ရတနာ

သခင်လေးဟောက်ထျန်းက သက်ပြင်းချပြီး နောက်ဆုတ်သွားခဲ့သည်။ အလွန်မှုန်ဝါးသော ရုပ်ပုံဖြင့် လူတစ်ဦးသည် သူ၏ မှော်အစွမ်းကို အသုံးပြုနေကြောင်း သူပြောနိုင်သော်လည်း ၎င်းက လုံးဝ မမြင်နိုင်လောက်အောင် မြန်ဆန်သည်။

လုရွှမ်၏မျက်လုံးများ အဘယ်ကြောင့် သွေးထွက်နေသလဲ ဆိုတာ နောက်ဆုံးတွင် သူနားလည်ခဲ့ပြီ။ လုရွှမ် အကြည့်ကို မြင်လိုက်ရတော့ ဟောက်ထျန်းက ကူကယ်ရာမဲ့စွာ ခေါင်းခါလိုက်သည်။

ဟွေ့လင်နဲ့ ကျိုးယန်တို့လည်း နတ်နဂါးတံတိုင်းမှ ဆုတ်ခွာသွားပြီး တစ်ယောက်ကို တစ်ယောက် စိတ်ပျက်စွာ ကြည့်နေကြသည်။

"မေ့လိုက်ပါတော့ တခြားနေရာကို သွားကြည့်ရအောင်"

လုရွှမ် ထရပ်လိုက်သည်။ ဟောက်ထျန်းကလည်း ဒီမှာပဲနေတာက အချိန်ဖြုန်းနေလိမ့်မိမယ် ဆိုတာ သိပါ၏။

"နတ်နဂါး မိသားစုရဲ့ ရတနာတိုက်ကို သွားရှာကြရအောင်"

ကျယ်လောင်သော အသံသည် လေထဲ၌ ပျံ့လွင့်လာကာ ကျင့်ကြံသူ လေးဆယ်ခန့်သည် အငွေ့အသက်များကို မှုတ်ထုတ်ကာ သတိမဝင်သေးသော လူများကို နှိုးလိုက်၏။

"လူတိုင်းပဲ... ငါ့ကို မသိတဲ့သူတွေ အများကြီးရှိလို့ ဒီမှာ မိတ်ဆက်ပေးချင်ပါတယ်... ငါက ထျန်းယိသန့်ရှင်းတဲ့​မြေက နတ်မီးနယ်ပယ် သခင်လေးတောက်ယိပါ.. ဒီနေ့ နတ်နဂါး မိသားစုရဲ့ အန္တရာယ်က မကြာခင် ရောက်လာတော့မယ်လို့ ထင်ပါတယ်”

"မင်းတို့ ဒီကိုလာပြီး နဂါးတံတိုင်းက မှော်အစွမ်းတွေကို သိချင်ပြီး မင်းတို့ရဲ့အသက်ကို ကယ်တင်ချင်နေတာမလား.... ဒါပေမဲ့ မင်းတို့ မှော်အစွမ်းတချို့ကို သိနိုင်ရင်တောင် ဘာဖြစ်သွားမှာလဲ ဆိုပြီး မေးကြည့်ပါဦး..."

"နတ်နဂါးမိသားစု ပျက်စီးသွားပြီ... ဒီအဆုံးသတ်က ပြောင်းလဲမှာ မဟုတ်ဘူး ငါတို့ အခု ဒီနေရာမှာ ပိတ်မိနေတယ် ထိပ်တန်း ဦးစားပေးကတော့ ဒီကနေ အလျင်စလို ထွက်ဖို့ပဲ... ဒီထင်ယောင်ထင်မှားကို ထားခဲ့ဖို့ ဒါမှမဟုတ် အခင်းအကျင်းထဲက ဖောက်ထွက်ဖို့ပဲ... ငါတို့လူတိုင်းကို လိုအပ်တယ် အားလုံး အတူတူလုပ်ကြရအောင်... မဟုတ်ရင် ငါတို့ တစ်ယောက်မှ ထွက်နိုင်မှာ မဟုတ်ဘူး”

တောက်ယိသည် သူ့မျက်နှာပေါ်က ရိုးရိုးသားသား အကြည့်ဖြင့် လူတိုင်းကို တစ်ချက်ကြည့်လိုက်သည်။

