မသေနိုင်သောလမ်းကြောင်းမှ လူ (၁)

လုဝမ်စုန့်သည် မျက်မှောင်ကြုတ်လိုက်ပြီး မဝေးလှသော ရွှေရောင်အလင်းတန်းများ ဖုံးလွှမ်းနေသော လှိုဏ်ဂူကို စိုက်ကြည့်ကာ မျက်လုံးများ မှိတ်တုတ်မှိတ်တုတ် ဖြစ်နေ၏

မြောင်ယို အရောင်အဝါသည် ဤနေရာနှင့် မဝေးပေ။  ယွီယိုချွမ် နဲ့ တခြားသူတွေကို (၅)ကီလိုမီတာ အချင်းဝက်အတွင်းမှ တောအုပ်ကို ဂရုတစိုက် ရှာဖွေဖို့ တောင်းဆိုခဲ့ပေမယ့်  မြောင်ယိုခြေရာလက်ရာတွေကို သူတို့ ရှာမတွေ့ခဲ့ပေ။

ဤဂူသည်သာ သူတို့မစစ်ဆေးရသေးသော တစ်ခုတည်းသောနေရာဖြစ်သည်။

ဘာမှမမှားရင်  မြောင်ယိုက အထဲမှာပဲ ရှိနေလောက်သည်။

သူမမဟုတ်ရင်တောင် အတွင်းထဲကလူက မြောင်ယိုနဲ့ ပတ်သက်မှုအရှိဆုံးသူပင်။ သူ့ကိုဖမ်းပြီး စစ်ဆေးမေးမြန်းလို့ရသည်။ 

လုဝမ်စုန့်သည် ယွီယိုချွမ်နှင့် အခြားသူများထံမှ   အနှစ်တစ်ထောင်သက်တမ်းရှိသော မှော်အဆီအနှစ်သစ်သားဝိညာဉ်ကို လုယူခဲ့သည့် လူငယ်၏ ခွန်အားကို နားလည်ခဲ့သည်။

တစ်ချက်တည်းနဲ့  အလောင်းကောင်ဂိုဏ်းနဲ့ အနက်ရောင်ငွေရုပ်သေးအလောင်း ကို အနိုင်ယူနိုင်ကတည်းက သူ့ခွန်အားဟာ ထူးထူးခြားခြားပင်။

သို့သော် သူသည် ကျင့်ကြံသူသခင်တစ်ဦးမဟုတ်ပေ။

ကျင့်ကြံသူသခင် အဆင့်အောက်က လူတိုင်းဟာ ပုရွက်ဆိတ်တွေပင်။ ထိုလူသည် ကျင့်ကြံသူသခင် မဟုတ်သရွေ့  လုဝမ်စုန့်အနေနဲ့ ကြောက်စရာဘာမှမရှိပေ။

သူ့မျက်လုံးထဲတွင် အေးစက်သော အလင်းရောင်တစ်ခု လင်းလက်လာသည်။ လုဝမ်စုန့်သည် တစ်ချက်တည်း တိုက်ခိုက်ပြီး အခင်းအကျင်းကို ဖြိုခွင်းတော့မည်ဖြစ်သောကြောင့် ရုတ်တရက် ဘေးဘက်သို့ ရှောင်ထွက်သွားသည်။

နောက်အခိုက်အတန့်တွင် အဖြူရောင်အစတစ်ထည်က သူ့အပေါ်သို့ ဖြတ်သွားကာ လေထဲကို ဆုတ်ဖြဲသော အသံတစ်ခု ထွက်လာသည် ။

လုဝမ်စုန့်သည် ရုတ်တရတ် ခိုးကြောင်ခိုးဝှက်တိုက်ခိုက်မှုကြောင့် မအံ့ဩပေ။ အဲဒီအစား ပိုးအဖြူရောင်ကို သိနေသည့်အတွက် ပျော်သွားသည်။

"မြောင်ယို “

လုဝမ်စုန့်က ရုတ်တရက် လှည့်ကြည့်လိုက်သည်။ မျှော်လင့်ထားသည့်အတိုင်း  မြောင်ယိုသည် မီတာ  (၃၀၀)အကွာတွင် ပျံဝဲနေပြီး သူမ၏လက်သည် အဖြူရောင်ပိုးစနှင့် ပတ်ထားကာ သူမ၏မျက်နှာက အေးစက်နေသည်။

"မင်း တကယ်ပဲ ဒီမှာပဲ…ခဏလေး မင်းရဲ့ ဒဏ်ရာတွေက အများစု သက်သာသွားပြီ။”

