အခန်း (၁၈)

Vol. 2 Ch. 18

ဖှေး စိတ်ကို မနည်းထိန်းပြီး တတိယမြောက်မေးခွန်းအားထက်မံမေးမြန်းလိုက်သည်။”ဒီကမ္ဘာက ပစ္စည်းတွေကို ကျွန်တော့ ကမ္ဘာကို ယူသွားလို့ရနိုင်မလား။”

အကယ်၍ အာကာရာမှ ထက်မံ၍ “ဘုရားသခင်အလိုတော်အတိုင်း” “မသိဘူး”ဟုဖြေကြားပါက ဖှေး စိတ်ထိန်းနိုင်တော့မည် မဟုတ်ချေ။ သူပုန်စခန်း၏ ခေါင်းဆောင် ဖြစ်စေကာမူ အာကာရာနှင့် ပြသနာဖြစ်တော့မည်ဖြစ်သည်။

ကံကောင်းစွာပင် အာကာရာ၏ အဖြေမှာ ထိုကဲ့သို့ မဟုတ်ချေ။

“ငယ်ရွယ်တဲ့ခရီးသွား ဒီကမ္ဘာကစည်းမျဥ်းတွေကို အသင်သိပြီးဖြစ်တယ်လေ။ ဘယ်အရာမှတော့ အလကားမရနိုင်ပါဘူး။ဟီးဟီး... တန်ရာတန်ကြေးပေးရင်တော့ ဘယ်အရာမဆို ဖြစ်နိုင်ပါတယ်.....”

“ဒါဆို သင်ဆိုလိုတာက ပိုက်ဆံပေးရင် ကျွန်တော်ပစ္စည်းတွေကို ယူသွားလို့ရတယ်ပေါ့....”

“ဒါက အသင့်ရဲ့ ၄ခုမြောက်မေးခွန်းလား လူငယ်....”

“တော်တော် ခက်တဲ့အမျိုးသမီးပဲ” ဖှေးတွေးလိုက်မိ၏။

ဖှေးသည် ခေါင်းခါယမ်းကာ “မဟုတ်ပါဘူး။”ဖှေးသည် အာကာရာ၏လောဘကို အတော်လန့်နေပြီဖြစ်သည်။အလျင်အမြန်ပဲ သူ၏ ၄ခုမြောက်မေးခွန်း အားမေးလိုက်သည်။ “ကျွန်တော်ဘာလို့ ဒီကမ္ဘာမှာ အချိန်အတိုင်းတာတစ်ခုထိပဲနေနိုင်ရတာလဲ။ကျွန်တော့ခေါင်းထဲက အသံကရော ဘာတွေလဲ။”

“အဲ့ဒါက သင့်ရဲ့ စိတ်စွမ်းအားမရင့်ကျက်သေးလို့ပါ။စိတ်စွမ်းအား ထက်သန်လာပြီဆိုရင် သင်နေချင်သလောက်နေနိုင်လိမ့်မယ်။လောလောဆယ်တော့ ၄နာရီထိပဲ အများဆုံးနေနိုင်သေးတယ်။”

“သြော် အဲ့တာကြောင့် လား” ဖှေးနားလည်သွား၏။

ဖှေး မေးပြီးသော် တစ်ဖက်သို့အမြန်လှည့်ကာထွက်သွား၏။ကွန်ပျူတာဇာတ်ကောင်များကို မည်သူက ဦးနှောက်မရှိဟူသော အယူဆကြောင့် ဖှေး အာကာရာနှင့် ဆွေးနွေးရာတွင် ဆုံးရှုံးခဲ့ခြင်းဖြစ်သည်။

“အသင့်မှာ မေးခွန်းတစ်ခုကျန်သေးတယ်လေ.....”အနောက်မှ အာကာရာမှ လှမ်းအော်လိုက်သည်။

“ကျွန်တော်အခု မမေးသေးဘူး။ ကျန်တဲ့မေးခွန်းက်ိုနောက်မှမေးတော့မယ်....”

.............

