အိမ်ပြန်လာသည့် အစိမ်းရောင်စစ်သည်တော်

နဗီးလ်သည် လမ်းတစ်လျှောက်လုံး တိတ်ဆိတ်နေသည်။ ဆူနီစစ်သားများသည် စကားနည်းကြ၏။ လူတိုင်းသည် ပျင်းရိစွာ စကားစမြည်ပြောရန် အချိန်မရှိသကဲ့သို့ လေးနက်သောအမူအရာဖြင့် ရှိနေကြသည်။ သူတို့အားလုံးက သူတို့ရဲ့ကိုယ်ပိုင်မစ်ရှင်များကို အာရုံစိုက်နေကြ၏။ စစ်သားများ၏ ချပ်ဝတ်တန်ဆာ၏ သတ္တုအနံ့သည် တိတ်ဆိတ်သောလေထုကို လွှမ်းခြုံထားသည်။ ကြားနိုင်သည့် တစ်ခုတည်းသော အသံမှာ ရံဖန်ရံခါ ဖြတ်သွားသော တင့်ကားများသာ ဖြစ်သည်။

ဆူနီသည် ဘဝကို ချစ်မြတ်နိုးသော ယဉ်ကျေးမှုတစ်ခုအဖြစ် လူသိများသည်။ သူတို့လူမျိုးများသည် အနုပညာနဲ့ ယဉ်ကျေးမှုကို ချစ်မြတ်နိုးကြ၏။ သို့သော် ဘေးအန္တရာယ်ကျရောက်ချိန်တွင် အရာအားလုံး ပြောင်းလဲသွားခဲ့သည်။ အသက်ရှင်ကျန်ရစ်သူများသည် ၎င်းတို့၏ ယခင်အထောက်အထားများကို စွန့်ပစ်ရန် အတင်းအကြပ် တွန်းအားပေးခံခဲ့ကြရပြီး သူတို့ကိုမာကျောသွားစေခဲ့သည်။ ဤပြောင်းလဲမှုသည် သူတို့တည်ဆောက်ခဲ့သော အဆောက်အဦများတွင်လည်း ထင်ဟပ်နေ၏။ စည်းစနစ်ကျနသော ခံတပ်ကဲ့သို့သော သံမဏိအဆောက်အဦများ သူတို့သွားရာလမ်းဘေးတွင် စီတန်းလျက်ရှိနေသည်။ သူတို့က ဇယားကွက်ထဲမှာ နေထိုင်နေသလိုပင်။

နဗီးလ်က သူတို့ကို ဦးဆောင်ပြီး ဟန်ရှောင်း၏အဖွဲ့သည် အနားယူရာနေရာကို ရောက်လာသည်။ ထိုနေရာတွင် ကြေးစားစစ်သားများစွာ စုရုံးနေကြပြီး ဆူညံနေကြသည်။

ကပ်ဘေးလှိုင်းများ မကျရောက်မီတွင် ကြေးစားသမားများအားလုံးသည် အသေးစိတ်ရှင်းလင်းချက်တစ်ခု ရရှိရန် လိုအပ်သည်။

နဗီးလ်သည် ပလက်ဖောင်းတစ်ခုပေါ်သို့ တက်သွားကာ လေးနက်သောအသံဖြင့် ရှင်းပြလိုက်သည်။ “ရှေ့တန်းကင်းထောက်တွေက သောင်းကျန်းနေတဲ့ သားရဲတွေရဲ့ အရိပ်အယောင်တွေကို ရှာတွေ့ခဲ့တယ်။ မင်းတို့က ငါတို့ရဲ့ ငှားရမ်းထားတဲ့ ကြေးစားစစ်သားတွေအဖြစ် ဒီမှာရှိနေပြီး ဒီအခက်အခဲကို ကျော်လွှားနိုင်ဖို့ မင်းအားလုံး အတူတကွ ပူးပေါင်းလုပ်ဆောင်နိုင်မယ်လို့ မျှော်လင့်ပါတယ်။”

