အခန်း (၁၁၄၃)

သို့သော် ကောင်းကင်ထက်တွင်ရှိသော ကျွမ်းကျင်သူများ၏ မျက်နှာထားက ဆက်လက်ပြောင်းလဲသွားသည်။

ရွှေအလင်းများ ဆက်ပေါ်လာသည်။

အစစ်အမှန်ဝိညာဉ်အရိုး တစ်ရာ့တစ်ခု ....

အစစ်အမှန်ဝိညာဉ်အရိုး နှစ်ရာ ....

ရှန်းယွဲ့၏ မျက်လုံးပြူးနေပြီး နှုတ်ခမ်းတွန့်သွားသည်။

သူက အစစ်အမှန်ဝိညာဉ် တတိယအဆင့်တွင် ရှိနေပြီး အဓိကကလန်ကြီးတစ်ခု၏ ခေါင်းဆောင်ဖြစ်သော်လည်း ထိုမြင်ကွင်းမျိုးကို တစ်ခါမှ မမြင်ဖူးခဲ့ပေ။

အစစ်အမှန်ဝိညာဉ်အရိုး ငါးရာသည် ကောင်းကင်နှင့်မြေကြီး၏ ရင်းမြစ်စွမ်းအားကို လှုံ့ဆော်လိုက်ပြီး ဝင့်ကြွားနေသော ရွှေကျီးကန်းပုံရိပ်များကို ဖြစ်ပေါ်လာစေသည်။

“အကြီးအကဲတို့၊ ကျန်နေတဲ့ အစစ်အမှန်ဝိညာဉ်အရိုး ငါးရာကို ကလန်ဆီ ပြန်ယူသွားပါ”

“အရိုးတွေကို ဖြုန်းတီးလို့မဖြစ်ဘူး”

အစစ်အမှန်ဝိညာဉ်အရိုး ငါးရာသည် ကောင်းကင်ထက်တွင်ရှိသော ရွှေကျီးကန်းမျိုးနွယ်၏ အစစ်အမှန်ဝိညာဉ်အဆင့် ကျွမ်းကျင်သူများဆီသို့ ရောက်သွားသည်။

ပိုနေသော အရိုးငါးရာ ဖြစ်သည်။

ထိုအရိုးငါးရာသည် အစစ်အမှန်ဝိညာဉ်အဆင့် ကျွမ်းကျင်သူငါးရာကို မွေးထုတ်ပေးနိုင်သည်။

ယခုအချိန်တွင် ရွှေကျီးကန်းမျိုးနွယ်၏ အဓိကကလန်ကြီးသုံးခုသည် အားနည်းနေသည်။ သူတို့က အစစ်အမှန်ဝိညာဉ်အဆင့် ကျွမ်းကျင်သူငါးရာကို မွေးထုတ်နိုင်လျှင် တိုက်ပွဲရလဒ်ကို ပြောင်းလဲနိုင်လိမ့်မည်။

“ဟားဟား၊ ကောင်းကင်က ငါတို့ ရွှေကျီးကန်းမျိုးနွယ်ကို ကောင်းချီးပေးနေတာပဲ”

အကြီးအကဲတစ်ယောက်က ရယ်လိုက်ပြီး အစစ်အမှန်ဝိညာဉ်အရိုးများကို ဖမ်းယူသည်။

“ဟုတ်တယ် ....”

ရှန်းယွဲ့က လွင့်မျောနေသော အစစ်အမှန်ဝိညာဉ်အရိုးများကို ရှုပ်ထွေးနေသော မျက်နှာထားဖြင့် ကြည့်လိုက်သည်။

သူ၏ အကြီးဆုံးသားဖြစ်သော ရှန်းကျန်းယွီသည် အစစ်အမှန်ဝိညာဉ်အဆင့်တွင် ရှိနေသည်။ အကယ်၍ ဘိုးဘေးများ၏ အစစ်အမှန်ဝိညာဉ်အရိုးကို ရခဲ့လျှင် သေချာပေါက် တိုးတက်လာလိမ့်မည်။

ထိုသို့ဆိုလျှင် ရှန်းကျန်းယွီ၏ အနာဂတ်က အဆုံးမဲ့နေလိမ့်မည်။

သို့သော် သူက လျှို့ဝှက်နယ်မြေမှ ပြန်မလာခဲ့ပေ။

ရွှေကျီးကန်းပုံရိပ် ငါးရာသည် ကောင်းကင်ထက်တွင် လွင့်မျောနေသည်။

ထိုရွှေကျီးကန်းများ၏ ထောက်ပံ့မှုကြောင့် လက်ရွေးစင်ငါးသောင်းက လွယ်ကူစွာ ထွက်သွားနိုင်သည်။

