တစ်ခြားလူတွေ မရနိုင်တဲ့ဘဝမျိုး...

#ဘာသာပြန် = စနိုးဝှိုက်

ဒီနေ့မှာ စိတ်ပျက်စရာ အကြောင်းအရာတွေ အများကြီး ဖြစ်ပျက်ခဲ့ပါတယ်..။သို့ပေမယ့် လင်ဖန် ကတော့ ခံစားချက်ကောင်း နေတုန်း ပါပဲ..။သူ ဒီပြသနာ တွေ အကုန်လုံးကို အေးအေးဆေးဆေး ကိုယ်တိုင်ဖြေရှင်း နိုင်ခဲ့ ပါတယ်..။ဒါပေမဲ့ ရိုးသားစွာ ပြောရရင် ..သူတို့သာ..မသန်စွမ်း ကလေးဂေဟာ မှာ မဟုတ်ရင်..သူတို့ကို နောင်တရသွားအောင် လုပ်လွှတ်လိုက်မှာပါ..။

"ပျော်လား.."

ဝူယူလန် ပြုံးပြီး ပြောလိုက်တာပါ..။သူမဟာ ကားရဲ့အရှေ့ ထိုင်ခုံမှာ ထိုင်နေပြီး လှပတဲ့ မျက်လုံးတွေနဲ့..လင်းဖန်ကို ကြည့်နေခဲ့့တယ်..။သူမ ရဲ့..စိတ်ထဲမှာတော့..လင်းဖန်ကို အနမ်းပေးချင်နေပေမယ့်လည်း..သူမ ဒီလို မလုပ်ရဲပါဘူး..။သူမ နှလုံးသားထဲမှာပဲ သိမ်းထားခဲ့ ပါတယ်..။

လငိးဖန် ကား​ေမာင်းနေရင်း ပြောလိုက်တယ်..။

"ဘာကို ပျော်ရမှာတုန်း..။မင်းအဖေကို ဘာလို့ လူလိမ် ထျန်နဲ့ လွှတ်လိုက်တာတုန်း.."

ဝူယူလန် ရယ်မာပြီး ပြောလို်က်တယ်..။

"ကျွန်မ အဖေက အိုနေပြီလေ..။သူအတွက်က အစ်ကို လူလိမ် လိုလူမျိုုးနဲ့ ပေါင်းသင်းရတာ မလွယ်ကူဘူး..။သူတို့က အမြဲတမ်း ဝိုင်သောက်ပြီး စကား​နေကြတာ..။ဒါက ရှင် ကျွန်မကို..လိုက်ပို့တာ ပထမ ဆုံးအကြိမ်နော်.."

"ကံကောင်းတယ် လို့ ခံစားရတယ်ပေါ့."

လင်းဖန် အပြုံးလေးနဲ့ ပြောလိုက်တာပါ..။သူ ဝူယူလန်ရဲ့ ခံစားချက်ကို မသိပဲ မနေပါဘူး..။ဒါပေမဲ့ ရိုးရိုးးသားသား ပြောရရင် ဝူယူလန်က အတော်ကို လှပတာပါ..။သူမ စကား မပြောတဲ့ အချိန်မှာ အေးစက်ပေမယ့်..စကားပြောတဲ့ အချိန်မှာတော့ ချစ်စရာ ကောင်းလှပါတယ်..။သူက နှစ်ဖက် အလှမျိုး ရှိတဲ့ မိန်းကလေးတစ်ယောကိပါ..။

ဝူယူလန်ဟာ ရှက်မနေခဲ့ပေ..။

"ဟုတ်တယ်..တကယ်လို့ နေ့တိုင်းလိုက်ပို့ရင်..ပိုတောင် ကံကောင်းဦးမှာ.."

လင်းဖန် ပြုံးပြီး ပြန်ပြောလိုက်ပါတယ်..။

"မင်း အိပ်မက်မက် နေတာပဲ..။ဆီစျေးတွေက တက်နေတာ .."

"အာ ဘယ်လို ဖြစ်နိုင်မှာလဲ..။တကယ်လို့ ကျွန်မကို နေ့တိုင်းလိုက်ပို့ရင်..ဆီဖိူးကို ကျွန်မ တာဝန်ယူမယ်..။ပြီးတော့ ဒါရိုက်ဘာ ကြေးပါ ပေးဦးမှာ..။ထပ်ပြောရရင်..ဒီလို မိန်းမလှလေးကို ညတိုင်းမြင်ရမှာနော်..အိမ်မှာ ညဘက်အိပ်ရင်..ကောင်းကောင်း အိပ်ပျော်မှာ သေချာတယ်.."

