နတ်ခန္ဓာကိုယ်က ရန်သူကို ဖမ်း

လုရွှမ် တိတ်တိတ်လေး ကျိန်ဆဲလိုက်သည်။ ဒါက တကယ်ကို ဆိုးရွားတဲ့ ဘေးအန္တရာယ် တစ်ခုပဲ။ ဟွမ်ဖူမိသားစုက အမှန်တကယ် ပါဝင်ပတ်သက်နေကြောင်း သူမသိခဲ့။

လုရွှမ် စိတ်ထဲတွင် ပုံရိပ်တစ်ခု တဖြည်းဖြည်း ပေါ်လာသည်။ သူမသည် ဟွမ်ဖူ မိသားစုမှ ကလေးမလေးတစ်ယောက် ဖြစ်နိုင်ပြီး မပြောင်းလဲသေးသော ယိုးယန်နှင့် နေ့တိုင်းအချိန်ဖြုန်းကာ ယိုးယန် တိုးတက်ပြောင်းလဲ လာစေရန် များစွာပြင်ဆင်ထားခဲ့သည်။

နောက်ပိုင်းတွင် ဟွမ်ဖူမိသားစုသည် သူတို့၏ ရုန်းကန်မှုတွင် ကျရှုံးခဲ့ပြီး မိသားစုနှစ်စုဆီက ကြံစည်တာကို ခံခဲ့ကြရသည်။

သို့သော် ယိုးယန်စိတ်ဝိညာဥ်က တဖြည်းဖြည်း ပွင့်လာပြီး ထိုအချိန်က ဖြစ်ပျက်ခဲ့သမျှ အရာအားလုံးကို သူ့စိတ်ထဲတွင် ပြန်သတိရလာရာ ယခုအခါ သူသည် ခွန်အားကို လျှို့ဝှက်စွာ စုဆောင်းနေခဲ့သည်။ ယခုတော့ သူ နောက်ဆုံးတွင် သန်မာလာပြီ။ သူသာ လုရွှမ်ကို မတွေ့ဆုံနိုင်ခဲ့ပါက ဆက်လက်၍ ခွန်အားများကို စုဆောင်းနေပေလိမ့်မည်။

ဒါပေမဲ့ လုရွှမ်နဲ့တွေ့ဆုံပြီး လုရွှမ်ရဲ့ ခန္ဓာကိုယ်ပေါ်က ရောင်ဝါကို ခံစားပြီးနောက်မှာတော့ မကူညီနိုင်တော့ဘဲ နောက်ဆုံးမှာတော့ ပေါက်ကွဲသွားခဲ့ပါ၏။ တောင်တွေ၊ မြစ်တွေရဲ့ အထူးမြေဆီလွှာတွေ လွင့်နေတာကို မြင်လိုက်ရတော့ လုရွှမ် အမြန်ရှောင်လိုက်သည်။

၎င်းက ဒီကျောက်စာတိုင်ကို ကျိုးသွားအောင် လုပ်နိုင်လေရာ သူက ဘယ်လိုလုပ် တားဆီးနိုင်ပါ့မလဲ။ ထိရင် ချက်ချင်း သေလိမ့်မယ်။ အခုကသူဟာ ယိုးယန်ရဲ့ ခန္ဓာကိုယ်ထဲကို ထိုးကျသွားတာ ဖြစ်နိုင်သလို ယိုးယန်ရဲ့ ထောင်ချောက်ထဲကို ရောက်နေတာကြောင့်လည်း ဖြစ်နိုင်သည်။

သို့သော် ယခုအချိန်တွင် လုရွှမ်ကို မီးတောက်လေးလွှာက ဝန်းရံထားသည်။ နတ်ဆိုးမီးလျှံ၊ စိတ်ဝိညာဉ်မီး၊ ဖီးနစ်နတ်မီး၊ ကောင်းကင်မီးတို့ ဝန်းရံထားလျက် ယိုးယန်၏ကမ္ဘာထဲသို့ ခုန်ဆင်းသွားခဲ့သည်။ အပြာရောင်ဖျော့ဖျော့ လတ်သွားပြီး သူခုန်ဆင်းသွားသောအခါ လုရွှမ် သူတကယ် အလိမ်ခံရကြောင်း သိလိုက်ရသည်။

