The Rush Strat

_________________________________

[လက်နက် အင်ဂျင်နီယာ] အဆင့် ၁

+၁ ခံနိုင်ရည်၊ +၃ ဉာဏ်ရည်၊ +၁.၅% စက်ယန္တရား ရင်းနှီးကျွမ်းဝင်မှု၊ +၂ အခမဲ့ ပင်ကိုယ်အရည်အသွေး အမှတ်၊ +၁ အလားအလာပွိုင့်

သင် [War-machinery Mastery စစ်သုံး-စက်ပစ္စည်း ပိုင်နိုင်မှု] ကျွမ်းကျင်မှုကို သင်ရရှိခဲ့သည်။

သင် [Quick War-machinery Repairs စစ်သုံး-စက်ပစ္စည်း အမြန်ပြုပြင်မှု] ကျွမ်းကျင်မှုကို သင်ရရှိခဲ့သည်။

_________________________________

လက်နက် အင်ဂျင်နီယာ နှင့် ယန္တရားပညာရှင် အတန်းအစား အကြားတွင် သက်ရောက်မှု ကွင်းဆက်တစ်ခု ရှိသည်။ စကေးများနှင့် အရည်အချင်းများသည် ယန္တရားပညာရှင် အတန်းအစားနှင့် ကိုက်ညီပြီး ဤအတန်းခွဲသည် ပင်မအတန်းအစား၏ ထက်ဝက်နှင့် ညီမျှသည်။ ဤအတန်းခွဲအမျိုးအစားအတွက် အသုံးပြုသည့် အဆင့်များကို ၎င်းတို့၏ အမြင့်ဆုံးဖြစ်နိုင်ချေတန်ဖိုးတွင် အသုံးပြုထားသည်။

အင်ဂျင်နီယာ-အမျိုးအစား အတန်းအစားများသည် ဉာဏ်ရည်အမှတ်ကို အဓိကထားကာ တိုက်ခိုက်ရေးစွမ်းရည်များကို ပေးစွမ်းနိုင်ခြင်း မရှိပေ။ သို့သော်၊ အင်ဂျင်နီယာတစ်ဦးဖြစ်ခြင်းသည် ထပ်တိုးတိုက်ခိုက်ရေး စွမ်းရည်အချို့ရှိခြင်းထက် ပို၍တန်ဖိုးရှိ၏။ အမြောက်လက်နက်ဆိုသည်မှာ တာဝါတိုင်များ၊ သံချပ်ကာ၊ ဒိုင်းများစသည့် စစ်သုံးစက်ပစ္စည်းများကို ဆိုလိုသည်။ ဤအတန်းခွဲများသည် စစ်ယန္တရားပစ္စည်းများကို ဖန်တီးပြီး အသုံးပြုသည့်အခါတွင် နောက်ထပ် ထပ်တိုးလုပ်ဆောင်ချက်များကို ပံ့ပိုးပေးမည်ဖြစ်သည်။

ဟန်ရှောင်းက သူ၏ စုဆောင်းထားသော အအတွေ့အကြုံအမှတ် အများအပြားကို ဆွဲထုတ်ကာ ထိုစကေးနှစ်ခုပေါ်တွင် အကုန်လုံး အသုံးပြုလိုက်သည်။

_____________________

[စစ်သုံး-စက်ပစ္စည်း ပိုင်နိုင်မှု] အဆင့် ၁၀ - စစ်သုံး စက်ပစ္စည်းများကို အသုံးပြုသည့်အခါ ထပ်ပေါင်း ၁၈% တိုက်ခိုက်မှုနှင့် ကာကွယ်ရေး ဘောနပ်စ်ကို ရရှိနိုင်သည်။

[စစ်သုံး-စက်ပစ္စည်း အမြန်ပြုပြင်မှု] အဆင့် ၁၀ - စစ်သုံး စက်ပစ္စည်းများကို ပြုပြင်သည့်အခါ ထိရောက်မှု ၂၄% တိုးလာသည်။ ပြုပြင်ခြင်းလုပ်ငန်းစဉ်အတွင်း တာရှည်ခံမှုကို ၃% မှ ၆% ကျပန်းပြန်လည်ရယူနိုင်သည်။ အခွင့်အလမ်းများသည် ဉာဏ်ရည်အမှတ်ပေါ်တွင် မူတည်သည်။ အများဆုံးဖြစ်ပျက်မှု မရှိပါ။

