ထိတ်လန့်သွားပြီ

"ဟုတ်တယ် ဒီဓားခုတ်မှုကနေ မင်းက ငါ့အတွက် တကယ်ကို အားသာချက်ရှိတယ်.... ဒါက မင်းရဲ့ အပြင်းထန်ဆုံး ခွန်အား မဟုတ်ဘူးလို့ ငါမျှော်လင့်တယ် မဟုတ်ရင် နောက်ထပ် ဓားနှစ်ချက်ထိုးရင် မင်းကံမကောင်းသူ ဖြစ်သွားလိမ့်မယ်"

လုရွှမ်၏ စကားများကို နားထောင်ရင်း ကျောက်ချွန်ယန်သည် ဤကလေးက ကြွားလုံးထုတ်နေသည်ဟု ခံစားလိုက်ရသည်။ ယခင်ဓား၏ စွမ်းအားက အလွန်အစွမ်းထက်ပြီး သုံးစွဲခဲ့သော စွမ်းအင်မှာ လုံးဝ မယုံနိုင်လောက်အောင်ပင်။ လုရွှမ်က ဒဏ်ရာမရရှိဘဲ ယခုပင် ဓားကို ခံနိုင်ရည်ရှိနေပြီ ဖြစ်သည်။

တကယ်တော့ သူ့မှာ ဓားနှစ်ချောင်းကို အသုံးပြုပြီး လုရွှမ်အော်တဲ့ပုံစံကို ကြည့်ဖို့ ခွန်အားရှိနေတုန်းပါပဲ။ နောက်ထပ် ဓားနှစ်ချောင်းက အခုထက် ပိုအစွမ်းထက်တော့မှာ သေချာ၏။

"တောင်းပန်ပါတယ် ခုနက ကျွန်တော်ဖန်တီးထားတဲ့ ဓားလှုပ်ရှားမှုကို သုံးချင်ပေမယ့် အခု စွမ်းရည်သုံးမျိုး အသက်သုံးချောင်းဓားက ဘယ်လောက်တောင် အစွမ်းထက်လဲ ဆိုတာကိုလည်း သိချင်လို့ရယ်... ကြည့်ရတာ နောက်ပိုင်း ပညာတွေလောက် အစွမ်းထက်ပုံ မပေါ်ပါဘူး....ဒီဓားကတော့ မင်းကို ဘယ်တော့မှ စိတ်ပျက်စေမှာ မဟုတ်ပါဘူး... ယွမ်ယန် ဓားကိုးစင်းရဲ့ ပဉ္စမမြောက်ဓား.... ဖျက်ဆီး!!"

လုရွှမ်အသံ ကျဆင်းလာသည်နှင့်အမျှ တက်ကြွမှုနှင့် သေခြင်းတရား အ​ငွေ့အသက်များသည် သူ့ခန္ဓာကိုယ်ပေါ်တွင် စုစည်းကာ ပါကွား ခင်းကျင်းမှုအဖြစ် တဖြည်းဖြည်း ဖြစ်ပေါ်လာသည်။ ဒေါသနှင့် သေခြင်းစွမ်းအင်တို့သည် အချင်းချင်း ရောနှောစုစည်းကာ ချင်ထျန်းဓားအပေါ်၌ စုဝေးသွား၏။

ကျောက်ချွန်ယန်နဲ့ ရှောက်လော့တို့ပင် သေခြင်းတရား စွမ်းအင်များကို ရှင်းရှင်းလင်းလင်း မြင်နိုင်​နေပါ​ပြီ။ အပြန်အလှန် သက်ရောက်မှုရှိသလို အပြန်အလှန် ပံ့ပိုးပေးသည့် ခံစားချက်သည် လျှို့ဝှက်စွမ်းရည် အဖြစ်သို့ ပြောင်းလဲသွားသည်။

"ဒါက ဘဝနဲ့ သေခြင်းရဲ့ လျှို့ဝှက်ချက်ပဲ"

ရှောက်လော့ ရုတ်တရက် ဝင်အော်လိုက်သည်။ ကျောက်ချွန်ယန်လည်း အသက်နှင့် သေခြင်း၏ စွမ်းအင်နှစ်ခုသည် အနည်းငယ် ထူးဆန်းသည်ဟု ခံစားမိသော်လည်း ယင်းတို့သည် လျှို့ဝှက်ချက်များ ဖြစ်သည်ဟု သူ မထင်ခဲ့ပေ။

