နောက်ဆုံးရယ်မောပါ (၂)

ဆိုရိုးစကားအတိုင်း  ပိုးမွှားသည် ပုစဉ်းရင်ကွဲကို ချောင်းလိုက်ကာ နောက်ကွယ်ရှိ ငှက်ကို သတိမထားမိချေ။

တောင်ထိပ်ရှိလူများသည် ပုစဉ်းရင်ကွဲကို ဖမ်းနေမည်မှာ သေချာသည်။

ငှက်နဲ့ ပတ်သက်ပြီးတော့…

မြောင်ယိုသည် သူမဘေးတွင် ငြိမ်သက်စွာထိုင်နေသော လင်းရှန်ကို တစ်ချက်ကြည့်

လိုက်သည်။ သူမသည် ရောထွေးနေသော ခံစားချက်များနှင့် ပြည့်နေသည်။

ငယ်ရွယ်စဉ်တွင် သူသည် အံ့ဩလောက်အောင် အစွမ်းထက်ရုံသာမက အလွန်လိမ္မာပါးနပ်သူလည်းဖြစ်သည်။

ထိုသို့သောလူသည် အနာဂတ်တွင် ထိတ်လန့်စရာကောင်းသော အောင်မြင်မှုများ ရရှိလိမ့်မည်။

မြောင်ယိုသည် စိတ်ဝိညာဉ်စာချုပ်ကို အတင်းအကြပ် လက်မှတ်ရေးထိုးခိုင်းခြင်းအပေါ် မကျေမနပ် မဖြစ်တော့ပေ။

အံ့အားသင့်ဖွယ် အလားအလာရှိသော လူငယ်ကျင့်ကြံသူနှင့် ဝိညာဉ်စာချုပ်ကို ချုပ်ဆိုခြင်းသည် လက်မခံနိုင်ဖွယ်မရှိပေ။

လင်းရှန်သည်  မြောင်ယိုဘာတွေတွေးနေမှန်းမသိပေ။ အဝေးက တိုက်ပွဲကိုသာ သူ့အကြည့်တွေက စိုက်ကြည့်နေသည်။

ဟန်ချက်ပျက်သွားသည်မှာ စက္ကန့်နှစ်ဆယ်မှ သုံးဆယ်သာကြာသော်လည်း လူဆယ်ဦးနီးပါး သေဆုံးသွားခဲ့ပြီဖြစ်သည်။

ခြွင်းချက်မရှိတာက သူတို့အားလုံးသည် ဂိုဏ်းငယ်များ နှင့် ပျံကျကျင့်ကြံသူများ ဖြစ်ကြသည် ။

ကျန်ဂိုဏ်းငယ်မှ တပည့်များနှင့် ပျံကျကျင့်ကြံသူများသည် သူတို့၏  ဝိညာဉ်လွင့်မတတ် ကြောက်လန့်သွားကြသည်။ သူတို့သည် ထိတ်လန့်တကြားဖြင့် စစ်မြေပြင်မှ ထွက်သွားကြပြီး နောက်တစ်ကြိမ် ထပ်မပါဝင်ရဲတော့ပေ။

သို့သော် သူတို့ မထွက်ခွါခဲ့ချေ။ အဲဒီအစား သူတို့ဟာ တိုက်ပွဲကို အဝေးကနေ ကြည့်နေသည်။  သူတို့မှာ မျှော်လင့်ချက်တချို့ ကျန်နေသေးတာ ထင်ရှားသည်။

ယခုအချိန်တွင် အလောင်းကောင်ဂိုဏ်း၊ သွေးပင်လယ်ဂိုဏ်း၊ ပျံသန်းခြင်းတိမ်တိုက်ဂိုဏ်း၊ရန်ရှန်းပင်း၊ ကွမ်ကျိုးနဲ့ ရီစုဖန်ကတော့ ရွှေလှောင်အိမ်အတွက် တိုက်ပွဲဝင်နေကြဆဲဖြစ်သည်။

သူတို့ ဆယ့်နှစ်ယောက်သည် အပြန်ပြန်အလှန်လှန် တိုက်ခိုက်ကြပြီး တစ်ခါတစ်ရံ အချင်းချင်း တိုက်ခိုက်ကြကာ တစ်ခါတစ်ရံ တူညီသော ရန်သူနှင့် ရင်ဆိုင်ရန် အင်အားစုများ ပူးပေါင်းကြသည်။

အချိန်ကြာလာသည်နှင့်အမျှ  အလောင်းကောင်ဂိုဏ်းတပည့်များသည် တဖြည်းဖြည်း စိတ်မရှည်ဖြစ်လာသည်။ သူတို့ သုံးယောက်က တစ်ယောက်ကို တစ်ယောက် ကြည့်ကာ သဘောတူညီမှု ရသွားပုံ ရသည်။ ခေါင်းဆောင်သည် ရုတ်တရက် အရိုးကျောက်ပြားကို ထုတ်ကာ လေထဲသို့ ပစ်ချလိုက်သည်။