“ဒီကမ္ဘာက ကွန်ပြူတာဇာတ်ကောင်တွေက တော်တော်ကြောက်စရာကောင်းတာပဲ။ ငါသေချာဂရုမစိုက်ဘူးဆို ငါ့မှာ ရှိသမျှ ငွေအကုန်ပြောင်အောင်လုပ်ကြလိမ့်မယ်......”

အာကာရာနှင့် စကားပြောပြီးနောက်တွင် သူ၏ဇာတ်ကောင်အား ဖှေးအဆင့်မြင့်တင်ရန်ဆုံးဖြတ်လိုက်သည်။

ချမ်းဘော့ဒ် တိုင်းပြည်မှာ ယခုအချိန်တွင် အန္တရာယ်အောက်တွင်ရောက်နေသည်ဖြစ်သည်။ ထို့ကြောင့် သူ၏ စွမ်းအားများကို မြှင့်တင်ရန်မှာ အရေးကြီးလှသည်။ အကယ်၍ နိုင်ငံကြီးတစ်ခုလုံးအား မကာကွယ်နိုင်စေကာမူ သူ၏ ဘေးတွင်ရှ်သော လူများကို ကာကွယ်နိုင်ရန်ဖြစ်သည်။

အဆင့်မြင့်တင်ရန် အမြန်ဆုံးနည်းလမ်းမှာ တွေ့သမျှမကောင်းဆိုးဝါးများကို လိုက်သတ်ကာ အတွေ့ကြုံယူခြင်းမဟုတ်ပေ။ အလုပ်များအမျိုးအမျိုးအား ပြီးမြှောက်အောင် လုပ်ခြင်းပင်။အလုပ်လုပ်ရာမှ ရရှိသော အတွေ့ကြုံ(exp ကိုပြောတာပါ gamersတွေဆို သိကြမှာပါ။)မှာ ပိုများ၏။သူပုန်စခန်းမှမထွက်ခွာခင် သူပုန်စခန်းမှ စစ်ဘက်ဆိုင်ရာခေါင်းဆောင် ခက်ရှာ ထံသ်ို့သွားသည်။

သူမထံမှ ဒုတိယအလုပ်ဖြစ်သည့် [စစ်စတာများ မြေမြုပ်သောနေရာ]ကိုရရှိလေသည်။ထိုနေရာတွင်ရှိသော [သွေးကျီးကန်း]အား ဖှေးသတ်ပေးရမည်ဖြစ်သည်။

စခန်း၏ စစ်ဘက်ဆိုင်ရာခေါင်းဆောင်တစ်ယောက်ဖြစ်သောကြောင့် ခက်ရှာ၏ လက်အောက်တွင် သေခြာလေ့ကျင့်ပေးထားသော အမျိုးသမီးစစ်သည်များစွာရှိလေသည်။မူရင်းဂိမ်းထဲတွင် အလုပ်ပြီးမြောက်အောက်မြင်သွားပါက ခက်ရှာ ၏ ယုံကြည်လေးစားခြင်းခံရကာ ခက်ရှာမှ ကူညီတိုက်ခိုက်ရန်အမျိုးသမီး စစ်သည်တစ်ယောက်ပေးမည်ဖြစ်သည်။

“ဒီကအမျိုးသမီးစစ်သည်တွေက မူရင်းဂိမ်းထဲကလိုပဲ ချောလားမသိဘူး ဟီးဟီး..”ဖှေး သိလိုစိတ် ပြင်းပြကာ အမျိုးသမီးများနေထိုင်ရာ တဲဘက်သို့ကြည့်ကာ မြင်နိုင်ရန်ကြိုးစားသော်လည်း ထူထဲသော်ပိတ်စများကာရံထာသောကြောင့် မမြင်နိုင်ပေ။အမျိုးသမီးများ၏ ရယ်မောသံ သဲ့သဲ့များသာ ကြားရသည်က ဖှေးအား ပို၍ စိတ်လှုပ်ရှားစေသည်။

