နတ်မီးလုံး ထွက်လာပြီ

နတ်မီးနယ်ပယ်တွင် အချို့သော အခြေအနေများ ရှိနေသရွေ့ ၎င်းတို့သည် နတ်မီး၉လုံးကို မွေးမြူရန် အခွင့်အရေး ရှိသည်။ ထိုအခါ နတ်မီးနယ်ပယ် နဝမအဆင့်သို့ ရောက်ရှိပြီးသည့်နောက် မျှော်စင်နယ်ပယ်သို့ အောင်မြင်စွာ ဝင်ရောက်နိုင်မည် ဖြစ်သည်။

ရှဲ့ကျားစုန့် ကဲ့သို့ပင်။ သူသည် အနည်းဆုံးတော့ မိသားစုတစ်စု အကြီးအကဲ ဖြစ်ပြီး အရင်းအမြစ်အချို့ရှိသည်။ ထို့အပြင် မြေကမ္ဘာလို ဝိညာဉ်စွမ်းအင်များ ပေါများသောနေရာ၌ နတ်မီးကိုးလုံးကို ပေါင်းစည်းရန်မှာ ခက်ခဲသည် မဟုတ်။

ပါရမီရှင်များစွာပင်လျှင် တားမြစ်လူသားနှင့် တားမြစ်ကောင်းကင် အထိ လေ့ကျင့်နိုင်သည်။ များပြားလှသော ဝိညာဉ်စွမ်းအင်နှင့် ခိုင်လုံသော နိယာမများက မြေကမ္ဘာထဲ၌ ကျင့်ကြံမှုကို ပြီးမြောက်စေနိုင်သည်။

သို့သော် နတ်မီးနယ်ပယ် အဆင့်၉ကို လေ့ကျင့်ထားပြီးနောက် အဆင့်၁၀ကို ဆက်လက် တိုက်ခိုက်လိုပါက အခက်အခဲက သိသိသာသာ တိုးလာမည်ဖြစ်သည်။ ပါရမီပါလို လိုရုံသာမက ကြွယ်ဝသော အရင်းအမြစ်များလည်း မရှိမဖြစ် လိုအပ်သည်။

ထို့ကြောင့်လည်း ယေဘူယျအားဖြင့် တားမြစ်မြေကြီးနဲ့ တားမြစ် ကောင်းကင်အထက်ရှိ သူများသာ အဆင့်၁၀ကို ဆက်လက် တိုက်ခိုက်နိုင်သော ပါရမီရှင်များ ​ဖြစ်ပေသည်။ တုံးထန်းဂိုဏ်း၏ တိုက်ရိုက်တပည့် တစ်ဦးဖြစ်သည့် သခင်လေးရှောင်းရောင် ကဲ့သို့ပင် နတ်မီးနယ်ပယ်၏ အဆင့်၁၀ သို့ ရောက်ရှိရန်မှာ သဘာဝအားဖြင့် မခက်ခဲပေ။

သူတို့ နှစ်ယောက် တော်တော်များများ တွေ့ဖူးကြပေမယ့် ခေါင်းထိပ်မှာ နတ်မီးလုံးကို ထွန်းညှိထားတဲ့ သူတစ်ယောက်မှ မတွေ့ဖူးပါဘူး။ ပထမဆုံး အခြေခံကျ​သော နတ်မီးလုံးအဖြစ် နတ်မျှော်စင်မီးလုံးက အလွန်အရေးပါသော မျက်ခုံးများကြားတွင် နေရာယူထားသည်။

ထုံးစံအတိုင်း အနာဂတ်တွင် လေ့ကျင့်ရမယ့် နတ်မီးလုံးက ထိုမျက်ခုံးကြားရှိ အနေအထားထက် မမြင့်သင့်ပါ။ ဤအရာသည် ကျင့်ကြံသူ အားလုံးနီးပါးဆီက အသိအမှတ် ပြုခံထားရသော အရာဖြစ်သည်။ ယခု မမျှော်လင့်ဘဲ လုရွှမ်ခေါင်းထဲမှ နတ်မီးတစ်လုံး ထွက်ပေါ်လာသည်ကို မြင်လိုက်ရချေပြီ။

"ဦးလေး အဲဒါ နတ်သလင်းကျောက်ပဲ!"

