ကြယ်တာရာကြယ်ပိုင်နက်

ဓားကြယ်မြို့ရဲ့ဓားသမားအစည်းအရုံးက အဆင့်၂ဂိုဏ်းခွဲတစ်ခုသာဖြစ်တယ်၊ အထက်မှာတော့ အဆင့်၁ဂိုဏ်းခွဲနဲ့ ဌာနချုပ်ရှိတယ်။

လီဖူချန်းက အများကြီးတုံ့ဆိုင်းမနေပါဘူး၊ သူက အဆင့်၁ဂိုဏ်းခွဲတစ်ခုကို သွားဖို့ ရွေးချယ်လိုက်တယ်။

ဒါပေမယ့် သူက အခြားအဆင့်၂ဂိုဏ်းခွဲတွေကိုလည်း သွားနိုင်တယ်။ ဒါပေမယ့် အဆင့်၂ဂိုဏ်းခွဲတွေမှာ အန္တိမအဆင့်ဓားရိုးနည်းလွန်းပြီး သူတို့တစ်ခုပြီးတစ်ခုသွားနေရတာနဲ့တင် အတော်လေးပြဿနာများတယ်။

ဒါကြောင့် သူက အဆင့်၁ဂိုဏ်းခွဲတစ်ခုကိုပဲ သွားချင်တယ်။

ဓားကြယ်မြို့မှာ အဆင့်၁ဂိုဏ်းခွဲတစ်ခုနဲ့ချိတ်ဆက်ထားတဲ့တည်နေရာ‌ရွှေ့ပြောင်းရေးအစီအရင်တစ်ခုရှိပေမယ့် တည်နေရာရွှေ့ပြောင်းရေးကုန်စရိတ်က ဈေးကြီးလွန်းတယ်။ တည်နေရာရွှေ့ပြောင်းရေးတစ်ခုစီက အစည်းအရုံးမှတ်တစ်ရာဘီလီယံဖြစ်ပြီး လီဖူချန်းမှာ အစည်းအရုံးမှတ်ခြောက်ဆယ်ဘီလီယံသာ ကျန်ရှိတော့တယ်။

ရွေးချယ်စရာမရှိပါဘူး၊ အကွာအဝေးက ဝေးလွန်းတယ်လေ။ လီဖူချန်းက သူ့ရာသူခရီးသွားရင် ကြယ်ပိုင်နက်နဲ့ကြယ်စုတွေ ဘယ်လောက်တောင်ဖြတ်သန်းသွားရမလဲကို မသိနိုင်ဘူးလေ။ ဒီလိုနဲ့ လီဖူချန်းက တည်နေရာရွှေ့ပြောင်းဖို့ပဲ ရွေးချယ်လိုက်ရတာပေါ့။

…

အလင်းဖြာထွက်ကြယ်ပိုင်နက်။

အလင်းဖြာထွက်ကြယ်ပိုင်နက်က ကြယ်တာရာကြယ်ပိုင်နက်တွေထဲကတစ်ခုဖြစ်ပြီး ကြယ်စုတစ်ခုထဲမှာမှ မရှိပါဘူး။ ၎င်းရဲ့အရွယ်အစားက သာမန်ကြယ်ပိုင်နက်တွေထက် အဆတစ်ထောင်ပိုကြီးတယ်၊ ကြယ်စုအချို့ထက်တောင် ပိုကြီးတယ်။

အလင်းဖြာထွက်ကြယ်ပိုင်နက်မှာ အပျက်အစီးနယ်မြေတွေ၊ အန္တရာယ်နယ်မြေတွေ များစွာရှိတယ်။ နှိုင်းယှဉ်ရရင် ဒါက စကြာဝဠာရှိအရှုပ်ထွေးဆုံးကြယ်ပိုင်နက်တွေထဲကတစ်ခုလည်းဖြစ်တယ်။ ဓားသမားအစည်းအရုံး၊ နတ်ဘုရားခန်းမ၊ ဓားမော့မဟာမိတ်၊ ထာဝရစစ်တပ်၊ အမှောင်ကောင်စီ၊ တရားစီရင်ချက်မျက်လုံး၊ အားကောင်းတဲ့ကလန်နဲ့အားကောင်းတဲ့ဂိုဏ်းအများစုက ဒီနေရာမှာ သူတို့‌ရဲ့ဂိုဏ်းခွဲတွေ၊ ဌာနချုပ်တွေ ရှိတယ်။

