ပိုင်ယွီဖန်

လုရွှမ်က သူ့နှာခေါင်းကို ပွတ်ရင်း ဆိုသည်။

"ငါ ဒြပ်စင်ငါးပါး မဟာဂိုဏ်းထဲ ဝင်တာ သုံးနှစ်ပဲ ရှိသေးတယ်"

ဟွေ့လင်က သူ့ကို ကြည့်လိုက်ပြီးနောက် သူမ၏ မျက်လုံးများသည် ပို၍ပင် အံ့သြသွားခဲ့သည့် အရိပ်အယောင်တို့ ပြသလာ၏။

လမ်းတစ်လျှောက် သူမနှင့် ကျိုးယန်တို့သည် လုရွှမ်၏ အင်အားကို ရှင်းရှင်းလင်းလင်း မြင်ခဲ့ကြပြီးပါပြီ။ လုရွှမ်သည် နတ်နဂါး မိသားစုကို စိတ်ကူးယဉ်ရန် ကြိုးပမ်းအားထုတ်ခဲ့သော ဒြပ်စင်ငါးပါး မဟာဂိုဏ်းက ပါရမီရှင်တစ်ဦးဖြစ်သည်ဟု ထင်မြင်ခဲ့ကြသည်။

တကယ်တမ်းတော့ လုရွှမ်က တကယ့် ပါရမီရှင်တစ်ယောက် ဖြစ်နေခဲ့သည်။

"အင်း ဒီလိုပါပဲ။ လွန်ခဲ့တဲ့ ဆယ်နှစ်က ရွှမ်ဝူရှေးဟောင်း မိသားစုက ပိုင်ယွီဖန်က အစ်မကျိုးယန့ကို လက်ထပ်ခွင့် တောင်းခဲ့တယ်... အစ်မကျိုးယန်က သူ့ကိုဘယ်လိုလုပ် သဘောမကျဘဲ နေမှာလဲ။ ဒါပေမဲ့ သူက ပန်းခူးရတာကြိုက်တဲ့ လူတစ်ယောက်ဆိုတာ မထင်ထားခဲ့ဘူး.....

မမျှော်လင့်ဘဲ ပိုင်ယွီဖန်က တော်ဝင် မင်းဆက်မိသားစုမှာ ဧည့်သည်ဖြစ်နေတုန်း အစ်မကျိုးယန်ရဲ့ အခန်းထဲကို တိတ်တဆိတ်ခိုးဝင်ပြီး အစ်မကျိုးယန်ကို အဓမ္မကျင့်ဖို့ လုပ်တယ်လေ... အစ်ကိုကျိုးယိက သူ့ကို မိသွားတာ.... မိသားစုအကြီးအကဲတွေသာ မတားဘူးဆိုရင် ပိုင်ယွီဖန်က အသုံးမကျတဲ့လူ ဖြစ်သွားလိမ့်မယ်"

ဟွေ့လင် ပိုင်ယွီဖန်ကို ရွံရှာစွာ ကြည့်နေသည်။

"ဟမ့် ဒီလူယုတ်မာကောင် ထပ်ပေါ်လာလိမ့်မယ်လို့ ကျွန်မလည်း မမျှော်လင့်ထားဘူး "

လုရွှမ် သူ့နားလည်မှုကို ထုတ်ဖော်ဖို့ ခေါင်းညိတ်ပြပြီး ပိုင်ယွီဖန်ကို ကြည့်ကာ ရယ်မောလိုက်သည်။ ကျိုးယန်သည် အချိန်မရွေး သတ်တော့မည့်ပုံပေါ်သော သွားများကို အံကြိတ်ထားသည်။

"ဟားဟား နတ်သမီးက ဘာလို့ စိတ်ဆိုးရမှာလဲ ငါတို့လက်ထပ်ဖို့ အစကတည်းက သဘောတူထားလိုက်ရင် မကောင်းဘူးလား..."

ဟွေ့လင်က တိုးတိုး ပြောသည်။

"နတ်နဂါး မိသားစုက တစ်ခုတည်း ဖြစ်ဖူးပေမယ့် မိသားစုက ရုတ်တရက် အပြောင်းအလဲတွေ ကြုံလာရတော့ အဓိက မိသားစုလေးစုကလည်း တစ်ယောက်နဲ့တစ်ယောက် အပြိုင်အဆိုင် ပြိုင်ဆိုင်နေကြပြီ...လွန်ခဲ့တဲ့ နှစ်နည်းနည်းလောက်က အစ်ကိုကျိုးယိမှာ နတ်ခန္ဓာကိုယ် ရှိတယ်ဆိုတဲ့ သတင်းထွက်လာတယ်လေ.... အဲ့တော့ တခြားရှေးဟောင်း မိသားစုကြီးသုံးခု​က တဖြည်းဖြည်း ဖိနှိပ်လာခဲ့တာ"

