သီးခြားကျင့်ကြံခြင်း

အတူတကွပူးပေါင်းမှုနဲ့အတူ ကြယ်ပင်လယ်နတ်ဆိုးသတ္တဝါထိန်းချုပ်ထားတဲ့အရိုးစုကို သတ်ဖြတ်နိုင်ခဲ့တယ်။

ယင်ရှစ်ယွဲ့က သူမရဲ့လက်ကို ဝှေ့ယမ်းကာ အရိုးစုကို သူမရဲ့နေရာလပ်လက်စွပ်ထဲသို့ သိုလှောင်လိုက်တယ်။

"ဒါ ငါ့ရဲ့ဆက်သွယ်ရေးတိုကင်ပဲ။ နင် အားတာနဲ့ ငါ့ကို ကျားအင်ပါယာကြယ်ပိုင်နက်မှာ လာရှာလို့ရတယ်"

ဒီအန္တိမအဆင့်ဓားမော့အရိုးတစ်စုံနဲ့ဆိုရင် သူမက အန္တိမအဆင့်ဓားအရိုးကိုးဆယ်နဲ့ကြီးမားတဲ့ကလန်အရင်းမြစ်ပမာဏတို့အတွက် လဲလှယ်နိုင်တယ်။

"ကောင်းပြီ" လီဖူချန်းက ခေါင်းညိတ်လိုက်တယ်။

ဓားသမားအစည်းအရုံးရဲ့အဆင့်၂ဂိုဏ်းခွဲကလည်း ကျားအင်ပါယာကြယ်ပိုင်နက်မှာ ရှိတယ်။ သူက ထိုနေရာကို သွားပြီး ပြင်ဆင်မှုတွေ ပြုလုပ်နိုင်တယ်။

မကြာမီမှာတော့ သူတို့နှစ်ယောက်က ခွဲထွက်လာတယ်။ ယင်ရှစ်ယွဲ့က နတ်ဆိုးဦးချိုကြယ်ပင်လယ်မှ ထွက်သွားဖို့ အလျင်လိုနေတယ်၊ လီဖူချန်းကတော့ ကံကြမ္မာအခွင့်အလမ်းတစ်ခုခုကို ရှာဖို့ ဆက်နေခဲ့တယ်။

…

နှစ်ဝက်ခန့်ကုန်ဆုံးသွားတယ်၊ လီဖူချန်းက နတ်ဆိုးဦးချိုကြယ်ပင်လယ်ရဲ့အလယ်ဗဟို၊နတ်ဆိုးဥိီးချိုနှစ်ခုရဲ့အနီးဝန်းကျင်ကို ရောက်ရှိလာတယ်။

အနီးဝန်းကျင်မှာ ဆိုပေမယ့် အကွာအဝေးက အလင်းနှစ်အနည်းငယ် ရှိတယ်။

နတ်ဆိုးဦးချိုနှစ်ခုက ဧရာမဖြစ်ပြီး ပလိန်းတွေနဲ့နှိုင်းယှဉ်တဲ့အခါ သူတို့က အများကြီးပိုကြီးတယ်။

အကြိုနတ်ဘုရားအဆင့်နက္ခတ်တာရာဧရာမသားရဲတွေကတောင် ဒီလောက်မကြီးပါဘူး။

ဒီဦးချိုတွေရဲ့ပိုင်ရှင်က အသက်ရှင်တုန်းက ကြောက်စရာကောင်းတဲ့တည်ရှိမှုတစ်ခုရှိတယ်။ ၎င်းက အသက်တစ်ချက်ရှုရုံနဲ့ အရာအားလုံးကို ‌ပျောက်ကွယ်သွားစေနိုင်လောက်တယ်။

"နတ်ဆိုးတာအိုအရင်းမြစ်ရဲ့အထောက်အပံက ဒီဦးချိုနှစ်စုံမှ ဖြစ်လောက်တယ်။ ဒီနေရာရဲ့ဖိအားက ပြင်းထန်လွန်းတယ်၊ ငါ့ရဲ့ဓားတာအိုကို ပြင်းပြင်းထန်ထန်ဖိနှိပ်ထားတာပဲ"

