ဓား ၉ လက်ဝိညာဉ်ဂိုဏ်း

ပေထင်းဟွမ်တစ်ညလုံး လေ့ကျင့်ပြီးနောက် မည်သို့စွန့်စားခဲ့သည်ကို ချင်းယွိမသိပေ။ သူမ သည်တစ်ခေါက်နိုးလာချိန်တွင် သူမ၏ခွန်အားသည် များစွာတိုးတက်ခဲ့သည်။ ဤကောင်လေးသည် အလွန်ကံကောင်းလှသည်။

ထိုအချိန်တွင် ရှီရှောင်မိုတို့လည်း နိုးလာကာ စပ်စုသောမျက်လုံးများနှင့် ကြည့်ကြလေသည်။ ဤကောင်လေးသည် ငယ်သေးသော်လည်း သူ၏ ခွန်အားသည် ချင်းယွိထက်မြင့်သည်ကို အားလုံးပြောနိုင်ကြသည်။ မနေ့ညက သူမသည် ပင်မတိုက်ကြီးတွင် တစ်သက်မှာတစ်ခါသာပေါ်သည့် ပါရမီရှင်ဖြစ် သည်ကို ချင်းယွိပြောခဲ့သည်။

“မင်းက သခင်အဆင့်သားရဲကို စာချုပ်တည်ထောင်လိုက်တာနဲ့ စွမ်းအား တွေပေါက်ထွက်တော့မလိုပဲ၊ ကြည့်ရအောင် အခုဘယ်အဆင့်ရောက်ပြီလဲ” ရှီရှောင်မိုသည် တောင်ထိပ်မှကျသွားသလိုခံစားချက်ဖြစ်သွားရာ ချင်းယွိနှင့် တခြားယောက်ျားသားကြီးသုံးယောက်ကို ခြောက်မိတော့မလိုပင်။

သခင်အဆင့်သားရဲလား၊ ဘုရားရေ ပင်မတိုက်ကြီးမှာ ရှေးသားရဲထိန်း ရှိ သေးတာလား။

“ရှောင်မို မင်းက တော်တော်မကြင်နာတာပဲ၊ အစ်ကိုကြီးနဲ့ ငါက မင်းကို ငယ်ငယ်ကတည်းက ညီမအရင်းလိုသဘောထားတာ၊ မင်း သားရဲထိန်းတာကို ဘာလို့မလိုချင်ရမှာလဲ ဘာလို့ငါတို့ကိုကျမလုပ်ပေးတာလဲ” ချီလန်သည် အသည်းကွဲလေသည်။

ချီဖေးပင်လျှင် ရှီရှောင်မိုအား နာကျင်သောမျက်လုံးများနှင့်ကြည့်လေ သည်။ ရှီရှောင်မိုသည် နားမလည်စွာနှင့် ထိုလူနှစ်ယောက်ကို စိုက်ကြည့်ပြီး စိတ်ရှုပ်ထွေးစွာပြောလေသည် “ကျွန်မက ဘာဖြစ်နေလို့လဲ၊ အခုကဘာ အဓိပ္ပာယ်လဲ ရှင်းအောင်လုပ်ရအောင်”

“ရှောင်မို မင်းက ရှေးသားရဲထိန်းဖြစ်နေလိမ့်မယ်လို့ ထင်မထားဘူး” ချီဖေးသည်သက်ပြင်းချလေသည်။ ၃၃ ကောင်းကင်ဘုံတွင် သားရဲထိန်းများ မည်မျှရှားပါးသည်ကို သူ ကောင်းစွာနားလည်သည်။ ကွေ့ရှိုမိုယွိတွင် ရှီရှောင်မို ကဲ့သို့ ငယ်ရွယ်သောသားရဲထိန်းသခင်ရှိနေသည်။ ဧကရာဇ်မိုပင်လျှင် ရှောင်မိုအား တစ်စုံတစ်ယောက်မှ တိုက်ခိုက်မည်ကို အလွန်စိုးရိမ်သည်။ ရှောင်မိုသည် သားရဲထိန်းမဟုတ်ဘဲ ရှေးသားရဲထိန်းဆိုသည်ကိုသိသွားကြလျှင်၊ ဝိညာဉ်နတ်ဘုရားမျိုးနွယ်ကဲ့သို့ အင်အားစုသည် မည်သို့အရာမျိုး လုပ်ထွက် မည်ကို ချီဖေး မတွေးရဲပေ။

