အခန်း (၁၁၂၈)

လက်သီးချက်မှဖြစ်ပေါ်လာသော ရွှေကျီးကန်းပုံရိပ်က လက်သည်းများကို ဆန့်ထုတ်ပြီး ကုတ်ချသည်။

ချောင်ယွီဟူ၏နောက်တွင်ရှိသော ခရမ်းရောင်ကျားပုံရိပ်က နာကျင်စွာ အော်ဟစ်လိုက်ပြီး ပျက်စီးသွားသည်။

သူ့ခန္ဓာကိုယ်က တုန်ခါနေပြီး အသက်စွမ်းအင်နှင့် သွေးစွမ်းအင်က နေရာအနှံ့သို့ ဖြာထွက်သွားသည်။

ဟန်မူယဲ့က နောက်လှည့်ကြည့်လိုက်ပြီး သေဆုံးသွားသော လူသားအုပ်စုကို ကြည့်သည်။

လမ်းတစ်လျှောက်တွင် ဟန်မူယဲ့တို့အုပ်စုက ရွှေကျီးကလန်သားများကို စုဆောင်းပြီး မ‌ရေမတွက်နိုင်သော တိုက်ခိုက်မှုများနှင့် ကြုံခဲ့ရသည်။

ကံကောင်းစွာဖြင့် သူတို့က အရေအတွက်များသော လူသားစစ်တပ်နှင့် မကြုံခဲ့ရပေ။ အစစ်အမှန်ဝိညာဉ်အဆင့် ကျွမ်းကျင်သူများနှင့်လည်း ရင်မဆိုင်ရပေ။ ဟန်မူယဲ့၏ ခွန်အားဖြင့် သူတို့က တိုက်ပွဲတိုင်းကို အောင်မြင်ခဲ့သည်။

သူတို့က မိုင်တစ်သိန်းအကွာသို့ ရောက်လာသောအခါတွင် ရွှေကျီးကလန်သား သုံးထောင်ကို စုစည်းနိုင်ခဲ့သည်။ အဆီအနှစ်ဝိညာဉ် နဝမအဆင့် ကျွမ်းကျင်သူငါးယောက်လည်း ရှိနေသည်။

“ဘုန်း ....”

ရှေ့တွင် ကျယ်လောင်သော ပေါက်ကွဲသံကို ကြားရသည်။

လူတိုင်း၏ မျက်နှာထားက ပြောင်းလဲသွားသည်။

ထိုအသံက လေထုကိုပင် လှိုင်းထသွားစေသည်။

အစစ်အမှန်ဝိညာဉ်အဆင့် ကျွမ်းကျင်သူများ ဖြစ်ကြသည်။

“ငါက ချင်းဝူကလန်ရဲ့ ချင်းနန်ရွှင်ပဲ။ လူသားတွေက ရွှေကျီးကန်းလျှို့ဝှက်နယ်မြေကို ခိုးဝင်လာကြတယ်။ အစစ်အမှန်ဝိညာဉ်အဆင့် ကျွမ်းကျင်သူလေးယောက်က ငါ့ကို ဝိုင်းရံတိုက်ခိုက်နေတယ်”

ထိုအသံက ကောင်းကင်နှင့်မြေကြီးကြားတွင် ပဲ့တင်ထပ်သွားသည်။

ဟန်မူယဲ့တို့အုပ်စု၏ မျက်နှာထားက ပြောင်းလဲသွားသည်။ လူအများက ဖြူဖျော့နေသည်။

“ဒီနေ့မှာ ငါက အစစ်အမှန်ဝိညာဉ်ကို ဖျက်ဆီးပြီး လူသားတွေကို တားဆီးမယ်။ ရွှေကျီးကန်းမျိုးနွယ်ရဲ့ မိတ်ဆွေတွေက ဒီနေရာကနေ ထွက်သွားကြပါ။ လူသားတွေက အင်အားကောင်းတယ်။ မင်းတို့ ခုခံနိုင်မှာမဟုတ်ဘူး”

