မပြောပလောက်သည့် အသံ

ရှစ်လင်းကျစ်က မျက်လုံးဖွင့်လိုက်သည့်အခါ ၆စီးမြောက် သွေးနီရောင်ဝေါယာဉ်ကလည်း ရပ်တန့်သွားခဲ့သည်။ ဝေါယာဉ်ကို သယ်ဆောင်ထားသည့် လူလေးယောက်ကလည်း  ဝမ်ပေါင်လဲ့အား ဗလာကျင်းသည့် အကြည့်များဖြင့် ကြည့်လာခဲ့သည်။

ဝမ်ပေါင်လဲ့က လှုပ်ရှားခြင်း မရှိပေ။ သူ့အကြည့်များက ရှစ်လင်းကျစ်နှင့် တွေ့ဆုံသွားသည့်အခါ သူ့စိတ်ထဲ သတိထားမှုများဖြင့် ပြည့်နှက်သွားသည်။

သူက ရှစ်လင်းကျစ်၏ ထင်းယွိစည်းမျဉ်းဥပဒေသသည် လေးကြိုးမျဉ်းဂိုဏ်းတစ်ခုလုံး၌ အံ့ဩလောက်ဖွယ် အနေအထားသို့ ရောက်ရှိနေကြောင်း ကောင်းကောင်းသိထားလေ၏။ မည်သူကမှ သူ့ပြိုင်ဘက် မဖြစ်နိုင်ပေ။ ယွဲ့လင်းကျစ်ကသာ သူနှင့် ယှဉ်နိုင်သည့်သူ တစ်ဦးတည်းသောသူ ဖြစ်၏။

အကယ်၍ အာသီသမြို့အရ နှိုင်းယှဉ်ပြောရမည်ဆိုလျှင် ရှစ်လင်းကျစ်က အစားကြူးနတ်ဘုရားအဆင့်တွင် ရှိနေသည်။

ဝမ်ပေါင်လဲ့၏ အာသီသစည်းမျဉ်းဥပဒေသက အားကောင်းသော်လည်း သူ တိုက်ခိုက်သည်နှင့် တစ်ဖက်သူကို ချက်ချင်းမသတ်နိုင်လျှင် သူ့ဇစ်မြစ် ပေါက်ကြားသွားမည်ကို သိထားလေ၏။

သူက သွင်ပြင်နှင့် အဝတ်အစားများကို ပြောင်းလဲထားသော်လည်း ထင်းယွိစည်းမျဉ်းဥပဒေသ ကမ္ဘာထဲ ဝင်ရောက်ခဲ့သည့် သဲလွန်စက သူ့အတွက် ပြဿနာတချို့ဖြစ်လာစေနိုင်သည်။ သူက သာမန်ကျင့်ကြံသူ မဟုတ်ဘဲ ထင်းယွိစည်းမျဉ်းဥပဒေသ ကျွမ်းကျင်ပညာရှင်နှင့် တိုက်ခိုက်ရမည် ဖြစ်၏။

ပို၍အရေးကြီးသည်က မိုးသောက်ယံ ချဉ်းကပ်လာပြီဖြစ်ကာ အချိန်အားဖြင့် ဝမ်ပေါင်လဲ့အနေဖြင့် တစ်ဖက်သူကို ချက်ချင်းသတ်နိုင်ဖို့ အခက်အခဲတွေ့စေသည်။

ထို့ကြောင့် ထိုထိပ်တိုက်ရင်ဆိုင်မှုက ဝမ်ပေါင်လဲ့၏ မျှော်လင့်ချက်ကို ကျော်လွန်နေရုံသာမကဘဲ သူ့ကို တိုက်ခိုက်ဖို့ရာ ရည်ရွယ်ချက် မရှိအောင်လည်း ဖြစ်စေသည်။ ထို့ကြောင့် ရှစ်လင်းကျစ်၏ အကြည့်နှင့် တွေ့ဆုံသည့်အခါ ဝမ်ပေါင်လဲ့က နောက်ဆုတ်ဖို့ရာ ရွေးချယ်လိုက်၏။

သူက တတ်နိုင်မည်ဆိုပါက ဤတစ်ကြိမ် မတိုက်ခိုက်လိုပေ။

သို့သော်လည်း ဝမ်ပေါင်လဲ့ နောက်ဆုတ်လိုက်သည်နှင့် သွေးနီရောင်ဝေါယာဉ်ပေါ်တွင် ရှိနေသည့် ရှစ်လင်းကျစ်က ပြောလာခဲ့သည်။