လုဝမ်စုန့်သည် မြောင်ယို၏ဒဏ်ရာအများစုမှာ သက်သာသွားပြီဖြစ်ကြောင်း တစ်ချက်ကြည့်၍ ပြောပြနိုင်သော်လည်း ၎င်းကို အလွန်အမင်း မစဉ်းစားခဲ့ပေ။ရွှမ်တု တောင်တွင် သဘာဝ ရတနာများစွာ ရှိပြီး အများစုမှာ ဒဏ်ရာများကို လျင်မြန်စွာ ကုသနိုင်သည်။ မြောင်ယိုက ကံကောင်းခဲ့တာ ဖြစ်ကောင်းဖြစ်နိုင်သည်။

ဒါဆိုရင်တောင် သူကို ထိခိုက်မှုမဖြစ်နိုင်ပေ။

သူ့မအထွတ်အထိပ်မှာတောင် သူ့ကို မယှဉ်

နိုင်ပေ။

"အခင်းအကျင်းကို ဖျက်လိုက်..ပြီးရင်  အထဲက လူကိုသတ်”

ဒါကိုပြောပြီးနောက်  လုဝမ်စုန့်သည် နောက်ပြန်မလှည့်ဘဲ  မြောင်ယိုဆီသို့ ပြေးသွားခဲ့သည်။

မြောင်ယိုက သူ့ပြိုင်ဘက် မဟုတ်ဘူးဘဲ ပေါ်လာဖို့ ဆုံးဖြတ်ချက် ချတာကို နည်းနည်းတော့ အံသြသွားပေမယ့် သူက လုံလောက်တဲ့ ကြံ့ခိုင်မှုနဲ့  မြောင်ယိုကို ဖမ်းဖို့ စိတ်ပိုင်းဖြတ်ထားတာကြောင့် တုံ့ဆိုင်းမနေခဲ့ပေ။

လုဝမ်စုန့်ပြေးလာတာကိုမြင်တော့ မြောင်ယိုလည်း လှည့်ပြီး မဆိုင်းမတွ ထွက်ပြေးသွားသည်။

သူတို့နှစ်ဦးသည် မျက်စိတစ်မှိတ်အတွင်း မိုးကုတ်စက်ဝိုင်းထဲသို့ ပျောက်ကွယ်သွားကာ ယွီယိုချွမ်နှင့် အခြားလူများက တစ်ယောက်ကိုတစ်ယောက် ကြည့်နေကြသည်။

အချိန်အတော်ကြာပြီးနောက် တစ်စုံတစ်ယောက်သည် တိတ်ဆိတ်မှုကို ဖြိုခွင်းပြီး မဝံ့မရဲပြောခဲ့သည်။

"ငါတို့ဘာလုပ်မှာလဲ"

"နောက်ထပ် ငါတို့ ဘာလုပ်နိုင်မှာလဲ"

ယွီယိုချွမ်က အေးစက်စွာအော်လိုက်ပြီး သူ့မျက်လုံးတွေက မုန်းတီးမှုတွေနဲ့ တောက်ပနေသည်။

"အဲဒီလူပြောတဲ့အတိုင်း ငါတို့မလုပ်ရင် သူပြန်လာတဲ့အခါ ငါတို့ကို ဘယ်လိုနှိပ်စက်မယ်ဆိုတာ ဘယ်သူသိမှာလဲ"

ယွီယိုချွမ်၏ စကားအတိုင်း လူများစွာသည် သည်းမခံနိုင်သော အတွေ့အကြုံအချို့ကို သတိရမိကြသည်။ အများစုမှာ တုန်လှုပ်ခြောက်ခြားကြပြီး ချက်ချင်းပင် တုံ့ဆိုင်းမနေတော့ပေ ။ မိမိတို့၏ ဓမ္မရတနာများကို ထုတ်ယူကာ ဂူအတွင်းမှ ဖုံးလွှမ်းနေသော ရွှေရောင်အလင်းတန်းများကို တိုက်ခိုက်ကြသည်။

ဘုန်း ဘုန်း ဘုန်း

တောအုပ်အထက် ကောင်းကင်ယံသည် ချက်ချင်းပင် အဆုံးမဲ့ အော်ဟစ်သံများဖြင့် တဟုန်ထိုး တုန်ခါသွားသည် ။

မှော်စွမ်းအားများ၊ ကိုယ်ခံပညာများနှင့် ဓမ္မရတနာများ၏ လွှမ်းခြုံတိုက်ခိုက်မှုများသည် ရွှေရောင်အလင်းတန်းကို တစ်ခုပြီးတစ်ခု ထိမှန်သွားသော်လည်း ၎င်းတို့အားလုံးသည် အချည်းနှီးသာဖြစ်သည်။