လုရွှမ် ထပ်မံ ခေါင်းညိတ်လိုက်ပြီး သူ့အတွေ့အကြုံများအရ ဒီလိုမျိုး အရာက အဖြစ်များလွန်းတာကြောင်း နားလည်လိုက်သည်။ အကျိုးကျေးဇူးတွေ ရချင်ရင် တစ်စုံတစ်ယောက်နဲ့ အိမ်ထောင်ပြုဖို့ လုပ်ရမည်။ အဆင်မပြေရင် တခြားမိသားစုတွေဆီက ဖိနှိပ်ခံရတာကို မခံနိုင်လောက်ချေ။

အထူးသဖြင့် အကျိုးကျေးဇူးတွေ ရလာတဲ့အခါ ပိုလို့တောင် ရွံရှာဖွယ်ကောင်းတာ သဘာဝပါပဲ။

လုရွှမ်: "ကျိုးယန် မင်းဖယ်လိုက်ပါ"

ကျိုးယန်လည်း လုရွှမ်ကို ပြန်ကြည့်ကာ အပြုံးဖြင့် ဘေးဖယ်နေလိုက်သည်။ ပိုင်ယွီဖန်လည်း သူ့မျက်နှာကို လှည့်ပြီး။

"မင်းက ဘယ်သူလဲ.... မင်းက ဒြပ်စင်ငါးပါး မဟာဂိုဏ်းက လုရွှမ် မဟုတ်လား... နတ်မီးနယ်ပယ် တတိယအဆင့်မှာပဲ ရှိသေးတယ် ဒါပေမယ့် မင်း အရမ်း မာနကြီးနေတာပဲ... သတ္တိတော့ကောင်းသား... ငါတို့မိသားစုအရေးကို ဝင်စွက်ဖက်ဖို့ သေလမ်းရှာနေတာလား"

လုရွှမ်: "ဘယ်သူက သေဖို့ လမ်းရှာနေမှန်း မသေချာပေမယ့် သေချာပေါက် ငါတော့ မဟုတ်ဘူး"

ပိုင်ယွီဖန်က သူ့ခန္ဓာကိုယ်ကို လှုပ်ရှား၍ လုရွှမ်ဘက်သို့ ပါးရိုက်လိုက်သည်။

"မင်းဘယ်သူလဲ ငါ့ကို ပြော​ပြဖို့ အဆင့်မရှိဘူးကွ!"

လုရွှမ်၏ ခန္ဓာကိုယ်သည် မလှုပ်ရှားသွားပေ။ တိုက်ရိုက် ပါးရိုက်ခံရသော်လည်း သူ့ခန္ဓာကိုယ်က ရုတ်တရက် အရိပ်တစ်ခုသာ ကျန်ခဲ့ပြီး ဒဏ်ရာတစ်ခုမျှပင် မကျန်ရစ်ခဲ့ချေ။

ဝုန်း!

လုရွှမ် ပိုင်ယွီဖန်၏ မျက်နှာကို ပြင်းထန်စွာ ပြန်ရိုက်လိုက်သည်။ တစ်ဖက်လူ၏ မျက်နှာသည် မယုံကြည်နိုင်ကြောင်း ထင်ရှားစွာ မျက်လုံးပြူး မျက်စံပြူးဖြင့်။ လုရွှမ်ကို ကြည့်ကာ ပါးလွှာသော လေထုထဲမှ ထွက်လာသည့်အတိုင်းပင်။

သူသည် လုရွှမ် တစ်ခါမှမမြင်ဖူးသော်လည်း အခြား ကျန်လူများ၏ မျက်လုံးထဲတွင်တော့ လုရွှမ်က တစ္ဆေတစ်ကောင်လို လျင်မြန်လုနီးပါးဖြစ်ပြီး နောက်ဆက်တွဲ အရိပ်တစ်ခုသာ ပေါ်လာကာ ဂရုမစိုက်ဘဲ ပိုင်ယွီဖန် မျက်နှာကို ရိုက်ချလိုက်သည်။

သူတို့မြင်ပေမယ့် ခဏလောက် ဝင်တားချင်တာတောင် လုံးဝ မလုပ်နိုင်ခဲ့ပါဘူး။

"မင်း မင်းငါ့ကို ရိုက်ရဲတယ်ပေါ့... မင်း သေမင်းကို ရှာနေတာပဲကွ!"

