သားအဖရဲ့ အစီအစဉ်

ဤတံဆိပ်ပြားကို ပြုလုပ်ခဲ့သော နည်းလမ်းသည် သဘာဝကျကျ ယွင်မိသားစု၏ လျှို့ဝှက်ချက် တစ်ခုဖြစ်ပြီး ထုတ်လုပ်သူသည် မိသားစုခေါင်းဆောင် သို့မဟုတ် အိမ်တော်သခင်လို လူတွင်သာ တာဝန်ရှိသည်။

တံဆိပ်ပြားက ကျင့်ကြံသူများကို နေ့စဉ် ကာကွယ်ပေးနိုင်သည်။ သို့သော် တစ်ရက်အတွင်း မထွက်လာရင် ယိုးယန်ဂူက ကျင့်ကြံသူတွေကို ပြင်းပြင်းထန်ထန် တိုက်ခိုက်လိမ့်မည်။

ထို့အပြင် တံဆိပ်ပြားကို ဝတ်ဆင်ပြီးသည်နှင့် ၎င်းကို အခြားသူတစ်ဦးနှင့် အစားထိုးပါက တံဆိပ်​ပြားဟာ ချက်ချင်း ပူလာမည်ဖြစ်ပြီး ယိုးယန်ဂူ၏ တိုက်ခိုက်မှုကိုလည်း ဖြစ်ပေါ်လာစေပါသည်။ တံဆိပ်ပြား များကို ဝတ်ဆင်ပြီးနောက် လူခြောက်ဦးရှိသော အုပ်စုငယ်တစ်စုသည် ယိုးယန်ဂူအတွင်းသို့ ဝင်ရောက်သွားခဲ့ကြသည်။

မကြာမီတွင် လျှပ်တစ်ပြက် အသံတစ်ခု ထွက်ပေါ်လာပြီး အပြင်ဘက်ကနေ ချိတ်ဆက်ထားသော တံဆိပ်ပြားများအားလုံး ကွဲအက်သွားခဲ့သည်။

"ဘယ်လိုလုပ် ဖြစ်နိုင်မှာလဲ အထဲမှာ ဘာဖြစ်သွားတာလဲ... အဲဒီလူ၆ယောက်က မျှော်စင်နယ်ပယ်လေ... ဒီလိုအချိန်တိုလေး အတွင်းမှာ ဘယ်လိုလုပ် သေသွားတာလဲ?"

ယွင်ထောင် ဒေါသတကြီး ဖြစ်ကာ အလွန်လည်း အရှက်ကွဲသွားသည်။ ပိုင်မိသားစုရဲ့ အကြီးအကဲ ရှေ့မှာ ဒီလို ကြီးကြီးမားမားကြီး ဖြစ်ပျက်သွားတာက ယွင်မိသားစု အိမ်တော်သခင် အဖြစ် ပထမဆုံးအကြိမ် ရှုံးလိုက်ရခြင်း ဖြစ်တဲ့အတွက် အလွန် ရှက်စရာကောင်း လှသည်။

"သွား... လူတစ်စုကို ထပ်ခေါ်လာခဲ့!"

ယွင်မိသားစုဝင်များသည် မိသားစုခေါင်းဆောင်၏ အမိန့်ကို မနာခံဘဲ မနေဝံ့တာ သဘာဝပါပဲ။ ဒါ့ထက် အတွင်း၌ ဖြစ်ပျက်နေသည့် အရာနှင့်ပတ်သက်၍ လူအများက အထူးသိချင်နေခဲ့ကြသည်။ ဒုတိယအဖွဲ့ အဆင်သင့် ဖြစ်ပြီးနောက် သူတို့ ယိုးယန်ဂူထဲသို့ ဝင်သွားခဲ့သည်။

