ဓားဝိညာဉ် ၊ ဝိညာဉ်ခန္ဓာစွမ်းရည် (၁)

သုံးရက်လောက်ကြာနေချေပြီ။

နဂါးပျံသင်္ဘော၏ အတွင်းခန်းထဲတွင်။

လင်းရှန်သည် တင်ပျဉ်ခွေထိုင်ကာ သူ့ရှေ့မျက်နှာစာအား လှမ်းကြည့်လိုက်သည်။

လွန်ခဲ့သည့်သုံးရက်အတွင်း  သင်္ဘောပျံသည် ဝိညာဉ်သားရဲများတိုက်ခိုက်တာခံရပြီး ဝိညာဉ်သားရဲအချို့ကို သတ်ရန်ထွက်သွားသောအခါမှလွဲ၍ ကျန်အချိန်များကို အခန်းထဲတွင် ကုန်ဆုံးခဲ့သည်။

ထိုတိုက်ပွဲက သူ၏ ခန့်မှန်းချက်ကို အတည်ပြုနိုင်ခဲ့သည်။

သူသည် စုစုပေါင်း ဝိညာဉ်သားရဲ ၇၈ ကောင်ကို သတ်ခဲ့ပြီး အများစုမှာ ဉာဏ်

အလင်းရခြင်းအဆင့်တွင် ရှိသော်လည်း သတ်ဖြတ်ခြင်းကိုအားပေးသည့်စွမ်းရည်က သက်ရောက်မှု မရှိပေ။

"တကယ်ပဲ၊ ပင်ကိုယ်စွမ်းရည်သက်ရောက်မှုကို ဖြစ်ပေါ်စေဖို့အတွက် ဝိညာဉ်ပျိုးထောင်ခြင်းအဆင့် သတ္တဝါတွေကို ငါလိုက်ရှာရတော့မယ်။"

ထိုအဆင့်တွင် သက်ရှိသတ္တဝါများကို တွေ့ရခဲသည်။

ဥပမာအားဖြင့် ကျင့်ကြံသူ သခင်များသည် လူသား သို့မဟုတ် နတ်ဆိုး ကျင့်ကြံသူများ ဖြစ်ကြပြီး သက်ဆိုင်ရာ ဂိုဏ်းခွဲများ သို့မဟုတ် မျိုးနွယ်စုများ၏ တိုက်ခိုက်ရေး ထိပ်တန်း အင်အားများ ဖြစ်ကာ တိုက်ပွဲများတွင် ပါဝင်ရန် ခဲယဉ်းသည်။

ရွှမ်တုတောင်တွင် လုဝမ်စုန့်နှင့်တွေ့ဆုံခြင်းသည် အထူးအခြေအနေတစ်ခုသာ ဖြစ်သည်။

ရုတ်​တရက်​ လင်းရှန်သည်​ စိတ်​အားထက်​သန်​လာကာ ​နေရာတစ်​ခုကို သတိရသွားသည်​။

“နဂါးချောက်နက်တောင်တန်းရဲ့ မြေအောက်ဝိညာဉ်ဂူထဲမှာ ငါတို့ဂိုဏ်းက သွေးပင်လယ်ဂိုဏ်းနဲ့ စစ်တိုက်နေတယ်။ အဲဒီကို  ငါသွားရင် ကျင့်ကြံသူသခင်တွေ အများကြီး တွေ့နိုင်မယ်”

လင်းရှန်သည် ၎င်းကို စမ်းကြည့်နိုင်သည်ဟု ခံစားမိသည်။

ဒီအဆင့်မှာ သူ၍ကျင့်ကြံရေးလက်စွဲစာအုပ်နဲ့ နည်းစနစ်တွေကို အရင်ဆုံး ဂရုစိုက်ရမည်။

ငြိမ်သက်သွားပြီးနောက် လင်းရှန်သည် သူ၏စွမ်းရည်များကို အာရုံစိုက်ခဲ့သည်။

[ဓားဝိညာဉ် - ဓားနည်းစနစ်ကျင့်ကြံမှု အမြန်နှုန်း +၂၀၀%။ ဓားစွမ်းအား +၁၀၀%.]

