အပြန်အလှန်ဖျက်ဆီးခြင်း! သူဌေးချင်ခေါင်းဘယ်လိုလုပ်ကြီးလာတာလဲ? ၃

မနာလိုဖြစ်နေသူများ ချက်ချင်းအသံတိတ်သွားသည်။ သူတို့က ပါမောက္ခရန်လိုလူနှင့်ပြိုင်မငြင်းရဲသဖြင့် ဗီဒီယိုကိုဖျက်လိုက်ကြ၏။ မဟုတ်ရင် မရေမတွက်နိုင်သောပြည်သူများက သင်ခန်းစာပေးကြတော့မည်။

လွန်ခဲ့သောရက်ပိုင်းခန့်က အသိဉာဏ်မရှိသောအမျိုးသမီးတစ်ဦးသည် လူကြီးမင်းကျုံးအကြောင်း မသင့်တော်သောမှတ်ချက်များပေးခဲ့၏။ သူမမှာ အင်တာနက်ပေါ်ရှိပြည်သူများ၏ တံတွေးခွက်တွင်ပက်လက်မျောခဲ့ရလေသည်။ အကျိုးဆက်က သင်ခန်းစာရသွားခြင်းပင်။

ချင်လင်လည်း ပါမောက္ခရန်၏ဗီဒီယိုကိုမြင်သွားသည်။

ဒါပါမောက္ခရန်လိုလူမျိုးနှင့် အသိမိတ်ဆွေဖြစ်ရခြင်းအတွက် အကျိုးရလဒ်ဖြစ်ပေသည်။



ပါမောက္ခရန်၏ထောက်ခံချက်နှင့် အလှအပဥကျော်ကြားမှုကပိုတက်လာသည်။ အဆင့်အတန်းရှိသောအမျိုးသမီးများလည်း မနေနိုင်ဘဲစိတ်ဝင်စားလာ၏။

ထို့ကြောင့် နောက်တစ်နေ့တွင် စံအိမ်ကားပါကင်လုံခြုံရေးအစောင့်များက ကားအကောင်းစားနှင့်အမျိုးသမီးကားမောင်းသူများပိုများလာကြောင်းသတိထားမိသည်။ သူတို့က သူတို့အလှအပအတွက်လာမှန်းသိသာ၏။

ဒီလိုကျော်ကြားမှုအခြေအနေနှင့် စိတ်ဝင်စားသောခရီးသည်အရေအတွက်လည်း မြင့်တက်လာသည်။

…

ရေပေါ်တံတားရှုခင်းနေရာ၌_

ချန်လီက ကျုံးလဲ့ကို မနက်စောစောစီးစီး စံအိမ်တစ်နေရာဆီခေါ်လာသည်။ ထိုနေရာတွင် ရေပေါ်တံတားရှုခင်းကိုအကောင်းဆုံးမြင်နိုင်၏။

ရေပေါ်တံတားပေါ်တွင်ကြပ်သိပ်နေသောခရီးသည်များကိုကြည့်ရင်း ချန်လီကသက်ပြင်းချလိုက်ပြန်သည်။

နှစ်သစ်ရောက်ပြီး စွန်းရှန်နှင့်သူက ချင်းလင်စံအိမ်ကို မနှစ်ကအရှိန်အဟုန်အတိုင်း ခရီးသည်အရေအတွက်ဆက်ထိန်းထားနိုင်ပါ့မလား စိုးရိမ်နေဆဲပင်။

ဘာပဲဖြစ်ဖြစ် နှစ်သစ်ရောက်ပြီး ခရီးသည်အရေအတွက်ကကျဆင်းသွားသည်လေ။ အင်တာနက်ပေါ်တွင်နာမည်ကြီးသည်က နွေဦးပွဲတော်နှင့်ဆက်စပ်သောသတင်းများဖြစ်ကုန်၏။

စွန်းရှန်နဲ့သူစိတ်ပူနေတုန်း ချင်းလင်စံအိမ်က ဒီလိုအုတ်အော်သောင်းတင်းဖြစ်အောင်လုပ်လိမ့်မယ်လို့ ဘယ်ထင်ထားပါ့မလဲ?

သူက ရေပေါ်တံတားတွင်စည်ကားနေသောခရီးသည်များကိုကြည့်လိုက်သည်။ လူဝင်လူထွက်နှုန်းကိုကန့်သတ်ထားရ၏။ သူတို့အလကားစိုးရိမ်နေမိတာပင်။

ချန်လီက ကျုံးလဲ့ကိုမနေနိုင်ဘဲမေးလိုက်သည်_ ''မင်းပြောကြည့် ဒီရေလှောင်တမံဒီမှာရှိတာ ဆယ်စုနှစ်ချီပြီ... ငါတို့ရဲ့ကမ္ဘာလုံးဆိုင်ရာခရီးသွားလုပ်ငန်း+ အစီအစဉ်အကောင်အထည်ဖော်တာ လေးငါးနှစ်ရှိပြီ... ဒီနေရာကို ဒီလိုဆောက်လို့ရတယ်ဆိုတာ ဘာလို့ဘယ်သူမှမတွေးမိတာလဲ?''