အမှန်အတိုင်းပြောရလျှင် သူတို့က ရှန်းယွဲ့နှင့် တခြားလူများကိုပင် ကူညီနိုင်လိမ့်မည်။

အစစ်အမှန်ဝိညာဉ်အရိုး ငါးရာသည် ခွန်အားကြီးသည်။

သူတို့က အစစ်အမှန်ဝိညာဉ်အဆင့် ဆယ်ယောက်ကို ခုခံနိုင်လိမ့်မည်။

“ဘုန်း”

ရှန်းချီယုနှင့် တိုက်ခိုက်နေသော ကောင်းကင်တစ်သောင်းတိုင်းပြည်၏ ယန်ကျန်းက ကျယ်လောင်စွာ အော်ဟစ်လိုက်ပြီး ဓားမော့ဖြင့် ခုတ်ချသည်။

ရှန်းချီယုက အစွမ်းကုန်ကြိုးစားပြီး ခုခံနေသော်လည်း နောက်ဆုတ်ပေးလိုက်ရသည်။

တစ်ဖက်လူက အလွန်သန်မာသည်။

“မင်းတို့အားလုံးကို ဒီနေရာမှာ မြှုပ်နှံပစ်မယ်”

ယန်ကျန်းက ကျယ်လောင်စွာ အော်ဟစ်လိုက်သည်။ သူက လက်မြှောက်၍ ရွှေအလင်းတစ်ခုကို ကောင်းကင်ပေါ်သို့ ပစ်သွင်းသည်။

“ဘုန်း”

လူသားစစ်တပ်များက ရှေ့တက်လာကြသည်။

စစ်တပ်ဝင်္ကပါများက ပတ်ဝန်းကျင်ကို ပိတ်ဆို့ထားသည်။

အစစ်အမှန်ဝိညာဉ်အဆင့် လူသားငါးဆယ်ကျော်က လူစုခွဲလိုက်ပြီး ကောင်းကင်တွင် နေရာယူထားသည်။

တောက်ပသော အစိမ်းရောင်အလင်းသည် ကောင်းကင်နှင့်မြေကြီးကြားတွင် ပေါ်ထွက်လာသည်။

အဝေးတစ်နေရာတွင် စစ်တပ်ဝင်္ကပါနှင့် အစစ်အမှန်ဝိညာဉ်အဆင့် ကျွမ်းကျင်သူများကို ထပ်မြင်ရသည်။

အစစ်အမှန်ဝိညာဉ်အလင်း ငါးဆယ်ကျော်နှင့် စစ်တပ်ဝင်္ကပါများ၏အလင်းသည် ရောယှက်သွားသည်။

ရွှေကျီးကန်းခုံရုံးဟောင်းသည် လူသားစစ်တပ်နှင့် လူသားကျွမ်းကျင်သူများ၏ ဝိုင်းရံမှုအောက်သို့ ရောက်သွားသည်။

ပတ်ဝန်းကျင်ကို အပြည့်အဝ ပိတ်ဆို့ထားသည်။

ရှန်းယွဲ့နှင့် တခြားလူများက ရင်လေးသွားကြသည်။

‘လူသားကျွမ်းကျင်သူတွေ ဘယ်လိုလုပ်ပြီး အများကြီးရှိနေတာလဲ’

‘စစ်သည်တွေလည်း အရမ်းများလွန်းတယ်’

ဤနေရာတွင်ရှိသော အစစ်အမှန်ဝိညာဉ်အဆင့် လူသားကျွမ်းကျင်သူများ၏ အရေအတွက်သည် တစ်ရာကျော်နေသည်။

‘ရှန်းထန်ကလန်ရဲ့ ခေါင်းဆောင်နဲ့ တခြားလူတွေက ဒီနေရာကို ရောက်လာမယ်ဆိုတာ သတင်းပေါက်ကြားသွားတာလား’

‘လူသားတွေက ရှန်းထန်ကလန်ကို အပြတ်ရှင်းပစ်ချင်နေတာပဲ’

ရှန်းချီယုက နောက်ဆုတ်လိုက်ပြီး ရှန်းယွဲ့၏ဘေးတွင် ရပ်နေသည်။

“ခေါင်းဆောင်၊ သူတို့ကိုခေါ်ပြီး ထွက်သွားပါတော့”

ရှန်းချီယုက အသက်ရှူသွင်းလိုက်ပြီး ခေါင်းငုံ့ကြည့်သည်။ ထို့နောက် စုဆောင်းထားသော အစစ်အမှန်ဝိညာဉ်အရိုးငါးရာကို ဆက်ကြည့်သည်။

“ဒါတွေက ရွှေကျီးကန်းမျိုးနွယ်ရဲ့ အနာဂတ်ပဲ”

အနာဂတ် ....

