ချိုးဖြတ်ခြင်း၊ အရှင်သတ်မှတ်ချက်

ဓားအလင်းဖြာထွက်မြို့ကို ပြန်ရောက်ပြီးနောက် လီဖူချန်းက လေနက်ကျောက်တုံး၁၂၅၀၀ကို အကြီးအကဲအမှတ်၁၂၅၀၀၀နဲ့ ချက်ချင်း လဲလှယ်ခဲ့တယ်။

အခုဆိုရင် လီဖူချန်းမှာ အကြီးအကဲအမှတ်စုစုပေါင်း၁၂၇၀၀၀ရှိပါပြီ။

ဒီလောက်များတဲ့အကြီးအကဲအမှတ်တွေနဲ့ဆိုရင် အဆင့်မြင့်အန္တိအဆင့်ဓားအရိုးတွေနဲ့ လဲလှယ်ဖို့ လုံလောက်ပါတယ်။

တုံ့ဆိုင်းမနေဘဲ လီဖူချန်းက အကြီးအကဲအမှတ်၅၀၀၀ကို အသုံးချကာ အဆင့်၆အန္တိမအဆင့်ဓားအရိုးတစ်စုံနဲ့ ဖလှယ်လိုက်တယ်။

အဆင့်၆အန္တိမအဆင့်ဓားအရိုးမှာပါဝင်တဲ့ဓားနည်းလမ်းနဲ့ဓားအင်းကွက်တွေက မြို့အရှင်အဆင့်မှာ ရှိတယ်။ လီဖူချန်းက အဲဒါကို လေ့လာခဲ့တယ်၊ နားလည်မှုရလဒ်ကတော့ အဆင့်၉နဲ့အဆင့်၈ဓားအရိုးတွေ ထောက်ပံ့နိုင်တာထက် ပိုတယ်။ ဒါပေမယ့် အဆင့်၆အန္တိမအဆင့်ဓားအရိုးတစ်စုံရဲ့တန်ဖိုးက အဆင့်၉အန္တိမအဆင့်ဓားအရိုးသုံးစုံဒါမှမဟုတ်အဆင့်၈အန္တိမအဆင့်ဓားအရိုးနှစ်စုံစာ ရှိတယ်။ ဒါပေမယ့် ရလဒ်က နှစ်ဆဒါမှမဟုတ်သုံးဆကို မကျော်ဘူး၊ အများဆုံးနှစ်ဆသာဖြစ်တယ်။

ဒါကို တွေးပြီး‌နောက် လီဖူချန်းက အဆင့်၃အန္တိမအဆင့်ဓားအရိုးတစ်စုံကို အကြီးအကဲအမှတ်၅၀၀၀၀နဲ့ ဖလှယ်လိုက်တယ်။

"ဒါ အလုပ်မလုပ်ဘူး။ ကြည့်ရတာ အဆင့်နိမ့်ဓားအရိုးတွေရဲ့ကြီးမားတဲ့ပမာဏကို ငှားယမ်းတာက အကျိုးရှိဆုံးပဲ" နှစ်ပေါင်းများစွာကြာပြီးနောက် လီဖူချန်းက သူ့မျက်လုံးတွေ ဖွင့်ကာ ခေါင်းကို ခါယမ်းလိုက်တယ်။

သူ့အမြင်အရ အဆင့်၃အန္တိမအဆင့်ဓားအရိုးတစ်စုံက အဆင့်၉အန္တိမအဆင့်ဓားမော့အရိုးတစ်ဒါဇင်ပတ်လည်နဲ့ ညီမျှတယ်။ ဒါပေမယ့် အဆင့်၃အန္တိမအဆင့်ဓားအရိုးတစ်စုံကို ဖလှယ်ခြင်းတန်ဖိုးက အဆင့်၉အန္တိမအဆင့်ဓားအရိုးအစုံသုံးဆယ်ကျော်ကိုဖလှယ်ခြင်းတန်ဖိုးနဲ့ အတူတူပဲ။

မူလအဆုံးစွန်းဓားနည်းလမ်းကို အန္တိမအဆင့်သို့ လျင်လျင်မြန်မြန်ချိုးဖြတ်ချင်ရင် အဆင့်ပိုမြင့်မားတဲ့ဓားအရိုးတွေကိုသုံးတာ သေချာပေါက် ပိုကောင်းတယ်။

ဒါပေမယ့် လီဖူချန်းရဲ့ရည်ရွယ်ချက်က မူလအဆုံးစွန်းဓားနည်းလမ်းကို မချိုးဖြတ်ခင် ပြီးပြည့်စုံစေဖို့ပဲ။ ဒါကြောင့် သူက ဓားတာအိုရဲ့နက်ရှိုင်းမှုတင်မကဘူး၊ ဓားတာအိုလမ်းကြောင်းတွေကို ပိုလိုအပ်တယ်။