နတ်ဆိုးဦးချိုတွေကို အဝေးမှ တစ်ချက်ကြည့်ပြီးနောက် လီဖူချန်းက ချက်ချင်းထွက်ခွာလာတယ်။

ဒီနေရာမှာ မြို့အရှင်အဆင့်နတ်ဆိုးတာအိုကောင်းကင်ဘုံအရှင်မဆိုနဲ့၊ သာမန်နတ်ဆိုးတာအိုကောင်းကင်ဘုံအရှင်က‌‌တောင် လီဖူချန်းထက် အများကြီးသာလွန်မြင့်မားတယ်။

…

နတ်ဆိုးဦးချိုကြယ်ပင်လယ်က ကြီးမားကျယ်ပြန့်ပြီးအဆုံးမဲ့ဖြစ်တယ်။ အန္တိမအဆင့်ဓားအရိုးတစ်စုံလုံးကို ရှာတွေ့ဖို့က ခက်ခဲပေမယ့် အန္တိမအဆင့်ဓားအရိုးအပိုင်းအစတစ်ခုနှစ်ခုလောက်ကို ရှာတွေ့ဖို့က ဖြစ်နိုင်ပါသေးတယ်။

ဒိနေ့မှာတော့ လီဖူချန်းက ကြယ်ပင်လယ်တစ်လျှောက် ရှာဖွေနေတယ်၊ သူက အားနည်းတဲ့ဓားဆန္ဒတစ်ခုကို ထုတ်လွှတ်နေတဲ့လက်ချောင်းရိုးတစ်ခုကို ရှာတွေ့ခဲ့တယ်။

လက်ချောင်းအရိုးရဲ့ဓားဆန္ဒက အားနည်းပုံပေါ်‌ပေမယ့် လီဖူချန်းက အဲဒါကို စုဆောင်းချင်တဲ့အခါ ထိတ်လန့်တုန်လှုပ်စရာဓားဆန္ဒနဲ့အတူ ချက်ချင်းပေါက်ကွဲထွက်လာတယ်။ စောစောက အားနည်းဟန်ဆောင်မှန်း သိသာတယ်။ အန္တိမအဆင့်ဓားအရိုး‌တွေက ဉာဏ်ရည်ရှိတယ်၊ ဓားဆန္ဒကို အဆက်မပြတ်ထုတ်လွှတ်နေရင် ဓားဆန္ဒက မကြာမီဒါမှမဟုတ်နောက်ကျရင် ကုန်ဆုံးသွားလိမ့်မယ်ဆိုတာကို သူတို့က သိတယ်။

"အဲမှာ ရပ်စမ်း"

လက်ချောင်းရိုးတစ်ခုအနေနဲ့ လီဖူချန်းရဲ့လိုက်ဖမ်းမှုကို ရပ်တန့်ဖို့က မဖြစ်နိုင်ဘူး။ ဝှေ့ယမ်းလိုက်ရာ လက်ချောင်းအရိုးက လီဖူချန်းရဲ့လက်ထဲကို ကျရောက်လာတယ်။

စိတ်ဝိညာဉ်စွမ်းအားနဲ့အတူ ကျူးကျော်ဝင်ရောက်လျက် လီဖူချန်းက အထဲရှိဆန်းကြယ်တဲ့ဓားအင်းကွက်တွေကို မြင်တွေ့လိုက်ရတယ်။

