လှည့်ကွက်များ (၁)

အရည်အသွေးခန်းမ၏ လက်ထောက်များတွင် အမှန်တကယ် မြင့်မားသော ကျင့်ကြံမှု အဆင့်မရှိပေ။

အမျိုးမျိုးသော ဖလှယ်ရေးကိစ္စများကို ကိုင်တွယ်ဖြေရှင်းခဲ့ရပြီး တပည့်များကို လုပ်ကိုင်ပေးခဲ့ကြရသောကြောင့် သူတို့မှာ နေ့စဉ်ကိစ္စများစွာရှိခဲ့သည်။ ထို့ကြောင့် လေးနက်သော ကျင့်ကြံမှုအဆင့်ရှိသည့် ကျင့်ကြံသူများသည် ဤအလုပ်ကို စိတ်မဝင်စားကြပေ။

ထို့အရာများကို စီမံခန့်ခွဲရန် ဤနေရာသို့ လာနိုင်သည့်သူများသည် များသောအားဖြင့် ကျင့်ကြံမှုလမ်းကြောင်းတွင် မြင့်မားသော မျှော်လင့်ချက်များ မရှိတော့သော ကျင့်ကြံသူများဖြစ်သည်။

သက်လတ်ပိုင်း ကျင့်ကြံသူသည် ဥပမာတစ်ခုဖြစ်သည်။

သာမာန်အတွင်းဂိုဏ်း၏ တပည့်များနှင့်တွေ့ရင်တော့ သူက  မြင့်မြတ်ပြီး တန်ခိုးကြီးသည်။ အဲဒီလူတွေကို လေးစားမှုပြဖို့ မလိုပေ။

သို့သော်လည်း ရှားမုန့်ရန်သည် သူ့ထက် ကျင့်ကြံမှုအဆင့် ကျော်လွန်သွားရုံသာမက တောက်ပသော အနာဂတ်ကိုလည်း ပိုင်ဆိုင်ထားသည်။ ဆရာကြီးယုနှင့် သူမ၏ ဆက်စပ်မှုကြောင့်  သူမကို စော်ကားရဲသည့် လက်ထောက်မရှိပေ။ ထို့ကြောင့် လူလတ်ပိုင်းအရွယ်သည် လုံးဝ ပေါ့ဆမနေဝံ့ပေ။

ရှားမုန့်ရန်က သူမလက်ကို စိတ်မရှည်စွာ ဝှေ့ယမ်းပြီး "အရမ်းယဉ်ကျေးမနေပါနဲ့တော့။ ဒါက ဆရာရဲ့ တပည့်အသစ်။  လှိုဏ်ဂူ ဗိမာန်ကို ရွေးချယ်ဖို့ သူ့ကို ဒီနေရာကို ခေါ်လာခဲ့တာ မြန်မြန် မြေပုံကိုပြ။”

သက်လတ်ပိုင်းအမျိုးသားသည် ရှားမုန့်ရန်၏ကိုယ်ရည်ကိုယ်သွေးနှင့် အလွန်ရင်းနှီးသူဖြစ်သည်။ သူ့သဘောထားကို အပြစ်မမြင်ဘဲ မြေပုံကိုယူဆောင်လာရန် တစ်စုံတစ်ဦးအား အမြန်ခေါ်ခဲ့သည်။

သိပ်မကြာခင်မှာပဲ တာဝန်ကျဆယ်ကျော်သက်တစ်ယောက်က မြေပုံကို ယူလာခဲ့သည်။

ဆယ်ကျော်သက်လေးက မြေပုံကို လွှဲပြောင်းပေးတာကို မစောင့်ဆိုင်းဘဲ ရှားမုန့်ရန်က ၎င်းကို လုယူကာ ဖြန့်ထုတ်လိုက်သည်။

ခဏအကြာတွင် သူမ မျက်မှောင်ကြုတ်ကာ “ဘာဖြစ်တာလဲ။ အနှစ်သာရစီရင်စုနေရာက လေးခုပဲရှိပြီး ဘာလို့ ပထဝီဝင်အရ အဆိုးဆုံးနေရာတွေဖြစ်နေတာလဲ”