"မူလအဆုံးစွန်းဓားတာအိုမှာ ဓားတာအိုအားလုံးဖွဲ့စည်းပါဝင်တယ်။ ဒါက ငါသွားရမယ့်လမ်းကြောင်းပဲ"

အရင်းအမြစ်ခန်းမကို ပြန်သွားပြီးနောက် လီဖူချန်းက သူ့ရဲ့အကြီးအကဲအမှတ်လက်ကျန်အားလုံးကို အဆင့်၉နဲ့အဆင့်၈ဓားအရိုးတွေအတွက် အသုံးပြုလိုက်တယ်။

"ဒီကျင့်ကြံခြင်းက နှစ်တစ်ရာကျော်ကြာလောက်မယ်"

အတိတ်မှာ လီဖူချန်းက ဒီလိုနှစ်ကြာကျင့်ကြံခြင်းကို မလုပ်ခဲ့ဘူး။ ဒါပေမယ့် အခု သူ အများကြီးဂရုစိုက်စရာမလိုတော့ဘူး။

သူ့ရဲ့မိသားစုနဲ့သူငယ်ချင်းတွေအားလုံးက ဥပဒေသပြောင်းလဲခြင်းနယ်ပယ်မှာရှိပြီး နှစ်၂၀၀၀သက်တမ်းရှိတယ်။ သူတို့ရဲ့သက်တမ်းကို ဆွဲဆန့်နိုင်တဲ့ရတနာအချို့နဲ့ဆိုရင် သူတို့အနေနဲ့ နှစ်၃၀၀၀ဒါမှမဟုတ်၅၀၀၀လောက် အသက်ရှင်ဖို့က ပြဿနာတစ်ခုမဟုတ်တော့ဘူး။ ဒါကြောင့် သီးခြားကျင့်ကြံနေစဉ်မှာ သူ့အတွက်အရေးကြီးတဲ့တစ်ယောက်ယောက် အသက်အရွယ်ကြီးရင့်ပြီးသေသွားမှာကို သူ့အနေနဲ့ စိုးရိမ်စရာမလို‌တော့ဘူး။

"ဒီမူလအဆုံးစွန်းအရှင်က တကယ်ကို ကျင့်ကြံခြင်းအရူးပဲ" ကာဒီနယ်တောက်ပဓားဘိုးဘေးက ရယ်ကာ ခေါင်းခါလိုက်တယ်၊ သူက လီဖူချန်းလုပ်သမျှအရာအားလုံးကို စောင့်ကြည့်ခဲ့တယ်။

ဒီလိုကျင့်ကြံခြင်းအရူးကသာ ဒီလောက်အလျင်အမြန်တိုးတက်လာမှာပေါ့.......

ပုံမှန်အနေအထားမှာ စကြာဝဠာကလေးတစ်ယောက်ရဲ့တိုးတက်မှုအရှိန်က လီဖူချန်းလောက် မလွန်ကဲပါဘူး။

အချိန်က ရေပမာ စီးဆင်းနေတယ်၊ လီဖူချန်းရဲ့ဓားတာအိုအခြေခံက လျင်မြန်စွာ စုဆောင်းလာနေတယ်။

အရင်ကတော့ လီဖူချန်းရဲ့ဓားတာအိုက မြစ်တစ်တစ်စင်းနဲ့တူတယ်၊ အခု အဲဒါက ချောက်နက်တစ်ခုဖြစ်တယ်။ အဲဒါက အရှည်နဲ့အကျယ်ပဲ တိုးလာရုံတင်မကဘူး၊ အနက်ကတောင် တိုးလာတယ်။

မျက်စိတစ်မှိတ်အတွင်း နှစ်၁၅၀ကုန်ဆုံးသွားတယ်။

ကျယ်ပြန့်ပြီးအဆုံးမဲ့ဓားတာအိုချီတည်ရှိမှုတစ်ခုက လီဖူချန်းရဲ့ခန္ဓာကိုယ်မှ ထုတ်လွှတ်လာတယ်။

"ငါ နောက်ဆုံးတော့ စစ်မှန်တဲ့အထွတ်အထိပ်ကို ရောက်လာပြီ"

