ထာဝရအတွက် အချစ်စစ်

အထွတ်အထိပ်မူက သက်ပြင်းတစ်ချက်ရှိုက်ကာ ပြောလိုက်၏ “အင်မော်တယ်သလင်းကျောက်နဲ့ပုံဆောင်ခဲတွေအားလုံးကို ယူလာပေးဖို့ တစ်ယောက်ယောက်ကို ငါ အသိပေးလိုက်မယ်”

အထွတ်အထိပ်မူက ခေါင်းညိတ်ကာ ပြောလိုက်၏ “စတုတ္ထတစ်ခုကတော့ ဆရာသခင်ဖန်တီးထားတဲ့မဟာထန်အင်ပါယာရဲ့ပိုင်နက်နဲ့ ပတ်သက်ပြီးတော့ပဲ။ မြူနွေဉီးပင်လယ်ကို ဌာနချုပ်အဖြစ် သတ်မှတ်ထားတယ်၊ ဒါကြောင့် အင်မော်တယ်လိုင်ဇီယန်တစ်ခုလုံးအတွက် ရှင်းလင်းရေးတိုက်ပွဲတစ်ခုကို လုပ်ဆောင်ဖို့ မင်းကို ပြောဖို့ ဆရာသခင်က ငါ့ကို အမိန့်ပေးခဲ့တယ်၊ ဖြစ်နိုင်သမျှ ပုန်းကွယ်နေတဲ့ရန်သူတွေအားလုံးကို ဖယ်ရှားနိုင်ရင် အကောင်းဆုံးပေါ့။ ငါ့ရဲ့ညီအကိုမောင်နှမလေးယောက်ကို ကယ်ဆယ်ပြီးရင် မြူနွေဉီးပင်လယ်ကို ဗဟိုပြုပြီး မဟာထန်အင်ပါယာက ၎င်းရဲ့ပိုင်နက်တွေကို စတင်ဖြန့်ကျက်လိမ့်မယ်”

“ငါကိုယ်တိုင် အဲလိုတိုက်ပွဲတစ်ခုကို လုပ်ဆောင်ပြီးပြီ။ လိုအပ်ရင် ငါကိုယ်တိုင် လုပ်လိုက်မယ်။ အချိန်တိုအတွင်းမှာ ငါ့လက်အောက်က ပြဿနာရှိတဲ့သူတွေအားလုံးကို ရှင်းလင်းနိုင်မယ်ဆိုတာ သေချာတယ်”အထွတ်အထိပ်အလှလေးက ခေါင်းညိတ်လိုက်သည်။

ထိုသို့ပြောပြီးနောက် သူမက အကြီးအကဲနှစ်ယောက်ကို ပြန်ဆင့်ခေါ်ကာ နက်ရှိုင်းသောအသံနှင့် အမိန့်ပေးလိုက်၏ “မင်းတို့နှစ်ယောက်၊ နှစ်နာရီအတွင်း အင်မော်တယ်သလင်းကျောက်တွေနဲ့သလင်းကျောက်အဆီအနှစ်တွေအားလုံးကို စုဆောင်းပါ”

အကြီးအကဲနှစ်ယောက်က အကြည့်ချင်းဖလှယ်ကာ ချက်ချင်း ခေါင်းညိတ်လိုက်သည်။ နောက်ထပ်နှစ်နာရီကြာပြီးနောက် သူတို့က သိုလှောင်လက်စွပ်တစ်ကွင်းနှင့်အတူ ပြန်လာ၏။ ထို့နောက် လူအိုကြီးက တင်ပြလိုက်သည် “အုပ်ချုပ်သူ၊ ငါတို့ရဲ့ရတနာခန်းမှာ အင်မော်တယ်သလင်းကျောက်သန်း၄၅၀နဲ့သလင်းကျောက်အဆီအနှစ်၈၇သန်းရှိတယ်။ သူတို့အားလုံးက ဒီလက်စွပ်ထဲမှာပဲ”

အထွတ်အထိပ်အလှလေးက အနည်းငယ် ခေါင်းညိတ်ကာ အမိန့်ပေးလိုက်၏ “အဲဒါကို အထွတ်အထိပ်မူဆီ ပေးလိုက်ပါ”

