တာအိုရှာဖွေခြင်း

ကောင်းကင်လျှောက်လှမ်းတံတားက စတည်ရှိကတည်းက လျှို့ဝှက်ဆန်းကြယ်မှုတစ်ခု ဖြစ်ခဲ့သည်။ စကြဝဠာထဲ ကောင်းကင်လျှောက်လှမ်းအဆင့်ကို သက်သေပြနိုင်သည့် ပစ္စည်းတချို့ရှိသော်လည်း လက်တစ်ဖက်စာထက် မပိုပေ။ ကောင်းကင်လျှောက်လှမ်းတံတားက သူတို့ထဲမှ တစ်ခုဖြစ်ကာ အင်မတန် အားကောင်း၏။ တစ်ချိန်တည်းဆိုသလို ကောင်းကင်လျှောက်လှမ်းတံတားနှင့် ပတ်သက်ပြီး ထူးကဲနေသည့်အရာတချို့လည်း ရှိလေသည်။ ထိုအရာက ကောင်းကင်လျှောက်လှမ်းကျင့်ကြံဆင့်ကို ဆုံးဖြတ်ပေးနိုင်ရုံသာမက အားဖြည့်မှုတစ်ခုလည်း ဖြစ်၏။

ထိုအရာက တံတားကို လျှောက်လှမ်းသူများ၏ ကျင့်ကြံရေးတာအိုကို အားဖြည့်ပေးနိုင်ပြီး တာအိုတစ်သောင်းနှင့် သဟဇာတ ဖြစ်စေသည်။ တံတားတစ်လျှောက် ဖြတ်သန်းကြသည့် ကျင့်ကြံသူများ၏ တိုက်ခိုက်စွမ်းရည်ကိုပင် မြှင့်တင်ပေးနိုင်၏။

ထိုနောက်ကွယ်မှ သဘောတရားအတွက်မူ မည်သူကမှ မသိကြသော်လည်း အတုခိုးဖို့ရာ အင်မတန် ခက်ခဲ၏။ အရည်အချင်းပြည့်မှီသည့် တစ်ဦးတည်းသောသူက ဝမ်ရီရီ၏ ဖခင်သာ ဖြစ်သည်။

အကြောင်းအရင်းကမူ ပြိုလဲသွားသည့် တံတားများကို သူကိုယ်တိုင် ပြန်လည်ဆောက်လုပ်ထားခြင်းဖြစ်ပြီး သူက နဂိုအပြင် တံတားအသစ်နှစ်စင်းကိုပင် ဆောက်လုပ်ခဲ့သည်။

ရှေ့အပြုအမူက အင်မတန် ထူးကဲနေပြီဖြစ်သော်လည်း နောက်အပြုအမူက ပိုမိုပင် အံ့အားသင့်ဖို့ကောင်း၏။

ထို့ကြောင့် အဖေဝမ်၏ ကောင်းကင်လျှောက်လှမ်းတံတားအပေါ် နားလည်နိုင်စွမ်းက ပြိုင်ဘက်ကင်းနေခြင်း ဖြစ်သည်။

သူက ပထမကောင်းကင်လျှောက်လှမ်းတံတားသည် ကျင့်ကြံသူတစ်ယောက် စကြဝဠာထဲရှိ တာအိုအားလုံးကို နားလည်ဖို့ရာ ခွင့်ပြုပေးထားကြောင်း သိထားသည်။ ထိုအရာက ကျင့်ကြံသူအတွက် ကမ္ဘာအသစ်ကို ဖွင့်လှစ်ပေးသကဲ့သို့ ဖြစ်၏။ သေချာသည့် ကျင့်ကြံဆင့် ရှိထားသည့်သူများက ထိုတံတားကို လျှောက်လှမ်းဖို့ အရည်အချင်း ပြည့်မှီလိမ့်မည်။