"ငါတို့ မင်းတို့ကို လိုအပ်တယ် အတူတူ လမ်းရှာကြရအောင်"

တောက်ယိ၏ စကားများသည် အလွန်ပင် ကျိုးကြောင်းသင့်သော်လည်း လူများသည် သူ့အပြုအမူကို အေးစက်သော မျက်လုံးများဖြင့် ကြည့်နေကြဆဲ ဖြစ်သည်။ ဤလူများ အားလုံးသည် ပါရမီများကြားတွင် ထူးချွန်သူများ ဖြစ်ပြီး ၎င်းတို့အားလုံးတွင် ကိုယ်ပိုင်ဂုဏ်နှင့် အစွမ်းသတ္တိ ရှိကြသည်။

တောက်ယိကလည်း ဒါကို ကောင်းကောင်း သိတာကြောင့် သူက ပြုံးပြီး ပြောလိုက်သည်။

"မင်းတို့အားလုံးမှာ ကိုယ်ပိုင်စိတ်ကူးတွေ ရှိတယ်.... ငါတို့ဘာမှ အတင်းအကျပ် လုပ်လို့မရဘူး မှန်တယ်... နတ်နဂါး မိသားစုရဲ့ ထွက်ပေါက်မှာ ငါတို့ရှိနေမယ် မင်းတို့နောက်မှ ရောက်လာမယ် ဆိုရင်တော့....."

တောက်ယိသည် အလွန်သိက္ခာရှိရှိ လူတိုင်းနှင့် လက်တွဲပြီး နတ်နဂါးမိသားစု၏ ပင်မဝင်ပေါက်ဆီသို့ ပျံသန်းသွားခဲ့သည်။ လူတိုင်းကို ပျံသန်းဖို့ ခေါ်ဆောင်ပြီးနောက် တိတ်ဆိတ် ငြိမ်သက်စွာ နေခဲ့ကြသူတိုင်းဟာ အိုးတစ်လုံးထဲမှာ ပျားတွေလို ပေါက်ကွဲသံတွေ ရုတ်တရက် ထကြွလာတော့၏။

"နတ်နဂါးမိသားစုမှာ ငါတို့တကယ် သေရမှာလား?"

"နတ်နဂါးမိသားစုက တစ်လအတွင်း အန္တရာယ်ရှိလာမယ်လို့ ကြိုပြောထားပေမယ့် အခု ဆယ်ရက်တောင် ကျန်သေးတယ်လေ"

"မိသားစုဝင်တွေက ထူးထူးခြားခြား ပျောက်ကွယ်သွားပြီ... သူတို့ ဘယ်ရောက်သွားလဲ သေသွားပြီလား"

"ဟုတ်တယ် သူတို့ကိုယ်သူတို့ သေတာကြာပြီလို့ ထင်နေတာမလား... အခုမှ ပျောက်သွားတာ.... ငါတို့ ဘာလုပ်သင့်လဲ"

ပြတင်းပေါက် စာရွက်အလွှာကို ဖောက်လိုက်သလိုမျိုး နှလုံးသားထဲမှာ အသက်နဲ့ သေခြင်းအတွက် စိုးရိမ်ထိတ်လန့်မှုတွေက ချက်ချင်း ထွက်ပေါ်လာတော့သည်။ တစ်ယောက်ပြီး တစ်ယောက် ကြောက်ရွံ့မှု၊ စိတ်မသက်သာရာရလိုမှု၊ ထိတ်လန့်မှုတို့ကို ထုတ်ဖော်လိုသောကြောင့် ပတ်ဝန်းကျင်ကို ရင်ဖွင့်ကြသည်။

တောက်ယိ၏ ယခင်စကားများက ၎င်းတို့၏ အကြီးမားဆုံးသော စိုးရိမ်ပူပန်မှုများကို တိကျစွာ ဖော်ပြခဲ့သည်။ နတ်နဂါး မိသားစုအဖွဲ့ဝင်များပင် ဤအကျပ်အတည်းမှ မလွတ်မြောက်ခဲ့ပေ။ သို့သော် နတ်နဂါး မိသားစုမှ လွတ်မြောက်ရန် နည်းလမ်း ရှာချင်ကြမည်ဆိုလျှင်။