လူအိုကြီးက တုံ့ဆိုင်းသွားလျက် အားတင်းပြုံးလိုက်၏ “အုပ်ချုပ်သူ၊ ငါတို့ရဲ့အင်မော်တယ်လိုင်ဇီယန်မှာ အင်မော်တယ်သလင်းကျောက်တွေဒါမှမဟုတ်သလင်းကျောက်အဆီအနှစ်တွေတစ်ခုတောင် မကျန်တော့ဘူး။ နောက်ခြောက်လက ပေးကမ်းရမယ့်နေ့ပဲ၊ အဲကျရင် ငါတို့မှာ အင်မော်တယ်သလင်းကျောက်နဲ့သလင်းကျောက်အဆီအနှစ်တွေ တစ်ခုမှ မရှိတော့ရင်…”

အထွတ်အထိပ်အလှလေးက လက်ဝှေ့ယမ်းလိုက်၏ “အဲအချိန်ကျရင် ငါတို့မှာ နည်းလမ်းတစ်ခု ရှိလာမှာပါ”

ဒါကို ကြားပြီးနောက် လူအိုကြီးက လက်စွပ်ကို အထွတ်အထိပ်မူထံ ပေးပြီးနောက် အဘွားကြီးနှင့်အတူ ထွက်ခွာသွား၏။

အထွတ်အထိပ်အလှလေးက သက်ပြင်းတစ်ချက်ရှိုက်လျက် အထွတ်အထိပ်မူကို ကြည့်ကာ ပြောလိုက်၏ “သူ ပြန်လာပြီဆိုတော့ သူမကရော ဘယ်လိုလဲ”

သတ်ဖြတ်ခြင်းဆန္ဒတစ်ခုက မျက်လုံးထဲတွင် လင်းလက်သွားလျက် အထွတ်အထိပ်မူက ပြန်ဖြေသည် “သူမက ဆရာသခင်ကို လုပ်ကြံတိုက်ခိုက်ခဲ့တဲ့သူတွေထဲကတစ်ယောက်ပဲ”

ကမ္ဘာပေါ်တွင် မယုံကြည်နိုင်စရာအကောင်းဆုံးအရာကို ကြားလိုက်ရသလို အထွတ်အထိပ်အလှလေးက အလန့်တကြား ရေရွတ်လိုက်၏ “ဒါ ဘယ်လိုလုပ်ဖြစ်နိုင်မှာလဲ။ သူမက…ငါ့ရဲ့အချစ်ပြိုင်ဘက်ဆိုပေမယ့် သူမအကြောင်း ငါ့ထက် ဘယ်သူမှ ပိုမသိဘူး။ ရှုအတွက်ဆိုရင် သူမက သေပေးမယ်ဆိုတာ သေချာတယ် ဒါပေမယ့် ဘယ်လိုလုပ်ပြီး…”

“အရိပ်နတ်ဆိုးကျိုးဝူရှို့ကြောင့်မဟုတ်ရင် သူမက ဆရာသခင်ကို သတ်မှာမဟုတ်ဘူး”အထွတ်အထိပ်မူက ပြော၏ “ဒါပေမယ့် သူမက အရိပ်နတ်ဆိုးကျိုးဝူရှို့ရဲ့တပည့်ပဲ။ ဆရာသခင်ကို လုပ်ကြံပြီးနောက် သူမက နေရာမှာတင် သတ်သေခဲ့တယ်။ ဒါပေမယ့် ဘာပဲဖြစ်ဖြစ် သူမက ဆရာသခင်ကို ထိခိုက်အောင် လုပ်ခဲ့တာကိုတော့ ငြင်းပယ်လို့မရဘူး”

ယခု အထွတ်အထိပ်အလှလေးက လုံးဝတုန်လှုပ်သွားတော့၏။

အရိပ်နတ်ဆိုးကျိုးဝူရှို့လား။

ဤနှစ်များတစ်လျှောက် သူတို့က မြင့်မြတ်ငှက်ဂိုဏ်းကို တိုက်ခိုက်ချိန်တွင် အရိပ်နတ်ဆိုးကျိုးဝူရှို့က မဟာဧကရာဇ်တန်းချင်နှင့်ဇီသာဗျတ်စောင်းနတ်ဆိုးကျိုးယောင်တို့နောက်တွင် ရှိနေသည်မှာ အံ့ဩစရာမဟုတ်ပေ။ အရိပ်နတ်ဆိုးကိုယ်တိုင်က မြင့်မြတ်ငှက်ဂိုဏ်း၏အကြီးအကဲအချို့ကို သတ်ဖြတ်ခဲ့သည်ဟု ကောလဟာလများပင် ရှိခဲ့သည်။