သို့သော်လည်း ဒုတိယမြောက် တံတားက ကွဲပြားပေသည်။ ထာဝရကြယ်စင်ကုန်းမြေမှ သွေးမျိုးဆက် ရှိထားသည့်သူများကသာ ထိုတံတားကို လျှောက်လှမ်းဖို့ အရည်အချင်း ပြည့်မှီလိမ့်မည်။ ထို့ကြောင့် ဒုတိယမြောက်တံတားက စမ်းသပ်ချက်တစ်ခု ဖြစ်နေလေ၏။

ထို့ကြောင့် ဝမ်ပေါင်လဲ့သည် ဤနေရာတွင် ငြင်းဆန်ခံရခြင်း ဖြစ်သည်။ အကယ်၍ ထာဝရကြယ်စင်ကုန်းမြေမှမဟုတ်သည့် လူတစ်ယောက်ဆိုပါက ဤနေရာတွင် ရပ်တန့်ခံလိုက်ရလိမ့်မည်။ သို့သော်လည်း ဝမ်ပေါင်လဲ့က သာမန် မဟုတ်ပေ။

ထို့ကြောင့် ဒုတိယမြောက်တံတားက ပြိုလဲသွားခြင်း ဖြစ်၏။ ထိုအရာက သူ့ကို နည်းနည်းလေးမှ မတားဆီးနိုင်ခဲ့ပေ။ အဆုံးသတ်တွင် သူ့အရည်အချင်းပြည့်မှုကို လက်ခံလိုက်ရပြီး ကောင်းကင်တံတားကို လျှောက်လှမ်းခွင့်ပြုခဲ့ရသည်။

ဤသည်က ကောင်းကင်လျှောက်လှမ်းတံတား၏ စိတ်နှလုံးသား မေးမြန်းခြင်းမှ ပထမဦးဆုံး လျှို့ဝှက်ဆန်းကြယ်သက်ရောက်မှု ဖြစ်သည်။

ပြီးပြည့်စုံသည့် စိတ်နှလုံးသား ရှိထားသည့်သူများကသာ ဒုတိယတံတားမှ တတိယတံတားသို့ တက်လှမ်းနိုင်လိမ့်မည်။ ခိုင်မာသည့် တာအိုနှလုံးသား ရှိထားသည့်သူများကသာ တတိယတံတားမှ စတုတ္ထတံတားအထိ လျှောက်လှမ်းနိုင်၏။

ထို့အပြင် လူတစ်ယောက်၏ တာအိုနှလုံးသားက ပြီးပြည့်စုံမှုနှင့် ခိုင်မာမှုရှိရပေမည်။ ထိုအခါမှသာ စတုတ္ထမြောက်မှ ပဉ္စမမြောက်အထိ သွားလာနိုင်မည်ဖြစ်၏။

ဝမ်ပေါင်လဲ့က ထိုအရာအားလုံးကို ရရှိထားခဲ့သည်။ သူက တံတားများ ဖြတ်သန်းပြီးသည့်နောက်တွင် ကျင့်ကြံဆင့်က တိုးပွားလာ၏။ တိုက်ခိုက်စွမ်းရည်က အတူတူဖြစ်ပြီး သူ့အရှိန်အဝါက အံ့မခန်း ဖြစ်နေသည်။ အကယ်၍ လက်ရှိဝမ်ပေါင်လဲ့နှင့် တံတား မဖြတ်ရသေးသည့် ဝမ်ပေါင်လဲ့ကို နှိုင်းယှဉ်ပါက နောက်လူသည် ရှေ့လူကို ဖိနှိပ်ဖို့ရာ မလုံလောက်သော်လည်း ဖိနှိပ်ထားနိုင်လိမ့်မည်။