ရှန်းယွဲ့က အံကြိတ်ထားပြီး ခေါင်းညိတ်သည်။

သူတို့က အစစ်အမှန်ဝိညာဉ်အရိုး၏ စွမ်းအားဖြင့် ဝိုင်းရံမှုကို ချိုးဖောက်နိုင်လိမ့်မည်ဟု ထင်ထားခဲ့သည်။

သို့သော် လူသားများက အလွန်အားသာနေသည်။

‘ဒါက ဘယ်လိုစွမ်းအားမျိုးလဲ’

လူသားများက အနည်းဆုံး ရှေ့တန်းအင်အားစု၏ ၃၀%ခန့်ကို အသုံးပြုထားသည်။

သူတို့က ရှေ့တန်းတွင်ဖြစ်ပေါ်လာမည့် ရွှေကျီးကန်းမျိုးနွယ်စု၏ တိုက်ခိုက်မှုကို မစိုးရိမ်ကြပေ။

“ရှန်းယွဲ့၊ ငါက မင်းတို့အားလုံးကို တိုက်ခိုက်ဖို့ ရောက်လာတာလို့ ထင်နေတာလား”

ကောင်းကင်ဖိနှိပ်ဘုရင် ယန်ကျန်းက ရယ်လိုက်ပြီး ဓားမော့နှင့်အတူ ရှေ့တက်လာသည်။

အစစ်အမှန်ဝိညာဉ်အဆင့် ကျွမ်းကျင်သူများသည် သူ့နောက်တွင် ပါလာကြသည်။

“ငါက မင်းတို့ ရွှေကျီးကန်းမျိုးနွယ်ရဲ့ လျှို့ဝှက်နယ်မြေအတွက် ရောက်လာတာပဲ”

“ခြေသုံးချောင်းရွှေကျီးကန်းကို လိုချင်တယ်”

ယန်ကျန်းက မောက်မာစွာပြောသည်။

သူက အစစ်အမှန်ဝိညာဉ် တတိယအဆင့် စွမ်းအားကို ထုတ်လွှတ်သည်။

သူ့နောက်တွင် အစစ်အမှန်ဝိညာဉ် တတိယအဆင့် ကျွမ်းကျင်သူနှစ်ယောက် ထပ်ရှိနေသည်။ ထို့အပြင် ဒုတိယအဆင့် ကျွမ်းကျင်သူများလည်း များပြားစွာ ရှိနေကြသည်။ သူတို့၏ စွမ်းအားသည် ပတ်ဝန်းကျင်ကို ပေါက်ကွဲထွက်သွားစေသည်။

သူတို့က ခြေသုံးချောင်းရွှေကျီးကန်းနှင့် လျှို့ဝှက်နယ်မြေအတွက် ရောက်လာကြသည်။

ရှန်းယွဲ့နှင့် တခြားလူများ၏ မျက်နှာထားက လေးနက်နေသည်။

“ရွှေကျီးကန်းသွေးမျိုးဆက်နဲ့ ယဇ်ပလ္လင်ကို ပူဇော်လိုက်ရင် လျှို့ဝှက်နယ်မြေအတွက် လမ်းဖွင့်နိုင်လိမ့်မယ်”

“ငါက မင်းတို့ရဲ့ လျှို့ဝှက်နယ်မြေထဲမှာရှိတဲ့ ခြေသုံးချောင်းရွှေကျီးကန်း အစစ်အမှန်ဝိညာဉ်အရိုးတွေအားလုံးကို ယူမယ်”

“အဲဒီအရိုးတွေနဲ့ဆိုရင် ငါက အစစ်အမှန်ဝိညာဉ် စတုတ္ထအဆင့်ကို ရောက်သွားလိမ့်မယ်”

“မဟာတောရိုင်းကမ္ဘာရဲ့ ပထမဆုံး အစစ်အမှန်ဝိညာဉ် စတုတ္ထအဆင့် ဖြစ်လာလိမ့်မယ်”

ယန်ကျန်းက အော်ပြောလိုက်သည်။ သူ့နောက်တွင်ရှိသော အစစ်အမှန်ဝိညာဉ်အဆင့် လူသားများက တက်ကြွနေပြီး အရှိန်အဝါကို ထုတ်လွှတ်သည်။

