သံသယ

ကောင်းကင်မီး၏ ခြိမ်းခြောက်မှုအောက်တွင် မကောင်းဆိုးဝါးတို့ ဆုတ်ခွာသွားကြပြီး ကျင့်ကြံသူတွေလည်း လက်နက်သန့်စင်ရေး တောင်ကြားသို့ ရောက်ရှိလာကာ စခန်းချကြသည်။

ထိုမကောင်းဆိုးဝါးများ တိတ်တဆိတ် ဆုတ်ခွာသွားကြတာတော့ သိသာထင်ရှားပေသည်။ လက်နက်သန့်စင်ရေး တောင်ကြားနှင့် မြေမီးတို့သည် နီးကပ်စွာ ရှိနေခြင်းကြောင့် ၎င်းတို့၏ ခြိမ်းခြောက်မှုမှာ ပိုမိုသေးငယ်သွားသည်။

ဤမာနကြီးသော သူတော်ကောင်းတို့ အတွက် ပင်ပန်းခြင်းက ပြဿနာမဟုတ်ပေ။ ဤအခိုက်အတန့်၌ ဘေးဒဏ်မှ လွတ်မြောက်လာသော လူတွအတွက်ကတော့ အလွန်ပင်ပန်းနေသလို ခံစားကြရသည်။

ခေတ္တအနားယူပြီးနောက် လုရွှမ် နှင့် တခြားသူများသည် အနာဂတ် ပြဿနာများနှင့် ထိုအန္တရာယ်များကို မည်သို့ကိုင်တွယ် ဖြေရှင်းရမည်ကို အတူတကွ ဆွေးနွေးခဲ့ကြသည်။

“အခုတော့ ထွက်ပြေးလာတဲ့ လူတွေကလည်း ရှင်သန်ဖို့ မျှော်လင့်ချက် နည်းနည်းပဲ ရှိသေးတယ်လို့ ပြောလို့ရတယ်... စုစုပေါင်း ၅၆ယောက်ပဲ ကျန်တော့တယ်” ဟု ခမ်ဟွေးက ပြောသည်။

ဟောက်ထျန်း: "အနည်းနဲ့အများ ကွာခြားမှု ရှိလို့လား?"

လုရွှမ်သည် ဟောက်ထျန်း၏ ပုခုံးပေါ်ကို အသာအယာ ထိလိုက်ကာ ပြုံး၍ပြော၏။

"ဒါတွေက အန္တရာယ်တွေရဲ့ ပထမလှိုင်းဖြစ်တာကို လူတိုင်း မြင်နိုင်ပါတယ်။ သူတို့က အရမ်းအစွမ်းထက်ပေမယ့် သူတို့ရဲ့ အားနည်းချက်တွေကလည်း သိသာထင်ရှားတယ်... ငါတို့ရဲ့ ခွန်အားနဲ့ သူတို့ကို သတ်ပစ်ချင်တယ် ပြဿနာကြီးကြီးမားမားတော့ မရှိလောက်ပါဘူး”

"ဒါပေမဲ့ ငါတို့ ယောက်ျား​လေးတွေကို ဆက်ပြီး ဆုံးရှုံးခံလို့ မရတော့ဘူး.... ဒီလိုပဲ သူတို့က အပြင်မှာ ပိတ်မိနေတဲ့ ဘုန်းကြီးတွေကို ဖမ်းဖို့ အစွမ်းကုန် ကြိုးစားလိမ့်မယ်"

"နောက်ပြီး နတ်သမီးဖေးလော့နဲ့ ယောင်ကျား... သူမတို့ရဲ့ စွမ်းအားနဲ့ဆို အဲ့အကောင်တွေက ပြင်းထန်နေရင်တောင် သူတို့​အသက်ကို ခုခံကာကွယ်ဖို့ ပြဿနာမရှိလောက်ဘူး...အဲ့အကောင်တွေရဲ့ စွမ်းအားက ရက်စက်ကြမ်းကြုတ်တယ်... တစ်ဖက်က ကြည့်ရင် သူမတို့ရဲ့ စွမ်းရည်တွေက ငါတို့ရဲ့ အနာဂတ်ရှင်သန်မှုအတွက် အရေးကြီးပါတယ်... ကြီးမားတဲ့ အကူအညီလည်း ဖြစ်နိုင်လို့ ငါတို့သူတို့ကို ကယ်တင်ထားဖို့ လိုအပ်တယ်!"

