ချင်လင်: ခြိမ်းခြောက်တာ?

မြို့စားနှင်းဆီပေါက်သွားသည်။

အစကသရုပ်ပြသက်သက်ဟုထင်ခဲ့သောဗီဒီယိုမှာ ပန်းကတကယ်အံ့ဩစရာကောင်းမှန်း ရုတ်တရက်သိသွားပြီး လန့်သွားကြသည်။

ထို့နောက် မြင်ကွင်းကလုံးဝပြောင်းသွား၏။

အတွေးတိမ်လွန်းသွားသည်။ ချင်းလင်စံအိမ်က ဒီပန်းမျိုးတကယ်ရနိုင်မှန်းပေါ်သွား၏။

''ပန်းကအစစ်ဆိုရင် သန့်စင်ခန်းပေါက်မှာထားတာ အကွက်လှတာပဲ''

''မင်းရဲ့သစ္စာတရားနဲဂုဏ်ကျက်သရေက ငါ့သန့်စင်ခန်းပေါက်မှာပဲအနံ့ရှူရမယ်''

''ဟား ဟား... အင်တာနက်သုံးတဲ့သူတိုင်း ဟိုရှီနိုကိုသွား... လိုင်းပေါ်တင်... ဟား ဟား''

''ပါမောက္ခလီခိုင်က SMA ဆေးကုန်ကြမ်းပြဿနာကိုဖြေရှင်းပြီးရုံရှိသေး... အခု အရင်းရှင်နိုင်ငံရဲ့ပန်းကိုနှစ်ပြားမတန်အောင် ထပ်လုပ်တော့မယ်!''

''ပါမောက္ခလီခိုင်က အံ့ဩစရာလို့ပဲ​ပြောရတော့မယ်!''

“......”

မြို့စားနှင်းဆီရုတ်တရက်နာမည်ကြီးလာသည်နှင့် ပါမောက္ခလီခိုင်လည်း အကြောင်းအရင်းမရှိနာမည်ကြီးလာသည်။





ချင်းလင်စံအိမ်မီဒီယာခန်း_

လီခိုင်ကထန်ရှိုးဝမ်ဘေးထိုင်ပြီး သူမအချက်အလက်ဖြည့်နေသည်ကိုစိုက်ကြည့်နေသည်။

အချစ်ဦးနှင့်တွေ့သောကောင်လေးနှင့်မခြားပေ။ တစ်ကိုယ်တည်းဘဝမှထွက်ရုံရှိသေး၊ သူ့ကောင်မလေးကိုအမြဲတကပ်ကပ်နှင့်။ အထူးသဖြင့် ညပိုင်းဆိုပိုကပ်ချင်သည်။

လီခိုင်မှာအမြဲဒီလိုအခြေအနေနှင့်၊ အထူးသဖြင့် သူ့လိုသစ်ပင်ဟောင်းကြီးအဖို့ အသက်ပြန်ဝင်လာသလိုဖြစ်နေသည်။ စိတ်ဓာတ်ကျနေသောလူပျိုသိုးကြီးဘဝမှထွက်လာပြီး ဝရုန်းသုန်းကားပင်။

အပြင်မှသူနာပြုဆရာမလေးက ရုတ်တရက်သူမဖုန်းနှင့်အပြေးဝင်လာပြီး_

''ပါမောက္ခလီ... ရှင်နာမည်ကြီးနေပြန်ပြီ... ရှင်ကအံ့မခန်းပဲ''

''ဘာ?'' လီခိုင်ရုတ်တရက်ကြောင်သွားသည်။

အခုကဘာဖြစ်တာလဲ?

သို့ရာတွင် သူနာပြုကဖုန်းကိုစားပွဲပေါ်တင်ပြီး ဗီဒီယိုဖွင့်ပြသည်။ ရေပန်းစားမှုနောက်မျှောလိုက်ချင်သော Weibo အသုံးပြုသူတစ်ယောက်ကတင်ထားသည့် လီခိုင်အကြောင်းဗီဒီယိုတစ်ပုဒ်ဖြစ်သည်။

''ပြောရဦးမယ်... တချို့လူတွေက အချိန်နဲ့အမျှ လူတိုင်းကိုအံ့ဩအောင်အမြဲလုပ်နိုင်တယ်... ကျွန်တော်ပြောနေတာ ပါမောက္ခလီခိုင်အကြောင်းပါ... SMA ဆေးဝါးကုန်ကြမ်းပြဿနာကိုသူဖြေရှင်းခဲ့တာ အားလုံးအသိပါ''

''ဟုတ်ပါတယ်... ပါမောက္ခလီခိုင်က ကြီးကြီးမားမားလုပ်လိုက်ပြန်ပါပြီ... သူကမြို့စားနှင်းဆီကိုထပ်ပြီးပျိုးထောင်လိုက်ပါတယ်... ဒီပန်းအကြောင်းဗီဒီယိုကိုမိတ်ဆွေအတော်များများမြင်ပြီးလောက်ပါပြီ... ဒီပန်းကတကယ်အံ့ဩစရာ ဖီရှိုးပါ''

''ပါမောက္ခလီခိုင်က မြို့စားနှင်းဆီကိုပျိုးထောင်နိုင်ရုံတင်မကဘူး''

ဗီဒီယိုဘလော့ဂါက မြို့စားနှင်းဆီရှားပါးပုံအကြောင်း၊ သူကိုယ်စားပြုတဲ့ထူးခြားချက်အကြောင်း ရှင်းပြထားသည်။

သောက်! သောက်! သောက်!

