အစီအစဉ်ကိုအပြောင်းအလဲကြောင့်မထိန်းနိုင်! ကိုလာဖြစ်နိုင်တဲ့ အမည်မသိသီးနှံ! ၂

Vol. 30 Ch. 445

သို့ရာတွင် ဂိမ်းစနစ်၏အထူးလက္ခဏာအရ အပင်ကိုနှိပ်လိုက်သည်နှင့် လိုအပ်သောမျိုးစေ့ကိုမြေမှာမစိုက်မချင်း မျိုးစေ့များအားလုံးတပြိုင်တည်းပြန့်ကျဲသွားလိမ့်မည်။

ဒီမျိုးစေ့တွေကပစ္စည်းကောင်းထုတ်နိုင်တယ်ဆိုရင် လက်တွေ့လောကမှာသူစိုက်ချင်သေးသည်။ ဂိမ်းထဲမှာအားလုံးမစိုက်ပစ်နိုင်။

ဂိမ်းထဲဝင်ပြီး အမည်မသိမျိုးစေ့ပါသောအိတ်ကိုထုတ်ကာ မျိုးစေ့များယူလိုက်သည်။ အနည်းငယ်သာချန်ပြီး သေတ္တာထဲပြန်ထည့်ထားလိုက်၏။

အလုပ်ပြီးလျှင် ချင်လင်ကမျိုးစေ့နှင့်ဂိမ်းထဲမှထွက်ပြီး လက်တွေ့လောကထဲပြန်လာခဲ့သည်။ ထို့နောက် ဂိမ်းဖန်သားပြင်ကိုပြန်ကြည့်၍ ဂိမ်းဇာတ်ကောင်အား သေတ္တာထဲမှမျိုးစေ့ထုတ်ပြီး စမ်းစိုက်စေသည်။

အဆင့် ၁ မြေမှာ စိုက်မရ။

အဆင့် ၂ မြေမှာလည်း စိုက်မရချေ။

တစ်ဖက်၌ အဆင့် ၃ မြေတွင်စိုက်နိုင်သည်ဟုပြနေသည်။

ဒီတော့ ဒီမျိုးစေ့က အနည်းဆုံးအရည်အသွေး ၂ ရှိရမည်။

ဒီလိုဆိုတော့ လူပုလေးအာနီက လူလိမ်ဆိုပေမဲ့ ကောင်းတဲ့အချက်တွေလည်းရှိသေးသား။

အဆင့် ၃ မြေရှိ အရည်အသွေး ၂ ဖရဲသီးမှာမှည့်နေပြီဖြစ်၍ ခူးမည်ကိုတန်းရွေးလိုက်သည်။ ထို့နောက် အဆင့် ၃ မြေကွက်တစ်ကွက်တွင် သေတ္တာထဲမှထုတ်လာသောအမည်မသိမျိုးစေ့ကိုစိုက်လိုက်သည်။

ညပိုင်း_

ချင်လင်က ကျောက်မိုချင်းရုံးခန်းသွားပြီး အလုပ်အတူတူဆင်းရန်သွားရှာလိုက်သည်။ သူအခန်းထဲဝင်ဝင်ချင်း ခွေးနှင့်မြေခွေးဖြူထိပ်တိုက်တွေ့နေသည်ကိုတွေ့ရသည်။ ရှောင်ရွှယ်က ကျောက်မိုချင်းစားပွဲပေါ်မှာနေပြီး ခဏခဏခေါင်းပြူထွက်၍အခြေအနေကြည့်နေသည်။ စားပွဲပေါ်တွင်ငုတ်တုပ်ထိုင်ပြီး သူ့ကိုကြည့်နေသောခွေးကိုမြင်လျှင် ချက်ချင်းခေါင်းပြန်ဝင်သွား၏။

ချင်လင်ဝင်လာသည်နှင့် မြေခွေးဖြူကတကျွက်ကျွက်အော်၍ပြေးလာပြီး ချင်လင်ဆီခုန်တက်သည်။ သူနှင့်ချိတ်ဆက်ထားသောကြောင့် သူ့စိတ်ထဲတွင် အရင်းနှီးဆုံးကချင်လင်ဖြစ်ပြီး ချင်လင်၏လက်ထဲတွင်အလုံခြုံဆုံးဟုခံစားရသည်။

ချင်လင်ကမြေခွေးဖြူကိုပိုက်ပြီး သူ့အကျင့်အတိုင်းအမွေးကိုသပ်ပေးလိုက်သည်။ မြေခွေးဖြူ၏အမွေးမှာအလွန်နူးညံ့ပြီး လက်နှင့်သပ်လျှင်အလွန်သက်သောင့်သက်သာရှိသည်။

