ရှေးဟောင်းလူမျိုးတို့၏ပုရစ်တိုက်ပွဲ

လပ်နှင့်စုတ်ချွန်းစကားပြောဆိုနေစဉ်မှာပင်

အာကာသယာဉ်ပျံကြီးများဆိုက်ရောက်လာပြီး

စကြဝဠာလုံခြုံရေးအဖွဲ့ရဲ့တပ်သားများနေရာအနှံ့

ဖြန့်ကြက်ထားလေတော့သည်။

စုတ်ချွန်းက ဆေးလိပ်မီးခိုးငွေ့များကိုမှုတ်ထုတ်ရင်းပြောလိုက်သည်။

"ဒါ ဗာရာနန်းတော်က တပ်သားတွေပဲ

လူလူးဂြိုလ်က သူတို့ဂရုစိုက်တဲ့အထဲပါပုံပဲ"

"ခင်ဗျား က ဗာရာ နန်းတော်ကပဲလား "

လပ်ကသိချင်စိတ်ဖြင့်မေးလိုက်တယ်။

  "အဲ့လိုပြောလို့ရတယ် ဗာရာနန်းတော်က

ကယ်ဆယ်ရေးဝန်ကြီးဌာနရဲ့ အမတ်တစ်ယောက်က

ငါ့ကိုမွေးစားခဲ့တာ"

အိုး ခင်ဗျားကံကောင်းတာပဲ

"ကံကဆိုးပြီးရင်ကောင်းလာတတ်တယ်လေ"

စုတ်ချွန်းက မချိပြုံးပြုံးရင်းပြောလေသည်

"ဒါပေမဲ့ ကျနော့်ရဲ့အကျင့်ဆိုးကြောင့်ဗာရာနန်းတော်

က နေလွန်ခဲ့တဲ့၅ နှစ်ကနှင်ထုတ်ခံလိုက်ရတယ်"

ဟုဆက်ပြောလေသည်။

မကြာမီပြန်လည်ထိန်းသိမ်းရေးအဖွဲ့များက

တိုက်ခိုက်ခံရသူများကိုကူညီကယ်ဆယ်ပေးပြီး

မြို့ကိုသန့်ရှင်းရေးလုပ်နေကြပါတော့တယ်။

သေဆုံးသူ၆၂ယောက်ရှိပြီးဒဏ်ရာရသူ၅၀ကျော်ရှိလေသည်။

ခေတ်မှီနည်းပညာများကြောင့်မြန်ဆန်ပြီး၂နာရီအကြာမှာတော့တမြို့လုံးပြန်လည်လည်ပတ်ကာ

မြို့နေပြည်သူများလည်းသွားလာနေကြပါပြီ။

ခေါင်းဆောင် ဝံပုလွေလူသားကို နှုတ်ဆက်ပြီးနောက် လပ်တစ်ယောက် စုတ်ချွန်းကသောက်ရန်

ဖိတ်ခေါ်တာကြောင့် ကောက်ကောက်ပါအောင်

လိုက်သွားပါလေတော့တယ်။

လမ်းမှာစကားပြောကြရင်း

စုတ်ချွန်းရဲ့အမည်က ဖရီးဖောဖြစ်ကြောင်းသိလိုက်ရတယ်၊ဒါက သူ့ကိုကိုယ်ဝန်ရှိတော့သူ့အမေကတနေ့တစ်ခါလောက် ဒန်းမစီးရမနေနိုင် အပင်ပေါ်တွေတက်ခုန်ဆင်း၊ရေထဲကို ဒိုင်ပင်တွေပစ်အဲ့လိုတွေလုပ်နေလို့ အားလုံးကဝိုင်းပြီးဖရီးဖောလို့ပေးခဲ့ကြတာပါ

လွန်ခဲ့တဲ့၂၃နှစ် သူ၇နှစ်သားအရွယ်မှာသူတို့ဂြိုလ်မှာ

သားရဲတွေ၊နတ်ဆိုးတွေသောင်းကျန်းပြီးပုန်ကန်ခဲ့တာပေါ့ ၊ဗာရာနန်းတော်က နိမ်နင်းပေမဲ့လည်း