[စွမ်းရည်စီးဆင်းမှု - ကျင့်ကြံမှုအမြန်နှုန်း+၅၀%]

[လီမီးဝိညာဉ်ခန္ဓာကိုယ် - မီးအမျိုးအစား မှော်စွမ်းအား/ ကျင့်ကြံမှု အမြန်နှုန်း +၁၀၀%, မီးအမျိုးအစား မှော်စွမ်းအား/ ကျင့်ကြံမှု  စွမ်းအား + ၅၀ %]

လွန်ခဲ့သည့်ရက်အနည်းငယ်အတွင်း ကိုယ်ပွားသုံးကောင်သည် ၎င်းတို့၏စွမ်းရည်များကို ငါးကြိမ်မှ ခုနစ်ကြိမ်အထိ အသီးသီး ပြန်လည်ဆန်းသစ်စေခဲ့သည်။

၎င်းတို့အနက် ဓားဝိညာဉ်သည် ပဉ္စမအကြိမ်ကြိုးစားမှုတွင် ရရှိသောစွမ်းရည် ဖြစ်သည်။

လင်းရှန်သည် ဤစွမ်းရည်ကို မဆိုင်းမတွ သိမ်းထားရန် ဆုံးဖြတ်ခဲ့သည်။

မြောင်ယို၏ဖော်ပြချက်ကို နားထောင်ပြီးနောက် ဓားသမားတစ်ယောက်ဖြစ်လာရန် စိတ်ကူးရှိခဲ့သည်။

ယခု သူသည် ဓားအမျိုးအစား စွမ်းရည်ကို ရရှိရန် ကံကောင်းခဲ့ပြီး ၎င်းသည် အလွန်ထိရောက်သော ဓားတစ်ချောင်းဖြစ်သဖြင့် ၎င်းကို မလွှတ်နိုင်တာ သေချာပါသည်။

"ဒီစွမ်းရည်ရဲ့ အကျိုးသက်ရောက်မှုက သန့်စင်သော ယန်စွမ်းအားခန္ဓာကိုယ်နဲ့ ယှဉ်လုနီးပါးပါပဲ။"

ကျန်တဲ့ စွမ်းရည် နှစ်ခုကတော့ ဒီနေ့မှပဲ ပြန်လည် ဆန်းသစ်ထားတာပင်။

ပြောစရာမလိုအောင်  သူက စွမ်းရည်ကို ငြင်းဆန်ပြီး ပြန်လည်ဆန်းသစ်ဖို့ ဆက်လက်လုပ်ဆောင်ခဲ့သည်။

ကျင့်ကြံမှု အရှိန်ကို၅၀% တိုးမြှင့်ခြင်း၏ သက်ရောက်မှုမှာ အလွန်နည်းပါသည်။ ဉာဏ်ကောင်းခြင်းက အလွန်အမင်းထိခိုက်စေသည်ကဲ့သို့ ဘေးထွက်ဆိုးကျိုး မရှိသော်လည်း လင်းရှန်၏မျှော်လင့်ချက်နှင့် ဝေးကွာနေပါသည်။

အနည်းဆုံးတော့ သူ့ရဲ့ ကျင့်ကြံမှု အမြန်နှုန်းကို ၁၀၀% တိုးပေးရမည်။

သို့သော် လီမီးဝိညာဉ်ခန္ဓာကိုယ်က လင်းရှန်ကို အံ့အားသင့်စေခဲ့သည်။

သူသည်  ကျင့်ကြံသူ သခင်ထံ တိုးလာသောကြောင့် ဒြပ်ငါးပါးနှင့်စပ်လျဉ်းသည့် စွမ်းရည်များစွာ ရှိလာသည်။

လွန်ခဲ့သည့်ရက်အနည်းငယ်အတွင်း လီမီးဝိညာဉ်ခန္ဓာကိုယ်အပြင် လင်းရှန်သည် အလားတူပင်ကိုယ်စွမ်းရည်နှစ်ခုကို မြင်တွေ့ခဲ့ရသည်။

[သတ္တုဝိညာဉ်ကိုယ်ထည်- သတ္တုမှော်စွမ်းအား/ ကျင့်ကြံမှုအမြန်နှုန်း+ ၁၀၀%, သတ္တုမှော်စွမ်းအား/ ကျင့်ကြံမှုစွမ်းအား+၅၀%]

[ရေဝိညာဉ်ကိုယ်ထည်- ရေစွမ်းအား/ ကျင့်ကြံမှုအမြန်နှုန်း+ ၁၀၀ %, ရေစွမ်းအား/ ကျင့်ကြံမှုအမြန်နှုန်းစွမ်းအား+ ၅၀ %]