ချက်ချင်းဆိုသလိုပင် ဆူညံသံများ ဆက်တိုက်ထွက်ပေါ်လာသည်။ အရိုးကျောက်ပြားမှ အနက်ရောင် မြူခိုးများ အများအပြား ထွက်လာပြီး လျှင်မြန်စွာ ပျံ့နှံ့သွားသည်။

နောက်အခိုက်အတန့်တွင် ထွားကျိုင်းသော အသွင်အပြင်သည် အနက်ရောင် မြူခိုးများကို ဖြတ်ကျော်ကာ ပြေးထွက်လာခဲ့သည်။

ထိုအရာက အလောင်းကောင် ရုပ်သေးဖြစ်သည်။ သို့သော်လည်း ယခင်က ကြေးရုပ်အလောင်းထက် ပိုမိုအားကောင်းလာရုံသာမက ၎င်း၏ ကြေးရောင်အလောင်းသည်လည်း ငွေရောင် တောက်ပနေခဲ့သည်။သေချာတာက ၎င်းသည် ငွေရုပ်အလောင်းဖြစ်လာလုနီးပါးဖြစ်နေသည်။

ထွားကျိုင်းသော ရုပ်သေးရုပ် ပေါ်လာသည်နှင့် အလွန်ပြင်းထန်သော အရောင်အဝါတစ်ခု ရုတ်တရက် ဆင်းသက်လာပြီး တောင်ထိပ်တစ်ခုလုံးကို ဖုံးလွှမ်းသွားသည်။

ထိုနေရာတွင်ရှိနေသူတိုင်း၏ ရင်ဘတ်ထဲတွင် တင်းကျပ်မှုကို ခံစားလိုက်ရသည်။ သူတို့သည် ရွှံ့ဗွက်အိုင်ကြီးထဲသို့ ကျသွားသလို ခံစားလိုက်ရပြီး သူတို့၏ လှုပ်ရှားမှုများသည် ခဏတာ နှေးကွေးသွားကြသည်။

ဤအခိုက်အတန့်ကို အခွင့်ကောင်းယူပြီး၊ ထွားကျိုင်းသော ရုပ်သေးရုပ်သည် ယုန်ကို အမဲလိုက်နေသည့် ကျားတစ်ကောင်ကဲ့သို့ ပြေးထွက်သွားသည်။ မျက်စိတစ်မှိတ်အတွင်းမှာပဲ ပျံသန်းခြင်းတိမ်တိုက်ဂိုဏ်း၏ တပည့်

တစ်ယောက် ရှေ့ကိုရောက်လာပြီး သူ့ကို တိုက်ခိုက်တော့သည်။ 

ဘုန်း

လက်သီးနဲ့ မထိုးခင်မှာ မိုးခြိမ်းသံတစ်ခုထွက်လာသည်။

ထိုလက်သီး၏အစွမ်းကို ခံစားလိုက်ရတော့ ပျံသန်းခြင်းတိမ်တိုက်၏တပည့်က ဖျော့တော့သွားပေမယ့် သူ့ကိုယ်သူ ထိန်းပြီး ဓားနဲ့ ထိုးဖို့ကလွဲလို့ ရွေးချယ်စရာ မရှိတော့ပေ။

သို့သော်လည်း လက်သီးနှင့် ဓားတို့ ထိပ်တိုက်တွေ့သည့်အခိုက်တွင် ကြီးမားသော အလောင်းကောင်၏ လက်သီးချက်များမှ အနက်ရောင်ဓာတ်ငွေ့များ ရုတ်တရက် ထွက်ပေါ်လာသည်။ ၎င်း၏လက်တစ်ခုလုံးသည် နှစ်ဆပိုထူလာပြီး အားပြင်းသောစွမ်းအားတစ်ခုက ဓားဖျားကို ဥက္ကာခဲကဲ့သို့ ထိမှန်သွားသည်။

ချက်​ချင်းပင်​ ​အော်​ဟစ်​သံ​ပေါ်လာသည်​။ သာလွန်အဆင့်  မှော်လက်နက်တစ်ခု၏ အရည်အသွေးသို့ ရောက်ရှိခဲ့သည့် အဆောင်ဓားသည် လိမ်ပြီး ကွဲအက်သွားခဲ့သည်။

အနက်ရောင်ဓာတ်ငွေ့များဖြင့် ဝန်းရံထားသော လက်သီးသည် ရှေ့သို့ဆက်သွားကာ ပျံသန်းခြင်းတိမ်တိုက်၏ တပည့်အား ထိမှန်သွားသည်။

