ကြီးမားသောကြွယ်ဝမှု

သူမ၏တုံ့ပြန်မှုအပေါ် ထန်ရှုက ပြုံးကာ ပြန်ပြော၏ “သူမရဲ့အစေခံမဖြစ်ချင်ဘူးဆိုတာ သေချာလား။ သေချာစဉ်းစားနော်။ ဒါက မင်းရဲ့တစ်ခုတည်းသောအခွင့်အရေးပဲ”

ကျင့်ရှန်းအာက အလှလေးအား ခဏလေ့လာလိုက်သည်။ အရှေ့ရှိ ကျက်သရေရှိလှသောအမျိုးသမီးက သူမအား အမှန်တကယ် ဆွဲဆောင်ခဲ့သော်လည်း သူမက တစ်စုံတစ်ယောက်၏ကျွန်ဖြစ်ရန် ဆန္ဒမရှိပေ။ သူမက ခေါင်းခါယမ်းကာ ပြောလိုက်၏ “ငါ့ရဲ့ကိုယ်ပိုင်လမ်းကြောင်းကို ငါပဲ ရွေးချယ်မယ်။ ငါက ဆရာတစ်ယောက်ထံမှာ ပိုသန်မာဖို့ သင်ယူချင်တယ်၊ ဒါကြောင့် တစ်စုံတစ်ယောက်ရဲ့အစေခံမဖြစ်ချင်ဘူး”

“ဟူး”ထန်ရှုက ခေါင်းခါယမ်းလိုက်သည် “ဒါက သနားစရာပဲ။ သူမက အန္တိမအရှင်တစ်ယောက်ဖြစ်တယ်၊ ဒါပေမယ့် မင်းက သူမရဲ့အစေခံမဖြစ်ချင်ဘူး။ ကောင်းပြီလေ၊ ဒါဆို မင်းက စေဘယ်မိစ္ဆာကင်းမြီးကောက်လက်အောက်မှာ ကျင့်ကြံနိုင်တယ်။ မင်းလိုချင်တာကို ရရှိပြီး စွမ်းအားရှင်တစ်ယောက်ဖြစ်လာဖို့ ငါ မျှော်လင့်ပါတယ်”

“ဘာပြောတာ”ကျန့်ရှန်းအာ၏အမူအရာက အကြီးအကျယ် ပြောင်းလဲသွားပြီး မယုံကြည်နိုင်မှုက သူမမျက်လုံးများထဲ၌ ပြည့်နှက်သွားလေ၏။

သူမက အန္တိမအရှင်တစ်ယောက်လား။ ဒါက ဘယ်လိုလုပ်ဖြစ်နိုင်မှာလဲ။ အင်မော်တယ်ကမ္ဘာမှာ အန္တိမအရှင်အနည်းငယ်သာ ရှိပါတယ်၊ ဘယ်လိုလုပ်ပြီး ငါက အလွယ်တကူ တွေ့နိုင်ရမှာလဲ။

စေဘယ်မိစ္ဆာကင်းမြီးကောက်ကလည်း နောင်တရလျက် သက်ပြင်းချလိုက်သည် “အရှင်ပြောတာ မှန်တယ်၊ ရှန်းအာ။ အုပ်ချုပ်သူအလှလေးက သူမရဲ့နာမည်ဟောင်းကို အသုံးပြုနေသေးတယ်ဆိုပေမယ့် တကယ်တော့ သူမက အန္တိမအရှင်တစ်ယောက်ပဲ။ အင်မော်တယ်ကမ္ဘာတစ်ခုလုံးမှာ အန္တိမအရှင်လက်အောက်မှာ ခစားချင်တဲ့လူတွေ မရေမတွက်များစွာရှိတယ်။ ရွှေအင်မော်တယ်တွေနဲ့ပြီးပြည့်စုံခြင်းရွှေအင်မော်တယ်တွေကတောင် သူတို့လက်အောက်မှာ ခစားချင်ကြတယ်။ ဒါက ကောင်းကင်ကပေးတဲ့အခွင့်အရေးတစ်ခုပဲ၊ ဒါပေမယ့် မင်းက ဒါကို လွဲချော်ခဲ့တာပဲ။ ကြည့်ရတာ မင်းက ငါ့ဘေးနားမှာပဲ ကျင့်ကြံဖို့ ကံကြမ္မာက သတ်မှတ်ထားပုံပဲ”