ဤသည်ကား နတ်မီးနယ်ပယ် ဒုတိယအဆင့်၌ ရှိသော လူငယ်ဖြစ်ပြီး ယခင်ကောလဟာလအရ ရာဇ၀င်မရှိသော လူတစ်ယောက်သာသာ ဖြစ်ပေသည်။ လုရွှမ်သည် ရှောက်လော့ပြောသော အသက်နှင့် သေဆုံးခြင်း၏ လျှို့ဝှက်ချက်ကို ဂရုမစိုက်ပေ။ သူသည် ချင်ထျန်းဓားကို စိတ်နှလုံးအကြွင်းမဲ့ ဝှေ့ယမ်းလိုက်သည်။

ကျောက်ချွန်ယန် ထိတ်လန့် တုန်လှုပ်သွားပြီး ထိုဓားသည် ဤလူလေး၏လက်မှ ထွက်လာနိုင်သည်ကို မယုံနိုင်ဖြစ်သွားသည်။ ဒီဓားဟာ သူ့နာမည်နဲ့အညီ အရာအားလုံးကို ဖျက်ဆီးပစ်နိုင်လောက်၏။

ကျောက်ချွန်ယန်လည့း သူ၏စွမ်းအား အားလုံးကို နတ်လက်နက်ထဲသို့ စူးစူးစိုက်စိုက် ထည့်သွင်း ဆုပ်ကိုင်ထားလိုက်သည်။ သူ့ခန္ဓာကိုယ်မှ မီးတောက်များ လျှံထွက်ကာ စိတ်အားထက်သန်မှု အပြည့်ရှိသည်။

လုရွှမ်ဘက်ကလည်း သေမင်းစွမ်းအင် လိုင်းများကို ဖောက်ထုတ်လိုက်ကာ ကျောက်ချွန်ယန်ဆီသို့ ဖြတ်သန်းသွား​စေသည်။ ဓားစွမ်းအင်က ကျောက်ချွန်ယန်၏ ခုခံမှု ဓားစွမ်းအင်ကို အလွယ်တကူ ချိုးဖျက်ပြီး ၎င်း၏ နတ်လက်နက်ကို လှောင်ပြောင်သံဖြင့် ရိုက်ခတ်သွားသည်။

သေမင်းစွမ်းအင်နှင့် အလွန်အေးစက် ပြင်းထန်သော စွမ်းအားတစ်ခုသည် ကျောက်ချွန်ယန် ခန္ဓာကိုယ်ထဲသို့ နတ်လက်နက်မှ တစ်ဆင့် ပျံ့နှံ့သွားသည်။

သူသည် နတ်မီးနယ်ပယ် အဆင့် ၁၁သို့ ရောက်ရှိသွားသော ကျင့်ကြံသူ ဖြစ်ပေသည်။ ကျယ်လောင်စွာ အော်ဟစ်လိုက်သော်ငြား သူ့​​​လက်ထဲတွင်ရှိသော နတ်လက်နက်သည် လုရွှမ်၏ မရဏစွမ်းအင်ကို မခံနိုင်တော့ပေ။

သူ့ခန္ဓာကိုယ်ပေါ်ရှိ နတ်မီး၁၁လုံးက တပြိုင်နက်တည်း ထွန်းတောက်လာကာ နတ်အလင်းတန်းများ ပေါက်ကွဲထွက်၍ သေမင်း၏ စွမ်းအင်ကို ထိုးဖောက်သွားလေသည်။ ကျယ်လောင်သော ပေါက်ကွဲသံ တစ်ခုကြောင့် ကျောက်ချွန်ယန် နောက်ပြန် ဆုတ်သွားရသော်လည်း ဓားကိုတော့ ​ပြန်ဖမ်းထားနိုင်ခဲ့သည်။

တစ်ဖက်ရှိ ရှောက်လော့၏ နဖူးမှ ချွေးသီးများ လှိမ့်ဆင်းလာခဲ့သည်။ ထိုဓားသည် အလွန်ကြောက်စရာကောင်းမည်ဟု သူ မမျှော်လင့်ခဲ့ပေ။ ယွမ်ယန်ဓားကိုးစင်းသည် လူငယ် ကိုယ်တိုင်ဖန်တီးထားသော ဓားသိုင်းဖြစ်ပြီး အလွန်အစွမ်းထက်သည်။

ဤအခိုက်အတန့်တွင် လုရွှမ်တစ်ယောက် ဓားသွားလှုပ်ရှားမှု နောက်ကွယ်မှ လျှို့ဝှက်ချက်ကို နားမလည်သေးသည်ကို ကြည့်လိုက်ရင် သူသည် ထိုဓားသိုင်းကို အမှတ်တမဲ့ လေ့ကျင့်ခဲ့ရပေလိမ့်မည်။