အရင်တုန်းကတော့ ကောင်းကင်ဘုံဆက်ဓားစိတ်ဝိညာဉ်က  ဓားအင်းကွက်တွေကို ထပ်လေ့လာဖို့ သူ့ကို ဘာကြောင့်ပြောခဲ့သလဲကို လီဖူချန်းက နားမလည်ခဲ့ဘူး။ သူက ဓားကြယ်မြို့ထဲမှာ ဓားအရိုးအချို့ကို ရရှိခဲ့တာကြောင့် ဓားအင်းကွက်တွေကမြင့်မားပြီးလေးနက်တဲ့အဆင့်ကို ရောက်ရှိသွားတာနဲ့ ကျင့်ကြံခြင်းနဲ့ နီးကပ်စွာဆက်စပ်နေတာကို သူ နားလည်လာခဲ့တယ်။

ကျင့်ကြံခြင်းနည်းလမ်းက ထိပ်တန်းအဆင့်အထွတ်အထိပ်အခြေအနေကို ရောက်ရှိသွားတဲ့ကောင်းကင်ဘုံအရှင်တွေအတွက်ကတော့ သူတို့ရဲ့အရိုးကိုသာ ချန်ထားလိမ့်မယ်။ အဲဒါက ထိပ်တန်းအဆင့်အထွတ်အထိပ်တာအိုအင်းကွက်တွေ အရိုးထဲမှာ ပါဝင်လိမ့်မယ်ဆိုတဲ့အချက်ကြောင့်ပါပဲ။ သူတို့ရဲ့အရိုးတွေက လက်နက်တွေနဲ့ အမှန်တကယ်ညီမျှတယ်။

အတိတ်တုန်းက လီဖူချန်းက ဓားအဆီအနှစ်လျှို့ဝှက်နည်းလမ်းကို ရရှိတဲ့အခါ အဲဒါကို အံ့မခန်းကောင်းကင်ဘုံအရှင်တစ်ယောက်က ဖန်တီးထားခဲ့တယ်လို့ သူ ယူဆခဲ့တယ်။ စိတ်မကောင်းစရာတစ်ခုကတော့ သူ့မှာ ရွှေဓားအဆီအနှစ်အခန်းမရှိသလို ငွေဓားအဆိီအနှစ်အခန်းကလည်း မပြိီးပြည်စုံတာပဲ။ ရွှေဓားအဆီအနှစ်ပြီးနောက် ပိုမြင့်မားတဲ့အဆင့်တစ်ခုရှိမယ်လို့တော့ လီဖူချန်းက ခန့်မှန်းထားခဲ့တယ်။

ပြီးပြည့်စုံတဲ့ဓားအဆီအနှစ်လျှို့ဝှက်နည်းလမ်းနဲ့ဆိုရင် အန္တိမအဆင့်ကျင့်ကြံခြင်းနည်းလမ်းကို ကောက်ချက်ချဖို့က ဖြစ်နိုင်ပါလိမ့်မယ်။

ဓားလက်ချောင်းတစ်ချောင်းက လီဖူချန်းအတွက် အရမ်းအကျိုးမရှိပေမယ့် မရှိတာထက်တော့ ပါကောင်းပါတယ်လေ။

လအချိူ့ကြာပြီးနောက် လီဖူချန်းက အန္တိမအဆင့်ဓားအရိုးဒုတိယအပိုင်းအစကို ရရှိခဲ့တယ်။ ဒီတစ်ခုကတော့ ခြေတစ်လုံးအရိုးပါပဲ။

နောက်တစ်နှစ်ကြာပြီးနောက် လီဖူချန်းက တတိယမြောက်အန္တိမအဆင့်ဓားအရိုးကို ရရှိခဲ့တယ်။ အဲဒါက ပျက်ဆီးနေတဲ့နံရိုးအရိုးပါပဲ။

နောက်နှစ်အနည်းငယ်မှာတော့ လီဖူချန်းက ညှပ်ရိုး၊ ရင်ညွှန့်ရိုး၊ လက်ပြင်ရိုးနဲ့ အခြားအရိုးများစွာကို ရရှိခဲ့တယ်။

အရိုးအချို့က တူညီတဲ့ဓားတာအိုအရှင်တွေကဖြစ်ပြီး အချို့က အခြားဓားတာအိုအရှင်တွေဖြစ်တယ်၊ ဒါကြောင့် အထဲရှိဓားအင်းကွက်တွေက လုံးဝခြားနားတယ်။