သူမက အန္တိမအရှင်တစ်ယောက်လား။

အဆုံးမရှိသောနောင်တတို့က ကျင့်ရှန်းအာ၏နှလုံးသားထဲ၌ ပြည့်နှက်သွားတော့၏။ သူမ၏ဘဝတွင် ဒီလိုတုံးအသောအလုပ်တစ်ခုကို လုပ်လိမ့်မည်ဟု ဘယ်တော့မှ မထင်ထားခဲ့ပေ။ ပြီးပြည့်စုံခြင်းရွှေအင်မော်တယ်အချို့ပင် အန္တိမအရှင်တစ်ယောက်အား ခစားချင်သည်ကို သိရမည်။

ဒါပေမယ့် ဘာလို့ ငါလို အသေးအဖွဲ့ကောင်းကင်အင်မော်တယ်တစ်ယောက်က အန္တိမအရှင်တစ်ယောက်ကို ငြင်းပယ်ခဲ့ရတာလဲ။

သူမက ငိုချင်သည်၊ သို့သော် မျက်ရည်များက မကျလာပေ။

အလှလေးက ကျင့်ရှန်းအာကို တစ်ချက်ကြည့်လိုက်ပြီးနောက် ဤအသေးအဖွဲ့ကိစ္စအား ထပ်ဂရုမစိုက်တော့ပေ။ ကျင့်ရှန်းအာတွင် မှင်တက်စရာကောင်းသာရုပ်ရည်ရှိသည်၊ အင်မော်တယ်ကမ္ဘာတစ်ခုလုံးတွင် ဒီလိုအလှပိုင်ရှင်က အနည်းငယ်သာ ရှိ၏။ သို့သော် ကျင့်ရှန်းအာနှင့်ထန်ရှုကြား၌ တစ်ခုခုဖြစ်ပျက်မည်နှင့် ပတ်သက်၍ သူမက မစိုးရိမ်ပေ။ ပထမ၊ ဘာပဲဖြစ်ဖြစ် သူမက ဂရုစိုက်မည်မဟုတ်ပေ၊ ဒုတိယကတော့ ထန်ရှု၏စရိုက်ကို သူမက သိသည်။ ဤအမျိုးသမီးက တိုင်းပြည်တစ်ခုကို ဖျက်ဆီးနိုင်သည့်အလှရှိလျှင်ပင် ထန်ရှုက သူမအား လုံးဝလှုပ်ရှားလိမ့်မည်မဟုတ်ပေ။

အချိန်က တရွေ့ရွေ့ ကုန်ဆုံးလာသည်။

ထန်ရှုနှင့်အလှလေးတို့က အင်မော်တယ်လိုင်ဇီယန်သို့ ပြန်ရောက်လာပြီး မြူနွေဉီးပင်လယ်မှ ကီလိုမီတာတစ်သောင်းလောက်သာ လိုတော့သည်။ ထို့နောက် တောအုပ်တစ်ခုထဲတွင် စစ်သားတစ်ဖွဲ့က တစ်စုံတစ်ခုအား ရှာဖွေနေသည်ကို သူတို့က တွေ့လိုက်၏။ သူတို့ကို ကြည့်ရသည်မှာ ရန်သူတစ်ယောက်အား ရှာဖွေနေသည်နှင့် တူသည်။

“တစ်ချက်ကြည့်ရတာပေါ့”

ထန်ရှု၏အမူအရာက ပြောင်းလဲသွားလျက် သူတို့ထံ ချက်ချင်း ပျံသန်းလိုက်၏။ သူ့ပုံရိပ်က သူတို့အရှေ့၌ ထွက်ပေါ်လာပြီး ထိုအဖွဲ့က သူ့အား သတိထားလျက် ကြည့်လိုက်ကြသည်။ ထို့နောက် ထန်ရှုက ချက်ချင်းပြော၏ “ငါပါ…ဒီနေရာမှာ ဘာဖြစ်နေတာလဲ”