ကောလဟာလတွေက အမှန်ဖြစ်နေတာပဲ။ အရိပ်နတ်ဆိုးကျိုးဝူရှို့က တကယ်ကို ရန်သူတွေထဲကတစ်ယောက်ပဲ။

အထွတ်အထိပ်အလှလေးက လက်သီးတင်းကျပ်စွာ ဆုပ်လျက် အေးစက်စွာ ပြော၏ “သူတို့က ဘယ်သူပဲဖြစ်ဖစ် သူ့ကို ထိခိုက်စေတဲ့သူက ငါ့ရန်သူပဲ၊ သူမအပါအဝင်ပေါ့။ သူမသေသွားတာ ကောင်းတယ်။ သူမက မသေရင် ငါ သူမကို အလွတ်ပေးမှာမဟုတ်ဘူး”

“အဲလိုလုပ်လို့မရဘူး၊ စီနီယာအုပ်ချုပ်သူ”အထွတ်အထိပ်မူက ခေါင်းခါယမ်းလျက် သက်ပြင်းချလိုက်သည် “သူမက အသက်ရှင်နေသေးတယ်လို့ ဆရာကိုယ်တိုင် ပြောခဲ့တယ်။ ဒါပေမယ့် သူတို့ကြား ဖြစ်ပျက်ခဲ့သမျှ အရာအားလုံးကို သင်ပုန်းချေလိုက်ပြီး အခု သူတို့က သူစိမ်းတွေ ဖြစ်နေပြီ။ ဒါ့အပြင် ငါ မင်းကို ပြောစရာနောက်တစ်ခုရှိတယ်။ အခု ဆရာသခင်မှာ မိန်းမအများကြီးရှိတယ်”

အထွတ်အထိပ်အလှလေးက တုန်လှုပ်သွားလျက် ခဏမှင်တက်သွား၏။ ထို့နောက် သူမက ရုတ်တရက် ရယ်ကာ ပြောလိုက်၏ “ဟားဟားဟား၊ နောက်ဆုံးတော့ သူက နောင်တရသွားခဲ့ပြီပေါ့…။ ဟားဟားဟား…နောက်ဆုံးတော့ သူ့ရဲ့စိတ်ကို ပြင်လိုက်ပြီပေါ့။ မိန်းမအများကြီးရှိတာ ကောင်းတယ်။ ပိုများလေ ပိုကောင်းလေပဲ။ သူက အင်မော်တယ်ကမ္ဘာက မိန်းမတွေအားလုံးကို လိုချင်ရင်တောင် ငါ ပျော်တယ်။ ဟားဟားဟား…”

“မင်း….”အထွတ်အထိပ်မူက မယုံကြည်နိုင်ဖြစ်သွား၏။ “မင်း ဘာမှ မဖြစ်…”

အထွတ်အထိပ်အလှလေး၏အပြုံးက တောက်ပသွားလျက် ဖြတ်ပြောလိုက်သည် “ဘာဖြစ်ရမှာလဲ။ မနာလိုဝန်တိုရမှာလား။ ဘာလို့ ငါက ဝန်တိုရမှာလဲ။ သူ့နှလုံးသားက အခြားအမျိုးသမီးတွေအတွက် ဖွင့်ပေးထားတယ်ဆိုရင် ငါ့မှာလဲ အခွင့်အရေးရှိတယ်လို့ ဆိုလိုတာပဲ။ ငါ အကြောက်ဆုံးက အဲကောင်မကလွဲပြီး အခြားအမျိုးသမီးကို စိတ်မဝင်စားမှာကိုပဲ”

သူမ၏စကားကို ကြားပြီး အထွတ်အထိပ်မူက အံ့ဩမှင်တက်သွားလေတော့၏။ သူမ၏စိတ်ထဲတွင် ဒီလိုအတွေးတစ်ခုရှိသည်ကို စဉ်းစားကြည့်လျှင် သူ့ဆရာသခင်အပေါ် အထွတ်အထိပ်အလှလေး၏အချစ်က ဘယ်လောက်ထိ နက်ရှိုင်းသလဲကို သူက စိတ်ကူးနိုင်၏။