ထိုအသံ၏နောက်တွင် ကောင်းကင်ပေါ်သို့ ထိုးတက်လာသော ရွှေအလင်းရောင်ကို မြင်ရသည်။

အစစ်အမှန်ဝိညာဉ်ကို ဖျက်ဆီးလိုက်ခြင်း ဖြစ်သည်။

ဟန်မူယဲ့တို့က ခြေတစ်လှမ်းနောက်ကျသွားသည်။

“မင်းတို့ အရင်ထွက်သွားကြပါ။ ငါသွားကြည့်လိုက်အုံးမယ်”

ဟန်မူယဲ့က အံကြိတ်ထားပြီး ရွှေကျီးကန်းအဖြစ် အသွင်ပြောင်း၍ ပျံသန်းလိုက်သည်။

အစစ်အမှန်ဝိညာဉ်အဆင့် ကျွမ်းကျင်သူတစ်ယောက်က သူ့ရှေ့တွင် ပေါက်ကွဲသွားသည်။ ထိုဖြစ်ရပ်ကြောင့် သူ၏ နှလုံးသားက တုန်ခါနေခဲ့သည်။

ဤနေရာသည် အပျက်အစီးနယ်မြေဖြစ်ပြီး အဆုံးတွင် သူက ထွက်သွားမည်ဖြစ်သော်လည်း ထိုမြင်ကွင်းကြောင့် သူ့ဝိညာဉ်က လှုပ်ရှားသွားရသည်။

‘ဒါက ရွှေကျီးကန်းရဲ့ စွမ်းအားလား’

စတေးခြင်း ....

ရွှေအလင်းသည် လျှို့ဝှက်နယ်မြေတစ်ခုလုံးကို လွှမ်းခြုံသွားသည်။

တောက်ပသော အလင်းရောင်သည် ကြိုးတစ်ချောင်းအဖြစ် ပြောင်းလဲလိုက်ပြီး မိုင်တစ်ရာပတ်ဝန်းကျင်တွင်ရှိသော အရာအားလုံးကို ချုပ်နှောင်ထားသည်။

ချင်းနန်ရွှင်ကို ဝိုင်းရံတိုက်ခိုက်ခဲ့သော လူသားမျိုးနွယ်၏ အစစ်အမှန်ဝိညာဉ်အဆင့် ကျွမ်းကျင်သူ လေးယောက်က ပိတ်မိနေပြီး အချိန်တိုအတွင်း ထွက်လာနိုင်မည်မဟုတ်ပေ။

သို့သော် ထိုချုပ်နှောင်မှုက အချိန်ကြာမြင့်စွာ တည်ရှိရန် မဖြစ်နိုင်ပေ။

“မင်းက ချင်းဝူကလန်ကို သွားဖြစ်မယ်ဆိုရင် ဒီလှံကို ချင်းယွီကျူးဆီ ပေးလိုက်ပါ”

“ငါက ချင်းနန်ရွှင်က သူမကို လက်မထပ်နိုင်တော့ပဲ ပြည်ပြေးတစ်ယောက်ဖြစ်သွားပြီလို့ ပြောလိုက်ပါ”

လှံတစ်စင်းသည် ဟန်မူယဲ့၏ရှေ့သို့ ရောက်လာသည်။ ထို့နောက် အနီရောင်ချပ်ဝတ်နှင့် အရပ်ရှည်သော လူငယ်တစ်ယောက်ကို မြင်ရသည်။

လူငယ်က လက်နှစ်ဖက်ကို ဆုပ်ကိုင်လိုက်ပြီး ဟန်မူယဲ့ကို နှုတ်ဆက်သည်။ ထို့နောက် မီးတောက်တစ်ခု လွင့်မျောလာသည်။

ရွှေကျီးကန်းမီးတောက် ဖြစ်သည်။

ထိုမီးတောက်၏ အရည်အသွေးက မြင့်မားပြီး သာမန်မီးတောက် မဟုတ်ပေ။

ဟန်မူယဲ့က ခေါင်းညိတ်လိုက်ပြီး မီးတောက်ကို လက်ခံသည်။

မီးတောက်သုံးထောင် ရှိနေသည်။

သူက လှံရှည်ကို ဆုပ်ကိုင်ပြီး တက်ကြွနေသော မီးစွမ်းအားကို ခံစားမိသည်။

ထိုလှံက နတ်ဘုရားအင်းကွက် ၁၁ခု ပါဝင်သော အလွန်အားကောင်းသည့် ရတနာတစ်ပါး ဖြစ်သည်။

လှံ၏စွမ်းအားကို အပြည့်အဝ အသုံးပြုလိုက်လျှင် အစစ်အမှန်ဝိညာဉ်အဆင့် ကျွမ်းကျင်သူကို သတ်ဖြတ်နိုင်လိမ့်မည်။

