မှော်အဆီအနှစ်အရည် (၂)
Vol. 17 Ch. 259
လင်းရှန်သည် သူတို့အား နှစ်သိမ့်ပေးတော့မည့်အချိန်တွင် သူ့အမူအရာ ရုတ်တရက် ပြောင်းလဲသွားသည်။ လှည့်ကြည့်လိုက်တော့ သူ့အနားမှာ လူတစ်ယောက် ပေါ်လာတာကို သိလိုက်သည်။
ထိုလူသည် ကြမ်းတမ်းသောမျက်နှာနှင့် တင်းမာသောပုံစံရှိသော်လည်း သူသည် ရက်စက်ပုံမပေါ်ပေ။ အဲဒီအစား သူကသူရဲကောင်းဆန်တဲ့ ခံစားချက်ကို ပေးစွမ်းသည်။
ရှီကျင့်ရှန်သည် ထိုလူ၏မျက်နှာကိုမြင်သောအခါ အော်ဟစ်ခဲ့သည်။
"အကြီးအကဲကျီ”
ကျန်တဲ့ အတွင်းဂိုဏ်း တပည့်နှစ်ယောက်ကလည်း အဲဒီလူကိုသိကြသည် ။ သူတို့က ဆောလျင်စွာ ဦးညွှတ်ပြီး “မင်္ဂလာပါ အကြီးအကဲကျီ”
အကြီးအကဲကျီက ခေါင်းညိတ်ပြီး သူတို့ကို မကြည့်ပေ။ ယင်းအစား သူသည် လင်းရှန်ကို စိုက်ကြည့်နေသည်။ အကြိမ်အနည်းငယ် ကြည့်ပြီးနောက် ထူးဆန်းသောအမူအရာဖြင့် ပြောသည် ။
“မင်း ဒီလောက် စွမ်းဆောင်နိုင်မယ်လို့ ငါ မမျှော်လင့်ထားဘူး။ မင်းက ဝူကျီကိုတောင် ဒဏ်ရာအပြင်းအထန်ရအောင် လုပ်နိုင်တယ်”
ထိုစကားကို ပြောပြီးတာနဲ့ အားလုံးက တိတ်သွားကြသည်။
ရှီကျင့်ရှန်နှင့် အခြားသူများသည် လင်းရှန်ကို ထိတ်လန့်စွာကြည့်ကာ နေရာတင်ပင် တွေဝေနေကြသည်။
“ လင်းရှန်က ဝူကျီကို ဒဏ်ရာအပြင်းအထန်ရအောင်လုပ်တာလား”
ဘယ်လိုဖြစ်နိုင်မှာလဲ
ဒါပေမယ့် နောက်တော့ ဒီအကြောင်းကို ပြောတာသည် အကြီးအကဲကျီဆိုတာ သိလိုက်ရသည်။
ဂုဏ်သိက္ခာရှိသော ကျင့်ကြံသူ သခင်သည် ထိုအရာများကို မည်သို့ဖန်တီးပြော မည်နည်း။
အဲဒီအခါမှာ… အဲဒါ အမှန်ပင်ဖြစ်ပေသည်။
လူတိုင်း ထိတ်လန့်သွားပြီး ခေါင်းတွေ တဆတ်ဆတ် တုန်နေ၏
ဒီနေ့မတိုင်မီက တောက်ပသောဝင်ပေါက်အဆင့် ကျင့်ကြံသူသည် ကျင့်ကြံသူသခင်အား ပြင်းထန်စွာ ဒဏ်ရာရစေနိုင်ကြောင်း တစ်စုံတစ်ဦးမှ ပြောကြားခဲ့ပါက ၎င်းတို့သည် ကျိန်းသေပင် လှောင်ပြောင်ခံရမည်ဖြစ်သည်။
ယခုတော့ ဤမျှ ထူးဆန်းသောကိစ္စ ဖြစ်လေပြီ။
ထိုအခိုက်အတန့်မှာ အကြီးအကဲကျီက ထပ်ပြောပြန်သည်။