လုရွှမ်၊ ခမ်ဟွေး၊ ကျိုးယိ၊ ဟောက်ထျန်း၊ ထိုက်ချူသန့်ရှင်းတဲ့နယ်မြေက ကျန်းဟန်၊ ထျန်းယိသန့်ရှင်းတဲ့နယ်မြေက သခင်လေးတောက်ယိ၊ ကျိုးယန်နဲ့ ဟွေ့လင် အပါအဝင် ဤအစည်းအဝေးကို ယခု တက်ရောက်နိုင်သူ အနည်းငယ်သာ ရှိသည်။

သူတို့အားလုံးက အကြောင်းအရာ အကြောင်း နည်းနည်းသိကြပေမယ့် ကျန်းဟန်နဲ့ တောက်ယိကတော့ အရမ်းတုံးအလေသည်။ တခြားလူများသည် အရူးအမူး ပြေးလွှားနေကြစဉ် လုရွှမ် နှင့် သူ၏အဖွဲ့သည်တော့ အနီးကပ်လိုက်၍ ဤနေရာသို့ လာခဲ့ကြသည်။

နှစ်ယောက်သား လိမ္မာပါးနပ်သော အကြည့်များဖြင့် တစ်ယောက်ကို တစ်ယောက် ကြည့်နေကြသည်။ ကျိုးယိနဲ့ ခမ်ဟွေးတို့သည် နောက်ဆုံးတွင် ၎င်းတို့နှစ်ဦးသည် စွမ်းအားကြီးမားသည်ကို သိမြင်ခဲ့ကြသော်လည်း အရာများကို ကိုင်တွယ်ရာတွင် လုရွှမ် နှင့် ယှဉ်ပါက နောက်ကျနေပုံရသည်။

ထိုနတ်ဆိုးများနှင့် ရင်ဆိုင်ရသောအခါတွင် လုရွှမ်က မတ်တပ်ရပ်ကာ လူတိုင်းကို စည်းလုံးရန် အစပြုကာ ထိုနတ်ဆိုးများ၏ အားနည်းချက်များကို ရှာဖွေတွေ့ရှိခဲ့သည်။ ကျိုးယိနဲ့ ခမ်ဟွေးက ပိုသန်မာပေမယ့် လုရွှမ်ရဲ့နောက်မှာတော့ ရှင်သန်ဖို့ ပိုလွယ်နိုင်ပါ၏။

ဤနေရာသို့ ဝင်ရောက်လာသူတိုင်းသည် ပါရမီရှင်များဖြစ်ပြီး ၎င်းတို့သည် အဆင့်မြင့်လာလျှင်ပင် မည်သူတစ်ဦးတစ်ယောက်၏ ယုံကြည်ခြင်းကိုမှ ခံရမည် မဟုတ်ပေ။

ဒီလိုအခြေအနေမျိုးမှာ လက်ရှိဖြစ်ပေါ်နေတဲ့ အခြေအနေနဲ့ လိုက်လျောညီထွေ ဖြစ်အောင် တတ်နိုင်သမျှ မြန်မြန်ဆန်ဆန် အဖြေရှာနိုင်သူတွေဟာ ပိုတန်ဖိုးရှိပါ၏။

"အင်း... ငါတို့ရဲ့ လက်ရှိအဖွဲ့ငယ်လေးမှာ လုရွှမ်က အမိန့်ပေးသင့်တယ်လို့ ငါ ထောက်ခံတယ်"

တောက်ယိက ရုတ်တရက် အော်လိုက်သည်။

လုရွှမ် အနည်းငယ် လန့်သွားသည်။ ထုံးစံအတိုင်း ဒါကလည်း သူ့စိတ်ကူးပါပဲ။ အရင်က ကျိိုးယိ နဲ့ တခြားသူတွေဟာ သူတို့ရဲ့ လက်ရှိဘေးဆိုးတွေအကြောင်း ပြောပြခဲ့ပြီးပြီ။ အခုတောင် သူတို့ထဲက တစ်ယောက်မှ ထိရောက်တဲ့ အကာအကွယ်ကို မယူထားဘူးဆိုတာ သိခဲ့ပြီးလောက်ပြီ။

ကျိုးယိနှင့် ခမ်ဟွေးတို့သည် လူတိုင်းကို ဖိတ်ကြားရန် ရှိမရှိ အခြေအတင် ဆွေးနွေးနေခဲ့ကြသော်လည်း နတ်သမီးယောင်ကျား ၎င်းတို့ဆီသို့ ပြေးလာသောအခါတွင် နတ်ဆိုးများက နတ်သမီးဖေးလော့ကို ဆွဲထုတ်သွားခဲ့ကြောင်း အလောတကြီး သတင်းပေးလာ၏။