_____________________

ဤစကေးနှစ်ခုအပေါ် သက်ရောက်မှုများသည် ရိုးရှင်းသော်လည်း ပြင်းထန်လှပြီး လက်ရှိ ဟန်ရှောင်းအတွက် အလွန်အသုံးဝင်နေသည်။ သို့သော်၊ သူသည် အတန်းခွဲကိုရယူလိုခြင်း၏ အဓိကအကြောင်းရင်းမှာ အမြင့်ဆုံးအထိ အဆင့်မြှင့်တင်ပြီးနောက် ဖွင့်လှစ်နိုင်သည့်စွမ်းရည်ဖြစ်သည်။

သူသည် အတန်းခွဲများကို အမြင့်ဆုံးအထိ အဆင့်မြှင့်တင်ရန် အတွေ့အကြုံ အမှတ် သန်း ၉၀ ကို တိုက်ရိုက်အသုံးပြုလိုက်သည်။

_____________________

[လက်နက် အင်ဂျင်နီယာ] အဆင့် ၁၀ (အမြင့်ဆုံးအဆင့်) သို့ ရောက်ရှိပါပြီ။

+၁ ခံနိုင်ရည်၊ +၃ ဉာဏ်ရည်၊ +၁.၅% စက်ယန္တရား ရင်းနှီးကျွမ်းဝင်မှု၊ +၂ အခမဲ့ ပင်ကိုယ်အရည်အသွေး အမှတ်၊ +၁ အလားအလာပွိုင့်

_____________________

နောက်ဆုံးတွင်၊ ဤအတန်းအစားသည် သူ့အား ခံနိုင်ရည်အမှတ် ၁၀၊ ဉာဏ်ရည်ဉာဏ်သွေးအမှတ် ၃၀၊ စက်ယန္တရားရင်းနှီးမှု ၁၅%၊ အခမဲ့ အရည်အချင်းအမှတ် ၂၀ နှင့် အလားအလာပွိုင့် ၁၀မှတ် တို့ကို ပေးလိုက်သည်။ စကေးအဆင့်များကို အမြင့်ဆုံးမြှင့်တင်ပြီးနောက် ဆုများအပါအဝင် နောက်ထပ် အလားအလာပွိုင့်များလည်း ရရှိနိုင်သေးသည်။

လက်ရှိတွင်၊ ဟန်ရှောင်း၏ ဉာဏ်ရည်အမှတ်သည် ၃၉၁မှတ် သို့ ရောက်ရှိလာသည်။ အကယ်၍ သူသည် အခမဲ့ အရည်အချင်းအမှတ်များ အားလုံးကို အသုံးပြုပါက၊ ၎င်းသည် သူ၏အတန်းအစားပြောင်းလဲမှု - ၄၀၀ ၏ လိုအပ်ချက်ကို ကျော်လွန်သွားမည်ဖြစ်သည်။

လက်နက် အင်ဂျင်နီယာသည် အမြင့်ဆုံးမြှင့်တင်ပြီးနောက် Night Stalker ကဲ့သို့ပင်၊ သူသည် စွမ်းရည်အသစ်တစ်ခုကိုလည်း ရရှိခဲ့သည်။

_____________________

သင်သည် ကျွမ်းကျင်မှု [စစ်ဘက်ဆိုင်ရာ ပြုပြင်မွမ်းမံမှု] ကို ရရှိသည်။

သင်သည် [စစ်ဘက်ဆိုင်ရာ စက်ယန္တရားများ ဉာဏ်အလင်းပေးခြင်း] စွမ်းရည်ကို ရရှိသည်။

[စစ်ဘက်ဆိုင်ရာ ပြုပြင်မွမ်းမံမှု] အဆင့် ၁၀ - စစ်စက်ပစ္စည်းများကို ဖန်တီးခြင်း သို့မဟုတ် ပြုပြင်မွမ်းမံသည့်အခါ၊ စက်ကိရိယာများ၏ အခြေအနေသည် ၈% မှ ၁၄% တိုးလာသည်။ (မှတ်ချက်- buff ထပ်တိုးလုပ်ဆောင်ချက်သည် မူရင်းအခြေအနေပေါ်တွင် အခြေခံထားပြီး အခြား buff ထပ်တိုးလုပ်ဆောင်ချက်များမှ အခြေအနေများ မပါဝင်ပါ။)

