ဝိညာဉ်ဂူဖွင့်ခြင်း (၃)

ယန်မိသားစုကျဆုံးခြင်းသည် ဖမ်းမိသားစုအတွက် ပြင်းထန်သော ထိုးနှက်ချက် တစ်ခုဖြစ်သည်။

အမြင်အရ စစ်ယွမ်ဖေသည် ဤတစ်ကြိမ်တွင် ယန်မိသားစုကို ဖျက်ဆီးရန် ဂိုဏ်းကို ဦးဆောင်ခဲ့သူဖြစ်ပြီး ဂိုဏ်း၏အကြီးတန်းအရာရှိများမှလွဲ၍ လင်းရှန်သည် သတင်းအချက်အလက်ပေးသူဖြစ်ကြောင်း မည်သူမျှမသိခဲ့ကြပေ။

ထို့ကြောင့် ဖမ်းမိသားစုသည် ဖြစ်ပျက်ခဲ့သော အဖြစ်အပျက်များကို စစ်ယွမ်ဖေအပေါ်  အပြစ်တင်ဖွယ် များသည်။

စစ်ယွမ်ဖေ၏ တပည့်ဖြစ်သော ရှီကျင့်ရှန်သည် သဘာဝအတိုင်း နွေးထွေးစွာ ကြိုဆိုခြင်းကို မရရှိခဲ့ပေ။

“ဝိဥာဉ်ဂူထဲမှာ နတ်ဆိုးတွေ အများကြီးရှိတယ်၊ ဒါက ပုံမှန်မဟုတ်ဘဲ အန္တရာယ်ရှိတယ်။ ဂျူနီယာ ညီလေးရှီ ၊ မင်းဒီတစ်ခါတော့ သတိထားရမယ်။" ဖမ်းကျွင်းချင်သည် မျက်လုံးများကို မှိတ်ထားသည်။

"မင်းရဲ့စိုးရိမ်မှုအတွက် ကျေးဇူးတင်ပါတယ်စီနီယာအကိုဖမ်း “ ရှီကျင့်ရှန်က မတုန်မလှုပ်နဲ့ မျက်နှာမှာ အပြုံးမပျက်ပေ။

ရှီကျင့်ရှန်၏ ဘာမှမဖြစ်သလိုအကြည့်ကို မြင်လိုက်ရသဖြင့်  ဖမ်းကျွင်းချင်သည် နောက်ဆုံးတွင် စကားနဲ့ထိုးနှက်နေမှုကို ရပ်တန့်လိုက်သည်။ သူက တခြားဘာမှ မပြောပေ။

ရှီကျင့်ရှန်က ပြုံးပြီး အားလုံးကို ဘေးနားကို ခေါ်သွားသည်။

“ငါတို့ ဝိညာဉ်ဂူထဲကို ဝင်ပြီးရင် အားလုံး မတူညီတဲ့နေရာတွေကို  ထွက်ခွါသွားမယ်။ ဒီနေရာမှာ လူတိုင်းရဲ့ အရောင်အဝါကို စုပ်ယူထားတဲ့ တိုကင်အချို့ရှိတယ်။ ဒါနဲ့ဆို  အခြားသူတွေရဲ့ တည်နေရာတွေကို အကြမ်းဖျင်းသိရှိနိုင်ပြီး နောက်ပိုင်းမှာ အတူတကွစုဝေးနိုင်မယ်”

စကားပြောနေစဉ် ရှီကျင့်ရှန်သည် ၎င်းတို့တစ်ဦးစီအား တိုကင်တစ်ခုနှင့် သိုးသားရေစာလိပ်တစ်စောင် ပေးခဲ့သည်။

“ဝိဥာဉ်ဂူထဲမှာ အန္တရာယ်တွေနဲ့..လူတိုင်းက ဝိညာဉ်ဂူထဲဝင်ပြီး အခြားသူတွေကို အမြန်ရှာပြီး တွေ့ဆုံခြင်းက အကောင်းဆုံးပဲ” 

