ဘာအဖေလဲ (၁)

ခဏအကြာတွင် လင်းရှန် ငြိမ်သက်သွားသည်။

ရွှေရောင်ဘီး လျှပ်စီးကျမ်းသည် ကျင့်ကြံရန်အတွက် သတ္တုနှင့် ရေ ဝိညာဉ်ရေးရာ အနှစ်သာရ နှစ်ခုစလုံး လိုအပ်သည်။

တစ်နည်းဆိုရသော် သတ္တုနှင့် ရေဂုဏ်သတ္တိများကို ကျင့်ကြံထားသော ဒုတိယတန်းနှင့် အထက် ဝိညာဉ်မဏ္ဍိုင်သွေးကြော ရှိသူသာလျှင် ဤနည်းစနစ်ကို ကျင့်ကြံနိုင်မည်

ဖြစ်သည်။ ၎င်းက သလောက်မလွယ်ပေ။

“ကံကောင်းထောက်မစွာပဲ  တင်းကျပ်တဲ့ ကျင့်ကြံမှုအခြေအနေတွေက  လုဝမ်စုန့်ကို ကျင့်ကြံမှု ရပ်တန့်သွားစေတယ်။ တကယ်လို့ သူသာ ရွှေရောင်ဘီး လျှပ်စီးကျမ်းကို ကျင့်ကြံခဲ့မယ်ဆိုရင် သူ့ကိုသတ်ဖို့ ငါ့ကိုယ်ပွားတွေကို အသုံးပြုရမှာ”

 လင်းရှန်က သူ့ဘာသာတွေးလိုက်သည်။

" ငရဲယင်ရေကရော ဘယ်လိုလဲ။"

“ငရဲယင်ရေက ရေအမျိုးအစား ကျင့်ကြံနည်းစနစ်တစ်ခုပဲ။ အဲ့တာက  တစ်စက်ရဖို့ ရေဝိညာဉ်အနှစ်သာရ၃၆ လုတ် လိုအပ်တယ်။  တစ်စက်မှာ အကြိမ်တစ်ထောင်ရိုက်နိုင်တဲ့ စွမ်းအားရှိပြီး ခံနိုင်ရည်ရှိဖို့ ခက်ခဲတယ်။ ရေဆယ်စက်ဆို မျိုးဆက်တူ လူအနည်းငယ်ကပဲမင်းရဲ့ပြိုင်ဘက် ဖြသ်နိုင်တယ်။ အစက်တစ်ရာရှိလျှင် တစ်ကြိမ်တည်းနဲ့ လူတစ်ထောင်ကို တိုက်ခိုက်နိုင်တယ်။ အစက်

တစ်ထောင်ဆို ရေတံခွန်ကို ပြောင်းပြန်လုပ်ပြီး မြစ်လမ်းကြောင်းပြောင်းအောင် လုပ်နိုင်တယ်”

မြောင်ယို၏ လေသံမှာ တမ်းတခြင်းများဖြင့် ပြည့်နေသည်။ သူမသည်  ငရဲယင်ရေကို အလွန်သဘောကျခဲ့သည်မှာ ထင်ရှားသည်။

သို့သော် နားလည်နိုင်သည်။ သူမပြောသည့်စကားသာမှန်ပါက ငရဲယင်ရေသည် ရွှေရောင်ဘီး လျှပ်စီးကျမ်းထက် များစွာပိုမိုအားကောင်းနေပေလိမ့်မည်။

ကံမကောင်းတာက ငရဲယင်ရေတစ်စက်ကို ပေါင်းစည်းဖို့ ဝိညာဉ်ရေးရာအနှစ်သာရ ၃၆ ခု လိုအပ်သည်။ တစ်နည်းဆိုရသော် ၎င်းကို ကျင့်ကြံရန် အနည်းဆုံး ဒုတိယတန်း စိတ်ဝိဉာဉ်ရှိရန် လိုအပ်သည်။  မြောင်ယိုမှာ တတိယတန်း စိတ်ဝိဉာဉ်တစ်ခုသာ ရှိသောကြောင့် သူမအတွက် မျှော်လင့်ချက်မရှိပေ။

“ပြီးတော့ ငရဲယင်ရေက တူညီတဲ့ မျိုးရိုးလိုက်တဲ့ ကျင့်ကြံနည်းစနစ်တွေထဲက တစ်ခုပဲ။  မှော်အလင်းအဆင့်ရောက်ရှိရင်  မှော်ရွှံ့ညွန်မူလရေကို ပြောင်းနိုင်တယ်။  ပြောင်းပြန် ပြဒါးရှင်လုံးအဆင့်ရောက်ရင် မြောက်ပိုင်းပင်လယ်မူလရေကို ပြောင်းနိုင်တယ်” မြောင်ယိုက ဆက်ပြောသည် ။