တိုတောင်းသော မိန့်ခွန်းအပြီးတွင် နဗီးလ်သည် အဓိကအချက်ကို တန်းတန်းမတ်မတ် ပြောတော့သည်။ “ဒီဂြိုလ်ရဲ့ မြေအောက်မှာ နတ်ဆိုးကျောက်တုံးတွေ ရှိတယ်။ နတ်ဆိုးကျောက်တုံးတွေက ပတ်ဝန်းကျင်က သက်ရှိတွေရဲ့ ဝိညာဉ်များကို ဖောက်ပြန်ပျက်စီးစေနိုင်တယ်၊ နောက်ပြီး ကမ္ဘာမြေကြီးတစ်ခုလုံးရဲ့ သတ္တုသွေးကြောတွေကလည်း ဒီကျောက်တွေနဲ့ ပြောင်းလဲခံထားရတယ်။ ဒါက သားရဲတွေရဲ့ ဒေါသနှင့် အလွန်ကြမ်းတမ်းတဲ့ သဘာဝရဲ့ နောက်ကွယ်က အကြောင်းအရင်း။ ဒါပေမယ့်လည်း ဒါက ကပ်ဘေးရဲ့ အဓိကပြဿနာမဟုတ်ဘူး။ နတ်ဆိုးကျောက်ထဲက စွမ်းအင်တွေကို 'လှိုင်းလုံး' တွေလို နှစ်စဉ်နှစ်တိုင်း ထုတ်လွှတ်လေ့ရှိတယ်။ ဤသည်မှာ သားရဲများ၏ ရုတ်ချည်းသောင်းကျန်းခြင်းရဲ့ နောက်ကွယ်က ပြဿနာဖြစ်တယ်။

“ဘာကြောင့်မှန်းမသိတဲ့ ဒီနှစ်လှိုင်းက နှစ်ဝက်လောက်စောပြီး ရောက်လာတယ်။ ကျွန်တော်တို့ရဲ့ အထူးလေ့လာရေးဌာနက ကပ်ဘေးလှိုင်းများဟာ ခုနစ်ရက်မှ ဆယ့်သုံးရက်ခန့်အတွင်း အင်အားအပြည့်ပေါက်ကွဲမည်ဟု ခန့်မှန်းထားတယ်။ ကျွန်တော်တို့ရဲ့ ရန်သူဟာ ဤကမ္ဘာမြေပေါ်ရှိ သတ္တဝါတိုင်းပဲ။ အတိတ်က လှိုင်းလုံးတွေအတွင်းမှာ ကနဦးသုံးရက်မှ ခြောက်ရက်အတွင်း သေးငယ်သော သားရဲများနှင့်သာ ရင်ဆိုင်ခဲ့ရတယ်။ အဲ့နောက် တိုက်ပွဲသည် ဆယ်ရက်မြောက်နေ့သို့ ရောက်ရှိလာသည်နှင့်အမျှ သားရဲစီးနင်းမှု အကြိမ်ရေနှင့် ပြင်းထန်မှု တိုးလာမှာဖြစ်တယ်။ နောက်ဆုံးငါးရက်က လှိုင်းလုံးအတွင်း အန္တရာယ်အရှိဆုံးကာလ။ အဲ့ဒီအချိန်တွင် ကျွန်တော်တို့ရဲ့ ယာဉ်တွေနှင့် စက်ပစ္စည်းအများစု ပျက်စီးသွားကြပြီး၊ တပ်ဖွဲ့ဝင်အများစုလည်း လျော့နည်းသွားလိမ့်မယ်။ အဲဒီတုန်းမှာ ငါတို့ရင်ဆိုင်ရမယ့် သားရဲတွေဟာ သွေးထွက်သံယို တိုက်ပွဲတွေကြောင့် အဝေးက စွဲဆောင်လာခဲ့တဲ့ အားအကြီးဆုံး သတ္တဝါတွေပဲ…”

ဤအခိုက်အတန့်တွင် ကြေးစားစစ်သားတစ်ဦးက ဖြတ်ပြောသည် "မင်းမှာ တင့်ကားတွေ၊ လေယာဉ်တွေ၊ အာကာသစစ်သင်္ဘောတွေတောင် ရှိတယ်။ ဒီသားရဲတွေကို သတ်တာက သားသတ်ရုံနဲ့ ပိုတူမှာ မဟုတ်ဘူးလား”

