ပြောင်းလဲသွားသော စည်းမျဉ်းများ

ထိုအခိုက် သက်တံ့တံတား ငါးစင်းကဲ့သို့ အလင်းတန်းငါးခုသည် ကောင်းကင်ယံမှ အရှိန်ပြင်းစွာ ပြေးထွက်လာသည်။

တဟုန်းဟုန်း မိုးခြိမ်းသံများကြားတွင် အကာအကွယ် အဖွဲ့အစည်းသည် လျင်မြန်စွာ ပွင့်သွားကာ မြေကြီးတစ်ပြင်လုံး တုန်လှုပ်သွားပုံရသဖြင့် အားလုံး အံ့အားသင့်သွားကာ အကာအကွယ် အခင်းအကျင်းဘက်ကို အားတက်သရော ကြည့်နေကြ၏။

"နောက်ဆုံးတော့ တောင်တံခါး ပွင့်သွားပြီ!"

ချလွင်!

ဒြပ်စင်ငါးပါး မဟာဂိုဏ်းမှ ခေါင်းလောင်းသံသည် ရှည်လျား၍ ဝေးကွာလှသော အရပ်မှ ပျံ့လွင့်လာကာ ကျင့်ကြံသူအားလုံး၏ နားသို့ ရောက်ရှိလာခဲ့သည်။

ခေါင်းလောင်းသံက သုံးကြိမ်ဆက်တိုက် မြည်လာပြီးနောက် အားလုံးက စိတ်လှုပ်ရှားစွာ မလှုပ်မယှက် ရပ်နေစဥ် ဆံပင်ဖြူ၊ မုတ်ဆိတ်ဖြူနှင့် အဘိုးအိုတစ်ဦး ဦးစွာ ပျံထွက်လာသည်။ သူ့နောက်တွင် လူအိုလေးယောက်လည်း လိုက်ပါလာကာ ထိုလူအိုငါးဦး၏ နောက်တွင် အရှိန်အဟုန်ပြင်းပြင်းဖြင့် ပျံသန်းလာသော တပည့်အများအပြားလည်း ရှိနေကြသည်။

လုရွှမ်နှလုံးသားက တုန်လှုပ်သွားသည်။ သူ့ရှေ့ရှိ လူအိုငါးယောက်သည် မျှော်စင် နယ်ပယ်ကို ကျော်လွန်သွားသော သန်မာသော လူများပင်။ ကောင်းကင်၊ မြေကြီးနှင့် ရောနှောလုနီးပါး ကျင့်ကြံသူများ၏ တည်ရှိမှုကို ပကတိမျက်စိဖြင့် မမြင်ပါက ဤလူငါးဦးသည် တစ္ဆေသရဲများဟုပင် ခံစားမိပေလိမ့်မည်။

“ဘုရားရေ....ဒါက ဒြပ်စင်ငါးပါး မဟာဂိုဏ်းက အထွတ်အထိပ် သခင်တွေမလား...အရှေ့က မဟာဂိုဏ်းချုပ်များလား? သူတို့ရှေ့မှာဆို လူတွေအကုန်လုံး အရမ်း သိမ်ငယ်တဲ့စိတ်နဲ့ ရပ်နေရမှာပဲ..."

"အရူး!! ငါတို့ကိုတွေ့ဖို့ ဂိုဏ်းချုပ်တစ်ယောက်က ထွက်လာမှာလား... မင်းက အနှစ်တစ်ထောင်မှာ တစ်ကြိမ်ပဲ ပေါ်လာတဲ့ ပါရမီရှင်လား အနှစ်ငါးရာမှာ တစ်ကြိမ်ပဲ ပေါ်လာတဲ့ ပါရမီရှင်မလို့လား? ဟူး ဒီလိုတောင်ဂိုဏ်းက ဘယ်လိုတပည့်မျိုး စုဆောင်းနိုင်မလဲ မသိဘူး...ဒါက လက်ထောက်တောင်ထွတ်သခင်တွေ ဖြစ်မယ်"

“ဘာ.... ဘာလဲ လက်ထောက်တောင်ထွက်က သခင်နဲ့ အထွတ်အထိပ်သခင်က ဘယ်လိုကွာတာလဲ?"