လင်းရှန်သည် ပို၍ပင် သွေးဆောင်ခံခဲ့ရသည်။ ထိုအခြေအနေမျိုးတွင် ဤငရဲယင်ရေသည် အမှန်ပင် ထိပ်တန်း ကျင့်ကြံနည်းစနစ်တစ်ခုဖြစ်သည်။

တစ်ခုတည်းသောပြဿနာမှာ ၎င်းကိုကျင့်ကြံရန်အတွက် ရေအမျိုးအစားဝိညာဉ်ရေးရာ အနှစ်သာရ လိုအပ်တာပင်။

သူသည် ဂိုဏ်းသို့ပြန်သွားပြီး ငရဲယင်ရေကို ကျင့်ကြံရမလား  မဆုံးဖြတ်မီ သူကျင့်ကြံလိုသည့် ကျင့်ကြံနည်းစနစ်ကို အတည်ပြုရမည်ဖြစ်သည်။

လင်းရှန်သည် မြောင်ယိုမောပန်းနွမ်းနယ်သွားသည်အထိ ကျင့်ကြံသူများနှင့်ပတ်သက်၍ မေးခွန်းများစွာမေးခဲ့သည်။ ပြီးမှသာ သူမ၏ဒဏ်ရာများကို ကုသခွင့်ပေးခဲ့သည်။

မြောင်ယိုသည် ခပ်ဝေးဝေးမှာ တရားထိုင်ပြီးနောက် လင်းရှန်သည် မျက်နှာပြင်ကို ဆင့်ခေါ်ကာ ၎င်းကို ကြည့်လိုက်သည်။

လုဝမ်စုန့်ကို သတ်လိုက်သောအခါတွင် သူသည် သတ်ဖြတ်ခြင်းကိုအားပေးသည့်စွမ်းရည်က  အထူးပြောင်းခဲ့သည်။ အဆုံးတွင် သူသည် ပင်ကိုယ်စွမ်းရည်သက်ရောက်မှု စတင်တဲ့အထိ ကံကောင်းခဲ့ပြီး သူ၏ ကျင့်ကြံမှု ၅% တိုးလာသည်။

[အဆင့်- ဝိညာဉ်ပျိုးထောင်ခြင်း ပထမဆင့်၊ ၅ %]

ကျင့်ကြံသူသခင် ဖြစ်သွားပြီးနောက် နေကိုးစင်းကျမ်းဂန်သည် သူ၏ ကျင့်ကြံမှုအဆင့်ကို မတိုးနိုင်တော့ပေ။ ထို့ကြောင့် လင်းရှန်သည် တရားထိုင်ရန်နှင့် ကျင့်ကြံရန် ရည်ရွယ်ချက်မရှိပေ။

သူသည် ကျင့်ကြနည်းစနစ်များနှင့် မှော်စွမ်းအားများကို  ထားလိုက်ပြီး ကိုယ်ပွားများ၏ အရည်အချင်းများကို ကြည့်ရှုခဲ့သည်။

သူဖြတ်ကျော်ပြီးနော် သန့်စင်သောယန်

စွမ်းအား ခန္ဓာကိုယ်နှင့် သတ်ဖြတ်ခြင်းကို အားပေးသည်၏ အကျိုးသက်ရောက်မှုများသည် ပြောင်းလဲနေပြီဖြစ်သည်။

[သန့်စင်သောယန်စွမ်းအားခန္ဓာကိုယ် - ယန်စွမ်းအားကိုယ်ခံပညာနည်းစနစ် ကျင့်ကြံမှုအမြန်နှုန်း+၃၀၀%, ယန်စွမ်းအားကျင့်ကြံနည်းစနစ် +၁၀၀ %]

[သတ်ဖြတ်ခြင်းကို အားပေးသည် - တိုက်ခိုက်မှုအမျိုးအစား ကျင့်ကြံနည်းစနစ် ကျင့်ကြံမှုအမြန်နှုန်း + ၅၀%, တိုက်ခိုက်ရေးစွမ်းရည် နားလည်မှုအမြန်နှုန်း + ၁၀၀%။ သက်ရှိသတ္တဝါကို သတ်လိုက်တိုင်း သင်၏ ကျင့်ကြံမှုအဆင့်နှင့်  ကျင့်ကြံနည်းစနစ်ကို တိုးမြင့်စေသည် (သက်ရှိသတ္တဝါ၏ ကျင့်ကြံမှုအဆင့် ပိုမြင့်လေ၊ ဖြစ်နိုင်ခြေ ပိုများလေ)။

