အခန်း (၁၀၅၉)

ကောင်းကင်နှင့်မြေကြီး၏စွမ်းအားများ ပြောင်းလဲသွားခဲ့လျှင် သူတို့ အသက်ရှင်လျက် ထွက်သွားနိုင်ရန် မသေချာတော့ပေ။

အပျက်အစီးနယ်မြေတွင် အရာအားလုံး ဖြစ်သွားနိုင်သည်။

“ကောင်းပြီ”

ရွှေအင်မော်တယ်ချွမ်လင်းက တုံ့ဆိုင်းနေပြီး အဆုံးတွင် ခေါင်းညိတ်လိုက်သည်။

ကျင့်ကြံခြင်းလောကတွင် လောဘစိတ်သည် ကြောက်စရာအကောင်းဆုံး ဖြစ်သည်။

လောဘစိတ် လွှမ်းမိုးလာလျှင် ဆိုးဝါးစွာ သေဆုံးရလိမ့်မည်။

“တာအိုရောင်းရင်းဟန်၊ ဒီကမ္ဘာရဲ့ မူလရင်းမြစ်အကြောင်းကို ပြောခဲ့တာ မှတ်မိသေးလား”

ရွှေအင်မော်တယ်ချွမ်လင်းက ဟန်မူယဲ့ကို ကြည့်လိုက်ပြီး တီးတိုးပြောသည်။

သူက ထိုအစီအစဉ်ကို ပြောပြခဲ့သည်။

ကျားဝိညာဉ်အပျက်အစီးနယ်မြေကို ဖျက်ဆီးလိုက်လျှင် မူလစွမ်းအားကို ရရှိပြီး အင်မော်တယ်ဘုရင်ဆီသို့ ဆက်သလိုက်မည်။

ဆုလာဘ်များအားလုံးသည် ဟန်မူယဲ့နှင့် သက်ဆိုင်လိမ့်မည်။

ဟန်မူယဲ့က အဝေးတစ်နေရာသို့ ကြည့်လိုက်ပြီး စကားမပြောပေ။

ရွှေအင်မော်တယ်ချွမ်လင်းက သူ့ကို ကြည့်လိုက်ပြီး ညင်သာစွာ သက်ပြင်းချသည်။ သူက လက်နှစ်ဖက်ကို ဆုပ်ကိုင်၍ နှုတ်ဆက်လိုက်ပြီး လှည့်ထွက်သွားသည်။

ဤကမ္ဘာတွင် ပြင်ပကမ္ဘာမှ ရောက်လာသောလူများသည် ကမ္ဘာတစ်ခုလုံးကို ဖျက်ဆီးရန် စွမ်းအားမရှိပေ။

ဟန်မူယဲ့ကသာ ထိုစွမ်းအားမျိုးကို ပိုင်ဆိုင်လိမ့်မည်။

သို့သော် ဟန်မူယဲ့က မိစ္ဆာဘုရင်ရှစ်ကျန်းနှင့် ရင်းနှီးသောကြောင့် ထိုသို့ ဆောင်ရွက်မည်မဟုတ်ပေ။

ဟန်မူယဲ့က တခြားအပျက်အစီးနယ်မြေများကို ထပ်မံဝင်ရောက်ပြီး အတွေ့အကြုံများလာခဲ့လျှင် ခံစားချက်များက ရှုပ်ထွေးနေပြီး နောက်ဆုံးတွင် ရွေးချယ်မှုပြုလုပ်လိမ့်မည်။

အလျင်လိုရန် မလိုအပ်ပေ။

ရက်အနည်းငယ်အတွင်း၌ ရွှေအင်မော်တယ်ချွမ်လင်းနှင့် တခြားကျင့်ကြံသူများက တိတ်ဆိတ်စွာ ထွက်သွားကြသည်။

ရက်တစ်ရာအကြာတွင် ကမ္ဘာတစ်ခုလုံးက ဟိန်းဟောက်သံကို ကြားလိုက်ရသည်။

ဟန်မူယဲ့က အစိမ်းရောင်ဓားအလင်းအဖြစ် ပြောင်းလဲ၍ ပျံသန်းသွားပြီး မိစ္ဆာဘုရင်ရှစ်ကျန်း၏ဘေးတွင် ရှိနေသည်။

“ညီလေး၊ တကယ်လို့ ငါက ဒီအမဲလိုက်ပွဲမှာ သေဆုံးသွားခဲ့ရင် ဒီကမ္ဘာကနေ ထွက်သွားပါတော့”