လူလတ်ပိုင်းအရွယ်က ပြုံးပြီး လက်ခုပ်တီးသည်။ “စံအိမ်သခင် ရှား၊ အနှစ်သာရစီရင်စုအဆင့်က အမြဲရှားပါးလာတယ်။ ပထဝီဝင်အနေအထား ဘယ်လောက်ဆိုးနေပါစေ လူတော်တော်များများက အဲဒီအတွက် တိုက်ပွဲဝင်နေကြတယ်။ လေးခုက တော်တော်များနေပြီ”

ရှားမုန့်ရန်က ရယ်မောလိုက်သည်။

“သာမန်တပည့်တွေကို လှည့်စားဖို့ ဒီစကားလုံးတွေကို သုံးနိုင်ပေမယ့် မင်းငါ့ကို လှည့်စားဖို့ ဝေးနေသေးတယ်” 

"ချူးကျီဟယ်၊ ငါပြောစရာရှိတယ်။ ငါ့ကို လှည့်စားတာမျိုး မလုပ်ပါနဲ့။ မြန်မြန်သွားပြီး တကယ်ကောင်းတဲ့ ဂူဗိမာန်တွေကို ဖယ်ထုတ်ခဲ့။  မဟုတ်ရင် မင်းရဲ့ အဆောင်ကို ဖြိုဖျက်လို့ ငါ့ကို အပြစ်မတင်နဲ့။"

အကူအညီတောင်းရန် လင်းရှန်ကိုကြည့်ရင်းချူးကျီဟယ်၏မျက်နှာသည် နီရဲလုနီးပါးဖြစ်သွားသည်။

လင်းရှန်သည် အောက်ကိုငုံ့ကြည့်ကာ ဘာမှမမြင်ဟန်ဆောင်သည်။

သူတကယ် မလှည့်စားနိုင်တာကိုတွေ့လိုက်ရတော့ ချူးကျီဟယ်က သူ့သွားတွေကိုသာ အံကြိတ်ပြီး သူ့အင်္ကျီလက် ထဲက စက္ကူလိပ်တစ်လိပ်ကို ထုတ်ပြီး ရှားမုန့်ရန်ကို ပေးလိုက်သည်။

ရှားမုန့်ရန်က အဲဒါကို ကြည့်ပြီး သူမအမူအရာက နည်းနည်းတော့ သက်သာသွားသည်။  ထို့နောက် သူမသည် စာရွက်စာတန်းကို လင်းရှန်အား ပေးလိုက်သည်။

“မောင်လေး၊ ကြည့်စမ်း။ ရွှေရောင်စမ်းချောင်းက ဝေးလံခေါင်သီတဲ့ဒေသမှာ တည်ရှိပေမဲ့ ကျင့်ကြံဖို့ ကောင်းမွန်တဲ့နေရာတစ်ခုပဲ။ ကျွန်းပေါ်မှာ ရေနဲ့သတ္တုဝိညာဉ်အနှစ်သာရတွေ ပေါများပြီး ဒြပ်စင်နှစ်ခုကို ကျင့်ကြံဖို့သင့်လျော်တယ်။   အကြီးအကဲတွေကျင့်ကြံနေတဲ့ ဂူကြီးလောက်နီးပါး ကောင်းပါတယ်။”

ထိုအချိန်တွင် ရှားမုန့်ရန်သည် ချူးကျီဟယ်ကို ဘေးတိုက်ကြည့်ကာ အော်လိုက်သည်။

"အနည်းဆုံးတော့ မင်းအတွက်ကောင်းတာကို သိပြီး ငါတို့ကိုလှည့်စားဖို့ ဒီအမှိုက်ကို မသုံးနဲ့ပေါ့”

ချူးကျီဟယ်က ပြုံးလိုက်သည်။

အနှစ်သာရစီရင်စုအဆင့် ဗိမာန်သည် ဆိုးရွားသောတည်နေရာနှင့် အနည်းငယ်

နည်းသော ဝိညာဉ်ရေးအခွင့်အလမ်းရှိလျှင်ပင် ၎င်းကို အမှိုက်ဟု မခေါ်သင့်ပေ။

အကယ်၍သာမန် ကျင့်ကြံသူသခင်သာ ထိုကဲ့သို့ ဂူဗိမာန်ကို ရယူနိုင်ခဲ့ပါက အိပ်မက်ထဲတွင် ရယ်မောကာ နိုးထလာမည်ဖြစ်သည်။