“နှုတ်ဆက်ပါတယ်၊ အရှင်”

တပ်ဖွဲ့ခေါင်းဆောင်က စစ်သားအားလုံးကို ဉီးဆောင်လျက် ဒူးထောက်ပြီးနောက် ထန်ရှုထံ တင်ပြလိုက်သည် “အရှင်၊ ငါတို့မဟာထန်အင်ပါယာရဲ့စစ်တပ်က မြူနွေဉီးပင်လယ်ထဲမှာ ရှိပြီး လက်ရှိမှာ ဉီးတည်ဘက်လေးခုဆီ ပိုင်နက်တွေ ချဲ့ထွင်နေတယ်။ လက်ရှိမှာ အင်မော်တယ်လိုင်ဇီယန်ပိုင်နက်ထဲက လူအချို့နဲ့ ငါတို့တွေ ပွတ်တိုက်မှုအချို့ရှိလာတယ်။ ငါတို့က သူတို့ကို ရှာဖွေဖမ်းဆီးထားတယ်။ ဒါပေမယ့် လွန်ခဲ့တဲ့ရက်အနည်းငယ်က အင်မော်တယ်လိုင်ဇီယန်က တစ်စုံတစ်ယောက်ဉီးဆောင်တဲ့ အဖွဲ့တစ်ဖွဲ့ရဲ့ခုခံမှုနဲ့ ရင်ဆိုင်တွေ့ခဲ့တယ်။ ဒါပေမယ့် တစ်ဖက်က အင်မော်တယ်လိုင်ဇီယန်က မဟုတ်ဘဲ အခြားအဖွဲ့တစ်ခုရဲ့သူလျှိုတစ်ယောက်လို့ ငါတို့ရဲ့ကွန်မန်ဒါက သံသယရှိတယ်”

ထန်ရှုက မျက်ခုံးပင့်တင်လျက် မေး၏ “ဒီအဖွဲ့မှာ လူဘယ်လောက်ရှိလဲ၊ ပြီးတော့ သူတို့ခေါင်းဆောင်ရဲ့ကျင့်ကြံခြင်းအဆင့်က ဘာလဲ”

“ဒီအဖွဲ့မှာ လူနှစ်ဆယ့်လေးယောက်ရှိပြီး ခေါင်းဆောင်က ကောင်းကင်အင်မော်တယ်တစ်ယောက်ပဲ”

ထန်ရှုက စေဘယ်မိစ္ဆာကင်းမြီးကောက်ဘက်သို့ လှည့်ကာ အမိန့်ပေးလိုက်သည် “ဒီနေရာမှာ နေပြီး ဒီကိစ္စကို ဖြေရှင်းလိုက်ပါ။ မှတ်ထားပါ၊ တစ်ဖက်က အညံ့ခံဖို့ ငြင်းပယ်တယ်ဆိုရင် သူတို့ကို နှင်ထုတ်လိုက်ပါ၊ မသတ်နဲ့”

“နားလည်ပါပြီ၊ အရှင်”စေဘယ်မိစ္ဆာကင်းမြီးကောက်က ရိုသေလေးစားစွာ ခေါင်းညိတ်လိုက်သည်။

ထို့နောက် ထန်ရှုနှင့်အလှလေးတို့က အဝေးသို့ ပျံသန်းသွားပြီး စေဘယ်မိစ္ဆာကင်းမြီးကောက်နှင့်ကျန့်ရှင်းအာတို့သာ ကျန်လေသည်။ အလင်းစီးတောင်ပံ၏အကူအညီနှင့်အတူ သူတို့၏ပျံသန်းခြင်းအရှိန်က ကောင်းကင်ဆန့်ကျင်လှ၏။ မြူနွေဉီးကျွန်းသို့ ရောက်ရှိရန် ဆယ့်ငါးမိနစ်သာ ကြာသည်။