ပုံရိပ်တစ်ခုက ဓားအလင်းဖြာထွက်မြို့ထဲမှာ ဆင်းသက်လာတယ်။

"ဒါက အဆင့်၁ဂိုဏ်းခွဲလား" စစ်ဆေးဖို့ လီဖူချန်းက သူ့ရဲ့စိတ်ဝိညာဉ်စွမ်းအားကို ချဲ့ထုတ်လိုက်တယ်။

ဓားအလင်းဖြာထွက်မြို့က ဓားကြယ်မြို့ထက် အဆအနည်းငယ်ပိုကြီးပြီး ၎င်းရဲ့အစီအရင်တွေက အဆအနည်းငယ်ပိုသန်မာတယ်။

"အရှင်ရဲ့နာမည်က ဘယ်လိုခေါ်ပါလဲ၊ အရှင်က ဘယ်နေရာက လာပါသလဲ"

တည်နေရာရွှေ့ပြောင်းရေးကွက်လပ်ကို ကောင်းကင်ဘုံအရှင်တစ်‌ယောက်က အဆက်မပြတ်စောင့်ကြပ်နေတယ်။ ကောင်းကင်ဘုံအရှင်က လီဖူချန်းရဲ့ကြောက်စရာကောင်းတဲ့ချီတည်ရှိမှုကို အာရုံခံစားမိတဲ့အခါ သူက အလျင်အမြန်ကြိုဆိုလာတယ်။

"မူလအဆုံးစွန်းအရှင်၊ ငါက အမြွှာဦးချိုကြယ်စုကပဲ" လီဖူချန်းက သူ့ရဲ့အစည်းအရုံးတံဆိပ်ကို ထုတ်ယူလိုက်တယ်။

လက်ရှိမှာ သူ့ရဲ့အစည်းအရုံးတံဆိပ်က တတိယအဆင့်ခမ်းနားနေအဆင့်ဖြစ်တယ်။

သူ့ရဲ့ခွန်အားက ခမ်းနားနေအဆင့်ကို ကျော်လွန်ခဲ့တယ်ဆိုပေမယ့် အဆင့်၂ဂိုဏ်းခွဲတစ်ခုက သူ့ကို ခမ်းနားနေအဆင့်တံဆိပ်တစ်ခုသာ ပေးအပ်နိုင်တယ်။

ခမ်းနားနေအဆင့်အထက်မှာ အကြီးအကဲအဆင့်ရှိတယ်။

အကြီးအကဲအဆင့်က ဂိုဏ်းခွဲအကြီးအကဲတွေမဟုတ်ဘူး၊ ဌာနချုပ်အကြီးအကဲတွေ ဖြစ်တယ်။

ပုံမှန်အားဖြင့်ပြောရရင် ဌာနချုပ်အကြီးအကဲတစ်ယောက်က ကြယ်ပိုင်နက်အဆင့်ကောင်းကင်ဘုံအရှင်တစ်ယောက်ဖြစ်ရမယ်။ ငယ်ရွယ်နေမင်းအရှင်နဲ့အရိပ်တစ်သောင်းအရှင်တို့က ဓားကြယ်မြို့ရဲ့အစည်းအရုံးခေါင်းဆောင်နဲ့ဒုအစည်းအရုံးခေါင်းဆောင်သာမကဘူး၊ သူတို့က ဌာနချုပ်အကြီးအကဲတွေလည်းဖြစ်တယ်။

နောက်ပိုင်းမှာ လီဖူချန်းက ဓားအလင်းဖြာထွက်မြို့ရဲ့ဓားသမားအစည်းအရုံးခေါင်းဆောင်ဖြစ်တဲ့ကာဒီနယ်တောက်ပဓားဘိုးဘေးနဲ့ တွေ့ဆုံခဲ့တယ်။