မိစ္ဆာဘုရင်ရှစ်ကျန်းက ဟန်မူယဲ့ကို ကြည့်လိုက်ပြီး ညင်သာစွာပြောသည်။

“ကောင်းပြီ”

ဟန်မူယဲ့က နောက်ထပ် စကားမပြောခဲ့ပေ။

မိစ္ဆာဘုရင်ရှစ်ကျန်းက ရယ်မောလိုက်ပြီး ပေတစ်သောင်းကြီးမား‌သော ကျားဖြူအဖြစ် ပြောင်းလဲ၍ ပြေးထွက်သွားသည်။

သူ့ရှေ့တွင် မိစ္ဆာအလင်းသုံးခု ရှိနေသည်။

“ဘုန်း”

ချက်ချင်းဆိုသလိုပင် တိုက်ပွဲတစ်ခု ဖြစ်ပေါ်လာသည်။

ဟန်မူယဲ့က ဓားရိုးကို တင်းကျပ်စွာ ဆုပ်ကိုင်လိုက်သည်။

အင်မော်တယ်သတ်ဖြတ်ခြင်းဓား ....

ထိုဓားသည် အဆုံးမရှိသော သွေးချီစွမ်းအားမှ ဖြစ်ပေါ်လာပြီး အင်မော်တယ်သခင်များကို သတ်ဖြတ်နိုင်သည်။ အင်မော်တယ်ဘုရင်ကို ဒဏ်ရာရစေနိုင်သည်။

ဓားအလင်းသည် မိုင်ထောင်ချီအကွာအဝေးကို ကျော်ဖြတ်ပြီး အနက်ရောင်ဝတ်စုံနှင့် လူအိုကြီးတစ်ယောက်ကို တိုက်ခိုက်သည်။

ဟန်မူယဲ့က ပျံထွက်သွားပြီး လျင်မြန်စွာ လှုပ်ရှားသည်။

ယခုအချိန်တွင် သူက အစစ်အမှန်ဓားအင်မော်တယ်တစ်ယောက်၏ ပုံစံကို ဖော်ပြနေသည်။

သူက ဓားတစ်လက်ဖြင့် မိစ္ဆာဘုရင်နှစ်ယောက်ကို ဖိနှိပ်ထားသည်။

မိစ္ဆာဘုရင်ဝူကျန်းက ပေတစ်သောင်းရှည်လျားသော မြွေတစ်ကောင်အဖြစ် အသွင်ပြောင်းသွားသည်။ သူက ပါးစပ်ဖွင့်လိုက်ပြီး အမြီးဖြင့် ရိုက်ချသည်။ သူ၏ အမြီးရိုက်ချက်တိုင်းသည် တောင်တန်းများကို ပျက်စီးစေနိုင်သည်။

မိစ္ဆာဘုရင်ထူရှန်းက ပေတစ်သောင်းကြီးမားသော သစ်သားရုပ်အဖြစ် ပြောင်းလဲသွားသည်။ သူက လက်ထဲတွင်ရှိသော တောင်ဝှေးကို ဝှေ့ယမ်းလိုက်ပြီး မရေမတွက်နိုင်သော သစ်ပင်များကို ထိန်းချုပ်သည်။ ထို့နောက် ဖောက်ခွဲပစ်လိုက်သည်။

ပျံသန်းထွက်လာသော သစ်သားဆူးချွန်များအားလုံးသည် ရွှေအင်မော်တယ်တစ်ယောက်ကို သတ်ဖြတ်ပစ်နိုင်သည်။

ထိုမိစ္ဆာဘုရင်နှစ်ယောက်၏ တိုက်ခိုက်နိုင်စွမ်းသည် ဤကမ္ဘာ၏ အထွတ်အထိပ်တွင် တည်ရှိသည်။

သို့သော် သူတို့က ဟန်မူယဲ့၏ ဓားချက်ကို မတားဆီးနိုင်ကြပေ။

နောက်ပြန်ဆုတ်ရန် ရည်ရွယ်ချက်မရှိသော ဟန်မူယဲ့က မိစ္ဆာဘုရင်ဝူကျန်း၏ အမြီးရှည်ကို ဓားအလင်းဖြင့် ဖြတ်တောက်လိုက်သည်။

အင်မော်တယ်သတ်ဖြတ်ခြင်းဓားသည် ရေပြင်ညီအတိုင်း ခုတ်ချလိုက်ပြီး သစ်သားဆူးချွန်များကို ပေါက်ကွဲသွားစေသည်။