အကြောင်းအရင်းကမူ ရှေ့တစ်ခုက လူတစ်ယောက်၏ စွမ်းအားသာဖြစ်ပြီး နောက်တစ်ခုကမူ စကြဝဠာ၏ တာအိုစွမ်းအား ဖြစ်၏။ ထိုအရာက စကြဝဠာနှင့် လိုက်ဖက်ညီနေပြီး ကိုယ်ပိုင်အသုံးပြုမှုအတွက် စွမ်းအားကို ငှားယူနိုင်လေသည်။ ဤသို့သော ငှားယူမှုမျိုးက အနည်းငယ် ဖိအားပေးသလို ဖြစ်သော်လည်း သာမန်စတုတ္ထအဆင့် ကျင့်ကြံသူများ၏ စွမ်းအား မဟုတ်တော့ပေ။ ထိုအရာက ပဉ္စမမြောက်အဆင့် ဖြစ်၏။

သို့သော်လည်း ပဉ္စမတံတားကို လျှောက်လှမ်းထားသည့်သူများက လုပ်နိုင်သည့် အရာမျိုးတော့ မဟုတ်ပေ။ ပုံမှန်အားဖြင့် ပဉ္စမတံတားကို လျှောက်လှမ်းခြင်းက ထာဝရကြယ်စင်ကုန်းမြေပေါ်တွင် နေတစ်စင်း မြင့်တက်လာမှုကိုသာ ဖြစ်စေလိမ့်မည်။ ထာဝရကြယ်စင်ကုန်းမြေအရ သူတို့က ကောင်းကင်အရှင်ဟု ခေါ်ဆိုကြ၏။

သို့သော်လည်း ဝမ်ပေါင်လဲ့၏ အုတ်မြစ်က အားကောင်းပြီး သူ့ပဉ္စမမြောက်တံတားက ကွဲပြားခဲ့သည်။ ထာဝရကြယ်စင်ကုန်းမြေပေါ်တွင် ၁၁ စင်းမြောက်နေမင်း ထွက်ပေါ်လာရုံသာမက တောက်ပမှုကလည်း မယုံကြည်နိုင်လောက်ဖွယ် အနေအထားတစ်ခုအထိ ရောက်ရှိသွားခဲ့၏။

ထို့ကြောင့် အဖေဝမ်က ဝမ်ပေါင်လဲ့သည် မရိုးရှင်းကြောင်း ပြောခဲ့သည့် အကြောင်းအရင်းဖြစ်ပေသည်။

သူက ကောင်းကင်လျှောက်လှမ်းတံတားကို ကိုယ်တိုင်ပြန်လည်ဖန်တီးခဲ့သည့်အတွက် ပထမတံတား၏ ပြီးမြောက်မှုဖြစ်စေ၊ ဒုတိယတံတား၏ အရေးကြီးစမ်းသပ်ချက်ဖြစ်စေ သို့မဟုတ် တတိယမှ ပဉ္စမမြောက်တံတားအထိ စိတ်နှလုံးသားကို မေးခွန်းထုတ်ခြင်းဖြစ်စေ အားလုံးကို သိထားလေ၏။

အုတ်မြစ်က ပိုမိုနက်ရှိုင်းလေလေ ပြောင်းလဲမှုက ပိုမိုကြီးမားလေလေ ဖြစ်သည်။

အမှန်တော့ သက်ရောက်မှုက ထိုအခိုက်အတန့်တွင် ထွက်ပေါ်လာ၏။ အုတ်မြစ်ပြောင်းလဲမှုတို့က နောက်ထပ်တံတားများကို လျှောက်လှမ်းဖို့အတွက် အားဖြည့်မှုတစ်ခု ဖြစ်သည်။

ပထမတံတားငါးစင်းက စွမ်းအားနှင့် ပတ်သက်၏။ နောက်ဆုံးတံတား၆စင်းက ကောင်းကင်ဘုံ လျှောက်လှမ်းခြင်း ဖြစ်သည်။ ပိုမိုစူးစမ်းမိလေလေ တက်လှမ်းဖို့က ပိုမိုအားကောင်းလေလေ ဖြစ်၏။

