မာန်ပြည်ထောင်ရဲ့ကံကြမ္မာ

မည်ကဲ့သို့ ရန်ငြိုးဖွဲ့မှုမျိုးက လူတစ်ဦးကို

ဆိုးဝါးသောကျိန်စာတိုက်စေသနည်း။ ပြင်းစွာသောအမုန်းတရားက လူတစ်ဦး၏ ကျိန်စာနှင့် တစ် လောကလုံးကို ဩဇာအာဏာသက်ရောက်စေသနည်။း

ခရမ်းရောင်ဝတ်ရုံတိထျန်းက သူ့ခန္ဓာကိုယ်ထဲမှ အရိုးများ ငေါ့ထွက်လာသည့် နာကျင်မှုကို ခံစားနေရလေသည်။ ၎င်းသည်မှာ ပဉ္စမမြောက်ကျိန်စာဖြစ်သည်။

ထို့အပြင် ကျိန်စာက ပေါက်ကွဲအားပြင်းထန်စွာအသက်ဝင်လာပြီး ကောင်းကင်တွင် မိုးခြိမ်းသံများ တခြိမ့်ခြိမ့်ထွက်ပေါ်လာစေသည်။ လျှပ်စီးတစ်ဝင်းဝင်းဖြင့် ရွှေ ရောင်ဝတ်ရုံ တိထျန်း ၏လမ်းကြောင်းကို ထပ်မံပိတ်ဆို့လိုက်ပြန်သည်

၎င်းက ရိုးရိုးလျှပ်စီးမဟုတ်သလို ရွှေရောင်ဝတ်ရုံတိထျန်း၏လမ်းကို ရပ်တန့်စေမည့်အရာဖြစ်သည်။ သူ့ဖြစ်တည်မှုကို တစ်လောကလုံးက ငြင်းပယ်ခြင်းဖြင့် ဖြစ်ပေါ်လာခြင်းဖြစ်သည်။ ၎င်းတွင် ကောင်းကင်တရားစီရင်ခြင်းမှ လျှပ်စီးကြောင်းများနှင့် ညီမျှသော စွမ်းအားရှိပြီး မာန်‌ပြည်ထောင်၏ မြင့်မြတ်သော‌ မှော်စီးယာဉ်များနှင့် တူညီသော စွမ်းအားရှိသည်။

ကျယ်လောင်သောမိုးခြိမ်းသံအောက်တွင်၊ ခရမ်းရောင်ဝတ်ထားသည့်တိထျန်း၏ခြေထောက်များက မမြင်နိုင်သောလက်တစ်စုံ၏ဆွဲနှုတ်ခြင်းကို ခံလိုက်ရသည်။ ခရမ်းရောင်ဝတ်ရုံ၏ ခြေထောက်များမရှိတော့ပေ။

ဤသို့ဖြင့် စုမင်၏ ခြောက်ကြိမ်မြောက်ကျိန်စာ ပြီးမြောက်ခဲ့သည်...

“ပြီးတော့... မင်းရဲ့သွေးမျိုးဆက် အဆုံးသတ်ပြီး စိတ်ဝိညာဉ်တွေ ပြန့်ကျဲသွားပါစေ... မင်းခန္ဓာကိုယ် ပုပ်ပွသွားပြီး

ရိုးတွင်းချဉ်ဆီတွေခမ်းခြောက်ပါစေ... လှည့်လည်သွားလာနေတဲ့စိတ်ဝိညာဉ်တွေရဲ့ ကိုက်စားခြင်းကို ထာဝရခံရပါစေ...”