ထိုမြင်ကွင်းကြောင့် ခွေးလည်းချင်လင်နားပြေးလာပြီး ထိုင်ချလိုက်၏။ သူ့ကိုအူလည်းအူ၊ အဖက်ခံချင်သလို သူ့လက်များကိုတောင် ဆန့်ထုတ်ပြနေသည်။

ချင်လင်ကခွေး၏သဘောကိုနားလည်သော်လည်း အခုဖက်မရသေး။ ထို့ကြောင့် သူ့လက်ဆန့်၍ ခွေးခေါင်းကိုပွတ်ကာနှစ်သိမ့်လိုက်သည်။

ဝူးဝူးဝူး!

ခွေးကစိတ်ကျေနပ်သွားပုံရသည်။ သူ့လက်များပြန်ချပြီး မြူးတူးစွာသူ့နောက်လိုက်လာ၏။

...

နောက်တစ်နေ့မနက်_

ချင်လင်နိုးသောအခါ အမည်မသိမျိုးစေ့ကရင့်လာပြီး အသီးသီးနေသည်ကိုတွေ့လိုက်ရသည်။

ဂိမ်းဖန်သားပြင်မှတဆင့် ဇီးသီးဟုထင်ရသော ခရမ်းရောင် 2D အသီးပုံကိုမြင်နိုင်သည်။

အပင်ကြီးထွားလာပြီး သစ်ပင်ပုံစံရှိသော်လည်း အလွန်နိမ့်သည်။ အပင်ပေါ်မှနံပါတ်အရ ရလဒ်ကအတော်မြင့်၏။

ချင်လင်ကချက်ချင်း သူ့ဂိမ်းဇာတ်ကောင်ကို အသီးနှင့်မှည့်နေသောသီးနှံများခူးစေလိုက်သည်။ ထို့နောက် သူကအပြင်ထွက်ပြီး ဂိုဒေါင်ဆီသွားလိုက်သည်။

ဒီနေ့အိမ်ဟောင်းပြန်သွားပြီး လီခိုင်ကိုခေါ်ကာ အထူးမြေကြီးသယ်ရဦးမည်။ ဒီတော့ မြန်မြန်လုပ်မှဖြစ်မည်။

ချင်လင်က ဂိုဒေါင်ရောက်ရောက်ချင်း ဂိမ်းထဲဝင်လိုက်၏။

ဂိမ်းသိုလှောင်ခန်းထဲရောက်သောအခါ အမည်မသိခရမ်းရောင်အသီးထားသောစားပွဲဆီအရင်သွားလိုက်သည်။

ခရမ်းရောင်အသီး၏တကယ့်ပုံစံက အရောင်ပိုရင့်သည်။ ဇီးသီးအရွယ်ရှိပြီး ဇီးသီးအပြာရောင်နှင့်လုံးဝတူသည်။

ချင်လင်ကတစ်လုံးယူကြည့်လိုက်ရာ အသီးကဂျယ်လီလိုပျော့အိအိဟုခံစားရသည်။

သူကအာရုံစိုက်ကြည့်လိုက်ရာ မှတ်ချက်ကိုတွေ့သည်:

(အမည်ပေးနိုင်သည် - အမည်မသိအသီး: အရည်အသွေး ၂)

(မျိုးစိတ်ပြောင်းသောဇီးပြာသီးဖြစ်ပုံရသည်။ အသုံးပြုလျှင် ကိုလာအရသာအရည်ထွက်မည်။ အလွန်အရသာရှိသည်:

အသား +၂၊ အရသာ +၂၊ လန်းဆန်းစေခြင်း +၂၊ ရေငတ်ပြေစေခြင်း +၂!)

အသီးနာမည်မသိသေးသော်လည်း မှတ်ချက်ကသူ့ကိုအံ့ဩစေသည်။ ဘာပဲဖြစ်ဖြစ် အသီးမှာကိုလာအရသာရှိတာ အလွန်အံ့ဩစရာ။

ချင်လင်ကချက်ချင်း အသီးကိုကောက်ပြီး ပါးစပ်ထဲထည့်လိုက်၏။ သူကိုက်လိုက်သည်နှင့် အရည်ကပါးစပ်ထဲစီးဝင်သွားသလိုခံစားရသည်။