သို့သော် ထိုလက်နက်ဖြင့် အစစ်အမှန်ဝိညာဉ်အဆင့် ကျွမ်းကျင်သူ လေးယောက်ကို ယှဉ်ပြိုင်ရန် မဖြစ်နိုင်ခဲ့ပေ။

“ဘန်း”

တုန်ခါသံနှင့်အတူ ရွှေရောင်ချိန်းကြိုးတွင် အက်ကွဲကြောင်းများ ပေါ်လာသည်။

ချိန်းကြိုးက ပျက်စီးသွားတော့မည်။

ဟန်မူယဲ့က လက်မြှောက်ပြီး ရွှေကျီးကန်းမီးတောက်ကို ထုတ်လွှတ်သည်။

ရွှေကျီးကန်းမီးတောက်က ချိန်းကြိုးများနှင့် ပေါင်းစပ်ပြီး အထဲတွင်ရှိ‌သော လူသားကျွမ်းကျင်သူများကို ထပ်မံတားဆီးလိုက်သည်။

ထိုချိန်းကြိုးကို ချင်းနန်ရွှင်က ကိုယ့်ကိုယ်ကိုယ်ဖျက်ဆီးပြီး ဖန်တီးခဲ့သည်။ သူ၏ ကိုယ်ပိုင်တိုက်ခိုက်နိုင်စွမ်း မဟုတ်သောကြောင့် အချိန်ကြာမြင့်စွာ ရှိနေမည်မဟုတ်ပေ။ အကယ်၍ သူက ဟန်မူယဲ့၏ ရွှေကျီးကန်းမီးတောက်နှင့် ပူးပေါင်းလိုက်လျှင် အစစ်အမှန်ဝိညာဉ်အဆင့် ကျွမ်းကျင်သူ လေးယောက်ကို အမှန်တကယ်ပင် ချုပ်နှောင်နိုင်လိမ့်မည်။

ဟန်မူယဲ့၏ မီးတောက်က နှစ်ပေါင်းသန်းဆယ်ချီ ကျင့်ကြံထားသော ရွှေကျီးကန်းမျိုးနွယ်၏ ကျွမ်းကျင်သူများထက် ပိုကောင်းသည်။

အဝေးတစ်နေရာတွင် ပုံရိပ်တစ်ခုပေါ်လာသည်။

စောင့်ကြပ်နေသော လူသားမျိုးနွယ်၏ တခြားကျွမ်းကျင်သူများ ဖြစ်ကြသည်။

ချိန်းကြိုးကို အပြည့်အဝပြုပြင်ရန် မဖြစ်နိုင်သောကြောင့် ဟန်မူယဲ့က တုံ့ဆိုင်းမနေခဲ့ပေ။ သူက ဦးညွတ်လိုက်ပြီး ရွှေကျီးကန်းအဖြစ် ပြောင်းလဲ၍ လှံရှည်နှင့်အတူ ထွက်သွားသည်။

“ဘုန်း”

ဟန်မူယဲ့က မိုင်သောင်းချီအကွာသို့ ရောက်လာသောအခါ ကျယ်လောင်သော ပေါက်ကွဲသံကို ကြားလိုက်ရသည်။

လောကကို ဖုံးလွှမ်းထားသော ရွှေအလင်းသည် ဖြည်းဖြည်းချင်း ပျောက်ကွယ်သွားသည်။

ချင်းဝူကလန်၏ ချင်းနန်ရွှင်က သေဆုံးသွားသည်။

ချိန်းကြိုးများက အစစ်အမှန်ဝိညာဉ်အဆင့် ကျွမ်းကျင်သူ လေးယောက်ကို မည်မျှကြာအောင် ချုပ်နှောင်ထားနိုင်မည်နည်း။ ဟန်မူယဲ့က ထိုအချက်ကို မသိသော်လည်း သူ့နောက်သို့ လိုက်လာသော လူသားမျိုးနွယ်၏ ကျွမ်းကျင်သူများကို သတိထားမိသည်။

သူတို့ထဲတွင် အနည်းဆုံး လူတစ်ယောက်က အစစ်အမှန်ဝိညာဉ်အဆင့်တွင် ရှိနေသည်။

သူက လျင်မြန်စွာ ပျံသန်းလာခဲ့သည်။

“ဝှစ် ....”