“ပထမမေးခွန်းက စိတ်နှလုံးသား နောက်တစ်ခုက တာအိုသက်သေပြဖို့ … ဝမ်ပေါင်လဲ့ … မင်းက တံတားဘယ်လောက်အထိ ရောက်နိုင်လဲဆိုတာ ကြည့်ရအောင်” အဖေဝမ်က ဝမ်ပေါင်လဲ့ကို ကြည့်ရင်း မျှော်လင့်တောင်းတမှုတို့ ရှိနေသည်။

ဝမ်ပေါင်လဲ့က ခေါင်းကို မော့ကာ ရှေ့တစ်လှမ်း တိုးလိုက်၏။ ပဉ္စမမြောက်တံတား တစ်စင်းလုံးက စတင်တုန်ယင်လာသည်။

ပဉ္စမမြောက်မှ ဆဌမမြောက်တံတားတွင် ရှိနေသည့် ဝမ်ပေါင်လဲ့က မျက်စိစူးမတတ် အလင်းတန်းတစ်ခု ထုတ်လွှတ်လာခဲ့သည်။ ထိုစဉ် သူက ကောင်းကင်လျှောက်လှမ်းတံတားကို မည်သို့လျှောက်လှမ်းရမည်မှန်း နားလည်သွားခဲ့သည်။

ဝမ်ပေါင်လဲ့၏ အကြည့်များက တောက်ပလာပြီး ရေရွတ်လိုက်သည်။

“သတ္တု”

သူ့စကားက ပဲ့တင်ထွက်သွားသည့်အခါ သတ္တု၏ စည်းမျဉ်းဥပဒေသက သူ့ခန္ဓာကိုယ်မှ ထွက်ပေါ်လာသည်။ စည်းမျဉ်းဥပဒေသက မမြင်တွေ့ရတော့ပေ။ ထိုအစား ထိုအရာက ရွှေရောင်ကြိုးမျှင်များအဖြစ် ပြောင်းလဲသွားပြီး အဖက်ဖက်သို့ ပျံ့နှံ့သွား၏။ အဝေးတစ်နေရာမှ ပစ္စည်းတစ်ခု၏ ပုံကြမ်းဖြစ်ပေါ်လာသည်။

ထိုပစ္စည်းက ငွေပြားတစ်ခု ဖြစ်၏။

ထိုအရာ ငွေပြားဖြစ်သော်လည်း ရွှေရောင်အလင်းတန်းဖြင့် တောက်ပနေသည်။ ထိုအရာက ထူးဆန်းသည့် မြင်ကွင်းတစ်ခု ဖြစ်၏။ ထိုအရာကို မြင်တွေ့သူတိုင်းက သူတို့၏ မြင်ကွင်း အနည်းငယ်ဝေဝါးသွားသလို ခံစားလိုက်ရသည်။ ထိုအခိုက်အတန့်တွင် မဟာစကြဝဠာတစ်ခုလုံးက လှုပ်ခတ်သွား၏။ သတ္တုစည်းမျဉ်းမြောက်များစွာကလည်း လိုက်ဖက်ညီကာ ဝမ်ပေါင်လဲ့ကို စတင်အားဖြည့်လာကာ သူ့ခန္ဓာကိုယ်ကို သတ္တုစည်းမျဉ်းဥပဒေသက ပိုမိုအားကောင်းလာသည်။ ထိုခမ်းနားသည့် လေထုအလယ်တွင် ဝမ်ပေါင်လဲ့က ရှေ့တစ်လှမ်းတိုးကာ လေဟာနယ်ကို ဖြတ်ကျော်လိုက်၏။ ထို့နောက် ဆဌမမြောက်တံတား၏ အလယ်သို့ ရောက်ရှိလာသည်။

ထိုစဉ် သူ့အရှိန်အဝါက ထပ်မံပေါက်ထွက်လာပြီး သတ္တုစည်းမျဉ်းဥပဒေသစွမ်းအားက ပြောင်းလဲသွား၏။ ပြောရမည်ဆိုလျှင် ငွေပြားက အရည်ပျော်လာသည်ကို မြင်တွေ့ရလိမ့်မည်။ ထိုအရာအားလုံးက မျက်စိတစ်မှိတ်အတွင်း ဖြစ်ပျက်သွားပြီး ငွေပြားက အပြီးတိုင် အရည်ပျော်ကာ ဝမ်ပေါင်လဲ့နှင့် တစ်သားတည်း ဖြစ်သွားလေသည်။