စောင့်ရှောက်သူအဆင့်ထက်မြင့်တဲ့တိုက်ပွဲတွေ

ကြောင့် လူသားတော်တော်မျာများက ငရဲသဖွယ်

သေကြေပျက်စီးခဲ့တာဟာဂြိုလ်တစ်ဝက်နီးပါးခန့်ရှိခဲ့ပါတယ်။စုတ်ချွန်းမိဘတွေက ထိုတိုက်ပွဲမှာသေသွားကြပြီးစုတ်ချွန်းကို ဗရာနန်းတော်ရဲ့လူကြီးတစ်ဦးက

မွေးစားခဲ့တာပါ၊ဒါကြောင့်မို့လို့လည်းသူကအသက်

၂၅ကျော်မှာS3ဖြစ်လာခဲ့တာပါ၊အရင်းအနှီးတွေ

ဆေးဝါးကောင်းတွေရခဲ့လို့ပေါ့။

ပြောရင်းနဲ့လပ်တစ်ယောက်စုတ်ချွန်းအကြောင်း

ပိုသိလာခဲ့ရတယ်။သပ်သပ်ရပ်ရပ်ဆိုင်ကလေး

တစ်ခုမှာလပ်တို့ထိုင်လိုက်ကြပါတယ်။အဲ့နောက်

သောက်ရင်းစားရင်းစကားဆက်ပြောကြတယ်ပေါ့

စုတ်ချွန်းဟာအသက်၁၉နှစ်အရောက်မှာအရက်စွဲပါတော့တယ်၊ဆေးလိပ်ကလည်းဖင်မီးခိုးထွက်သောက်ပါတယ်၊အဆိုးဆုံးကသူဟာလောင်းကစားရူးသွပ်သူတစ်ယောက်ဖြစ်လာတာပါ အိတ်ထဲရှိသမျှအကုန်

လောင်းပါတယ်။ဂျင်ဝိုင်းတွေ၊ဖဲဝိုင်းတွေရှုံး

အကောင်တိုက်ပွဲတွေလည်းလောင်း ရှုံးတော့

မွေးစားအဖေရဲ့မိတ်ဆွေတွေဆီကပိုက်ဆံလိုက်ချီး

တော့တာပဲ၊နောက်ဆုံးမှာနာမည်ပျက်ပြီးဗာရာနန်းတော်ကအရှက်ရစေတဲ့ကောင်ဆိုပြီးနှင်ထုတ်လိုက်တာပါ။မနှင်ပဲနေမလား နန်းတော်နာမည်ကိုသုံးပြီး ကမ္ဘာများစွာမှာပိုက်ဆံတွေလိုက်ချေးငှားတာပါ

အသတ်မခံရတာကံကောင်းပေစွ

လပ်လည်းနားထောင်ပြီးတော့

အားရား လောင်းကစားလုပ်ဖို့ ဂြိုလ်များအနှံ့အပြား

သွားတဲ့သူတော့မြင်ဘူးပြီဟုဆိုကာအံ့သြတကြီး

ကြည့်နေမိပါတော့တယ်။

"ဒါနဲ့ လပ် မင်းကသွေးခဲသစ်သီးလာစောင့်နေတာလား"

စုတ်ချွန်းကစကားစလိုက်သည်။

"ဟုတ်တယ်ဗျာ ကျနော်လည်းကံစမ်းကြည့်တာပေါ့"

S3အဆင့်ဆိုရင်တော့ရဖို့ ၇၀ရာခိုင်နှုန်းသေချာတယ်လို့ပြောကြတယ်လေ"

စုတ်ချွန်းမျက်နှာတည်သွားပြီး

"အဲ့ဒါကကံကောင်းလွန်းမှဟ" ဟုပြောလေသည်။

"မင်းကတော့ရနိုင်ကောင်းပါတယ်"

"မယုံရင် ငါတို့လောင်းကြမလား"

