သိပ်မကြာပါဘူး (၂)

ခန်းဟိုင်၏ အမူအရာ အေးစက်သွားသည်။

သူ ဒီကိုလာတုန်းက လင်းရှန်ကို သေချာပေါက် အနိုင်ယူနိုင်မည်ဟု ခံစားရပြီး ရွှမ်တု တိုကင်ကို သူ့ကိုယ်ပိုင်အဖြစ်ရမည်ဟု ထင်ခဲ့သည် ။ သို့သော် သူ့ကိုယ်ပိုင် လောင်းကြေးကို တစ်ခါမျှ မတွေးခဲ့ပေ။

ကံကောင်းထောက်မစွာ သူသည် အတော်လေး ချမ်းသာခဲ့သည်။ ခဏလောက်စဉ်းစားပြီးမှ အကြံတစ်ခုရသွားလေ၏  သူ့အင်္ကျီလက်ကို လှန်လိုက်ကာ သိုလှောင်အိတ်ထဲမှ တစ်ခုခုကို ထုတ်ယူလိုက်သည်။

“ဒါက အခင်းအကျင်းဖွဲ့စည်းပုံ အပြားပဲ။ ထပ်ခါတလဲလဲသုံးနိုင်တဲ့ 

မှော်သတ္တုကိုးမျိုး အခင်းအကျင်းတစ်ခုပဲ။ ဝိညာဉ်ရေးရာအနှစ်သာရကို ထိုးသွင်းလိုက်ရင် ခင်းကျင်းဖွဲ့စည်းပုံကို အသက်သွင်းပြီး အချင်းဝက် မီတာ ၃၀၀ ဧရိယာကို အကာအကွယ်ပေးမှာ။ တောက်ပသောဝင်ပေါက်  နဝမအဆင့်မှာရှိတဲ့ ကျင့်ကြံသူ ၃၀ကနေ ၄၀ ပေါင်းတိုက်ခိုက်ရင်တောင် အခင်းကျင်းဖွဲ့စည်းပုံက တစ်နာရီ ဒါမှမဟုတ် နှစ်နာရီကြာအောင် ခံနိုင်ရည်ရှိတယ်”

မှော်သတ္တုကိုးမျိုး အခင်းအကျင်း

လင်းရှန်၏ မျက်လုံးများ တောက်ပလာသည်။

ဒါက မိုက်တယ်

၎င်းသည် အချိန်မရွေး အသက်သွင်းနိုင်သည့် ခံစစ် အခင်းကျင်းဖွဲ့စည်းပုံနှင့် တူညီသည်။ အရေးကြီးသောအခိုက်အတန့်တွင် ကောင်းမွန်စွာ အသုံးပြုပါက  ၎င်းသည် အသက်ကယ် ဝှက်ဖဲတစ်ခု ဖြစ်လာလုနီးပါးဖြစ်သည်။

ဟဲဟဲ ၊ အထူးလက်နက်ကြီးတစ်ခုလို အစွမ်းထက်တဲ့ ရတနာကို ရှောင်တခင် ထုတ်ယူနိုင်လောက်အောင် အတွင်းဂိုဏ်းရဲ့ တပည့်တွေအားလုံး ချမ်းသာကြတာလား။

လင်းရှန်သည် ချွီခယ်နှင့် ရှန်ကျီနင်၏အမူအရာကို ကြည့်လိုက်သည်။ သူတို့၏ မျက်နှာများပေါ်တွင် အံ့အားသင့်စရာ အမူအရာများကို မြင်လိုက်ရတော့ သူ့ခန့်မှန်းချက်က မှန်ကန်ကြောင်း သိလိုက်သည် ။ ဤဖွဲ့စည်းပုံချပ်ပြားသည် အမှန်ပင် ကြီးကျယ်သော အရာဝတ္ထုတစ်ခုဖြစ်သည်။ ထို့ကြောင့် သူ တုံ့ဆိုင်းမနေဘဲ ချက်ချင်း သဘောတူလိုက်သည်။

လင်းရှန် သဘောတူတာကို မြင်တော့ ခန်းဟိုင်က  ဝမ်းသာသွားသည်။  ဝမ်းသာမှုက သူ့ရင်ဘတ်ထဲက ကွဲလုမတတ်ပင်။