အမြီးပြတ်နေသော မိစ္ဆာဘုရင်ဝူကျန်းက ထွက်ပြေးသွားခဲ့သည်။

ဟန်မူယဲ့က တစ်ဖက်သို့ လှည့်ကြည့်သည်။ သူ့လက်ထဲတွင်ရှိသော ဓားအလင်းသည် ပေတစ်သောင်းရှည်လျားလာပြီး မိစ္ဆာဘုရင်ထူရှန်း၏ သစ်သားရုပ်သေးကို ဖြက်တောက်သည်။

သို့သော် သစ်သားရုပ်သေးရုပ် ပေါက်ကွဲသွားသောအချိန်တွင် အစိမ်းရောင်အလင်းတန်းတစ်ခုက ဟန်မူယဲ့၏ ခန္ဓာကိုယ်ကို လွှမ်းခြုံသွားခဲ့သည်။

ပူးကပ်ခြင်း ဖြစ်သည်။

မိစ္ဆာဘုရင်ထူရှန်းက ဤကမ္ဘာ၏ သက်ရှိ မဟုတ်ပေ။ သူက အပြင်ကမ္ဘာ၏ ကိုယ်ပွားတစ်ခု ဖြစ်သည်။

“ရပ်စမ်း”

လူဝံနှင့် တိုက်ခိုက်နေသော မိစ္ဆာဘုရင်ရှစ်ကျန်းက အော်ဟစ်လိုက်သည်။

သို့သော် သူက တိုက်ပွဲမှ ထွက်မလာနိုင်ပေ။

ဟန်မူယဲ့ကို အစိမ်းရောင်အလင်းက လွှမ်းခြုံထားသည်။ အစိမ်းရောင်ပုံရိပ်တစ်ခုသည် သူ၏ စိတ်နယ်ပယ်ထဲသို့ ရောက်လာသည်။

“ဟမ့်၊ ဒီအင်မော်တယ်သခင်က နှစ်ပေါင်းမရေမတွက်နိုင်အောင် အစီအစဉ်ချထားခဲ့တယ်။ အခု မင်းကြောင့် ပျက်စီးရတော့မလို့ပဲ”

“ကျားဝိညာဉ်အပျက်အစီးကမ္ဘာနဲ့ ပတ်သတ်ပြီး ငါက အင်မော်တယ်ဘုရင်ချန်ယွမ်ကို သတင်းပို့ထားပြီးပြီ။ မင်းက ငါ့အစီအစဉ်ကို ဖျက်ဆီးခဲ့ရင် မင်းရဲ့မူလခန္ဓာကိုရှာပြီး သတ်ပစ်မယ်”

အစိမ်းရောင်ပုံရိပ်က ဒေါသထွက်နေပြီး လက်မြှောက်သည်။ မရေမတွက်နိုင်သော အစိမ်းရောင်အလင်းတန်းများသည် ဟန်မူယဲ့၏ စိတ်နယ်ပယ်ကို လွှမ်းခြုံသွားသည်။

ထိုအလင်းတန်းများက စိတ်နယ်ပယ်ကို အပြည့်အဝ လွှမ်းခြုံလိုက်လျှင် သူက ဟန်မူယဲ့၏ ခန္ဓာကိုယ်ကို ထိန်းချုပ်နိုင်လိမ့်မည်။

ဟန်မူယဲ့၏ခန္ဓာကိုယ်ကို ထိန်းချုပ်နိုင်လျှင် အရာအားလုံးကို ရှင်းပစ်နိုင်လိမ့်မည်။

“သတ်”

ဟိန်းဟောက်သံနှင့်အတူ အလင်းတန်းများက စုစည်းသွားပြီး ကြမ်းတမ်းသောစွမ်းအားတစ်ခု ပေါ်ထွက်လာသည်။

သို့သော် ထိုစွမ်းအားကို ဓားအလင်းက တားဆီးလိုက်သည်။

အင်မော်တယ်သတ်ဖြတ်ခြင်းဓား ဖြစ်သည်။

“မူလဝိညာဉ်ဓား”

အစိမ်းရောင်ပုံရိပ်က မျက်လုံးပြူးသွားပြီး အစိမ်းရောင်ဓားကို ကြည့်နေခဲ့သည်။

“မင်း .... မင်းက ဘယ်သူလဲ”

“ကောင်းကင်တစ်သောင်းမြို့မှာ မင်းလိုကျွမ်းကျင်သူမျိုး ဘယ်လိုလုပ်ပြီး ရှိနေတာလဲ”