အသင်္ချေရွှေရွက်လှေ။

ပြန်ရောက်လာပြီးနောက် ထန်ရှုက အသင်္ချေရွှေရွက်လှေကို တောင်ထိပ်တစ်ခုပေါ်၌ ထားလိုက်သည်။ သူက ဤနေရာကို မဟာထန်အင်ပါယာ၏စည်းဝေးခန်းမနှင့် သူ့နန်းတော်အဖြစ် အသုံးပြုရန် စီစဉ်ထား၏။

ပထမအထပ်တွင်။

ယာယီထားထားသောနဂါးပလ္လင်ပေါ်တွင် ထိုင်ပြီး ထန်ရှုက မဟာထန်အင်ပါယာ၏အဆင့်မြင့်အရာရှိတစ်နီးပါးအား တစ်ချက်ကြည့်လိုက်သည်။ ထို့နောက် သူက ကျေနပ်စွာဖြင့် စတင်ပြော၏ “ဒီခရီးက အတော်လေးရခဲ့တယ်၊ ဒါကြောင့် ပထမဆုံးကြေညာမှာကတော့ ဒီနေ့ကစပြီး မဟာထန်အင်ပါယာရဲ့အဖွဲ့ဝင်တွေအားလုံးက သူတို့ရဲ့ယခင်စရိတ်ရဲ့နှစ်ဆကို လက်ခံရရှိလိမ့်မယ်”

“ကျေးဇူးတင်ပါတယ်၊ အရှင်”

ရှိနေသူတိုင်းက ပြုံးလိုက်ကြသည်။ သူတို့အများစုက ကမ္ဘာမြေမှာကတည်းက ထန်ရှုနောက်သို့ လိုက်ပါခဲ့ကြ၏။ ကျင့်ကြံခြင်းအရင်းအမြစ်များပိုရှိခြင်းက သူတို့၏ကျင့်ကြံခြင်းအား သက်ရောက်လိမ့်မည်ကို သူတို့က ကောင်းကောင်းသိ၏။ အရင်းအမြစ်များပိုရလေ၊ သူတို့၏ကျင့်ကြံခြင်းအရှိန်က ပိုတိုးလာလေဖြစ်သည်။

အခြားတစ်ဖက်တွင် အထွတ်အထိပ်အုပ်ချုပ်သူ၊ ပင်လယ်လမ်းဘုရင်၊ ကောင်းကင်ကျောက်ပုံနှိပ်သည်၊ မီးလျှံနတ်ဆိုးဖီးနစ်၊ ရွှေမျက်လုံးမဟာဖန်း၊ လုပက်ရူပ၊ ငရဲပင်လယ်ဝေလငါးဘုရင်၊ အထွတ်အထိပ်မူ၊ အထွတ်အထိပ်အသင်္ချေမှတ်စု၊ အထွတ်အထိပ်ပျံဝဲပိုက်၊ အထွတ်အထိပ်အင်မော်တယ်လက်ကိုးချောင်းနှင့်မာယာရှင်ယုတို့ကဲ့သို့သောပြီးပြည့်စုံခြင်းရွှေအင်မော်တယ်အားလုံးက အံ့အားသင့်သွားကြသည်။ လက်ရှိမဟာထန်အင်ပါယာက အလွန်အားမကောင်းသေးသော်လည်း လူအမြောက်အများရှိသည်။ နှစ်စဉ်လိုအပ်သောအရင်းအမြစ်ပမာဏက ကိန်းဂဏန်းကြီးမားလှ၏။

ထို့ပြင် ပြီးပြည့်စုံခြင်းရွှေအင်မော်တယ်အဆင့်စွမ်းအားရှင်များအနေနှင့် သူတို့က ကျင့်ကြံခြင်းအရင်းအမြစ်များစွာ လက်ခံရရှိခဲ့သည်။ သူတို့၏ခွဲတမ်းနှစ်ဆက သုံးစွဲမှုကို ကောင်းကင်ထိတိုင် မြင့်တက်သွားစေလိမ့်မည်။