သူ့​ခန္ဓာကိုယ်က ဖြတ်မသွားဘဲ ယိုးယန်ရဲ့ ခန္ဓာကိုယ်ထဲမှာ ရပ်တန့်နေခဲ့သည်။ မီးတောက်လေးခု၏ ကောင်းချီးကြောင့်သာ လုရွှမ်သည် အပြာရောင် မီးတောက်များ သူ့ပတ်ဝန်းကျင်သို့ ပျံ့လွင့်လာတာကို မခံစားရသေးသော်လည်း မီးတောက်၄ခု ထိန်းထားတာကလည်း ကြာမည်မဟုတ်ကြောင်း သူ့စိတ်ထဲတွင် ကောင်းကောင်းသိသည်။

အထဲမှာ အေးစက်နေပြီး ယင်စွမ်းအင်ကိုးစင်းထက်တောင် ပိုအေးတယ်လို့ ခံစားရသည်။ ယွမ်ယန်စွမ်းအင်များကို ထုတ်လွှတ်လိုက်ခါမှ မထိန်းနိုင်တော့ဘဲ အပူတွေ ထွက်လာလေ၏။

"ဒါက ယွမ်ယန်ကျင့်စဥ်ကို သုံးပြီး တစ်နည်းနည်းနဲ့ ထိန်းထားရတော့မှာပဲ...သူကပဲ နောက်ဆက်တွဲ ဆိုးကျိုးတွေရှိမရှိ ဆုံးဖြတ်နိုင်မှာ..."

လုရွှမ် သူ့နှလုံးသားထဲကနေ သိနေတာကတော့ ယိုးယန်သာ ယွမ်ယန်ကျင့်စဥ်ကို ကိုက်စားရင် သူ့ကို ဖယ်ရှားပစ်နိုင်လိမ့်မယ်။ ဒီအတွေးက သူ့အား နည်းနည်းတော့ ကြောက်လာစေသည်။ လုရွှမ် ရွေးချယ်ရန် အချိန်မရှိသဖြင့် ဆုံးဖြတ်ချက် ချရ​တော့မည်။ မဟုတ်ပါက အချိန်နှောင်းသွားလိမ့်မည်။

လုရွှမ် လောင်းကစားလုပ်ရန် ရွေးချယ်ခဲ့သည်။

သူ့တစ်ကိုယ်လုံး ရုတ်တရက် တောက်ပလာပြီး ခန္ဓာကိုယ်သည် ကောင်းကင်မီးနှင့် ပေါင်းစပ်ကာ တောက်ပသွားပုံမှာ နေအပိုင်းအစတစ်ခု ပေါက်ကွဲသွားသည့် အတိုင်းပင်။ ခဏလောက်တော့ လုရွှမ် သူ့ကိုယ်သူ နေရောင်လို အသွင်ပြောင်းသွားပုံရပေမယ့် ယိုးယန်နဲ့ လုံးဝမတူတဲ့ အနီရောင် အလင်းတန်းတွေကို ထုတ်ပေးနေတာပဲ ဖြစ်လေသည်။ နှိုင်းယှဉ်ကြည့်မယ်ဆိုရင် ဒါဟာ ယိုးယန်နဲ့ ယှဉ်လို့မရပါဘူး။

"အား......."