“သွေးနီရောင်ဝေါယာဉ်အတွက် လုံလုံလောက်လောက် သွေးမရှိတာနဲ့ အတော်ပဲ။ မင်းက ဒီနေရာအထိ လိုက်လာတယ်ဆိုတော့ငါ့ကို သွေးတွေ ပေးလိုက်လေ။ အဲဒါဆိုရင် ငါလည်း သက်သာသွားမှာပဲ”

ရှစ်လင်းကျစ်က ဝမ်ပေါင်လဲ့အား သေလူသဖွယ် ကြည့်လိုက်သည်။

သူ့အတွက် သူ့ရှေ့တွင်ရှိနေသည့် လူ၏ ဇစ်မြစ်က အရေးမကြီးပေ။ သူတို့က မည်သည့်ဂိုဏ်းမှ ဖြစ်စေကာမူ သွေးနီရောင်ဝေါယာဉ်၏ အစီအရင်ကို ထိန်းသိမ်းနေရသည့် သူနှင့် တွေ့ဆုံသည်နှင့် သူတို့က ဝေးဝေးသွားလျှင် အဆင်ပြေမည်ဖြစ်သော်လည်း သူတို့က နောက်မှ လိုက်ပါလာပါက သူတို့၏ ရည်ရွယ်ချက်က မည်သို့ပင်ဖြစ်စေကာမူ သူ့တွင် သူတို့အား သတ်ပိုင်ခွင့်ရှိပေသည်။

ဤသည်က ထင်းယွိမြို့၏ ဂိုဏ်းကြီးသုံးဂိုဏ်းမှ ကျင့်ကြံသူအားလုံး ချမှတ်ထားသည့် စည်းမျဉ်း ဖြစ်၏။

သွေးနီရောင်ဝေါယာဉ်က ပျော်ရွှင်မှုမြို့သခင်ကို ဖိနှိပ်ထားမှန်း သိလေသည်။ တကယ်တော့ ဂိုဏ်းကြီးသုံးဂိုဏ်း၏ တာအိုကလေးငယ် ၆ယောက်လုံးက ထိုအကြောင်းကို သိထားကြ၏။ သူတို့က ထင်းယွိမြို့သခင်သည် ပျော်ရွှင်မှုမြို့သခင်ကို ဖိနှိပ်ဖို့ရာအတွက် သွေးနီရောင်ဝေါယာဉ်များကို ကိုယ်တိုင်ဖန်တီးထားကြောင်း သိကြသည်။ ထိုမန္တန်အစီအရင်ကို ထိန်းသိမ်းမှုအတွက်မူ ဂိုဏ်းကြီးသုံးဂိုဏ်း၏ တာအိုကလေးငယ်များက အလှည့်ကျ တာဝန်ယူရ၏။

အကယ်၍ သူတို့က ပျော်ရွှင်မှုမြို့သခင်ကို အချိန်အတော်ကြာ ဖိနှိပ်ထားလိုပါက အလှည့်ကျစစ်ဆေးပြီး ပုံမှန်အားဖြည့်ပေးရသည်။ သူတို့က သွေးနီရောင်ဝေါယာဉ်များအပေါ် သွေးများ ဖြန်းဖို့ လိုအပ်ပြီး သွေးနီရောင်ဝေါယာဉ်က အနီရောင်တောက်တောက် ဖြစ်နေရမည်။

ဤတစ်ကြိမ် သူ့အလှည့် ဖြစ်၏။ မူလက သူသည် အဆင့်တက်လှမ်းကာနီးပါးဖြစ်နေသည့်အတွက် သူ့ကိုယ်ပိုင်သွေးကို မစတေးလိုပေ။ ထိုအခိုက်အတန့်၌ သူ့နောက်တွင် လိုက်ပါလာသည့်သူတစ်ယောက်ကို မြင်လိုက်ရ၏။ သူက ထိုသူကို အလွယ်တကူ လွှတ်ပေးမည် မဟုတ်ပေ။

ထို့ကြောင့် သူ့ပါးစပ်မှ ထိုစကားများ ထွက်ပေါ်လာသည်နှင့် လက်ကိုဝှေ့ကာ ဂီတသံစဉ်ကို ထုတ်လွှတ်လိုက်သည်။ ထိုသံစဉ်က သတ်ဖြတ်ငွေ့ဖြင့် ပြည့်နှက်နေလေ၏။ ထိုအရာ ပျံ့လွင့်လာသည်နှင့် ညကိုပင် ပုံပျက်ယွင်းသွားစေသည်။ လှိုင်းတွန့်များက နေရာအနှံ့ ပျံ့နှံ့သွားပြီး မိုးမြေကပင် သက်ရောက်ခံလိုက်ရပြီး ပြောင်းလဲခံလိုက်ရဟန်ပေါ်သည်။