_____________________

၎င်းသည် စက်ယန္တရားအတွက် နောက်ထပ် ပါဝါမြှင့်တင်ပေးခြင်းနှင့် အတူတူပင်ဖြစ်သည်။ ဟန်ရှောင်းက ခေါင်းညိတ်လိုက်ပြီး သူတန်ဖိုးအထားဆုံး အခြားစွမ်းရည်ကို ကြည့်လိုက်သည်။

_____________________

[စစ်ဘက်ဆိုင်ရာ စက်ယန္တရားများ ဉာဏ်အလင်းပေးခြင်း]- သင်သည် ဉာဏ်အလင်းရရှိပြီးဖြစ်သည်။ စစ်သုံး စက်ပစ္စည်းအသစ်များ တည်ဆောက်သည့်အချိန်တွင် ထုတ်လုပ်မှုလိုင်းအသစ်တစ်ခု တည်ဆောက်သည့်အခါ အောင်မြင်မှုနှုန်း +၃၀%၊ ထုတ်လုပ်မှုလိုင်း၏ +၁၀% အရည်အသွေး၊ -၁၈% အရင်းအမြစ်ကုန်ကျစရိတ်နှင့် ထုတ်လုပ်မှုအမြန်နှုန်း +၂၀% ရရှိနိုင်သည်။

_____________________

ကုန်ထုတ်စွမ်းအားသည် ဤအတန်းခွဲ၏ အနှစ်သာရဖြစ်သည်။

ယန္တရားပညာရှင်တစ်ဦးသည် သူတို့၏ ဖွံ့ဖြိုးတိုးတက်မှုတွင် အဆင့်များစွာရှိပြီး ၎င်းတို့တစ်ခုစီကို တိကျသောစံနှုန်းများဖြင့် ညွှန်ပြထားသည်။ ၎င်းတို့ထဲမှ တစ်ခုမှာ တိုက်ပွဲဝင်နေစဉ် လျင်မြန်စွာ တည်ဆောက်ခြင်းဖြစ်ပြီး ယန္တရားပညာရှင်သည် ဗားရှင်း ၃.၀ တွင် အားကောင်းလာရသည့် အကြောင်းရင်းတစ်ခုဖြစ်သည်။ ထုတ်လုပ်ရေးလိုင်းအတွက်မူ၊ ၎င်းသည် နောက်ပိုင်းအဆင့်များ၏ အမှတ်အသားဖြစ်သည်။ အစုလိုက်အပြုံလိုက် ထုတ်လုပ်မှုသည် ပေါက်ကွဲစေတတ်သော၊ အရက်စက်ဆုံးနှင့် အကုန်အကျဆုံး နည်းဗျူဟာကို တီထွင်ရန် အရေးကြီးသော ခြေလှမ်းဖြစ်ပြီး Rush Strat ဟုခေါ်သည်။

သာမာန်ယန္တရားပညာရှင်များအတွက်၊ ၎င်းတို့သည် အကောင်းဆုံးပစ္စည်းများဖြင့် ပြုလုပ်ထားသော အကောင်းဆုံးလက်နက်များကို အသုံးပြုမည်ဖြစ်သည်။ အစုလိုက်အပြုံလိုက် ထုတ်လုပ်မှုအတွက်မူ၊ ဖန်တီးထားသော စက်ပစ္စည်းများသည် အရည်အသွေးနိမ့်၏။ အရည်အသွေး ကွာခြားချက်သည် ပုံမှန်ယန္တရားပညာရှင်များနှင့် အစုလိုက်အပြုံလိုက် ထုတ်လုပ်မှုကို အသုံးပြုသည့် ယန္တရားပညာရှင်များကြားတွင် များပြားလာသော်လည်း ဒုတိယအမျိုးအစားက မရေမတွက်နိုင်သော စက်ယန္တရားများကို စုစည်းကာ ရန်သူကို အရေအတွက်များဖြင့် ဖိနှိပ်နိုင်သည်။

ယန္တရားပညာရှင်နှင့် မှော်ဆရာတို့သည် နောက်ပိုင်းအဆင့်တွင် အားကောင်းသည့် အတန်းအစားနှစ်ခုဖြစ်သည်။ ယန္တရားပညာရှင်မှ Rush Strat နှင့် Summon Rush Strat တို့သည် တစ်ဦးချင်းတိုက်ပွဲမှ ဖုတ်ကောင်အလုံးအရင်းကြားတွင် ရှင်သန်အောင် တိုက်ခိုက်ရသည့် အခြေအနေသို့ ပြောင်းလဲပစ်နိုင်သည်။ ကစားသမားအနည်းငယ်သာ ဤတိုက်ပွဲပုံစံနှစ်ခုကို အနိုင်ယူနိုင်သောကြောင့် ဂိမ်းအတွေ့အကြုံကို ပျက်ပြားသွားစေနိုင်သည်။