"ဝူကျီသာ ဒဏ်ရာမရရင် သူ့ကိုသတ်ပြီး သူ့သိုလှောင်လက်စွပ်ကို ယူလို့ မရဘူး။ အဲဒါကိုပြောရရင် မင်းရဲ့ ပံ့ပိုးကူညီမှုတွေ ပါတာမလို့ မင်းရရမဲ့အရာတွေကို ငါယူမှာ မဟုတ်ဘူး။ ဒီ မှော်အဆီအနှစ်အရည်ပုလင်းက မင်းရဲ့ဆုလာဘ်ဖြစ်လိမ့်မယ်။"
အကြီးအကဲကျီက လင်းရှန်ဆီကို ကြွေပုလင်းအား ပစ်ချလိုက်သည်။
လင်းရှန်က လက်ထဲရောက်လာသော ကြွေပုလင်းကို စူးစူးစိုက်စိုက် ကြည့်လိုက်သည်။ သူမေးခါနီးတွင် ရှီကျင့်ရှန်၏ တုန်လှုပ်ခြောက်ခြားမှုနှင့် မနာလိုသည့်အမူအရာကို မျက်လုံးထောင့်မှ ရုတ်တရက် မြင်လိုက်ရသည်။ သူ့မေးခွန်းကို ပြန်မျိုသိပ်လိုက်လေသည်။
သူ့အား ပေးပြီးနောက် အကြီးအကဲ ကျီသည် ဆက်၍မနေတော့ချေ။ လှည့်ပြီး ဂူဆီသို့ ပြေးသွားသည် ။
အကြီးအကဲကျီထွက်သွားတာကိုကြည့်ပြီးနောက် လင်းရှန်က ရှီကျင့်ရှန်အား ၊ "အကိုရှီ၊ ဒီမှော်အဆီအနှစ်ဆေးရည်က ဘာကိုသုံးတာလဲ"ဟု မေး၏
ရှီကျင့်ရှန်သည် လင်းရှန်၏လက်ထဲရှိ မှော်အဆီအနှစ်ဆေးရည်အား မနာလိုစွာကြည့်ကာ ရှင်းပြသည်။
“မှော်အဆီအနှစ်ဆေးရည်က အရမ်းအသုံးဝင်ပါတယ်။ ဝိညာဉ်ပုံဖော်ခြင်းဆေးနဲ့ အလားတူပဲ။ ဝိညာဉ်မဏ္ဍိုင်သွေးကြောကို ဖန်တီးဖို့ သုံးလို့ရတယ် “
“ဒါပေမဲ့ မှော်အဆီအနှစ်ဆေးရည်ရဲ့အာနိသင်က ဝိညာဉ်ပုံဖော်ခြင်းဆေးထက် များစွာ အားကောင်းတယ်။ မှော်အဆီအနှစ် ဆေးရည်အရည်တစ်စက်က ဝိညာဉ်ပုံဖော်ခြင်းဆေးအလုံးတစ်ရာနှင့် ညီမျှတယ်။အဲ့တာက ဂိုဏ်းထဲမှာ အတော်လေး ရေပန်းစားတယ်။ တပည့်တော်တော်များများက ဒါကို မျက်စိကျနေကြတာ ။ အကြီးအကဲကျီဆီက မှော်အဆီအနှစ်ဆေးရည်ကို ညီလေးလင်း ရခဲ့တာဆိုတော့…”
လင်းရှန်သည် လူတိုင်းမနာလိုစရာကောင်းအောင် အလွန်ကံကောင်းသည်ဟု ဆိုချင်သော်လည်း အဆီအနှစ်ဆေးရည်သည် သွေးပင်လယ်ဂိုဏ်းမှ ဆရာကြီးအား ပြင်းထန်စွာ ဒဏ်ရာရစေခြင်းမှ လင်းရှန်ရရှိခဲ့သော ဆုလာဘ်တစ်ခုဖြစ်ကြောင်း တွေးလိုက်မိသည်။ ရှီကျင့်ရှန်သည် ထိုစကားများကို မပြောပေ။
လင်းရှန်သည် ရှီကျင့်ရှန်၏ထူးဆန်းသောတုံ့ပြန်မှုကို ဂရုမစိုက်ပေ။ မှော်အဆီအနှစ်ဆေးရည်၏အရည်တစ်စက်သည် ဝိညာဉ်ပုံဖော်ခြင်းဆေး ရာဂဏန်းတန်ဖိုးရှိသည်ကို ကြားသောအခါ သူ့မျက်လုံးများ တောက်ပလာသည်။