တိထျန်း၏ခန္ဓာကိုယ်က ပျက်ယွင်းစပြုလာပြီး စုမင်၏သတ္တမမြောက်ကျိန်စာ ပြီးမြောက်သွားလေသည်။

အနက်ရောင်မြူခိုးထုကြီးက တိထျန်း၏ ခန္ဓာကိုယ်ကို ဝန်းရံထားပြီးနောက် သူ့အမူအရာ အမျိုးမျိုးပြောင်းလဲသွားသည်။ ယခုအချိန်မှာ သူ့ဆံပင် အဖြူ

ရောင်သမ်းလာပြီဖြစ်သည်။ သူ့အသွင်အပြင် ပြောင်းလဲလာသည်နှင့်အမျှ သူက ဧကရာဇ်ဝတ်ရုံတိထျန်းမဟုတ်တော့ဘဲ သူစိမ်းတစ်ယောက်သာ ဖြစ်သွားသည်။

ထိုအချိန်တွင် သူစိမ်းတစ်ယောက်တွင်ရှိသောတိထျန်း၏တည်ရှိမှုက လျင်မြန်စွာ ပျောက်ကွယ်သွားသည်...

ထိုအချိန်တွင် စုမင်၏ အဋ္ဌမမြောက်ကျိန်စာ ရောက်ရှိလာသည် ။

လျှပ်စီးများ ဖျတ်ခနဲလင်းလက်သွားသည်။ ကောင်းကင်ရှိ သွေးနီရောင်ဝဲဂယက်များ အားလုံး ကွဲအက်သွားတော့သည်။ မြစ်ရေများက ဆူပွက်လာပြီး..ကောင်းကင်ကြီးမှ တော်လဲသံကြီးများထွက်ပေါ်လာသည်။ လွင်ပြင်များက ငလျင်လှုပ်သကဲ့သို့ အက်ကွဲပြုလာပြီး သက်ရှိသတ္တဝါများအားလုံး တုန်လှုပ်ခြောက်ချားနေကြလေသည်။

နောက်ဆုံးကျိန်စာက မာန်ပြည်ထောင်တစ်ခုလုံးနှင့် စုမင်တို့၏အာဏာသက်ရောက်မှုကို ပြီးပြည့်စုံစေခဲ့သည်။၎င်းနှင့်အတူ၊ တစ်ကမ္ဘာလုံးမှ ဖြစ်ပေါ်လာသော ငြင်းပယ်ခြင်း၏ တွန်းအားက ဦးတည်ရာသုံးခုဖြင့် လျင်မြန်စွာ ရောက်ရှိလာသည် ။

၎င်းတို့ထဲက တစ်ခုက စုမင် ရှေ့ရှိ ခရမ်းရောင်ဝတ်ရုံတိထျန်း၊ နောက်တစ်ခုက ပေတစ်ထောင်အကွာအဝေးမှာရှိနေသောရွှေရောင်ဝတ်ရုံတိထျန်းဆီသို့ပင် ဖြစ်သည်။

နောက်ဆုံးတစ်ခုက မြေပြင်ပေါ်ရှိ သောင်းနှင့်ချီသောအင်မော်တယ်များကြားတွင်ရှိသော ကောင်းကင်တာအိုမြူခိုးဂိုဏ်း‌ဆီသို့ ဖြစ်သည်။

ထိုနေရာက မူလက ဗလာဖြစ်နေသော်လည်း ထိုနေရာရှိ လေထုက တွန့်လိမ်ပုံပျက်သွားကာ အနက်ရောင် ခေါင်းတလားတစ်ခု ပေါ်လာသည်။

ထိုခေါင်းတလားကို မြေကြီးပေါ်တွင် ဒေါင်လိုက်ချထားပြီး ယခင်က ဝှက်ထားခဲ့သည်။ စုမင်တောင် မဖော်ထုတ်နိုင်ခဲ့ပေ။ သို့သော် ယခု မာန်ပြည်ထောင်ကညတိထျန်း ၏တည်ရှိမှုကို ငြင်းပယ်လိုက်သောအခါတွင် ပေါ်လာသည်။

ခေါင်းတလားပေါ်တွင် ရှုပ်ထွေးပွေလီသော မှော်သင်္ကေတများ မြောက်မြားစွာရှိသည်။ သူတို့က တောက်ပနေပြီး အားလုံးက လွန်စွာ ထူးဆန်းနေ လေသည်။