ပိုင်ယွီဖန် အော်လိုက်ပြီး မျက်နှာကြီးက နီရဲလာသည်။ ၎င်းက ဓားကိုဆွဲကာ လုရွှမ်ဘက်ကို တစ်ချက် ဝေ့ယမ်းလိုက်ရာ လုရွှမ်လည်း ရှောင်လိုက်သည်။

ဤလူသည် အမှန်ပင် ရွှမ်ဝူရှေးဟောင်း မိသားစု၏ သခင်တစ်ဦးဖြစ်ပြီး ထိုကဲ့သို့ ခိုင်မာသော စိတ်ရှိသည်။ လုရွှမ် သေချာပေါက် သူ့ကို ထုတ်ပစ်နိုင်ပေမယ့် လက်ရှိအခြေအနေက မ​ဖြစ်သေးချေ။ လုရွှမ် လမ်းလျှောက်ပြီး ခြေတစ်လှမ်း တစ်ဝက်လောက် နောက်ပြန်ဆုတ်သွားလိုက်သည်။

ပိုင်ယွီဖန်က ဟစ်အော်ပြီး သူ့ဓားကို ထပ်မံ ဝေ့ယမ်းပြန်သည်။

"ကောင်လေး မင်းနည်းနည်းလေး အရည်အချင်း ရှိလိုက်တာနဲ့ ငါတို့ ရှေးဟောင်းမိသားစုတွေနဲ့ ယှဉ်နိုင်မယ်လို့ ထင်နေတာလား? မင်း အတွေးလွန်နေပြီ! !"

ပြောပြီးနောက် ပိုင်ယွီဖန်၏ဓားက လင်းလက်လာပြီး ချက်ချင်းပင် ဓားသုံးချောင်းအဖြစ်သို့ ပြောင်းလဲသွားသည်။ ဓားစွမ်းအင်တွေက အပေါ်မှ အောက်ခြေအထိ လုရွှမ်၏ ခန္ဓာကိုယ်ကို လုံးလုံး ဖုံးအုပ်သွားသည်။

လုရွှမ်လည်း ချင်ထျန်းဓားကို ဆွဲထုတ်လိုက်သည်။ အကယ်၍ ဝိညာဉ်ရေကန်ထဲသို့ မဝင်မီက သို့မဟုတ် သူ၏ ကျင့်ကြံမှု မတိုးတက်မီကသာ တွေ့ခဲ့လျှင် ဤလူကို ယှဉ်နိုင်ရုံမျှသာ ဖြစ်နိုင်သည်ဟု ယုံကြည်ခဲ့သော်လည်း သူအနိုင်ရနိုင်လျှင်ပင် သေချာပေါက် ခက်ခဲလိမ့်မည် ဖြစ်ပြီး ကြေကွဲဖွယ် အောင်ပွဲဖြစ်လိမ့်မည်။

စင်စစ်အားဖြင့် သူသည် ရှေးဟောင်း မိသားစုမှ ပြုစုပျိုးထောင်ထားသော ပါရမီရှင်တစ်ဦး မဖြစ်သော်လည်း ဝိညာဉ်ရေကန်ထဲသို့ ဝင်ရောက်ပြီးနောက် အနက်ရောင် အဖိုးအိုထံမှ "နှလုံးသား" ဟူသော စကားလုံးကို နားလည်သဘောပေါက်ခဲ့ပြီး စစ်တုရင်ခုံပေါ်ရှိ လူများထံမှ အကျယ်တဝင့် မြှင့်တင်မွမ်းမံခြင်းခံရသည်။

ပိုင်ယွီဖန်က အစွမ်းထက်ပေမယ့် လုရွှမ်ရဲ့ မျက်လုံးထဲမှာတော့ သူ့မှာ လျှို့ဝှက်ဆန်းကြယ်မှုတွေ မရှိတော့ပါဘူး။ အထူးသဖြင့် ယခုတွင် သူသည် မြေကြီးမီးထဲမှ ကောင်းကင်မီးစကို ရရှိခဲ့ပြီး သူ၏ အမြင်အာရုံများ ကောင်းမွန်လာပြီ။ ဒါ့အပြင် နဂါးတံတိုင်းမှ ချီထျန်းပုကို အပြည့်အ၀ ရရှိထားပြီး သေးငယ်သော နေရာများတွင် လှုပ်ရှားနိုင်ကာ သူ၏ ခွန်အားမှာ အနည်းငယ် သာလွန်နေပြီ။

လုရွှမ်၏ နှလုံးသားထဲတွင် ပိုင်ယွီဖန်က သူ့ပြိုင်ဘက် မဟုတ်တော့ပေ။ သူ့ကို ယှဉ်နိုင်တဲ့သူက ကျိုးယိသာ ရှိတော့မယ် တိုးတိုးတိတ်တိတ် အသံတစ်ခု ထွက်ပေါ်လာပြီး ဓားနှစ်ချောင်းက အချင်းချင်း တိုက်မိသွားသည်။