ရိုးရိုးသားသား ပြောရလျှင် ဝိညာဉ်ခန္ဓာကိုယ် ကြီးထွားမှု အရှိန် +၁၀၀% နှင့် +၅၀% ၏ စွမ်းအားသည် ကျေနပ်စရာ ကောင်းသည်။

သို့သော်လည်း  လင်းရှန်က မကျေနပ်သေးပေ။

“တစ်ကိုယ်ရေ  ဒြပ်ငါးပါးဝိညာဉ်ခန္ဓာကိုယ်ဆို တော့ အမျိုးမျိုးကွဲထွက်မယ်လို့ ဆိုလိုတာလား။”

လင်းရှန် ချမှတ်ထားတဲ့ ပန်းတိုင်က အနည်းဆုံး စွမ်းရည် သုံးခုကို ကျင့်ကြံဖို့ပင်။

ထိုအခြေအနေမျိုးတွင် သူချမှတ်ထားသော ဝိညာဉ်ခန္ဓာသည်  စွမ်းရည်များစွာရှိလျှင် အကောင်းဆုံးဖြစ်လိမ့်မည်။

ဒြပ်စင်တစ်ခု၏ ဝိညာဉ်ရေးရာစွမ်းရည်သည် အနည်းငယ် စိတ်ပျက်စရာကောင်းနေသေးသည်။

ဝိညာဉ်ခန္ဓာကိုယ်စွမ်းရည်တစ်ခု၏ အကျိုးသက်ရောက်မှုသည် ကောင်းမွန်တဲ့ ရလဒ်မဟုတ်ပေ။ အကယ်၍ ၎င်းသည် ကြီးထွားမှုအရှိန် +၂၀၀% နှင့် စွမ်းအား +၁၀၀% ရှိသော ဓားဝိညာဉ်နှင့်တူပါက  လင်းရှန်က ၎င်းကို လက်ခံမည်ဖြစ်သည်။

“ဘယ်လိုပဲဖြစ်ဖြစ် ကျင့်ကြံနည်းကို မရွေးချယ်ခင်  ငါ့မှာ အချိန်ရှိပါသေးတယ်။ ငါ ဒါကို အသစ်ပြောင်းလို့ရသေးတယ်။"

လင်းရှန်က မျက်နှာပြင်ကို ပိတ်လိုက်ပြီး အခန်းတံခါးကို တွန်းဖွင့်ကာ အပြင်ကို ထွက်သွားသည်။

သင်္ဘောကုန်းပတ်တွင် ဘာမှမရှိပေ။

ချွီခယ်နဲ့ ရှန်ကျီနင်တို့သည် လွန်ခဲ့သည့် ရက်အနည်းငယ်အတွင်း အပြင်ထွက်ခဲသည်။ သူတို့သည် မှော်အဆီအနှစ်အရည်ကို သန့်စင်ရန်နှင့် ၎င်းတို့၏ ဝိညာဉ်မဏ္ဍိုင်သွေးကြော များကို ပေါင်းစည်းရန် ၎င်းတို့၏ အခန်းများတွင် တည်းခိုနေကြသည်။

ကုန်းပတ်ပေါ်တွင် ရပ်နေသော လင်းရှန်သည် အပြင်ကို လှမ်းကြည့်လိုက်ရာ လှိမ့်နေသော တောင်များနှင့် သစ်တောများကို တွေ့လိုက်ရသည်။

နဂါးပျံသင်္ဘောသည် ထိုနေ့တွင် လူသားမျက်နှာရှိသော ဇီးကွက်များနှင့် တွေ့ဆုံရာနေရာကို ရောက်နေပြီဖြစ်သည်။

လင်းရှန်သည် သူ၏ဝိညာဉ်ရေးရာအာရုံများကို ကီလိုမီတာများစွာအကွာထိ လွင့်ရင်း တောင်နံရံနောက်ကွယ်တွင် ပုန်းအောင်းနေသော လူမျက်နှာရှိ ဇီးကွက်များကို ရှာဖွေတွေ့ရှိခဲ့သည်။

၎င်းတို့က လေးငါးယောက်ပဲ ရှိသည်။

သို့သော် သူ့အား အံ့အားသင့်စေသည့်အရာမှာ ထိုလူသားမျက်နှာရှိ ဇီးကွက်များသည် ထိုနေ့တွင် သူကြုံတွေ့ခဲ့ရသော အကောင်များနှင့် ကွဲပြားနေခြင်းဖြစ်သည်။ သူတို့အသွင်အပြင်က လူတွေနဲ့ ပိုတူသည်။ သူတို့သည် လူသားတို့၏ဒုက္ခနှင့် နီးစပ်နေသည်မှာ ထင်ရှားသည်။