အောက်တွင် စစ်သည်များ၏ ဟိန်း‌ဟောက်သံကို ကြားရသည်။

စစ်တပ်ဝင်္ကပါများက စစ်သူကြီးပုံရိပ်ကို ဖွဲ့စည်းသည်။

လူသားများ၏ အင်အားသည် မွန်းကျပ်စရာကောင်းသည်။

ရှန်းယွဲ့နှင့် တခြားလူများ၏ မျက်နှာထားက မှုန်မှိုင်းနေသည်။

တစ်ဖက်လူ၏ ရည်ရွယ်ချက်က သူတို့ မဟုတ်ပေ။

လျှို့ဝှက်နယ်မြေ ဖြစ်သည်။

သို့သော် သူတို့က လျှို့ဝှက်နယ်မြေ၏ လမ်းကြောင်းကို မသိခဲ့ပေ။

“လမ်းကြောင်းဖွင့်ဖို့အတွက် အစစ်အမှန်ဝိညာဉ် တတိယအဆင့် ရွှေကျီးကန်းမျိုးနွယ်တစ်ယောက်ကို လိုအပ်တယ်”

ယန်ကျန်းက ရှန်းယွဲ့နှင့် ရှန်းချီယုကို ဓားမော့ဖြင့် ညွှန်ပြသည်။

“မင်းတို့ထဲက တစ်ယောက် နေခဲ့ရမယ်”

“ကျန်တဲ့လူတွေကို လွှတ်ပေးလို့ရတယ်”

တခြားလူတွေကို လွှတ်ပေးနိုင်သည်။ သို့သော် ရွှေကျီးကန်းလျှို့ဝှက်နယ်မြေကို ဖွင့်ရန်အတွက် အစစ်အမှန်ဝိညာဉ် တတိယအဆင့် ကလန်သားတစ်ယောက် နေခဲ့ရမည်။

ရှန်းချီယုက ဟိန်းဟောက်သည်။

“အဲဒီအကြောင်းကို တွေးတောင်မတွေးနဲ့။ ငါသေသွားရင်တောင် လျှို့ဝှက်နယ်မြေကိုဖွင့်ဖို့ ခွင့်မပြုဘူး”

ရှန်းယွဲ့က ခေါင်းညိတ်လိုက်ပြီး အစစ်အမှန်ဝိညာဉ်စွမ်းအားကို ဖော်ထုတ်သည်။

အဆုံးအထိ တိုက်ခိုက်ရုံသာ ကျန်တော့သည်။

“အစစ်အမှန်ဝိညာဉ် တတိယအဆင့် မရှိရင်လည်း သာမန်ရွှေကျီးကန်းတစ်သောင်းရဲ့ ဝိညာဉ်နဲ့သွေးကိုရရင် လုံလောက်တယ်”

ယန်ကျန်းက ကျယ်လောင်စွာ ရယ်လိုက်ပြီး ဓားမော့ကို မြှောက်သည်။

သူ၏ ဓားမော့က ဖြည်းဖြည်းချင်း ဆင်းသက်လာသည်။ လူသားစစ်တပ်၏ အရှိန်အဝါက စုစည်းနေသည်။

“ရှုံးနိမ့်တော့မယ်ဆိုရင် အစစ်အမှန်ဝိညာဉ်ကို ဖျက်ဆီးပစ်လိုက်ကြပါ”

ရှန်းယွဲ့၏နောက်တွင်ရှိသော လူအိုကြီးတစ်ယောက်က တီးတိုးပြောသည်။

“လျှို့ဝှက်နယ်မြေကိုဖွင့်ဖို့ လူသားတွေကို ထောက်ပံ့ပေးလိုက်ပြီး ရွှေကျီးကန်းမျိုးနွယ်ရဲ့ အပြစ်သား မဖြစ်စေနဲ့”

အစစ်အမှန်ဝိညာဉ်အဆင့် ရွှေကျီးကန်းမျိုးနွယ်ဝင်က အော်ဟစ်လိုက်သည်။

သူတို့အားလုံးက ကိုယ့်ကိုယ်ကိုယ် ဖျက်ဆီးပစ်ကြလိမ့်မည်။

လျှို့ဝှက်နယ်မြေကို ဖွင့်ရန်အတွက် လူသားများကို အခွင့်အရေးပေးမည်မဟုတ်ပေ။

ယခုအချိန်တွင် ရွှေကျီးကန်းမျိုးနွယ်ဝင်များအားလုံးက အသက်စွန့်ရန် ဆုံးဖြတ်ထားကြသည်။