ဤတစ်ကြိမ်သည် ယခင်အကြိမ်ထက်ပင် အချိန်မြန်ကာ အပြင်ရှိ တံဆိပ်ပြားများ အားလုံး အပိုင်းပိုင်း ကွဲသွားခဲ့သည်။ အထဲက ကျင့်ကြံသူတွေ ဘယ်လောက်တောင် သနားစရာ ကောင်းလိုက်သလဲလို့ တွေးကြည့်နိုင်ပါတယ်။

ထိုအချိန်တွင် ယွင်မိသားစုမှ လူအားလုံး ထိတ်လန့်သွားကြသည်။ အရင်ကနဲ့မတူဘဲ ဒီတစ်ခါတော့ လူတွေက ပိုသတိထား​နေရပြီ။ အဖွဲ့ကို ဦးဆောင်ဖို့ ခေါင်းဆောင် တစ်ယောက်ရှိနေရင်တောင် သူတို့ရဲ့ အင်အားက သို့မဟုတ် သူတို့က သိသိသာသာ အားကောင်းရင်တောင် မြန်မြန် သေသွားမှာ ​ကြောက်ရ၏။

ရှင်းပါတယ်။ အတွင်းထဲမှာ ရှိတာ အန္တရာယ်ဆိုတာ သူတို့ ခံနိုင်ရည်ရှိတဲ့အရာ မဟုတ်တာ သေချာပါတယ်။

ယွင်ထောင်သည် လူတစ်ယောက်စီ၏ ကြောက်ရွံ့မှုကို မြင်သောအခါ ဒေါသအမျက် ထွက်လာတော့သည်။ သူ့သားတွေကို ကြည့်လိုက်တော့ ၎င်းတို့က သူတို့မိသားစုက လူတွေထက် ပိုထိတ်လန့်နေတာ တွေ့ရလေ၏။ သူတို့လည်း အတွင်းထဲမှာ သေရမှာ ကြောက်လှသည်။

"အဖေ.. ဝမ်းကွဲအစ်မ ဒါမှမဟုတ် အဒေါ့်ကို ဘာလို့မခေါ်တာလဲ?"

ယွင်လီက အကြံဝင်ပေးသည်။ ယွင်ထောင် သူ့သားကို တစ်ချက်ကြည့်လိုက်ပြီး ဒီကောင်က ထပ်ပြီး ပြဿနာ ရှာမှာကို အရမ်းကြောက်သွား၏။

သူ မသေချင်သေးပါ။ ဖခင်ဖြစ်သူက သဘောမတူဘဲ စက်ဆုပ်ရွံရှာသွားပါက သူ၏အနာဂတ် အိမ်တော်သခင် ရာထူးသည် စိုးရိမ်ဖွယ်ရှိသည်။ ထိုစဥ် ယွင်ထောင်က အသံကို လျှော့လိုက်ပြီး။

"မဟုတ်ဘူး... မင်း သူတို့ကို လာခွင့်ပြုလိုက်ရင် မင်းနဲ့ငါ ပိုအရှက်ရသွားမှာ မဟုတ်ဘူးလား"

ယွင်လီကတော့ ဒါဟာ အသက်ဆုံးရှုံးတာထက်စာရင် ပိုကောင်းတယ်လို့သာ တိတ်တဆိတ် တွေးလိုက်သည်။

"အဖေ... အဲ့လို မဟုတ်ဘူး အရင်တုန်းကဆို ယွင်ရှီကပဲ ယိုးယန်ဂူကို အမြဲတမ်း ထိန်းချုပ်ခဲ့တာလေ... အထဲမှာ သူဘာတွေ လုပ်ထားခဲ့လဲဆိုတာ ဘယ်သူသိမှာလဲ သူ ဒီ​ပြဿနာတွေကို ရည်ရွယ်ချက်ရှိရှိ လုပ်ခဲ့တာ ဖြစ်နိုင်တယ်..

အဖေ ယွင်ရှီက ဒီယိုးယန်ဂူ မတော်တဆမဖြစ်ခင် ဒီမှာပေါ်လာတယ် ပြီးတော့ သူမ ပြန်ထွက်သွားပြီးတာနဲ့ ပြဿနာက ပေါ်လာတာပဲ..."