တပည့်တွေက မဟာဂိုဏ်းထဲ ဝင်ရောက် ကျင့်ကြံနိုင်ဖို့အတွက် အရူးတွေလို ကြည့်နေကြသည်။

လုရွှမ်လည်း ဤလူများသည် တပည့်တွေကို ကျင့်ကြံနိုင်ဖို့ သင်ကြားပို့ချပေးသော အကြီးအကဲများ ဖြစ်​နေသည်မို့ လက်ထောက်​တောင်ထွတ်သခင်၊ အထွတ်အထိပ် သခင်နှင့် ဂိုဏ်းချုပ်က ဘယ်လောက်တောင် ကြောက်စရာကောင်းမလဲ တွေးကြည့်နိုင်သည်။

ဒီတစ်​ခါ​တော့ သူ နေရာမှန်​ကို​ ရောက်​​နေပြီ ဖြစ်​လိမ့်မည်။

ယွမ်ယန်ကျင့်စဥ်သည် သဘာဝအားဖြင့် ထူးချွန်သော်လည်း ရွှေကျီးကန်းက ၎င်းကို ထောက်ပြထားပြီးသား ဖြစ်သည်။ ယခုအချိန်တွင် ယွမ်ယန်ကျင့်စဥ်ကို မြင့်မားသော အဆင့်အထိ ပြုစုပျိုးထောင်ပြီးပါက ၎င်းကို ဆက်လက် လေ့ကျင့်လိုလျှင် အခက်အခဲများစွာ တိုးလာမည်ဖြစ်ပြီး အမျိုးမျိုးသော အကူအညီများလည်း လိုအပ်မည် ဖြစ်သည်။

ဤဂိုဏ်းတွင် ရင်းနှီးမြုပ်နှံလိုသည့် အကြောင်းရင်းမှာ ရွှေကျီးကန်းအား သက်သေပြရန် အရင်းအနှီးများစွာ လိုအပ်လို့သာ ဖြစ်သည်။

ရှေးခေတ်ကတည်းက သွန်သင်ဆုံးမရန် အပြောအဆိုနှင့် အကျင့်များကို လမ်းပြသူ ရှိခဲ့လျှင် ကိုယ်ပိုင်လမ်းညွှန်မှု ပေးစွမ်းနိုင်သော ဆရာတစ်ဦးရှိလျှင် အားထုတ်မှု ထက်ဝက်ဖြင့် ရလဒ်နှစ်ဆ ရရှိမည်ဖြစ်သည်။

သခင်တွေ အများကြီးရှိတဲ့ မဟာဂိုဏ်းရဲ့ တောင်တံခါးကို ၀င်ပြီး လမ်းညွှန်နိုင်ရင် ပိုအဆင်ပြေလိမ့်မည်။ မြင့်မြတ်သော မိသားစု သို့မဟုတ် သန့်ရှင်းသောနယ်မြေ နေရာသို့ ဝင်ရောက်ပါက ပိုကောင်းမည် ဖြစ်သော်လည်း နောက်က စစ်ဆေးမှုနှင့် တံခါးခုံမှာပင် ပို၍ အဆင့်မြင့်မားနိုင်သည်။

လုရွှမ်သည် သူ၏ကျင့်စဥ်ကို မွမ်းမံပြင်ဆင်ရန် မလိုအပ်သောကြောင့် ကျင့်စဥ် သဘာဝတရားနှင့် သူ့အတွက် သန့်ရှင်းသော နယ်မြေကြားတွင် များစွာကွာခြားမှု မရှိပေ။

ရှေ့သို့ ပြေးလာ​​နေသော အကြီးအကဲထံမှ မှုန်မှုန်မွှားမွှား အရိပ်အယောင်သည် လူအုပ်ကြားထဲ ပျံ့နှံ့သွားပြီး အားလုံးသည် ချက်ချင်းပင် ငြိမ်သက်သွားကာ အကြီးအကဲချွန်ကုံးကို အလိုအလျောက် မော့ကြည့်လိုက်ကြသည်။

"ငါတို့ရဲ့ ဒြပ်စင်ငါးပါး မဟာဂိုဏ်းက တပည့်တွေကို လက်ခံဖို့ တောင်တံခါးဖွင့်တဲ့နေ့ပဲ ဖြစ်တယ်.... ကြိုဆိုပါတယ်"

သူပြောသည့် စကားသည် ပေါ့ပေါ့ပါးပါး၊ ပြတ်သားကာ ထက်မြက်ပြီး မာန်ပါတာကြောင့် အကြီးအကဲ တစ်ဦးဖြစ်ရန် ထိုက်တန်သူ ဖြစ်သည်။

ထိုမှသာလျှင် လုရွှမ်သည် ဒြပ်စင်ငါးပါး မဟာဂိုဏ်းမှ တပည့်များကို နှစ်စဉ် စုဆောင်းမည်ဖြစ်ကြောင်း သိလာရသည်။ ကွာခြားချက်မှာ ထိုအချိန်က စုဆောင်းခံရသူများသည် အခြေခံတပည့်များ၊ နိုင်ငံတစ်ဝှမ်းမှလာသော ပါရမီရှင်များ သို့မဟုတ် နိုင်ငံရပ်ခြားသို့သွားသော ဒြပ်စင်ငါးပါး မဟာဂိုဏ်းမှ တပည့်များထံမှ သိမ်းယူလာသော ကျင့်ကြံသူများ ဖြစ်သည်။