လင်းဖန် သူ့နှလုံးသားထဲကနေ ရယ်မောလိုက်ပါတယ်..။သူ စကားလမ်းကြောင်းကို အမြန်ပြောင်းလိုက်တယ်..။

"တကယ်တော့..ဆိုင်မှာ ရှိနေကြတာ အချိန်အတော်ကြာနေကြပြီလေ..။မင်းအဖေ ဆိုင်ကို လာတုန်းက မင်းရဲ့ ကံတရားကို ပြောင်းလဲ ချင်နေခဲ့တာ..။အခု မင်းရဲ့ ကံကြမ္မာက အကောင်းဘက်ကို ဦးတည်နေပြီဆိုတော့...မင်းသွားချင်တဲ့ နေရာရှိရင် အချိန်မရွေး ပြောပြီး သွားလို့ရတယ်.."

ဝူယူလန်ရဲ့ မျက်လုံးထဲမှာ ထိပ်လန့်မူတွေ ပေါ်လာခဲ့တယ်..။သူမ ခေါင်းကို မော့လိုက်ပြီး..

"ဘယ်လို ဖြစ်နိုင်မှာလဲ..။ငါ့ရဲ့ ကံကြမ္မာက မကောင်းသေးဘူး...။လတ်တလော မှာ အကြောင်းပြ

ချက် မရှိပဲ..စိတ်ဓာတ်ကျနေသလို ခံစားရတယ်..။ပြီးတော့..ခြေထောက်နဲ့ ခုံနဲ့ ခနခနတိုက်မိပြီး ခြေထောက်မှာ အတွင်းကြေ သဘောမျိုးတောင် ဖြစ်နေပြီ.."

.

"ဒါအမှန်ပဲလား.."

လင်းဖန် ရယ်မောပြီး မေးလိုက်တယ်..။သူ ..သူမပြောနေတာကို မယုံကြည်ပါဘူး..။တကယ်လို့ ဒီကမ္ဘာပေါ်မှာ သူက ဒုတိယ ဗေဒင်ပညာအကောင်းဆုံး လူဆို..ဘယ်သူမှ ပထမနေရာကိုယူရဲမှာ မဟုတ်ပေ..။ဝူယူလန် ရဲ့ ကံကြမ္မာ အကောင်းဘက်ကို ဦးတည်နေတာ သူ မြင်နေရပါတယ်..။

.

"ဒါပေါ့..ဒါအမှန်ပဲ..မယုံရင် ပြမယ်.."

ဝူယူလန်ဟာ စကတ် ဝတ်ဆင်ထားတာပါ..။အဲ့အချိန်မှာပဲ..သူမဟာ စကတ်ကို ကိုင်ထားပြီး သူမရဲ့ ဖြူးဖွေးတဲ့ ပေါင်တံကို လင်းဖန်ကို ပြသဖို့ အမူအရာလုပ်လိုက်တယ်..။

လင်းဖန် ပျော်ရွှင်စွာ ပြောလိုက်ပါတယ်..။

"တကယ်လား ကြည့်ပါရစေ.."

လင်းဖန် အနီးကပ် လေးလေးနက်နက် ကြည့်မယ့် အမူအရာမျိုး လုပ်လိုက်ပါတယ်..။

ဝူယူလန် ရဲ့ မျက်နှာဟာ နီရဲသွားပြီး..လျှာ ထုတ်ကာ ပြောလိုက်တယ်..။

"အိပ်မက် ဆက်မက် နေလိုက်..။ငါ နင့်ကို ပြမှာ မဟုတ်ဘူး.."

"ဟားဟား.."

လင်းဖန် ရယ်မောလိုက်တာပါ...။

သိပ်မကြာခင်မှာပဲ. ကားဟာ ဝူယူလန်တို့ နေတဲ့ နေရာကို ရောက်လာခဲ့တယ်..။

"သွားတော့လေ..ဂရုစိုက်ဦး.."

ဝူယူလန် လင်းဖန်ကို ကြည့်ကာ ​ပြောလိုက်တယ်.။

"အပေါ်ကိုတောင် လိုက်မပို့တော့ ဘူးလား..။ဒီမှာကအန္တာရာယ်များတယ်..။လူရမ်းကားတွေနဲ့ တွေ့ရင် ဘယ်လို လုပ်မလဲ.."