အစိမ်းရောင်ပုံရိပ်က လှုပ်ရှားလိုက်ပြီး စိတ်နယ်ပယ်ထဲမှ ထွက်ပြေးသွားရန် ကြိုးစားသည်။

ဝိညာဉ်တိုက်ပွဲတွင် အလွန်သိပ်သည်းနေသော မူလဝိညာဉ်ဓားထက် မည်သည့်အရာက အားကောင်းနိုင်မည်နည်း။

“ဝီ”

မူလဝိညာဉ်ဓားက လှုပ်ရှားလိုက်ပြီး အစိမ်းရောင်ပုံရိပ်ကို ခုတ်ချသည်။

“မင်းက သေချင်နေတာပဲ”

ပြန်လည်စုစည်းနေသော အစိမ်းရောင်ပုံရိပ်က အံကြိတ်ထားပြီး ဒေါသတကြီး ပြောသည်။

“ရွှပ် ....”

ဓားချက်က ထပ်မံကျဆင်းလာသည်။ အစိမ်းရောင်ပုံရိပ်က ပျက်စီးသွားပြန်သည်။

“မင်းစောင့်နေလိုက်။ ငါက မင်းရဲ့ မူလခန္ဓာကို ရှာတွေ့ရင် ....”

“ရွှပ်”

“ချမ်းသာပေးပါ”

“ရွှပ်”

ဟန်မူယဲ့က မျက်လုံးဖွင့်လိုက်သောအချိန်တွင် ခန္ဓာကိုယ်ကို လွှမ်းခြုံထားသော အစိမ်းရောင်အလင်းက ပျောက်ကွယ်သွားခဲ့သည်။

အင်မော်တယ်သခင်၏ ကိုယ်ပွားသည် သူ၏ အင်မော်တယ်သတ်ဖြတ်ခြင်းဓားအတွက် အာဟာရတစ်ခုသာ ဖြစ်သည်။

အဝေးတစ်နေရာတွင် ကျားဖြူက အစွမ်းကုန်ထုတ်သုံးပြီး လူဝံကို တွန်းထုတ်လျက် သူ့ဆီသို့ ပြေးဝင်လာသည်။

ဟန်မူယဲ့က ပြုံးလိုက်ပြီး ဓားကို ဝှေ့ယမ်းသည်။

“ဘုန်း”

ဓားအလင်းသည် လူဝံပုံရိပ်ကို တိုက်ခိုက်လိုက်သည်။

လူဝံ၏မျက်နှာထားက ပြောင်းလဲသွားသည်။ ကျားဖြူက ဟိန်းဟောက်သည်။

ဟန်မူယဲ့က ပျံသန်းလာပြီး ဓားအလင်းကို ထုတ်ဖော်သည်။

ထိုတိုက်ပွဲသည် မိုင်တစ်သိန်းပတ်ဝန်းကျင်ကို ပျက်စီးသွားစေခဲ့သည်။

ကောင်းကင်နှင့်မြေကြီးက ပြိုကျသွားတော့မည်ဟု ထင်ရသည်။

အဆုံးတွင် ဟန်မူယဲ့နှင့် မိစ္ဆာဘုရင်ရှစ်ကျန်းက ပူးပေါင်းပြီး လူဝံကြီးကို သတ်ဖြတ်ခဲ့သည်။

လူဝံကို သတ်ဖြတ်လိုက်သောအချိန်တွင် မိစ္ဆာဘုရင်ရှစ်ကျန်း၏ ခန္ဓာကိုယ်က အားကောင်းသော သွေးချီစွမ်းအားကို ထုတ်လွှတ်သည်။

သူက အဆင့်တက်သွားသည်။

အင်မော်တယ်သခင်အဆင့် ဖြစ်သည်။

ရက်တစ်ရာအကြာတွင် မိစ္ဆာဘုရင်ရှစ်ကျန်းက လှုပ်ရှားခဲ့သည်။ သူက ပင်လယ်အောက်တွင် ပုန်းအောင်းနေသော အမြီးပြတ်နေသည့် မြွေမိစ္ဆာကို သတ်ဖြတ်လိုက်သည်။

ထို့ကြောင့် မဟာမိစ္ဆာဘုရင်သုံးပါး ကျဆုံးသွားခဲ့သည်။

ကျားဝိညာဉ်ကမ္ဘာတွင် မိစ္ဆာဘုရင်တစ်ပါးသာ ကျန်တော့သည်။

မိစ္ဆာဘုရင်ရှစ်ကျန်း ဖြစ်သည်။

“ညီလေး၊ ဘာလိုချင်လဲ”

မိစ္ဆာဘုရင်ရှစ်ကျန်းက ဟန်မူယဲ့ကို ကြည့်လိုက်ပြီး ညင်သာစွာပြောသည်။

သူက ရင်ဘတ်ကို ပုတ်လိုက်ပြီး အာမခံသည်။

“မင်းလိုချင်တာမှန်သမျှ ငါပေးနိုင်တယ်”

“ဘာလိုချင်လဲ ....”