နဗီးလ်က ထိုလူကို အေးစက်စွာ ကြည့်လိုက်သည်။ "လှိုင်းလုံးတွေ လာတဲ့အခါ မင်းနားလည်မှာပါ"

များမကြာမီတွင်၊ နဗီးလ်သည် ပရိုဂျက်တာကိုဖွင့်ပြီး မတူညီသော သားရဲအမျိုးအစားများကို တစ်ခုပြီးတစ်ခု မိတ်ဆက်ပေးခဲ့သည်။ ခဏကြည့်ပြီးနောက်၊ ဟန်ရှောင်းသည် ဆူနီဂြိုလ်ရှိ သားရဲများသည် ‌ရေပင်လယ်ဂြိုလ်ပေါ်ရှိ အကောင်များထက် ပိုသန်မာကြောင်း ပြောနိုင်နေပြီဖြစ်သည်။ နတ်ဆိုးကျောက်တုံးများသည် ဤကမ္ဘာမြေပေါ်တွင် နှစ်ပေါင်းမရေမတွက်နိုင်အောင် ရှိနေခဲ့ပြီးဖြစ်ပြီး ၎င်းတို့စုဆောင်းထားသော စွမ်းအင်သည် နှစ်များတစ်လျှောက် သားရဲများ၏ဆင့်ကဲဖြစ်စဉ်ကို သက်ရောက်မှုရှိစေရန် လုံလောက်နေသည်။ ဆူနီဂြိုလ်ရှိ သားရဲများသည် ပုံမှန်မဟုတ်ဘဲ သွေးဆာနေသဖြင့် ၎င်းတို့သည် 'အသန်မာဆုံးသာ ရှင်သန်ခြင်း' ၏ စည်းမျဉ်းကို အဆုံးစွန်ထိ ကျင့်သုံးနေကြသည်။

Maple Moon က စပ်စု၏။ “သားရဲတွေက ရန်သူတွေဆိုတော့ ကပ်ဘေးကနေ အားကောင်းမလာခင် တိရစ္ဆာန်အားလုံးကို ဘာလို့ မသတ်နိုင်ကြတာလဲ။”

“ဂေဟစနစ်ကို ထိန်းသိမ်းဖို့ ဖြစ်နိုင်တယ်” ဓါးရူးက ချီတုံချတုံဖြင့် ပြောသည်။

ခေါင်းယမ်းရင်း Bun-hit-dog က သဘောမတူပေ။ “ဒါပေမယ့် ဒါက သူတို့ရဲ့ ပြည်သူတွေရဲ့ အသက်ရှင်မှုကိုတောင် ခြိမ်းခြောက်နေတယ်။ ဒီအချိန်မှာ သူတို့ဘာကြောင့် ဂေဟစနစ်ကို ဂရုမစိုက်ကြတာလဲ။

“သူတို့က သားရဲတွေကို အပြီးတိုင် သုတ်သင်နိုင်ပါ့မလား”

ကစားသမားများ အချင်းချင်း စပြီး ဆွေးနွေးကြသည်။ ဆူနီ၏ အကျပ်အတည်းနှင့် ပတ်သက်၍ ၎င်းတို့တစ်ဦးစီတွင် ၎င်းတို့၏ ကိုယ်ပိုင်အမြင်များ ရှိကြသည်။

သားရဲအမျိုးပေါင်းတစ်ရာကျော်ကို ရှင်းပြပြီးနောက် နဗီးလ်သည် ဤအချက်အလက်ကို ကြေးစားစစ်သားတစ်ဦးစီထံ ပေးပို့လိုက်သည်။ ထို့နောက် ကြေးစားသမားများကို ၎င်းတို့ကြိုတင်လုပ်ဆောင်ခဲ့သော အလုပ်တာဝန်ပေါ်မူတည်၍ တိုက်ပွဲဝင် အခန်းကဏ္ဍများ ပေးအပ်၏။