လင်းဖန် အလျင်အမြန်လက်ဝေ့ယမ်းလိုက်ပါတယ်..။

"အမြန်..တက်သွားတော့...အခုမှ ၇ နာရီပဲ ရှိသေးတာ ဘာလူရမ်းကားမှ မရှိဘူး..။မှောင်တောင်

မမှောင်သေးဘူး.."

*ကလင် ကလင်*

.

အဲ့အချိန်မှာပဲ ဖုန်းမြည်လာခဲ့တယ်..။

ဝူယူလန် ဖုန်းခေါ်တဲ့ လူကို ခိုးပြီး လှမ်းကြည့်လိုက်ပါတယ်..။

ဒီမိန်းမက ဘာလို့ ဖုန်းခေါ်တာလဲ..

လင်ဖန် ဝူရွှန်းယွဲ ဆိုတဲ့ နာမည် ဖုန်းမှာ ပေါ်နေတာကို ကြည့်ပြီး..ခေါင်းခါယမ်း လိုက်ပါတယ်..။ဘယ်လောကိတောင် တိုက်ဆိုင်လိုက်လဲ..။

.

"မသွားသေးဘူးလား.."

လင်းဖန် မလိုလား အပ်တွေ ဖြစ်မလာစေဖို့ ဖုန်းကို မကိုင်သေးပါဘူး..။သူက အရူးမဟုတ်ပေ..။ဒါပေါ့.အခြေအနေ အမှန်ကို သူထိထားပါတယ်..။

.

ဒါက သူအတွက်တော့ တကယ်ပြသနာ ပါ..။လင်းဖန်လို..ရုပ်ချောပြီး..အသိပညာတွေရှိတဲ့ လူတစ်ယောက်က..မိန်းကလေးတွေကို ဆွဲဆောင်နိုင်တာ ပုံမှန်ပါပဲ..။

ဒါကြောင်လည်း..လင်းဖန် အခုထိ လက်တွဲဖော် မရှာသေးတာပါ..။သူသာ လက်တွဲဖော်ရှာလိုက်ရင်..တစ်ခြား မိန်းကလေးတွေရဲ့ အခွင့်အရေးကို ပိတ်ပင်လိုက်သလို ပါပဲ..။ဒါ က မှတပါ့မလား..။ဒါပေါ့ အမျှတပါဘူး.။

သို့ပေမယ့် ရိုးသားစွာ ပြောရရင် သူ့စိတ်ကို မပြင်ဆင်ထားရသေးပေ..။သူက ငယ်ရွယ်သေးတဲ့ အတွက် လောစရာ မလိုပါဘူး.။

ဝူယူန်လန် ဟန်ဆောင်လိုက်တယ်..။

"ဒီမှာ ထိုင်တာ များတော့ ခြေထောက်တွေက ထုံကျင်နေသလိုပဲ..။ဖုန်းကိုပဲ ဖြေလိုက်ပါ အဆင်ပြေပါတယ်..။ခြေထောက်ကောင်းသွားတာနဲ့ ပြန်လိုက်မယ်.."

"ဘုရားရေ.."

လင်းဖန် ပြောလိုက်တာပါ..။ဒါက တကယ်ဆိုးရွာတဲ့ ဆင်ခြေပါပဲ..။သူတို့ ဒီကို ကားမောင်းလာတာ မိနစ်သုံးဆယ်ပဲ ရှိသေးတာတောင် သူမက ခြေထောက် ထုံကျင်နေတယ် လို့ ဆင်ခြေပေးနေပါသေးတယ်..။အဆုံးမှာတော့ သူရွေးချယ်စရာ မရှိပဲ ဖုန်းကိုင်လိုက်ရပါတယ်..။

သူ ဖုန်းကိုင်လိုက်တာနဲ့ဝူရွှန်းယွဲ့ ရဲ့ အသံဟာ ထွက်ပေါ်လာခဲ့တယ်..။

"အစ်ကို လင်း..အယ်ဘမ် အသစ်က ထွက်လာပြီနော်.."