ကမ္ဘာကြီးက တုန်ယင်သွားပြီး စကြဝဠာက အတက်အကျလှိုင်းတစ်ခု ထုတ်လွှတ်လာ၏။ ထာဝရကြယ်စင်ကုန်းမြေအပြင်ဘက်တွင် ဧရာမဝဲကတော့ကြီးတစ်ခု ပေါ်ထွက်လာသည်။ စကြဝဠာထဲရှိ တတိယအဆင့် ကျင့်ကြံသူများက ထိုအရာကို ခံစားမိလိုက်ကြ၏။ သူတို့၏ နတ်ဘုရားအာရုံဖြင့် တာအိုကို လေ့လာအကဲစမ်းသလိုမျိုး ဖြန့်ကျက်လိုက်ကြသည်။

ထိုနတ်ဘုရားအာရုံများ အလယ်၌ စတုတ္ထမြောက် တံတားအလယ်တွင် ရပ်နေသည့် ဝမ်ပေါင်လဲ့က မျက်မှောင်အသာကြုတ်လိုက်၏။ သူက ခေါင်းအသာငုံ့ပြီး သူ့ခြေထောက်ကို ကြည့်လိုက်သည်။ သူက သူ့ခြေထောက်ကို မ မနိုင်ကြောင်း သိလိုက်ရ၏။

“ငါက သတ္တုစည်းမျဉ်းရဲ့ နဂိုဇစ်မြစ် မဟုတ်လို့ သတ္တုစည်းမျဉ်းတောင် ငါ့ကို တံတားအစွန်းထိ ထောက်ပံ့မပေးနိုင်တော့ဘူးပဲ”

“ကိစ္စမရှိဘူး” ဝမ်ပေါင်လဲ့၏ အကြည့်များက တောက်ပလာ၏။ သူက ညာဖက်လက်ကို မြှောက်ကာ ဝှေ့ယမ်းလိုက်သည်။ ထို့နောက် ချက်ချင်းဆိုသလို မြူခိုးများက အဖက်ဖက်သို့ ပျံ့နှံ့သွားပြီး ကောင်းကင်နှင့် ထာဝရကြယ်စင်ကုန်းမြေတစ်ခုလုံးကို လွှမ်းခြုံသွားသည်။ အဝေးမှကြည့်လျှင် ရေစက်တစ်ခုနှင့် တူ၏။ အတိအကျ ပြောရမည်ဆိုလျှင် မျက်ရည်စက် ဖြစ်ပေသည်။

ထိုမြူခိုးပျံ့နှံ့သွားသည်နှင့် ရေဓာတ်စည်းမျဉ်းဥပဒေသက ဝမ်ပေါင်လဲ့ကို ချက်ချင်းဆိုသလို အားဖြည့်ပေးလိုက်သည်။ သတ္တုစည်းမျဉ်းဥပဒေသကဲ့သို့ ရေဓာတ်စည်းမျဉ်းဥပဒေသကလည်း ဝမ်ပေါင်လဲ့၏ ခန္ဓာကိုယ်နှင့် ပေါင်းစည်းသွား၏။ ဝမ်ပေါင်လဲ့က ခြေထောက်ကိုကြွကာ ဆက်လက် လျှောက်လှမ်းလိုက်သည်။ သူ့ပုံရိပ်က ဆဌမမြောက်တံတားကို ဖြတ်ကျော်ပြီး ဆဌမမြောက်နှင့် သတ္တမမြောက်ကြားမှ နေရာကြားတွင် ရပ်တန့်လိုက်သည်။

“နောက်တစ်ခုက မြေဓာတ် စည်းမျဉ်းဥပဒေသပဲ”