ဝိညာဉ်နတ်ဘုရားများသည် ၃၃ ကောင်းကင်ဘုံတွင် ရှေးရိုးစွဲရာထူးများ ကို အဆင့်တက်ခဲ့ကြသည်။ အနောက်တောရိုင်းသည် အနေငြိမ်ပြီး အင်အား ပြိုင်ဆိုင်မှုတွင် ဝင်မပါလျှင် အနောက်တောရိုင်းပင်လျှင် သည်းခံနိုင်မည် မဟုတ်ပေ။ လွန်ခဲ့သည့်နှစ်ပေါင်း သောင်းချီက ဝိညာဉ်နတ်ဘုရားမျိုးနွယ်နှင့် ယန်မိုထျန်းမျိုးနွယ်တို့ တိုက်ပွဲအကြားတွင် ဝိညာဉ်နတ်ဘုရားမျိုးနွယ်၏ ရည်ရွယ်ချက်ကို ထုတ်ဖော်ခဲ့သည်။ ဝိညာဉ်နတ်ဘုရားမျိုးနွယ်သည် မျက်နှာ ပျက်မည်ကို ဂရုမစိုက်တော့ပေ။

“ရှေးသားရဲထိန်းဟုတ်လား” ရှီရှောင်မိုသည် ရယ်မောလေသည် “ကျွန်မ က ရှေးသားရဲထိန်းပါလို့ပြောနေတာလား အဲဒါဖြစ်နိုင်မယ်လို့ထင်လို့လား၊ ကျွန်မက ဘယ်လိုလုပ် ရှေးသားရဲထိန်းဖြစ်မှာလဲ”

“မင်းက ရှေးသားရဲထိန်းမဟုတ်ရင် ပေထင်းဟွမ်က ရှေးသားရဲထိန်းဖြစ် မှာလား၊ လာမနောက်နဲ့နော်၊ နတ်မိစ္ဆာဧကရာဇ်ကျသွားပြီးတဲ့နောက် ၃၃ ကောင်းကင်ဘုံမှာတော် ရှေးသားရဲထိန်းမရှိတော့ဘူး၊ ပင်မတိုက်ကြီးမှာ ဘယ်လိုလုပ်ရှိမှာလဲ” ချီလန်သည် ကျယ်လောင်စွာရယ်မောလေသည်။

“ကျွန်တော်က မဟုတ်ဘူးလို့ ဘယ်သူပြောလဲ” ပေထင်းဟွမ်သည် မျက်ခုံးများကို အနည်းငယ်ပင့်မြှောက်လေသည်။ သူမ၏မျက်လုံးထဲတွင် ရွှေရောင်အလင်းတန်းဖျော့တစ်ခု လက်သွားသည်။ ခန္ဓာကိုယ်ထဲမှစွမ်းအားကို ထုတ်လွှတ်ပြီး ဝိညာဉ်ဂိုဏ်းထိပ်ဆုံးအဆင့်၏ခွန်အားကို ခံစားလိုက်သည်။ ထို အခိုက်အတန့်တွင် ပေထင်းဟွမ်သည် ခန္ဓာကိုယ်၏အကြောထဲသို့ စွမ်းအင်ကို လောင်းထည့်လိုက်ရာ ကြယ်ပုံစံအဖွဲ့အစည်းသည် သူမ၏ခြေထောက်အောက် တွင်ပေါ်လာသည်။

“မိုးနတ်မင်းရေ” ချင်းယွိသည် ထိတ်လန့်တကြား ထခုန်ကာ ပေထင်းဟွမ် ၏ခြေထောက်ကို မယုံနိုင်စွာဖြင့် စိုက်ကြည့်လေသည်။

ပေထင်းဟွမ်သည် ငုံ့ကြည့်ကာ သူမလည်း ထိတ်လန့်သည်။ သူမ၏ မျက်လုံးများကို ခတ်လိုက်သည်။ မှန်သည်။ သူမ မှန်သည်။ သူမ ငေးကြောင် နေခြင်းမဟုတ်ဘဲ အမှန်တကယ် တည်ရှိနေခြင်းပင်။

၆ ထောင့်ကြယ်သည် တောက်ပစွာလင်းလက်နေပြီး ကောင်းကင်နှင့် မြေကြီးစည်းမျဉ်းမှဆွဲထားသည့် ကြယ်ပုံစံသည် ထူးခြားပြီး ပြီးပြည့်စုံသည်။ သူမရှေ့မှကြယ်ရောင်ထဲတွင် သန့်စင်သောဓား ၉ လက်သည် တလက်လက် တောက်နေသည်။ အားလုံးပေါင်း လက်ကိုင် ၉ ခုရှိသည်။ ဆိုလိုသည်မှာ ပေထင်းဟွမ်သည် ဓား ၃ လက်ဝိညာဉ်ဂိုဏ်းမှ ဓား ၉ လက်ဝိညာဉ်ဂိုဏ်းသို့ တစ်ခါတည်းတက်သွားခြင်းပင်။