“ဆရာအဘိုး”ကူးရှောက်ရွှယ်က စိုးရိမ်သောအမူအရာနှင့် ခေါ်လိုက်သည်။

“မင်းရဲ့စိုးရိမ်မှုကို ငါ နားလည်တယ်၊ ရွှယ်အာ”ထန်ရှုက လက်ဝှေ့ယမ်းကာ ပြော၏ “ဒါပေမယ့် လျှို့ဝှက်နန်းတော်ကနေ အင်မော်တယ်အသုံးအဆောင်ပစ္စည်းတွေ၊ အင်မော်တယ်သလင်းကျောက်တွေနဲ့ သလင်းကျောက်အဆီအနှစ်တွေအမြောက်အများ ရလာခဲ့တယ်။ ငါတို့ရခဲ့တဲ့အရင်းအမြစ်တွေက မဟာထန်အင်ပါယာရဲ့ယခင်ကြွယ်ဝမှုတစ်ခုလုံးထက် အများကြီးပိုတယ်၊ ဒါကြောင့် ဒါနဲ့ ပတ်သက်ပြီး မင်း စိုးရိမ်စရာမလိုဘူး။ ပြီးတော့ အင်မော်တယ်ကမ္ဘာက အရမ်းကြီးပြီး အရင်းအမြစ်တွေရဲ့အရေအတွက်က မရေမတွက်နိုင်အောင် ရှိတယ်။ ငါတို့ရဲ့ကြွယ်ဝမှုတွေအားလုံးကုန်သွားရင်တောင် အခြားနေရာတွေကနေ ပြန်ရနိုင်ပါတယ်”

ထိုသို့ပြောပြီးနောက် သူက သိုလှောင်လက်စွပ်တစ်ကွင်းကို ယူကာ ကူးရှောက်ရွှယ်ထံ ပစ်ပေးလိုက်သည်။ “မဟာထန်အင်ပါယာရဲ့ဘဏ္ဍာရေးဝန်ကြီးအနေနဲ့ တိုင်းပြည်ရဲ့အရင်းအမြစ်တွေအားလုံးကို စီမံခန့်ခွဲဖို့ မင်းမှာ တာဝန်ရှိတယ်၊ ဒါကြောင့် အရင်းအမြစ်ခွဲတမ်းကို ဂရုစိုက်ပါ”

ထို့နောက် သူက သက်ပြင်းတစ်ချက်ရှိုက်ကာ ဆက်ပြော၏ “မဟာထန်အင်ပါယာက အတွင်းဌာနကို ဖွဲ့စည်းဖို့ ငါ ကြေညာတယ်။ အထွတ်အထိပ်မူက အတွင်းဝန်ကြီးအဖြစ် ထမ်းဆောင်ပြီး ထန်နင်နဲ့ချန်ရွှယ်မေတို့က သူ့ရဲ့လက်ထောက်အဖြစ် တာဝန်ယူရမယ်။ မင်းတို့သုံးယောက် ဌာနအဖွဲ့ဝင်တွေကို ရွေးချယ်ဖို့ တာဝန်ရှိတယ်။ ဒါ့အပြင် ဆုပေးဒစ်ပေးစနစ်တစ်ခုကို တည်ဆောက်ဖို့ ကျန်တဲ့ဌာနတွေနဲ့ ဆွေးနွေးရလိမ့်မယ်”

“ဒါ့အပြင်…”

အမိန့်အားလုံးကို ကြေညာပြီးနောက် လူတိုင်းကို သွားခွင့်ပြုလိုက်ပြီး ထန်ရှုက သူ့မိဘများနေထိုင်ရာဖြစ်သည့်ပန်းအစပင်လယ်သို့ ဉီးတည်လိုက်၏။