ဤနည်းဗျူဟာနှစ်ခုသည် သန်မာသော်လည်း ကုန်ကျစရိတ်မှာ မြင့်မားလွန်းလှ၏။ စစ်တပ်တစ်ခုတည်းကိုပင် တည်ဆောက်ခြင်း၏ ကုန်ကျစရိတ်သည် ကစားသမားများအတွက် ထိခိုက်နစ်နာစေသည်။ ထို့အပြင်၊ ဂိမ်း၏ နောက်ပိုင်းအဆင့်များတွင် ကစားသမားအားလုံးသည်စစ်တပ်တစ်ခုကို တိုက်ခိုက်ရန် စွမ်းရည်ရှိကြသည်။ ထို့ကြောင့် Rush Strat သည် ပြိုင်ဘက်ကို လွှမ်းမိုးနိုင်သော်လည်း၊ ၎င်းတို့၏စစ်တပ်တွင် လျစ်လျူမရှုနိုင်သော ကုန်ကျစရိတ်များလည်း ရှိနေ၏။ အကယ်၍ ပြိုင်ပွဲပွဲစဉ်များတွင် ပါ၀င်ယှဥ်ပြိုင်ပါက တစ်ပွဲပြီးတစ်ပွဲ စစ်တပ်၏ တိုက်ခိုက်ရေးစွမ်းရည်မှာလည်း ကျဆင်းသွားမည်ဖြစ်ပြီး ဆယ်ပွဲ သို့မဟုတ် နှစ်ဆယ်ကျော်ပြီးနောက် ကစားသမားသည် သူပိုင်ဆိုင်သမျှအားလုံးကို အသုံးပြုပြီး ဖြစ်သွားမည်ဖြစ်သည်။

နှစ်ယောက်လုံး Rust Strat ကိုသုံးလျှင် အရာအားလုံးက ရိုးရိုးရှင်းရှင်းပင်။ နှစ်ဖက်တပ်များအကြား အသင်းလိုက် တိုက်ပွဲတစ်ခုရှိလာပြီး နှစ်ဖက်စလုံးသည် တစ်ပွဲတည်းတွင် အင်အားအားလုံး ဆုံးရှုံးသွားမည်ဖြစ်သည်။

ထို့ကြောင့် ယခင်ကမ္ဘာတွင် Rush Strat ကို ဒဏ္ဍာရီတစ်ခုအဖြစ် ရှုမြင်ခဲ့သည်။ ထိုကဲ့သို့ ကစားသမားမျိုးကို မတွေ့ခဲ့ရဖူးပေ။ ထို့ကြောင့် မည်သူမဆို ထိုသို့သောကစားသမားဖြစ်ခဲ့ပါက၊ အနေအထားသည် အချိန်မရွေး ပြောင်းလဲသွားနိုင်သောကြောင့် ထိုအခိုက်အတန့်ကို တန်ဖိုးထားမည်ဖြစ်သည်။

ဟန်ရှောင်းက အခြေအနေကို လေ့လာသုံးသပ်လိုက်သည်။ ကစားသမားများမှာ အားနည်းတဲ့ အဆင့်တွင် ရှိနေသေးသောကြောင့် သူတို့ကို အလွယ်တကူ ဖြေရှင်းနိုင်သည်။ သို့သော်၊ ကစားသမားများသည် နောက်ပိုင်းအဆင့်တွင် ပို၍ကြမ်းလာနိုင်မည်ဖြစ်ပြီး မတူညီသောစွမ်းအားများလည်း ပေါ်ပေါက်လာမည်ဖြစ်သည်။ ထို့ကြောင့် ဟန်ရှောင်းသည် စွန့်စားလိုခြင်းမရှိဘဲ Rush Strat သည် သိသာထင်ရှားသောရွေးချယ်မှုဖြစ်သည်။

ဘာ၊ Rush Strat က အကုန်အကျများတယ်၊ ဟုတ်လား‽

ယန္တရားပညာရှင်ကြီးဟန်၏ အမြင်တွင် ငွေသည် ပြဿနာမဟုတ်ပေ။

အထူးသဖြင့် သူသည် ကုန်ကျစရိတ်ကို လျှော့ချနိုင်စွမ်းရှိသောကြောင့် ဟန်ရှောင်းသည် အနာဂတ်တွင် ကုန်ကျစရိတ်နှင့် ငွေကြေးအတွက် စိုးရိမ်စရာ ရှိမနေပေ။