ဖွဲ့စည်းပုံချပ်ပြားသည် အမှန်ပင် အဖိုးတန်သော်လည်း သူ၏အမြင်အရ ၎င်းကို လောင်းကြေးအဖြစ် ယာယီသာ အသုံးပြုခဲ့တာပင်။  သူအနိုင်ရရင် ပြန်ရနိုင်မှာပင်။

အဓိကသော့ချက်က ရွှမ်တုတိုကင်ဖြစ်သည်။

သူသာ လင်းရှန်ကိုအနိုင်ယူပြီး ရွှမ်တု တိုကင်ကိုပြန်ရသရွေ့ ရွှမ်တုအစည်းအဝေးတွင် ပါဝင်ရန် ရှေးဟောင်းသစ်သားမြို့သို့သွားနိုင်သည်။

မှော်အဆီအနှစ်အရည်ကို ရရှိပြီးသည်နှင့် သူသည်  ၂၇ခုမြောက် ဝိညာဉ်မဏ္ဍိုင်သွေးကြောကို ပေါင်းစည်းပြီး တတိယတန်း  ဝိညာဉ်မဏ္ဍိုင် သွေးကြောရရှိရန် အခွင့်အရေးရမည်ပင်။ 

ထိုအချိန်တွင် ဂိုဏ်းနှင့်မိသားစုမျိုးနွယ်စုတွင် သူ၏အဆင့်အတန်းသည် တိုးမြင့်လာမည်ဖြစ်ပြီး သူ၏အနာဂတ်သည် အကန့်အသတ်မဲ့ဖြစ်လာလိမ့်မည်ပင်။

ဒါကိုတွေးရင်း  ခန်းဟိုင်က ကျယ်လောင်စွာ ရယ်လိုက်သည် ။

တိုက်ပွဲရှုံးနိုင်ခြေကရော။

ဒါက ဟာသပင်။  သူသည် ဝိညာဉ်မဏ္ဍိုင်သွေးကြော ၂၆ ခု ကျင့်ကြံမှု အခြေခံရှိသော အတွင်းဂိုဏ်းတပည့်ဖြစ်သည်။ မကြာသေးမီကမှ ဝိညာဉ်မဏ္ဍိုင်သွေးကြော ပုံဖော်သော ကျောင်းမှ တပည့်တစ်ဦးအား သူ မည်သို့ ဆုံးရှုံးနိုင်မည်နည်း။

အဆုံးတွင် ကောလဟာလက ကောလဟာလများသာ ဖြစ်ခဲ့သည်။  တောက်ပသောဝင်ပေါက်အဆင့် တပည့်တစ်ဦးက ကျင့်ကြံသူသခင် တစ်ဦးအား ပြင်းထန်စွာ ဒဏ်ရာရစေသည့် ရယ်စရာကောင်းသော ကောလဟာလသည် လူအများကို ရယ်မောစေမည်ဖြစ်သည်။

ချန်းဟိုင်သည် ယုံကြည်မှုအပြည့်ရှိသည်။ သူက လင်းရှန်ကို လှောင်ပြောင်ပြီး “ငါ မင်းကို အနိုင်ကျင့်တယ်လို့တော့ မပြောပါနဲ့။ တိုက်ပွဲတည်နေရာကို မင်း ရွေးချယ်နိုင်တယ်”

လင်းရှန်က ခေါင်းညိတ်ပြပြီး " ကျွန်တော် အလျင်လိုနေပြီ။ ဒီမှာပဲ လုပ်ရအောင်။"

ထို့နောက် သူက ရှန်ကျီနင်နဲ့ ချွီခယ်တို့ကို လက်ခုပ်တီးလိုက်သည်။

“အကိုတို့၊ ကျွန်တော်ကို ခဏလောက်စောင့်ပေးပါ။ ဒါက ကြာမှာမဟုတ်ပါဘူး။”

ခန်းဟိုင်က ဒေါသထွက်သွားပြီး  ရှန်ကျီနင်နဲ့ ချွီခယ်ပင် သူတို့မျက်နှာပေါ်တွင် ထူးဆန်းသောအမူအရာများ ရှိနေသည်။