ကာဒီနယ်တောက်ပဓားဘိုးဘေးက အရှင်သတ်မှတ်ချက်စာရင်းဝင်တယ်။ သူ့ခွန်အားက တောက်ပဖြာထွက်ကြယ်ပိုင်နက်မှာ အနည်းဆုံးထိပ်ဆုံးဆယ်ယောက်ထဲဝင်တယ်။

အလင်းဖြာထွက်ကြယ်ပိုင်နက်က ပါရမီရှင်တွေနဲ့ပြည့်နေတဲ့နေရာတစ်ခုဖြစ်တယ်။ ကြယ်ပိုင်နက်တစ်ခုခုမှာ အရှင်တစ်ယောက်ဒါမှမဟုတ်နှစ်ယောက်လောက် ရှိတာကတင် ချီးကျူးဖို့ထိုက်တန်တယ်။ အလင်းဖြာထွက်‌ကြယ်ပိုင်နက်မှာတော့ အရှင်အရေအတွက်က တစ်ထောင် မဟုတ်ရင်တောင် အနည်းဆုံးရှစ်ရာရှိတယ်။

လီဖူချန်းက ဓားသမားအစည်းအရုံးရဲ့အဖွဲ့ဝင်တစ်ယောက်၊ ကြယ်ပိုင်နက်အဆင့်ကောင်းကင်ဘုံအရှင်တစ်‌ယောက်ဖြစ်တာကို အတည်ပြုပြီးနောက် ကာဒီနယ်တောက်ပဓားဘိုးဘေးက လီဖူချန်းကို ဌာနချုပ်အကြီးအကဲအဆင့်အတန်းပေးအပ်လိုက်တယ်။

ဌာနချုပ်အကြီးအကဲတစ်ယောက်အနေနဲ့ အထူးအခွင့်အရေးများစွာရှိပြီး သူတို့ထဲကတစ်ခုက အကြိမ်ကြိမ်အသုံးပြုနိုင်တဲ့အရင်းအမြစ်တွေနဲ့ဖလှယ်ဖို့အတွက် ကျသင့်တန်ဖိုးတစ်ဝက်ကိုသာ အသုံးပြုနိုင်တာပဲ။ အရင်ကတော့ အန္တိမအဆင့်ဓားအရိုးအပိုင်းအစတစ်ခုကို ငှားဖို့ အစည်းအရုံးမှတ်တစ်ဘီလီယံကို လိုအပ်ပေမယ့် အခု သူက အစည်းအရုံးမှတ်သန်းငါးရာသာ လိုအပ်တယ်။

ဌာနချူပ်အကြီးအကဲတစ်ယောက်ဖြစ်လာပြီးနောက် အစည်းအရုံးမှတ်တွေက အကြီးအကဲအမှတ်တွေအဖြစ် ပြောင်းသွားတယ်။ အစည်းအရုံးမှတ်သန်းတစ်ရာက အကြီးအကဲမှတ်တစ်မှတ်ဖြစ်လာတယ်။

သူတို့က အမှတ်တွေပဲဆိုပေမယ့် အကြီးအကဲအမှတ်တွေနဲ့သာ ဖလှယ်နိုင်တဲ့အရင်းအမြစ်အချို့ရှိတယ်။ သူတို့ကို အစစ်အမှန်လျှို့ဝှက်အရင်းအမြစ်တွေလို့ သတ်မှတ်ထားတယ်။

လီဖူချန်းမှာ အစည်းအရုံးမှတ်၅၆၀ဘီလီယံကျော်ရှိတယ်၊ သူတို့ကို အကြီးအကဲအမှတ်သို့ ပြောင်းလဲပြီးနောက် သူ့မှာ အကြီးအကဲမှတ်၅၆၀၀ရှိလာတယ်။

"ဒါက အလင်းဖြာထွက်ကြယ်ပိုင်နက်နဲ့ပတ်သက်တဲ့အသေးစိတ်မိတ်ဆက်တစ်ခုပဲ၊ ဂရုတစိုက်ဖတ်တာ ပိုကောင်းတယ်။ မင်း မသိတာတစ်ခုခုရှိရင် အခြားအကြီးအကဲတွေကို မေးလို့ရတယ်" ကာဒီနယ်တောက်ပဓားဘိုးဘေးက ကျောက်စိမ်းစာလိပ်တစ်ခုကို ယူထူတ်ကာ လီဖူချန်းကို ပေးလိုက်တယ်။