“ပြီးတော့  ဒါက ဝိညာဉ်ဥမင်လိုဏ်ဂူကို စူးစမ်းလေ့လာတဲ့အခါ ဂိုဏ်းရဲ့ ကျင့်ကြံသူသခင်က ရေးဆွဲထားတဲ့ မြေပုံတစ်ခုပဲ။ အထဲမှာ အထူးအန္တရာယ်ရှိတဲ့ နေရာအချို့ကို မှတ်သားထားတယ်။  ဝိဥာဉ်လှိုဏ်ဂူကို စူးစမ်းလေ့လာတဲ့အခါ ဒီနေရာတွေကို ရှောင်ဖို့ အကောင်းဆုံးကြိုးစားပါ။"

လူတိုင်းက ခေါင်းညိတ်ကြသည်။

ဝိဥာဉ်ဂူထဲမှာ ဝိညာဉ်သတ္တဝါတွေ အများကြီးရှိခဲ့သည်။  ဝိညာဉ်ရေးရာအနှစ်သာရကို စုပ်ယူပြီး ငြိမ်းချမ်းစွာ ကျင့်ကြံလိုလျှင် ဝိညာဉ်နတ်ဆိုးများမရှိသော ဆိတ်ကွယ်ရာအရပ်ကို ရှာတွေ့တာ သို့မဟုတ် ၎င်းတို့ကို စောင့်ကြပ်နေသော အဖော်များရှိနေတာက ကံကောင်းပေမည်။

ဤသည်မှာ ဝိညာဉ်ဂူထဲသို့ ဝင်ရောက်ရန် အဖွဲ့တစ်ဖွဲ့ကို ဖွဲ့စည်းရခြင်း၏ အကြောင်းရင်းတစ်ခုလည်း ဖြစ်သည်။ ဒါမှ သူတို့ အချင်းချင်း အလှည့်ကျ စောင့်ရှောက်ပြီး ကျင့်ကြံနိုင်မည်ပင်။

အားလုံးနားလည်သွားကြသည်ကိုမြင်တော့ ရှီကျင့်ရှန်က တခြားဘာမှ မပြောတော့ပေ။ သူသည် လှိုဏ်ဂူကို လှည့်ကြည့်ကာ ဝိညာဉ်ဂူဖွင့်မည့်အချိန်ကို စောင့်နေသည်။

ဝိညာဉ်လှိုဏ်ဂူသည် တစ်လလျှင် တစ်ကြိမ်သာ ဖွင့်သည်။ အကြိမ်တိုင်း မပိတ်မီ တစ်နာရီသာ ကြာသည်။

ပြန်ဖွင့်ချင်ရင်တော့ နောက်တစ်လစောင့်ရမှာပင်။

ခဏအကြာတွင် ကျယ်လောင်သော မိုးခြိမ်းသံသည် လှိုဏ်ဂူအတွင်းမှ ရုတ်တရက် ထွက်ပေါ်လာသည်။ လူတိုင်းသည် ဂူမျက်လုံးကို မသိစိတ်က ကြည့်လိုက်ကြသည်။

တစ်ချိန်ချိန်တွင် ဂူ၏အမှောင်မျက်လုံးထဲတွင် ငွေရောင်အလင်းတန်းကြီးတစ်ခု ပေါ်လာသည်။ ၎င်းသည် ဖြည်းဖြည်းချင်း နစ်မြုပ်သွားသည့် ရေဝဲလို အလင်းဘောလုံးတစ်ခုအဖြစ် ရောယှက်နေသည်။

ထိုနေရာအနီးရှိ  ကြီးကြပ်သူတစ်ဦးသည် ယင်းကိုမြင်သောအခါ ဝမ်းသာသွားခဲ့သည်။ သူက အသံမြှင့်ပြီး “အချိန်တန်ပြီ။ ဝိညာဉ်လှိုဏ်ဂူ ပွင့်သွားပြီ။ အားလုံး မြန်မြန်ဝင်ကြ။”