လုရွှမ် သူ့ခန္ဓာကိုယ်တစ်ဝိုက်တွင် တဆတ်ဆတ် တုန်ခါနေသော နာကျင်ကိုက်ခဲမှုကို ခံစားလိုက်ရပြီး သူ့ခန္ဓာကိုယ်သည်လည်း တုန်လှုပ်ကာ မတည်မငြိမ် ဖြစ်လာသည်။ ပတ်ဝန်းကျင်က လေထုပါ တုန်ခါသွားပြီး မီးတောက်များ ဖုံးလွှမ်းနေသော နေရာမှ ရုတ်တရက် ထွက်ပေါက်တစ်ခု ပေါ်လာသည်။

ဒါဟာ ထောင်ချောက်တစ်ခု ဖြစ်နိုင်သလို တကယ် ထွက်ပေါက်လည်း ​ဖြစ်နိုင်၏။ လုရွှမ်လည်း စွန့်စားပြီး ခုန်ထွက်လာခဲ့သည်။ သူ့အမြင်အာရုံ ပြောင်းသွားသည်နှင့် တစ်ပြိုင်နက် သူ ခုန်ထွက်သွားပြီးပြီ။

သူ့ရှေ့မှာ ယိုးယန် ခန္ဓာကိုယ်က ပြန်ပေါ်လာကာ အထူးမြေဆီလွှာ အမှုန့်များကို သူ့ပါးစပ်မှ ဖျန်းခနဲ ဖျန်းခနဲ ပစ်လွှတ်လိုက်သည်။ လုရွှမ် မြေပြင်ပေါ်သို့ လျင်မြန်စွာ လှဲ၍ ရှောင်ရင်း ကျောက်နံရံနှင့် တိုင်များနောက်တွင် ပုန်းရှောင်နေသော်လည်း သူ့ပေါင်တွေကို သဲမှုန်အနည်းငယ်ဖြင့် ထိမှန်နေသေးသည်။

ယခုအချိန်တွင် ကောင်းကင်မီးက ယွမ်ယန်ကျင့်စဥ်နှင့် ပေါင်းစပ်ကာ အလွန် တောက်ပလာခဲ့သည်။ လုရွှမ်သည် အခြေအနေကို ကြည့်ပြီး ပြေးထွက်လာကာ ယိုးယန်ရဲ့ခါးကို ပိတ်ဆို့ပြီး နှစ်ပိုင်းခွဲပစ်လိုက်သည်။

"နတ်ခန္ဓာကိုယ် နတ်ခန္ဓာကိုယ်!"

ယိုးယန်လည်း သူ့အောက်ပိုင်းကို လျစ်လျူရှုပြီး စက်ဝိုင်းပုံမီးပုံကြီးဖြင့် ကောင်းကင်ဆီသို့ ပြေးသွားကာ ကျောက်နံရံထဲသို့ ဝင်ရောက်သွားလေသည်။ လုရွှမ်လည်း အောက်ကို ငုံ့ကြည့်လိုက်တော့ သူ့ခန္ဓာကိုယ်က တောက်ပြောင်နေတာကို တွေ့လိုက်ရပြီး ဒါက တကယ့်ကို နတ်ဘုရား တစ်ပါးလိုပါပဲ။

ယိုးယန်၏အောက်ပိုင်း တစ်ဝက်က ရုတ်တရက် လွင့်ပျံသွားလေရာ လုရွှမ် လန့်သွားပြီး အမြန်နောက်ဆုတ်သွားခဲ့သည်။ စိတ်ဝိညာဉ်ကို သုတ်သင် ပယ်ရှင်းသောအခါ အတွင်း၌ အလိုဆန္ဒမရှိပါက အန္တရာယ်များ၏။

လုရွှမ် မရှောင်တိမ်းနိုင်တော့ပေ။ လျှို့ဝှက်ဆန်းကြယ်သော မီးတောက်များသည် သူ့ခန္ဓာကိုယ်ထဲသို့ ထိုးဖောက် ဝင်ရောက်လာကာ စွမ်းအင်အဖြစ်သို့ ပြောင်းလဲသွားစဥ် နတ်ခန္ဓာကိုယ်က အလိုအလျောက် အားကောင်းလာသည်ဟု ထင်ထင်ရှားရှား ခံစားခဲ့ရသည်။