တစ်နည်းဆိုရသော် အတွင်းမှ လျှို့ဝှက်ချက်ကို အသုံးပြုနိုင်သည်နှင့်အမျှ ဤဓားသိုင်းပညာ၏ စွမ်းအားသည် တိုးတက်လာမည်။ ၎င်းသည် အလွန်အမင်းကို တိုးတက်လာလိမ့်မည်။ ယွမ်ယန်ဓားကိုးစင်း ဆိုကတည်းက စုစုပေါင်း ဓားကိုးချောင်း ရှိပြီး ဒါက ပဉ္စမမြောက် ဓားတစ်လက်ပင်။

ကျောက်ချွန်ယန်၏ မျက်နှာသည် ဖြူစုတ်​နေပြီး လုရွှမ်ကို အဝေးမှ လှမ်းကြည့်ကာ ရပ်နေ၏။ အခုဓားခုတ်မှုဟာ သူ့ရဲ့ ခွန်အားကို အမှန်တကယ် ဆုတ်ယုတ်စေခဲ့မယ်ဆိုရင် သူ ခံနိုင်ရည်ရှိမှာ မဟုတ်ဘူးဆိုတာ သေချာပါသည်။

သို့သော် လုရွှမ်က တတိယဓားတစ်ချောင်း ရှိတယ်လို့ ရှင်းရှင်းလင်းလင်း ပြောခဲ့သေးသည်။

ကျောက်ချွန်ယန် စိတ်ထဲတွင် ဝမ်းနည်းလာသည်။ ယခင်က ဓားသုံးချောင်းကို ဘာကြောင့် ပြောခဲ့မိတာလဲ။ ဒါက တကယ်ကို သေခြင်းတရားကို တောင်းတာပဲ။ သူ့နှလုံးသားတွေ တုန်လှုပ်သွားပြီး သွားတွေ တင်းတင်းစေ့ထား၏။ သူစကားပြန်ပြောမိလို့ ဒီကလေးက သူ့အသက်ကို လိုချင်ခဲ့တာ။

ဂုဏ်သတင်းလား?။

လုရွှမ် အခြေအနေ တစ်ခုလုံးကို မျက်လုံးဒေါက်ထောက် ကြည့်နေလို့ ကျောက်ချွန်ယန် မျက်လုံးများထဲက ရက်စက်ကြမ်းကြုတ်မှုကို ရှင်းရှင်းလင်းလင်း မြင်နေရသည်။ ဤသည်မှာ သန့်ရှင်းသော စွမ်းအားအတွက်၊ အကျိုးအမြတ်အတွက်၊ ဂုဏ်သတင်းကို လုံးဝဂရုမစိုက်ဘဲ မည်သည့်အရာကိုမဆို လုပ်ဆောင်ပေးမည့် လူကြမ်းဖြစ်သည်။

ဒီလိုလူတွေ အများကြီးကို သူတွေ့ဖူးသည်။

"ယွမ်ယန်ဓားကိုးစင်း ခြောက်စင်းမြောက် ဓား.... ဖန်ဆင်းခြင်း!!"

မထင်မှတ်ပဲ ပေါက်ကွဲထွက်ကုန်သော သေခြင်းစွမ်းအင်သည် တစ်ဖန်ပြန်လည် စုစည်းလာပြီး သေခြင်းစွမ်းအင်နှင့် ဒေါသတို့သည် ရောထွေးသွားကာ အချင်းချင်း လျင်မြန်စွာ ပြောင်းလဲလာကြ​ပြန်သည်။

ရှောက်လော့ခမျာ ဘေးနားတွင် ရပ်ရင်း စိတ်ကူးယဉ် ဆန်လွန်းသော ကမ္ဘာတစ်ခုကို ဖန်တီးလိုက်သလို ခံစားလိုက်ရသည်။ ဒါက အတွေ့အကြုံ တစ်ခုပဲ ဆိုပေမယ့် အစကနေစပြီး အရာအားလုံးကို ပြန်လည် ဖန်တီးနေသလို ခံစားရလေ၏။