အမှန်တကယ်ပင် ရွှေစမ်းချောင်းကျွန်းသည် ကျင့်ကြံရန် ကောင်းသောမြေဖြစ်သည်။

အနှစ်သာရစီရင်စုအဆင့် ဗိမာန်အားလုံးတွင် ရွှေစမ်းချောင်းကျွန်း၏ ဝိညာဉ်ရေးရာအခွင့်အရေးသည် ထိပ်တန်းဆယ်ခုတွင် သေချာပေါက်ဖြစ်သည်။ ထို့အပြင် ကျွန်းသည် သတ္တုနှင့် ရေ ဝိညာဉ်ရေးရာ အနှစ်သာရများဖြင့် ပြည့်နေသည်။  သတ္တုနှင့် ရေဒြပ်စင်နည်းစနစ်များသည် ကျင့်ကြံသူများ အတွက် မင်္ဂလာရှိသော မြေဖြစ်ခဲ့သည်။

ထို့ကြောင့်လည်း လူများစွာသည် ရွှေစမ်းချောင်းကျွန်းကို မျက်စိကျခဲ့ကြသောကြောင့်လည်းဖြစ်သည်။

တကယ်တော့ ဒီလှိုဏ်ဂူဟာ သီးသန့်တည်ရှိပြီးသားပင်။ ရှားမုန့်ရန်က သူမစကားအတိုင်း အဆောင်ကို တကယ်ဖြိုဖျက်ပစ်မလား ချူးကျီဟယ်က မသိခဲ့ဘူးဆိုရင် ရွှေစမ်းချောင်းကျွန်းကို ထုတ်ပေးမှာ မဟုတ်ပေ။

တုံ့ဆိုင်းသွားပြီးနောက် ချူးကျီဟယ်က မတတ်နိုင်ဘဲ ပြောလိုက်သည် ။

“စံအိမ်သခင်ရှား ၊ ရှန်မိသားစု ရှန်ဝမ်ချီက ရွှေစမ်းချောင်းကျွန်းကို လွန်ခဲ့တဲ့ သုံးရက်က ကြိုတင်မှာထားပြီးသားပါ။ တကယ်လို့ ရွှေစမ်းချောင်းကျွန်းကို ဖယ်ထုတ်လိုက်ရင် တာအိုသခင်ရှန်ကို ဖြေစရာရှိမှာမဟုတ်ဘူး” 

"ရှန်ဝမ်ချီ" ရှားမုန့်ရန်သည် အနည်းငယ် မျက်မှောင်ကြုတ်ကာ အမြန်ပြန်သတိရလာသည်။ “လွန်ခဲ့တဲ့ နှစ်နှစ်လောက်က ကျင့်ကြံသူတစ်ယောက်အဖြစ် အဆင့်တက်ခဲ့တာမလား။ သူက ကျင့်ကြံဖို့ လှိုဏ်ဂူကို ရွေးချယ်ပြီးသားမလား။ ဘာလို့ ရွှေစမ်းချောင်းကျွန်းကို လိုချင်တာလဲ”

“အင်း…”ချူးကျီဟယ်၏ မျက်လုံးများ မှိတ်တုတ်မှိတ်တုတ်ပင်။

ရှားမုန့်ရန်သည် ကိုယ်ခံပညာတည်မြဲရေးစံအိမ်တွင် အလားတူအရာများစွာကို မြင်တွေ့ခဲ့ရသည်။ ဒါကိုမြင်ရတော့ ဘယ်လိုမှ နားမလည်နိုင်တော့ပေ။ အေးစက်သော အပြုံးတစ်ခုက သူ့နှုတ်ခမ်းတွင် ပေါ်လာသည်။

“တပည့်စစ်တိုင်းက ဂူတစ်လုံးတည်းမှာပဲ နေထိုင်နိုင်တယ်လို့  ဂိုဏ်းက ပြဋ္ဌာန်းထားတယ်။ အဲ့တာကို ရွေးချယ်ပြီးရင် ဂိုဏ်းခွင့်ပြုချက်မရှိဘဲ နောက်တဖန်ပြောင်းလဲဖို့တားမြစ်ထားတယ်။ ချူးကျီဟယ် မင်းက ရှန်ဝမ်ချီနဲ့ လျှို့ဝှက်အကြံအစည်တစ်ခုလုပ်ဖို့ သတ္တိရှိတယ်ပေါ့ ။ ငါ့စံအိမ်မှာ ပြစ်ဒဏ်