ဟန်ရှောင်းသည် သူ၏ဖွံ့ဖြိုးတိုးတက်မှုအတွက် ရေရှည်အစီအစဉ်တစ်ခုရှိသည်။ ထုတ်လုပ်ရေးလိုင်းများ ဖန်တီးရန် အသိပညာကို မသင်ယူခဲ့သော်လည်း အရေးကြီးသော စွမ်းရည်အားလုံးကို ရရှိခဲ့သည်။

အဆင့် ၈၀ သည် အခြားအတန်းအစား ပြောင်းလဲမှုအတွက် အမှတ်အသားဖြစ်ပြီး အတန်းအစား တိုးတက်မှု မစ်ရှင်သည် အတွေ့အကြုံ သန်း ၆၀ လိုအပ်သည်။ ဟန်ရှောင်းက သက်ပြင်းတစ်ချက်ချလိုက်သည်၊ ဒါက သူ့အတွက် အသေးအဖွဲလေးပင်။

ဗားရှင်း ၂.၀ တွင်၊ အမြင့်ဆုံးအဆင့်မှာ ၉၀ ဖြစ်သော်လည်း လက်ရှိဗားရှင်းတွင်မူ အဆင့် ၆၀ ဖြစ်သည်။ ဗားရှင်း ၁.၀ ရှိ ကစားသမားများသည် အတန်းအစား တိုးတက်ရေး မစ်ရှင်များအကြောင်း ဘာမှမသိကြသေးပေ။ ၎င်းတို့သည် အတားအဆီးကို မချိုးဖျက်နိုင်သောကြောင့် ကစားသမားများသည် အဆင့် ၆၀နှင့် အဆင့် ၈၀ တွင် အတန်းအစား တိုးတက်မှု မစ်ရှင်နှစ်ခုကို တွေ့ကြုံရမည်ဖြစ်သည်။ အဆင့် ၆၀တွင် အတန်းအစား တိုးတက်မှုသည် ကြီးမားသော်လည်း အဆင့် ၈၀ ရှိသူအတွက်မူ ပုံမှန်သာဖြစ်သည်။

'ထိုအသေးအဖွဲလေး' သည် ယန္တရားပညာရှင်ကြီးဟန်၏ စံနှုန်းသာဖြစ်သည်။ ကစားသမားများသည် အတွေ့အကြုံအမှတ် သန်း ၆၀ စုဆောင်းရန် အချိန်များစွာ သုံးစွဲရလိမ့်မည်။ ဟန်ရှောင်းသည် အဆင့် ၇၀ မှ အဆင့် ၈၀ သို့ရောက်ရှိရန် အတွေ့အကြုံအမှတ် သန်း ၉၀ ကို အသုံးပြုခဲ့ပြီး၊ ကစားသမားများသည် ၎င်းတို့၏ အိတ်ကပ်ထဲတွင် ဘာမှ မရှိသောကြောင့် အဆင့်အလိုက် အံကြိတ်၍သာ တက်လှမ်းရပေလိမ့်မည်။

ထို့အပြင် အတွေ့အကြုံအမှတ်ကို ပေးဆောင်ပြီးနောက် အတန်းအစား တိုးတက်မှုသည် မည်သည့်အရာကိုမျှ ပြန်မပေးသောကြောင့် ကစားသမားများအားလုံးမှာ နုတ်ထွက်ချင်ကြ၏။

ဟန်ရှောင်းက စိတ်ထဲ အလွန်ကောင်းနေပြီး သူ့ဖာသာသူ တွေးနေသည်။ အတန်းအစား တိုးတက်မှု အသိပညာ နှစ်ခုပဲ လိုတော့တယ်။ ဒီမစ်ရှင်ကနေ ငွေအလုံအလောက်ရနိုင်ရင် အိမ်ပြန်၊ အခြေချနေထိုင်၊ ဇနီးကောင်းရှာ၊ ကလေးမွေးသင့်တယ်…။ ဒါကြီးက ငြီးငွေ့စရာကြီး။ ကောင်းပြီ၊ အတန်းအစားပြောင်းပြီး ပင်မအတန်းသစ်ကို ရနိုင်တာပဲ။

ဘားမှထွက်ပြီးနောက် ဟန်ရှောင်းနှင့် လာဒန်တို့သည် သစ်တောမြို့တွင် လှည့်လည်သွားနေကြသည်။