လေးကြိုးမျဉ်းဂိုဏ်း၏ ဂီတသံစဉ်တွင် စာသားများ ပါရှိ၏။ သို့သော်လည်း ရှစ်လင်းကျစ်၏ အဆင့်တွင် သူ့စကားများက စာသားများနှင့် တူညီသည်။ သူ့အသံပဲ့တင်ထွက်လာသည်နှင့် သံစဉ်နှင့်အတူ ပြီးပြည့်စုံစွာ ပေါင်းစည်းသွားပြီး ပဲ့တင်သံများစွာ ထွက်ပေါ်လာသည်။ ထိုအရာများက ဝမ်ပေါင်လဲ့ဆီ တိုးဝင်လာသည့် လေမုန်တိုင်းသဖွယ် ဖြစ်၏။

ထိုအရာ နီးကပ်လာသည့်အခါ လေမုန်တိုင်းက ဓားများ ရှိနေဟန်ပေါ်သည်။ ထိုဓားက ဓားရှည်နှင့် တူညီ၏။

တေးဂီတအတွက်မူ ထိုအရာက ဓား၏ အော်သံလိုမျိုး ဖြစ်နေသည်။ ထိုအရာက သတ်ဖြတ်ငွေ့ဖြင့် ပြည့်နှက်နေပြီး ဓား၏ ပြင်းထန်သည့် ကြွေးကြော်သံများပင် ပါဝင်နေသည်။

“ဒီသီချင်းကို ဓားကြွေးကြော်သံလို့ ခေါ်တယ်”

ဓားရှည် ထွက်ပေါ်လာသည်နှင့် ဝမ်ပေါင်လဲ့၏ အမူအရာက အလေးအနက်အဖြစ် ပြောင်းလဲသွားသည်။ ထိုအရာနှင့် ယှဉ်လိုက်ပါက ဟိန်ချင်းဂိုဏ်းမှ ကျင့်ကြံသူ၏ သံစဉ်က ပိုးစုန်းကြူးနှင့် တူ၏။ သို့သော်လည်း ရှစ်လင်းကျစ်၏ သံစဉ်က ပြီးပြည့်စုံရုံသာမကဘဲ သူ့ကိုယ်ပိုင်သံစဉ်များ ပါရှိသည်။

သတ်ဖြတ်ငွေ့တို့ ထွက်ပေါ်လာသည့်အခါ လေမုန်တိုင်းက ဝမ်ပေါင်လဲ့ဆီ ရောက်ရှိလာ၏။ ဂီတသံစဉ်၏ ဓားသွားက ဝမ်ပေါင်လဲ့၏ ရင်ဘတ်အတွင်း ထိုးစိုက်သွားလေသည်။ ထိုအရာအားလုံးက အလျင်အမြန် ဖြစ်ပျက်ခဲ့၏။ ဝမ်ပေါင်လဲ့၏ ခန္ဓာကိုယ်က တုန်ယင်သွားပြီး နောက်ဆုတ်လိုက်ရသည်။ သူ့ဝတ်ရုံက အပိုင်းပိုင်းအစစ ပျက်စီးသွားပြီး သူ့ခန္ဓာကိုယ်ထဲတွင်ရှိသည့် အာသီသစည်းမျဉ်းဥပဒေသက ပျံ့နှံ့လာကာ ချက်ချင်းဆိုသလို ပျောက်ကွယ်သွားလေ၏။ သူက ဓားနှင့် တိုက်ခိုက်နေရင်း သူ့ကိုယ်ပိုင်ခန္ဓာ၏ စွမ်းအားက သူ့ကို ချေဖျက်အောင် ကူညီပေးခဲ့သည်။

ဤသို့ဖြင့် သူက ပြင်းပြင်းထန်ထန် ဒဏ်ရာရရှိမသွားဘဲ နောက်ဆုတ်လိုက်ရုံမျှသာ ဖြစ်၏။ ထိုအစား သူက ထိုအရာကို သူ့နောက်ဆုတ်မှုကို အရှိန်မြှင့်တင်သည့် တွန်းအားအနေဖြင့် အသုံးပြုခဲ့သည်။ ထိုစဉ် ကောင်းကင်က အဖြူရောင်သန်းလာတော့မည် ဖြစ်၏။