သူတို့သည် ဝိဉာဉ် မဏ္ဍိုင်သွေးကြောများကို ပေါင်းစည်းရန် စတင်နေပြီဖြစ်သည်။

သူတို့သည်  ချွီခယ်နဲ့ရှန်ကျီနင်ကိုကြောက်သောကြောင့်ဖြစ်ကောင်းဖြစ်

နိုင်သည်။ ဤလူသားမျက်နှာဇီးကွက်များသည်  နဂါးပျံသင်္ဘောကိုအဝေးမှကြည့်ရုံသာ တတ်နိုင်ပြီး ဘာမှ မတတ်နိုင်ပေ။

ဤဇီးကွက်များကို သတ်ခြင်းသည် သတ်ဖြတ်ခြင်းကို အားပေးသည့် စွမ်းရည် အကျိုးသက်ရောက်မှုကို ဖြစ်ပေါ်စေမည်မဟုတ်သောကြောင့်  လင်းရှန်သည် တိုက်ခိုက်ခြင်းကို စိတ်မဝင်စားပေ။

သိပ်မကြာခင်မှာပဲ  နဂါးပျံသင်္ဘောဟာ တဖြည်းဖြည်းနဲ့ ဝေးရာကို ပျံသန်းသွားခဲ့သည်။

သို့သော် လူမျက်နှာနဲ့ဇီးကွက်များက လင်းရှန်၏ ဝိညာဉ်အာရုံအကွာအဝေးမှ ထွက်ခွာခါနီးတွင် ရင်းနှီးသော အရောင်အဝါတစ်ခုရုတ်တရက် ပြေးဝင်လာပြီး လူမျက်နှာရှိ ဇီးကွက်များရှိရာ တောင်နံရံပေါ်သို့ ဆင်းသက်လာသည်။

မြောင်ယို

လင်းရှန် အနည်းငယ် အံ့အားသင့်သွားသည်။

သူမသည် ထိုလူသားမျက်နှာဇီးကွက်များနှင့် အဘယ်ကြောင့်  ရင်းနှီးနေသနည်း။

နဂါးချောက်နက်တောင်တန်းတွင် လက်အောက်ငယ်သားတစ်စုရှိကြောင်း မြောင်ယို တစ်ချိန်ပြောခဲ့ဖူးတာကို လင်းရှန်သတိရမိသည်။ သူတို့သည် ဤဇီးကွက်အုပ်စုဖြစ်ကြောင်း သိသာသည်။

" သခင်မြောင်ယို”

"သခင်မလေး”

မြောင်ယိုပြန်လာသောအခါ ဇီးကွက်များအားလုံး အံ့အားသင့်သွားပြီး သူမအား စိတ်လှုပ်ရှားစွာ နှုတ်ဆက်ကြသည်။

မြောင်ယိုအကြည့်သည် လက်အောက်ငယ်သား အုပ်စုကို လွှမ်းခြုံသွားသည်။ အားလုံးအဆင်ပြေနေတာကိုမြင်တော့ သူ့မျက်နှာမှာ အပြုံးတစ်ခုပေါ်လာသည်။

"ငါပျောက်နေတုန်းက တစ်ခုခုဖြစ်ခဲ့တာလား"

ဒါက ပေါ့ပေါ့ပါးပါး မေးခွန်းတစ်ခုသာဖြစ်ပေမယ့် လက်အောက်ငယ်သားတွေက ကြောက်နေပုံရကြောင်း  မြောင်ယိုက သဘောပေါက်သွားသည်။ သူမက မျက်မှောင်ကြုတ်ကာ “ဘာဖြစ်တာလဲ” ဟု လေးနက်သော အသံဖြင့် မေးသည်။

မြောင်ယိုသည် သူ့ဘေးနားရှိ ငွေရောင်အမွေးရှိသော လူမျက်နှာပေါက်နဲ့ဇီးကွက်ကို တစ်ချက်ကြည့်လိုက်သည်။ သူ နှုတ်ဆိတ်နေတာကို မြင်လိုက်ရတော့ ရှေ့ကို ခြေတစ်လှမ်း လှမ်းတိုးပြီးပြော၏