ယွင်ထောင်က ဒီစကားကိုကြားတော့ ချက်ချင်း ပေါက်ကွဲသွားသည်။

"ဘာဖြစ်တာလဲ! ယွင်ရှီကို သွားခေါ်လာခဲ့... သူမက တကယ်ပုန်ကန်​နေပြီပဲ ယွင်မိသားစုရဲ့ ပိုင်ဆိုင်မှုကို မကောင်းတာ တစ်ခုခုလုပ်ဖို့ သတ္တိရှိတယ်ပေါ့လေ... ဟမ့် ဒီနေ့ သူ့ကို သင်ခန်းစာမပေးရင် ယွင်မိသားစုက အရှက်ရသွားလိမ့်မယ်”

"အစ်ကိုပိုင် တကယ် တောင်းပန်ပါတယ်... အဲ့ဒါကို ကျုပ်တူမလေး ယွင်ရှီ တာဝန်ယူပေးလိမ့်မယ်... ဒါကဒီလို ဖြစ်သွားမယ်လို့ ကျုပ်လည်း မမျှော်လင့်ထားဘူး ဟမ့် ယိုးယန် လှိုဏ်ဂူမှာ မကောင်းမှုလုပ်ထားရင် ကံမကောင်းနိုင်ဘူး..."

ပိုင်တယီးက ပြောတဲ့ စကားတစ်ခွန်းကို မယုံပေမယ့် သူက ရယ်မောပြီး ပြောလိုက်သေးသည်။

"မိန်းမငယ်​လေးမ​လား? သူမက ဆံပင်ရှည်ပေမယ့် တိုတိုလေးပဲ ထားသင့်တယ်"

ယွင်ထောင်: "အမှန်ပဲ... အတိအကျ ပြောရရင် ဒီတစ်ခါတော့ အစ်ကိုပိုင် ကျုပ်ကိုမတားပါနဲ့ သူ့ကို သင်ခန်းစာတစ်ခု ပေးရမယ်... တစ်ယောက်ယောက်က ကျုပ်က ကြီးကြီးမားမားအနိုင်ကျင့်တယ်လို့ ပြောရင်တောင် ဂရုမစိုက်ဘူး... ဟမ့် ယိုးယန်ဂူကြောင့် ကျုပ်ကို လှည့်ကွက်တွေ လာလုပ်မယ် ဆိုရင် ဒီတစ်ခါတော့ ကျုပ်ဆွေမျိုးတွေ ပညာယူနိုင်အောင် တရားမျှတစွာ သတ်ပစ်မယ်!"

မကြာခင်မှာပဲ ယွင်ရှီနဲ့ ယွင်ရင်တို့ ပျံသန်းလာခဲ့သည်။ တကယ်တော့ သူတို့နှစ်ယောက်ဟာ လူစုလူဝေးမှာ ပုန်းအောင်းနေခဲ့တာပင်။ ယိုးယန်ဂူဟာ သူတို့ရဲ့ ပင်ကိုယ်အလုပ်ဖြစ်တဲ့ ထုံးစံအတိုင်း ယိုးယန်ဂူက ဖြစ်ပျက်လာတဲ့ အပြောင်းအလဲတွေ အတွက် အလွန်ကို စိုးရိမ်နေခဲ့ကြသည်။

သို့သော် ယွင်ထောင်က ယခုအာဏာသိမ်းမှုကို စတင်လိုက်သောအခါ သူမတို့သည် အပယ်ခံလူတစ်ဦး ဖြစ်လာသောကြောင့် ချက်ချင်းပင် ရှေ့မတိုးခဲ့ပေ။ ဒါပေမဲ့ ယွင်ထောင် ပြောတာ ကြားရတာလည်း တုန်လှုပ်စရာပါပဲ။ ဒီအချိန်မှာ နှစ်ယောက်သား သည်းမခံနိုင်တော့ဘဲ မတ်တပ် ထရပ်လိုက်ကြသည်။