လုရွှမ်သည် ကျောက်တုံးကဲ့သို့ တည်ငြိမ်စွာ ရပ်နေခဲ့ကာ ပိုင်ယွီဖန်ကတော့ မထိန်းနိုင်ဘဲ ခြေတစ်လှမ်းဆုတ်သွားခဲ့ကာ နှစ်ခါမျှ ယိမ်းနွဲ့နေဆဲ ဖြစ်သည်။ ဤအခိုက်အတန့်တွင် လူတိုင်းက ထိတ်လန့်စွာ ကြည့်နေကြသည်။

ပိုင်ယွီဖန်ရဲ့ စွမ်းအားကို သူတို့အားလုံး ကောင်းကောင်းသိသည်။ ထိုသူသည် ဤလူအုပ်စုတွင်ပင်လျှင် အနည်းဆုံး ထိပ်ဆုံးဆယ်ဦးစာရင်းတွင် ပါဝင်နိုင်သော်လည်း လုရွှမ်ကို ထိပ်တိုက် မယှဉ်နိုင်လိမ့်မည်ဟု သူတို့ မမျှော်လင့်ခဲ့ပေ။

ကျိုးယန်နှင့် ဟွေ့လင်တို့၏ မျက်လုံးများသည်လည်း ၎င်းတို့လို ပြူးကြောင်ကြောင်လေး။ သူတို့ အရင်က လုရွှမ်၏ အင်အားကို မြင်ခဲ့ရသော်လည်း ဤမျှထိ ရက်စက်ကြမ်းကြုတ်နေပြီဟု မထင်ထားခဲ့ကြပေ။

ပိုင်ယွီဖန် ဘယ်လောက် အစွမ်းထက်တယ် ဆိုတာ သူတို့ကောင်းကောင်း သိသည်။ ကံမကောင်းချင်တော့ ၎င်းက လုရွှမ်နဲ့ မယှဉ်သာပေ။

ပိုင်ယွီဖန်ရဲ့ မျက်လုံးတွေ ပြူးကျယ်သွားသည်။ သူသည် သူ့လက်ထဲက ဓားရှည်ကြီးကို ကြည့်လိုက်ပြီး အေးစက်စက် အော်ဟစ်လိုက်သည်။

"ဟမ့် ငါ့ခွန်အားကို သုံးထားပေမယ့် သိပ်အသုံးမဝင်ဘူးလို့ မမျှော်လင့်ထားဘူး"

လုရွှမ်: "ဒါပေမဲ့ ငါ့အထင်တော့ မင်းက အရှုံးသမားပဲ"

သူတို့ ဓားတွေကို ခုတ်ချလိုက်ပြန်သည်။ တီးတိုးသံနှင့်အတူ သူတို့၏ဓားများ ထပ်မံတိုက်မိပြီး စွမ်းအင်လှိုင်းများ ပျံ့သွားသည်။ လုရွှမ်၏ ခန္ဓာကိုယ်အရှိန်က မပြောင်းလဲသွားပေ။ သူ့ခန္ဓာကိုယ်က ရှေ့သို့ တိုးသွားကာ ရှေ့သို့ လွှဲခုတ်လိုက်သည်။

ပိုင်ယွီဖန်ရဲ့ မျက်နှာက နီရဲလာသည်။ သူသည် လက်ထဲက ဓားကိုပင် မကျေမနပ် ဆုပ်ကိုင်ထားသည်မှာ ထင်ရှားလှသည်။ နောက်ပြန် လှည့်ကြည့်လိုက်တော့ လုရွှမ်ရ သူ့ကို ဓားနဲ့ ထပ်ခုတ်နေတာကို တွေ့လိုက်ရ၏။

သူ့ခမျာလည်း ဓားစွမ်းအင်ကို ထပ်မြှင့်ဖို့ကလွဲလို့ ရွေးစရာမရှိတော့ချေ။ သူ့ဓားကလည်း နတ်လက်နက်တစ်ခု ဖြစ်နေလို့သာ မဟုတ်ရင် လုရွှမ်ရဲ့ ကောင်းကင်ကကျလာသလို ပြင်းထန်တဲ့ ဓားအောက်မှာ ကျိုးသွားလိမ့်မည်။

ဖြောင်းကနဲ ပေါက်ကွဲသံနှင့်အတူ ပိုင်ယွီဖန် နောက်သို့ ခြေနှစ်လှမ်း ဆုတ်သွားရ၏။ လုရွှမ် လုံးဝ မရပ်ဘဲ သူ့ကို ဓားဖြင့် ထပ်မံခုတ်လိုက်​ပြန်သည်။