ပျံကျကျင့်ကြံသူသည်  အံ့ဩသွားသည်။

“ဒါက ဘာအခင်းအကျင်းလဲ။ အတိုက်အခိုက်များစွာကို ခံစားရတာတောင်  မပျက်မစီးရှိနေတုန်းပဲ”

"ဘာမှလည်းမသိပါလား”

သွေးပင်လယ်ဂိုဏ်း၏ တပည့်တစ်ဦးသည် ထိုစကားပြောနေသောသူကို ကဲ့ရဲ့ရှုတ်ချသလိုတစ်ချက်ကြည့်လိုက်သည်။

"မှော်သတ္တု ကိုးပါးအခင်းအကျင်းကိုတောင် မမြင်ဖူးဘူးလား"

ကျင့်ကြံသူသည် စိတ်မ၀င်စားချေ။  အဲဒီအစား သူက ခပ်တိုးတိုး ပြုံးပြီး ပြောသည်  " မင်းကသိတယ်လို့ထင်ရတာပဲ ။ ဒီအခင်းအကျင်းရဲ့အံ့ဩစရာအကြောင်း ငါတို့ကို ဘာလို့ မပြောတာလဲ။”

ရန်ရှန်းပင်း၊ ကွမ်ကျိုးနဲ့ ရီစုဖန် တို့လည်း လိုက်ကြည့်ကြသည်။

ပျံကျကျင့်ကြံသူများသည် ၎င်းတို့၏နောက်ခံကို ကန့်သတ်ခံထားရတာကြောင့် ခင်းကျင်းဖွဲ့စည်းပုံနှင့်ပတ်သက်၍ ဂိုဏ်းခွဲတပည့်များကဲ့သို့ အသိပညာမရှိခဲ့ပေ။

သူတို့ သုံးယောက်သည် ထူးချွန်သော ပျံကျ ကျင့်ကြံသူ များဖြစ်သော်ငြားလည်း မှော်

သတ္တုကိုးပါးကဲ့သို့ အခင်းအကျင်းမျိုး မတွေ့ဖူးကြပေ။ ထို့ကြောင့် သူတို့အားလုံး စိတ်ဝင်စားခဲ့ကြသည်။

တပည့်အားလုံး၏ အကြည့်များက သူ့အား အာရုံစိုက်နေသည်ကို တွေ့လိုက်ရသောအခါတွင် သွေးပင်လယ်ဂိုဏ်းမှတပည့်က အနည်းငယ် မာန်တက်သွားသလို ခံစားလိုက်ရသည်။

သူက ယွီယိုချွမ်ကို စိုက်ကြည့်လိုက်သည်။ အစ်ကိုကြီး မကန့်ကွက်တာမြင်တော့ ခေါင်းကို မော့ပြီး ပြောသည်။

“မှော်သတ္တုကိုးပါး အခင်းအကျင်းက ကျော်ကြားတဲ့ ခံစစ်ခင်းကျင်းမှုပုံစံတစ်ခုပဲ။ အဲ့တာကိုအသက်သွင်းလိုက်တာနဲ့ တောက်ပသောဝင်ပေါက်နဝမအဆင့်ရှိ ကျင့်ကြံသူ သုံးဆယ်၊ လေးဆယ်ပေါင်းတိုက်မယ်ဆိုတောင် တစ်နာရီ ဒါမှမဟုတ် နှစ်နာရီခန့်ကြာနိုင်တယ်။ ကျင့်ကြံသူသခင်တိုက်ခိုက်မယ်ဆို အခင်းအကျင်းက တိုက်ခိုက်မှု ဆယ်ကြိမ်ထက်မက ခံနိုင်ရည်ရှိတယ်”

ဒီသတင်းကိုကြားတော့ လူတော်တော်များများ အံ့အားသင့်သွားကြသည်။

ထိုအခြေအနေမျိုးတွင် ဤနေရာရှိလူများအားလုံးသည် အခင်းအကျင်းကိုမဖြိုဖျက်မီ တစ်နာရီအတွင်း အစွမ်းကုန်တိုက်ခိုက်ရမည်ဖြစ်သည်။