"ကျေးဇူးအများကြီးတင်ပါတယ် ဓားဘိုးဘေး" ကျောက်စိမ်းစာလိပ်ကို လက်ခံပြီးနောက် လီဖူချန်းက ထွက်လာတယ်။

လီဖူချန်းက ဆွေးနွေးခန်းမမှ ထွက်လာပြီးနောက် ကောင်းကင်ဘုံအရှိန်အဝါနဲ့အကြီးအကဲတစ်ယောက်က ဘေးဘက်ခန်းမမှ ထွက်လာတယ်။

"ဒိီကလေးက တကယ်ထူးခြားတယ်။ သူက စကြာဝဠာကလေးတစ်ယောက်မဟုတ်ရင် သူက သေချာပေါက်သာလွန်မြင့်မြတ်တယ်။ ငါ့ရဲ့မိုးကောင်းကင်ကိုးခုဓားညွှန်ချက်က သူ့ရဲ့အနာဂတ်ကို မတွက်ချက်နိုင်ခဲ့ဘူး" အကြီးအကဲက သူ့ရဲ့ကြေးနီဒင်္ဂါဓားကို ထိလိုက်တယ်၊ သူ့မျက်လုံးတွေကတော့ ‌တောက်ပနေတယ်။

အစောပိုင်းတုန်းက ငယ်ရွယ်နေမင်းအရှင်က လီဖူချန်းရဲ့အချက်အလက်ကို ကာဒီနယ်‌တောက်ပဓားဘိုးဘေးထံ ပို့ပေးခဲ့တယ်။ ထို့နောက် ကာဒီနယ်တောက်ပဓားဘိုးဘေးက အနာဂတ်ကို တွက်ချက်နိုင်တဲ့ ကောင်းကင်ဘုံလျှို့ဝှက်ဓားဒိုယန်အကြီးအကဲကို ခေါ်လိုက်တယ်။ သူက ကောင်းကင်ဘုံလျှို့ဝှက်ဓားဒိုယန်အကြီးအကဲကို လီဖူချန်းရဲ့အနာဂတ်အောင်မြင်မှုကို ခန့်မှန်းစေချင်ခဲ့တယ်။

"မင်း မတွက်ချက်နိုင်ခဲ့ဘူးလား"

ကာဒီနယ်တောက်ပကောင်းကင်ဘုံအရှင်က အံ့ဩလွန်းခြင်းတော့ မရှိပါဘူး။ ငယ်ရွယ်နေမင်းအရှင်းပေးထားတဲ့အချက်အလက်အရ လီဖူချန်းက ကောင်းကင်ဆန့်ကျင်ကံကြမ္မာရှိတဲ့စကြာဝဠာကလေးတစ်ယောက် ဖြစ်လောက်တယ်။ စကြာဝဠာကလေးတွေကို စကြာဝဠာစိတ်တန်ခိုးစွမ်းအားက အကူအညီအထောက်အပံ့ပေးထားတယ်၊ဒါကြောင့် စကြာဝဠာစိတ်တန်ခိုးစွမ်းအားက ဘယ်လိုကံကြမ္မာတွက်ချက်ခြင်းကိုမဆို နှောင့်ယှက်ပါလိမ့်မယ်။

အသက်ကို တဖြည်းဖြည်းရှုထုတ်ပြီးနောက် ကာဒီနယ်တောက်ပဓားဘိုးဘေးက ပြောလိုက်တယ်"ဘာပဲဖြစ်ဖြစ်ကိစ္စမရှိဘူး၊ သူက စကြာဝဠာကလေးတစ်ယောက်ဖြစ်တယ်လို့ သံသယရှိမှတော့ ငါတို့က သူ့ကို အကောင်းဆုံးလုပ်ဆောင်ပေးရမှာပေါ့။ ဒါပေမယ့် သိပ်ပြီးမသိသာစေနဲ့၊ ထာဝရကလေး‌တွေမှာ မခန့်မှန်းနိုင်တဲ့ကံကြမ္မာလမ်းကြောင်းတစ်ခုရှိတယ်၊ မဟုတ်ရင် ရလဒ်က မျော်မှန်းထားတာနဲ့ ပြောင်းပြန်ဖြစ်သွားမယ်"