ဒါမှမဟုတ် သူတို့ကပါ ညတွင်းချင်း ရုတ်တရက် ပျောက်ကွယ်သွားပြီး သမိုင်းမှာ လုံးလုံးလျားလျား မြုပ်သွားမှာလား။ ဒါတွေအားလုံး သူတို့လုပ်သမျှဟာ အချည်းနှီးပါပဲလို့ ပြောလိုက်တာပဲ မဟုတ်ပါလား။

သူတို့စိတ်ထဲမှာ သံသယတွေ ရှိနေပြီ။ ဖြစ်နိုင်လျှင် လုရွှမ်လည်း သဘာဝအတိုင်း အမှန်အတိုင်းပြောရန် ဆန္ဒရှိလိမ့်မည်။ သို့သော် ပြောလိုက်လည်း အချည်းနှီးသာ ဖြစ်ပြီး နောက်ထပ်အပြောင်းအလဲများ ဖြစ်ပေါ်လာမည် ဖြစ်သည်။

လုရွှမ်: "သွားရအောင်.... ဒီကနေ ထွက်သွား"

ဟွေ့လင်နဲ့ ကျိုးယန်တို့လည်း ဤနေရာက လေထုထဲတွင် တစ်ခုခုမှားနေပြီဟု ခံစားမိတာကြောင့် အမြန် ထွက်ခွာသွားလိုကြသည်။

"လုရွှမ် ငါတို့ ဘယ်သွားမလို့လဲ"

လုရွှမ်၏ မျက်လုံးများ မှိတ်တုတ်မှိတ်တုတ် လင်းလတ်လာကာ " နတ်နဂါး မိသားစုရဲ့ ရတနာတိုက် " ဟု အော်လိုက်သည်။

မိန်းက​​လေးနှစ်ယောက်က တစ်ယောက်ကိုတစ်ယောက် ကြည့်လိုက်ကြသည်။ နတ်နဂါး မိသားစုမှ လူတိုင်း ရုတ်တရက် ပျောက်ကွယ်သွားသည်မှာ ကြုံရာကျပန်း မဟုတ်သည်မှာ သေချာပါသည်။

နတ်နဂါး မိသားစုတောင်မှ မျိုးနွယ်စုဝင် အားလုံးကို ညတွင်းချင်း ထုတ်လွှတ်ဖို့ ခွန်အား မရှိလောက်ပေ။ ဒီလိုအခြေအနေမျိုးမှာ လူတွေက သူတို့ရဲ့ဘဏ္ဍာတွေကို ဘယ်လိုလုပ် ထိန်းသိမ်းနိုင်မလဲ။

"ဟားဟား.... ကျိုးယန် မင်းအစ်ကိုနဲ့ ဟွေ့လင် မင်းဆရာတူအစ်ကိုက မင်းတို့ကို ဘာလုပ်ခိုင်းတာလဲ"

အမျိုးသမီး နှစ်ယောက်ရဲ့ မျက်လုံးတွေက မယုံကြည်နိုင်မှုကို ရှင်းရှင်းလင်းလင်း ပြသ​နေသည်။ လုရွှမ် သူတို့နှစ်ယောက်ကို ထပ်မေးချင်နေခဲ့သည်။ သူတို့ အစ်ကိုများက ဘယ်လိုတွေ ပြောခဲ့တာလဲ။

ကျိုးယန်: "အစ်ကိုက နင်ပြောတာကို နားထောင်ခွင့်ပြုထားတယ်"

ဟွေ့လင်၏မျက်နှာသည် အနည်းငယ် နီသွားသည်- "ဆရာတူအစ်ကိုက ရှင် ပြောတာကို နားထောင်ခိုင်းတယ်"

"ဒါပဲ.. ငါ့စကားကို နားထောင်ပါ မင်းတို့မျက်စိ ပွင့်သွားတဲ့အထိ အတွေ့အကြုံ ရလိမ့်မယ်လို့ ငါအာမခံတယ်"