ဟန်မူယဲ့က ပတ်ဝန်းကျင်ကို ကြည့်သည်။

ကျားဝိညာဉ်ကမ္ဘာသည် နံရိုးထဲတွင် သူမြင်ခဲ့သောကမ္ဘာနှင့် အတူတူပင်ဖြစ်သည်။

အရာအားလုံးက အမှန်တကယ်ပင် တူညီနေသည်။

သူက မိစ္ဆာဘုရင်ရှစ်ကျန်းကို ကြည့်သည်။

ရှစ်ကျန်း၊ ကျားဝိညာဉ် ....

သူ့မျက်နှာက တောက်ပနေပြီး ညင်သာစွာ ‌ခေါင်းညိတ်သည်။

“ဒီကမ္ဘာက မဆိုးဘူး”

ဟန်မူယဲ့က လက်မြှောက်ပြီး ကျောက်စိမ်းဖြူအရိုးကို မိစ္ဆာဘုရင်ရှစ်ကျန်းဆီသို့ ပေးလိုက်သည်။

မိစ္ဆာဘုရင်ရှစ်ကျန်းက အရိုးကို ဖမ်းယူသည်။ နံရိုး၏ ထူးခြားသော အစိမ်းရောင်အလင်းသည် သူ့ခန္ဓာကိုယ်ကို ရစ်ပတ်သွားသည်။

အစိမ်းရောင်အလင်း ပျောက်ကွယ်သွားသောအခါတွင် သူက စိတ်လှုပ်ရှားစွာ ခေါင်းမော့ကြည့်သည်။

သို့သော် ဟန်မူယဲ့က ပျောက်ကွယ်သွားခဲ့သည်။

“အစ်ကိုကြီး”

“ခင်ဗျားပြန်လာပြီ။ ခင်ဗျား ပြန်လာပြီ ....”

“ကျားဝိညာဉ်က ဒီမှာ ကပ်ဘေးခေတ်နှစ်ခုကြာအောင် စောင့်ဆိုင်းခဲ့ရတယ်။ နောက်ဆုံးမှာတော့ အစ်ကိုကြီးကို ပြန်တွေ့ခဲ့ပြီ ....”

မိစ္ဆာဘုရင်ရှစ်ကျန်းက ပတ်ဝန်းကျင်ကို ကြည့်လိုက်ပြီး မျက်ရည်များ စီးကျလာသည်။

သူက လက်ထဲတွင်ရှိသော နံရိုးကို ဆုပ်ကိုင်ထားပြီး မျက်လုံးများက တောက်ပလာသည်။

“အစ်ကိုကြီးကို လာရှာမယ်။ ကျွန်တော့်ကို စောင့်နေပါ”

ကျားဝိညာဉ်အပျက်အစီးနယ်မြေ၏ အပြင်ဘက်တွင် ဟန်မူယဲ့ ပြန်ပေါ်လာသည်။

သူက မျက်လုံးဖွင့်လိုက်သည်။

သူ့မျက်နှာထားက ရှုပ်ထွေးနေပြီး အောက်တွင်ရှိသော တောင်တန်းကို ကြည့်သည်။

သူက ကိုယ်ပွားကို ပြန်သိမ်းလိုက်သောအခါ ပုံရိပ်ယောင်ကမ္ဘာတွင် ကျင့်ကြံခဲ့သော အရာအားလုံးက ပျောက်ကွယ်သွားသည်။

သူ၏ ရတနာအချို့ကိုသာ ပြန်ယူနိုင်ခဲ့သည်။

ကျားဝိညာဉ်အပျက်အစီးနယ်မြေတွင် သူရရှိလာသော ရတနာအများစုကို ရွှေအင်မော်တယ်ချွမ်လင်းနှင့် တခြားလူများက ထုတ်ယူပေးခဲ့သည်။

အနာဂတ်တွင် သူက ဤနေရာသို့ ထပ်လာရန် မလိုတော့ပေ။