 ဖမ်းကျွင်းချင်နှင့် သူ၏အပေါင်းအဖော်များက အမြန်ဆုံးတုံ့ပြန်ခဲ့သည်။ ကြီးကြပ်သူက ပြောပြီးသည်နှင့် တုံ့ဆိုင်းမနေဘဲ တွင်းထဲသို့ ခုန်ဆင်းကာ ပျောက်ကွယ်သွားခဲ့သည်။

ဒါကိုမြင်တော့ ရှီကျင့်ရှန်က "အထဲဝင်ရအောင်" ဟု ပြောလိုက်သည်။

သူပြောပြီးသည်နှင့်တပြိုင်နက် သူ့ခန္ဓာကိုယ်ပေါ်ရှိ ၀တ်ရုံသည် အဖြူရောင်အလင်းတန်းများ ထွန်းတောက်ကာ သူ့ကို ကာကွယ်ပေးခဲ့သည်။ ထို့နောက် ဂူထဲသို့ ခုန်ဆင်းလိုက်သည်။

အခြားသူများသည် ၎င်းတို့၏ ၀တ်ရုံများကို အသက်သွင်းခြင်း သို့မဟုတ် ၎င်းတို့၏ ခန္ဓာကိုယ်ကိုခြုံရန် ၎င်းတို့၏ ဝိညာဉ်အနှစ်သာရကို ဖြန့်ကျက်ကြသည်။ ပေါက်ကွဲသံနှင့်အတူ သူတို့သည် တွင်းထဲသို့ နစ်မြုပ်သွားပြီး ပျောက်ကွယ်သွားကြသည်။

သိပ်မကြာခင်မှာဘဲ ဥမင်လှိုင်ခေါင်းမှာ ကြီးကြပ်သူကလွဲလို့ ဘယ်သူမှ မရှိတော့ပေ။

ဒါကိုမြင်တော့  လင်းရှန်ကနှောင့်နေးမနေတော့ပေ။ အတွေးတစ်ခုဖြင့် သူ၏ ၀တ်ရုံသည် မှုန်ဝါးသော အလင်းရောင်အဖြစ် ချက်ချင်း လင်းလက်သွားသည်။ လျင်မြန်စွာ လည်ပတ်နေသော ရေဝဲကို ကြည့်ရင်း အသက်ပြင်းပြင်းရှူကာ အောက်သို့ ခုန်ဆင်းလိုက်သည်။

လှိုဏ်ဂူထဲသို့ ဝင်လိုက်သည်နှင့် လင်းရှန်သည် ရုတ်တရက် သူ့ခန္ဓာကိုယ် အေးခဲသွားသလို ခံစားလိုက်ရသည်။ ပင်လယ်ထဲကျသွားသလို ခံစားရလေ၏  သူ့ကို မမြင်နိုင်သော စွမ်းအားတစ်ခုက အလိုအလျောက် ဖြိုခွင်းပြီး လုံးဝ မလွတ်မြောက်နိုင်တော့ပေ။ သို့သော် သူသည် ကောင်းကင်ကြယ်ပွင့်ဝတ်ရုံဖြင့် မိမိကိုယ်ကို ဂရုတစိုက်ကာကွယ်နိုင်ခဲ့သည်။

ထိုခံစားချက်​က ဘယ်​​လောက်​ကြာကြာ​ ဖြစ်နေမှန်းမသိပေ။

တစ်ချိန်ချိန်တွင် ပတ်ဝန်းကျင်မှ မမြင်နိုင်သော စွမ်းအားများ ပြင်းထန်လာသည်ကို ရုတ်တရက် ခံစားလိုက်ရပြီး ၎င်းက သူ့အား ပတ်ရစ်ကာ ပြေးဆင်းသွားခဲ့သည်။