"ဆရာမြောင်ယို ၊ လွန်ခဲ့တဲ့ တစ်လကျော်က နဂါးပျံသင်္ဘောက ဒီဧရိယာကို ဖြတ်သွားတယ်။ မြောင်လီက ဒီသင်္ဘောကို ခွင့်မပြုဘဲ တိုက်ခိုက်ဖို့ မျိုးနွယ်ဝင်အများအပြားကို စေလွှတ်ခဲ့တယ်။ ရလဒ်ကတော့ သူတို့ အကြီးအကျယ် ဆုံးရှုံးမှုတွေ ခံစားခဲ့ရတာပဲ”

ထိုစကားကိုကြားပြီးနောက် မြောင်ယိုသည် မအံ့ဩဘဲမနေနိုင်ပေ။

နဂါးပျံသင်္ဘောလား။

ထို့အပြင် ၎င်းက ရွှမ်တု အစည်းအဝေး မစတင်ခင် လွန်ခဲ့သော တစ်လကျော်ကပင် ဖြစ်သည်။  အဲ့တာ လင်းရှန် ဖြစ်နေမလား။

မြောင်ယို စိတ်ညစ်သွားသည်။

ဒီကောင်တွေက နဂါးပျံသင်္ဘောကို တိုက်ခိုက်ရဲတယ်

လင်းရှန်က သူတို့ကို မတိုက်ခိုက်ပေ။ မဟုတ်ရင် အားလုံးသေကုန်ကြလိမ့်မည်ပင်။

မြောင်ယိုသည်  လင်းရှန်မည်မျှ အစွမ်းထက်သည်ကို ကိုယ်တိုင်တွေ့ကြုံဖူးသည်။

ကျင့်ကြံသူ သခင်ဖြစ်မလာမီ သူမ၏ လက်အောက်ငယ်သားများအားလုံးကို စည်းရုံးလျှင်ပင် လင်းရှန်သည် ၎င်းတို့အားလုံးကို အနိုင်ယူနိုင်မည်ဖြစ်သည်။

မြောင်ယို၏ တိတ်ဆိတ်ခြင်းကိုမြောင်လီ၏ မျက်လုံးများမှ ဒေါသအဖြစ် အဓိပ္ပာယ်ဖွင့်ဆိုခဲ့သည်။ အဲ့တာကလည်း သူ့ကိုယ်သူ ကာကွယ်ဖို့ပင်။

"သခင်မြောင်ယိုအတွက် လက်စားချေပေးပြီး အဲဒီ ယုတ်မာတဲ့ ကျင့်ကြံသူတွေကို သင်ခန်းစာတစ်ခု သင်ပေးချင်လို့ပါ”

မြောင်ယိုသည် သူမ၏ အာရုံများဆီသို့ ပြန်ရောက်လာပြီး ပြုံးနေသည်။

လုဝမ်စုန့်ကြောင့် သူမ ဒဏ်ရာရခဲ့သည်။ သူ့လက်အောက်ငယ်သားတွေကို စိတ်မပူဖို့ လိမ်ညာပြီး ပျံကျကျင့်ကြံသူက လုပ်တာဟုပြောခဲ့သည်။ ဒီလိုအဖြစ်အပျက်မျိုးကို သူမ မျှော်လင့်မထားပေ။

ဒါကိုတွေးပြီး မြောင်ယိုက  သူ့လက်အောက်ငယ်သားတွေကို သင်ကြားပေးချင်စိတ်မရှိတော့ပေ။  သူမလက်ကို ဝှေ့ယမ်းလိုက်သည်။

"ကောင်းပြီ၊ မင်းက ငါ့အတွက်လုပ်ခဲ့တာဆိုတော့ ဒီတစ်ကြိမ်တော့ မင်းကို အပြစ်ပေးမှာ မဟုတ်ဘူး။ ဒါပေမဲ့ နောက်တစ်ကြိမ်တော့ အဲ့လိုရှိမှာမဟုတ်ဘူး။  ငါတို့ရန်သူတွေက လင်းယုန်အနွယ်က သစ္စာဖောက်တွေဆိုတာ သတိရပါ။ ကျန်တာကို လောလောဆယ် ဘေးဖယ်ထားရမယ်။” ဒါကိုကြားတော့  မြောင်လီက ဝမ်းသာအားရနဲ့ အကြိမ်ကြိမ် ခေါင်းညိတ်လိုက်သည်။

"ဟုတ်ကဲ့ သခင်မလေး”

တခြား ဇီးကွက်တွေလည်း ခေါင်းညိတ်သည်။