သူက ချက်ချင်း ပုလင်းကို ဖွင့်ပြီး အနီးကပ်ကြည့်လေ၏ ပုလင်းထဲတွင် အနည်းဆုံး မှော်အဆီအနှစ်ဆေးရည် ခုနစ်စက်မှ ရှစ်စက်ခန့် ပါရှိသည်။ သူချက်ချင်း ဝမ်းသာသွားသည်။
မှော်အဆီအနှစ်ဆေးရည်ပုလင်းသည် အလွန်အမင်းဉာဏ်ကောင်းခြင်းသည် ထိခိုက်စေသည်ဟူသော ကိုယ်ပွါးအတွက် ၎င်း၏ ဝိညာဉ်မဏ္ဍိုင်သွေးကြောများကို အကန့်အသတ်အထိ ပုံဖော်ရန် လုံလောက်သည်။
“ဒါဆို အကြီးအကဲကျီက ဝူကျီဆီက အကျိုးကျေးဇူးတွေ အများကြီး ရလိုက်ပုံပါပဲ။ မဟုတ်ရင် မှော်အဆီအနှစ်ဆေးရည်ပုလင်းကို ဘာလို့ ပေးချင်ပါ့မလဲ။" လင်းရှန်က မှန်းဆလိုက်သည်။
ဒါတောင်မှ သူက ကန့်ကွက်တာ မရှိပေ။
ဝူကျီကို ပြင်းပြင်းထန်ထန် ဒဏ်ရာရစေရန်ကမ္ဘာကိုအံ့ဩစေခြင်း ကိုယ်ပွါးကို အသုံးပြုခဲ့သော်လည်း ၎င်းကို သတ်ရန် မဖြစ်နိုင်ပေ။
ဝူကျီသည် အကြီးအကဲကျီ၏လက်တွင် သေဆုံးသွားခဲ့ပြီး လင်းရှန်သည် အလွန်
အဖိုးတန်သော မှော်အဆီအနှစ်ဆေးရည်တစ်ပုလင်းကို ရရှိခဲ့သည်။ ပျော်ရွှင်စရာ အဆုံးသတ်တစ်ခုပင်။
သူ့အသိစိတ်ပြန်ဝင်လာပြီးနောက် လင်းရှန်သည် မှော်အဆီအနှစ်ဆေးအရည်ကို ဖယ်ထုတ်လိုက်ပြီး ရှီကျင့်ရှန်အား " အစ်ကို ရှီ အကြီးအကဲကျီကဘယ်သူလဲ" ဟု မေးသည်။
ရှီကျင့်ရှန်က ပြုံးလိုက်သည်။ “အကြီးအကဲ ကျီကျစ်ယွမ်က ဂိုဏ်းရဲ့ စစ်ဘက်ဌာန လက်ထောက်အကြီးအကဲ သုံးဦးထဲက တစ်ဦးပဲ။ သူက ဝိညာဉ် ပျိုးထောင်ခြင်း နှောင်းပိုင်းအဆင့် သခင်ဖြစ်ပြီး အလွန်အစွမ်းထက်တယ်”
ဝိညာဉ် ပျိုးထောင်ခြင်း နှောင်းပိုင်းအဆင့် ကျင့်ကြံသူ သခင်။
သူ့အနေနဲ့ ဝူကျီကို မြန်မြန်သတ်နိုင်တာ အံ့သြစရာ မဟုတ်ပေ။
လင်းရှန်သည် နားလည်သွားသည်။
စကားပြောနေကြစဉ် ချိုင့်ဝှမ်အထက် လှိုဏ်ဂူထဲတွင် လူများ ပိုများလာသည်။
ဒါကိုမြင်တော့ ရှီကျင့်ရှန်က သက်ပြင်းချပြီး ပြုံးလိုက်သည်။
"အားလုံးပဲ ပြန်ကြရအောင်”
လှိုဏ်ဂူမျက်လုံးကထွက်ပြီး တောင်၏ အဝလှိုဏ်ဂူကို ပြန်ရောက်သောအခါ လူတိုင်းက သူတို့ပတ်ဝန်းကျင်ကို ကြည့်ပြီး အချိန်အတော်ကြာ ကုန်ဆုံးသွားသလို ခံစားလိုက်ရသည်။
သူတို့သည် ဝိဥာဉ်ဂူထဲတွင် တစ်လကျော်သာ နေခဲ့ရသော်လည်း အားလုံးက အချိန်အတော်ကြာသွားသလို ခံစားလိုက်ရသည်။