ခဏကြာပြီးနောက် အထွတ်အထိပ်မူက သက်ပြင်းချလိုက်သည် “စီနီယာအုပ်ချုပ်သူ၊ မင်းရဲ့အချစ်ကို ရရှိတာက ဆရာသခင်ရဲ့ဘဝမှာ အကောင်းဆုံးအရာလို့ ငါ ထင်တယ်။ သူက ဒါနဲ့ ပတ်သက်ပြီး ဘာမှမပြောပေမယ့် သူက မင်းကို သူ့ရဲ့အနီးကပ်ဆုံးလူတွေထဲကတစ်ယောက်အဖြစ် ရှုမြင်ထားတယ်ဆိုတာ သေချာတယ်”

အထွတ်အထိပ်အလှလေးက လက်မြှောက်ကာ မျက်ရည်သုတ်လိုက်သည်။ သူမက ခေါင်းညိတ်ကာ အလေးအနက်ထားလျက် ပြောလိုက်၏ “မကြာခင်မှာ ငါက သူ့ရဲ့အရင်းနှီးဆုံးလူတွေထဲကတစ်ယောက်ဖြစ်လာလိမ့်မယ်လို့ ငါ အခိုင်အမာ ယုံကြည်တယ်”

“ဒါဆို မင်းကို သခင်မအဖြစ် ခေါ်ရမယ့်နေ့ရက်ကို ငါ စောင့်မျှော်နေပါ့မယ်”အထွတ်အထိပ်မူက ပြောလိုက်သည်။

ထိုသို့ပြောပြီးနောက် အထွတ်အထိပ်မူက ဆက်မနေတော့ပေ။ နန်းတော်မှ ထွက်လာပြီးနောက် သူက အထွတ်အထပ်အုပ်ချုပ်သူနှင့်ပင်လယ်လမ်းဘုရင်တို့နှင့်အတူ ထွက်ခွာလာခဲ့သည်။ သို့သော် သူတို့သုံးယောက်မထွက်သွားခင် အလွန်အားနည်းသောပုံရိပ်တစ်ခုက နန်းတော်အပေါက်ဝတွင် ထွက်ပေါ်လာကာ သူတို့ထွက်ခွာသွားသည်ကို ကြည့်နေသည်ကို အထွတ်အထိပ်အုပ်ချုပ်သူနှင့်ပင်လယ်လမ်းဘုရင်တို့က ခံစားမိလိုက်၏။

သူ့နားထဲသို့ ကူးပြောင်းလာသော စကားလုံးများကို ကြားပြီးနောက် အထွတ်အထိပ်အုပ်ချုပ်သူ၏ခန္ဓာကိုယ်က တုန်ယင်သွားသည်။ စကားလုံးများက သူ့နှလုံးသား၏အနက်ရှိုင်းဆုံးထိတိုင် ထိုးဖောက်သွားခဲ့ပြီး သူ၏လေးစားမှုကိုပင် ဖော်ပြလိုက်၏။

“ငါ မင်းကိုဘာပြောခဲ့တာလဲ။ သခင်က အထွတ်အထိပ်အလှလေးဖန်းဘုရင်မနဲ့ နက်ရှိုင်းတဲ့ဆက်ဆံရေးတစ်ခုရှိတယ်ဆိုတာ သေချာတယ်”ပင်လယ်လမ်းဘုရင်က အသံပို့လိုက်၏။

အသံကူးပြောင်းရင်း အထွတ်အထိပ်အုပ်ချုပ်သူက ပြောလိုက်သည် “ဟုတ်တယ်၊ အရင်က အထွတ်အထိပ်အလှလေးကို ငါ မြင်ဖူးတယ်။ သူမက အန္တိမအဆင့်ကို ချိုးဖြတ်သွားပြီးပြီလို့ ကောလဟာလရှိတယ်။ အန္တိမအဆင့်စွမ်းအားရှင်တစ်ယောက်၊ ဒါပေမယ့် သူမက ငါတို့ကို ဒီလိုလိုက်ပို့တယ်ဆိုတော့ အထွတ်အထိပ်မူရဲ့လာရောက်မှုက အရမ်းအရေးကြီးတယ်လို့ ဆိုလိုတာပဲ။ ဒါပေမယ့် ဒီအတွက် အရေးကြီးဆုံးအချက်က သခင်ကြောင့်ပဲ ဖြစ်ဖို့များတယ်”