လေထုထဲတွင် ရွှေကျီးကန်းတစ်ကောင်ကို မြင်ရသည်။

ရွှေကျီးကန်းမျိုးနွယ်၏ အစစ်အမှန်ဝိညာဉ် ဖြစ်သည်။

ရွှေအလင်းစီးကြောင်းသည် အဝေးတစ်နေရာသို့ ပျံသန်းသွားသည်။

“ရပ်ပါအုံး”

ဟန်မူယဲ့က အော်ဟစ်လိုက်သည်။ သူအသွင်ပြောင်းထားသော ရွှေကျီးကန်းက ပေတစ်ထောင်ကြီးမားသော ရွှေကျီးကန်းဆီသို့ ဝင်ရောက်သွားသည်။

“ထွက်သွားစမ်း”

ပေတစ်ထောင်ရွှေကျီးကန်းက ဒေါသတကြီး အော်ဟစ်သည်။ တောင်ပံဖြန့်လိုက်ပြီး ဟန်မူယဲ့၏ ရွှေကျီးကန်းဦးခေါင်းကို ရိုက်ချသည်။

ထိုတိုက်ခိုက်မှုကြောင့် ဟန်မူယဲ့၏ ခန္ဓာကိုယ်က ပျက်စီးသွားနိုင်သည်။

ရွှေကျီးကန်းမျိုးနွယ်’ အစစ်အမှန်ဝိညာဉ်က တိုက်ခိုက်ခဲ့ခြင်း ဖြစ်သည်။

ဟန်မူယဲ့က လှုပ်ရှားလိုက်သည်။ အသွင်ပြောင်းထားသော ရွှေကျီးကန်းက ပျောက်ကွယ်သွားပြီး တိုက်ခိုက်မှုကို လျင်မြန်စွာ ရှောင်တိမ်းသည်။

သွေးမျိုးဆက်မှ ဖြစ်ပေါ်လာသော ချပ်ဝတ်သည် သူ့ခန္ဓာကိုယ်တွင် ရှိနေသည်။

သူတားဆီးလိုက်သော ရွှေကျီးကန်းကလည်း အနက်ရောင်ချပ်ဝတ်နှင့် လူငယ်တစ်ယောက်အဖြစ် ပြောင်းလဲသွားသည်။ လူငယ်၏မျက်နှာထားက အေးစက်နေပြီး ဒေါသထွက်နေသည်။

“မင်းက ဘယ်သူလဲ။ ငါ့ကို တားဆီးရဲတယ်ပေါ့လေ”

လူငယ်က အံကြိတ်ထားပြီး ဟန်မူယဲ့ကို လက်ညှိုးထိုးသည်။

“ချင်းဝူကလန်ရဲ့ အစစ်အမှန်ဝိညာဉ်အဆင့် ချင်းနန်ရွှင်က အစစ်အမှန်ဝိညာဉ်ကို ဖျက်ဆီးပြီး လူသားမျိုးနွယ်ရဲ့ အစစ်အမှန်ဝိညာဉ်အဆင့် ကျွမ်းကျင်သူလေးယောက်ကို ချုပ်နှောင်ထားတယ်။ ငါတို့ အခုသွားရင် ချုပ်နှောင်ခံထားရတဲ့ အစစ်အမှန်ဝိညာဉ်အဆင့် ကျွမ်းကျင်သူတွေကို ဒဏ်ရာပေးနိုင်လိမ့်မယ်”

ဟန်မူယဲ့က လျင်မြန်စွာ ပြောလိုက်သည်။

သူက တစ်ယောက်တည်း မလုပ်နိုင်ပေ။ သို့သော် အစစ်အမှန်ဝိညာဉ်အဆင့် ကျွမ်းကျင်သူက လုပ်နိုင်သည်။