အံ့သြသွားပြီးနောက် သခင်လေးရှောင်းရောင်က မကြာမီတွင် လုရွှမ်၏ နတ်မီးသည် တခြားလူများ၏ နတ်မီးကဲ့သို့ မဟုတ်တော့ဘဲ သလင်းကျောက်အဖြစ် ပေါင်းစပ်သွားကြောင်း တွေ့လိုက်ရသည်။

တုံးထန်းဂိုဏ်း၏ တိုက်ရိုက်တပည့် တစ်ယောက်အနေဖြင့် သူသည် နတ်မီးအား အလွန်အမင်း ပေါင်းစည်းပြီးမှသာ ၎င်းသည် သလင်းကျောက်အဖြစ်သို့ ပြောင်းလဲသွားမည် ဖြစ်ကြောင်း နားထည်ထား၏။

ထိုကဲ့သို့သော နတ်မီးသည် အကန့်အသတ်မရှိ အစွမ်းထက်ပြီး ပြီးပြည့်စုံသောအခါတွင် ၎င်းသည် နတ်မီးကိုယ်တိုင်အတွက် တုံ့ပြန်မှုတစ်မျိုး ရှိလာမည်။ ထို့နောက်တွင် ၎င်းသည် သဘာဝအလျောက် ထွက်ရှိလာမည့် နတ်မီးတစ်ခုဖြစ်သည်။

တခြား နတ်မီးနယ်ပယ်က လူတွေလို လုပ်နေရန်မလိုအပ်ဘဲ မျှော်စင်နယ်ပယ်သို့ ဖြတ်သွားလိုပါက နတ်မီးလုံးများကို ထိုနတ်သလင်းကျောက်ဖြင့် ချိတ်ဆက်ထားရန်သာ လိုအပ်ပါသည်။ ရှဲ့ကျားစုန့်လည်း အမှန်ပင် နတ်ဘုရားလို သလင်းကျောက် ဖြစ်ကြောင်းကို နားလည်နေပါပြီ။

လုရွှမ်ခန္ဓာကိုယ်ကို မြင်လိုက်ရသောအခါတွင် သူ့ဦးခေါင်းထိပ်ရှိ ပိုင်​ဟွေ့ အမှတ်ပေါ်က လိမ္မော်ရောင် နတ်ဘုရား သလင်းကျောက်သည် ပြီးပြည့်စုံသွားသောအခါ လုရွှမ်၏ ဘယ်ဘက်ပခုံးသည်လည်း တဖြည်းဖြည်း တောက်ပလာသည်။

မျက်ခုံးအလယ်ဗဟိုတွင် အနီရောင် နတ်မီးလုံးသည် ပြီးပြည့်စုံပြီး အနီရောင် အလင်းက လူတို့၏မျက်လုံးများကို ကန်းစေနိုင်လောက်အောင် တောက်ပလာသည်။ နတ်မီးလုံးနှစ်လုံးသည် သဘာဝအတိုင်း တစ်ခုနှင့်တစ်ခု ဆက်စပ်နေ၏။ ထို့နောက် ဘယ်ဘက်ပခုံးပေါ်မှ တက်လာသော နတ်မီးလုံးကလည်း အလင်းတန်းများ ဖြာထွက်နေသည်။

နတ်မီးလုံးမှ အဝါရောင် ဖျော့ဖျော့လေး ထွန်းတောက်ပြီး တတိယနတ်မီးကို ထွန်းညှိလိုက်သည်။

အလင်းရောင်က တဖြေးဖြေး ပြိုးပြိုးပြက်ပြက် ဖြစ်လာကာ ရှေ့သို့ အရှိန်အဟုန်ဖြင့် ပြေးထွက်သွားကာ မှောင်မိုက်နေသော တိမ်တိုက်များကို ဖြတ်ကျော်ရုံသာမက တောင်တန်းများနှင့် မြစ်များကို ဖြတ်ကျော်ကာ အဝေးသို့ ပြေးဝင်လာသည်။ အချိန်အတော်ကြာပြီးနောက် ရှဲ့ကျားစုန့်တို့နှစ်ဦးစလုံးသည် နတ်မီးများက မိုင်ဘယ်​လောက်အထိ တောက်လောင်ခဲ့ကြောင်း မခန့်မှန်းတတ်တော့ချေ။

သို့သော် တခြားသော ပါရမီရှင် များစွာ၏ အဆုံးကို ကျော်လွန်နေပြီဖြစ်သည်။

လုရွှမ် ကျေနပ်စွာ ခေါင်းညိတ်လိုက်သည်။ ရှဲ့ဖေးဖေးသာ သူ့ကို ကယ်တင်ဖို့ မစတေးခဲ့ဘူးဆိုရင် ဒါတွေ ဖြစ်လာမည်မဟုတ်။ သူ့ခန္ဓာကိုယ်ပေါ်က အလင်းရောင်က ဘာကြောင့် တက်လာမယ်ဆိုတာ မသိပေမယ့် လုရွှမ်ရဲ့ အမြင်အရတော့ အခုအချိန်မှာ အရာအားလုံးကို ပံ့ပိုးပေးခဲ့တဲ့ ရှဲ့ဖေးဖေး​ကြောင့်ပါပဲ။