တခြားတစ်ဖက်တွင်မူ သခင်လေးဟောက်ထျန်းသည် ပြတ်သားသော စိတ်ရှိပြီး ဟိုးအရင်ကတည်းက အရာအားလုံးကို မြင်ဖူးသောကြောင့် မာနကြီးတတ်သည်။ သို့သော် သူက သူတစ့ပါးကို ကယ်တင်ဖို့၊ တခြားသူတွေကို လမ်းပြဖို့ ပြဿနာ မရှိလောက်ချေ။

ယခုတော့ ဒီလူတွေလည်း အခြေအနေကို မထိန်းနိုင်​တော့လို့ သူ့ကို လုပ်ခွင့်ပေးလိုက်တာပဲ ဖြစ်ပေလိမ့်မည်။ ကျန်းဟန်နဲ့ တောက်ယိ စကားပြောပြီးတာနဲ့ ကျန်းဟန်က ချက်ချင်းပဲ ဝင်ဆိုလာသည်။

“တကယ်တော့ ညီအစ်ကိုလုက ကျင့်ကြံမှု အဆင့်မမြင့်ပေမယ့် ပြုစုပျိုးထောင်နိုင်စွမ်း ရှိတယ် အေးဆေးတည်ငြိမ်တယ် အန္တရာယ်ရှိတဲ့ အခြေအနေမျိုးမှာ သူ့ကြောင့်သာ မဟုတ်ရင် လူတိုင်းလည်း ဒီနေရာကို ဘေးကင်းစွာ ရောက်လာနိုင်မှာ မဟုတ်ပါဘူး။”

"အခုလောလောဆယ် ကျွန်တော်တို့ ကြုံတွေ့နေရတာက အသက်နဲ့ သေခြင်းပဲ ဒါက မြင့်မားတဲ့ ကျင့်ကြံမှု ဒါမှမဟုတ် ပိုသန်မာတဲ့ နောက်ခံကြောင့် မဟုတ်ဘူး.... ဘယ်သူက ငါတို့ကို ဦးဆောင်ပြီး ဒီကနေ အသက်ရှင်လျက် ထွက်သွားနိုင်မလဲ ဆိုတာပဲ ဒီအချက်မှာ လုရွှမ်က ငါတို့အားလုံးထက် ပိုသင့်တော်မယ်လို့ ထင်တယ်"

လူအတော်များများက အနည်းငယ် အံ့ဩသွားကြသည်။

လုရွှမ်က သူတို့နှစ်ယောက်အား လျှို့ဝှက်စွာ ချီးကျူးခဲ့သည်။ ကျိုးယိနဲ့ ယှဉ်ရင် ခမ်ဟွေးက သဘာဝအတိုင်း ပိုပြီး တစ်ကိုယ်ကောင်းဆန်ပေမယ့် ဖြစ်ပျက်ခါနီးအချိန်မှာတော့ ဒီလိုလူက ပိုသတိ ရှိလာပါ၏။

အကျပ်အတည်း တစ်ခုထဲက လွတ်မြောက်ရန် နည်းလမ်းရှာလိုပါက အသံတစ်ခုတည်းသာ ရှိသင့်သည်။ သို့နှင့် လုရွှမ်လည်း ချောင်းဆိုးပြီး မတ်တပ်ရပ်လိုက်သည်။

"လူတိုင်းက နည်းနည်းတော့ စိတ်ကြီးဝင်တတ်ပေမယ့် ငါက အသင့်တော်ဆုံး ကိုယ်စားလှယ်လောင်းလို့ ထင်ပါတယ်"

ကျိုးယိနဲ့ ခမ်ဟွေးတို့ အနည်းငယ် အံ့အားသင့်သွားကာ တစ်ယောက်ကို တစ်ယောက်ကြည့်ရင်း ခေတ္တမျှ စကား မပြောနိုင်​ကြ​တော့ပေ။ သူတို့နှစ်ယောက်ဟာ အာဏာအတွက် တစ်ယောက်ကိုတစ်ယောက် ကပ်တွက်နေတာ မဟုတ်ပေမယ့် အန္တရာယ်အရှိဆုံး အခြေအနေမှာ လူတွေက သူတို့ကို ခေါင်းဆောင်အဖြစ် လက်ခံလေ့ရှိကြပါ၏။