သူ့ရဲ့မူလအဆုံးစွန်းဓားနည်းလမ်းမှာ ဓားတာအိုလမ်း‌ကြောင်းအားလုံးပါဝင်တယ်လို့ လီဖူချန်းက ယုံကြည်တယ်။ ဓားတာအိုလမ်းကြောင်းအချို့က အန္တိမအဆင့်ဓားအရိုးတွေမှ လာပြီး အချို့က အန္တိမအဆင့်ဓားအရိုးတွေမှ ကောက်ချက်ချထားတယ်။

ဒါပေမယ့် ဓားတာအိုလမ်းကြောင်းအားလုံးမှတစ်ဆင့် လျှောက်လမ်းခြင်းကို ပြီးမြောက်ဖို့က မဖြစ်နိုင်ဘူး။ လီဖူချန်းက ဓားတာအိုလမ်းကြောင်းအားလုံးကို သူ့ရဲ့ကိုယ်ပိုင်ဓားတာအိုထဲသို့ ပြောင်းလဲချင်ခဲ့တယ်။ ဓားတာအိုက ဓားတာအိုအားလုံးရဲ့ရင်းမြစ်ဖြစ်တဲ့မူလအဆုံးစွန်းဓားတာအိုပဲဖြစ်တယ်။

"အခုက ချိုးဖြတ်ဖို့ အချိန်ပဲ"

အသက်ကို နက်ရှိုင်းစွာ ရှုသွင်းလျက် လီဖူချန်းရဲ့မျက်လုံး‌တွေက အကန့်အသတ်မဲ့ဓားအလင်းတွေနဲ့အတူ ပြည့်လျှံလာတယ်၊ ဓားအလင်းအချို့က ရေသို့မဟုတ်မီးနဲ့တူတယ်၊ အချို့က ထုံတယ်ဒါမှမဟုတ်သွက်လက်တယ်၊ အချို့က ပုံရိပ်ယောင်ဒါမှမဟုတ်နေရာတိုင်းမှာရှိတယ်၊ အချို့က တောက်ပတယ်ဒါမှမဟုတ်မည်းမှောင်တယ်။ ဓားလင်းအမျိုးအစားဘယ်လောက် လီဖူချန်းရဲ့မျက်လုံးထဲမှာ ရှိနေသလဲကို စိတ်ကူးယဉ်ဖို့ခက်ခဲတယ်။

မျက်လုံးကို မှိတ်လျက် လီဖူချန်းရဲ့ဓားတာအိုချီတည်ရှိမှုက အတွင်းသို့ တဖြည်းဖြည်း ဆုတ်ခွာလာပြီး သူ့ခန္ဓာကိုယ်တစ်ခုလုံးကို ဟင်းလင်းပြင်အလား ဖြစ်စေတယ်။

…

အလွန်အမင်းရှုပ်ထွေးပုံပေါက်တဲ့ဓားပုံကြမ်းတစ်ခုက လီဖူချန်းရဲ့ခန္ဓာကိုယ်ကို အဆက်မပြတ်လှည့်ပတ်နေတယ်။ ဓားပုံကြမ်းရှိသိမ်မွေ့တဲ့နေရာတွေက အဆက်မပြတ်ဖျက်ဆီးလိုက်၊ ပြန်တည်ဆောက်လိုက်ဖြစ်နေတာကို မြင်နိုင်တယ်။ လည်ပတ်မှုအပတ်တိုင်းက ဓားပုံကြမ်းကို ပိုပိုပြီးချို့ယွင်းချက်မဲ့လာစေတယ်။

ဒါပေမယ့် ထိတ်လန့်တုန်လှုပ်စရာအခိုက်အတန့်တွေလည်း ရှိတယ်။ ဖျက်ဆီးပြီးနောက် ပြန်တည်ဆောက်ဖို့မဖြစ်နိုင်တော့ဘဲ ဓားပုံကြမ်းမှာ ကြောက်စရာကောင်းတဲ့အက်ကြောင်းတစ်ခုကို ဖြစ်စေတဲ့အကြိမ်တွေ ရှိတယ်။

ကံကောင်းတာကတော့ ဘာတစ်ခုမှ လီဖူချန်းအတွက် မခက်ခဲဘူး။ သူ့ရဲ့ထိုးထွင်းသိမြင်မှုကို အသုံးပြုလျက် လီဖူချန်းက ဓားပုံကြမ်းကို အဆုံးမှာတော့ ပြီးပြည့်စုံစေနိုင်ခဲ့တယ်။

ဓားပုံကြမ်းပြီးပြည့်စုံတဲ့အခိုက်မှာ ၎င်းက အသက်ရှိလာတယ်။ ၎င်းက အသက်ရှုနေပြီး ဓားတာအိုရင်းမြစ်စွမ်းအားကို ဓားပုံကြမ်းမှ ထုတ်လုပ်ကာ လီဖူချန်းရဲ့မူလအဆုံးစွန်းဓားတာအိုသွေးမျိုးဆက်နဲ့ ပေါင်းစပ်သွားတယ်။