"နေနေ ဆရာသမား မလောင်းတော့ပါဘူး"

" UM 1000 ကြေးတော့လုပ်လိုက်"

  "မလုပ်ပါနဲ့ ဖရီးဖောရယ်

      ငါ့လည်းသိပ်ရှိတာမဟုတ်"

"ဟေ့ လပ် မင်း ဒီဂြိုလ်ကိုရောက်တာမကြာသေးဘူးမလား"

" မင်း ပုရစ်တိုက်ကွင်းရောက်ဖူးလား"

"နိုး မရောက်သေးဘူး ကြားတောင်မကြားဘူးတာ"

  "ဟုတ်ပြီ ခနနေရင် ငါသွားမလို့ ငါနဲ့လိုက်ခဲ့လေ"

နာရီဝက်ခန့်ကြာပြီးနောက် နှစ်ယောက်သားမူးနေကြပေပြီ။

သူတို့စွမ်းအားများဖြင့် အရက်မူးခြင်းကိုဖြေလိုက်၍

ရသော်လည်း နှစ်ယောက်စလုံးမလုပ်ကြပေ

(ဘာလို့လုပ်ရမှာလဲ မူးခြင်လို့ပိုက်ဆံပေးသောက်တာပါဆိုနေ)

အများသူငါသွားလာရေးအတွက်အသင့်ရှိအလှစီးရထားလုံးတစ်စီးကိုငှားကာနှစ်ယောက်သားစီးလာကြလေသည်။

မိနစ်၂၀ခန့်စီးလာပြီနောက်တောင်ကြားတစ်ခုကို

ရောက်လာကြတော့တယ်။

ဒီဒေသကြီးတစ်ခုလုံးပြားပန်းခတ်စည်ကားလှပြီးလူ

များ၊ မျိုးနွယ်ခြားများ၊သားရဲလူသားများစွာ

သွားလာလှုပ်ရှားနေကြသည်မှာလူပင်လယ်ကြီးအလားပင်

လပ်တစ်ယောက်အံ့သြစွာဖြင့်လိုက်ကြည့်လိုက်လျင်

ဒစ်ဂျစ်တယ်ဘုတ်ပြားများတွင်ကြော်ငြာများစွာတွေ့လိုက်ရလေသည်။

ယခုနှစ်ပြိုင်ပွဲချန်ပီယံ ဆိုတဲ့ ဆိုင်းဘုတ်အောက်တွင်

၁၀လက်မခန့်အရွယ်အစားရှိ အဝါနုရောင်ပုရစ်

တစ်ကောင်ရဲ့ပုံကိုဖော်ပြထားလေသည်။

ရှေးနှစ်က ချန်ပီယံများကိုလည်းပြသထားသည်။

ချန်ပီယံဖြစ်တဲ့ပုရစ်က UM ၁၀သန်းရမှာဖြစ်တယ်

စကြာဝဠာအသီးသီးမှ ပုရစ်တိုက်ပွဲများကြောင့်

ပုရစ်ကောင်တိုက်ပွဲဟာလွန်စွာရေပန်းစားပြီး

တိုက်ပုရစ်များမွေးမြူသူများရှိပြီးဈေးမှာလည်း

အလွန်ကြီးနေသည်၊အစာရောင်းသူများ၊ပုရစ်

လေ့ကျင့်သူများ၊လောင်းကစားဒိုင်များကလည်း

အငယ်တန်း၊အကြီးတန်း၊အဆင့်မြင့်ပွဲများအလိုက်

ကြေးသတ်မှတ်ပြီးဒိုင်ဖွင့်တာကြောင့်လောင်းကစား

လုပ်သူများကလည်းအကြိုက်ဖြစ်နေတော့သည်။

ဝါး

လပ် ခန့်ညားလှသောကျောက်စိမ်းတစ်မျိုးကိုသူတွေ့လိုက်ရတယ်၊အဲ့ဒါက ပေ၄၀ကျော်ရှည်ပြီးမိုးပေါ်

