နျဲ့ဖန်သန့်ရှင်းတဲ့မြေ

သန့်ရှင်းတဲ့နယ်မြေက မိသားစုနှင့် မဟာဂိုဏ်းတို့က မချိတ်ဆက်ထားသော်လည်း ၎င်းတို့သည် အချင်းချင်း ဆက်နွှယ်ဆဲ ဖြစ်သည်။

အလွန်ထူးဆန်းသည်မှာ အခြားမဟာဂိုဏ်းကြီးများသည် တစ်ဦးနှင့်တစ်ဦး ထိတွေ့ပြောဆို ရယ်မောနေကြသော်လည်း မည်သည့်ဂိုဏ်းကမှ ၎င်းတို့အား လှောင်ပြောင်ရယ်မောခြင်း သဲလွန်စဖြင့် မကြည့်ဘဲ ၎င်းတို့ကို ဆက်သွယ်ရန် အစပြုခြင်းပင် ဖြစ်သည်။

သို့သော် သူတို့မျက်လုံးများက လုရွှမ်ကို မြင်လိုက်ရသောအခါ အားလုံးက ရယ်မောကြပြီး နောက်ပြန် လှည့်ထွက်သွားကြသည်။ လုရွှမ်လည်း သူ့စိတ်ထဲတွင် ရယ်စရာ ကောင်းသည်ဟု ခံစားလိုက်ရသည်။

"ညီငယ်လေး စိတ်မပူပါနဲ့ ဒါက ကျင့်ကြံခြင်းလောကပဲလေ... ကုသိုလ်ရှာပြီး ကံဆိုးမှုကို ရှောင်တယ် ဟူး... ဒီလို စိတ်ထားမျိုးနဲ့ ဘယ်လို ကောင်းကျိုးတွေ ရနိုင်ဦးမလဲ မသိဘူး"

မုယွီအာက ပြောရင်း ရယ်မောလိုက်သည်။ ဖေ့ယိုးယွီကလည်း သက်ပြင်းအနည်းငယ် ချလိုက်ပြီး။

"ဒီလိုဖြစ်မယ်ဆိုရင် ဆရာတူအစ်ကိုရဲ့ အလုပ်အကိုင်ကို အရမ်းထိခိုက်စေလိမ့်မယ်... ပေါင်းစည်းပြီးတာနဲ့ ဆရာတူအစ်ကိုက ဖယ်ထုတ်ခံရမယ့် ပထမဆုံးလူပဲ"

မုယွီအာလည်း ဤအမှန်တရားကို သိသိသာသာ လက်ခံထားလေသည်။ သူက လုရွှမ်ကိုကြည့်ရင်း အားကိုးရာမဲ့ ဖြစ်သွားသည်။

"ဟေး မေ့လိုက်ပါ မင်းအစွမ်းကုန်လုပ်ပြီး မင်းရဲ့ကံကြမ္မာကို သိလိုက်ရင် ရပါပြီ ဘာပဲဖြစ်ဖြစ် မင်းက ဝင်ရမယ့် နောက်ဆုံးလူပဲ"

"နောက်ဆုံးမှ ဝင်ရမှာလား" လုရွှမ် ပြန်မေးလိုက်သည်။

ထိုအခါ မုယွီအာမျက်နှာမှ တောင်းပန်သည့် အကြည့်တစ်ချက် ပေါ်လာသည်။

"ဒါက မင်းဆရာတူညီမနဲ့ ငါ သင်္ဂြိုဟ်ထားတဲ့ တွင်းကြီးပဲ... ဒီအကြောင်းပြောရင် ငါတို့မိသားစုရဲ့ အဆင့်အတန်းကို ပြောရမယ် အနောက်ဖက်နယ်မြေမှာ မရေမတွက်နိုင်တဲ့ ဂိုဏ်းတွေရှိပေမယ့် မင်းလိုချင်ရင် ရှေးဟောင်းမိသားစု ဆိုတဲ့ နေရာတွေအတွက် အရမ်းတင်းကျပ်တဲ့ အခြေအနေတွေ ရှိဖို့လိုတယ်"

"အနောက်ဖက်နယ်မြေကို အဓိက မိသားစုငါးခုနဲ့ သန့်ရှင်းတဲ့နယ်မြေ ခုနစ်ခုဆိုပြီး သတ်မှတ်လိုက်ပြီ!"