သူ့စကားကို ကြားလိုက်ရသောအခါတွင် ရွှေကျီးကန်းမျိုးနွယ်၏ လူငယ်က အေးစက်စွာပြောသည်။

“အခု တိုက်ခိုက်နေရင်လည်း ဘာမှအသုံးမဝင်ဘူး”

ထို့အပြင် ဟန်မူယဲ့ကလည်း အစစ်အမှန်ဝိညာဉ်အဆင့်သို့ မရောက်သေးပေ။

အကယ်၍ အစစ်အမှန်ဝိညာဉ်အဆင့်သို့ ရောက်သွားလျှင်ပင် ကျင့်ကြံဆင့်တည်ငြိမ်အောင် လုပ်ရဦးမည်။

ထိုအခြေအနေမျိုးတွင် တစ်ယောက်ချင်းတိုက်ခိုက်လျှင် အရေးသာနိုင်သော်လည်း နှစ်ယောက်တစ်ယောက်ဆိုလျှင် ရှုံးနိမ့်သွားလိမ့်မည်။

ချင်းနန်ရွှင်က သေဆုံးသွားသည်။ ယခု ဟန်မူယဲ့ကလည်း သေလမ်းရှာနေပုံရသည်။

လူသားမျိုးနွယ်က လျှို့ဝှက်နယ်မြေသို့ စစ်တပ်ကြီးတစ်ခုကို စေလွှတ်ခဲ့သည်။ အစစ်အမှန်ဝိညာဉ်အဆင့် ကျွမ်းကျင်သူများလည်း ရှိနေလိမ့်မည်။

“လူသားမျိုးနွယ်က စစ်သည်တစ်သိန်းကို စေလွှတ်လိုက်တယ်။ အစစ်အမှန်ဝိညာဉ်အဆင့် ကျွမ်းကျင်သူတွေရဲ့ အရေအတွက်ကိုတော့ အတိအကျ မသိရဘူး။ သူတို့က ရွှေကျီးကလန်သားတွေအားလုံးကို ရှင်းပစ်ချင်နေတယ်”

“ယဇ်ပလ္လင်ကို ချိပ်ပိတ်လိုက်ပြီ။ ဘယ်သူမှ ထွက်မသွားနိုင်တော့ဘူး”

“ချင်းနန်ရွှင်ကြောင့် ပိတ်မိနေတဲ့ လူသားကျွမ်းကျင်သူတွေကို အပြင်းအထန် ဒဏ်ရာရသွားအောင် လုပ်နိုင်ရင် လူသားမျိုးနွယ်ကို ခုခံနိုင်လိမ့်မယ်”

ဟန်မူယဲ့က နက်ရှိုင်းသောအသံဖြင့် ပြောသည်။

“စစ်သည်တစ်သိန်းလား”

အနက်ရောင်ချပ်ဝတ်နှင့် လူငယ်၏မျက်နှာထားက ပြောင်းလဲသွားသည်။

စစ်သည်တစ်သိန်း ရှိနေလိမ့်မည်ဟု သူက ထင်မထားခဲ့ပေ။

သူက ချင်းနန်ရွှင်၏အသံကို မကြားလိုက်ရသော်လည်း အစစ်အမှန်ဝိညာဉ်ပျက်စီးမှုကြောင့် ဖြစ်ပေါ်လာသော အလင်းရောင်ကို မြင်မိသည်။ ထို့ကြောင့် စစ်ဆေးကြည့်ရန် ရောက်လာခဲ့သည်။

“ယဇ်ပလ္လင်ကို ချိပ်ပိတ်လိုက်တာလား။ ငါတို့ကို ရန်သူနဲ့ တစ်ခါတည်းရှင်းပစ်ဖို့ လုပ်လိုက်တာပဲ”

“သွားပြီ”

လူငယ်က နောင်တရနေပုံပေါ်သည်။

“မြန်မြန်ပြေးတော့”

သူက သွေးနှင့်ချီကို စုစည်းလိုက်ပြီး ပြေးထွက်သွားသည်။

“ဘုန်း ....”