ကောင်းကင်မှာ ကြယ်များနှင့် ပြည့်နေပြီး ကြယ်များဆီမှ နူးညံ့သော အလင်းရောင်များသည် သူတို့၏ ပခုံးပေါ်သို့ ကျဆင်းနေသည်။ ဤကမ္ဘာဂြိုဟ်သည် အန္တရာယ်များသောနေရာဖြစ်သော်လည်း ခမ်းနားသောမြင်ကွင်းများလည်း ရှိနေ၏။

စိမ်းလန်းသော တောင်တန်းများနှင့် သစ်တောများသည် အဝေးတွင် ဝိုးတဝါးမြင်နေရသည်၊ လေတိုက်သွားချိန်တွင် သစ်ရွက်သံများက ပဲ့တင်ထပ်ကာ ညကောင်းကင်တွင် ရစ်ဝဲနေသော နဂါးငွေ့တန်းက တောက်ပလာသည်။ ဆူနီသည် ၎င်းတို့၏ ပတ်ဝန်းကျင်အသစ်အတွက် ဤဂြိုဟ်ကို အဘယ်ကြောင့် ရွေးချယ်ရကြောင်း ဟန်ရှောင်းက သိနိုင်သည်။

ဟန်ရှောင်းသည် ခေါင်းယမ်းကာ ကိုးကားချက်တစ်ခုကို ပြန်အမှတ်ရသွားသည်။ အန္တရာယ်အရှိဆုံးအရာများသည် အလှဆုံးအသွင်အပြင်ရှိတတ်သည်။

"မင်းဘယ်သွားမလို့လဲ?" လာဒန်က မေးသည်။

"လမ်းလျှောက်ရုံပဲ။"

"ဒါဆို ဒီက​နေ ထွက်​ပြီး စခန်း​ကို သွားလိုက်​ကြရ​အောင်​။"

"မင်းဒီမှာ ဘာမှလုပ်စရာမရှိဘူးလား" ဟန်ရှောင်းက မေးသည်။ "အိမ်ပြန်တာမျိုးပေါ့"

လာဒန်က ခေါင်းယမ်းသည်။ "ငါ့မှာ မိသားစုမရှိဘူး"

ဟန်ရှောင်းက သူ့မေးစေ့ကို ပွတ်လိုက်ပြီး "မင်းမှာ ဘာမစ်ရှင်ရှိလဲ"

"ရှေ့တန်းတိုက်ပွဲ"

“ဒါက အန္တရာယ်အရှိဆုံးအလုပ်ပဲ။ မင်းတို့ စူပါလူသားတွေက သွေး၊ ချွေးနဲ့ မျက်ရည်တွေက ရခဲ့တဲ့ ငွေတွေကို မျိုးနွယ်စုအတွက် ပေးထားပြီးပြီ၊ ဒါတောင် မင်းတို့က ဒီလိုအန္တရာယ်ရှိတဲ့မစ်ရှင်ကို ဆက်လုပ်ကြဦးမယ်။ မင်းတို့ကို သူရဲကောင်းတွေအဖြစ် ရှုမြင်ခံရတာ အံ့ဩစရာမရှိပါဘူး။”

လာဒန်၏ မျက်လုံးများတွင် ရှုပ်ထွေးနေသော စိတ်ခံစားချက်များကို ပေါ်ပေါက်လာသည်။ သူက ပါးစပ်ကို ဖွင့်လိုက်သော်လည်း သူ့ကိုယ်သူ ရပ်တန့်ကာ ခေါင်းခါလိုက်သည်။

ဟန်ရှောင်းက သူ့မျက်လုံးထဲတွင် အားလုံးကို မြင်လိုက်ရသည်။ သူလိုချင်သည့် အချက်အလက် ရရှိသွား၍ ဝမ်းသာသွားသည်။

ငါထင်တာမမှားပါဘူး။ ဆူနီရဲ့ ဇာတ်လမ်းဇာတ်ကြောင်းက ရှိပြီးသားပဲ...

ကြေးစားအလုပ်သည် ဤခရီးစဉ်အတွက် အဓိကပန်းတိုင်မဟုတ်ပေ။ ဟန်ရှောင်းတွင် နောက်ထပ်ပန်းတိုင်တစ်ခု ရှိနေသည်။

စာစဉ် (၂၃)၊ အခန်း (၃၃၉) ပြီး၏။

လင်းဆက်

+++++