"နတ်နဂါးမိသားစု၊ အဝါ​ရောင်ဧကရာဇ်မိသားစု၊ တော်ဝင်မင်းဆက်မိသားစု၊ နတ်အလင်းမိသားစုနဲ့ ရွှမ်ဝူမိသားစု.... အထင်မမှားနဲ့ သူတို့က နတ်သားရဲလေးကောင်ထဲက ရွှမ်ဝူမဟုတ်ဘူး.... နတ်နဂါးမိသားစုလို့ပဲ သူတို့က နာမည်သက်သက်ပဲ ရှိတာ"

"သန့်ရှင်းတဲ့နယ်မြေ ခုနစ်ခုက.... ပရမ်းပတာသန့်ရှင်းတဲ့မြေ၊ ထိုက်ချူသန့်ရှင်းတဲ့မြေ၊ ထျန်းရိသန့်ရှင်းတဲ့မြေ၊ ကျစ်ဝေသန့်ရှင်းတဲ့မြေ၊ ချီးရှားသန့်ရှင်းတဲ့မြေ၊ ထျန်းကျီးသန့်ရှင်းတဲ့မြေ... နောက်ဆုံး နျဲ့ဖန်သန့်ရှင်းတဲ့မြေ...."

"ပြီးတော့ ကြီးကျယ်ခမ်းနားတဲ့ လူတွေလည်း အများကြီးရှိတယ် အဲဒါက မဟာဂိုဏ်းတိုင်း သန့်ရှင်းတဲ့နယ်မြေထက် သေချာပေါက် နိမ့်ရမယ်လို့ မဆိုလိုပါဘူး.... ဥပမာ အပြင်းထန်ဆုံး ရှေးဦးမဟာဂိုဏ်းက သန့်ရှင်းတဲ့မြေနဲ့ နှိုင်းယှဥ်နိုင်ပြီးသား ဒါပေမဲ့ သန့်ရှင်းတဲ့နယ်မြေ မဖြစ်နိုင်ပါဘူး... ဘာလို့လဲဆိုတော့ နတ်အမိန့်နဲ့ လွဲချော်သွားလို့လေ"

လုရွှမ်: "နတ်အမိန့်? အဲဒါကဘာလဲ နတ်ဘုရားက ပေးတဲ့ လက်ဆောင်လား"

"ဒါကိုတော့ ငါတို့ မသိဘူး ထိပ်တန်း မဟာဂိုဏ်းတွေပဲ နားလည်တယ်"

ဖေ့ယိုးယွီ: "အခြေခံအုတ်မြစ် ဖြစ်နိုင်သလို မှော်လက်နက် ဒါမှမဟုတ် အမွေလည်း ဖြစ်နိုင်သလို အခွင့်အရေးလည်း ဖြစ်ကောင်းဖြစ်မယ်... ဘယ်သူမှ တိတိကျကျ မသိပါဘူး.... ဒါပေမဲ့ ရှေးခေတ်ကတည်းက မိသားစုကြီးငါးခုနဲ့ မြင့်မြတ်တဲ့နေရာ ခုနစ်ခုက ဒီတိုက်ကြီးရဲ့ ထိပ်မှာ တည်ရှိနေခဲ့တာ!"