ဆူနီများသည် တောရိုင်းထဲတွင် သတ္တုတွင်းများနှင့် အခြားသယံဇာတစုဆောင်းရေးစခန်းများစွာကို ထိန်းသိမ်းထားကြသည်။ သို့ရာတွင်၊ ဆူနီလူမျိုးအားလုံးသည် ထိုနေရာများကို စွန့်ခွာပြီး ကပ်ဆိုးကြီးအတွင်း သစ်တောမြို့သို့ ပြန်သွားကြသည်။ သားရဲများ၏ ခိုးဝင်တိုက်ခိုက်ခံရနိုင်ခြေကို လျှော့ချရန်အတွက် ၎င်းတို့၏တပ်ဖွဲ့အားလုံးကို ဧရိယာတစ်ခုတည်းတွင် စုဖွဲ့ထားသည်။

နောက်ဆုံးအတားအဆီးအဖြစ် ပင်မမြို့အပြင် သစ်တောမြို့တွင် မြို့ကိုပတ်ထားသည့် စုစုပေါင်း တံတိုင်းငါးခုရှိသည်။ ဟန်ရှောင်းနှင့် အခြားသူများသည် ဒုတိယမြောက်တံတိုင်းတွင် တပ်စွဲထားပြီး ကင်းထောက်လေယာဉ်များနှင့် မြေပြင်မှ ကြီးမားသော စစ်သင်္ဘောများကို ကာကွယ်ရန် တာဝန်ပေးထားသည်။ ၎င်းတို့သည် ရှေ့တန်းများအတွက် လျင်မြန်သော တုံ့ပြန်မှုအားဖြည့်အဖွဲ့အဖြစ်လည်း ဆောင်ရွက်ရသည်။

သစ်တောမြို့ကို ခံစစ်အခြေပြု အဆောက်အအုံများဖြင့် တည်ဆောက်ထားပြီး အဓိကမြို့တစ်ဝိုက်တွင် အရာအားလုံးကို နည်းဗျူဟာပိုင်းအရ အဆုံးအဖြတ်ဖြင့်သာ တည်ဆောက်ထားသည်။ ဤမြို့သည် နောက်ဆုံးရပ်တည်ရန်နေရာ ရည်မှန်းထားခြင်းမရှိပေ။ မြို့တော်၏မြေအောက်၌ လွတ်မြောက်ရန် ဥမင်လိုဏ်ခေါင်းများ ပြည့်နှက်နေသည်။ အန္တရာယ်ရှိသော လက္ခဏာတစ်ခုပေါ်လာသည်နှင့် ဆူနီလူမျိုးများသည် ဥမင်လိုဏ်ခေါင်းများမှတဆင့် ထွက်ပြေးနိုင်သည် သို့မဟုတ် လေကြောင်းပို့ဆောင်မှုမှ ဘေးလွတ်ရာသို့ ရွှေ့ပြောင်းနိုင်ပြီး ယင်းက ၎င်းတို့အတွက် အဓိကမြို့ကို 'ဆုံးရှုံးခြင်း' မဖြစ်နိုင်ဟု ဆိုလိုခြင်းဖြစ်သည်။ သို့ရာတွင်၊ ကောင်းကင်နှင့် မြေကြီးအောက်၌ အစွမ်းထက်သော သားရဲများစွာရှိ၍ ဤအရာသည် နောက်ဆုံးနည်းလမ်းတစ်ခုသာ ဖြစ်လိမ့်မည်။