မိုးသောက်ယံ ရောက်ရှိလာတော့မည့်ဆဲဆဲတွင် ဝမ်ပေါင်လဲ့၏ အာသီသစည်းမျဉ်းဥပဒေသကို ထုတ်လွှတ်ကာ အလျင်အမြန် ချိတ်ပိတ်လိုက်၏။ ရှစ်လင်းကျစ်က ထိုအရာကို ရှင်းရှင်းလင်းလင်း သတိထားနိုင်မည် မဟုတ်ပေ။ သို့သော်လည်း သူက ဝမ်ပေါင်လဲ့သည် သူ့ဓားကြွေးကြော်သံကို ခံနိုင်ရည်ရှိကြောင်း မြင်လိုက်ရသည့်အခါ အနည်းငယ် အံ့အားသင့်သွားပြီး ထူးဆန်းသည့် အကြည့်တစ်ချက် ဖြတ်ပြေးသွားသည်။

“စိတ်ဝင်စားစရာပဲ” သူက ပြောရင်းဖြင့် လက်ကို ထပ်မံဝှေ့ယမ်းလိုက်သည်။

ဓားကြွေးကြော်သံက လေထဲ ပဲ့တင်ထွက်လာ၏။ ဒုတိယသံစဉ်က လိုက်ပါလာသည်။ ထိုအရာက ဂီတသံစဉ်နှစ်ခုကြား ပဋိပက္ခဟူ၍ မရှိပေ။ ဒုတိယဂီတသံစဉ်၏ သတ်ဖြတ်ငွေ့က အံ့မခန်းဖြစ်ပြီး ဓားရှည်အသွင်ပြောင်းလဲသွားလေသည်။

“ဒုတိယသီချင်း ဓားမော့အတွက် ရတုကဗျာ”

ဝမ်ပေါင်လဲ့က မျက်မှောင်ကြုတ်လိုက်ပြီး နောက်ဆုတ်လိုက်သည်။ သူက ထင်းယွိစည်းမျဉ်းဥပဒေသ၏ မဟာဂီတလက်ရာအကြောင်းကို နားလည်သွားလေ၏။

ထင်းယွိစည်းမျဉ်းဥပဒေသ၏ မဟာဂီတလက်ရာကို ပြီးပြည့်စုံသည့် သီချင်းများဖြင့် ဖွဲစည်းထားလေသည်။ ထိုသီချင်းများက ကွဲပြားသော်လည်း တူညီသည့် အဓိပ္ပာယ်မျိုး ကိန်းအောင်းနေ၏။ ဤနည်းဖြင့် သူတို့က လက်ရာတစ်ခုအသွင် ပြောင်းလဲသွားပြီးသည့်နောက်တွင် သီချင်းများက တစ်ခုပြီးတစ်ခု ပေါ်ထွက်လာမည်ဖြစ်ကြောင်း မိုးမြေကိုပင် လှုပ်ခတ်နိုင်သည့် စွမ်းအားအနေအထားထိ ရောက်ရှိလာလိမ့်မည်။

“ဒါက ငါ့ရဲ့ ဦးတည်ချက်ပဲ” ဝမ်ပေါင်လဲ့၏ အကြည့်က တောက်ပလာသည်။ အဖြူရောင်သန်းလာပြီး ပျောက်ကွယ်သွားမည်ကို သတိထားလိုက်မိ၏။ သူက အတွေးတစ်ချက်ဖြင့် သူ့ဇစ်မြစ်ကို ဖုံးကွယ်ဖို့အတွက် တစ်ဖက်သူကို ထင်ယောင်ထင်မှားဖန်တီးဖို့ ကြိုးစားလိုက်သည်။ တစ်ချိန်တည်းဆိုသလို သူက သူ့ကိုယ်ပိုင်သံစဉ်ကို စမ်းသပ်ကြည့်လို၏။

သူက နောက်ဆုတ်ရင်းဖြင့် လွတ်လပ်ခွင့်သံစဉ်ကို ထုတ်လွှတ်လိုက်သည်။ ထိုအရာက ရှေးဟောင်းဗျပ်စောင်း ဂီတသင်္ကေတများမှ ဖန်တီးထားခြင်း ဖြစ်၏။