ကောင်းကင်ဘုံလျှို့ဝှက်ဓားဒိုယန်အကြီးအကဲက မှတ်ချက်ပြုလိုက်တယ်"စကြာဝဠာမှာ စကြာကလေး၄၉ယောက်သာရှိတယ်လို့ ပြောကြတယ်။ မူလအဆုံးစွန်းအရှင်နဲ့ဆိုရင် ငါတို့ဓားသမားအစည်းအရုံးမှာ သံသယရှိထားတဲ့စကြာဝဠာကလေးသုံးယောက်ရှိတယ်။ ကြည့်ရတာ စကြာဝဠာစိတ်တန်ခိုးစွမ်းအားက ငါတို့ဓားသမားအစည်းအရုံးကို အကူအညီပေးနေတာပဲ"

ကာဒီနယ်တောက်ပဓားဘိုးဘေးက ပြောလိုက်တယ်"စကြာဝဠာကလေးတွေလဲ ကျဆုံးနိုင်တာပဲ။ သူတို့က အကြိုနတ်ဘုရားတွေ ဖြစ်လာမှသာ ဓားသမားအစည်းအရုံးထံ အဆုံးမဲ့ချီကံကြမ္မာကို ယူဆောင်လာပေးလိမ့်မယ်"

အားကောင်းတဲ့ဂိုဏ်းတွေအကြားခြားနားချက်ကို စကြာဝဠာကလေးအရေအတွက်က မဆုံးဖြတ်ဘူး၊ အကြိုနတ်ဘုရားအရေအတွက်ကပဲ ဆုံးဖြတ်တယ်။ ဒါပေမယ့် နှစ်ခုလုံးရှိတာက သေချာပေါက် ကောင်းတဲ့လက္ခဏာတစ်ခုပေါ့။

"တစ်ယောက်ယောက်က ဘေးဘက်ခန်းမထဲမှာ ငါ့ရဲ့ကံကြမ္မာကို တွက်ချက်နေခဲ့တာပဲ"

လီဖူချန်းရဲ့စိတ်ဝိညာဉ်စွမ်းအားက ကောင်းကင်ဆန့်ကျင်ပြီး သူ့ရဲ့စိတ်ဝိညာဉ်စွမ်းအားက မတားဆီးနိုင်တဲ့အရာ ဒီကမ္ဘာမှာ မရှိသေးဘူး။ သူ့ခန္ဓာကိုယ်ကို ဝန်းရံထားတဲ့ရေးတေးတေးစွမ်းအင်တစ်ခုကို ခံစားမိတာကြောင့် တစ်ယောက်ယောက်က သူ့ရဲ့ကံကြမ္မာကို တွက်ချက်နေတယ်လို့ သူ ယူဆခဲ့တယ်။ ဒါပေမယ့် သူ့ရဲ့စိတ်ဝိညာဉ်စွမ်းအားနဲ့ ထိတွေ့တဲ့အခါ စွမ်းအင်က ပူဖောင်းတွေအဖြစ် ချက်ချင်း အရည်ပျော်သွားတယ်။

***

"အလင်းဖြာထွက်ကြယ်ပိုင်နက်က တကယ်အံ့မခန်းပဲ။ အပျက်အစီးနယ်မြေတွေ၊ အန္တရာယ်နယ်မြေတွေနဲ့ အားကောင်းတဲ့ဂိုဏ်းတွေ အများကြီးရှိတာပဲ" လမ်းလျှောက်နေရင်း လီဖူချန်းက ကျောက်စိမ်းစာလိပ်ထဲကအချက်အလက်တွေကို ဖတ်ရှုလိုက်တယ်။