ယခင်က ကိုယ်ခံပညာရပ်များနှင့် မှော်စွမ်းအားများသည် "ကျင့်ကြံနည်းစနစ်" ဖြစ်လာခဲ့သည်။

“ငါ့လက်ရှိခွန်အားနဲ့ ကျင့်ကြံမှုအဆင့်နဲ့ဆို ဝိညာဉ်တော်ပျိုးထောင်ခြင်း အဆင့်အောက်ကသတ္တဝါတွေအပေါ် သတ်ဖြတ်ခြင်း စွမ်းရည်

အကျိုးသက်ရောက်မှု ဖြစ်နိုင်ချေက သနားစရာကောင်းလောက်အောင်နည်းမှာ”

"နဂါးမြို့တော်ကိုပြန်တဲ့လမ်းမှာ ငါက ဝိညာဉ်သားရဲတချို့ကိုလိုက်ရှာပြီး စမ်းသပ်ရမယ်။"

လင်းရှန်သည် အခြားစွမ်းရည်များကို ကြည့်လိုက်သည်။

သန့်စင်သောယန်စွမ်းအားကိုယ်ခန္ဓာနှင့် သတ်ဖြတ်ခြင်းကို အားပေးသည့် ကိုယ်ပွါးအပြင် သူ၏ အခြားသော စွမ်းရည်များသည် ပြောင်းလဲခြင်းမရှိပေ။

[အလွန်အမင်းဉာဏ်ကောင်းခြင်းက ထိခိုက်လိမ့်မည်- ကျင့်ကြံမှုအမြန်နှုန်း +၂၀၀%, သက်တမ်း -၈၀%]

[ကမ္ဘာကိုအံ့ဩစေခြင်း - ချီကို မင်းခန္ဓာကိုယ်နဲ့ ပြုစုပျိုးထောင်ပြီး မင်းကြိုက်သလောက် ချီကို စုဆောင်းပါ။ဝိညာဉ်ရေးရာအနှစ်သာရကို နောက်တစ်ကြိမ်တိုက်ခိုက်သည်အထိ သိမ်းဆည်းပါ။ စုဆောင်းထားလေလေ၊ တိုက်ခိုက်မှုက ပိုပြင်းထန်လေဖြစ်သည်။]

[ကျွမ်းကျင်မှု - နောက်ထပ်ပြီးပြည့်စုံခြင်းအဆင့် ကိုယ်ခံနည်းပညာနှင့် မှော်စွမ်းအားတိုင်းအတွက်၊ကိုယ်ခံပညာ/ မှော်စွမ်းအားများ၏ တိုးတက်နှုန်းသည် ၁၀% (အများဆုံး၂၀၀%) တိုးလာမည်ဖြစ်ပြီး ကိုယ်ခံပညာ/မှော်စွမ်းအားများ၏ စွမ်းအားသည် ၅% တိုးလာမည် (အမြင့်ဆုံး၁၀၀% )]

[နားလည်မှု - တူညီသောကိုယ်ခံပညာကို ပြီးပြည့်စုံခြင်းအဆင့်သို့ ကျင့်ကြံပြီးနောက် ၎င်းတို့သည် ပိုမိုမြင့်မားသောအဆင့်သို့ဖြတ်ကျော်ရန် အတူတကွပေါင်းစပ်နိုင်သည်။]

[သာလွန် ကိုယ်ခံပညာ- ကိုယ်ခံပညာ ကျင့်ကြံမှု အမြန်နှုန်း+၁၀၀%, ကိုယ်ခံပညာစွမ်းအား+ ၅၀ %, တိုက်ခိုက်ရေးစွမ်းရည်+၅၀%]

အလွန်အမင်းဉာဏ်ကောင်းခြင်းကထိခိုက်စေသည်နှင့် ကမ္ဘာကိုအံ့ဩစေခြင်း ကိုယ်ပွါးမှလွဲ၍ အခြားသော စွမ်းရည်သုံးခုသည် လင်းရှန်အတွက် အသုံးမ၀င်တော့ပေ။

နောက်ဆုံးတွင် သူသည် ရွှေဘီးလျှပ်စီးကျမ်း နှင့် ငရဲယင်ရေကဲ့သို့သော ကျင့်ကြံနည်းများကို ကျင့်ကြံသွားရမည်ဖြစ်သည်။

ကိုယ်ခံပညာနှင့် မှော်စွမ်းအားများသည် သူ့အတွက် အသုံးမဝင်တော့ပေ။

"ငါ့ရဲ့စွမ်းရည်ကို ပြောင်းလဲသင့်လား"