အနှစ်ခြောက်ဆယ် ကြာသွားသော်လည်း လက်ခံထားသူများသည် မဟာဂိုဏ်းထဲသို့ တရားဝင် ဝင်ရောက်ကာ တရားဝင်တပည့် ဖြစ်လိုသူများ ဖြစ်ကြပါသည်။ အခြေနေအရဆိုလျှင် အသက်ကြီးသူက ညွှန်ပြခြင်း မပြုသော်လည်း ငယ်စဉ်ကတည်းက လေ့ကျင့်သင်ကြားခဲ့သော တပည့်များထက် နိမ့်ကျသင့်ကြောင်း ထင်ရှားပါသည်။

အမှန်တော့ မြေကမ္ဘာတွင် ငယ်ရွယ်စဉ်ကတည်းက ကြီးမားသော ဂိုဏ်းများမှ အရည်အချင်းရှိသော လူငယ်များစွာကို လက်ခံခဲ့သည်။ ဒီအရွယ်ရောက်ပြီး ဂိုဏ်းခွဲမဝင်ရသေးတဲ့ သူတို့လိုလူတွေဟာ အနာဂတ်မှာ သဘာဝအတိုင်း ဖယ်ထုတ်ခံရလိမ့်မည်။

အချိန်အတော်ကြာ လေ့ကျင့်ပြီးနောက် စွန့်စားမှု အမျိုးမျိုးကို ကြုံတွေ့ရပြီး သို့မဟုတ် ရုတ်တရက် ဉာဏ်ပညာရှိလာကာ ၎င်းတို့၏ ခွန်အားသည် ရုတ်ချည်း တိုးများလာသည်မှာ သေချာပါ၏။

ဂိုဏ်းတိုင်းတွင် ထိုသို့သောလူများ များများစားစား မရှိနိုင်ပါ။ သူတို့လို တပည့်တွေဟာ တောင်ပေါ်ဂိုဏ်းဝင်ပြီး ပြင်ပတပည့်တွေအဖြစ်နဲ့ အဆင့်ဆင့် လေ့ကျင့်ပြီး အကဲဖြတ်ပြီးတဲ့ နောက်မှသာ အတွင်းတပည့်တွေ အဖြစ် သဘာဝအတိုင်း ရာထူးတိုးလာကြမှာပင်။

ဒြပ်စင်ငါးပါး မဟာဂိုဏ်းသည် အဓိကအားဖြင့် ဒြပ်စင်စင်ငါးခုပေါ်တွင် အခြေခံထားပြီး အရှေ့ဘက်ရှိ ယွိသစ်သားတောင်ထွတ်၊ အနောက်ဘက်ရှိ ရွှေသက်တမ်းတောင်ထွတ်၊ တောင်ဘက်က မီးထွက်တောင်ထွတ်၊ မြောက်ဘက်ရှိ နက်ရှိုင်းရေတောင်ထွတ်၊ အလယ်ရှိ စစ်ပွဲမြေတောင်ထွတ်တို့ ရှိသည်။

ပထမဆုံး စကားပြောခဲ့​သော အကြီးအကဲသည် အလယ်ရှိ စစ်ပွဲမြေတောင်ထွတ်မှ ဆင်းသက်လာပြီး ဒြပ်စင်ငါးပါး မဟာဂိုဏ်း တစ်ခုလုံး၏ ကျောင်းအုပ်ကြီးတည်ရှိရာ အထွတ်အထိပ် ​နေရာလည်း ဖြစ်သည်။ ၎င်းရဲ့ အမည်အရင်းက ပြန်းရှင်တောက် ဟုခေါ်သည်။ ထို့ကြောင့် လူတိုင်းက သူ့ကို အကြီးအကဲပြန်းဟု ခေါ်ကြသည်။

ပြန်းရှင်တောက်က သူ့လက်ကို ဝှေ့ယမ်းလိုက်ရာ တပည့်အများအပြားသည် ဒြပ်စင်ငါးပါး မဟာဂိုဏ်းထဲသို့ ဝင်ရောက်ကာ တပည့်ဖြစ်လိုစိတ်များ ပေါ်လာကြ​လေ၏။

အဆင့်က တစ်ခုသာရှိ၍ အလွန်ရိုးရှင်းပါသည်။ ဆိုလိုသည်မှာ ကျင့်ကြံမှု အဆင့်သည် မျှော်စင်နယ်ပယ် အဆင့်၅ ထက် မကျော်လွန်ရပေ။ ထို့နောက်တွင် သင်သည် အကဲဖြတ်တပည့်ကို အနိုင်ယူရန်သာ လိုအပ်ပါသည်။