သူ၏ပြိုင်ဘက်မှာ ဝိညာဉ်မဏ္ဍိုင်သွေးကြော ၂၆ ခုရှိသော အတွင်းဂိုဏ်းဝင်တပည့်

ဖြစ်သည်။ ခန်းဟိုင်ကို ဤကဲ့သို့ ကဲ့ရဲ့ရှုံ့ချခြင်းသည် သင့်လျော်ပါ့မလား

ရိုးရိုးသားသား ပြောရလျှင် ချွီခယ်နဲ့ ရှန်ကျီနင်သည် လင်းရှန် အတော်လေး အရည်အချင်းရှိမှန်း သိပေမယ့် သူတို့ကိုယ်တိုင် မျက်စိနဲ့ မမြင်ဖူးပေ။ လင်းရှန် ဘယ်အဆင့်ရောက်နေလဲ အတိအကျ မသိကြပေ။

အခြားတစ်ဖက်တွင် ခန်းဟိုင်သည် အတွင်းဂိုဏ်းတပည့်များကြားတွင် ထိပ်တန်းဆယ်ဦးထဲမှ တစ်ဦးဖြစ်သည်။

သူတို့နှစ်ဦးသည် လင်းရှန်၏အောင်ပွဲအပေါ် ယုံကြည်မှုများစွာမရှိခဲ့ကြပေ။

သို့သော် ဤအချိန်တွင် လင်းရှန်ကို တားရန်မှာ ၎င်းတို့အတွက် မဖြစ်နိုင်ပေ။ လင်းရှန်သည် ချန်းဟိုင်ကို မရှုံးဖို့သာ  လျှို့ဝှက်စွာ မျှော်လင့်နိုင်သည်။

"ရှုံးတဲ့အခါ မင်းအခုလို လက်လွတ်စပယ်ပြောနိုင်ဖို့ ငါမျှော်လင့်ပါတယ်”

ခန်းဟိုင်သည် လင်းရှန်ကို စိုက်ကြည့်ကာ ရှေ့ထွက်မလာခင် သိမ်းထားရန်အတွက်  အခင်းအကျင်းချပ်ပြားကို ချွီခယ်ရှန်ထံ ပစ်ချလိုက်သည်။

လင်းရှန်က မသိမသာ ပြုံးလိုက်သည်။ သူက ရွှမ်တုတိုကင်ကိုထုတ်ပြီး ချန်းဟိုင်နောက်မလိုက်ခင် ချွီခယ်ကို ပေးလိုက်သည်။

သိပ်မကြာခင်မှာပဲ 

သူတို့နှစ်ဦးသည် နေရာလွတ်တစ်ခုသို့ရောက်ရှိလာပြီး တစ်ယောက်နဲ့တစ်ယောက် မီတာ ၁၀၀ အကွာတွင် ရပ်နေခဲ့ကြသည်။

ခန်းဟိုင်သည် သန့်စင်သော ယန်စွမ်းအား အဆောင်ဓားကို ထုတ်လိုက်ပြီး  ပြုံးလိုက်သည်။ သူ့အင်္ကျီလက်ကို လှန်လိုက်သည်နှင့် မီးတောက်များသည် ဓား၏အစွန်းမှ ပျံ့နှံ့သွားသည်။

ပတ်ဝန်းကျင်လေက ချက်ချင်းပူလာသည်။

"သန့်စင်သော ယန်စွမ်းအား အဆောင်ဓား” ချွီခယ်က အနည်းငယ် မျက်မှောင်ကြုတ်လိုက်သည်။ "ချန်းဟိုင်က ဒီလိုမျိုး အဖိုးတန်ဓားကို ဘယ်ကရခဲ့တာလဲ"

အထူးလက်နက်များသည် ရှားပါးပြီး အတွင်းဂိုဏ်းတပည့်များစွာတွင် အောက်ခြေအဆင့် အထူးလက်နက်များပင် မရှိခဲ့ပင်။

နှိုင်းယှဉ်ကြည့်လျှင်  အထူးလက်နက်များနှင့် အလွန်နီးစပ်သော အဆင့်မြင့်လက်နက်ဖြစ်သည့် သန့်စင်သော ယန်စွမ်းအား အဆောင်ဓားကိုရရှိရန်ပိုမိုလွယ်ကူသည်။

ထို့ကြောင့် သန့်စင်သော ယန်စွမ်းအား အဆောင်ဓား ဓားကိုရရှိဖို့က  တပည့်များစွာ၏ ပန်းတိုင်ဖြစ်လာခဲ့သည်။

“စီနီယာ အစ်ကိုကြီး၊ စိတ်မပူပါနဲ့။  ညီလေးလင်းမှာလည်း အထူး လက်နက် ရှိပါတယ်” ရှန်ကျီနင်က ရုတ်တရက် ပြောလိုက်သည်။