ဟန်မူယဲ့က လက်သီးချက်ကို ထုတ်ဖော်လိုက်သည်။

လူငယ်က ကြောင်အသွားသည်။ သူက ဒေါသထွက်နေပြီး လက်ကို ဝှေ့ယမ်းသည်။

“ဘန်း”

ဟန်မူယဲ့က ပေတစ်ရာအကွာသို့ ရောက်သွားသည်။

လူငယ်က အံ့အားသင့်နေသည်။

သူက အစစ်အမှန်ဝိညာဉ်အဆင့် ဖြစ်သည်။

အစစ်အမှန်ဝိညာဉ်အဆင့်၏ တိုက်ခိုက်မှုအောက်တွင် တစ်ဖက်လူက ပေတစ်ရာသာ နောက်ဆုတ်ပေးခဲ့ရသည်။

“ရွှေကျီးကန်းတွေအားလုံးကို စုစည်းပြီး ကျူးကျော်လာတဲ့လူသားတွေကို အစွမ်းကုန်ခုခံဖို့ လိုအပ်တယ်”

“အပြင်ဘက်မှာရှိတဲ့ အကြီးအကဲတွေက ငါတို့ကို ပစ်ထားမှာမဟုတ်ဘူး”

ဟန်မူယဲ့က အသက်ရှူသွင်းလိုက်ပြီး ကျယ်လောင်စွာပြောသည်။

အကယ်၍ အစစ်အမှန်ဝိညာဉ်အဆင့် ကျွမ်းကျင်သူကို စုစည်းနိုင်လျှင် အနိုင်ရနိုင်ခြေ ပိုများလာလိမ့်မည်။

ထိုလူငယ်က ချုပ်နှောင်ခံထားရသော လူသားကျွမ်းကျင်သူလေးယောက်ကို မတိုက်ခိုက်ချင်လျှင်ပင် ယဇ်ပလ္လင်တွင် တခြားလူများနှင့်အတူ ရှိနေသင့်သည်။

“ငါတို့ကို ပစ်ထားမှာမဟုတ်ဘူးလား”

လူငယ်က ရုတ်တရက် တည်ငြိမ်သွားသည်။

သူ့မျက်လုံးများက ရွှေရောင်တောက်နေပြီး ပြောသည်။

“တကယ်လို့ ငါတို့ကို ကယ်တင်နိုင်တယ်ဆိုရင် ယဇ်ပလ္လင်ကို ချိပ်ပိတ်လိုက်မှာမဟုတ်ဘူး”

သူက အစစ်အမှန်ဝိညာဉ်အဆင့် ကျွမ်းကျင်သူ ဖြစ်သင့်သည်။ ချက်ချင်းဆိုသလိုပင် အရာအားလုံးကို ခန့်မှန်းနိုင်သည်။

“သွားကြစို့။ ငါက မင်းကို လျှို့ဝှက်နယ်မြေရဲ့ နောက်တစ်ဆင့်ဆီ ခေါ်သွားမယ်”

သူက အသက်ရှူသွင်းလိုက်ပြီး ဟန်မူယဲ့ကို ကြည့်သည်။

“မင်းရဲ့ခွန်အားက မဆိုးဘူး။ ငါ့ကို ကူညီနိုင်လိမ့်မယ်”

“အစစ်အမှန်ဝိညာဉ်အရိုးကို အရင်ဆုံး သွားယူကြတာပေါ့”

“ငါက မင်မြို့ရဲ့ ကျန်းယုပဲ။ မင်းက ငါ့ကို သိမှာပါ”

ကျန်းယုက ဟန်မူယဲ့၏ ခွန်အားကို အသိအမှတ်ပြုလိုက်သည်။

အဝေးတစ်နေရာတွင် ရွှေရောင်နှင့် မီးခိုးရောင်ကို မြင်ရသည်။

အစစ်အမှန်ဝိညာဉ်အဆင့် ကျွမ်းကျင်သူနှစ်ယောက် ဖြစ်သည်။

‘ထွက်သွားရမှာလား’

‘နောက်တစ်ဆင့်ကို သွားရမှာလား’

‘ရွှေကျီးကလန်သားတွေကို မကယ်တော့ဘူးပေါ့’

ဟန်မူယဲ့၏ နှလုံးသားက အေးစက်သွားသည်။