ထောင်တက်နေတယ်လေ၊ကျောက်စာကြီးတစ်ချပ်ပါ

ကျောက်စိမ်းတစ်မျိုးနဲ့လုပ်ထားတဲ့ကျောက်စာပေါ့

စိတ်ဝင်တစားကျောက်စာကိုဖတ်လိုက်တယ်

ရှေးခေတ်အရေးအသား ဒါပေမဲ့ဖတ်လို့ရတယ်။

ရှေးဟောင်းလူမျိုးတို့ရဲ့နန်းတော်ဝင်းဟောင်းပါ

ဒီဝင်းထဲမှာအရင်က သူတို့ရဲ့ဘုရင်ကြီးဟာ

ပုရစ်တွေမွေးမြူပြီးနိုင်ငံအနှံ့အပြားနဲ့ပုရစ်တိုက်ခဲ့တာပဲ၊သူများနိုင်ငံရဲ့ချန်ပီယံတွေစုပြီးပြိုင်ပွဲလုပ်

နောက်ဆုံးဗိုလ်ဆွဲသူကချန်ပီယံလိဒ်ဖလားရတယ်

ပေါ့ဗျာ။ဆုကမွေးမြူတဲ့သူကော၊ထရိန်နာကော

တိုက်ပုရစ်ကောင်ကိုရော ပေးတာဗျာ

ရှေးဟောင်းမင်းဆက်ဘုရင် ဂျော့လို့လဲရေးထားပါတယ်။ကျောက်စာကိုဖတ်ပြီးနောက်လပ်လည်း

သမိုင်းကြောင်းရှိတဲ့ ဒီပုရစ်တိုက်ပွဲကိုစိတ်ဝင်စားသွားပါတယ်။

ဒီတောင်ကြားဒေသကြီးတစ်ခုလုံးကိုတိုက်ပွဲအတွက်

ရောက်လာကြတဲ့ ကမ္ဘာအသီးသီးကလူတွေ

မျိုးနွယ်ခြားတွေတည်းလိုရအောင် ဟိုတယ်တွေ

စားသောက်ဆိုင်၊ကလပ်၊ကေတီဗီ၊မာဆက်

ပုရစ်အရောင်းဆိုင်၊အစာဆိုင်၊ငွေလွှဲကောင်တာ

လောင်းကစားဒိုင်ခန်းများ၊ကျင့်ကြံသူတွေအတွက်

ဆိုင်ခန်းများအိုစုံနေတာပါပဲ။

တိုက်ပုရစ်ကလေ့ကျင်ပေးရတယ်၊အစာကြွေးရတယ် ၊အမယ်သူတို့ကစွမ်းအားမတူကြဘူး

တချို့ကအဆိပ်၊တချို့က မီး၊ရေ၊လေအစွမ်းအချို့

ထုတ်နိုင်ကြတယ်။တိုက်ပွဲကွင်းပြင်တစ်ခုကို

ဘောလုံးကွင်းတစ်ကွင်းစာလောက်ကြီးတယ်

ဒါပေမဲ့ အလည်မှာမှန်ကိုပေ၂၀ပတ်လည်အပြည့်ကာထားတယ်။ပုရစ်နှစ်ကောင်ကအဲ့ထဲ့ဝင်ဖိုက်ကမှာ။

လပ်လည်း ရောက်တဲ့နောက်ပြိုင်ပွဲတစ်ခုဝင်ကြည့်ဖို့

ဆုံးဖြတ်လိုက်တယ်။

"ကျနော်တို့တစ်ပွဲလောက်ဝင်ကြည့်ရအောင်"

လပ်က စုတ်ချွန်းကိုလှည့်ပြောလိုက်တယ်။

အလွန်ရူးသွပ်သည့်မျက်နှာဖြင့် စုတ်ချွန်းက

အော်လိုက်လေသည်။

"နေပါအုံးဟ ချန်းချန်းဆိုတဲ့ပုရစ်ကိုငါလောင်းလိုက်

အုံးမယ်"

ဆက်ရန်