ဗီဒီယိုကြည့်ပြီးလျှင် လီခိုင်မှာသူ့တကိုယ်လုံးထုံထိုင်းသွားသလိုလို။

ဒယ်အိုးဇောက်ကြီးပဲ။

ဒါပေမဲ့ ဒီတစ်ခါ သူဘာမှမတတ်နိုင်။





''ပါမောက္ခလီ... ရှင်တကယ်အံ့ဩဖို့ကောင်းတာပဲ... ဒီလိုပန်းမျိုးကို ထပ်ပြီးပျိုးထောင်လိုက်တယ်!''

သူနာပြုက လေးစားသံနှင့်ပြောလိုက်သည်။

လီခိုင်ကရှင်းပြချင်သော်လည်း ထန်ရှိုးဝမ်ကရွှန်းလဲ့သောမျက်လုံးများနှင့်ကြည့်လာပြီး_

''စီနီယာအစ်ကိုလီ... ရှင်ကတကယ်အံ့ဩစရာပဲ!''

ဟုတ်ပြီလေ။ အခုလီခိုင်ရှင်းပြချင်ရင်တောင် သူ့ကိုယ်သူမရှင်းနိုင်တော့။ ကိုယ်ချစ်ရတဲ့အမျိုးသမီးက လေးစားမှုနဲ့ကြည့်နေတာကိုမခံချင်တဲ့သူရှိမလား?

သို့သော် မြို့စားနှင်းဆီသူတကယ်မသိ။ ညီလေးချင်က အထူးမြေကြီးသုံးပြီးစိုက်ထားတာဖြစ်ရမည်။

မှားပြန်ပြီ။

ဒီတစ်ခေါက် သူနဲ့ညီလေးချင်ပြန်သယ်လာတဲ့အထူးမြေကြီးအပြင် အနောက်ဘက်ခြံဝင်းထဲကစိုက်ခင်းမှာသာ အထူးမြေကြီးရှိသည်။ မြို့စားနှင်းဆီပျိုးထောင်ဖို့ အထူးမြေကြီးသုံးတာသူမတွေ့မိ။

ကြည့်ရတာ ညီလေးချင်က တခြားနေရာမှာအထူးမြေကြီးချန်ထားတာများလား။

သို့ရာတွင် သူ့နောက်ခံမိသားစုကြောင့် သူလည်းနားလည်သည်။ ဘိုးတော်ကမကြာခဏပြောလေ့ရှိသည်- 'အတော်များများကိုကြိုတင်ပြင်ဆင်ထားရမယ်'တဲ့။ ဉာဏ်များတဲ့ယုန်ကလေးနဲ့ ဝပ်ကျင်းသုံးကျင်း၊ ကိုယ့်နောက်ခံအကြောင်းအစစအရာရာကို သူများကိုပေးသိလို့မဖြစ်ပေ။

ညီလေးချင်က ဒီလောက်တော်တဲ့သူ။ တခြားပြင်ဆင်မှုတွေမရှိဘဲနေမလား?

အချိန်ကုန်လွန်သွားသည်။

မြို့စားနှင်းဆီမှာ ပိုပိုပြီးနာမည်ကြီးလာသည်။

ဘာပဲဖြစ်ဖြစ် ရှင်းကျန့်တယ်အတွက်ဒီပန်းရဲ့ထူးခြားမှုအကြောင်း လူတိုင်းသိသွားပြီ။

အခုသန့်စင်ခန်းပေါက်ထားသောပန်းကို သတိမထားမိဖို့မဖြစ်နိုင်တော့။

ဒီလိုအခြေအနေမျိုးမှာ လူတိုင်းကအထူးတလည် like လာပေးပြီး_ ''ကောင်းတယ်ဟေ့!'' ဟုမှတ်ချက်ရေးကြသည်။





နောက်ပြီး ဟိုရှီနို၏ဝဘ်ဆိုဒ်တွင် ဗီဒီယိုနှင့်သတင်းတင်သူ အမှန်ပင်ရှိလာသည်။

ရလဒ်ကတော့ သိသိသာသာ။

မည်သို့ဆိုစေ ရှင်းကျန့်တယ်မှပြည်သူ ၉၉% မှာ ဂန္တဝင်မြို့စားနှင်းဆီကိုတွေ့ဖို့အခွင့်အရေးမရှိ။