လုရွှမ်၏ မျက်လုံးများတွင် အေးစက်သောအလင်းရောင်တစ်ခု ရုတ်တရက် လင်းလက်သွားသည်။

"နတ်အမိန့်တော်က ဒီနတ်နဂါး မိသားစုထဲမှာ ရှိနေတုန်းလား? တောင်ထွတ်သခင် နှစ်ယောက်က အခွင့်အရေးကို လွဲချော်ခဲ့တယ်လို့ ပြောဖူးတယ်"

မုယွီအာ: "ဒါက ဘယ်လိုလုပ် ဖြစ်နိုင်မှာလဲ... နတ်မီးနယ်ပယ် တပည့်တစ်ယောက်က ရှာတွေ့သွားပေမယ့် တောင်းလို့မရတဲ့ အရာတစ်ခုကို ဘယ်လိုလုပ် ရရှိနိုင်မှာလဲ ဒါ့ထက် နတ်မီးနယ်ပယ် တပည့်တစ်ယောက်က နတ်အမိန့်တော်ကို ရဖို့ အစွမ်းအစ မရှိဘူးလေ"

ဖေ့ယိုးယွီ: "နတ်မီးနယ်ပယ်က လူတွေ ဒီနေရာကို ရောက်လာရတဲ့ အကြောင်းရင်းက နတ်နဂါးမိသားစု ရုတ်တရက် ပြိုလဲသွားတယ်လို့ ပြော​ကြတဲ့အတွက်ပေါ့... နတ်နဂါးမိသားစုက ကောင်းကင်ဘုံဥပဒေကို ဖောက်ဖျက်တယ်ဆိုတဲ့ ကောလာဟလတွေ တိတ်တဆိတ် ပြန့်နှံ့သွားတယ် ပြီးတော့ နတ်အမိန့်တော်က ပျောက်ကွယ်သွားပြီ... နတ်နဂါးမိသားစုက ကျိန်စာသင့်ပြီး နေ့ချင်းညချင်း မိသားစုတစ်ခုလုံး ပြုတ်ကျသွားတယ်တဲ့"

လုရွှမ် အံ့အားသင့်သွားပြီး: "နတ်နဂါးမိသားစုမှာ တပည့်တွေက သိက္ခာမဲ့လို့ တပည့်တွေ တဖြည်းဖြည်း စိတ်ပျက်အားငယ် သွားကြတယ်ဆိုတာ ဒဏ္ဍာရီပဲ မဟုတ်ဘူးလား "

"ဘယ်လိုလုပ်ဖြစ်နိုင်လဲ အဲဒါ မိသားစုတစ်ခုပဲလေ...မိသားစုသခင်က ညတွင်းချင်းပဲ အရာအားလုံး ပြောင်းလဲသွားခဲ့ပြီး မိသားစုတစ်ခုလုံး ပျက်စီးသွားခဲ့တာက အဲ့ဒဏ္ဍာရီလောက်လေးပဲ ဆိုတာ မဖြစ်နိုင်ဘူး.... ပြီးတော့ သူတို့ရဲ့နေအိမ်တွေကဆို လေထုထဲမှာ ပျောက်ကွယ်သွားပြီး ထူးဆန်းတဲ့ ကိစ္စတစ်ခု ဖြစ်လာခဲ့တယ်တဲ့... လွန်ခဲ့တဲ့နှစ်ပေါင်း ရာဂဏန်းလောက်အထိ ဆရာတို့ အဲဒီနေရာကို ထပ်ပြီး ရှာမတွေ့​ကြ​တော့ဘူးလို့ ပြောတယ်”

မုယွီအာ: "သူတို့တစ်ချိန်က ဝင်ချင်ပေမယ့် ပြင်းပြင်းထန်ထန် တုံ့ပြန်မှု ခံခဲ့ရတယ်... နောက်ပိုင်းမှာ မျှော်စင်နယ်ပယ် အဆင့်အောက်က ကျင့်ကြံသူတွေပဲ ဘေးကင်းစွာ ဝင်လာနိုင်တယ်ဆိုတာ သိလာရတယ်... ဒါကြောင့် သူတို့မှာ အခုလက်ရှိအထိ နတ်နဂါးမိသားစုရဲ့ နှစ်ရာကျော် ပျောက်ဆုံးမှုကို သဲလွန်စ ရှာမရကြတော့ဘူး"