ရန်ရှန်းပင်းသည် စိတ်ထဲမှာ ကျိန်ဆဲရုံမှတစ်ပါး မတတ်နိုင်ပေ။

လုဝမ်စုန့်အနားမှာ မရှိတဲ့အခါ လွတ်မြောက်ချင်ပေမယ့် သူနဲ့ ၁၀ ကီလိုမီတာထက်ပိုဝေးလျှင် လူတိုင်းကိုယ်ခန္ဓာမှာရှိသည့် ဝိညာဉ်တိုက်ဖျက်ခြင်း ပိုးကောင်တွေက အလိုအလျောက် နိုးလာပြီး သူတို့ခန္ဓာကိုယ်မှာရှိသည့် ဝိညာဉ်မဏ္ဍိုင်သွေးကြောတွေအားလုံးကို ကိုက်စားကာ  နာကျင်စွာသေကြရမည်ပင်။

သူတို့ ရှင်သန်နိုင်ရင်တောင်  သူတို့၏ကျင့်ကြံမှု အခြေခံ အုတ်မြစ်ကို ဖျက်ဆီးပစ်မှာ ဖြစ်ပြီး သူတို့ ဘဝမှာ ကျင့်ကြံသူ သခင်ဖြစ်ဖို့ ဘယ်တော့မှ အခွင့်အရေး ရမှာ မပေ။

လုဝမ်စုန့်၏ စကားများ မှန်ကန်ခြင်း ရှိမရှိကို မည်သူမျှ မသိသော်လည်း မည်သူမျှ မကြိုးစားရဲကြပေ။

သူတို့တကယ် သေခါနီးနီးမှ မဟုတ်ရင် သူတို့အနာဂတ်ကို ဖျက်ဆီးဖို့ ဘယ်သူက သတ္တိရှိမှာလဲ။

ခဏလေး

ရန်ရှန်းပင်းက ရုတ်တရက် တစ်ခုခုကို တွေးမိသည်။

အဲဒီလူက ဂူထဲမှာရှိပြီး သူ့ကိုယ်သူ ကာကွယ်ဖို့ အထူးပြုလုပ်ထားသည့် ခင်းကျင်းမှုတစ်ခုကို ထူထောင်ထားသည်။  သူသည် သူ၏ဝိညာဉ် မဏ္ဍိုင်သွေးကြောကို ပေါင်းစည်းရန် အနှစ်တစ်ထောင်သက်တမ်းရှိ 

မှော်အဆီအနှစ် သစ်သားဝိညာဉ်မှ မှော်အဆီအနှစ်အရည်ကို အသုံးပြုနေလောက်သည်။

အကယ်၍ သူတို့သည် ဂူကို တိုက်ခိုက်ပြီး ထိုလူကို ဖမ်းမိပါက  မှော်အဆီအနှစ်အရည်

အများအပြားကို ရရှိနိုင်မည်ပင်။

အနှစ်တစ်ထောင်သက်တမ်းရှိ အဆီအနှစ်သစ်သားဝိညာဉ်မှ ရသော မှော်အဆီအရည်များစွာရှိနေနိုင်သေးသည်။ ရက်အနည်းငယ်သာ ကြာသေးတာကြောင့် ထိုလူသည် ၎င်းကို များစွာအသုံးမပြုရသေးတာ သေချာသည်။ သူ့မှာ မှော်အဆီအနှစ်အရည်အများကြီး ကျန်နေလောက်မည်ပင်။

လုဝမ်စုန့်ပြန်မလာခင် မှော်အဆီအနှစ်အရည်အနည်းငယ်ကို ဖုံးကွယ်ထားသင့်တယ် မလား ။

ရန်ရှန်းပင်းသည် သွေးဆောင်ခံခဲ့ရသည်။

တစ်ချိန်တည်းမှာပင် ကွမ်ကျိူး၊ ရီစုဖန်နှင့် ဂိုဏ်းခွဲများ၏ တပည့်များအားလုံးသည် သူတို့၏မျက်နှာပေါ်တွင် ထူးဆန်းသောအမူအရာများ ရှိနေကြသည်။

ရန်ရှန်းပင်းနှင့် တူညီသော အတွေးအမြင်များ ရှိနေသည်မှာ ထင်ရှားသည်။

မှော်အဆီအနှစ်အရည်၏သွေးဆောင်မှုအောက်တွင် ဤလူများသည် ပိုမိုအားရှိလာကြသည်။ သူတို့သည် အဓိပ္ပါယ်မရှိသော စကားများပြောတာကို ရပ်လိုက်ပြီး မှော်သတ္တုကိုးပါး အခင်းအကျင်းကို တိုက်ခိုက်ရန် အာရုံစိုက်ခဲ့ကြသည်။

အပြင်မှာ ရုန်းရင်းဆန်ခတ်ဖြစ်နေမှုက လင်းရှန်းကို လုံးဝမထိခိုက်ပေ။