လေထဲတွင် ထိတ်လန့်တုန်လှုပ်ဖွယ် အသံတစ်ခု ထွက်ပေါ်လာသည်။ ခရမ်းရောင်ဝတ်ရုံတိထျန်း၏ ခန္ဓာကိုယ်က စုမင်ရှေ့တင် ကြေမွသွားလေသည်။ ထို့ပြင် မမြင်နိုင်သောလက်တစ်စုံက တိထျန်း၏ခြေလက်ကို ဆွဲဖြဲသကဲ့သို့

ဦးခေါင်းကိုလည်း ဆုပ်ကိုင်ထားလေသည်။ ထို့နောက် တိထျန်း၏ဦးခေါင်းပြတ်ထွက်သွားသည့်အခါ စုမင်၏ရှစ်ကြိမ်မြောက်ကျိန်စာ ပြီးဆုံးသွားပြီဖြစ်သည်။

“ငါ့ရဲ့အသက်...ငါ့ရဲ့စွမ်းအား..ငါ့ရဲ့ဖြစ်တည်မှုအားလုံးနဲ့.. ဒီမာန်ပြည်ထောင်မှာရှိတဲ့ တိထျန်းရဲ့ကိုယ်ပွားအားလုံးသေကြေပျက်စီးစေရန် ကျိန်ဆဲလိုက်တယ်..အခုကစပြီး ဒီကမ္ဘာကြီးက တိထျန်းတည်ရှိမှုကို တားမြစ်လိုက်ပြီ...”

ခရမ်းရောင်ဝတ်ထားသည့်တိထျန်း၏ ခန္ဓာကိုယ်က ဖုန်မှုန့်အဖြစ်သို့ ပြောင်းလဲသွားသည်။ လေထုထဲရှိ သူ့ခေါင်းက မည်းမှောင်သွားပြီး လျင်မြန်စွာ ဆွေးမြေ့ ပုပ်ပွသွားသည်။တိထျန်း ၏ တည်ရှိမှုသည် ကမ္ဘာမှ တွန်းလှန်သော စွမ်းအားကြောင့် ကျယ်လောင်သော ပေါက်ကွဲသံနှင့်အတူ ပျက်စီးသွားသည် ။

တိထျန်း၏ တည်ရှိမှု ပျောက်ကွယ်သွားသည်နှင့် တပြိုင်နက် ပထမအကြိမ်မှာ ပုပ်ပွနေသော ဦးခေါင်း၏ မျက်လုံးများအတွင်း ကြည်လင်မှု ပေါ်လာသည်။ သူ့မျက်နှာက တိထျန်း၏ပုံစံနှင့်မတူတော့ပေ။

တိထျန်းက သူတို့ကို ထိန်းချုပ်ခွင့်ရပြီး ရုပ်သေးရုပ်အဖြစ် ပြောင်းလဲခံရသော ကိုယ်ပွားများဖြစ်သည်။ တိထျန်းက သူတို့၏ခန္ဓာကိုယ်များကို အတင်းအကြပ်သိမ်းပိုက်ပြီး ၎င်းတို့ကို သန့်စင်ပေးကာ မာန်ပြည်ထောင်တွင် ဆင်းသက်ရန် သူ၏ကိုယ်ပွားများအဖြစ်သို့ ပြောင်းလဲခဲ့သည်။

ထိုအချိန်တွင် တိထျန်း၏ဆန္ဒက တင်းကျပ်စွာ သုတ်သင်ရှင်းလင်းခံရပြီး

သူ့ကိုယ်ပွားက နာကျင်စွာသေဆုံးရတော့သည်။ထိုလူက သူ့အမှတ်တရများကို ဖြည်းဖြည်းချင်း ပြန်မှတ်မိသွားခဲ့သည်။