အန္တရာယ်အရှိဆုံးအလုပ်နှစ်ခုမှာ ရှေ့တန်းကင်းထောက်တပ်ဖွဲ့များနှင့် ရှေ့တန်းတိုက်ခိုက်ရေးတပ်များဖြစ်သည်။ ဆူနီသည် သစ်တောများထူထပ်စွာ ဖုံးလွှမ်းထားသည့် ဂြိုဟ်ဖြစ်ပြီး လေထုမှ စူးစမ်းလေ့လာရန် မမြင်နိုင်သော နေရာများစွာ ရှိနေ၍ မြေပြင်ထောက်လှမ်းခြင်းမှာ အလွန်အရေးကြီးသည်။ သို့သော်လည်း ကပ်ဘေးတစ်ခုအတွင်း မြို့ရိုးအပြင်ဘက်သို့ ထွက်ခွါခြင်း၏ အန္တရာယ်များမှာ သိသာထင်ရှား၏။ အခြားတစ်ဖက်တွင်၊ ရှေ့တန်းတပ်များ၏တာဝန်မှာ မြို့တံတိုင်းများဆီသို့ အစုလိုက်အပြုံလိုက်ကြီး မရောက်မီ သားရဲများကို သတ်ရန် သို့မဟုတ် ဒဏ်ရာများ ရရှိစေရန်ဖြစ်သည်။ သူတို့ရဲ့ ရှင်သန်နှုန်းက သုညနီးပါးပင်။

ထို့ကြောင့် ထိုအလုပ်နှစ်ခုကို ကြေးစားသမားများက ဘယ်သောအခါမှ မယူခဲ့ကြပေ။ ရှေ့တန်းတိုက်ခိုက်ရေး တာဝန်များအားလုံးကို ဆူနီစစ်သည်များက လုပ်ဆောင်ကြသည်။

ကြေးစားတစ်ဦးချင်းစီအား သူတို့၏နေရာကို အင်အားဖြည့်တင်းရန်အတွက် အရာရှိတစ်ဦးက ဦးဆောင်ခေါ်သွားသည်။ နဗီးလ်သည် ဟန်ရှောင်း၏လူအုပ်စုကို ဧရိယာ၏ ခံစစ်ပုံစံနှင့် ရင်းနှီးစေရန် ခေါ်ဆောင်လာခဲ့သည်။

အချိန်တွေ မြန်မြန်ကုန်ပြီး မကြာခင် နေဝင်ရီတရောအချိန်သို့ ရောက်ရှိလာ၏။

ကြေးစားစစ်သားများကို စစ်စခန်းတွင် နေရာထိုင်ခင်းပေးထား၏။ သို့သော် ဟန်ရှောင်းသည် အတန်းခွဲလိုအပ်ချက်များကို ပြီးမြောက်ရန် မြို့ထဲသို့ဝင်ရန် လိုအပ်သည်။ နဗီးလ်ကို သူကိုယ်တိုင်တွေ့ပြီး ပြောလိုက်သည် “မြို့ထဲကို ဝင်ဖို့ စာရင်းသွင်းချင်တယ်”

"ဘာလို့ မြို့ထဲကို ဝင်တာလဲ" နဗီးလ်သည် မျက်ခုံးပင့်လိုက်သည်။

“ကျွန်တော့်မှာ သီးသန့်ကိစ္စတစ်ခုရှိတယ်။ ငါ့မှာ အလည်လာဖို့ သူငယ်ချင်းတစ်ယောက်ရှိတယ်။"

“မရဘူး” နဗီးလ်က ပွင့်ပွင့်လင်းလင်း ငြင်းလိုက်သည်။ မလိုလားအပ်တဲ့ မတော်တဆမှုတွေက ကာကွယ်ဖို့၊ ကြေးစားစစ်သားတွေကို မြို့ထဲ ဘယ်တုန်းကမှ ဝင်ခွင့်မပြုခဲ့ဘူး။ တိုက်ပွဲပြင်ပမှာ အခြေစိုက်စခန်းမှာသာ နေခွင့်ရတယ်။

“မြို့ထဲကိုဝင်ဖို့ ဒီအကြောင်းပြချက်ကို သုံးလို့ မရဘူး။ ဒါပေမယ့် မင်းသူငယ်ချင်းက မင်းဆီကို လာလည်လို့ရတယ်။"

ဟန်ရှောင်း ဘာလုပ်ရမှန်းမသိ ဖြစ်နေသည်။ သူတွေ့ချင်နေသည့် ဇာတ်ကြောင်းဇာတ်ကောင်က သူ့ကို လုံးဝမသိပေ။ သူ့ဆီ အလည်လာဖို့ဆိုတာ ပိုတောင်မဖြစ်နိုင်ပေ။

သူတကယ် ခိုးဝင်ရမှာလား။

သူ့တွင် မျက်နှာပြောင်းလဲသည့်ကိရိယာနှင့် Night Stalker အမျိုးအစားခွဲများရှိသည်။ အောင်မြင်စွာ ခိုးဝင်ဖို့ အခွင့်အလမ်းက တော်တော်များတယ်... ဟုတ်တယ်မလား?