ရှဲ့ဖေးဖေးဖး မျက်ခုံးများကြားမှ နတ်မီးတစ်ခုလည်း လင်းလက်သွားသည်။ မှိတ်တုတ်မှိတ်တုတ် အနီရောင်အလင်းတန်းသည် လုရွှမ်၏ နတ်ဘုရား သလင်းကျောက်ထက် လျှို့ဝှက်ဆန်းကြယ်မှု နည်းပါးသော်လည်း ၎င်းသည် ထူးထူးခြားခြား ခိုင်ခံ့ပြီး တက်ကြွမှုအပြည့်ဖြင့် တောက်ပနေပုံရသည်။

ရှဲ့ကျားစုန့်လည်း ၎င်းကို အံ့သြပြီး သံသယဖြင့် ကြည့်နေမိသည်။ သူ့သမီးများရဲ့ ကျင့်ကြံမှုအဆင့်ကို သူ သဘာဝကျကျ သိသည်။ ၇လေး၏ အရည်အချင်းသည် အလွန်ကောင်းမွန်သော်လည်း သူမ၏ ပင်ကိုယ်စရိုက်သည် မိုက်မဲပြီး ပျော်ပျော်သာ နေတတ်လို့ တိုးတက်မှုမှာ သဘာဝအားဖြင့် အဆိုးဆုံးဖြစ်သည်။

လွန်ခဲ့သည့် တစ်နှစ်ကပင် ၇လေးက နတ်မီးကို ထွန်းညှိခဲ့သည်။ ယခုက သူမ ပထမဆုံးနတ်မီးကို စတင်လောင်ကျွမ်းသည့် အချိန်ထက်ပင် ပို၍ပြင်းထန်ကြောင်း သူသတိပြုမိလာခဲ့သည်။ သူ နတ်မီးနယ်ပယ်၌ ရှိစဉ်ကထက် အနည်းငယ် ပိုပြင်းထန်သည်။

ရှဲ့ကျားစုန့်၏ မျက်လုံးများက လုရွှမ်ကို တစ်ချက် ကြည့်လိုက်၏။ သူ့သမီးအတွက် အပြောင်းအလဲများကို ယူဆောင်လာသည်မှာ တစ်နှစ်သာ ရှိသေးသော်လည်း သူမသည် လုံးဝ ပြောင်းလဲသွားလေပြီ။

ရုတ်တရက် ရှဲ့ဖေးဖေး၏ နတ်မီးလုံးသည် စတင်ထွန်းလင်းလာ၏။ ထို့နောက်တွင် အနီရောင်နတ်မီးသည် တဖြည်းဖြည်း ပြင်းထန်လာကာ လုရွှမ်ဦးခေါင်းပေါ်ရှိ ပိုင်ဟွေ့နတ်မီးလုံး ကဲ့သို့ပင် ရောင်ဝါသည် ပို၍ပို၍ အားကောင်းလာသည်။

"ဘယ်လိုမှ မဖြစ်နိုင်ဘူး"

သခင်လေးရှောင်းရောင်မှာ သန်ကောင်တစ်ရာလောက် စားလိုက်သလိုပဲ သူ့စိတ်ထဲမှ အင်မတန် ခံပြင်းနေ၏။

ရှဲ့ဖေးဖေး၏ နတ်မီးသည် ပိုမိုတောက်ပလာပြီး အလင်းသည် ကန့်သတ်ချက်တစ်ခုသို့ ရောက်ရှိသွားကာ နတ်သလင်းကျောက်တစ်ခု ဖြစ်ပေါ်လာ​လေသည်။ လုရွှမ်ရဲ့ နတ်သလင်းကျောက်ထက် အရွယ်အစားက အနည်းငယ်ကွာခြားသော်လည်း ၎င်းသည် နတ်မီးမှ သလင်းကျောက် အဖြစ်သို့ ပြောင်းလဲသွားကြောင်း သံသယ မရှိနိုင်ပေ။

ထို့နောက် မျက်ခုံးကြားရှိ နတ်မျှော်စင်မီးလုံး၏ လမ်းညွှန်မှုအောက်တွင် သူမ ဘယ်ဘက်ပခုံးပေါ်မှ အလင်းရောင်က လိမ္မော်ရောင် အလင်းများဖြငံ လျင်မြန်စွာ ထွန်းတောက်လာသည်။