သူ၏ ဦးခေါင်း၏ ကြီးမားသော အစိတ်အပိုင်းက ဆွေးမြေ့သွားပြီး လွန်စွာ ကြောက်မက်ဖွယ်ကောင်းနေ လေသည်။ သို့သော်သူ စုမင်ကိုကြည့်ရန် ခေါင်းငုံ့လိုက်သောအခါ သူ့မျက်လုံးများတွင် တည်ငြိမ်မှုရှိပြီး တခဏတာ အံ့အားသင့် နေလေသည်။ မကြာမီတွင် စုမင် ၏နှလုံးသားကို တုန်လှုပ်သွားစေသည့်အကြည့်အဖြစ်သို့ ပြောင်းလဲသွားသည်။

“မင်း အရွယ်ရောက်လာပြီပဲ..”

ဤစကားများက သူစိမ်းတစ်ယောက်၏ နှုတ်ဖျားမှ မရင်းနှီးသော စကားများသာဖြစ်သည်။ တိထျန်းက ကိုယ်တိုင်မပြောဘဲ ကိုယ်ပွားများမှ တစ်ဆင့်စကားပါးလိုက်ခြင်းဖြစ်သည်။တိထျန်း၏ကိုယ်ပွား မသေဆုံးမီ နောက်ဆုံးပြောခဲ့သော စကားများပင် ဖြစ်သည်။

ထိုစကားများအတွင်း၌ သက်တောင့်သက်သာရှိသော ခံစားချက်တစ်ခုပါ၀င်သော လေထုတစ်ခုရှိသည်။ ဦးခေါင်း လုံးလုံး ပျောက်ကွယ်သွားသော် ထို စကားများ ‌ဖြည်းညှင်းစွာမှေးမှိန်သွားလေသည်။

တိထျန်း၏ ဒုတိယကိုယ်ပွား ကွယ်လွန်သွားခဲ့သည်။

သူသေဆုံးပြီးချင်းတွင် ပျောက်ကွယ်သွားသည့်ဦးခေါင်းမှ ခရမ်းရောင် အနက်ရောင် ကျောက်တုံးကြီး ထွက်လာခဲ့သည်။ ၎င်းမှ ထူထဲသောယင်မရဏအရှိန်အဝါ ‌တရှိန်ရှိန် ပျံ့ထွက်လာသည်။ ထိုရောင်ဝါမှ စွမ်းအားလှိုင်းတွန့်များ ထွက်လာပြီး စုမင်၏ နှလုံးသားကို တုန်လှုပ်စေခဲ့သည်။

ထိုစွမ်းအားလှိုင်းကြောင့် စုမင်၏ ပင်ပန်းနွမ်းနယ်ပြီးထိုင်းမှိုင်းနေသောမျက်လုံးများက ပြူးကျယ်သွားစေခဲ့သည်။

မာန်ပြည်ထောင်တစ်ခုလုံးကို အာဏာသက်ရောက်သောကျိန်စာတစ်ခု ဖြစ်ပေါ်လာစေရန်သူ၏ အသက်၊ သူ၏ စွမ်းအားနှင့် သူ့အတွင်းရှိ အရာအားလုံးကို ပေးဆပ်ခဲ့သည်။ နောက်ဆုံးတွင် တိထျန်း၏ခရမ်းရောင်ဝတ်လုံဖြင့် ကိုယ်ပွားကို သတ်နိုင်စေခဲ့သည်။

သို့သော် ဤကိုယ်ပွားကို သတ်ရုံမျှဖြင့် စုမင်အတွက် အဖိုးတန်လွန်းလှသည်။

ထိုအချိန်တွင် သူ့တစ်ကိုယ်လုံး၌ ခွန်အားများ တစ်စွန်းတစ်စမျှ မကျန်တော့ပေ။ ချက်ချင်းပင် သူ မျက်လုံးကိုဖွင့်ကြည့်လိုက်သော် ခရမ်းရောင် ကျောက်တုံးကြီးကို မြင်လိုက်ရသည်။ သူ့ပါးစပ်ထောင့်မှ သွေးများစီးကျလာပြီး သူ့ခန္ဓာကိုယ်က မြေပြင်ပေါ်သို့ အရုပ်ကြိုးပျက်လဲကျသွားသည်။