လှပသောစံအိမ်က ပန်းပင်လယ်ထဲတွင် တည်ရှိသည်။ အဆောက်အဉီးက သာမန်အဆောက်အအုံတစ်ခုမဟုတ်ဘဲ ကူးယန်အာမှ သန့်စင်ထားသော အသုံးအဆောင်ပစ္စည်းတစ်ခုဖြစ်၏။

ဤအချိန်တွင် စုလင်းယွင်က ယောက္ခမဖြစ်သူကျန်းရှစ်နှင့် စကားပြောနေပြီး ကူးယင်က အနီးနားရှိ ပန်းခြုံတစ်ခုဘေးနားတွင် တင်ပျဉ်ခွေထိုင်လျက် ကျင့်ကြံနေသည်။ ထန်ရှုက ရောက်ရှိသွားသောအခါ ခင်ဖျော့ဖျော့အရှိန်အဝါတစ်ခုက သူမအနားတွင် လိမ့်တက်လာပြီး သူမက ကပ်ဘေးဖြတ်ကျော်ခြင်းအဆင့်သို့ ရောက်ရှိနေသည်ကို သိလိုက်၏။

ဟူး၊ အချိန်တွေ ဘယ်လောက်တောင် ကြာပြီလဲ။ ကူးယင်က အဲတုန်းက သေးသေးလေးပဲ ရှိတယ်၊ အခု သူမက အရွယ်ရောက်လာပြီပဲ။

ထန်ရှုက ကူးယန်၏လှပသောမျက်နှာကို တစ်ချက်ကြည့်ပြီးနောက် စိတ်ထဲ၌ သက်ပြင်းချလိုက်သည်။ ထို့နောက် သူက စုလင်းယွင်နှင့်ကျန်းရှစ်ထို့ထံ လျှောက်သွားကာ နှုတ်ဆက်လိုက်၏ “ဟေး၊ အမေနဲ့အဖွားတို့၊ အလုပ်များနေကြတာလား”

“အို၊ ရှုအာ…”

ထန်ရှုကို မြင်ပြီး ကျန်းရှစ်နှင့်စုလင်းယွင်တို့က အလွန်ဝမ်းသာသွားသည်။ အင်မော်တယ်ကမ္ဘာသို့ ထန်ရှုနောက်မှ လိုက်လာပြီးကတည်းက ထန်ရှုက မကြာခဏ အပြင်ထွက်သွားလေ့ရှိသည်။ သူ၏နောက်ဆုံးခရီးက ပိုတောင်ကြာသည်၊ ထို့ကြောင့် သူတို့နှစ်ယောက်က သူ့အား အလွန်သတိရနေကြသည်။

“ဆရာ”

ထန်ရှု၏အသံကို ကြားသောအခါ ကူးယင်က ကျင့်ကြံခြင်းကို ချက်ချင်း ရပ်ကာ ပြေးလာ၏။

ထန်ရှုက ပြုံးပြပြီး သူမပခုံးကို ပုတ်လိုက်သည်။ ထို့နောက် သူက ပြုံးလျက် ပြော၏ “အချိန်တွေ ဘယ်လောက်တောင် ကြာပြီလဲ။ ယင်လေးက မိန်းမပျိုတစ်ယောက်တောင် ဖြစ်လာပြီပဲ။ လာပါ၊ ဆရာက မင်းကို ရတနာတစ်ခုပေးမယ်…”

“ငါ့အတွက် ရတနာတစ်ခုလား။ ဘာများလဲ၊ ဆရာသခင်”ကူးယင်၏မျက်လုံးများက လင်းလက်သွားလျက် သိချင်စိတ်ဖြင့် မေးလိုက်၏။

ထန်ရှုက ငါးရောင်ခြယ်ပုလဲတစ်လုံးကို ထုတ်ကာ သူမထံ ကမ်းပေးလိုက်၏ “ဒါကို ဝါးမျိုပြီး ဖြည်းဖြည်းချင်း သန့်စင်ပါ။ ဒါက မြင့်မြတ်နဂါးရဲ့ငါးရောင်ခြယ်နဂါးပုလဲပဲ၊ ဒါက မင်းရဲ့ကျင့်ကြံခြင်းကို အကြီးအကျယ်ကူညီပေးလိမ့်မယ်”