"ဟိုကို ကြည့်စမ်း"

ဒီနေ့မှာ ဓားအလင်းဖြာထွက်မြို့ရှိလူတိုင်းက မမေ့နိုင်တဲ့မြင်ကွင်းတစ်ခုကို မြင်လိုက်ရတယ်။ မရေမတွက်နိုင်တဲ့ဓားအလင်းတွေက ဓားအလင်းဖြာထွက်မြို့ရဲ့ကောင်းကင်အထက်မှာ လှည့်လည်နေတယ်။ ဓားအလင်းတွေက အရေအတွက်အတိအကျမရှိဘဲ အဆက်မပြတ်ပြောင်းလဲနေတယ်၊ သူတို့ရဲ့စွမ်းပကားတွေကလည်း အချိန်နဲ့အမျှ ပြောင်းလဲနေတယ်။

ဓားအလင်းတွေက တဖြည်းဖြည်းနဲ့ ကြီးမားတဲ့အကွာအဝေးတစ်ခုအထိ ဖုံးအုပ်လာတယ်။

ဆယ်ဆ၊ အဆတစ်ရာ၊ အဆတစ်ထောင်......

"ဘယ်အရှင်က ချိုးဖြတ်သလဲကို ငါ သိချင်တယ်။ ဒီလောက်ကြီးမားတဲ့ဖြစ်ရပ်တစ်ခု........."

"ငါ ဓားအလင်းဖြာထွက်မြို့မှာ နေတာ နှစ်ပေါင်းများစွာရှိပြီ၊ ဒီတစ်ခုထက် ပိုကြီးတဲ့ဖြစ်ရပ်တစ်ခုကို ဘယ်တုန်းကမှ မမြင်ခဲ့ဖူးဘူး"

"ကာဒီနယ်တောက်ပဓားဘိုးဘေးက ချိုးဖြတ်နေတာများလား......"

"မဖြစ်နိုင်ဘူး၊ ကာဒီနယ်တောက်ပဓားဘိုးဘေးက ပြိုင်ဘက်ကင်းအရှင်တစ်ယောက်ဖြစ်နေပြီးသာ။ သူက ချိုးဖြတ်ရင် အကြိုနတ်ဘုရားတစ်ယောက်ဖြစ်လာလိမ့်မယ်"

"ကာဒီနယ်တောက်ပဓားဘိုးဘေးပဲ အကြိုနတ်ဘုရားအဖြစ် ချိုး‌ဖြတ်တာ ဖြစ်လောက်မှာပါ"

လူတိုင်းက ဆွေးနွေးနေကြတယ်။

လူတိုင်းပြောနေတဲ့ကာဒီနယ်တောက်ပဓားဘိုးဘေးကတော့ ဓားအလင်းဖြာထွက်မြို့ရဲ့ကောင်းကင်အထက်ကို ထိတ်လန့်တုန်လှုပ်စွာ စိုက်ကြည့်နေတယ်။

ဒါက ကျင့်ကြံခြင်းနည်းလမ်းတစ်ခု ချိုးဖြတ်တဲ့အဖြစ်အပျက်တစ်ခုဆိုတာ သူ သိတယ်။

အတိတ်ကို ပြန်ကြည့်ရင် ကာဒီနယ်တောက်ပဓားနည်းလမ်း ကြယ်ပိုင်နက်အဆင့်ကို ချိုးဖြတ်တဲ့အချိန်တုန်းကလည်း အတော်လေးကြီးမားတဲ့ရုတ်ရုတ်သဲသဲဖြစ်ရပ်တစ်ခုဖြစ်ခဲ့တာပဲ။

ဒါပေမယ့် အရိုးသားဆုံးပြောရရင် ဒီဖြစ်ရပ်နဲ့နှိုင်းယှဉ်ရင် အဲဒါက အနည်းငယ်ကင်းမဲ့နေတုန်းပဲ။

မျက်စိတစ်မှိတ်အတွင်း ဓားအလင်းက အလင်းနှစ်ထောင်အနည်းငယ်အထိ ကြီးမားချဲ့ထွင်လာတယ်။

ဝီ ဝီ ဝီ......