စီရင်တာကို ခံချင်တာပေါ့"

ချူးကျီဟယ်သည် ချက်ချင်းပင် အေးစက်သော ချွေးများဖြင့် ထွက်လာပြီး "ခန်းမသခင် ကျွန်တော်မှာမှာ ရွေးချယ်စရာ မရှိပါဘူး။ ရှန်မိသားစုကို စော်ကားဖို့ မတတ်နိုင်ပါဘူး”

ယန်မိသားစုကို သုတ်သင်ရှင်းလင်းပြီးနောက် ရှန်မိသားစုသည် ထင်ရှားကျော်ကြားလာကာ ယန်မိသားစုနေရာဖြစ်သည့် ကျော်ကြားသော တပ်ဖွဲ့ဝင်တစ်ဦးအဖြစ် အစားထိုးလာခဲ့သည်။ ယခု သူတို့သည် အာဏာရှိနေခဲ့သည်။ သူ့လို လက်ထောက်ငယ်လေးက သူတို့ကို ဘယ်လို နှိုးဆော်ဝံ့မလဲ

ရှားမုန့်ရန်က ဒါကို သိသည်။ ချူးကျီဟယ်သည် ရှန်မိသားစုကို ရန်စရန် မဝံ့ရဲပေမဲ့ သူမ မကြောက်ပေ။

“တိုတိုပြောရရင် ရွှေစမ်းချောင်းကျွန်းကို ငါ့ဂျူနီယာ မောင်လေးကို ပေးလိုက်၊ ရှန်ဝမ်ချီက မကျေနပ်ရင် ငါ့ကို  လာပြောခိုင်းလိုက်။ သူ့ကို ပုဂ္ဂိုလ်ရေးအရ ပြောလိုက်မယ်”

သူ့ကို လက်သီးနဲ့ထိုးဖို့ ကြိုးစားနေတာလား။

ချူးကျီဟယ်က ကျိန်ဆဲလိုက်သည်။

"နေကိုးစင်းဂိုဏ်းထဲက လူတိုင်းက မင်းကို ရန်မစရဲဘူးဆိုတာ သိတယ်။ ရှန်ဝမ်ချီက မင်းဆီလာရဲရင် လူမိုက်တစ်ယောက်ဖြစ်ရမယ်။ သူဒီလိုလုပ်ရင် သူ့မှာ ရွှေစမ်းချောင်းကျွန်း မရရုံတင်မကဘဲ  အရိုက်ပါခံရလိမ့်မယ်”

ရှားမုန့်ရန်သည် ဓားပညာရှင်ဖြစ်ပြီး နေကိုးစင်းဂိုဏ်း၏ နတ်ဘုရားပိတ်ဆို့ခြင်းဝိညာဉ်ရှစ်ခုထဲမှ တစ်ခုကို ကျင့်ကြံခဲ့ကြောင်း လူတိုင်းသိကြသည်။ သူမ၏တိုက်ခိုက်ရေးစွမ်းအားသည် သာလွန်ကောင်းမွန်ပြီး သူမသည် မှော်အလင်းအဆင့်အောက်တွင် ပြိုင်ဘက်ကင်းသူဖြစ်ကြောင်း သိရှိထားသည်။

ရှန်ဝမ်ချီသည် အမှန်တကယ်ပင် သန်မာသော်လည်း ရှားမုန့်ရန်ကဲ့သို့ ကျင့်ကြံသူသခင်နှင့် ဆန့်ကျင်ဘက်တွင် သူသာ အရိုက်ခံရမည်မှာ သံသယဖြစ်ဖွယ်မရှိပေ။

ခုထိ…

ချူးကျီဟယ်သည် လင်းရှန်ကို တစ်ချက်ကြည့်လိုက်သည်။

“ရှန်ဝမ်ချီက ခန်းမသခင်ရှားနဲ့ ပြဿနာရှာဝံ့မှာမဟုတ်ပေမယ့် ဒီဂျူနီယာညီလေးကတော့ မတူဘူး.."