အမှန်ပဲ။ ပါးစပ်ထဲမှာ ကိုကာကိုလာအရသာမျိုး။ အသီးတွေက အလွန်သန့်စင်သည်။

အသီးအရည်က ကိုလာမဟုတ်သော်လည်း လုံးဝကိုလာနှင့်ဆင်ပြီး အရသာတူနေသည်။

ဒါပေမဲ့ ဒါကအရေးမကြီး။ အရေးကြီးတာက အရသာနဲ့လန်းဆန်းစေတဲ့ခံစားချက်က ကိုလာထက်အများကြီးပိုကောင်းသည်။

''ဒီအရသာက အံ့ဩစရာပဲ... ကိုလာသီးပဲခေါ်လိုက်တာကောင်းမယ်''

ချင်လင်ကတစ်လုံးစားပြီး နောက်တစ်လုံးထပ်ယူကာ ပါးစပ်ထဲထည့်လိုက်သည်။

ဒီတစ်ကြိမ်တွင် စနစ်ကတုံ့ပြန်သည်:

(ကိုလာသီးဟု အမည်ပေးလိုက်ပါပြီ!)

ကိုလာသီးလေးငါးလုံးစားပြီး ချင်လင်ကမရပ်ဘဲစားချင်နေမှန်းသိသည်။ အရသာက ကိုလာသောက်ရတာထက်အများကြီးကောင်းနေသည်။

လူတွေဘာလို့ကိုလာသောက်ရတာကြိုက်လဲ? အားရပါးရတစ်ငုံသောက်လိုက်ရင် လန်းဆန်းသွားတဲ့ခံစားချက်က တကယ်ကောင်းလို့ပေါ့။ တခြားဖျော်ရည်များအစားမထိုးနိုင်သောသောက်စရာတစ်ခုပင်။

အရည်က ကိုလာဟုတ်ဟုတ်မဟုတ်ဟုတ်၊ ဒီလိုအရသာမျိုးရှိတာက အံ့ဩစရာ။

နောက်ပြီး ကိုလာရဲ့လန်းဆန်းစေတဲ့အရသာမျိုးနဲ့ အသီးရဲ့အခွံနဲ့အသားကလည်း ဂျယ်လီလိုဝါးစားနိုင်သည်။ အရသာနဲ့စားကောင်းပုံက သေချာပြောပြလို့မရ။

ဒီအသားနဲ့အရသာရယ်၊ လန်းဆန်းစေတယ်၊ရေငတ်ပြေစေတယ် ဒီအရည်အသွေးတွေရှိတာ ဘာအဓိပ္ပါယ်လဲ?

တကယ်လို့ ဒီအသီးကိုကျယ်ကျယ်ပြန့်ပြန့်စိုက်နိုင်ရင် စျေးကွက်ထဲကကိုလာထုတ်ကုန်တွေကို နင်းချေပစ်နိုင်ပြီပေါ့။

နောက်ပြီး ကိုလာက ကာဗွန်ပါတဲ့ဖျော်ရည်၊ အသီးအရည်မှာက မပါသော်လည်း ကိုလာလိုအာနိသင်မျိုးရနိုင်သည်။

ထို့ကြောင့် သူတစ်ခုခုတွေးမိသည်။

နိုင်ငံထဲက ကာဗွန်ပါတဲ့ဖျော်ရည်စျေးကွက်မှာ ကိုကာကိုလာနဲ့ပက်စီရဲ့ရှယ်ယာက ၈၀% ကျော်သည်။

ကိုကာကိုလာက စျေးကွက်ရှယ်ယာ ၄၅% သိမ်းပိုက်ထားပြီး ထိပ်ဆုံးမှဦးဆောင်ကာ ပက်စီက ၃၈% နှင့် ဒုတိယနေရာလိုက်သည်။

အဓိကအကျဆုံးက ဒီကိုလာနှစ်မျိုးလုံးမှာ ရှင်းကျန့်တယ်မှထုတ်ကုန်များဖြစ်ပြီး နိုင်ငံထဲတွင် ဝင်ငွေကောင်းသော ရှင်းကျန့်တယ်ကုမ္ပဏီ၏ပုံမှန်ကိုယ်စားလှယ်များရှိသည်။

ဘဏ္ဍာရေးအစီရင်ခံစာအရ မနှစ်က ပက်စီ၏ဝင်ငွေမှာ US ဒေါ်လာ ၃၄ ဘီလီယံအထိရှိခဲ့ပြီး အများစုက တရုတ်ပြည်မှထုတ်လုပ်ခြင်းဖြစ်သည်။ ထို့အပြင် ထိုဝင်ငွေတစ်စိတ်တစ်ပိုင်းက နုံဖူနွေဦး၏စစ်မှန်သောဖျော်ရည်ဌာနဝင်ငွေထက် ကျော်လွန်နေသည်။