ပြီးတော့ သူတို့ဟာ သူတို့ရဲ့ ရက်စက်ကြမ်းကြုတ်တဲ့ ခွန်အားကို မကြာခဏဆိုသလို ထုတ်ပြတတ်သူပင်။ နှစ်ယောက်သား အနည်းငယ် ရှက်သွားကြစဥ် ဟောက်ထျန်းရဲ့ အသံက ထွက်ပေါ်လာသည်။

"လုရွှမ်က အရမ်းတော်တယ်... မင်းတို့နှစ်ယောက်နဲ့ ယှဉ်ရင် ငါကတော့ လုရွှမ်ကို အားကိုးတယ်"

ဒါက မီးထဲကို လောင်စာထည့်ထားပဲ မဟုတ်လား။

ကျိုးယန်: "အစ်ကိုကြီး ညီမလည်း လုရွှမ်ကို ထောက်ခံတယ်"

ဟွေ့လင်ကလည်း နှုတ်ခမ်းကို ကိုက်ရင်း: "ဆရာတူအစ်ကို... အစ်ကိုလုရွှမ်က ပိုသင့်တော်တယ်လို့ ထင်တယ်"

ကျိုးယိ၏မျက်နှာသည် အနည်းငယ် နီသွား၏။

"အော်မီတော်ဖော်... ဒကာလေး လုရွှမ်ရဲ့ ခွန်အားကို လူတိုင်းက အသိအမှတ် ပြုကြတဲ့အတွက် ဒကာလေးလုရွှမ်ကပဲ သဘာဝအတိုင်း သာလွန်ပါတယ်... ဒီရဟန်းငယ်က သူ့လောက်မတော်ဘူးဆိုရင် ဒီကိစ္စမှာ ဒီရဟန်းငယ်ကလည်း သဘောတူပါတယ်... သခင်လေးလုရွှမ်က အနာဂတ်ရေးရာ​တွေကို တာဝန်ယူရမှာ ဖြစ်ပြီး သခင်လေးလုရွှမ်ရဲ့ အမိန့်ကို လိုက်နာပါ့မယ်"

ကျိုးယိကလည်း ခေါင်းညိတ်သည်။

"အရာအားလုံးက လွတ်မြောက်ဖို့ပဲလေ... အားလုံးက ညီအစ်ကိုလုက ပိုသင့်တော်တယ်လို့ သဘောတူတဲ့အတွက် ငါတို့ တော်ဝင် မင်းဆက်မိသားစုက ဒါကို ထောက်ခံမှာ သေချာပါတယ်"

လုရွှမ်သည် သူတို့နှစ်ဦးသည် ဤမျှ သာလွန်ကောင်းမွန်နေမည် ဆိုလျှင် ယခုလိုကြီးကျယ် ခမ်းနားသော စကားမျိုးကို ပြောမည်မဟုတ်ပေ။ သို့သော် ဤရှုထောင့်အကြောင်း ကန့်ကွက်စကား များများပြောလျှင် လူကောင်းတစ်ယောက် လုပ်ရန် အနည်းငယ် သံသယဖြစ်ဖွယ်ရှိသည်။

"မင်းတို့ရဲ့ ပံ့ပိုးကူညီမှုနဲ့ အကူအညီအတွက် ကျေးဇူးတင်ပါတယ် လူတိုင်းက လက်တွဲပြီး စိတ်တစ်ခုတည်း ရှိသရွေ့ ငါတို့ အသက်ရှင်နေနိုင်မယ်လို့ ယုံကြည်ပါတယ်"

လုရွှမ်က ကျိုးယိကို ကြည့်ရင်း ဆိုလိုက်သည်။ ခမ်ဟွေး၊ ကျိုးယိနဲ့ ဟောက်ထျန်းတို့လည်း ဒီစကားရဲ့ အဓိပ္ပာယ်ကို သိပါ၏။ တစ်ဦးတစ်ယောက် လွတ်မြောက်နိုင်သရွေ့ အရာအားလုံးလည်း အဆင်ပြေသွားလိမ့်မည်။

ကျိုးယိနဲ့ ခမ်ဟွေးက လုရွှမ်ကို ​ပြန်ပြုံးပြကြသည်။ လုရွှမ်လည်း သူ့စိတ်ထဲမှာ နားမလည်နိုင်လောက်သော အတွေးတစ်ခုက ရုတ်တရက် ပေါ်လာ၏။

မိမိကို သူတို့က လှည့်စားချင်နေတာလား။