"အရေးကြီးဆုံးဖြစ်တဲ့ကျောရိုးနဲ့ဦးခေါင်းခွံအရိုးကို မရတာ စိတ်မကောင်းစရာပဲ" လီဖူချန်းက အနည်းငယ် ခံစားနေမိတယ်။

လူသားမျိုးနွယ်ဒါမှမဟုတ်အခြားမျိုးနွယ်ဖြစ်စေ၊ အရေးကြီးဆုံးအရိုးတွေက ဦးခေါင်းခွံနဲ့ကျောရိုးပါပဲ။ ဒါပေမယ့် အရိုးတွေမရှိတဲ့မျိုးနွယ်တွေက‌တော့ ခြွင်းချက်ပေါ့။

အန္တိမအဆင့်ဓားအရိုးတွေအပြင် လီဖူချန်းက အခြားအန္တိမအဆင့်အရိုးတွေကို ရရှိခဲ့တယ်- အန္တိမအဆင့်ဓားမော့အရိုး၊ မီးအရိုး၊ ရေခဲအရိုး၊ မိုးကြိုးအရိုးနဲ့ စသဖြင့်......။

ဒီအန္တိမအဆင့်အရိုးအချို့က အလွန်တန်ဖိုးရှိတယ်။ သူတို့ကို လေလံပွဲတစ်ခုမှာ ထားရင် တစ်ခုစီက အထွတ်အထိပ်အဆင့်ဝိညာဉ်ကျောက်တုံးသန်းရာအနည်းငယ်နဲ့ ရောင်းချနိုင်လိမ့်မယ်။

ထပ်ပြောရရင် လီဖူချန်းက ကြယ်ပင်လယ်နတ်ဆိုးပန်းကိုလည်း ရရှိခဲ့တယ်။

ကြယ်ပင်လယ်နတ်ဆိုးပန်းက နတ်ဆိုးဦးချိုကြယ်ပင်လယ်မှ‌‌စတင်ပေါက်‌‌ရောက်တဲ့အန္တိမအဆင့်အပင်ဖြစ်တယ်။ ၎င်းမှာ နတ်ဆိုးတာအိုကျင့်ကြံသူတွေအနေနဲ့ အန္တိမအဆင့်ရတနာလို့ သတ်မှတ်ထားတဲ့ နတ်ဆိုးတာအိုအရင်းမြစ်ပါဝင်တယ်။ ရိုးတံတစ်ခုက အထွတ်အထိပ်အဆင့်ဝိညာဉ်ကျောက်တုံးဆယ်ဘီလီယံအနည်းဆုံးထိုက်တန်တယ်။

"အန္တိမအဆင့်ဓားအရိုးဆယ်နှစ်ခု။ အကျိုးရလဒ်က နိမ့်လွန်းတယ်"

နောက်ထပ်ရက်အနည်းငယ်ကြာပြီးနောက် လီဖူချန်းက စိတ်မရှည်တော့ပါဘူး။

နတ်ဆိုးဦးချိုကြယ်ပင်လယ်မှာ အန္တိမအဆင့်ဓားအရိုးတစ်စုံ သေချာပေါက်ရှိပေမယ့် ရှာတွေ့ဖို့က ကောက်ရိုးပုံထဲအပ်ရှာရတာနဲ့အတူတူပဲ။ လီဖူချန်းက နတ်ဆိုးဦးချိုကြယ်ပင်လယ်ကို နှစ်ထောင်သောင်းချီ လှည့်လည်ပြီးမှ ရှာတွေ့နိုင်လောက်မယ်၊ ဒါက အချိန်ဖြုန်းတာပါပဲ။