တဖြည်းဖြည်း တောက်ပလာပြီး အလင်းသည် အနည်းဆုံး မိုင်ငါးသန်းအထိ ပျံ့နှံ့သွားသည်။ နတ်မီးသည် မြေကြီးပေါ်သို့ ဆင်းသက်လာသော နတ်သမီးကဲ့သို့ အလင်းရောင် နှစ်မျိုးဖြင့် သူမ၏ ခန္ဓာကိုယ်ကို ဖုံးလွှမ်းသွားကာ လူများကို သူမအား တိုက်ရိုက် မကြည့်ဝံ့​စေပေ။

နောက်ဆုံးတွင် သူမခန္ဓာကိုယ်ပေါ်ရှိ ရောင်ဝါများ မှိန်ဖျော့သွားကာ အလင်းတန်း ၂ခုက သူမခန္ဓာကိုယ်ဆီသို့ ပြန်လည် ရောက်ရှိလာခဲ့သည်။

နတ်မီးနယ်ပယ် ဒုတိယအဆင့်တွင် နတ်မီးသုံးလုံးကို ထွန်းညှိပေးထားကာ ၎င်းတို့အနက်မှ တစ်ခုသည် မျက်ခုံးတစ်ဖက်မှ ကျော်လွန်သွားကာ ခေါင်းပေါ်တွင် တင်ထားသည်။ ထင်ရှားသည်မှာ အရည်အချင်း၊ ယွမ်စွမ်းအင် နှင့် အလားအလာနှစ်ခု၏ ဆက်စပ်နေသော ခြားနားချက်တစ်ခု ရှိနေသည်မှာ ထင်ရှား​ပေသည်။

သို့သော် လုရွှမ်ကတော့ သဘာဝကျကျ ရှဲ့ဖေးဖေးထက် သာလွန်နေပါသည်။ ယခုအချိန်တွင် ရှဲ့ကျားစုန့်လည်း အလွန်နောင်တရနေ​ပြီ။ သူ့သမီးရဲ့ အရည်အချင်းက ဘာလဲဆိုတာ သူကောင်းကောင်း သိသည်။ သူသည် မိသားစုတွင် အရည်အချင်း အမြင့်မားဆုံး ရှိသူဖြစ်ပြီး သခင်လေးရှောင်းရောင်နှင့် ယှဉ်လျှင်ပင် သူက ပိုတောင်ကောင်းသည်။

ဒါဆို လုရွှမ်က သူ့သမီးထက် အများကြီး စွမ်းရည်မြင့်တယ်ဆိုရင် ဒီလူငယ်က ဘယ်လို ပါရမီရှင်မျိုး ဖြစ်မလဲ။ သို့သော် ထိုသို့သော ပါရှင်တစ်ဦးသည် အမှန်တကယ်ပင် သူ့အား တွန်းဖယ်သွားခဲ့ပြီး ဖခင်နှင့်သမီးကိုပင် ဆန့်ကျင်ဘက် ဖြစ်သွားစေခဲ့သည်။

ရှဲ့ဖေးဖေးကတော့ သူမ တစ်ခါမှမကြုံဖူးသော နတ်မီးလုံးကြီးထဲတွင် ရက်စက်ကြမ်းကြုတ်သော စွမ်းအားကို ခံစားလိုက်ရပြီး ထိုခံစားချက်က သူမကို မယုံကြည်နိုင်ပေ။ သူမ၏ အသက်ရှုသံကပင် ပို၍ သာလွန် မွန်မြတ်လာသည့်နှယ် ခံစားရစေ၏။

ရှဲ့ကျားစုန့်နဲ့ သခင်လေးရှောင်းရောင်ရဲ့ မျက်လုံးများထဲတွင် ရှဲ့ဖေးဖေးက ပြောင်းလဲသွားပြီ။ ယခု သူမကိုကြည့်ရင်း သခင်လေးရှောင်းရောင်ပင် မဟာဂိုဏ်းမှ နတ်သမီးနှင့် တွေ့နေရသလိုပါပဲ။ ဒီအချိန်မှာ ရှဲ့ဖေးဖေး သူ့ကို ပေးခဲ့တဲ့ ခံစားချက်က နတ်သမီးတွေထက်တောင် ပိုပြင်းထန်​နေသည်။

"ကောင်းတယ်... မင်း အခုနတုန်းက တိုက်ပွဲပြီးသွားပြီ... အခု ငါ့အလှည့်ပဲ"

လုရွှမ် ပြုံးပြီး သူ့ဓားတစ်ချောင်းကို ဝေ့ယမ်းလိုက်၏။ သခင်လေးရှောင်းရောင်ရဲ့ မျက်နှာက ကြောက်ရွံ့မှုနှင့်အတူ ချက်ချင်းကို ဖြူဖျော့သွားသည်။ လုရွှမ်ရဲ့တန်ခိုးကို သူ အမှန်တကယ် မြင်ဖူးသည်လေ။