက်ဆီးနိုင်မလဲဆိုတာ သိနိုင်ပေမယ့် အချိန်တိုလေး အတွင်းမှာ မထိန်းနိုင်တော့ရင် နောက်ပိုင်း ခံနိုင်ရည်ရှိမှာ မဟုတ်သလို ခုခံနိုင်စွမ်းလည်း မရှိတော့ပါဘူး။

လုရွှမ် စိတ်ဝိညာဉ်မီးကို သူ့လက်ဖြင့် လှန်ပြီး သိမ်းလိုက်သည်။ လက်ဖဝါးတစ်ဖက်မှ အနီရောင် မီးတောက်သည် စိတ်ဝိညာဉ်မီးနှင့် အတူတူပင် ဖြစ်သော်လည်း အပူချိန်က ပိုမိုမြင့်မားလာသည်။ မီးလျှံနတ်ဆိုးမီးများ ပေါ်လာသည်နှင့် တပြိုင်နက် ယွင်လီလည်း တိုက်ခိုက်နေရာမှ အနည်းငယ် စိတ်မသက်မသာ ဖြစ်လာသည်။

"မင်းတို့ နှစ်ယောက် အတူတူ လာခဲ့.... မဟုတ်ရင် အရှက်ကွဲပြီးမှ နယ်ပယ်ငယ်လေးက အနိုင်ကျင့်တယ်လို့ စွပ်စွဲခံနေရဦးမယ်"

လုရွှမ်သည် နတ်မီးနယ်ပယ် ပထမအဆင့်တွင်ရှိပြီး ၎င်းတို့နှစ်ဦးစလုံးသည် မျှော်စင်နယ်ပယ်၌ ရှိနေပြီ ဖြစ်သော်လည်း လုရွှမ်က ၎င်းတို့အား အလွန်အမင်း အနိုင်ကျင့်နေသောကြောင့် ပေါက်ကွဲတော့မည့် ဒေါသကထွက်သွားခဲ့သည်။

ယွင်ရှီ သက်ပြင်းချလိုက်ပြီး သူတို့နှစ်ယောက်အတွက် ပိုဝမ်းနည်းသွားသည်။

'ယွင်မိသားစု တစ်ခုလုံးကို ဒီလူက တာဝန်ယူရတာ တကယ်ပဲ အဆင်ပြေပါ့မလား။ သူတို့လက်ထဲမှာ ယွင်မိသားစုကို ပြန်သိမ်းပိုက်နိုင်ပါ့မလား... အဘိုး ဘယ်ရောက်နေတာလဲ မြန်မြန်ပြန်လာပါတော့ မိသားစုက ပျက်စီးသွားတော့မယ်'

ယွင်လီနဲ့ ယွင်ယီတို့သည် တစ်ချိန်တည်းတွင် ပြေးထွက်လာကြပြီး နတ်ဆိုးမီးလက်တစ်ဆုပ်စာ ဓားရှည်တစ်ချောင်းကိုပင် စုစည်းကာ လုရွှမ်ကို တိုက်ခိုက်လေသည်။ လုရွှမ်လည်း သူ၏လက်ဖဝါး နောက်တစ်ဖက်ကို ထပ်မံအသုံးပြုလိုက်ရာ ဖီးနစ်နတ်မီးက ၎င်းတို့နှစ်ဦးကို စကားမပြောနိုင်အောင် ဖြစ်သွားစေခဲ့သလို ယွင်ရှီကိုပင် ထိတ်လန့်သွား​စေခဲ့သည်။