လင်းဖန် ဝမ်းသာ သွားခဲ့တယ်..။သူ အယ်ဘမ်ကို အမြန်ထုတ်စေချင်တာက..မစ်ရှင်အတွက်ဖြစ်ပြီး အခုမစ်ရှင်က ပြည့်ပြီးး သွားခဲ့ပါပြီ..။သို့ပေမယ့် အခုလို သီချင်း တွေ အမြန်ထွက်လာတာကတော့ သူ ဝူရွှန်းယွဲ့ရဲ့ ကြိုးစားမူကို ကျေးဇူးတင်ရမှာပါ..။

ဝူယူလန်ဟာ တိတ်ဆိတ်နေပြီး..သူမရဲ့ နှင်းလိုဖြူဖွေးတဲ့ ပေါင်တွေကို..နိုပ်ချင်ယောင် ဆောင်နေခဲ့တယ်..။သူမရဲ့ နားတွေက တော့ အစွမ်းကုန်စွန့်ပြီး ခိုးနားထောင်နေခဲ့တာပါ..။

လင်းဖန် ဖုန်း​ပြောနေရင်း ဝူယူလန် လုပ်နေတာကို မြင်ကာ စိတ်ထဲက ရယ်ျမာလိုက်တယ်..။ဒီမိန်းကလေး နှစ်ယောက်ရဲ့ တိုက်ပွဲက တကယ် ပြင်းထန်လှတာပါ..။

ဖုန်းထဲမှာတော့ဝူရွှန်းယွဲ့ဟာ အတော်ပျော်ရွှင်နေခဲ့ ပါတယ်..။

"အစ်ကို လင်း..ညီမကို ကူညီပေးတာတွေအတွက် ကျေးဇူး တင်ပါတယ်နော်..။အစ်ကို ကို ညီမအိမ်ကို ဖိတ်ပါရစေ..ဒါဆို ကျေးဇူးတင်တဲ့အနေနဲ့ ကိုယ်တိုင် ညစာ ချက်ကျွေးလို့ရပြီလေ.."

လငိးဖန် ဒီ စကားကြားတဲ့ အချိန်မှာ တစ်ခုခု မူမမှန်တာ သတိထားမိလို်က်တယ်..။ဝူရွှန်းယွဲ့က ငါ့ကို မူးအောင် တိုက်ပြီး တစ်ခုခု လုပ်ချင်နေတာလား...။

"ဒါ..ဒါက.."

လင်းဖန် ဝူယူ့လန်ကို ကြည့်နေရင်း..​​ပြန်ဖြေရခက်နေခဲ့တယ်..။

ဝူယူလန်က ဘေးနားမှာ ပြုံးပြီး ထိုင်နေပေမယ့် ဒေါသထွက်နေခဲ့ ပါပြီ..။စကားပြောတာနဲ့ မလုံလောက်သေး ဘူးလား..။ဒီမိန်းမက သူ့မ နေတဲ့ အိမ်ကိုတောင် ခေါ်ချင်နေခဲ့တာပါ..။ဒါက ထောင်ခြောက်တစ်ခုလို မျိုးပါပဲ..။

"ရွှန်းယွဲ့ ငါ မာစတာ လင်းနဲ့ လိုက်ခဲ့လို့ ရမလား.."

ဝူယူလန် လှမ်း ပြောလိုက်တာပါ..။

ဝူရွှန်းယွဲ့ ဖုန်းထဲက နေထွက်လာတဲ့ အသံကို ကြားကာ..ရင်းနှီးနေတယ်လို့ ခံစားလိုက်ရတယ်..။ယင်းနောက် တွေးနေစရာ မလိုအောင် ဘယ်သူလဲ ဆိုတာ သူမ ချက်ချင်း သိလိုက်ပါတယ်..။

ဝူယူလန် ကလွဲပြီး ဘယ်သူဖြစ်နိုင်ဦးမှာလဲ....

ဝူရွှန်းယွဲ့ ဒေါသထွက်သွားခဲ့ ပါတယ်..။သူမ ဒေါသထွက်သွားလို့ ငိုတောင် ငိုချင်နေခဲ့ ပါပြီ..။

ငါဘာလို့ သူမ ရှိနေတဲ့ အချိန်မျိူးမှာမှ..ဖုန်းခေါ်မိတာလဲ...

ဒါပေမဲ့ အခုမှတော့ သူမကိုပါ မခေါ်ရင် ထူးဆန်းနေတော့ မှာပါ..။ဒါပေမဲ့ သူမ ပါလာရင် တကယ် တတိယဘီး ဖြစ်တော့မှာပါပဲ..။အဆုံးမှာတော့ ဝူရွှန်းယွဲ့..မတတ်သာပဲ ခွင့်ပြုလိုက်ရပါတယ်..။

"ကောင်းပြီလေ..လာလို့ရပါတယ်.."

…

လင်းဖန် အကူညီမဲ့စွာ ခေါင်းယမ်းလိုက်တယ်..။ဒီမိန်းကလေးတွေ ကစားပွဲကို သူ ဘေးနားက ကြည့်နေဖို့ပဲ တတ်နိုင်ပါတော့တယ်..။