ရုတ်တရက် ဓားအလင်းက တစ်စစီဖြစ်သွားပြီး ဧရာမဓားတစ်လက်က ထုတ်‌လုပ်လိုက်တယ်။ အဲဒါက အရွယ်အစားအားဖြင့် အလင်းနှစ်ထောင်အနည်းငယ်ရှိပြီး ကြောက်စရာကောင်းတဲ့ဖိအားတစ်ခုကို ထုတ်လွှတ်နေတယ်။ အလင်းဖြာထွက်ကြယ်ပိုင်နက်ရှိအကြွင်းမဲ့ကျွမ်းကျင်သူတိုင်းက အဲဒါကို ခံစားမိနိုင်တယ်။

"နောက်ထပ်ပြိုင်ဘက်ကင်းအရှင်တစ်ယောက်က မွေးဖွားလာပြီ"

အရှင်သတ်မှတ်ချက်က ထွက်ပေါ်လာတော့မယ်"

အကြွင်းမဲ့ကျွမ်းကျင်သူအားလုံးက ရေရွတ်လိုက်ကြတယ်။

ဓားအလင်းဖြာထွက်မြို့။

လီဖူချန်က မဖော်ပြနိုင်တဲ့အခြေအနေတစ်ခုမှာ နစ်မြုပ်နေတယ်။

မူခအဆုံးစွန်းဓားနည်းလမ်းကို ချိုးဖြတ်ခြင်းက သူ့ခန္ဓာကိုယ်မှာ သိသိသာသာပြောင်းလဲမှုတစ်ခုကို ယူဆောင်လာတယ်။

သူ့ခန္ဓာကိုယ်မှာ အခု စုစုပေါင်းဓားတာအိုသွေးမျိုးဆက်သုံးခုရှိတယ်။ သူတို့က ဟင်းလင်းပြင်ဓားတာအိုသွေးမျိုးဆက်၊ ထည်ဝါဓားတာအိုသွေးမျိုးဆက်နဲ့ မူလအဆုံးစွန်းဓားတာအိုသွေးမျိုးဆက်တို့ပါပဲ။

ဟင်းလင်းပြင်ဓားတာအိုသွေးမျိုးဆက်ကို ဘေးဖယ်ထားလိုက်ပါ၊ ထည်ဝါဓားတာအိုသွေးမျိုးဆက်ကို ထည်ဝါဓားပညာနဲ့ ချိတ်ဆက်ထားတယ်။ မူလအဆုံးစွန်းဓားတာအိုသွေးမျိုးဆက်က မူလအဆုံးစွန်းဓားပညာနဲ့ ချိတ်ဆက်ခဲ့ရုံသာမက မူလအဆုံးစွန်းဓားနည်းလမ်းနဲ့ ချိတ်ဆက်ထားတယ်။

လီဖူချန်းရဲ့မူလအဆုံးစွန်းဓားနည်းလမ်းက မချိုးဖြတ်ခင် လီဖူချန်းရဲ့မူလအဆုံးစွန်းဓားတာအိုသွေးမျိုးဆက်က ကြယ်ပိုင်နက်အဆင့်ကို ရောက်ရှိပြီဖြစ်တယ်။ ဒါပေမယ့် အခု သူ့ရဲ့မူလအဆုံးစွန်းဓားတာအိုသွေးမျိုးဆက်က အလွန်အမင်းကြောက်စရာကောင်းတဲ့အဆင့်ကို ရောက်ရှိနေပြီး အဲဒါက မဖော်ပြနိုင်လောက်အောင်ပဲ။

ထိုအချိန်မှာ လီဖူချန်းရဲ့ဓားတာအိုချီတည်ရှိမှုက တစ်ဆ၊နှစ်ဆ ဒါမှမဟုတ် ဆယ်ဆတောင် မဟုတ်တော့ဘူး၊ အဲဒါက အဆတစ်ရာဒါမှမဟုတ်အဆတစ်ထောင်ထိတောင် တိုးမြင့်လာတယ်။

ဒီလိုအားကောင်းတဲ့ချီတည်ရှိမှုတစ်ခုက စကြာဝဠာရင်းမြစ်ရဲ့အနက်ပိုင်းထဲသို့ ချက်ချင်းပျံ့နှံ့သွားတယ်။

ဝုန်း......

စကြာဝဠာထဲမှာ အဆင့်သတ်မှတ်ချက်စာရင်းက ဆင်းသက်လာတယ်။

ဒီသတ်မှတ်ချက်တွေကို အရှင်တွေကပဲ မြင်နိုင်တယ်။

သတ်မှတ်ချက်စာရင်းမှာ နာမည်၁၀၀၀ရှိပြီး နာမည်တစ်ခုက ‌ပျောက်ကွယ်သွားကာ နာမည်အသစ်တစ်ခုက ၎င်းအပေါ်မှာ ထွက်ပေါ်လာတယ်။

"မူလအဆုံးစွန်းအရှင်၊ အဆင့်၉၉"