တူညီတဲ့အချိန်ပမာဏကိုသုံးပြီး သူက မူလအဆုံးစွန်းဓားနည်းလမ်းကို အန္တိမအဆင့်သို့ ကိုယ်တိုင် တွန်းပို့နိုင်တယ်လို့ လီဖူချန်းက ခံစားမိတယ်။

"ကျားအင်ပါယာကြယ်ပိုင်နက်ကို သွားဖို့အချိန်ပဲ"

ကပ်ဘေးစွမ်းအားကို အသက်သွင်းလျက် လီဖူချန်းရဲ့မြန်နှုန်းက အဆုံးစွန်းကို မြင့်တက်လာတယ်၊ သူက ကျားအင်ပါယာကြယ်ပိုင်နက်ဆီ ပျံသန်းသွားတော့တယ်။

ကျားအင်ပါယာကြယ်ပိုက်နက်က အမြွာဦးချိုကြယ်စုရှိ အကြီးမားဆုံးကြယ်ပိုင်နက်ဖြစ်တယ်။

ကျားအင်ပါယာကြယ်ပိုင်နက်ရှိအသန်မာဆုံးဂိုဏ်းက ဓားကြယ်မြို့ရှိဓားသမားအစည်းအရုံးရဲ့အဆင့်၂ဂိုဏ်းခွဲမဟုတ်ပါဘူး၊ အဲဒါက ယင်ရှစ်ကလန်ပါပဲ။

အမြွှာဦးချိုကြယ်စုမှာ အားကောင်းတဲ့ကလန်လို့သတ်မှတ်နိုင်တဲ့ကလန်နှစ်ခု ရှိတယ်။ သူတို့က ယင်ရှစ်ကလန်နဲ့ကျူးကလန်တို့ပါပဲ။

အ‌နောက်တစ်ခုနဲ့ယှဉ်ရင် ယင်ရှစ်ကလန်က ပိုသန်မာတယ်။ ယင်ရှစ်ကလန်ရဲ့အကြိုနတ်ဘုရားဘိုးဘေးက ရှိနေသေးပေမယ့် ကျူးကလန်ရဲ့အကြိုနတ်ဘုရားဘိုးဘေးက ပျောက်ဆုံးနေတာ နှစ်ပေါင်းများစွာ ကြာပါပြီ။

ယင်ရှစ်ကလန်က စကြာဝဠာမြို့ငါးမြို့ကို သိမ်းပိုက်ထားတယ်။

ယင်ရှစ်ယွဲ့က မိုး,မိုးကြိုးမြို့မှာ အမြဲတမ်းနေထိုင်တယ်။

ဝှစ်.......

နေရာလပ်လက်စွပ်ထဲမှာ ဆက်သွယ်ရေးတိုကင်က တုန်ခါသွားတယ်။

"သူ ရောက်လာပြီလား" ယင်ရှစ်ယွဲ့က ဆက်သွယ်ရေးတိုကင်ကို ယူထုတ်ကာ စွမ်းအင်အရိပ်အယောင်တစ်ခုကို ထည့်သွင်းလိုက်တယ်။

ပြီးနောက် ချက်ချင်းပဲ ဖန်သားပြင်တစ်ခုပေါ်လာပြီး လီဖူချန်းရဲ့ပုံရိပ်က ဖန်သားပြင်ထဲမှာ ရှိတယ်။

"ငါ မင်းကို စိတ်ဝိညာဉ်အထွတ်အထိပ်မြို့မှာ စောင့်နေမယ်"

လီဖူချန်းက ယင်ရှစ်ယွဲ့ကို ယင်ရှစ်ကလန်ရဲ့ထိန်းချုပ်မှု‌အောက်မှာရှိတဲ့စကြာဝဠာမြို့တစ်မြို့မှာ တွေ့ဆုံရလောက်တဲ့အထိ မအပါဘူး။ ကြိုတင်သတိထားတာ အကောင်းဆုံးဖြစ်တယ်။

"ကောင်းပြီ" ယင်ရှစ်ယွဲ့က ခေါင်းညိတ်လိုက်တယ်။

သုံးရက်အကြာ စိတ်ဝိညာဉ်အထွတ်အထိပ်မြို့မှာ......