သူ့မျက်လုံးရှေ့မှ လောကကြီးက တဖြည်းဖြည်း မှုန်ဝါးသွားကာ နောက်ဆုံးတွင် ဘာကိုမျှ မမြင်ရမီအထိပင်… သို့သော် ခရမ်းရောငါ ကျောက်တုံးကြီးမှ ပျံ့နှံ့ထွက်လာသော စွမ်းအားလှိုင်းများက သူနှင့်အလွန်ရင်းနှီးနေလေသည်။ ၎င်းတို့မှာ စုမင် ၏တည်ရှိမှု ရှိနေလေသည်။

သူလဲကျသွားသည့်အခါ ထောင်သောင်းမကသောအကြည့်များက သူ့အပေါ် ရောက်ရှိလာခဲ့သည်။ သူတို့၏မျက်လုံးများတွင် ရှုပ်ထွေးသောခံစားချက်များ၊ ကြောက်ရွံ့မှုနှင့်စိတ် သက်သာရာရမှုကဲ့သို့သော စိတ်ခံစားမှုအမျိုးမျိုးရှိခဲ့သည်။

ယခုအချိန်အထိ စုမင်၏ အမည်နာမကို မသိကြသေးပေ။ သူက မာန်ကျင့်ကြံသူတစ်ဦးဖြစ်ကြောင်းသာ သိကြပြီး၊ စကားလုံးများဖြင့် ဖော်ပြ၍မရသော ထူးဆန်းသောစွမ်းရည်များကို အသုံးပြုခဲ့သည်။ ထို့နောက် နတ်‌ဆိုးဂိုဏ်းနှင့် အင်မော်တယ်ဂိုဏ်းအားလုံး၏မျက်စိရှေ့တွင်...တိထျန်း၏ကိုယ်ပွားကို သတ်ပစ်လိုက်သည်။

စုမင်က တစ်စုံတစ်ခုကိုဖမ်းယူရန် ကြိုးပမ်းနေလေသည်။ ထိုအချိန်တွင် သူ့အသိစိတ်များ မျောလွင့်နေသော်လည်း ရင်းနှီးနေသော ခံစားချက်ကိုပေးစွမ်းသည့် ကျောက်တုံးကို ဖမ်းယူရန် သူ့လက်ကို အလိုလို မြှောက်လိုက်မိသည်။

လေထုထဲရှိ ခရမ်းရောင် ကျောက်တုံးက တုန်လှုပ်သွားပြီး စုမင်ဆီသို့ တန်းတန်းမတ်မတ် ဦးတည်နေသော အနက်ရောင်အလင်းတန်းဖြစ်သွားလေသည်။ ကျောက်တုံးက သူ၏နဖူးထဲသို့ဝင်ရောက်သွားပြီး ပျောက်ကွယ်သွားခဲ့သည်။

စုမင်၏ နှလုံးသားက တစ်သိမ့်သိမ့် တုန်လှုပ်သွားလေသည်။ မြေပြင်သို့ မရောက်မီ အချိန်မည်မျှကြာသွားသည်ကို မသိတော့ပေ။

သူ့အမြင်မှာ မှုန်ဝါးဝါးဖြစ်နေပြီဖြစ်သောကြောင့် သူ့ကိုယ်ကို မမြင်ရဘဲ အချိန်မည်မျှကြာလာသည်ကို သတိမထားမိတော့ပေ။ သို့သော် သောင်းချီသော အင်မော်တယ်များက စုမင် ကောင်းကင်မှ ပြုတ်ကျချိန်တွင် ဖြစ်ပျက်ခဲ့သမျှကို ရှင်းရှင်းလင်းလင်း မြင်နိုင်သည်။