နှစ်ယောက်ကြား စကားဖလှယ်မှုက လျင်မြန်စွာ ပြီးဆုံးသွားခဲ့သည်။

ဤအချိန်တွင် သူတို့ဆရာသခင်၊ မဟာထန်ဧကရာဇ်နှင့်ကြယ်ကျင့်ကြံခြင်းမဟာဧကရာဇ်ကြား နက်ရှိုင်းသောဆက်ဆံရေးတစ်ခုရှိသည်ကို သူတို့နှစ်ယောက်က လက်ခံယုံကြည်သွား၏။ ဆက်ဆံရေးမှာ နက်ရှိုင်းလွန်းသောကြောင့် ကြယ်ကျင့်ကြံခြင်းမဟာဧကရာဇ်ကို နှစ်နှစ်ကာကာချစ်သောအထွတ်အထိပ်အလှလေးက ဒဏ်ရာရထားတောင်မှ သူတို့ကို လိုက်ပါပို့ပေးခဲ့ရသည်။

****

တစ်လကြာပြီးနောက် အထွတ်အထိပ်မူတို့သုံးယောက်က မြူနွေဉီးပင်လယ်ထဲသို့ ပြန်ရောက်လာသည်။ အင်မော်တယ်သလင်းကျောက်၄၅၀သန်းနှင့်သလင်းကျောက်အဆီအနှစ်၈၇သန်းတို့ကို ထန်ရှုထံ ပေးပြီးနောက် သူ၏ကြုံတွေ့ခဲ့သမျှကို တင်ပြလိုက်၏။ နောက်ဆုံးတွင် သူက ပြောသည် “ဆရာသခင်၊ အထွတ်အထိပ်အလှလေးက ငါတို့ကို ဒီအင်မော်တယ်သလင်းကျောက်နဲ့သလင်းကျောက်အဆီအနှစ်တွေအားလုံးကို ပေးခဲ့တယ်၊ ဒါပေမယ့် သူတို့မှာလဲ ဘာမှမကျန်တော့ဘူး။ ဆရာ့အတွက် သူမက စကားတစ်ခွန်း ချန်ထားပေးခဲ့တယ်”

“ဘာများလဲ”ဘာစကားဖြစ်မည်ကို ထန်ရှုက ရေးရေးလေးခန့်မှန်းမိသော်လည်း သူက ရှုပ်ထွေးသောအမူအရာနှင့် မေးမြန်းလိုက်သေးသည်။

“အတိတ်က တစ်ခါချစ်ခဲ့ဖူးသော နှလုံးသားက ဘယ်တော့မှ မပျက်ဆီးသွားမယ့် စစ်မှန်တဲ့အချစ်တစ်ခုပါပဲ”အထွတ်အထိပ်မူက ပြောလိုက်သည်။

လက်သီးတင်းကျပ်စွာ ဆုပ်ပြီးနောက် ထန်ရှုက ဖြည်းဖြည်းချင်း ဖြေလျော့လိုက်သည်။ အချိန်အတန်ကြာပြီးနောက် သူက သက်ပြင်းချကာ အထွတ်အထိပ်မူကို ပြော၏ “ဒီနေ့ကစပြီး မင်းနဲ့ယန်အာက ငြိမ်းအေးချောက်ကမ်းပါးကို စောင့်ကြပ်ရမယ်။ လုံးဝမလိုအပ်ရင် မင်းတို့နှစ်ယောက်က မထွက်ခွာရဘူး။ ဒါ့အပြင် မြူနွေဉီးကျွန်းကို ကာကွယ်ဖို့ ပင်လယ်လမ်းဘုရင်နဲ့အထွတ်အထိပ်အုပ်ချုပ်သူတို့က ဒီနေရာမှာ နေရလိမ့်မယ်။ မင်းတို့သွားနေတဲ့အတောအတွင်း ငြိမ်းအေးချောက်ကမ်းပါးတစ်ဝိုက် မိုင်ရာအနည်းငယ်အထိ လွှမ်းခြုံတဲ့ ပြိုင်ဘက်ကင်းအစီအရင်တစ်ခုကို ငါ ခင်းကျင်းထားပြီးပြီ။ အစီအရင်က အန္တိမအရှင်အဆင့်ကျွမ်းကျင်သူတွေရဲ့တိုက်ခိုက်မှုကို အနည်းဆုံးဆယ့်ငါးမိနစ်အထိ ခံနိုင်တယ်။ ဒါ့အပြင် မင်းတို့ကို မိုင်သောင်းချီအကွာမှာရှိတဲ့နေရာတစ်ခုဆီ ပို့ပေးနိုင်တဲ့ တည်နေရာရွှေ့ပြောင်းခြင်းအစီအရင်တစ်ခုကိုလဲ ငါ ခင်းကျင်းထားပြီးပြီ”