ဘုန်း

ပျံသန်းခြင်းတိမ်တိုက်ဂိုဏ်း၏ တပည့်သည် ကြိုးပြတ်နေသော စွန်တစ်ကောင်ကဲ့သို့ အဝေးသို့ လွင့်သွားခဲ့သည်။ သူသည် လေထဲ၌ ညည်းတွားနေပြီး သူ၏ ပါးစပ်ထောင့်တွင် သွေးကွက်များ ရှိနေသည်။

အကယ်၍ ဓားနှင့် ၀တ်ရုံသည် စွမ်းအားအများစုကို မတားဆီးနိုင်ခဲ့ပါက ထိုလက်သီးသည် သူ့အား အပြီးသတ်သွားပေလိမ့်မည်။

ဒါကိုမြင်တော့ ပရိသတ်အားလုံး အံ့အားသင့်သွားကြသည်။

ပျံသန်းခြင်းဂိုဏ်း၏ တပည့်တွေထက် သူတို့၏ခွန်အားနဲ့ ကျင့်ကြံမှု အဆင့်က ပိုကောင်းမှာ မဟုတ်ဘူးဆိုတာ သူတို့ သိသည်။

ထိုတပည့်သည် တစ်ချက်တည်းနဲ့ ဒဏ်ရာရပြီး လွင့်ပျံသွားလေသည်။ အကယ်၍ ၎င်းတို့သည် ဤအလောင်းကောင်ရုပ်သေးကို ရင်ဆိုင်ရပါက ပျံသန်းခြင်းတိမ်တိုက်၏တပည့်နှင့် အတူတူပင် ဖြစ်နိုင်သည်။

"ဒီရုပ်အလောင်းက ငွေရောင်အလောင်း အဆင့်ကို မရောက်သေးတာတောင် ဒီလောက်ဖြစ်နေပြီ”

ရန်ရှန်းပင်း၏ မျက်လုံးများက မှိတ်တုတ်မှိတ်တုတ်ပင်။ ကွမ်ကျိုးနဲ့ ရီစုဖန်ကို မျက်လုံးထောင့်ကနေ လှမ်းကြည့်လိုက်တော့ သူတို့လည်း စိတ်မသက်မသာ ဖြစ်နေတာကို တွေ့လိုက်ရသည်။

သူတို့နှင့် အနည်းငယ်ဝေးသောကြောင့် သူတို့သုံးယောက်ကို ထွားကျိုင်းသော ရုပ်သေးရုပ်က ချက်ချင်း ပစ်မှတ်မထားသေးတာပင်။

ပျံသန်းခြင်းတိမ်တိုက်တပည့်ကို ဒဏ်ရာရစေပြီးနောက် အလောင်းကောင် ရုပ်သေးသည် လှည့်ကြည့်ကာ အခြား ပျံသန်းခြင်းတိမ်တိုက် တပည့်နှစ်ယောက်ကို တိုက်ခိုက်သည်။

လက်သီးနှစ်ချက်ထိုးရုံဖြင့် ပျံသန်းခြင်းတိမ်တိုက်တပည့်နှစ်ယောက်သည် သူတို့အဖော်၏ခြေရာအတိုင်းလိုက်ကာ  လွင့်သွားပြီး သွေးအန်ကုန်ကြသည်။

ရပ်တန့်မနေသည့် ထွားကျိုင်းသောရုပ်သေးရုပ်က လှည့်ပတ်ပြီး သွေးပင်လယ်

ဂိုဏ်း၏ တပည့်သုံးယောက်ကို တိုက်ခိုက်လိုက်သည်။

သူတို့ သုံးယောက်ကမြင်လိုက်တာနဲ့ အမူအရာတွေပြောင်းသွားသည်။ တိုက်ခိုက်မှုကို တားဆီးရန် သူတို့၏သွေးဝိညာဉ်များကို အမြန်ထိန်းချုပ်လိုက်ကြသည်။

သို့သော် တောက်ပသောဝင်ပေါက် သတ္တမသို့မဟုတ် အဋ္ဌမအဆင့် ကျင့်ကြံသူနှင့် ယှဉနိုင်သော သွေးဝိညာဉ်သည် ပုရွက်ဆိတ်များကို ကြိတ်သကဲ့သို့ သွေးများ အလွယ်တကူ ချေမှုန်းနိုင်သည့် ရုပ်သေးရှေ့တွင် ကလေးတစ်ယောက်လို ဖြစ်နေသည်။