လေထုထဲတွင် ကျယ်လောင်သောပေါက်ကွဲသံကြီး တစ်ခု ပဲ့တင်ထပ်လာသော်လည်း စုမင် မကြားနိုင်တော့သည်မှာ သနားစရာပင်။

ကျီအန်းက ကောင်းကင်၌ရပ်နေစဉ် စုမင်ကို ရံဖန်ရံခါ စိုက်ကြည့်နေလေသည်။ သူ၏အမူအရာက အဆက်မပြတ်ပြောင်းလဲနေပြီး တစ်ခါတစ်ရံ သတ်ဖြတ်လိုစိတ်များ ထုတ်လွှတ်နေပြီး တစ်ခါတရံတုံ့ဆိုင်းနေလေသည်။ စုမင်၏

လုပ်ဆောင်ချက်များက နတ်ဆိုးဂိုဏ်းနှင့်အင်မော်တယ်ဂိုဏ်းများကို အမူအရာအမျိုးမျိုး၊ စိတ်ခံစားချက်အမျိုးမျိုး ပြောင်းလဲစေခဲ့သည်။

စုမင်မြေပြင်ပေါ် လဲကျသွားချိန်မှာ လူတိုင်း ထိတ်လန့်သွားစေသော ထူးဆန်းသည့် မြင်ကွင်းတစ်ခုကို မြင်လိုက်ရသည်။

“မာန်ပြည်ထောင်ရဲ့ကံကြမ္မာက သူ့အပေါ်ကျရောက်သွားတယ်..”

ကျီအန်းက တိုးတိုးလေးပြောလိုက်သည် ။

စုမင် ပြုတ်ကျလာသောအခါ တိမ်စိုင်တိမ်လွှာများက ထိန်းထားပေးလေသည်။ မည်သည့်နေရာမှ ပေါက်ဖွားလာမှန်းမသိသော ငှက်များက စုမင်၏ ခန္ဓာကိုယ် ကွဲအက်သွားမည့် အန္တရာယ်ကိုပင် ထောက်ကူပေးသည်။

လေထုက နေရာတိုင်းမှာ ရှိနေလေသည်။ ထိုလေထုက စုမင်၏ ဆင်းသက်မှုကို နှေးကွေးသွားစေသည်။ ကမ္ဘာပေါ်ရှိ အရာအားလုံးက စုမင်အား ကရုဏာစိတ်နှင့် ဆက်ဆံပြီး သူ့ခန္ဓာကိုယ်ပေါ်တွင် ဒဏ်ရာတစ်ခုမျှ မရစေလိုပေ။

သူလဲကျသွားချိန် ထွက်ပေါ်လာသည့်အချိန်အတိုင်းအတာနယ်ပယ်များသည်လည်း လျင်မြန်စွာ ပျောက်ကွယ်သွားသည်။ လျှပ်စီးကြောင်းများက သူ့ကို ဝိုင်းရံထားသည်။ ပတ်ပတ်လည်ရှိ အခြားလူများကို သူနှင့် ခြေတစ်လှမ်းမျှပင် မနီးကပ်စေရန် သတိပေးလိုက်သည့် အနေအထားတွင်ရှိနေခဲ့သည်။

တကယ်တော့ ကောင်းကင်ရှိ မရေမတွက်နိုင်သောအဃာတဝိညာဉ်များကလည်း သူနိူးသွားမည်ကို စိုးရိမ်နေလေသည်။ ယခင်က မြေလွတ်များသာရှိသည့် အောက်ခြေတွင် စိမ်းလန်းသော မြက်ပင်များ အမြောက်အမြား ပေါက်ဖွားလာသည်။