“မင်းက ဘယ်သွားမှာလဲ၊ ဆရာသခင်”အထွတ်အထိပ်မူက ကမန်းကတန်းမေးလိုက်သည်။

“ပြီးပြည့်စုံခြင်းရွှေအင်မော်တယ်တစ်သုတ်ကို ဝယ်ယူဖို့အတွက် မြင့်မြတ်နဂါးအင်မော်တယ်ပိုင်နက်ကို ငါ သွားမယ်။ အန်တီကြယ်မျက်ရည်ကိုလဲ ခေါ်သွားမယ်။ မင်းရဲ့ညီအကိုမောင်နှမတွေကို ကယ်ဆယ်ဖို့အတွက် သူတို့က အရေးကြီးတဲ့တိုက်ခိုက်ရေးအင်အားစုတစ်ခုဖြစ်လာလိမ့်မယ်”

“ဒါပေမယ့် မြင့်မြတ်နဂါးပိုင်နက်က အတော်လေးဝေးပြီး လမ်းမှာရှိတဲ့ပိုင်နက်အချို့က အတော်လေးဖရိုဖရဲဖြစ်တယ်”အထွတ်အထိပ်မူက ကမန်းကတန်း ပြော၏ “အန်တီကြယ်မျက်ရည်ကိုပဲ ခေါ်သွားတာက ငါ့ကို စိုးရိမ်စေတယ်။ ကျေးဇူးပြုပြီး ပင်လယ်လမ်းဘုရင်နဲ့အထွတ်အထိပ်အုပ်ချုပ်သူတို့ကိုပါ ခေါ်သွားပါ”

“မလိုဘူး”ထန်ရှုက ခေါင်းခါယမ်းလိုက်သည် “သူတို့ကို ခေါ်သွားဖို့ မလိုဘူး။ ဒါပေမယ့် မင်း စိုးရိမ်စရာမလိုပါဘူး။ အန်တီကြယ်မျက်ရည်အပြင် ပုစဉ်းနဲ့တိုက်ပွဲပမ်ကိုပါ ငါ ခေါ်သွားမှာပါ”

“တိုက်ပွဲပမ်ကို ငါ သိပါတယ်၊ ဒါပေမယ့် ဒီပုစဉ်းကောင်လေးက ဘယ်သူလဲ” အထွတ်အထိပ်မူက ခေါင်းရှုပ်သွား၏။

အပြုံးတစ်ခုက ထန်ရှု၏ပါးစပ်ထောင့်တွင် ထွက်ပေါ်လာသည်။ “သူက မြူနွေဉီးပင်လယ်ကို လာတဲ့လမ်းမှာ ငါတွေ့ခဲ့တဲ့ကောင်လေးတစ်ယောက်ပဲ၊ မင်းရဲ့ဂျူနီယာညီလေးဆိုလဲ ဟုတ်တယ်။ ငါ ဒါကို မမျှော်လင့်ထားခဲ့ပါဘူး။ ဒီလိုရတနာကောင်လေးကို ကောက်ရခဲ့တာက ရုတ်တရက်ဖြစ်သွားတာပဲ”

“ဆရာဆိုလိုတာက ဂျူနီယာညီလေးပုစဉ်းက အရမ်းထူးခြားတာလား”အထွတ်အထိပ်မူက အံ့အားသင့်စွာဖြင့် မေးလိုက်သည်။