မူလအရာသည် သဘာဝအတိုင်း ပျက်စီးသွားသည်။

ပဉ္စမဓားနှင့် နှိုင်းယှဥ်လျှင် ဤဓား၏ ရွေ့လျားမှုက ပိုမိုရိုးရှင်းသည်။ ပထမဓားဖြစ်သော စွမ်းရည်သုံးမျိုး အသက်သုံးချောင်းဓား ဆိုတာ ကြုံရာကျပန်း ထိုးထားသော ဓားကဲ့သို့ ရိုးရှင်းပါသည်။ သို့သော် ဤဓား၏ စွမ်းအားသည် ယခင်ဓားနှစ်ချောင်းထက် နှစ်ဆပိုများသည်။

ဓားရွေ့လျားမှု ပေါ်လာသောအခါ ပတ်ဝန်းကျင်၏ အသက်စွမ်းအင်က ချက်ချင်း ကျဉ်းမြောင်းလာသည်။ တောင်ထိပ်ပေါ်ရှိ သစ်ပင်များသည် ကြီးထွားလာပြီး ပန်းများ ပွင့်လာသည်။ ကျင့်ကြံသူတွေလည်း သူတို့ခန္ဓာကိုယ်က ပိုကျန်းမာပုံရတယ်၊ အထူးသဖြင့် သူတို့ပတ်ဝန်းကျင်က အပူချိန်က အရမ်းကျသွားတယ်၊ နွေဦးလေပြေနဲ့ တက်ကြွမှုအပြည့် ရှိနေတယ်လို့ ခံစားလာရလေသည်။

ကျောက်ချွန်ယန် မကန့်ကွက်ပေ။ ခုခံနိုင်စွမ်းမရှိမှန်း သူသိသည်။ လုရွှမ် သူ့ဓားကို ဆွဲထုတ်လိုက်သည့် အခိုက်တွင် သူသည် မူလက ခိုးကြောင်ခိုးဝှက် တိုက်ခိုက်လိုခြင်း သို့မဟုတ် သူ့ဓားကို ဆွဲထုတ်လိုက်သောအခါ အခြေအနေကို အခွင့်ကောင်းယူကာ ထွက်ပြေးသွားမည်ဟု တွေးထားသည်။

သူ့အမြင်အရတော့ လုရွှမ်ရဲ့ ဓားတွေက အံ့သြစရာ ကောင်းလောက်အောင် အစွမ်းထက်ပေမယ့် သူတို့ရဲ့ အရှိန်က နည်းနည်းနှေးသွားပါပြီ။ လုရွှမ်သည် အဟန့်အတား တစ်ခုကြောင့် သူ့ဓားလှုပ်ရှားမှုကို တမင်နှေးကွေးသွားသည်ကို မသိလိုက်ပေ။

ဒါပေမဲ့ မမျှော်လင့်ထားတဲ့ အရာက ကျောက်ချွန်ယန်ကို သေလောက်အောင် ထိတ်လန့်သွားစေတာပါပဲ။

ကျောက်ချွန်ယန် သူ့နှလုံးသားထဲတွင် ရှင်းရှင်းလင်းလင်း နားလည်ထားပါပြီ။ ဓားကို မဖမ်းနိုင်လျှင် နတ်လက်နက်လည်း ဖျက်ဆီးခံရမည်၊ သူလည်း ဒဏ်ရာအပြင်းအထန် ရသွားပေမည်။ မသေချင်ရင် ပြေးနိုင်သမျှ ပြေးဖို့က တစ်ခုတည်းသော နည်းလမ်းပါပဲ။ ဒီကလေးက သူ့ကို လိုက်ဖို့ မရဲလောက်ပါ။

ဂိုဏ်းထဲမှာ တပည့်တွေကို လိုက်သတ်ဝံ့တဲ့သူကို ဂိုဏ်းက နှင်ထုတ်လိမ့်မယ်။ သို့သော် လုရွှမ် ထိုအတွေးတွေကို ရိပ်မိတာကြောင့် လှောင်ရယ်လိုက်သည်။ ထွက်ပြေးလို့ လွတ်မြောက်နိုင်မယ် ထင်လား။

"သွား!"

ဓားစွမ်းအင်က ဥက္ကာပျံကဲ့သို့ လျင်မြန်စွာပင် ပြေးထွက်သွားကာ ကျောက်ချွန်ယန်အား ချက်ချင်း ဖမ်းမိသွားသည်။ ကျောက်ချွန်ယန် အကြီးအကျယ် ထိတ်လန့်သွားရှာ၏။ လုရွှမ် ဓားက ဒီလောက် ​မြန်လိမ့်မည်ဟု မမျှော်လင့်ထားပေ။

ဓားစွမ်းအင်ရဲ့ တက်ကြွမှုကြောင့် လာမယ့် အန္တရာယ်ကိုတောင် သူ မခံစားနိုင်တော့ပါ။