"မင်း ငါတို့ကို ခေါ်စရာ မလိုဘူး...ငါတို့ဘာသာ ထွက်လာမယ်"

ယွင်ထောင် တုန်လှုပ်သွားပြီး "မင်းဘာတွေ လုပ်လိုက်တာလဲ ဆိုတာ ကြည့်ဦး! မင်း ကအပြင်ထွက်ကြည့်ဖို့ အာရုံတွေ ရှိနေသေးတယ်ပေါ့? မင်းကြောင့်ဖြစ်ရတဲ့ ပြဿနာတွေပဲ"

"ယွင်ရှီ ရှင်းရှင်းလင်းလင်း ပြောပါ... မင်းဒီကိုရောက်တုန်းက ဘာလုပ်ခဲ့လဲ မင်းအမှန်အတိုင်းပြောရင် ပိုကောင်းမယ် ဦးလေးတစ်ယောက်အနေနဲ့ မင်းအဖေ မျက်နှာအတွက် ငါပြန်လျှော့ပေါ့ပေးမယ်... ဒါပေမဲ့ မင်းမပြောဘူးဆိုရင်တော့ မင်းကို မိသားစုထဲက နှင်ထုတ်ရလိမ့်မယ်!"

ဤစကားများသည် ပြင်းထန်လွန်းသဖြင့် ယွင်မိသားစုတစ်ခုလုံး ချက်ချင်းပင် တိတ်ဆိတ်သွားကာ ပိုင်မိသားစုက လူအားလုံးလည်း ယွင်ထောင်ကို မယုံကြည်နိုင်လောက်အောင် ထိတ်လန့်စွာ ကြည့်လိုက်ကြသည်။

ယွင်ရှီ၏ မျက်လုံးများသည် ချက်ချင်းပင် နီရဲလာ၏။ သူမ၏ မျက်လုံးများသည် ဝမ်းနည်းလာသည့် အငွေ့အသက်များဖြင့် ပြည့်နှက်လာခဲ့သည်။ သူမသည် မိသားစုအတွက် များစွာပေးဆပ် ခဲ့ရသော်လည်း ဤကဲ့သို့ ရလဒ်မျိုး ရရှိရန် မမျှော်လင့်ထားခဲ့ပေ။

တူမလေးရဲ့ မျက်ရည်တွေကို မြင်တော့ ယွင်ရင် ဒေါသထွက်လာသည်။

"ယွင်ထောင်! နင်ဘာတွေလုပ်နေတာလဲ... ရှီအာကို အိမ်ကနေ နှင်ထုတ်မယ် ဟုတ်လား? နင် ဘယ်လို​တောင် သတ္တိရှိ​နေတာလဲ!"

"ဟမ့် ငါကဘာလို့ မလုပ်ရဲရမှာလဲ... ငါက မျိုးနွယ်စုခေါင်းဆောင်ဖြစ်ပြီး အခု ယွင်မိသားစုရဲ့ အကြီးအကဲ ဖြစ်နေပြီ.... ယွင်မိသားစုမှာ ရှိတဲ့ အရာအားလုံးကို ငါထိန်းချုပ်ထားတယ် ငါမောင်းထုတ်ချင်တဲ့သူကို မောင်းထုတ်နိုင်တယ်... ဟမ့် ယွင်ရင်... မင်း ငယ်ငယ်ကတည်းက ဒီကိုရောက်လာတာ စည်းကမ်းမရှိဘူး သိက္ခာမရှိဘူး ငါမင်းကို မနှင်ထုတ်ရဲဘူးလို့ မထင်နဲ့!"