“ဟိန်ချင်းဂိုဏ်းလား” ထိုသံစဉ်ထွက်ပေါ်လာသည်နှင့် ရှစ်လင်းကျစ်က ခံစားမိလာသည်။ သူ့နှုတ်ခမ်းထောင့်တို့က မကျေနပ်သည့်ဟန် ကွေးညွှတ်သွား၏။ သူ့ခန္ဓာကိုယ်က ဖျတ်ခနဲ ပျောက်ကွယ်သွားကာ သွေးနီရောင်ဝေါယာဉ်ထဲမှ ထွက်ပေါ်လာသည်။ သူက ဝမ်ပေါင်လဲ့ဆီ ရောက်ရှိလာကာ သူ ထုတ်လွှတ်လိုက်သည့် သံဇဉ်က ပေါက်ကွဲထွက်သွားပြီး ဝမ်ပေါင်လဲ့ ထုတ်လွှတ်လိုက်သည့် ရှေးဟောင်းသံစဉ်ဖြင့် ထိပ်တိုက်တွေ့ဆုံသွားသည်။

တကယ်တော့ ဓားမော့အတွက် ရတုကဗျာသီချင်းကြားတွင် ဝမ်ပေါင်လဲ့၏ ရှေးဟောင်းသံစဉ်က အင်မတန် ကျိုးပဲ့လွယ်နေသည်။ မျက်စိတစ်မှိတ်အတွင်း ထိုအရာက အပိုင်းပိုင်းအစစ ကြေမွသွား၏။ ထိုမြင်ကွင်းက ဝမ်ပေါင်လဲ့၏ အမူအရာကို ပျက်ယွင်းသွားစေသည်။ ထို့နောက် ရှစ်လင်းကျစ်၏ စကားက သူ့အမူအရာကို ပိုမိုပင် မှုန်မှိုင်းသွားစေ၏။

“ဒီလိုမျိုး မပြောပလောက်တဲ့ အသံမျိုးနဲ့ လာပြီး ကိုယ့်ကိုယ်ကို အရူးလုပ်နေတာလား”

ရှစ်လင်းကျစ်က ပြောရင်းဖြင့် ရှေ့တိုးလာကာ ဓားကြွေးကြော်သံနှင့် ဓားမော့အတွက် ရတုကဗျာကို ထပ်မံ ထုတ်လွှတ်လိုက်သည်။ ထိုပြီးပြည့်စုံသည့် သီချင်းနှစ်ပုဒ်က အချင်းချင်း ရောစပ်ကာ မုန်တိုင်းသဖွယ်ဖြစ်ပေါ်လာပြီး ဝမ်ပေါင်လဲ့အား လွှမ်းခြုံသွားတော့မည် ဖြစ်၏။ ထိုဓားမော့နှင့် ဓားတို့က သူ့ဝိညာဉ်နှင့် ခန္ဓာကိုယ်ကို ဖျက်ဆီးတော့မည် ဖြစ်သည်။

ကောင်းကင်က အဖြူရောင်သန်းလာကာ ညက ပျောက်ကွယ်သွားတော့မည်ဖြစ်သော်လည်း ရှစ်လင်းကျစ်၏ တိုက်ကွက်အောက်တွင် နေရာတစ်ဝှက်က သက်ရောက်ခံလိုက်ရဆဲ ဖြစ်၏။

ထိုအရာက အန္တရာယ်ရှိနေသော်လည်း ဝမ်ပေါင်လဲ့က သေဆုံးမည့် အန္တရာယ်မျိုးကို မခံစားမိပေ။ ထိုအစား ထိုသူ၏ စကားများက သူ့အိပ်မက်ကို နင်းခြေခံလိုက်ရသလို ခံစားမိစေသည်။ လွတ်လပ်ခွင့်သံစဉ်က သူဂုဏ်အယူရဆုံး လက်ရာဖြစ်သည့်အတွက် သူက ရှက်ရွံ့ကာ ဒေါသထွက်နေမိသည်။

“မပြောပလောက်တဲ့ သံစဉ်တဲ့လား။ တကယ့်အစစ်အမှန်သံစဉ်ဆိုတာ ဘာလဲဆိုတာ ပြရသေးတာပေါ့” ဝမ်ပေါင်လဲ့က ဒေါသတကြီးဖြင့်  လက်ဟန်စည်းတံဆိပ်ကို ပြုလုပ်ပြီး သူ့ခန္ဓာကိုယ်ထဲ သင်္ကေတ ၃ထောင်ကျော် စုပုံထားသည့် ဂီတသံစဉ်ကို ထုတ်လွှတ်လာခဲ့သည်။

ဖူး