“အတော်လေးထူးခြားပြီး မင်း စိတ်တောင်မကူးနိုင်တဲ့အရာဆိုတာ အသေအချာပဲ”ထန်ရှုက ပြော၏။ “သူရှိနေရင် လမ်းမှာ ပြဿနာတွေအမြောက်အများကို လျော့ချနိုင်မှာ သေချာတယ်။ ဟုတ်ပြီ၊ ငါ ဒီနေ့ပဲ ထွက်သွားမယ်။ အမြန်ဆုံး လအနည်းငယ်၊ အနောက်ကျဆုံး နှစ်ဝက်အတွင်းမှာ ငါတို့ ပြန်လာမယ်၊ လက်ရှိအချိန်မှာ အဲဒီလေးယောက်ကို ကယ်ဖို့ အစီအစဉ်ကို ဘေးဖယ်ထားပါ”

“ကောင်းပါပြီ၊ ဆရာသခင်”အထွတ်အထိပ်မူက ခေါင်းညိတ်လိုက်သည်။

****

အဆုံးမရှိသောအင်မော်တယ်ကမ္ဘာ၏ကျယ်ပြောသောနေရာလပ်တွင်။

တိမ်ဖောက်သားရဲများဆွဲလာသည့်ရွှေရထားလုံးပေါ်တွင် ထန်ရှုက တင်ပျဉ်ခွေထိုင်လျက် ကျင့်ကြံနေသည်။ သူ့ဘေးနားတွင် ပုစဉ်းနှင့်တိုက်ပွဲပမ်တို့ကလည်း တင်ပျဉ်ခွေထိုင်လျက် ကျင့်ကြံနေကြ၏။ အနက်ရောင်ဝတ်ရုံကို ဝတ်ဆင်ထားသည့် ကြယ်မျက်ရည်ကသာ အင်မော်တယ်ဓားကို ကိုင်ထားလျက် စောင့်ကြပ်နေသည်။

ဤခရီးအတွက် ထန်ရှုက သူတို့သုံးယောက်ကိုသာ ခေါ်လာခဲ့သည်ကို ကြယ်မျက်ရည်က နားမလည်နိုင်ပေ။ ဒီတစ်လျှောက် ထန်ရှုအပေါ် သူမ၏လေ့လာမှုအရ ထန်ရှုက သေမှာကြောက်သောလူတစ်ယောက်ဟု သူမက အမြဲတမ်း‌ တွေးထားခဲ့သည်၊ ထို့ကြောင့် သူက အင်မော်တယ်သလင်းကျောက်နှင့်သလင်းကျောက်အဆီအနှစ်များကို အသုံးပြုကာ အကျဉ်းသားပြိုင်ကွင်းမှ ရွှေအင်မော်တယ်အမြောက်အများနှင့်ပြီးပြည့်စုံခြင်းရွှေအင်မော်တယ်သုံးယောက်ကို ဝယ်ယူခဲ့ခြင်းဖြစ်၏။

သို့သော် နောက်ထပ်ထူးခြားသောအခြေအနေတစ်ခုရှိသေး၏။ သူမ၏သခင်က သူမနှင့် စကားပြောသည်မှာ ရှားသည်၊ သူမကို ရှောင်နေပုံပင်ရ၏။

“ငါတို့ မှိုရဲတိုက်အနီးနားကို ရောက်ပြီလား”ရုတ်တရက် ထန်ရှုက မျက်လုံးဖွင့်လျက် မေးလိုက်သည်။

ကြယ်မျက်ရည်က အတွေးကို ပြန်ဆွဲထုတ်လျက် ခေါင်းညိတ်လိုက်သည် “ဟုတ်ပါတယ်၊ ငါတို့က မှိုရဲတိုက်ကနေ ကီလိုမီတာအနည်းငယ်အကွာလောက်ပဲ ကျန်တော့တယ်။ မင်းက မှိုရဲတိုက်ကို သွားချင်တာလား၊ အရှင်”

“ဟုတ်တယ်၊ မှိုရဲတိုက်ကို ငါ သွားချင်တယ်”ထန်ရှုက ပြော၏ “အဲနေရာမှာ မမျှော်လင့်ထားတဲ့ပွပေါက်တစ်ခု ရှိနေနိုင်တယ်”

“အဆိပ်မှိုအချို့ကို ဝယ်ချင်တာများလား”ကြယ်မျက်ရည်က မေးလိုက်၏။