"ဒါတွေက အန္တိမအဆင့်ဓားအရိုးကိုးဆယ်ပဲ။ သူတို့ထဲကငါးဆယ်က တူညီတဲ့ဓားတာအိုအရှင်တွေကပဲ" ယင်ရှစ်ယွဲ့က လီဖူချန်းကို နေရာလပ်လက်စွပ်တစ်ကွင်း ကမ်းပေးလိုက်တယ်။

"ဒါတွေကို အန္တိမအဆင့်ဓားအရိုးတွေနဲ့ ဖလှယ်ဖို့ မင်း ငါ့ကို အကူအညီပေးနိုင်မလား"

လီဖူချန်းက သူမလိုအပ်တဲ့အန္တိမအဆင့်အရိုးတွေကို ယူထုတ်လိုက်တယ်။

"ကောင်းပြီ၊ ဒါပေမယ့် အန္တိမမအဆင့်ဓားအရိုးတွေက ပိုတန်ဖိုးရှိပြီး ၁:၁နဲ့ ဖလှယ်ဖို့က မဖြစ်နိုင်ဘူး။  အန္တိမအဆင့်အာကာသ-အချိန်အရိုးဒါမှမဟုတ်ရှေးဦးမူလအရိုးတွေမဟုတ်ရင် သူတို့က ၁:၁ဒါမှမဟုတ်၁.၂လောက်နဲ့ ဈေးရနိုင်မယ်" ယင်ရှစ်ယွဲ့က အရင်ရှင်းပြလိုက်တယ်။

လီဖူချန်းက ခေါင်းညိတ်လိုက်တယ်၊ အန္တိမအဆင့်အရိုးတွေရဲ့တန်ဖိုးက အချက်နှစ်ချက်နဲ့ ဆုံးဖြတ်တယ်။ ပထမကတော့ ပါဝင်တဲ့တာအိုက လုံလုံလောက်လောက်အားကောင်းသလား။ ဒုတိယကတော့ ခိုင်မာတဲ့ဈေးကွက်တစ်ခုရှိသလား။ အချက်နှစ်ချက်စလုံးပြည့်မှီရင် တန်ဖိုးက အတော်လေးမြင့်မားလိမ့်မယ်။

"သေချာတာပေါ့။ ငါ စိတ်ဝိညာဉ်အထွတ်အထိပ်မြို့မှာ အချိန်တစ်ခုအထိ နေနေမယ်"

ဒီအန္တိမအဆင့်ဓားအရိုးတွေကို နားလည်ဖို့ လီဖူချန်းက စီစဉ်ထားတယ်။ သူ့ရဲ့မူလအဆုံးစွန်းဓားနည်းလမ်းက အန္တိမအဆင့်ကို ရောက်ရှိလာတာနဲ့ သူ မရှာဖွေနိုင်တဲ့နေရာတွေက ပိုနည်းလာလိမ့်မယ်။

နောက်တစ်ပတ်ကြာပြီးနောက် ယင်ရှစ်ယွဲ့က ပြန်ရောက်လာတယ်။ ဒီတစ်ခါမှာတော့ သူမက အန္တိမအဆင့်ဓားအရိုးသုံးဆယ်ကျော်ကို ယူလာပေးခဲ့တယ်။

"အန္တိမအဆင့်ဓားအရိုးတစ်ရာ့သုံးဆယ်နှစ်ခု။ ဒါက လုံလောက်သင့်တယ်"

စိတ်ဝိညာဉ်အထွတ်အထိပ်မြို့ရဲ့အိမ်တော်တစ်ခုထဲမှာ လီဖူချန်းက သတိပေးဓားဆန္ဒတစ်ခုကို တပ်ဆင်ပြီးနောက် သီးခြားကျင့်ကြံဖို့ စတင်ခဲ့တော့တယ်။