ယွင်ရင်က ဒေါသတကြီး ရယ်မောရင်း "နင်ကငါ့ကို မောင်းထုတ်ဖို့ တကယ်ကို ထက်မြက်လွန်းတယ်ပေါ့... နင်က ငတုံးသာသာပဲ ရှိတာ... ယိုးယန်ဂူရဲ့ ပြဿနာကို ဘယ်လို ကိုင်တွယ်ဖြေရှင်းမလဲ ဆိုတာ ငါ မြင်ချင်ပါသေးတယ်... နင် ဒါကို ကိုင်တွယ်နိုင်ရင် ငါ ကိုယ့်ဘာသာ ဒီကနေ ထွက်သွားလိုက်မယ်"

ယွင်လီသည် ယွင်ရင်၏ ဒီစကားများထဲတွင် ထောင်ချောက်တစ်ခု ရှိနေမှန်း ရှင်းရှင်းလင်းလင်း သိလိုက်သည်။

“အဒေါ်... ခင်ဗျားပြောတာ မှား​နေတယ် ဒီပြဿနာက ဝမ်းကွဲအစ်မကြောင့် ဖြစ်တာ အဖေက အဲဒါကို ဘာကြောင့် ကိုင်တွယ်ရမှာလဲ ဘယ်သူကမှ ထောင်ချောက်ဆင်နိုင်ရင် ဘယ်သူမှ ဖြေရှင်းနိုင်မှာ မဟုတ်ဘူး.. ဒါ မိသားစုရဲ့ အပြစ်သားပဲ မဟုတ်လား?"

ယွင်ရှီ၏ ခန္ဓာကိုယ်သည် ဒေါသကြောင့် တုန်ခါနေသော်လည်း သူမ အနည်းငယ်လည်း အပြစ်ရှိသလို ခံစားရသည်။

ဦးလေးနှင့် မောင်ဖြစ်သူကို အလွန်အမင်း မုန်းတီးသော်လည်း ဤအရာသည် သူမမိသားစု၏ ယိုးယန်ဂူဖြစ်နေသည်။ နောက်ပိုင်းတွင် သူမသည်လည်း ယိုးယန်ဂူက တစ်ခုခု မှားယွင်းသွားမှာကို ပိုစိုးရိမ်ခဲ့သည်။ အဖွဲ့နှစ်ဖွဲ့က ဝင်သွားကြသော်လည်း ပြန်မထွက်လာတော့ရာ လူအင်အားကို ဖြုန်းတီးနေစရာ မလိုတော့ချေ။

"ဟမ် နင်တို့နှစ်ယောက် ရိုင်းရိုင်းစိုင်းစိုင်းပြောနေဖို့ မလိုဘူး... ယိုးယန်ဂူရဲ့ ပြဿနာကို ငါတစ်ယောက်တည်း ဖြေရှင်းမယ်..."

ယွင်ရှီက ဝင်ဆိုလေ၏။ သူမ အစောကတည်းက သူတို့နှစ်ယောက်အပေါ် မျှော်လင့်ချက် မဲ့နေခဲ့ပါပြီ။

ဒါ့အပြင် ပိုင်မိသားစုက ဒီနေရာကို စိတ်အားထက်သန်စွာ စောင့်ကြည့်နေပြီ။ ပြဿနာကို မဖြေရှင်းနိုင်တဲ့အခါ စန်းချိုင်မြို့နဲ့ ကျောင်းတော် တစ်ခုလုံးရဲ့ မျက်စိအောက်မှာ ပြဿနာကို ဖြေရှင်းဖို့ လိုသည်။ ဒါက ယိုးယန်ဂူကို ဘယ်သူက ထိန်းချုပ်ဖို့ ပိုထိုက်တန်ကြောင်း လူတိုင်းကို ပြောပြဖို့ပဲ ဖြစ်သည်။

ဘယ်သူ့ ထိန်းချုပ်မှုအောက်တွင် ယိုးယန်ဂူသည် ဘေးကင်းမည် ဖြစ်ပြီး လူတိုင်း ယိုးယန်ဂူ အတွင်းသို့ လုံခြုံစွာ ဝင်ရောက်နိုင်မည့် အကြောင်း သက်သေပြပေးရမည်။