ဟူး!

ထိုအချိန်တွင် ကောင်းကင်မှ လေပြင်းများ ဆင်းသက်လာပြီး အလင်းတန်းများစွာ မြေပြင်ပေါ်သို့ ကျရောက်လာသည်။ လေသင်္ဘောတစ်စင်းသည် လေထဲ၌ ခပ်မြင့်မြင့် ပျံဝဲပြီး လှေကားထစ်တစ်ခုကို လွှတ်ချလိုက်သည်။ ဆူနီစူပါလူသား တစ်ယောက်ပြီးတစ်ယောက် သင်္ဘောပေါ်မှ ဆင်းလာသည်။ ၎င်းတို့အားလုံးသည် ကမ္ဘာမြေနှင့်ဝေးကွာသည့်အရပ်တွင ငွေရှာရန် ကြိုးကြိုးစားစားလုပ်ဆောင်ခဲ့ကြသည့် ဆူနီကြေးစားသမားများဖြစ်ပြီး ကပ်ဘေးအကြိုနေ့တွင် ၎င်းတို့၏နေအိမ်ကို ကာကွယ်ရန်အတွက် တာဝန်များကို ကျေပွန်အောင် ထမ်းဆောင်ရန် ပြန်လာခဲ့ကြသည်။

မြေပြင်ပေါ်ရှိ ဆူနီစစ်သည်များအားလုံး ခေါင်းမော့ပြီး ပြန်လာသော စစ်သည်တော်များကို လေးလေးစားစား ကျေးဇူးတင်စွာဖြင့် ကြည့်ကြသည်။ ပြီးပြည့်စုံသော ညီညာသည့် စစ်ရေးအလေးပြုခြင်းကိုပင် ပြုလုပ်ခဲ့ကြသည်။

ဆူနီစစ်သည်များ အိမ်ပြန်ရောက်တိုင်း သူတို့ကို ကြိုဆိုပြီး အိမ်ပြန်မည့်သူရဲကောင်းများအဖြစ် သဘောထားကြသည်။

ဟန်ရှောင်းသည် သူ့မျက်လုံးများကို စူးစိုက်ကြည့်ကာ ရင်းနှီးနေသည့် မျက်နှာကို တွေ့လိုက်ရသည်။ ထို့နောက် သူက “ဟေး! လာဒန်!”

'အစိမ်းရောင်စစ်သည်တော်' လာဒန်သည် သင်္ဘောပေါ်မှ လူအုပ်ကြားတွင် ပါဝင်ခဲ့ပြီး သူ့နာမည်ခေါ်သံကို ကြားပြီးနောက် လှည့်ကြည့်လိုက်သည်။ အချိန်ယူလိုက်ရသော်လည်း အခြားသူတစ်ဦးသည် သူနှင့်တိုက်ခိုက်ခဲ့ဖူးသူဖြစ်ကြောင်း လာဒန်သတိရသွားသည်။ သူ့ခြေဖဝါးမှ ထွက်လာသော အပြာရောင်မီးတောက်များဖြင့် လေထုထဲတွင် ပျံဝဲပြီး၊ သူက ဟန်ရှောင်းရှေ့သို့ ဆင်းလာကာ သံသယနှင့် မေးလိုက်သည် "မင်း ဘာလို့ ဒီကို ရောက်နေတာလဲ"

"ဘလက်စတား က ငါတို့စုဆောင်းထားတဲ့ ကြေးစားစစ်သားတွေထဲက တစ်ယောက်ပါ။" နဗီးလ်က အလေးပြုပြီး ဟန်ရှောင်းအတွက် အမြန်ပြန်ဖြေသည်။