သူတို့အနောက်ပ တပည့်တစ်တန်းသည် ယောက်ျားမိန်းမ ရာနှင့်ချီ၏။ သူတို့၏ ကျင့်ကြံမှုအဆင့်သည် နတ်မီးနယ်ပယ် အဆင့်၆နဲ့ အထက်မှာ ရှိကြ၏။

"ဘယ်သူမဆို သူတို့ကို စိန်ခေါ်နိုင်တယ်...အနိုင်ရပြီး တံဆိပ်ပြား တစ်ခုရနိုင်ရင် အဓိပ္ပာယ်က မင်းဟာ အသိအမှတ်ပြုခံရပြီ... ဒြပ်စင်ငါးပါး မဟာဂိုဏ်းထဲ ဝင်ရောက်နိုင်ပြီး ဂိုဏ်းရဲ့တပည့် ဖြစ်လာနိုင်တယ်... ဒါပေါ့ တံဆိပ်ပြား များများရလေ မင်းရဲ့ အလားအလာက ပိုကြီးလေပဲ... ပိုမြင့်လေ ငါတို့က ပိုအာရုံစိုက်လာလေပဲ..."

စင်မြင့်ပေါ်၌ ရပ်နေသော လူများကို ကြည့်ရင်း တပည့်များ စုဆောင်းခြင်းမှာ ယခင်အကြိမ်နှင့် လုံးဝ မတူတော့တာကို ခံစားမိသည်။ သူတို့သိမ်းပိုက်ထားသော စင်မြင့်သည် သခင်လေးချန်ရှီးနဲ့ မတူဘဲ တပည့်ရွေးချယ်သည့် နည်းလမ်းပင်လျှင် လုံးဝကို ကွဲပြားသွားပါသည်။

“လူကြီးတွေကို မေးလို့ရမလား... ဒီတစ်ခါ တပည့်တွေ စုဆောင်းတဲ့အခါ အရေအတွက်ကို အာရုံမစိုက်တော့ဘူးလား”

“ငါ့တပည့်တွေကို အနိုင်ယူနိုင်သရွေ့ မင်းလုပ်နိုင်တယ်”

ဒီသတင်းကို လူတိုင်းကြားတဲ့အခါ ချက်ချင်း တိုက်ခိုက်ဖို့ အသင့်ဖြစ်သွားကြသည်။ တချို့လူတွေက ဒီစည်းမျဥ်းကို ကြိုက်ကြပြီး တချို့ကလည်း စိတ်ပူနေကြသည်။

"ဒါပေမဲ့ အကြီးအကဲပြန်း... ကျွန်တော်တို့က နတ်မီးနယ်ပယ်မှာ ရှိနေတယ် ​​အဆင်ပြေလား?"

"ဒါဆို ကိုယ့်ကိုကိုယ် ကံကောင်းဖို့ ဆုတောင်းထားရမှာပေါ့!"

ရုတ်တရက် လုရွှမ်အသံက လူတိုင်းကို လွှမ်းခြုံသွားခဲ့သည်။

"ကျွန်တော် ထပ်မေးလို့ရမလား ကျွန်​တော်တို့သုံးတဲ့ လက်နက်တွေအတွက် လိုအပ်ချက်တွေ ရှိလား"

ပြန်းရှင်တောက် တစ်ချက် ကြည့်လာသည်။ လုရွှမ်ရဲ့ အဆင့်ကို မြင်လိုက်ရမှ သူသည် နတ်မီးနယ်ပယ် ဒုတိယအဆင့်တွင် ရှိနေသည်ကို တွေ့လိုက်ရသည်။

"လက်နက် ကန့်သတ်ချက်မရှိပေမယ့် ငါ့တပည့်တွေကို ခြိမ်းခြောက်လာတဲ့အခါ ငါ့တပည့်တွေက သဘာဝအတိုင်း ကရုဏာပြမှာ မဟုတ်ဘူး.... အသေအပျောက် ရှိရင်တောင် လက်နက်မရှိဘူးလို့ ပြောလို့ရတယ်"

"ကျေးဇူးတင်ပါတယ်!"

လုရွှမ်က ပြုံးပြီး သူ့နောက်ကျောပေါ်မှ နတ်ဓားကို ရှဲ့ဖေးဖေးဆီ ပေးလိုက်သည်။

"ငါ့ဓားကို သုံးပါ!"

ရှဲ့ဖေးဖေးက ကျေးဇူးတင်စွာနဲ့ ခေါင်းညိတ်ပြသည်။ စည်းမျဉ်းတွေ အပြောင်းအလဲကြောင့် သူမမှာ အခွင့်အရေးဆိုတာ မရှိသလောက်ပါပဲ။ သို့သော် နတ်ဓားရှိရင် အခွင့်အရေးလည်း ရှိလာနိုင်ပါပြီ။