ထိုစဥ် ရွှေကျီးကန်းရဲ့ အသံကလည်း ရုတ်တရက် ထွက်ပေါ်လာသည်။

"အိုး... မင်းဘာလုပ်နေတာလဲ ကောင်လေး... မင်းနောက်ထပ် အံ့ဖွယ်တစ်ခုကို ကြုံနေရပြန်ပြီလား... မသိစိတ်နဲ့ သန့်စင်တဲ့ ယိုးယန်ကို ရထားတာပဲ... အဲဒါ မင်းရဲ့ နတ်ခန္ဓာအတွက် ကောင်းမွန်တဲ့ ဆေးစွမ်းတစ်လက်ပဲကွ ဟားဟား ဒါနဲ့ဆို အနည်းဆုံးတော့ မင်းမလုပ်ဘဲ နယ်ပယ်ကို 10% တိုးတက်သွားစေဖို့ စိတ်ပူစရာမလိုဘူး"

လုရွှမ် ရွှေကျီးကန်းကို ဂရုမစိုက်ပေ။ ရွှေကျီးကန်းက ရည်ရွယ်ချက်ရှိရှိ လုပ်ခဲ့တာလား ဒါမှမဟုတ် ဒီမှာရှိတဲ့ လေထုက သူ့ကို တကယ်ကို ဖိနှိပ်ခဲ့တာလား သူမသ်ါ အရေးကြီးသောအခိုက်အတန့်တွင် ၎င်းတို့အားလုံး ပျောက်ကွယ်သွားသည်မှာ စမ်းသပ်မှုတစ်ခုဖြစ်သော်လည်း သူ့ကို လာမကယ်ခဲ့။

ရွှေကျီးကန်းသည် စကားအနည်းငယ် အော်ဟစ်လိုက်ပြီး လုရွှမ်၏ စိတ်ခံစားချက်ကို လုံးဝ ဂရုမစိုက်ဘဲ ပြန်ဝင်သွားပြန်သည်။

လုရွှမ် သက်ပြင်းချလိုက်သည်။ သူ ယိုးယန်၏ တည်ရှိနေမှုကို မခံစားနိုင်တော့မှ အဂ္ဂိရတ်ဆေးကို ထုတ်ကာ မျိုချလိုက်သည်။ မတ်တပ်ထရပ်ပြီးနောက် မြေပေါ်ကျလာသော အရောင် ငါးရောင်ရှိသော မြေမှုန်ကို ကြည့်ကာ ထိုအရာများကို ဂရုတစိုက် စုဆောင်းခဲ့သည်။ မြေမှုန်လေးတွေက တကယ်ကို အစွမ်းထက်လွန်းတာကို တွေ့ခဲ့ရပြီးပြီ မဟုတ်ပါလား။

ဤသည်မှာ လုရွှမ်၏ နားလည်မှုလွဲခြင်းပဲ ဖြစ်သည်။ တောင်များ၊ မြစ်များ၏ အထူးမြေဆီလွှာများက အားကောင်းသော်လည်း ယိုးယန်ကိုတော့ ဖျက်ဆီးနိုင်စွမ်း မရှိပေ။ အလွန်ထူထပ်သောကြောင့် ကျောက်စာတိုင်များကိုသာ ထိုးဖောက် ဝင်ရောက်နိုင်ခဲ့သည်။

သို့သော် မျှော်စင်နယ်ပယ် အထွတ်အထိပ်က လူတစ်ယောက် ဆိုလျှင်ပင် ဤမြေမှုန်ကို သုံး၍ ဤကျောက်စာတိုင်များကို ဖြိုခွင်းနိုင်မည် မဟုတ်ပေ။