ရှန်းယွဲ့က အသက်ရှူသွင်းလိုက်ပြီး ရှေ့သို့ ခြေတစ်လှမ်းတိုးသည်။

ရှန်းချီယုက သူ့နောက်တွင် လိုက်လာသည်။

အစစ်အမှန်ဝိညာဉ် တတိယအဆင့် ကျွမ်းကျင်သူများသည် မသေဆုံးခင် လူသားမျိုးနွယ်၏ အစစ်အမှန်ဝိညာဉ်အဆင့် ဆယ်ယောက်ခန့်ကို ခေါ်သွားနိုင်သည်။

“ငါတို့ ခေါင်းဆောင်ဟန်နဲ့ တခြားလူတွေထွက်လာသည်အထိ စောင့်နေရမလား”

ရုတ်တရက်ဆိုသလိုပင် အောက်တွင်ရှိသော ရွှေကျီးကန်းလက်‌ရွေးစင်တစ်ယောက်က ပြောလိုက်သည်။

“ဟုတ်တယ်။ မင်းသားရှန်းနဲ့ တခြားလူတွေ ထွက်မလာသေးဘူး”

“သူတို့ထွက်လာရင် ....”

တီးတိုးစကားသံကို ကြားနေရသည်။

‘သူတို့က ဘာပြောနေတာလဲ’

ရှန်းယွဲ့က ရုတ်တရက် နောက်လှည့်ကြည့်သည်။

‘ငါ့သားက အသက်ရှင်နေသေးတာလား။ ခေါင်းဆောင်ဟန်ဆိုတာက ဘယ်သူလဲ’

“အဲဒါက ဟန်မူယဲ့လား”

“သူတို့က လျှို့ဝှက်နယ်မြေထဲမှာ ရှိနေတုန်းလား”

စကားပြောလိုက်သောလူက ရှန်းထန်ကလန်၏ အကြီးအကဲ ရှန်းကျန်း ဖြစ်သည်။

သူက ကျစ်ယန်မြို့တွင် ယဇ်ပလ္လင်ကိုဖွင့်ပြီး လက်ရွေးစင်များကို သတင်းပေးခဲ့သည်။

ဟန်မူယဲ့က လျှို့ဝှက်နယ်မြေတွင် နာမည်ကောင်းတချို့ရှိကြောင်း သူသိထားသည်။

“ခေါင်းဆောင်ဟန်က မင်းသားရှန်းနဲ့ တခြားလူတွေကို ဦးဆောင်ပြီး လူသားစစ်တပ်ကို တားဆီးနေပါတယ်။ သူတို့က မကြာခင် ထွက်လာပါလိမ့်မယ်”

အောက်တွင်ရှိသော လူတစ်ယောက်က ကျယ်လောင်စွာပြောသည်။

ရှန်းကျန်းနှင့် ရှန်းယွဲ့က ပျော်ရွှင်သွားသည်။

လျှို့ဝှက်နယ်မြေတွင် ကလန်သားများ ရှိနေသေးသည်။

ရှန်းကျန်းယွီနှင့် တခြားလူများက အသက်ရှင်နေသည်။

မရေမတွက်နိုင်သော စစ်တပ်ဝင်္ကပါနှင့် ရာချီသော အစစ်အမှန်ဝိညာဉ်အဆင့် လူသားများက သူတို့ကို ဝိုင်းရံထားသော်လည်း ထိုသတင်းကြောင့် လူတိုင်းက ပျော်ရွှင်သွားသည်။

“ရှန်းကျန်းယွီ၊ ထွက်လာခဲ့တော့”

ရှန်းယွဲ့က အော်ဟစ်လိုက်သည်။

“ဒီနေ့မှာ မင်းနဲ့ငါက အတူတူတိုက်ခိုက်ပြီး နောင်တမရှိဘဲ သေကြမယ်”

ရှန်းယွဲ့က ကျယ်လောင်စွာရယ်သည်။

သူ့နောက်တွင် လေဟာနယ်က တုန်ခါနေသည်။

ကောင်းကင်နှင့်မြေကြီးက ထိုးခွဲခံလိုက်ရသည်။

ပုံရိပ်များက တစ်ခုပြီးတစ်ခု ဆင်းသက်လာသည်။

“ကောင်းတယ်”

ဓားမော့တစ်လက်ကိုင်ထားသော ရှန်းကျန်းယွီက စိတ်လှုပ်ရှားနေသော မျက်နှာထားဖြင့် ရှန်းယွဲ့၏ဘေးသို့ ရောက်လာသည်။

သူ့ခေါင်းပေါ်တွင် အစစ်အမှန်ဝိညာဉ်အရိုးတစ်ခု ရှိနေသည်။