မမြင်နိုင်သည့်အဆုံးတွင် လက်လျော့ကာ သူပုန်းစခန်းမှ ထွက်ခွာခဲ့၏။

[သွေးကျီးကန်း]ဟုခေါ်သူသည်သူပုန်စခန်းမှ သစ္စာဖောက်တစ်ဦးဖြစ်၏။ သူ့အား တိုက်ခိုက်သက်ဖြတ်ရန် မလွယ်ကူချေ။ သူ့အားစောင့်ရှောက်ကာကွယ်နေသော မကောင်းဆိုးဝါးများစွာလည်း ရှိသေး၏။

ဖှေး သူပုန်စခန်းမှထွက်ခွာပြီး သွေးမြေရိုင်းလွင်ပြင်သို့ဖြတ်ကျော် ခရီးနှင်လေသည်။လမ်းတွင်ကြုံတွေ့သော မကောင်းဆိုးဝါးအမျိုးမျိုးအား နှိမ်နင်းသက်ဖြတ်ပြီး နှစ်နာရီခန့် ခရီးနှင်ပြီးသော် [အေးစက်သော ဒေသ]သို့ရောက်ရှိပြီဖြစ်သည်။

ထိုအချိန်တွင် ဖှေး၏လူရိုင်းဇာတ်ကောင်သည် အဆင့် ၇သို့ရောက်ရှိနေပြီဖြစ်သည်။ RPG ဂိမ်းများ၏ထုံးစံအရ အဆင့်မြင့်လေလေ အဆင့်တက်ရန် အတွေ့ကြုံများ ပိုလိုအပ်လေဖြစ်သည်။ဖှေး အဆင့်၀မှ အဆင့်၅သို့ ၃နာရီအတွင်းပင်ရောက်ရှိခဲ့သော်လည်း အဆင့်၅မှ ၇သို့ ရောက်ရှိရန်မှာ ၂နာရီပင်ကြာသည်ဖြစ်သည်။

[အေးစက်သော ဒေသ]မှာ နာမည်အတိုင်းပင် သွေးမြေရိုင်းလွင်ပြင် ထက်သိသာစွာ အေးစက်နေသည်။အပူပိုင်းဒေသတစ်ခုမှ မြောက်ဝင်ရိုးစွန်းသို့ချက်ချင်းရောက်ရှိသွားသကဲ့သို့ပင်။မကောင်းဆိုးဝါးများမှာလည်း ပို၍အန္တရာယ်များပြီး အစွမ်းထက်၏။[ပျက်ဆီးသွားသော စစ်သည်]ဟုခေါ်သော မကောင်းဆိုးဝါးအသစ်ပင်ရှိသည်။ ထိုမကောင်းဆိုးဝါးများမှာ ငရဲမှ သေမင်းစွမ်းအင်များကို စုပ်ယူကာ မိစ္ဆာအသွင်ပြောင်းသွားသော စစ်သည်များပင်။ထိုမကောင်းဆ်ိုးဝါးများမှာ ဓားနှင့်လှံများ အသုံးပြုကာဖှေးအား တိုက်ခိုက်ကြ၏။သူတို့သေဆုံးသော်အခါ ကျယ်လောင်စွာအော်ဟစ်ပြီး တခြားမကောင်းဆိုးဝါးများအား ဆင့်ခေါ်မည်ဖြစ်သည်။သို့သော်လဲ ထိုမကောင်းဆိုးဝါးများအား ရှောင်ရှားရန်မှာ မဖြစ်နိုင်သောကြောင့် ဖှေးထိတ်တိုက်ပင်တိုက်ခိုက်ရ၏။

တစ်နာရီခန့်အကြာတွင် ဖှေး သွေးကျီးကန်းနေထိုင်သောနေရာသို့ရောက်ရှိလာပြီဖြစ်သည်။ ကစားနိုင်သော အချိန်ပြည့်ရန် တစ်နာရီသာလိုတော့သည်ဖြစ်သည်။