မကြာခင်မှာပဲ သွေးပင်လယ်ဂိုဏ်း၏ တပည့်သုံးယောက်လည်း ဒဏ်ရာရပြီး လွင့်သွားကြသည်။

လူခြောက်ယောက်ကို ဆက်တိုက် တိုက်ခိုက်ပြီးနောက် ထွားကျိုင်းသော ရုပ်သေးရုပ်သည် ယခင်ကဲ့သို့ ပြင်းထန်ဆဲဖြစ်သည်။ ထို့နောက် ရန်ရှန်းပင်း၊ ကွမ်ကျိုးနှင့် ရီစုဖန်တို့ကို ရုတ်တရက် လှည့်ကြည့်လိုက်သည်။

သူတို့ သုံးယောက်၏ နှလုံးသားတွေ ခုန်ပေါက်သွားသလို ခံစားလိုက်ရပြီး မသိစိတ်က ခြေတစ်လှမ်း ပြန်ဆုတ်သွားသည်။ သူတို့ လွတ်မြောက်ရမည်ကို တုံ့ဆိုင်းနေသလိုပင် ထွားကြိုင်းသော ရုပ်သေးရုပ်၏ ခန္ဓာကိုယ်သည် ပြင်းထန်စွာ တုန်လှုပ်

နေသည်ကို တွေ့လိုက်ရသည်။  ရုတ်တရက် ကောင်းကင်တွင် ပြည့်လျှံနေသော အနက်

ရောင် ဓာတ်ငွေ့များ ပြန့်ကျဲသွားပြီး ၎င်းသည် အလောင်းဂိုဏ်း၏ တပည့်လက်သို့ ပြန်လည် ပျံသန်းသွားသော အရိုးကျောက်ပြားအဖြစ် ပြောင်းလဲသွားသည်။

အလောင်းကောင်ဂိုဏ်းတပည့်၏ မူလမျက်နှာသည် ဖြူဖျော့လာပြီး သူသည် သိသိသာသာ အားအင်ကုန်ခန်းသွားသည်ကို မြင်တွေ့ရသည်။

သေချာတာက ထွားကျိုင်းသော ရုပ်သေးရုပ်ကို ထိန်းချုပ်ခြင်းသည် သူ၏ ခွန်အားအများစုကို ကုန်ဆုံးစေခဲ့သည်မှာ ထင်ရှားသည်။

ဒါကိုမြင်တော့ ရန်ရှန်းပင်းနဲ့ တခြားနှစ်

ယောက်က အရမ်းပျော်သွားသည်။ သူတို့သည် တစ်ယောက်ကို တစ်ယောက် ကြည့်ကာ အလောင်းကောင်ဂိုဏ်း၏ တပည့်သုံးယောက်ဆီသို့ တပြိုင်နက် ပြေးသွားကြသည်။

ယခုအခါတွင် ပျံသန်းခြင်းတိမ်တိုက်ဂိုဏ်းနှင့် သွေးပင်လယ်ဂိုဏ်းမှ တပည့်များသည် ဒဏ်ရာ ပြင်းထန်စွာ ရရှိနေပြီး  အလောင်းကောင်ဂိုဏ်းတပည့်များထဲမှ တစ်ဦးမှာ စွမ်းအင် အလွန်အကျွံ ကုန်ဆုံးသွားသဖြင့် ပြိုင်ဘက် နှစ်ဦးသာ ကျန်ရှိတော့သည် ။ အနှစ်တစ်ထောင်သက်တမ်းရှိ မှော်အဆီအနှစ်သစ်သားဝိညာဉ်ကို လုယူရန် ၎င်းတို့အတွက် အခွင့်ကောင်းတစ်ခုဖြစ်သည်။

ရန်ရှန်းပင်း၊ ကွမ်ကျိုးနှင့် ရီစုဖန်တို့အားလုံးသည် ပျံကျကျင့်ကြံသူများဖြစ်သည်။ ခင်မင်ရင်းနှီးမှု မရှိကြသော်လည်း တစ်ဦးနှင့်တစ်ဦး အလွန်ရင်းနှီးနေကြဆဲဖြစ်သည်။

သူတို့သုံးယောက်က ဆက်သွယ်ဖို့ မလိုချေ။  သူတို့သည် အကြည့်များဖြင့် တိတ်တဆိတ် နားလည်မှုတစ်ခုကို ရသွားကြသည်။

သူတို့သည် ဤအလောင်းကောင်ဂိုဏ်း၏ တပည့်နှစ်ယောက်ကို ဦးစွာသတ်ပြီး အနှစ်တစ်ထောင်ရှိသော မှော်အဆီအနှစ်သစ်သားဝိညာဉ်ကို လုယူမည်ဖြစ်သည်။

စစ်ပွဲလက်ကျန်တွေကို ဘယ်လိုခွဲရမလဲဆိုတာကိုတော့ နောက်မှ ဆွေးနွေးနိုင်သည်။