အလင်းဖြာထွက်ကြယ်ပိုင်နက်မှာ အပျက်အဆီးနယ်မြေ၉၉ခု၊ အန္တရာယ်နယ်မြေ၇၂ခုရှိတယ်။ သူတို့အကြားမှာ အားအနည်းဆုံးနေရာက မြို့အရှင်အဆင့်ကောင်းကင်ဘုံအရှင်တွေကို သေစေနိုင်တယ်။ ကြောက်စရာအကောင်းဆုံးနေရာတွေကတော့ ပြိုင်ဘက်ကင်းအရှင်တွေကတောင် သေခြင်းအန္တရာယ်ကို ကြုံတွေ့ရလိမ့်မယ်၊ အကြိုနတ်ဘုရားတွေကသာ အနာတရမရှိဘဲ ထွက်သွားနိုင်လိမ့်မယ်။

အားကောင်းတဲ့ဂိုဏ်းတွေကတော့ အကြိုနတ်ဘုရားတစ်ယောက်အနည်းဆုံးပါဝင်တဲ့ အကြိုနတ်ဘုရားဂိုဏ်းတွေပါပဲ။

ဥပမာတစ်ခုက အကြိုနတ်ဘုရားဘိုးဘေးမီးနတ်ဘုရားရှိတဲ့ကျူးကလန်ပါပဲ။

ယင်ရှစ်ကလန်၊ ထာဝရစစ်တပ်နဲ့ ဓားသမားအစည်းအရုံးတို့မှာလည်း အကြိုနတ်ဘုရားတွေ ရှိတယ်၊ ဒါကြောင့် သူတို့အားလုံးက အားကောင်းတဲ့ဂိုဏ်းတွေဖြစ်တယ်။

ဒါပေမယ့် အားကောင်းတဲ့ဂိုဏ်းတွေမှာလည်း ခွန်အားကွာခြားချက်တွေရှိတယ်။ အားကောင်းတဲ့ဂိုဏ်းအများစုမှာ အကြိုနတ်ဘုရားတစ်ယောက်သာရှိတယ်၊ ထာဝရစစ်တပ်တောင် အတူတူပါပဲ။

အကြိုနတ်ဘုရားတွေတစ်ယောက်ထက်ပိုတဲ့အားကောင်းတဲ့ဂိုဏ်းအနည်းငယ်ရှိတယ်၊ ဓားသမားအစည်းအရုံး၊ ဓား‌မော့မဟာမိတ်၊ နတ်ဘုရားခန်းမ၊ အမှောင်ကောင်စီနဲ့ တရားစီရင်ချက်မျက်လုံးတို့လိုပေါ့။

ဒါပေမယ့် အကြိုနတ်ဘုရားတွေအများအပြားရှိလို့လည်း အကြိုနတ်ဘုရားတစ်ယောက်သာရှိတဲ့အားကောင်းတဲ့ဂိုဏ်းတစ်ခုကို လွှမ်းမိုးနိုင်မယ်လို့ မဆိုလိုပါဘူး။

အကြိုနတ်ဘုရားတစ်ယောက်ကို သတ်ဖို့က အလွန်အမင်းခက်ခဲတယ်။ အားကောင်းတဲ့ဂိုဏ်းနှစ်ခုက စစ်ပွဲတစ်ခုကို စတင်ရင် နှစ်ဖက်စလုံးမှာ ဆုံးရှုံးခြင်းရလဒ်တွေကို ခံစားရလိမ့်မယ်၊ အခြားဂိုဏ်းတွေကို အခွင့်အရေးရသွားစေနိုင်တယ်။

တစ်ယောက်တည်းသာဆိုပေမယ့် အကြိုနတ်ဘုရားအများအပြားအဖြစ်ခွဲထုတ်နိုင်တဲ့အကြိုနတ်ဘုရားတွေရှိတဲ့ အားကောင်းတဲ့ဂိုဏ်းတွေ ရှိတယ်။ တစ်ယောက်မှ ဒီလိုအားကောင်းတဲ့ဂိုဏ်းတစ်ခုကို ရန်မစရဲဘူး၊ ထာဝရစစ်တပ်ရဲ့ထာဝရအရှင်ဘုရင်က ဥပမာကောင်းတစ်ခုဖြစ်တယ်။ ထာတရစစ်တပ်ကို ထိပ်တိုက်ရင်ဆိုင်ရဲတဲ့အားကောင်းတဲ့ဂိုဏ်းအနည်းငယ်သာ ရှိတယ်။