ထိုမြက်ပင်များက မြေကြီးပေါ်တွင် အနည်းငယ်မျှသာ ကြီးထွားလာပြီး ၎င်း၏ ကြီးထွားမှု အရှိန်သည် ထိတ်လန့်ဖွယ်ရာ မြင်ကွင်းတစ်ခုဖြစ်သည်။ အရာအားလုံးကြောင့်စုမင်၏ ခန္ဓာကိုယ် ကျဆင်းသွားသည့် အရှိန်က ဆက်လက် နှေးကွေးသွားကာ နောက်ဆုံးတွင် မြေပြင်သို့ ရောက်သွားသည့်တိုင် သူ့ခန္ဓာကိုယ်တွင် ဒဏ်ရာအရိပ်အမြွက်မျှ မတွေ့နိုင်ပေ။

လောကကြီးက သူ့ကို ချစ်မြတ်နိုးခဲ့ပြီး မာန်ပြည်ထောင်၏ကံကြမ္မာကို သူ့ကိုယ်ပေါ်မှာ ပုံအပ်ထားခဲ့သည်။

ကျီအန်း ၏အမူအရာက တုံ့ဆိုင်းမှုနှင့် ရှုပ်ထွေးသောခံစားချက်များ ပြည့်နှက်နေလေသည်။ ထိုစဉ် စုမင် သတိလက်လွတ်ဖြစ်နေချိန်တွင် ရွှေရောင်ဝတ်ရုံတိထျန်းက ဒေါသတကြီး ကျယ်လောင်စွာ ဟိန်းဟောက်လိုက်လေသည်။ ထိုအချိန်တွင် သူ၏ခန္ဓာကိုယ်တွင် အနက်ရောင်မြူခိုးထုကြီး ဝန်းရံနေပြီး ထိုမြူခိုးက ကျိန်စာပင်ဖြစ်သည်။

မာန်ပြည်ထောင်၏ကျိန်စာက ခရမ်း‌ ရောင်ဝတ်ရုံတိထျန်း ဖျက်စီးပြီးနောက်‌ ရွှေရောင်ဝတ်ရုံတိထျန်းဆီသို့ ကျရောက်လာလေသည်။

ထိုကိုယ်ပွားက မြေပြင်ပေါ်မှာ လဲလျောင်းနေသောစုမင်ကို အမြန်လှည့်ကြည့်လိုက်သည်။ထိုအချိန်တွင် သူ့အမူအရာက ပြောင်းလဲသွားပြီး သူ့ခန္ဓာကိုယ်ထဲသို့ ပျံ့နှံ့နေသော ကျိန်စာ၏ စွမ်းအားကို သူ ဂရုမစိုက်ဘဲ စုမင် ဆီသို့ လျှောက်သွားသည်။

သူ၏ စွမ်းအားက ခရမ်းရောင်ဝတ်ရုံ ကိုယ်ပွားထက်သာလွန်ပြီး စုမင်က သူ့ကို တိုက်ရိုက်ကျိန်ဆဲခြင်း မရှိသောကြောင့် သူ လှုပ်ရှားနိုင်သည် ။

စုမင်ဆီသို့ အရှိန်လိုက်သော သူ၏အရှိန်မှာ မယုံနိုင်လောက်အောင် မြန်ဆန်လွန်းလှသည်။ ထိုအချိန်တွင် ကျီအန်းက သူ့ကို မတားခဲ့ပေ။ သူ့ပတ်ဝန်းကျင်ရှိအင်မော်တယ်အားလုံးကလည်း ဘေးနားမှာ စောင့်ကြည့်နေကြသည်။ ဤတိုက်ပွဲ၏နိဂုံးက လူတိုင်း၏စိတ်ကို ကျောက်တုံးဆွဲထားသကဲ့သို့ လေးလံစေလေသည်။

ထိုအချိန်မှာပင် စုမင်၏ မျက်လုံးများ ရုတ်တရက်ပွင့်လာပြီး အပြောင်းအလဲတစ်ခု ဖြစ်သွားသည် ။