ဖေ့ယိုးယွီ သက်ပြင်းချရင်း "ပြီးခဲ့တဲ့ အချိန်တုန်းက မုယွီအာနဲ့ငါ ယင်ယန်မဟာဂိုဏ်းထဲက ဖန်ကျစ်ချွမ်းနဲ့အတူ သရုပ်ဆောင်ခဲ့တယ်... ရလဒ်အနေနဲ့ ဖန်ကျစ်ချွမ်းက ငါတို့ကို လုပ်ကြံပြီး မုယွီအာကို အတင်းအကြပ် အခင်းအကျင်းထဲကို လျှောက်လှမ်းခိုင်းတယ်... နောက်တော့ သူ့ဘာသာသူ ဆက်သွားပြီး ငါတို့ကိုတော့ ပြန်ဆုတ်ခိုင်းခဲ့တယ်"

"ဆန့်ကျင်ဘက် အနေနဲ့ ဖန်ကျစ်ချွမ်းက အဝေးကြီးကို ရောက်သွားပြီး သူတို့ရဲ့ ယင်ယန်မဟာဂိုဏ်းက နေရာနှစ်နေရာ ရသွားခဲ့တယ်လေ... မုယွီအာနဲ့ ငါကတော့ မဟာဂိုဏ်း တစ်ခုလုံးရဲ့ ရယ်မောစရာ ဖြစ်လာခဲ့တယ် ဆိုလိုတာက လူတိုင်းက ငါတို့ကို မြင်ဖူးပေမယ့် အကြောင်းပြချက် မရှိတာတောင်မှ နှုတ်ဆက်စကားတောင် ပြောသေးတယ်"

မုယွီအာ: "ဟုတ်တယ် ငါတို့က လုံလောက်တဲ့ အင်အားမရှိလို့ မဟုတ်ဘူး မဟုတ်ဘဲ ကျွမ်းကျင်မှုကို ကျော်လွှားဖို့ အင်အားသုံးခဲ့ရင် ဒီနေ့ ငါတို့ ရောက်နေကြမှာ မဟုတ်ဘူး"

လုရွှမ်လည်း ထိုနှစ်ယောက်အတွက် တိတ်တဆိတ် စိတ်မကောင်း ဖြစ်မိသည်။ လမ်းတစ်လျှောက်တွင် သူတို့နှစ်ဦးသည် ကြင်နာသနား တတ်ကြောင်းကိုလည်း သိလာသည်။ သို့သော် အခုအဖြစ်က မဟာဂိုဏ်းက ဆင်းသက်လာသူ တစ်ဦးအတွက် ကောင်းသောမှတ်ချက် မဟုတ်ကြောင်းကိုလည်း သူမြင်ခဲ့သည်။

"ဆရာတူညီလေး လုရွှမ်.... ဆရာက မင်းကို ဒီကိုလာဖို့ ဘာကြောင့် ရွေးချယ်ခဲ့တာလဲဆိုတာ ငါမသိပေမယ့် အရေးကြီးဆုံးကတော့ မင်းအသက်ကို ကယ်တင်ဖို့ပဲ... အမြတ်အစွန်းလို့ ခေါ်တဲ့ အရာတွေက တခြားပစ္စည်းတွေပဲ မလိုအပ်ပါဘူး သူတို့အတွက် စိတ်ပူစရာ မရှိဘူး... အသက်က အရေးကြီးဆုံးပဲ"

"ပြီးခဲ့တဲ့ အကြိမ်က ရလဒ်တွေက အရမ်းဆိုးနေလို့ အခြေခံအားဖြင့်တော့ မင်းက နောက်ဆုံးမှဝင်ရမှာ... ဘာအကျိုးအမြတ်မှ မမျှော်လင့်ထားနဲ့ဦး... ဘာဖြစ်လို့လဲဆိုတော့ ရှေ့ကလူတွေက နောက်ကလူတွေအတွက် ထောင်ချောက်တွေ အများကြီး ထောင်ထားလိမ့်မယ်.... မင်း သူတို့ထောင်ချောက်ထဲကို ကျသွားတာနဲ့ ကိုယ့်ဘာသာကို မရုန်းထွက်နိုင်အောင် ဖြစ်စေတဲ့ ထောင်ချောက်တွေ အများကြီးရှိတယ်”