နောက်အခိုက်အတန့်မှာတော့ အတားအဆီးတစ်ခုကို ဖြတ်ကျော်သွားသလို ခံစားရသည်။သူ့ခန္ဓာကိုယ်က ရုတ်တရက် ပေါ့ပါးလာပြီး အရင်က ဖိအားတွေ လုံးဝ ပျောက်ကွယ်သွားသည်။ သူ့အနေနဲ့  လွတ်လွတ်လပ်လပ် ဖြစ်သွားချေပြီ။

လင်းရှန်သည် လေထဲတွင် သူ့ကိုယ်သူ တည်ငြိမ်စေရန် လေဟုန်စီးခြင်းနည်းစနစ်ကို အလျင်အမြန် အသုံးပြုခဲ့သည်။ ထို့နောက် သူက လှည့်ပတ်ကြည့်သည်။

သူသည် မီတာ ၃၀၀ မှ ၄၀၀ ခန့်ကျယ်သော လှိုဏ်ဂူထဲတွင် ရှိနေသည်။ ၎င်းက အလွန်ကျယ်ဝန်းသည်။

အမိုးခုံးမှ တွဲလောင်းကျနေသော ကျောက်စက်ပန်းဆွဲများသည် ချွန်ထက်သော ကြေးတိုင်များကဲ့သို့ပင်။

နေရာတိုင်းတွင် အမည်မသိနေရာများဆီသို့ ဦးတည်သွားသော လိုဏ်ဂူများ ထူထပ်စွာ ပြည့်ကျပ်နေသည်။

“ဒါက ဝိညာဉ်ဂူရဲ့ အတွင်းပိုင်းလား။ အတော် ကျယ်ဝန်းပုံရတယ်”

လင်းရှန်သည် ခဏလောက် လှည့်ပတ်ကြည့်ရှုပြီး သူ့ပတ်ဝန်းကျင်ရှိ ဝိညာဉ်စွမ်းအင်များကို အာရုံစူးစိုက်ထားသည်။

“သိပ်သည်းတဲ့ ဝိညာဉ်ရေးရာအနှစ်သာရပဲ..အထက်အိမ်တော်က  ငါ့ခြံထက်တောင် ပိုကောင်းတယ်” လင်းရှန်သည် တိတ်တဆိတ် အံ့သြသွားသည်။

အထက်အိမ်တော်ရှိ သူ၏ခြံဝင်းသည် ထူးဆန်းသော အိမ်တော်အဆင့် လှိုဏ်ဂူတစ်ခုဖြစ်သည်။ နောက်တစ်ဆင့်မှာ နိုင်ယန်း​ကျောင်းနှင့် တူညီသော  အနှစ်သာရ စီရင်စုဖြစ်သည်။

သို့သော် နိုင်ယန်းကျောင်းကို ကျင့်ကြံသူသခင်များက ပြုပြင်မွမ်းမံခဲ့သည်။ ဝိညာဉ်ရေးရာ အနှစ်သာရအများစုကို သင်ကြားရေးခန်း၏ သစ်သား အဆောက်အအုံများ၊ ထူးဆန်းသောအိမ်တော်များ သို့မဟုတ် ဆရာများ၏ နေထိုင်ရာများတွင် စုစည်းထားသည်။

ထိုနေရာအနည်းငယ်မှလွဲ၍ အခြားနေရာများတွင် ဝိညာဉ်စွမ်းအင်သိပ်သည်းဆသည် ပြင်ပကမ္ဘာထက် အနည်းငယ်သာ သာလွန်သည်။

လင်းရှန်သည် နိုင်ယန်းကျောင်းတွင် တခါတလေမှ နေလေ့ရှိသောကြောင့် ခြားနားချက်ကို သူမသိပေ။

အနှစ်သာရ စီရင်စုရှိ ဝိညာဉ်ရေးရာစွမ်းအင်သည် မည်မျှကြွယ်ဝသည်ကို ယခုမှပင် သူ အမှန်တကယ် နားလည်လာခဲ့သည်။