နတ်နဂါး မိသားစုသည် ရောက်လာမည့်လူများကို လောင်းကြေးထပ်ရန် ရွေးချယ်ထားသောကြောင့် ရတနာများ၊ မှော်လက်နက်များနှင့် အခြားအရာများစွာကို သဘာဝအတိုင်း ချန်ထားခဲ့မည် ဖြစ်သည်။

နောက်ဆုံးတွင် ဤလက်နက်များနှင့် ရတနာများဖြင့် ၎င်းတို့သည် ဤအခင်းအကျင်း ဖွဲ့စည်းခြင်းမှ ခွဲထွက်ပြီး အသက်ရှင်လျက် လွတ်မြောက်ရန် မျှော်လင့်ချက် ပိုရှိကြသည်။

သို့သော် နတ်နဂါး မိသားစုမှ လူများသည် သူတို့၏ ကျင့်စဥ် လျှို့ဝှက်ချက်များကို ချန်ထားခဲ့မည် မဟုတ်ကြောင်း ထင်ရှားပါသည်။ တချို့လူတွေက နတ်နဂါး မိသားစုရဲ့ အရည်အချင်းတွေ၊ လျှို့ဝှက်ချက်တွေကို သိရင်တောင် အပြင်လူတွေကို သိခွင့်မပြုချင်ကြပါဘူး။

သို့သော် တစ်ချိန်တည်းမှာပင် နတ်နဂါး မိသားစု ဖျက်ဆီးခံရလျှင်ပင် သမိုင်း၏ မြေမှုန့်ထဲတွင် ပျောက်ဆုံးသွားမည့်အစား အနည်းဆုံး ချို့ယွင်းသော အတတ်ပညာအချို့ကို လက်ဆင့်ကမ်းနိုင်မည်ဟု မျှော်လင့်ကြသည်။

ဒါက ကိုယ်ရေးကိုယ်တာ အခွင့်အလမ်းတွေပေါ်မှာ မူတည်တာမို့ ဘယ်သူမှ ရှင်းရှင်းလင်းလင်း မပြောနိုင်ပါဘူး။

သို့သော် လုရွှမ် သေချာသည်မှာ နတ်နဂါး မိသားစုသည် လက်နက်များ၊ မှော်လက်နက်များ၊ ကောင်းကင်ပစ္စည်းများနှင့် မြေကြီးရတနာအချို့ကို ချန်ထားခဲ့မည်မှာတော့ သေချာပါသည်။ သူတို့အထဲမှာ လုရွှမ် အမျှော်လင့်ဆုံး အရာက နဂါးတံတိုင်းက လူကို ဖော်ထုတ်ပေးနိုင်တဲ့ ကျောက်တုံးတစ်မျိုးပါပဲ။

ရွှီတ၏ ဘိုးဘေးများသည် နတ်နဂါး မိသားစုနှင့် ဆက်ဆံရေးတချို့ ရှိကောင်းရှိနိုင်၏။ ထို့ကြောင့် ချီထျန်းပု နှင့် ကျောက်တုံးအကြောင်း သတင်းများ ထွက်ပေါ်လာခြင်းပင်။

"ကောင်းပြီ ဒါဆို နတ်နဂါး မိသားစုရဲ့ ရတနာတွေက ဘယ်မှာ ဝှက်ထားမှာလဲ"

မိန်းကလေး နှစ်ယောက်က မေးသည်။

လုရွှမ် ခဏလောက် စဉ်းစားပြီး "ဒါပဲ.... အဲဒါက သိပ်ပြီး နက်နက်ရှိုင်းရှိုင်း ဖုံးကွယ်ထားမှာ မဟုတ်ဘူး သဲလွန်စတွေ ရှိကောင်းရှိလိမ့်မယ်"

သဲလွန်စ?

မိန်းက​လေးနှစ်ယောက်က တစ်ယောက်ကို တစ်ယောက်ကြည့်ပြီး လုရွှမ် လှည့်စားနေတယ်လို့သာ ခံစားလိုက်ရသည်။ နတ်နဂါးမိသားစုက ရတနာရဲ့ တည်နေရာကို သဲလွန်စတွေ ချန်ထားခဲ့ချင်နေပါ့မလား။

ဒါကို အရူးသာ လုပ်လိမ့်မည်။