ဖေ့ယိုးယွီရဲ့ မျက်နှာက အနည်းငယ်နီလာပြီး သူ့ပါးပြင်ကို ပွတ်သပ်လိုက်သည်။

လုရွှမ်က ပြုံးပြီး "နားလည်ပါပြီ ကျွန်တော် ဂရုစိုက်ပါ့မယ်"

"နျဲ့ဖန်သန့်ရှင်းတဲ့မြေ ရောက်လာပြီ"

ရုတ်​တရက်​ ရုန်းရင်းဆန်​ခတ်​ ဖြစ်​သွား​လေသည်။ ဘုန်း​ကြီးနဲ့ သီလရှင်​​တွေ ​ဝေး​ဝေးက​နေ ပျံသန်းလာတာ​ကို တွေ့လိုက်​ရ၏။

"နျဲ့ဖန်သန့်ရှင်းတဲ့မြေက နတ်နဂါး မိသားစုကို စူးစမ်းတဲ့ ကိစ္စမှာ တစ်ခါမှ မပါဝင်ခဲ့ပါဘူး...ဘာလို့ ရုတ်တရက် ရောက်လာကြတာလဲ? နတ်နဂါး မိသားစုထဲမှာ တစ်ခုခု ဖြစ်သွားနိုင်လို့လား"

မုယွီအာက အော်လိုက်ပြီး ဖေ့ယိုးယွီကိုလည်း ကြည့်လိုက်သည်။

ဘုန်းကြီးသုံးပါး၊ သီလရှင်နှစ်ပါးတို့ ဖြစ်ကာ မျှော်စင်နယ်ပယ် တစ်ယောက်က နတ်မီးနယ်ပယ်က လူလေးဦးကို ဦးဆောင်လာကြသည်။ ထိုစဥ် ထိုက်ချူသန့်ရှင်းတဲ့နယ်မြေက ကျင့်ကြံသူတွေက သွားရောက် နှုတ်ဆက်ကြပြီး သာယာသော စကားစမြည် ပြောဆိုကြသော်လည်း အလွန်စိုးရိမ်နေပုံရသည်။

လုရွှမ်ရဲ့ အမြင်အာရုံ နယ်ပယ်ထဲကို သီလရှင်လေးတစ်ပါး ရောက်လာသည်။ သူမသည် အဖြူရောင် အဝတ်အစားကို ၀တ်ဆင်ထားသော်လည်း တစ်ဝက်တစ်ပျက်ပင် မလှပသေးပေ။ လုရွှမ် သာမက လူတော်တော်များများက ရှက်ရွံ့ပြီး ပိုလို့တောင် ချစ်ဖို့ကောင်းနေတဲ့ သီလရှင်လေးကို ကြည့်လိုက်ကြသည်။

သီလရှင်လေးသည် ရုတ်တရက် ခေါင်းမော့ကာ လုရွှမ်ကို ကြည့်လိုက်ပြီးနောက် ခဏအကြာတွင် သူမသည် တိတ်တဆိတ် လှည့်ကြည့်လိုက်​ပြန်သည်။

"ဟားဟား သီလရှင်ငယ်လေးက ယောက်ျားတစ်ယောက်ကို ချစ်မိသွားပြီဟေ့ ကံမကောင်း အကြောင်းမလှစွာနဲ့ပဲ သူမရဲ့ အမြင်အာရုံက ကွာခြားလွန်းလှတယ်... နတ်မီးနယ်ပယ် တတိယအဆင့်က လူကို တကယ်ချစ်မိသွားပါပြီတဲ့!"

"ဟေ့ ဒါကို ခွေးကောင်က မတ်ပဲကို ကြည့်တယ်လို့ ခေါ်တယ်ကွ!"