ယန်ကျင့်ရမ်ကိုသတ်ပြီးနောက်  စစ်ယွမ်ဖေသည် ကျောက်ပြားကို  လင်းရှန်အား ပေးခဲ့သည်။ ဤအကြောင်းကို လူအနည်းငယ်သာ သိသော်လည်း ရှန်ကျီနင်က ကောင်းစွာသိသည်။

ဒါကိုကြားတော့  ချွီခယ်က အနည်းငယ် အံ့သြသွားသော်လည်း သူ စိတ်မသက်မသာ ဖြစ်မိသည်။

အထူးလက်နက်ကို လက်ထဲတွင်ကိုင်ထားခြင်းဖြင့် လင်းရှန်သည် အနိုင်ရရန် အခွင့်အလမ်းပိုရှိနိုင်သည်။

တစ်ဖက်တွင် အတွင်းဂိုဏ်းတပည့်တစ်ဦးဖြစ်သည့်  ခန်းဟိုင်သည် မူလက လင်းရှန်ကို ပထမဆုံးလှုပ်ရှားမှုပြုလုပ်ရန် အလိုရှိသည်။ သို့သော် အချိန်အတော်ကြာပြီးနောက် သူ၏စိတ်ရှည်မှုသည် ကုန်ဆုံးသွားခဲ့သည်။ သူက ပြင်းပြင်းထန်ထန် အော်ဟစ်ပြီး လင်းရှန်ကို ဓားနဲ့တိုက်ခဲ့သည်။

ချွီခယ်နဲ့ ရှန်ကျီနင် အံ့ဩအောင် လင်းရှန်သည် သူ၏အထူးလက်နက်ကို ထုတ်မပြခဲ့ပေ။ ယင်းအစား သူသည် မြေပေါ်တွင် အမြစ်တွယ် ရပ်နေ၏။

"ညီလေးလင်း၊ မင်းဘာတွေစီစဉ်နေတာလဲ"

သူတို့နှစ်ယောက်လုံး အံ့သြတုန်လှုပ်သွားကြသည်။

ဤအခိုက်တွင် လင်းရှန်သည် လှုပ်ရှားသွားခဲ့သည်။ သူသည် လက်ဖဝါးကို ထုတ်လိုက်လေသည်။

ဤလုပ်ရပ်သည်  ချွီခယ်နှင့် ရှန်ကျီနင်ကို ပို၍ အံ့အားသင့်စေခဲ့သည်။

ရှုပ်ထွေးမှုများနှင့် ပြည့်နှက်နေချိန်တွင် ပတ်ဝန်းကျင် အပူချိန်များ ရုတ်တရက် မြင့်တက်လာသည်ကို ခံစားလိုက်ရသည်။ လေထုသည် ချက်ချင်းပင် ထူးထူးခြားခြား ပူလာသည်။

မနီးမဝေးရှိ လူနှစ်ယောက် တိုက်ခိုက်နေသည့် ကောင်းကင်ယံ၌ ကြီးမားသော နီမြန်းသည့် လက်ဖဝါးကြီး ပေါ်လာချေသည်။ ၎င်းကအကန့်အသတ်မရှိသော အပူလှိုင်းများကို သယ်ဆောင်ကာ မီးတောက်နေသော ရေတံခွန်ကဲ့သို့ သွန်ချလိုက်ပြီး ခန်းဟိုင်ကို နစ်မွန်းစေခဲ့သည်။

ဘုန်း

ရုတ်တရက် ပေါက်ကွဲသံကြီးထွက်လာ၏

ခန်းဟိုင်၏တည်နေရာသည် တဟုန်းဟုန်းတောက်လောင်နေသော မီးတောက်များနှင့် ပြင်းထန်သောလေလှိုင်းများကြောင့် ချက်ချင်းပျောက်ကွယ်သွားခဲ့သည်။

ချွီခယ်နှင့် ရှန်ကျီနင်တို့သည် တစ်ညီတစ်ညွတ်တည်း ခြေလှမ်းအနည်းငယ် ပြန်ဆုတ်ကာ ပူလောင်သောလေလှိုင်းကို တားဆီးရန် သူတို့၏ဝိညာဉ်ရေးရာ အနှစ်သာရကို ဖြန့်ကျက်လိုက်သည်။