သို့သော် သွေးကျီးကန်းအား ဝင်ရောက်မတိုက်ခိုက်ခင် သူ၏လက်နက်ပစ္စည်းများအား စစ်ဆေးလိုက်သည်။ သူ၏လက်နက်များမှာ လမ်းမှာတိုက်ခိုက်ခဲ့သော မကောင်းဆိုးဝါးများကြောင့် အရည်သွေးမှာ သိသာစွာကျဆင်းနေပြီဖြစ်သည်။ ထိုကဲ့သို့လက်နက်များနှင့် သွေးကျီးကန်းအား သွားရောက်စိန်ခေါ်ပါက ကျားဖင်သွားကိုင်သကဲ့သို့ပင် ဖြစ်နေလိမ့်မည်။

ထို့ကြောင့် မြို့ကူးစာလိပ်အား အသုံးပြုပြီး သူပုန်စခန်းအား ပြန်ရန်ဝင်ပေါက်တစ်ခုဖန်တီး၏။ထိုဝင်ပေါက်ထဲသ်ို့ဝင်သွားကာ ချက်ချင်းပင် သူပုန်စခန်းသို့ပြန်ရောက်သွားသည်။ ဖှေး မှတ်မိသလောက်ဆိုလျင် မူရင်းဂိမ်းထဲတွင် ချယ်စီဟုခေါ်သော အမျိုးသမီးပန်းပဲသမားတစ်ရှိ၏။သူမသည် ၁၈နှစ်အရွယ်ဝန်းကျင်ရှိ လှပသော အမျိုးသမီးငယ်တစ်ယောက်ဖြစ်သည်။သူမသည်တစ်စုံတစ်ရာကြောင့် စိတ်ညစ်နေဟန်ရှိသည်။ ဖှေးရောက်လာသည်ကို အံ့သြ ဟန်မပြချေ။ ဖှေး၏ ပုဆိန်နှင့် ချပ်ဝတ်တို့အား ရွှေဒင်္ဂါး ၂၀ဖြင့် ပြုပြင်ပေး၏။ထို့နောက်တွင် ဖှေးတွင်ရှိသော မလိုအပ်သည့်ပစ္စည်းများကိုလည်းပြန်လည်ရောင်းချရာ အာကာရာထံတွင် ရောင်းချသည်ထက် ပိုမို၍ စျေးရသည်က်ိုတွေ့ရသည်။

“တော်တော် စျေးနှိမ်တဲ့ သူတော်စဥ်ပဲ” အာကာရာ အပေါ်ဖှေး၏မကျေနပ်မှုများမှာ ပို၍ပင်တိုးပွားလာ၏။ သူ၏ပစ္စည်းများကိုလဲ အာကာရာ အားထက်မံမရောင်းချတော့ရန်ဆုံးဖြတ်လိုက်သည်။

ချယ်စီမှာ စကားပြောလိုသည့်ဟန်မရှိပေ။ ချယ်စီအားကျေးဇူးတင်စကားပြောပြီး သွေးကျီးကန်းအား ရင်ဆိုင်ရန် ပြန်ခဲ့သည်။

.......

......

မိနစ်ငါးဆယ်ခန့်ကြာပြီးနောက်....

“အား....”

အမျိုးသမီးတစ်ဦး၏နာကျင်စွာအော်ဟစ်သံတစ်ခုပေါ်ထွက်လာသည်။သွေးကျီးကန်မှာ ဖှေး၏ပုဆိန်အောက်တွင်ကျဆုံးသွားပြီဖြစ်သည်။သီအိုရီအရဆိုလျှင် သွေးကျီးကန်းကဲ့သို့ ခေါင်းဆောင်များအား သတ်ဖြတ်ပြီးပါက တန်ဖိုးကြီးတစ်ခုရရှိဦးမည်ဖြစ်သည်။ ထင်ထားသည့်အတိုင်းပင် သွေးကျီးကန်း၏ အလောင်းမှာတဖြည်းဖြည်း အငွေ့ပျံသွားပြီး အလောင်းနေရာတွင်အပြာရောင်များတောက်ပလွမ်းခြုျံနသော ပစ္စည်းတစ်ခုအားတွေ့လိုက်ရ၏။