လင်းရှန်သည်  နေကိုးစင်းကျမ်းကို ဖြန့်ကျက်ရန် ကြိုးစားပြီး သူ့ပတ်ဝန်းကျင်တွင် ကြွယ်ဝသော ဝိညာဉ်ရေးရာ အနှစ်သာရကို သူ၏ ချွေးပေါက်များကဲ့သို့ ချက်ချင်း ခံစားလိုက်ရသည်။

ခဏအကြာတွင် သူ၏စိတ်ဝိညာဉ်သည် အနည်းငယ် အားကောင်းလာသည်ဟု ခံစားလိုက်ရသည်။

လင်းရှန်က ဝမ်းသာသွားသည် ။ ဤမျှများပြားသော ဝိညာဉ်ရေးရာအနှစ်သာရနဲ့ဆို ဆိတ်ငြိမ်ရပ်ကို ရှာတွေ့နိုင်ပြီး သူ၏ကိုယ်ပွားများအားလုံးကို ဆင့်ခေါ်နိုင်လျှင် ကောင်းကောင်းကျင့်ကြံနိုင်မည်ဖြစ်သည်။ တစ်လအတွင်း တောက်ပသောဝင်ပေါက် နဝမအဆင့်သို့ ဝင်ရောက်ဖို့က ပြဿနာမဟုတ်တော့ပေ။

လင်းရှန်အနေနဲ့ ရှီကျင့်ရှန်နဲ့ တခြားသူတွေနဲ့ တွေ့ဆုံဖို့ အလျင်စလို မဖြစ်ခဲ့ပေ။

သူ့ပတ်ဝန်းကျင်မှာ ကိုယ်ပွားတွေနဲ့ ကျင့်ကြံတဲ့အခါ ဘယ်သူမှ သူ့ကို စောင့်ကြည့်ပေးစရာ မလိုပေ။ သူသည် အခြားသူများနှင့် ပေါင်းစည်းရန် လုံးဝမလိုအပ်ပေ။

နှိုင်းယှဥ်ကြည့်ရင် သူ့ဘာသာသူက ပိုလွတ်လပ်သည်။

တစ်ခုတည်းသောပြဿနာမှာဝိညာဉ်လှိုဏ်ဂူနှင့်ရင်းနှီးသော  အိုက်ကျင့်ထင်သာမရှိလျှင် မတော်တဆမှုတစ်ခုခု ဖြစ်သွားနိုင်သည်။

"ဒါပေမဲ့ အဲ့လိုအခြေအနေမျိုး အမှန်တကယ်ကြုံတွေ့လာမှ  သူတို့နဲ့ တွေ့ဆုံလည်း အချိန်မနှောင်းသေးပါဘူး”

လင်းရှန်သည်၏လက်ရှိခွန်အားဖြင့် ကျင့်ကြံသူအဆင့် ဝိညာဉ်နတ်ဆိုးတစ်ကောင်နှင့် မကြုံသရွေ့ လုံးဝ ပူပန်နေစရာ မလိုတော့ကြောင်း ခံစားမိသည်။

ဝိညာဉ်လိုဏ်ဂူထဲမှာ ဒီလိုနတ်ဆိုးတွေရှိခဲ့ရင်တောင်မှ အဲဒီနေရာကို စူးစမ်းလေ့လာခဲ့တဲ့ ဂိုဏ်း၏ ကျင့်ကြံသူသခင်တွေက တိုက်ခိုက်ပြီးတာ ကြာပြီပင်။ ထို့ကြောင့် စိုးရိမ်စရာ မလိုပေ။

 ငြိမ်သက်သွားပြီးနောက် လင်းရှန်သည် ရှီကျင့်ရှန်ပေးထားသည့် မြေပုံကို ထုတ်ပြီး ဂရုတစိုက်ကြည့်လိုက်သည်။