တစ်ခုပြီးတစ်ခု စုဆောင်းနေတဲ့ အချိန်မှာ မြေမှုန်ကြောင့် ရထားတဲ့ သူ့ခြေထောက်ပေါ်ရှိ ဒဏ်ရာက ပြင်းထန်နေပြီး လုံးဝ မပျောက်သေးတာကို တွေ့လိုက်ရသည်။ အရင်က သူ့ရဲ့ ပုံမှန်မဟုတ်တဲ့ ပြန်လည် ကောင်းမွန်လာဖို့ စွမ်းအားကို အားကိုးခဲ့မယ်ဆိုရင် သူသည် ဆေးတစ်လုံးသာ အများဆုံး သောက်ဖူးပါလိမ့်မည်။

သူ့ပေါင်ကို ပိတ်စနဲ့ ပတ်ထားရင်း ခြေထောက်တွေ အရှိန့လျှော့ပြီး အပေါ်ကို ပြေးတက်သွားလိုက်သည်။ ထိုစဥ် ယွင်ရှီ ပြေးဝင်လာသည်ကို မြင်လိုက်ရ၏။

"လုရွှမ် အဆင်ပြေရဲ့လား?"

ယွင်ရှီလည်း လုရွှမ်ကိုတွေ့တော့ အရမ်းစိတ်လှုပ်ရှားသွားသည်။ လုရွှမ် ​သေသွားမှာကို သူမ​ အလွန်ကြောက်​မိသည်​။

"ငါအဆင်ပြေပါတယ် မင်းဘာလို့ ဝင်လာတာလဲ"

ယွင်ရှီမှာ သူ့ကို စိတ်ပူ​​နေတယ်လို့ မပြောချင်တော့ဘဲ ပတ်ဝန်းကျင်ကို လှည့်ကြည့်လိုက်ပြီး။

"အမ် ယိုးယန်က ဘာဖြစ်လို့ ပျောက်သွားတာလဲ... ကျွန်မ လမ်းတစ်ဝက်လောက် ပြေးလာပြီးတော့ လေအေးတွေ ပျောက်သွားတယ်လို့ ခံစားရတယ် ဘာဖြစ်နေတာလဲ"

လုရွှမ် ပြုံးသာ ပြုံးလိုက်သော်လည်း သူမ တကယ့်အကြောင်းရင်းကို ဖုံးကွယ်ထားဆဲ ဖြစ်ကြောင်း သတိပြုမိသည်။ လုရွှမ် သူမကို မယုံတာမဟုတ်ပေမယ့် သူမသိတာ နည်းလေ အန္တရာယ်ကင်းလေပါပဲ။

"ငါတို့အားလုံးက အဲဒီယိုးယန်ကို မျှော်ကြည့်နေကြတာ...သူက နိုးထလာရုံပဲ ရှိသေးတယ် သူ့အစွမ်းအစတွေကို ထုတ်မပြသေးဘူး.... လျှို့ဝှက်အန္တရာယ်တွေ ရှိလိမ့်မယ်... ငါလည်းသေပြီလို့ ထင်ထားပေမယ့် ထွက်ပြေးနိုင်ဦးမယ်လို့ မမျှော်လင့်ထားဘူး..”

လုရွှမ် လေကိုရှူမိပေမယ့် ဘယ်ခြေထောက်က ဒဏ်ရာက လုံးဝ မသက်သာလာပေ။ သန်မာမှုအပြည့်နဲ့ ခန္ဓာကိုယ်ကလည်း အဂ္ဂိရတ်ဆေးသာ မကျွေးထားဘူးဆိုရင် ဒဏ်ရာက လျင်မြန်စွာ ကြီးထွားလာမှာ ဖြစ်ပါ၏။

လုရွှမ် သေလုမျောပါး ဖြစ်နေပုံရသည်ကို မြင်လိုက်ရသည်နှင့် ယွင်ရှီ စိတ်ထဲမှာ သံသယမ၀င်သေးသဖြင့် လုရွှမ်ကို အမြန်ကူညီပြီး ခြေလှမ်းစလှမ်းခဲ့သည်။