ကျုံးလဲ့လည်း အပြည့်အဝလေးစားပုံနှင့်_ ''လက်ထောက်ချန်... သူဌေးချင်ရဲ့ဦးနှောက်အလုပ်လုပ်ပုံကိုဘယ်လိုထင်လဲ?''





သူကလက်ထောက်ချန်နှင့်ပတ်သွားထားသောကြောင့် ရေလှောင်တမံအခြေအနေကိုသိသည်။ အရင်က ဘယ်သူမှကြည့်တောင်မကြည့်ချေ။

အခုတော့ရေလှောင်တမံက သူဌေးချင်ရဲ့လက်ထဲမှာ နာမည်ကျော်ရှုခင်းကြည့်နေရာဖြစ်လာပြီ။ သူဌေးချင်က ရှုမျှော်ခင်းဖန်တီးတဲ့နေရာမှာ တကယ့်ပညာရှင်တစ်ဦးပင်။ ဘယ်နေရာမဆို ရတနာလိုပြောင်းလဲပစ်နိုင်သည်။ နိုင်ငံထဲမှာ ဘယ်ဒီဇိုင်းပညာရှင်မှ သူ့ကိုမယှဉ်နိုင်ဟုခံစားရ၏။

''နိုင်ငံထဲကရှုမျှော်ခင်းနေရာတာဝန်ခံပုဂ္ဂိုလ်တွေသာ သူဌေးချင်လိုအသိအမြင်ရှိရင် ဘယ်လောက်ကောင်းလိုက်မလဲ?'' ချန်လီကသက်ပြင်းချပြီး ဆက်ပြောလိုက်သည်_ ''သူဌေးချင်ကိုသွားရှာရအောင်... ငါတို့မှာ အရေးတကြီးဆွေးနွေးစရာရှိသေးတယ်''

သူတို့နှစ်ဦးက ချင်လင်၏ရုံးခန်းထဲမြန်မြန်ဆန်ဆန်ရောက်သွားကြသည်။ သူတို့ဝင်သွားသောအခါ ချင်လင်မှာလူငယ်တစ်ဦးနှင့်အတူ လက်ဖက်ရည်ဖျော်နေ၏။

ထိုလူငယ်က ချင်လုံပင်။

နှစ်သစ်မတိုင်ခင်က ခရမ်းချဉ်သီးစိုက်ခင်းတရားဝင်စဖွင့်လျှင် ဖွင့်ပွဲအခမ်းအနားကိုချင်လင်အားဖိတ်မည်ဟု ရွာထဲတွင်သူပြောခဲ့သည်။

သူ့ခရမ်းချဉ်သီးစိုက်ခင်းကို နှစ်ရက်အတွင်းဖွင့်တော့မည်။ ဒီမနက် ချင်လင်ကိုဖိတ်ရန်အတွက် အစောကြီးလာခဲ့ခြင်းဖြစ်၏။

ဒါက ရိုသေလေးစားမှုနှင့်ကျေးဇူးတရားကိုဖော်ပြသည့်အပြုအမူပင်။

ချင်လင်က ချင်လုံအတွက် လက်ဖက်ရည်တစ်ခွက်ငှဲ့ပေးသည်။ ချန်လီဝင်လာသည်ကိုမြင်လျှင် သူကချက်ချင်းမတ်တပ်ရပ်ပြီး ကြိုဆိုလိုက်၏_ ''လက်ထောက်ချန်... ဘယ်လိုဖြစ်ပြီးရောက်လာတာလဲ? ထိုင်ပါဦး... ကျွန်တော်အခုပဲလက်ဖက်ရည်ဖျော်နေတာ''

''သူဌေးချင်... မင်းနဲ့ဆွေးနွေးစရာရှိလို့'' ချန်လီကပြုံးပြုံးနှင့် ချင်လင်နှင့်အတူထိုင်လိုက်သည်။

ချင်လင်ကမိတ်ဆက်ပေးဖို့မမေ့_ ''လက်ထောက်ချန်... ဒါကျွန်တော့်ရွာကအစ်ကိုကြီးချင်လုံပါ... အစ်ကိုလုံ ဒါကလက်ထောက်ချန်''

''မင်္ဂလာပါ'' ချန်လီက ချင်လုံကို သူ့ပုံစံအတိုင်းနှုတ်ဆက်လိုက်သည်။

''လက်ထောက်ချန် မင်္ဂလာပါ'' ချင်လုံက တုန်တုန်ရီရီနှင့်ပြန်နှုတ်ဆက်၏။

ဒီလိုအဆင့်ရှိတဲ့လူတစ်ယောက်နဲ့မျက်နှာချင်းဆုံရတာ နည်းနည်းစိတ်လှုပ်ရှားစရာပင်။

ချင်လင်နှင့်လက်ထောက်ချန်၏စကားဝိုင်းကိုမြင်ရတာ တကယ်လေးစားဖို့ကောင်းသည်။

ဤသည်က ရုံချန်းစီရင်စုတွင် ချင်လင်၏အနေအထားအရမ်းမြင့်ကြောင်းပြသရာလည်းရောက်လေသည်။