လင်းရှန်သည် အချိန်အကြာကြီး တုံ့ဆိုင်းမနေဘဲ သူ့စွမ်းရည်ကို ပြန်လည်ဆန်းသစ်ရန် အမြန်ဆုံးဖြတ်လိုက်သည်။

အခုတော့ သူဟာ စွမ်းရည်နှစ်ခုကို တစ်ချိန်တည်းမှာ အသုံးပြုနိုင်သည်။  စွမ်းရည်ကောင်းများကို ရနိုင်လျှင် ၎င်းတို့အား အစွမ်းထက်သော ပေါင်းစပ်မှုအသစ်တစ်ခုအဖြစ် တွဲနိုင်မည်ဖြစ်သည်။

စွမ်းရည်ကောင်းများ ပေါင်းစပ်ခြင်းသည် သူ၏ ခွန်အားကို များစွာ တိုးစေသည် ။

နဂါးမြို့တော်မပြန်မီ လင်းရှန်သည် စွမ်းရည်ကောင်း သုံးခုကို ရယူရန် ပြင်ဆင်ခဲ့သည်။

မျက်စိတစ်မှိတ်အတွင်း ငါးရက်ကြာသွားသည်။

မကြာမီတွင် ရွှမ်တုစည်းအဝေး ပြီးဆုံးရန် အချိန်ရောက်တော့မည်ဖြစ်သည်။

လင်းရှန်နဲ့မြောင်ယိုသည် လွန်ခဲ့သောတစ်ရက်ကမှ ရွှမ်တောင်ဝင်ပေါက်သို့ ထွက်ခွါသွားခဲ့ချေပြီ။ ၎င်းက  သူတို့ ဦးတည်ရာကနေ ၁၀ကီလိုမီတာလောက် ဝေးသည်။

"ရွှမ်တု တောင်ကထွက်ပြီးရင် မင်းဘာအစီအစဉ်ရှိလဲ" လင်းရှန်က မေးသည်။

မြောင်ယိုက တုံ့ဆိုင်းနေပြီး "ငါ နဂါးချောက်နက်တောင်တန်းကို ပြန်တော့မယ်" ဟု အသံတိုးတိုးဖြင့် ပြောသည်။

"လင်းယုန်မျိုးနွယ်က မင်းကို ရှာနေတာမဟုတ်ဘူးလား။ ပြန်သွားရင် ထောင်ချောက်ထဲ လျှောက်သွားနေရမှာ မဟုတ်ဘူးလား”

"နဂါးချောက်နက်တောင်တန်းက ကျယ်ပြောပြီး အကန့်အသတ် မရှိဘူး။  ငါ့ခြေရာတွေကို ဂရုတစိုက် ဖုံးကွယ်ထားသရွေ့ ဒီလူတွေ ငါ့ကို ရှာတွေ့မှာကို ငါ စိတ်ပူနေစရာ မလိုဘူး။ ပြီးတော့  နဂါးချောက်နက်တောင်တန်းမှာ ငါ့ လက်အောက်ငယ်သားတွေ ရှိသေးတယ်။ ငါ သူတို့ကို မစွန့်လွှတ်နိုင်ဘူး”

မြောင်ယိုမှာ ပြောမပြဖြစ်တဲ့ နောက်ထပ်တစ်ခုရှိသေးသည်။  သူမသည် နဂါးချောက်

နက်တောင်တန်းတွင်နေပါက သူမ၏ဖခင်အပေါ်သစ္စာရှိသော လင်းယုန်မျိုးနွယ်၏ လက်အောက်ငယ်သားအချို့ကို ဆက်သွယ်ရန် အခွင့်အရေးရနိုင်သေးသည်။

ဒါကိုစဉ်းစားလိုက်တော့ မြောင်ယိုက လင်းရှန်ကို တစ်ချက်ကြည့်လိုက်သည်။

လင်းရှန်အနေနဲ့ လုဝမ်စုန့်ကို အလွယ်တကူသတ်ပစ်သည်ကိုမြင်ပြီးနောက်တွင် သူ၏အရည်အချင်းကြောင့် သူမအံ့သြသွားခဲ့သည်။

လင်းရှန်သည် ခုနစ်နှစ်မပြည့်မီတွင် မှော်အလင်းအဆင့်သို့ ဖြတ်ကျော်သွားနိုင်မည်ဖြစ်သည်။

ထိုအချိန်တွင် လင်းရှန်သည် သူမ၏ရန်သူများကို ကူညီဖြေရှင်းပေးနိုင်လျှင် လက်စားချေရန်မျှော်လင့်ချက်သည် အလွန်တိုးမြင့်လာမည်ဖြစ်သည်။