"ဒါဆို မင်းလည်း ကြေးစားပဲ" လာဒန် ရုတ်တရက် သဘောပေါက်သွားတယ်။

“ဟုတ်တယ်၊ မကြာသေးခင်ကပဲ စာရင်းသွင်းခဲ့တယ်။ မင်းရဲ့လူတွေဟာ အကျပ်အတည်းနဲ့ ရင်ဆိုင်နေရတယ်လို့ ကြားလိုက်တာနဲ့ ငါ မြန်မြန်လာလိုက်တာ။ မင်းနဲ့ အတူတူ တိုက်ပွဲဝင်ရမယ်လို့ မထင်ခဲ့ဘူး" ဟန်ရှောင်းက ဒီအခွင့်အရေးကို ကောင်းကောင်းအသုံးချလိုက်သည်။ “မြို့မှာ သွားလည်ချင်တဲ့ သူငယ်ချင်းရှိတယ်။ မင်းငါ့ကိုကူညီနိုင်မလား။"

“သူက မင်းရဲ့သူငယ်ချင်းဆိုရင် ပြဿနာမရှိဘူး” နဗီးလ်က ဆက်ပြောသည်။

လာဒန်က သူတို့နှစ်ယောက်မှာ တစ်ချိန်က တစ်ယောက်နဲ့တစ်ယောက် ယှဉ်တွဲ၍ တိုက်ခိုက်ခဲ့ဖူးသလို၊ သူသေချာမသိပေမယ့် ဟန်ရှောင်းဟာ လူဆိုးတစ်ယောက်မဟုတ်သလို ခံစားရ၏။ နောက်ပြီး သူက တော်တော်လေး အစွမ်းထက်သည်။ သူ့ကို မျက်နှာသာတစ်ခု ပေးခြင်းက ထိခိုက်မှု မရှိနိုင်ပေ။ ထို့နောက် လာဒန်က ခေါင်းညိတ်ပြီး “ကောင်းပြီ။ ငါ မင်းကို မြို့ထဲလိုက်ပို့ပေးမယ်"

“ကျေးဇူးတင်ပါတယ်။” ဟန်ရှောင်းပြုံးလိုက်သည်။ သူနဲ့ရင်းနှီးတဲ့လူနဲ့တွေ့ရ၍ အဆင်ပြေမှာ သေချာသည်။ စကားတစ်ခွန်းနှင့် ပြဿနာကို ဖြေရှင်းနိုင်ခဲ့၏။ စွန့်စားပြီး ခိုးဝင်ဖို့ သူစိတ်ပူစရာ မလိုတော့ပေ။

…

သူတို့ တစ်ယောက်နဲ့တစ်ယောက် မတွေ့တာကြာပြီဖြစ်သည်၊ လာဒန်၏ ခန္ဓာကိုယ်အစိတ်အပိုင်းများက ပြုပြင်ပြီးသွား၏။ ဟန်ရှောင်းသည် ကမ္ဘာမြေသို့ ပြန်ရောက်ပြီးနောက် မြို့သို့ပြန်လိုသော အခြား ဆူနီစူပါလူသားများအပါအဝင် လာဒန်နှင့်အတူ လုံခြုံရေးစခန်းကို ကျော်ဖြတ်သွားသည်။ ဟန်ရှောင်းနှင့် လာဒန်သည် ဤလူအုပ်စု၏နောက်တွင် လိုက်ပါသွား၏။

ဟူး!

လမ်းဘေးနှစ်ဖက်မှ အော်ဟစ်သံများ ရုတ်တရက် ထွက်ပေါ်လာသည်။ မြို့ရိုးတွင် တန်ဆာဆင်ထားသည့် ဆူနီစူပါလူသားများ၏ ပိုစတာများ ရှိနေပြီး ဆူနီလူမျိုးများသည် ၎င်းတို့၏ သူရဲကောင်းများကို အိမ်သို့ ကြိုဆိုရန် ပြေးထွက်လာကြသည်။

စာစဉ် (၂၃)၊ အခန်း (၃၃၇) ပြီး၏။

လင်းဆက်

+++++