အခုပန်းကို သန့်စင်ခန်းပေါက်ထားထားပြီဆိုတော့ ဘယ်သူမဆိုကြည့်နိုင်ပြီ။ သူတို့ကိုအရှက်ခွဲသည်ဟုခံစားရရုံသာမက အိန္ဒြေလည်းပျက်စေသည်။

ဘာပဲဖြစ်ဖြစ် ဒါသူတို့နိုင်ငံရဲ့ကိုယ်ပိုင်ရတနာ။ သူတို့ကိုယ်တိုင်မမြင်နိုင်သော်လည်း တခြားနိုင်ငံကလူတွေ စိတ်တိုင်းကျကြည့်နိုင်သည်တဲ့။

ဘာတွေဖြစ်ကုန်တာလဲ?

အချိန်တစ်ခုအထိ ဟိုရှီနို၏သတင်းကွန်ရက်တွင် 'သောက်' '-ျီး' ဟုဆဲရေးတိုင်းထွာသောမှတ်ချက်များနှင့်ပြည့်သွားသည်။

ဒါသူတို့အနိုင်ပိုင်းခံလိုက်ရတာလည်းဖြစ်နေသည်။ ဘာပဲဖြစ်ဖြစ် မြို့စားနှင်းဆီက သမုဒ္ဒရာရဲ့တစ်ဖက်ကမ်းမှာ။ သူတို့ဘာမှမတတ်နိုင်၍ ဆဲသာဆဲနေရသည်။

ထိုဒေါသတကြီးဆဲရေးထားသောမှတ်ချက်များကိုလည်း ss ရိုက်ပြီး အင်တာနက်ပေါ်တွင်တင်ကြသည်။

ဒါကပိုတောင်ပေါက်သွား၏။

ဘာရယ်မဟုတ် ထိုဒေါသတကြီးမှတ်ချက်များကိုမြင်သူတိုင်းက စိတ်ကျေနပ်သွားသလိုလို။

ဒီလိုနာမည်ကျော်ပုံက ဝက်ဝံနှစ်ကောင်တိုက်ပွဲကိုတောင်အုပ်သွားသည်။

ဘာပဲဖြစ်ဖြစ် ဝက်ဝံနှစ်ကောင်ကိစ္စနဲ့ပတ်သက်ရင် အရင်းရှင်နိုင်ငံကခုန်ဆွခုန်ဆွလုပ်နေတာကို ကြည့်ပဲကြည့်နေရသည်လေ။

တစ်ဖက်တွင် မြို့စားနှင်းဆီဖြစ်ရပ်က သူတို့ကိုရယ်စရာ၊ စက်ဆုပ်စရာဖြစ်စေသည်။

ချင်းလင်စံအိမ်ကိုဒါမျိုးမပျိုးထောင်ဖို့၊ သူတို့ဂုဏ်ကျက်သရေကိုမစော်ကားဖို့ ဝေဖန်သူများလည်းရှိသည်ပင်။ မြို့စားနှင်းဆီကိုယ်စားပြုသော သစ္စာတရားနှင့်ဂုဏ်ကိုသင်ယူဖို့လည်း လူတိုင်းကိုမေတ္တာရပ်ခံထားသည်။

''မြို့စားနှင်းဆီရဲ့သစ္စာတရားနှင့်ဂုဏ်ကိုသေချာသိနေသရွေ့ ကျွန်တော်တို့နားလည်နိုင်မယ်... ကမ္ဘာကြီးက သဟဇာတဖြစ်လိမ့်မယ်...''

ဒီပန်းကိုအရင်းရှင်နိုင်ငံဆီလှူဒါန်းဖို့၊ တောင်းပန်စာရေးတင်ပြီး သူတို့ခွင့်လွှတ်မှုရယူဖို့ တိုက်တွန်းသူတွေတောင်ရှိသည်။

ဒီလူတွေကို ချင်လင်ကနည်းနည်းမှဂရုမစိုက်။ သူတို့က ဘေးထိုင်ဘုပြောတွေ။

ဒီလိုတက်လိုက်ဆင်းလိုက်သစ္စာနဲ့ဂုဏ်မျိုးကိုလေ့လာပြီး နေရာတကာလိုက်ဒုက္ခပေးမည်မဟုတ်ပေ။

အချိန်ကုန်လွန်သွားသည်။

မြို့စားနှင်းဆီဖြစ်ရပ်မှာ နောက်နှစ်ရက်လောက်ဆက်တက်နေပြီး အင်တာနက်ပေါ်မှလူတိုင်းသိကုန်သည်။ ထို့နောက် အတော်များများက ချင်းလင်စံအိမ်သွားပြီး မြို့စားနှင်းဆီကြည့်ရန်စိတ်ကူးပေါက်လာကြလေသည်။