“ဝိုး၊ ဒါက အရမ်းလှတာပဲ”ကူးယင်က အံ့ဩဝမ်းသာဖြစ်လျက် ပုလဲနှင့် ကစားနေလိုက်၏။

ထန်ရှုက သူမအား ပြုံးပြလိုက်၏။ သူက ငါးရောင်ခြယ်နဂါးပုလဲဆယ့်နှစ်လုံးကို ရရှိခဲ့သည်။ ကြယ်မျက်ရည်ထံ တစ်လုံး ပေးခဲ့ပြီး ယခု ကူးယင်အား တစ်လုံးပေးလိုက်သောကြောင့် သူ့ထံတွင် ဆယ်လုံးသာ ကျန်၏။ ထို့နောက် သူက နှစ်လုံးကို ယူထုတ်ပြီး သူ့အမေနှင့်အဖွားတို့၏ခန္ဓာကိုယ်ထဲသို့ ထည့်သွင်းပေးလိုက်သည်။ ထို့နောက် သူက ပြုံးလျက် ပြောလိုက်၏ “အမေနဲ့အဖွား၊ အမေတို့နှစ်ယောက်လုံးက ကျင့်ကြံတာ နောက်ကျလွန်းတယ်၊ ဒါကြောင့် အမေတို့ရဲ့ကျင့်ကြံခြင်းတွေက အားနည်းလွန်းတယ်။ ငါးရောင်ခြယ်နဂါးပုလဲက အမေတို့ရဲ့ရုပ်ပိုင်းဆိုင်ရာကို ပြောင်းလဲပေးပြီး ကျင့်ကြံခြင်းကို မြန်ဆန်စေလိမ့်မယ်။ ဒါကြောင့် အမေတို့နှစ်ယောက်က ကောင်းကောင်းကျင့်ကြံရမယ်။ အမေတို့နှစ်ယောက်လုံး အင်မော်တယ်အဆင့်ကို ချိုးဖြတ်တာကို ငါ စောင့်မျှော်နေမယ်”

စုလင်းယွင်က အနည်းငယ်ပြုံးပြကာ ပြောလိုက်သည် “ရှုအာ၊ အင်မော်တယ်တွေဖြစ်ဖို့ ငါတို့က မစိုးရိမ်ဘူး။ ငါတို့တွေ ဘာကို အစိုးရိမ်ဆုံးလဲဆိုတာ မင်း သိပါတယ်။ နှစ်ပေါင်းများစွာတောင် ကြာပြီနော်၊ ဘယ်အချိန်ကျမှ မင်းက …”

ထန်ရှုက ကမန်းကတန်း လက်ဝှေ့ယမ်းပြလျက် ပြုံးလိုက်သည် “အာ၊ ဒါနဲ့ ပတ်သက်ပြီး မလောပါနဲ့၊ အမေ။ ငါ့ကို အချိန်အနည်းငယ်လောက် ပေးပါအုံး။ နောက်ကျရင် အမေက မြေးတွေအများကြီး ချီရဖို့ ကျွန်တော် အာမခံတယ်”

“ဟင့်၊ ကောင်စုတ်လေး”စုလင်းယွင်က မကျေမနပ်ဖြစ်လျက် ပြော၏ “မင်းနဲ့ ပတ်သက်ပြီး ငါတို့က ဘယ်လိုလုပ် မစိုးရိမ်ရမှာလဲ။ ငါ…အာ…”

ထန်ရှုက မှင်တက်သွားသည်။ အမေက ဘယ်လိုလုပ် နေမကောင်းဖြစ်ရမှာလဲ။ သူမက ကျင့််ကြံခြင်းလမ်းကြောင်းကို ဝင်ရောက်ခဲ့ပြီး အခုဆိုရင် ရွှေအမြုတေအဆင့်တောင် ရှိနေပြီပဲ။ ဒါက ဘယ်လိုလုပ် ဖြစ်နိုင်မှာလဲ။