ဒီအချိန်မှာ ကြီးကြပ်သူတစ်ယောက် ဖြတ်လျှောက်လာသည်။ သူက လင်းရှန်နဲ့ တခြားလူတွေကို စကားမပြောခင် လက်ခုပ်တီးလေ၏
"အားလုံးပဲ မင်္ဂလာပါ အကြီးအကဲကျီ အမိန့်အရ ဝိညာဉ်လှိုဏ်ဂူအတွင်းက အကြောင်းတွေ မင်းတို့ကို မေးစရာတွေ အများကြီးရှိလို့ပါ”
ဖြစ်ပျက်ခဲ့တာတွေကို မေးဖို့ သင့်တော်သည်။ လင်းရှန်နှင့် အခြားသူများသည် စိတ်မခုဘဲ လွန်ခဲ့သည့်လတွင် ဖြစ်ပျက်ခဲ့သည်များကို ပြန်ပြောပြလေသည်။
ကြီးကြပ်သူက ဂရုတစိုက် နားထောင်ပြီး သူ့ဘေးနားက တပည့်တွေကို မှတ်တမ်းတင်ဖို့ လက်ဟန်ပြသည်။
သူမှတ်သားပြီးတဲ့နောက်မှာတော့ လင်းရှန်နဲ့ တခြားသူတွေကို တောင်းပန်ခဲ့သည် ။ထို့နောက် လူအားလုံးကို ဂိုဏ်းနှင့် နေကိုးစင်းဂိုဏ်းသို့ ပြန်ပို့ရန် ကြိုးကြာကို ယူဆောင်ဖို့ တစ်စုံတစ်ဦးကို ညွှန်ကြားခဲ့သည်။
သူတို့သည် ထိုနေရာကို နဂါးအစွယ် ပျံသန်းခြင်းသင်္ဘောနဲ့ ရောက်လာကြသည်။ သို့သော်လည်း ရှီကျင့်ရှန်သည် သူ၏ဒဏ်ရာများမှ ပြန်လည်ကောင်းမွန်လာဖို့လိုပြီး စွမ်းအင်များစွာ သုံးစွဲခဲ့ရသည်။ သူသည် နဂါးအစွယ် ပျံသန်းခြင်းသင်္ဘောကို မထိန်းချုပ်နိုင်ခဲ့သောကြောင့် ၎င်းတို့သည် ကြိုးကြာဖြင့်သာ ပျံသန်းနိုင်ခဲ့သည်။
အပြန်လမ်းတွင် လင်းရှန်သည် ရုတ်တရက် တစ်စုံတစ်ခုကို တွေးကာ အိုက်ကျင့်ထင်အား " ညီမ မင်းက ထူးထူးခြားခြား အဂ္ဂိရတ်ပညာရှင်
တစ်ယောက်လို့ အကိုရှီဆီက ငါကြားလိုက်ရတယ်”
အိုက်ကျင့်ထင် အံ့သြသွားပြီး "အစ်ကိုရှီက ညီမ မြှောက်ပင့်ပေးတာပါ။ အဂ္ဂိရတ်လမ်းက ကျယ်ပြန့်ပြီး လေးနက်ပါတယ်။ ကျွန်မရဲ့ အရည်အချင်းတွေက ထူးချွန်ထက်မြက်ဖို့ ဝေးနေပါသေးတယ်။”
ခေတ္တနားပြီးနောက် အိုက်ကျင့်ထင်သည် တစ်ခုခုကို တွေးတောနေပုံရပြီး "အစ်ကိုလင်း ဆေးသန့်စင်ဖို့ ကျွန်မအကူအညီလိုသေးလား" ဟု မေးလိုက်သည်။
သူ့ရည်ရွယ်ချက်ကို သူ မှန်းဆပြီးကတည်းက လင်းရှန်သည် ဝေ့ဝိုက်မနေတော့ဘဲ ခေါင်းညိတ်ပြခဲ့သည်။
"ဟုတ်တယ်.. ဂျူနီယာညီမအိုက်က အရင်က ဝိညာဉ်ပုံဖော်ခြင်းဆေးကို သန့်စင်ဖူးလားလို့ တွေးနေမိတာ”